نقاش في ظاهرة الصوفانية

[نبيذومطر]

رد: نقاش في ظاهرة الصوفانية

اي هات ابعتلي لشوف

لحنا سام ما عم ندقق عالحرفية بالنقل لحنا عم ناقش هالفكرة و تاثيرا يعني اول انطرح هل هو دعوة لشيعة او ظائفة جديدة اجت بمحلا فهمت عليي

كمان انا لا مع و لا ضد عم بتناقش

هوه هون الفكرة

أسلوب التفسير مفترض قصص كثير كبيرة و كثير بعيدة لدرجة ( هل هو دعوة لشيعة أو طائفة جديدة ؟ ) و طبعاً هالحكي مو مزبوط جملة و تفصيلا ، لأنو واضح أنو الرسائل بتتفسر بغير أسلوب كمان

إي شبيبة ... خلصت ( العركي) ؟؟؟؟

على مهل .. شوي شوي .. على شو مستعجلين ؟؟ .. !!

فينا ناخد الحكاية نقطة نقطة ؟؟

و أكيد حبيبنا أبو السيم ابعتلي كمان ..

بالنسبة لموضوع مع و ضد ..

أنا ضد .

لأنو بعرف إنو موضوع الصوفانية غلط

و أنا ضد أي شي غلط

من أغلاطي الشخصية .. و إنتا ماشي

بالنسبة لموضوع الحرفية

مطلوب الحرفية + الفهم ..

بالأمور العقائدية الحرفية مطلوبة ..

بس طبعا ً مو على حساب الفهم ..

شوفو هالآية : ( لو 10 : 25 )

25 و إذا ناموسي قام يجربه قائلا يا معلم ماذا أعمل لأرث الحياة الأبدية
26 فقال له ما هو مكتوب في الناموس كيف تقرأ ؟
شو مكتوب بالناموس + كيف بتقرا ؟؟

يعني في مرحلتين لنوصل للحقيقة بالكتاب المقدس ..

إنو نقرا + إنو نفهم ..

نسيت ما أعطي مثال عن الحرفية :

إنو نقول :

بؤمن بالآب و الابن و الروح القدس

غير إنو نقول :

بؤمن بالآب أو الابن أو الروح القدس

حرف واحد

واااااااااااااااحد

شوفو شو بيعمل ..

و هادا طبعا ً مثال من بحر أمثلة ..

يسعدلي مساك
موضوع الحرفية فيه اشكال على طول ، رح اقتبس المثال يلي انت طرحتو :

إنو نقرا + إنو نفهم

هدا الطرح الكثير حلو ، لازم نقرا ، بعدين نفهم
طيب
بالمرحلة الثانية يلي الها علاقة مباشرة بتفسير الكلام المكتوب أو المقروء لحتى نقدر نفهمو
هون بيصير اللغط أحياناً
يعني لاحظ معي :
كل شي وارد بالرسائل ( اذا تركنا كلمة لتخلقني لآخر الرد )
مثل ما تفسر بأسلوب معين بصلب الموضوع
انا فسرتو بكل بساطة بأسلوب مختلف تماماً
و بيعطي غير معنى عالخالص و بشكل نقيض لأسلوب الموضوع
و انا لهلق بتمنى من اي شب أو صبية
ملاقي في مشكلة بالاسلوب يلي فسرت فيه الرسائل
يحط ايدو بالضبط على المطرح يلي بيشوف فيه غلط بالتفسير

لأنو أنا كل شي عملتو اني فكرت بغير أسلوب
انتقلت من منطق معين بالتفسير لمنطق ثاني مختلف عنو
و شفت اذا في شي غلط بالكلام
لقيت ما في شي لا عن شيعة جديدة ولا عن طائفة جديدة و لا أي شي من هدا النوع

بالنسبة لفكرتك أنو انت ضد ، أكيد هي حريتك و قناعاتك و حقك تقول عن اي شي غلط بنظرك انو غلط ، و حق أي شخص مو ملاقي غلط أنو يقول ما في غلط ، و حق أي شخص يقول أنا لا مع ولا ضد لأنو بيجوز يصير هيك شي و بيجوز لأ و حق أي شخص .. إلخ
بس مجرد ما نفترض الاطلاق
مباشرة بيصير في احتمال كثير كبير حدا يرد علينا لأنو هيك عم نحرمو حقو بانو يختلف أو يتفق معنا بقناعاتو
و هدا الحكي بينسحب كمان على كل المؤسسات المسيحية و من كل الطوائف
على طول في باب للنقاش و للسؤال
و ليش هيك مو هيك
و ليش في هي التوجيهات مو هي التوجيهات
.. إلخ و المؤسسة الكنسية الصادر عنها التوجيه
بتفسر للرعية و بتشرحلن ليش
و بتسمع رأيهن و نقاشاتهن
و السبب أنو نحنا هيك
نحنا اسمنا مسيحيين
غير مغيبين ايمانياً



بالنسبة لقصة الحرف
و المرتبطة بكلمة ( لتخلقني )
بيجوز في شوية ضباب عالكلام يلي انقال لذلك رح ارجع عيد :

1_ الكلمة بحد ذاتها بالنسبة الي مرفوضة و مو مقبولة

2 _ افترضنا أنو ممكن يكون في غلط بالنقل عن ميرنا ذات نفسها ( يعني نحنا كبشر كثير منستخدم كلمة " خلقت " بدل " ولدت " و اتفقنا أنو بيجوز ميرنا ذات نفسها كوحدة من هالبشر ممكن تكون غلطانة بالنقل ، و ممكن يكون الغلط بالنقل بمطرح ثاني ، المهم أنو في مجال ليكون في غلط بالنقل )

3 _ مع افتراض أنو ممكن يكون في غلط بالنقل ، أخدت الجملة بمعناها المقصود ، يلي هوه التأكيد على أنو السيد المسيح هوه الأساس و بتحبوا خبركن السبب ؟
السبب أني زاير الصوفانية مرتين ، مرة بصغري ، و مرة عن جديد السنة الماضية
و بضمن الزيارة الماضية استغربت شي معين
ميرنا لما قعدت لتحكي عن تجربتها كانت و بطريقة مقصودة عم ترجع تأكد ورا كل فكرة ( و تحديداً لما تحكي عن السيدة العذراء ) أنو السيد المسيح هوه الأساس
و مع معرفتي بواقعنا أو عالقليلة الأسلوب يلي بيتجرب فيه أحياناً يتقلل من أهمية بعض الحوادث العجائبية يلي بتصير بدير صيدنايا على سبيل المثال و بينقال أنو مو مرتبطة بالمسيحيين أو بالدين المسيحي تحديداً ، دارتلي الفكرة و فهمت ليش هالتأكيد


بالآخر و مشان المثال يلي هوه ببساطة :
الناصرة

هلق مشان نختصر الوقت ، يلي ما فهم عليي شو قصدي يبعتلي رسالة خاصة

[Spike9/11]

" و مرة عن جديد السنة الماضية
و بضمن الزيارة الماضية استغربت شي معين
ميرنا لما قعدت لتحكي عن تجربتها كانت و بطريقة مقصودة عم ترجع تأكد ورا كل فكرة ( و تحديداً لما تحكي عن السيدة العذراء ) أنو السيد المسيح هوه الأساس".
ذكرتني باعمال الرسل: وان امرأة كانت بها روح عرافة....بكملك القصة ولا تذكرتها؟؟

[Molham Haddad]

رد: نقاش في ظاهرة الصوفانية

ابو السيم شكرا اول شي

بس كلمة الناصرة شو
قصدك فيها

وبدون شغلة الرسائل الخاصة

لأنو هيك بنكون عم نبتر الموضوع

[Maximos]

رد: نقاش في ظاهرة الصوفانية

الحبيب أبو السيم ..

فيك تفسر على كيفك .. إذا كان الهدف هوّي الجدال بس ..

أما إذا المطلوب هوّي الحقيقة .. بيختلف الوضع ..






أما موضوع إنو (( نظرت للموضوع نظرة تانية )) ..

هادا بيندرج تحت تصنيف المدرسة السكولاستيكية ..

و بهيّ المدرسة بالتفكير مو مهم شو هيي الحقيقة ..

المهم بس إنو في موجودات .. و في فكرة براسنا حاببين نثبتا ..

فا .. مننطلق من هالموجودات باتجاه الفكرة شو ماكانت الطريقة ..

بالنسبة لموضوع (( خلقتا لتخلقني ))


حبيبنا .. بما إنك رحت لهونيك .. لازم يكون عندك كتاب الصوفانية للأب الياس زحلاوي ..

افتاح على الصفحة 131 - 132

وقت الانخطاف ميرنا بتكون عم تحكي ( متل ما بيفترضو ) بفم المسيح ..

يعني مو سمعت الرسالة و بعدين نقليتا ..

هون النقل مباشر .. لايف حبيبنا ..

فا .. مشان هيك هالافتراض فاشل من أساسو ..

و بيذكر الأب زحلاوي إنو كل الموجودين بالغرفة وقتا انصدمو بهالحكي ..

و سألوها بعد ما رجعت من الانخطاف ..

و كان جوابها إنو أكدت حرفية الكلام ..

و رغم هالشي .. الأب زحلاوي ما نشر هالحكي لبعد ما استشار صديقهم المشترك أنطون مقدسي ..

و هادا كمان دليل عدم قبول ..

و دليل إنو صار تدقيق كبير بالموضوع ..










هللأ .. اللي صار هون بالنقاش إنو تم عرض أفكار كتيرة ..

منها المهاجم لهالظاهرة .. و منها اللي إنتا كتبتهم ..

هيك صارت الحكاية شوربة ..

مشان هيك أنا طلبت بمشاركتي الماضية إنو نمشي نقطة نقطة ..




و المثال اللي حكيت حبيبنا إنو رح تبعتو برسالة خاصة .. لسا ما وصلني ..

و أنا بفضل إنو كلشي يكون هون..

و إذا خارج عن الموضوع افتحلو موضوع جديد..

أنا - عن حالي - ما عندي مشكلة بأي موضوع ..

حتى لو شافو البعض إنو مهاجم للمسيحية أو أي شي تاني ..









عن موضوع التفسير ..


بنفس المدينة .. الاسكندرية .. كان في شخصين ..

كل واحد منهم معو إنجيل .. نفس الانجيل معهم ..

أول واحد فهمو من خارج الكنيسة .. و افترض طريقة على كيفو للفهم ..

و الحصيلة كان أشهر الهراطقة .. آريوس ..

و تاني واحد فهم الانجيل من خلال الكنيسة و كتابات الآباء ..

و صار قديس كبير و مدافع قوي عن الإيمان المستقيم ..

و اللي هوّي القديس أثناسيوس الكبير ..






فا .. طريقة الفهم و التعاطي و التفسير ..

هيي بتحدد شو هوّي هدفنا ..

و هيي بتحدد نحنا مين ..

[نبيذومطر]

رد: نقاش في ظاهرة الصوفانية

يسعدلي ايامكن

أول شي حقكن عليي عالتأخير يلي هالمرة سببو تقني بحت مو قصة غيبة ولا غطة

بالنسبة للرد الجديد :

أخ جوجو :smily (24):

بهادا الرد يلي مكتوب انت انتقلت من مطرح لمطرح ، يعني بدل ما تناقش بالأفكار يلي طرحتها ، انتقلت لتتهجم عليي بشكل شخصي كـ نبيذ و مطر ، ما بعرف ليش ..

بكل الأحوال رح عددلك ياهن :

1_ هي بالأول :

( فيك تفسر على كيفك .. إذا كان الهدفهوّي الجدال بس ..

أما إذا المطلوب هوّي الحقيقة .. بيختلف الوضع .. )

طبعاً هدا اتهام باني عم جادل كرمال جادل و لبعد عن الحقيقة و كأنما أنا بدي شوهها ، بينما اذا بدي الحقيقة لازم اقتنع بالمكتوب بدون حتى ما اسأل !

طيب أخ جوجو ، عد معي :

_ أول مين فسر على كيفو ، هوه صاحب الموضوع ذات نفسو ، و اعتمد 3 مستويات :

* مستوى أول : اجتزء مقاطع من الرسائل حس أنو ممكن يتعلق عليها
* مستوى ثاني : فسر هي المقاطع على كيفو و بقصد التشكيك و الاستهداف و ما رح احكي هلق عن المقاصد الثانية بصلب الموضوع ، بس لاحظ معي أنو كاتب الموضوع ، مرة اعتمد تفاسير ضمنية مثل هون ( تعليم غير مباشر لكن واضح ) ، و مرة فسر بأسلوب حرفي ( أمثلة كثيرة بصلب الموضوع ) ، يعني فعلياً هوه استخدم أكثر من أسلوب للتفسير و كل مرة شكل ، بس لحتى يسوق الموضوع كلو لجهة معينة
* مستوى ثالث : ذكي ، لشد العصب ، استخدم آيات و تعاليم ليناقض يلي هوه وصلو بتفسيراتو ، يعني مو ليناقض الرسائل ذات نفسها ، و انما ليناقض تفسيرو هوه للرسائل ( و فعلاً أسلوب ذكي )

فيا أخي جوجو
كاتب الموضوع هوه الشخص المعني بكلامك هون ، لأنو فعلاً هوه ما عم يدور عالحقيقة ، هوه عم يجرب يفصل حقيقة على مقاسو ، و بأسلوب فيه نوع من التحايل على عقول القراء

_ كنت بتمنى منك بدل ما تقلي انت عم تجادل لتجادل ، لو انك أشرتلي بالضبط وين شفتني عم أعمل هيك ؟! لأنو يلي عملتو أنا فعلياً كمان بينقسم ل 3 مستويات بس ليك أديش في فرق بيني وبين كاتب الموضوع :

* مستوى أول : أخدت الأجزاء يلي الكاتب اقتطعها ، و قريتها طالما هيه العمود الفقري للموضوع
* مستوى ثاني : فسرت هي المقاطع بحسن نية و كتبت يلي فهمتو منها
* مستوى ثالث : طلبت بكل مطرح كتبت فيه فكرة أنو ينشار اذا في حدا بيختلف معي بهي الفكرة أو حاسس فيها شي غلط
فكان كثير شي حلو منك و فيه افادة لو انك قلتلي فكرتك بالمطرح الفلاني غلط ، أو تفسيرك بالمطرح الفلاني غلط ، بدل ما تقلي اني عم جادل بدون حتى ما تذكرلي وين أو كيف أو ليش اتهمتني بهي الطريقة !

_ أخي جوجو ، المفروض نكون موصلين لمرحلة من الوعي منعرف فيها أنو الحقيقة مو مفصلة لا على قياس فئات و لا على قياس أشخاص



2 _ منكمل لهون :

(أما موضوع إنو (( نظرت للموضوعنظرة تانية )) ..

هادا بيندرج تحت تصنيف المدرسة السكولاستيكية ..

وبهيّ المدرسة بالتفكير مو مهم شو هيي الحقيقة ..

المهم بس إنو في موجودات .. و في فكرة براسنا حاببين نثبتا ..

فا .. مننطلق من هالموجودات باتجاه الفكرة شو ماكانت الطريقة .. )

هون مكملين بنفس الاتهام ، بس زايد عليه انك مصنفني بطريقة غريبة ، و كمان مرة اتهام بأنو ما بدي الحقيقة

طيب أخ جوجو
بس كمان مرة هالكلام يلي انت كاتبو ، كاتب الموضوع هوه المعني فيه مو أنا ، و رح دلك وين و كيف :
لاحظ معي انت شو كاتب ( في موجودات ، في فكرة براسنا حابين نثبتا ، مننطلق من هالموجودات باتجاه الفكرة شو ما كانت الطريقة ) و لاحظ بنفس الوقت و اللحظة كاتب الموضوع كيف كتبو :
* مستوى أول : اجتزء مقاطع من الرسائل حس أنو ممكن يتعلق عليها ( هي بتقدر تعتبرها الموجودات )
* مستوى ثاني : فسر هي المقاطع على كيفو و بقصد التشكيك و الاستهداف و ما رح احكي هلق عن المقاصد الثانية بصلب الموضوع ( هي الجمل بتمثل الفكرة يلي بالراس و بدو يتم اثباتها ) ، بس لاحظ معي أنو كاتب الموضوع ، مرة اعتمد تفاسير ضمنية مثل هون ( تعليم غير مباشر لكن واضح ) ، و مرة فسر بأسلوب حرفي ( أمثلة كثيرة بصلب الموضوع ) ، يعني فعلياً هوه استخدم أكثر من أسلوب للتفسير و كل مرة شكل ، بس لحتى يسوق الموضوع كلو لجهة معينة
* مستوى ثالث : ذكي ، لشد العصب ، استخدم آيات و تعاليم ليناقض يلي هوه وصلو بتفسيراتو ، يعني مو ليناقض الرسائل ذات نفسها ، و انما ليناقض تفسيرو هوه للرسائل ( و فعلاً أسلوب ذكي )
فيا أخي جوجو كاتب الموضوع عم يجرب يفصل حقيقة على مقاسو ، و بأسلوب فيه نوع من التحايل على عقول القراء ( هون كل شي ورد من عند " بس لاحظ معي " و لآخر الرد ، بيمثل الانطلاق من الموجودات باتجاه الفكرة لو شو ما كانت الطريقة )

فكلامك هون المعني المباشر فيه هوه صاحب الموضوع لأنو هوه يلي استخدم هي الطريقة
بينما انا بكل بساطة : قريت ، فهمت ، كتبت ، طلبت رأي اذا كنت غلطان بشي !
فما بعرف على أي أساس صنفتني أو اتهمتني بهدا الأسلوب !!



3 _ بالنسبة للموضوع يلي فعلاً بيستحق ينحكا فيه :

(بالنسبة لموضوع (( خلقتا لتخلقني ))


حبيبنا .. بما إنك رحت لهونيك .. لازم يكون عندك كتاب الصوفانية للأبالياس زحلاوي ..

افتاح على الصفحة 131 - 132

وقت الانخطاف ميرنا بتكون عم تحكي ( متلما بيفترضو ) بفم المسيح ..

يعني مو سمعت الرسالة و بعدين نقليتا ..

هون النقل مباشر .. لايف حبيبنا ..

فا .. مشان هيك هالافتراض فاشل من أساسو ..

وبيذكر الأب زحلاوي إنو كل الموجودين بالغرفة وقتا انصدمو بهالحكي ..

وسألوها بعد ما رجعت من الانخطاف ..

و كان جوابها إنو أكدت حرفية الكلام ..

ورغم هالشي .. الأب زحلاوي ما نشر هالحكي لبعد ما استشار صديقهم المشترك أنطون مقدسي ..

وهادا كمان دليل عدم قبول ..

و دليل إنو صار تدقيق كبير بالموضوع .. )

على فكرة أخ جوجو :
بكل الموضوع من أول كلمة لآخر كلمة منو ، هي النقطة الوحيدة يلي ممكن ينحكا فيها لأنو هيه النقطة الوحيدة يلي فيها مشكلة ، و انا ذكرت أني ضدها و بالنسبة الي غير مقبولة ، و مع هيك و من مبدأ حسن النية أخدت المعنى الكلي للجملة و حكيت بس ما تراجعت عن اعتراضي عالتعبير ( لتخلقني )
و بنفس الوقت ذكرت وجود أمثلة بالمسيحية ، نحنا فيها ما منفسر الكلمات حرفياً ، و انما مناخد معناها الأعمق ، و كمان ذكرت فكرة الناصرة يلي رح وضحها برسائل خاصة
بالنتيجة يا أخ جوجو
أنا مفترض حسن النية بأي شي عم بحكيه بس ما عم نزل من حساباتي اعتراضي عالتعبير
بينما عالجهة الثانية عم يصير افتراض لسوء النية و ما عم ينحط بالحساب ولو شوي صغيرة أي احتمال ثاني
و اذا بدك رأيي الشخصي :
طالما هدا التعبير فيه مشكلة ، و لنفترض غضينا النظر عن كذا موضوع المسيحية بشكل حقيقي ما بتفسرهن بحرفيتهن لأنو بيصير فيهن مشكلة ، و انما بتفسرهن بمعناهن الأعمق ، بكل بساطة كان حلو يصير في حكي مباشر مع ميرنا بهدا الموضوع لينفهم منها و يفهموها ، بدل ما يتشهر فيها بهدا الأسلوب على صفحات الانترنت

عالهامش :
انشالله تكون اقتنعت اني مو متحزب لحدا بهدا الموضوع بما انك انتبهت اني ماني ماسك كتاب الأب زحلاوي و ماشي فيه ( مع اني من الأول عم بحكي نفس الحكي إني لا متحزب و لا عم بحكي لدافع أو لهاجم ) ، انا بكل بساطة فتت عالمنتدى لقيت موضوع عن الصوفانية ، استغربت عنوانو ، قريتو ، لاحظت اللهجة المستخدمة فيه ، قمت تركتها على جنب ، و قريت لب الموضوع ذات نفسو و عن شو عم يحكي ، لقيت في مبالغات كثير كبيرة و مغالطات ، قمت رديت

4 _ كم جملة غريبين :

هللأ .. اللي صار هون بالنقاشإنو تم عرض أفكار كتيرة ..

منها المهاجم لهالظاهرة .. و منها اللي إنتا كتبتهم ..

هيك صارت الحكاية شوربة ..

مشان هيك أنا طلبت بمشاركتي الماضيةإنو نمشي نقطة نقطة ..

طبعاً الغريب هون أني ما بعرف على أي أساس انت اعتبرت أنو القصة صارت شوربة ؟
عن جد عم احكي !!!
أما بالنسبة لموضوع ( خلونا نحكي نقطة نقطة ) فما بعرف أخ جوجو يعني بكل بساطة بتقدر تراجع أول رد الي ، بتلاقيني ماسك الموضوع جملة جملة و رادد بالترتيب ، فما بعرف انت وين شفتنا ما عم نحكي نقطة نقطة ؟
بس على مبدأ الشيء بالشيء يذكر ، و بما انك حابب نحكي نقطة نقطة ، صدقني كنت بتمنى عليك تأشرلي على النقاط يلي اتهمتني على أساسها سابقاً ولاحقاً بالرد يلي تحت !

5 _ بالنسبة لهون :

و المثال اللي حكيت حبيبنا إنورح تبعتو برسالة خاصة .. لسا ما وصلني ..

و أنا بفضل إنو كلشي يكونهون..

و إذا خارج عن الموضوع افتحلو موضوعجديد..

أنا - عن حالي - ما عندي مشكلة بأي موضوع ..

حتى لو شافو البعض إنو مهاجم للمسيحية أو أي شي تاني ..

لأ هدا الموضوع بيوصل على طريقتي أنا ، إلا اذا صار في اضطرارية لأنو ينحكا ، فعلياً هوه أكثر من مجرد مثال واحد

6 _ اتهام غريب :

عن موضوع التفسير ..


بنفس المدينة .. الاسكندرية .. كان في شخصين ..

كل واحد منهم معو إنجيل .. نفس الانجيل معهم ..

أول واحد فهمو من خارج الكنيسة .. و افترض طريقة على كيفو للفهم ..

و الحصيلة كان أشهر الهراطقة .. آريوس ..

و تاني واحد فهم الانجيل من خلال الكنيسة و كتابات الآباء ..

و صار قديس كبير و مدافع قوي عن الإيمان المستقيم ..

و اللي هوّي القديس أثناسيوس الكبير ..

طبعاً هون انت عم تستخدم تشبيه معين و برأيك انت مستخدمو بمطرحو !! يا زلمة وين كنا و وين صرنا !!

أخي جوجو
انت ذكرت بأكثر من مطرح اني مفسر على كيفي ، و اجيت هون لتعطي هدا التشبيه ، فانو عن جد شو بدك بالحكي ، يكثر خيرك

بس لمجرد العلم بالشيء :
كمان مرة هالحكي بينطبق على صاحب الموضوع و لقلك ليش ، كاتب الموضوع يا صديقي لما فسر الأجزاء المقتطعة من الرسائل هوه ما فسرها على أساس تعليم كنسي ولا كتابات ، هوه فسرها على طريقتو و من خلال فهمو للغة تحديداً و بقصد معين مفترض سوء النية ، و بعدين استشهد بآيات ، و هدا يلي قلت عنو أسلوب ذكي ، لأنو القارئ لما بيقرا مقدمة الموضوع ، بيقرا استنتاجات كاتب الموضوع أولاً فمباشرة بينصدم ( و بتقدر تراجع الموضوع لتتأكد ) لأنو بيعرف أنو في شي ضدها مسيحياً ، بس اذا القارئ تركلو استنتاجاتو لكاتب الموضوع ، و نزل لتحت و قرأ هوه بيختلف الموضوع كثير

يعني بالعامي البسيط
كاتب الموضوع استشهد بآيات ضد طريقتو هوه بالتفسير ،ومانها ضد الرسائل ذات نفسها
بس بأسلوب الموضوع هوه أوحى و من أولو ، و بأسلوب ذكي لشد العصب ، بأنو الآيات هيه ضد الرسائل ، مو ضد نتائج تفسيرو الشخصي للرسائل

و كمان من باب العلم بالشيء رح خبرك مثال قريب بشكل حقيقي لوضعنا الحالي ، يعني بيحط الاصبح عالجرح بموضوع شي اسمو تفسير :
هاد يا صديقي و أمام عالمين لاهوتيين انطرحت مرة فكرة التشابه بين الميثولوجيا الوثنية ، و بين التعاليم المسيحية و ليك كيف اجت ردودهن :
_ أحدهما : طلب يتسكر عالموضوع و بلش يجرب ينفي حوادث تاريخية موثقة او يشكك بالتواريخ ، أو بالمؤرخين و .. و .. إلخ
_ بينما الآخر : بكل بساطة ابتسم و قال ( الكون كله ما قبل المسيح هو تمهيد لمجيء السيد المسيح ، فيلي طرح الفكرة عم يجرب يشكك و كأنو بدو يقول أنو التعاليم المسيحية و فكرة الفداء مأخوذة عن حضارات سابقة ، بينما غاب عن ذهنو أنو الرب بحكمتو و تدبيرو كان عم يحضر الشعور و الوعي و الضمير الانساني بشكل عام ، ليقدر الشعب يتقبل فكرة الفداء و فكرة الرب الواحد في أقانيمه الثلاثة عند مجيئه )

وصلت ؟


7 _ الختام :

فا .. طريقة الفهم و التعاطي والتفسير ..

هيي بتحدد شو هوّي هدفنا ..

و هيي بتحدد نحنا مين ..

أنا مع هي الفكرة مليون بالمية ، و هلق منشوف ليش و رح ارجع كرر لأنو الموضوع صار كثير مهم و صار في اتهام شخصي الي كـ نبيذ ومطر :

كاتب الموضوع اعتمد 3 مستويات :
* مستوى أول : اجتزء مقاطع من الرسائل حس أنو ممكن يتعلق عليها
* مستوى ثاني : فسر هي المقاطع على كيفو و بقصد التشكيك و الاستهداف و ما رح احكي هلق عن المقاصد الثانية بصلب الموضوع ، بس لاحظ معي أنو كاتب الموضوع ، مرة اعتمد تفاسير ضمنية مثل هون ( تعليم غير مباشر لكن واضح ) ، و مرة فسر بأسلوب حرفي ( أمثلة كثيرة بصلب الموضوع ) ، يعني فعلياً هوه استخدم أكثر من أسلوب للتفسير و كل مرة شكل ، بس لحتى يسوق الموضوع كلو لجهة معينة
* مستوى ثالث : ذكي ، لشد العصب ، استخدم آيات و تعاليم ليناقض يلي هوه وصلو بتفسيراتو ، يعني مو ليناقض الرسائل ذات نفسها ، و انما ليناقض تفسيرو هوه للرسائل ( و فعلاً أسلوب ذكي )

بينما أنا بردي اعتمدت 3 مستويات :
* مستوى أول : أخدت الأجزاء يلي الكاتب اقتطعها ، و قريتها طالما هيه العمود الفقري للموضوع
* مستوى ثاني : فسرت هي المقاطع بحسن نية و كتبت يلي فهمتو منها
* مستوى ثالث : طلبت بكل مطرح كتبت فيه فكرة أنو ينشار اذا في حدا بيختلف معي بهي الفكرة أو حاسس فيها شي غلط

فأكيد أخي جوجو أنا بوافقك :
أسلوبنا بالتفسير و على أي خلفية منعتمد لنفسر ، بيخبر شو هدفنا و مين نحنا ، مزبوط
و ما بين :

التفسير بحسن نية و طلبي ينشار لأي شي خاطئ أنا كتبتو من جهة
و
التفسير بسوء نية بقصد التجريح و التهكم و السخرية ببعض المطارح من جهة ثانية مثل ما عمل كاتب الموضوع

أكيد أكيد أكيد أنا كمسيحي مرتاح كثير بمكاني

[Spike9/11]

الردود ليست كنسية!؟ لكن ردودك كنسية!!؟؟

[Maximos]

رد: نقاش في ظاهرة الصوفانية

حبيبنا نبيذ و مطر

أول شي بحب خبرك إنو أكيد مو قصدي هاجمك .. ولووووو حبيبنا ..

و بعتذر عن إزعاجك اللي ما قصدتو ابدا ً ..

كل ما في الموضوع إنو خطرلي إنو عم تنقل المحاولة اللي عملتا بموضوع تاني ( إنو تاخد دور الغير مسيحي ) لتحريك النقاش .. هيّ هيي كل القصة ..

و بحب إشكرك .. لأنو رغم إنك حسيت إنو الهجوم صوبك .. ما رديت صوبي يا

موضوع الشوربة و النقطة نقطة :

الموضوع اللي تم نقلو حكى عدة نقاط .. كمشة هههه
و هون كان ردك ( اضطراريا ً ) كمان عدة نقاط ..

فا .. احترت من وين بدنا نبلش .. و مشان هيك اقترحت إنو نقطة نقطة ..

موضوع التشابه بين تعليم المسيحية و الميثولوجيا .. وصلت .. و أنا معك فيها ..

موضوع حسن النية و سوء النية :

أنا ماني عم لاقي سوء نية .. لا عندك و لا عند كاتب الموضوع .. كل القصة إنو هوّي رأيو ضد الصوفانية و حبّ يوصل رأيو ..

يعني : وقت بيكون واحد مع قضية و واحد ضد نفس القضية .. مو معناتا إنو في واحد منهم نيّتو ما بتسوى .. ممكن التنين تكون نيتهم صافية .. بس كل واحد إلو وجهة نظر شكل ..


و أكيد اللي طرحهن هوّي بالنقاش مو كل شي .. يعني مو هنّي بس اللي اعتمد عليهم ليبني موقفو ..

و كذلك الأمر بالنسبة إلي ..

و مشان هيك لما من شهور انفتح موضوع الصوفانية على منتدى القديس سيرافيم ساروف كان أول نقطة أنا فتحتها هيي موضوع ( مين هوّي مصدر الرسائل ) و كمرشد للوصول إلى مصدر الرسائل اعتمدت على معالجة ظواهر الانخطاف اللي بيصير معها ..
و بهادا الموضوع بالذات في اختلاف بالمعالجة بين الكنيسة الأرثوذكسية و الكنيسة الكاتوليكية ..
مشان هيك هيّ النقطة ما طرحتها هون لأنو جوّ المنتدى هون مسيحي عمومي ما فيك تخلليه ياخد الطريقة الأرثوذكسية و يترك الكاتوليكية ( بمعالجة الظواهر المرافقة للظهورات و الانخطافات ) ..

إذا حبيت تشوف الموضوع هونيك
http://www.serafemsarof.com/vb/showthread-t_345.html

و هونيك إسمي Maximos

أهلاااااااا برجعتك حبيبنا ..
مالنا غنى عنك ياغالي ..

[نبيذومطر]

رد: نقاش في ظاهرة الصوفانية

هلق رح ارجع وضح لمرة أخيرة :

• أنا شخص مسيحي ، فتت عالمنتدى ، لقيت موضوع عن الصوفانية بلهجة معينة ، قريتو ، حسيت فيه مبالغة و نوع من التخويف و التشهير ، قمت تركت لهجة الموضوع و قريت لبو ، و رديت بيلي فهمتو ، و طلبت ينقلي اذا عم بحكي أي شي غلط

• أنا كشخص مسيحي ، من حيث المبدأ ، مؤمن بأنو السيد المسيح و السيدة العذراء ممكن يظهروا لأي شخص على وجه الكرة الأرضية مين ما كان يكون ، فلما بيقول أي شخص أنو عايش حالة ظهور أنا لا بجي ضدو ولا بجي معو ، و إنما بسمع عن تجربتو

• لطالما هالشخص يلي عم يقول انو عايش تجربة ظهور ، عم يحكيها بنطاقها ، و ما عم يروح فيها لحدود الاستغلال بأي هدف ، بيكون هون تصديق الكلام أو عدم تصديقو شغلة مرتبطة بشكل مباشر بالنتيجة ، يعني اذا انا مصدق أنو ميرنا عاينت حوادث من نوع عجائبي ، شو تغير ؟! و اذا ما كنت مصدق هالشي ، دخلكن شو تغير ؟! الجواب بكل بساطة ولا شي ! سواء صدقت ولا ما صدقت ، انا رح ضل مثل ما أنا لسبب كثير مهم أنو الكلام عن شيعة عدرا و عن تأسيس طايفة جديدة اذا بدي استخدم كلمة لطيفة لاوصفو بقول عنو ( كلام مو مزبوط ) ، أنا من الناس يلي عايشين بالشام و بنطاق جغرافي قريب من الصوفانية و بعرف أنو هالكلام ما ورد ولا مرة ، و الأكثر من هيك أنو بالزيارة يلي صارت من فترة و اجت بالصدفة انا سمعت لهالمخلوقة شو حكت ، و من ضمن الموجودين كان في شبين و صبية من المنتدى من هون و سمعوا كمان ، و واضح من كلامها أنو معاكس تماماً لأي شي انذكر بهالموضوع و خصوصي لجهة الاتهامات .

• أكيد في مشكلة بتعبير ( لتخلقني ) ، و برجع بكرر أنو حتى اذا بدنا نغض النظر عن مواضع معينة بالمسيحية نحنا منبتعد فيها عن تفسير الكلام بحرفيتو و انما منفهم المعنى العميق منو ، حتى لو تركنا هي القصة على جنب ، ميرنا المفروض ينحكا معها لينفهم منها و ليفهموها ، و أما أسلوب التشهير على الانترنت بهي الطريقة هوه شي غلط ، و الغلط الأكبر منو أنو المواقع تدعمو .

• في مشكلة بالموضوع الموجود حالياً ، أنو أكثر شخص عطى أهمية للصوفانية هوه كاتب الموضوع ذات نفسو ، مشان يرجع يقول ( شايفين هنن عم يطرحوا حالن على هدا الأساس ) ، بينما الحقيقة أنو الصوفانية ذات نفسها ما بتعطي لحالها الأهمية يلي عطاها ياها كاتب الموضوع !! يلي حابب يتأكد يقوم ينزل يعمل زيارة للبيت ، و يشوف بعينو و يسمع بأدنو ! يا جماعة الخير ميرنا الأخرس مو طارحة نفسها على انها نبية ! ولا على أساس انها ركيزة لطايفة جديدة ! كاتب الموضوع مفترض هالشي و رادد عليه و متهجم على أساسو ، بينما المخلوقة بكل بساطة بتقول ( انا تابعت حياتي الزوجية و اليومية بطريقة كثير عادية ) ! و هون اذا حدا حب يقول ( بس يا نبيذ كلام الشخص اذا ما كان مدعوم بتصرفاتو بيكون كلام للتعمية ) رح جاوب بكل بساطة حدا يخبرني ايمت شاف أو سمع عن خطوات تأسيسية لشيعة العدرا أو الطايفة الجديدة المزعومة !!!!!!!!!!!

• هلق منجي لسؤال مهم : شو الهدف من هالموضوع يلي نزل عالانترنت !

رح جرب افترض محادثة صغيرة بين سؤال و جواب :

_ ليش نزل الموضوع عالانترنت بهي الطريقة ؟
_ مشان توعية المؤمنين
_ توعيتن ضد شو ؟
_ ضد يلي عم يحاولوا يضللوهن ؟
_ ليش بشو حاولت الصوفانية تضلل العالم ؟
_ بدن يعملوا شيعة عدار و طايفة جديدة
_ طيب اذا هنن ما بيقولوا هيك شي ولا تصرفاتن بتوحي بهيك نية ، انت ليش عم تتقول على لسانهن شي مو قايلينو ؟!
_ لأني فسرت أجزاء من الرسائل و فهمتها هيك
_ طيب عال انت فهمتها هيك ، بس هنن يعني يلي انت مسميهن جماعة الصوفانية ، لا عم يحكوا حسب فهمك للقصة ولا عم يتصرفوا على هدا الأساس ، يعني لو عم ينكروا بالحكي و بنفس الوقت عم يتصرفوا بغير طريقة كنت اقتنعت منك ، بس بكل بساطة انت عم تشهر فيهن بناء على الشي يلي انت مفترضو مو يلي هنن عم يعملوه !
_ ( ما بعرف شو ممكن يرد عليي ، على كل رح ارجع كمل )
_ طيب انت بقناعتك و بغض النظر عن أي شي و عن كل شي من اختلافات أو غيرو و غيرو ، انت مو موصل لفكرة الشيطان يظهر بهيئة نور من زمان كثير ؟
_ مبلا
_ طيب ليش عم تجرب تأكدها على حساب التشهير بالمخلوقة ؟!
_ أي لأنو برأيي هدا يلي عم يصير معها
_ اها .. طيب بما انو حضرتك شخص مسيحي ، و حرصاً على خلاص ميرنا ذات نفسها لأنها كمان شخص مسيحي ، مو المفروض منك انك تجرب توعيها ؟ تحكيها ؟ تشرحلها وجهة نظرك بهدا الموضوع ؟ تجرب تفهمها شو عم يصير معها ؟ ليش بدل ما تعمل هيك ، اخدت طريق ثاني و عم تشهر فيها مرة بتهكم و مرة باتهام و مرة بسخرية ؟!
_ ( ما بعرف شو ممكن يجاوبني ، و منكمل )
_ طيب انت عم تقول أنو الكنيسة كانت موافقة على أنو في شي عجائبي عم يصير بنضح الزيت ، و مشان هيك نقلت الأيقونة لمقرها .. مزبوط ؟
_ مزبوط
_ طيب بعد ما نقلت الأيقونة وقف نضح الزيت ، قامت الكنيسة قررت ترجع الأيقونة .. مزبوط ؟
_ مزبوط
_ طيب ما رح اسألك ليش نقلتها أساساً على مقرها ، بس رح اسألك ليش رجعتها ؟ ( هادا أهم سؤال )
_ ( هون الجواب يلي موجود بصلب الموضوع عند هي النقطة ، هو مجرد تعمية لا أكثر ولا أقل و حتى اجا بأسلوب ساخر )
_ طيب سؤال كمان
_ تفضل
_ شو عدا ما بدا لحتى ينثار الموضوع هلق و بهدا الأسلوب ؟!!!!!!!!!!!!!!!!!!!!!!!!!!!!!!!!!!!
_ ( انا شخصياً ما بعرف شو ممكن يجاوبني )


و هي مصيبة تعليق الكمبيوتر بتنزل رد بتلاقي في قبلو
يلا هلق برد جوجو :smily (24):

[Spike9/11]

للرد على تساؤلات الاخ نبيذ ومطر اسأله اولا: حضرتك قرأت تاريخ كنسي؟ سبب توعية القديسين وآباء الكنيسة المؤمنين عند ظهور فكر معين؟ هل تظن ان آريوس ونسطور الخ من الهراطقة آتوا بهرطقاتهم بقصد انشاء بدع جديدة؟؟ ليت شعري فأحدا لم يسمع بذلك. كل الهراطقة كانوا يظنون انهم الكنيسة الحقيقية، وبالتالي لم يوجد واحد يقول انه سيأتي بشيعة او طائغة الا كان اهبلا!
من مهام الاسقف: الحفاظ على استقامة الايمان وتعليمه. هذا يعني ان من صلب مهامه كشف البدع والهرطقات. كل فكر غير مستقيم لا يقود الى المسيح وانما غلى ضده. كيف تظن ان الناس ستتوقف عن التمييز وتقبل بضد المسيح!؟ اليس لانهم فقدوا المعرفة الحقيقية لالههم!!
لقد ضربت عرض الحائط بتعليم الكنيسة وذهبت هباء بمجامعها وجهاد آبائها. استغرب حقا!

تتساءل لماذا لا نوعي ميرنا!؟ الم تفعل الكنيسة ذلك؟ الم تطلب البطركية منها -وهذا رد على لماذا اخذت البطركية الايقونة لمدة شهر- بعد شهر من التجربة دون ان تنضح الايقونة ولا نقطة زيت ان تعود الى بيتها؟؟ من لم يسمع من الكنيسة، فلا وان قام احد من الاموات يسمعون منه (مثل الغني والعازر). وردا على سؤالك لماذا ارجعت الكنيسة الصورة الى ميرنا، اقول: ارجعوا الملك الى صاحبه، فهل كنت تريدهم ان يعدموها!؟ لم تتصرف الكنيسة الاورثوذكسية هكذا ابدا.
طبعا البطركية وضعتها في الكنيسة لتتاكد من المعجزة بعيدا عن اي تأثير. غريبة هي اسىلتك!
اما لماذا اثير الموضوع فجأة في سنة ٢٠٠٨: اظن لانه سابقا لم تكن هناك منتديات او مواقع تواصل اجتماعي لطرح المواضيع ومع توفرها طرح الموضوع!

[نبيذومطر]

رد: نقاش في ظاهرة الصوفانية

موضوع حسن النية و سوء النية :

أنا ماني عم لاقي سوء نية .. لا عندك و لا عند كاتب الموضوع .. كل القصة إنو هوّي رأيو ضد الصوفانية و حبّ يوصل رأيو ..

يعني : وقت بيكون واحد مع قضية و واحد ضد نفس القضية .. مو معناتا إنو في واحد منهم نيّتو ما بتسوى .. ممكن التنين تكون نيتهم صافية .. بس كل واحد إلو وجهة نظر شكل ..


و أكيد اللي طرحهن هوّي بالنقاش مو كل شي .. يعني مو هنّي بس اللي اعتمد عليهم ليبني موقفو ..

و كذلك الأمر بالنسبة إلي ..

أخي و حبيبي جوجو

المقصود بسوء النية بالتفسير ، مو سوء نية الشخص بالمطلق
و واضح من السرد يلي سردتو فوق شو قصدي بهدا الموضوع :
أنو نفس الجمل نفس الكلمات
لما بيجرب الشخص يفسرها بقصد التشكيك بتطلع النتيجة بأسلوب معين
و لما بيجرب الشخص يفسرها بحسن نية بعيداً عن التشكيك ممكن يلاقيها عادية

بس الأكيد أنو مو القصد سوء النية بالمطلق و كأنو عم قول فلان سيء ، لا أبداً

جوجو بالنسبة للهجة الموضوع الموجود عنا هون صدقني ( و اذا بدك بذكرلك أمثلة بذاتها من الموضوع ) :
_ لهجة الموضوع فيها تهكم كثير كبير
_ لهجة الموضوع فيها سخرية ببعض المطارح
_ لهجة الموضوع فيها تهجم ببعض المطارح الثانية

و مشان هيك بالرد يلي قبل أنا كررت 3 مرات ، تفنيدي للأسلوب المكتوب فيه الموضوع ، و كررت أكثر من مرة ، أنو بكل بساطة كمسيحيين غيورين عالمسيحية المفروض يصير الحكي مع الشخص المعني بشكل مباشر ، يعني مع ميرنا ذات نفسها ، ينسمع منها شو صار معها ، و ينشرحلها شو وجهة النظر الثانية ، بس الشي الأكيد أنو التشهير على الانترنت بهدا الأسلوب ما بيخدم حدا ، بالعكس تمام ، و أكيد ما حدا مننا بيحب يصير هيك شي

[Maximos]

رد: نقاش في ظاهرة الصوفانية

حبيبنا نبيذ و مطر ..

مانك ملاحظ شغلة ؟؟

إنو الموضوع عن الصوفانية مو عن الشب اللي كتب هونيك ..

طيب .. عيفو للزلمة و عيفك منو ..

خلينا نحكي بالموضوع الأساسي مو الفرعي .. و منبللش من هللأ ..

منبللش .. أنا بعرض فكرة معترض عليها و إنتا بتقللي رأيك فيها ..

شو رأيــَــوووووك .. ( هيّ بالحووومصي )

[cloude]

رد: نقاش في ظاهرة الصوفانية

انا رح علق عبعض الاشيا و اترك لجوجو باق الرد

اول شي سام الغالي انا قريت الموضوع بشكل حيادي بالعكس شفت صاحب الموضوع منطقي بنقاشو اخد مقاطع معينة و فسرا معلش رح اعطي مثال صغير اول بيقولو انو الانجيل المحرف و بيستندو بس على انو الارض مسطحة حسب الانجيل و بيبلشو يناقشوك من ايات الانجيل من دون ما يقرو و يستخلصو المعنى هي مثال صغير عن اخذ مقطع و تفسيرو بس الفرق انو لحنا عم نرد من نفس الانجيل و نفسر بضوؤو و لنفرض هلا هالشخص اخد مقطع طيب حدا عطا لحد الان تفسير مقنع الو ؟


اما ليش وقف نضح الزيت قريلي هالمقطع

ونعود إلى موضوع الكنيسة, فقد تم نقل صورة عذراء الصوفانية إلى كنيسة الصليب المقدس للروم الأرثوذكس, بموكب شعبي صبيحة يوم الأحد 9/1/1983


وذلك بقرار متسرّع من البطريركية الأنطاكية, وقد نعذر من اتخذوا هذا القرار بأن الظاهرة حينذاك كانت في بدايتها, وكانت مقتصرة على نضح الزيت, وهي ظاهرة متكررة في تاريخ الكنيسة.

ولم يكن قد أعلن بعد عن حدوث انخطافات, أو رسائل سماوية.


فما الذي حدث ... انقطع نضح الزيت.. الأعجوبة لا تعمل داخل الكنيسة!!

وبعد مشاورات في البطريركية, قرّرت إعادة الصورة إلى أصحابها , وعدم إثارة الموضوع أكثر من ذلك..


رد فعل العائلة ( عائلة ميرنا) كان عنيفاً .. هكذا يقول الأب زحلاوي (داعية الصوفانية الأول) في كتابه (الصوفانية) صفحة 124.


أما رد فعل العذراء فكان في مساء يوم إعادة الصورة 21/2/1983, وذلك برسالة تقول فيها:
(أبنائي, الحكي بيني وبينكن, أنا رجعت لهون, لا تشتموا المتكبرين عديمي التواضع ,

(هنا نفهم معنى كلام الأب زحلاوي عن أن رد فعل عائلة ميرنا كان عنيفاً)

وتتابع العذراء

(المتواضع بيتعطش لملاحظات غيره, ليصلح نفسه من الخلل, أما المتكبر الفاسد, بيهمل, بثور, بعادي. المسامحة أفضل شي. يلي بيدّعي البراءة والمحبة أمام الناس, فهو نجس لدى الله )


نرى أنه بعد أن شتموا مدبّري كنيستهم, تطلب منهم عذراء الصوفانية أن يسامحوا مدبّريهم, ثم تنسى نفسها, وتصف أساقفة الكنيسة, وكهنة الله العليّ, بأنهم أنجاس, ومتكبرين, وفاسدين, وعديمي التواضع, لماذا؟

لأنهم أهملوا الصوفانية, وثاروا عليها, وعادوها. فهم يدّعون المحبة والبراءة أمام الناس , لكنهم بحقيقتهم أنجاس.



لا أقول شيءأكثر من التذكير بالآية الإنجيلية:
( نسألكم أيها الإخوة, أن تجلّوا الذين يتعبون فيما بينكم, ويرأسونكم بالرب, ويعظونكم, وأن تحبوهم غاية المحبة, من أجل عملهم) 1 تسا 5-12

شو تعليقك عليه ؟

شو عدا ما بدا لحتى ينثار الموضوع هلق و بهدا الأسلوب ؟

الموضوع نزل بمنتدى سيرافيم بتاريخ 12 كانون اول 2007 ووقتا جوجو عبر عن وجهة نظرو الرافضة الموضوع وقتا قبل بالرفض لانو ما حدا كان مستعد يحكي و اغلق و تم نقلو للاون لاين بتاريخ 29 اذار 2009 و بلشت النقاش و متل ما شرح جوجو اول شي ما رح كرر الحكي السبب اللي اقتضى نقلو لهون و اعادة فتحو بسيرافيم هو عدم استطاعة حدا من الشخصيات اللي ردت عن تفسير النقطة اللي حكيناها لينتقلو للنقاش لنقطة تانية

و انا اسا بردي لا مع و لا ضد لساتي عم احكي باللي انا قريتو

[Maximos]

رد: نقاش في ظاهرة الصوفانية

يسلموووووو كلود .. كلام سليم و منطقي

بحب ذكـّر إنو يا ريت ما ننتقل من النقطة لننهيها

مشان ما يصير تشتيت للموضوع

تحية محـــــــــبة للكل

[Molham Haddad]

رد: نقاش في ظاهرة الصوفانية

تسجيل متابعة

[نبيذومطر]

رد: نقاش في ظاهرة الصوفانية

حبيبنا نبيذ و مطر ..

مانك ملاحظ شغلة ؟؟

إنو الموضوع عن الصوفانية مو عن الشب اللي كتب هونيك ..

طيب .. عيفو للزلمة و عيفك منو ..

خلينا نحكي بالموضوع الأساسي مو الفرعي .. و منبللش من هللأ ..

منبللش .. أنا بعرض فكرة معترض عليها و إنتا بتقللي رأيك فيها ..

شو رأيــَــوووووك .. ( هيّ بالحووومصي )

حبيب القلب جوجو

أنا من أول صفحة و من أول رد ناقشت كل فكرة بفكرتها ، و أما السبب بمناقشة أسلوب موضوع الشخص يلي كتب فهوه بكل بساطة انت

يعني لما بيصير تحليل معين لأي رد ، هاد بيستوجب التحليل الحقيقي للموضوع ذات نفسو

برجع بكررلك .. ردي الأول موجود

و رح ارجع ضيف شي هلق بالآخر

انا رح علق عبعض الاشيا و اترك لجوجو باق الرد

اول شي سام الغالي انا قريت الموضوع بشكل حيادي بالعكس شفت صاحب الموضوع منطقي بنقاشو اخد مقاطع معينة و فسرا معلش رح اعطي مثال صغير اول بيقولو انو الانجيل المحرف و بيستندو بس على انو الارض مسطحة حسب الانجيل و بيبلشو يناقشوك من ايات الانجيل من دون ما يقرو و يستخلصو المعنى هي مثال صغير عن اخذ مقطع و تفسيرو بس الفرق انو لحنا عم نرد من نفس الانجيل و نفسر بضوؤو و لنفرض هلا هالشخص اخد مقطع طيب حدا عطا لحد الان تفسير مقنع الو ؟

اما ليش وقف نضح الزيت قريلي هالمقطع

شو تعليقك عليه ؟

الموضوع نزل بمنتدى سيرافيم بتاريخ 12 كانون اول 2007 ووقتا جوجو عبر عن وجهة نظرو الرافضة الموضوع وقتا قبل بالرفض لانو ما حدا كان مستعد يحكي و اغلق و تم نقلو للاون لاين بتاريخ 29 اذار 2009 و بلشت النقاش و متل ما شرح جوجو اول شي ما رح كرر الحكي السبب اللي اقتضى نقلو لهون و اعادة فتحو بسيرافيم هو عدم استطاعة حدا من الشخصيات اللي ردت عن تفسير النقطة اللي حكيناها لينتقلو للنقاش لنقطة تانية

و انا اسا بردي لا مع و لا ضد لساتي عم احكي باللي انا قريتو

بالدرجة الأولى كلودي
عم يتكرر نفس الحكي
فوق أنا كتبت فكرة و عدتها كذا مرة
في أجزاء مقتطعة من الرسائل و مفسرة بأسلوب بغاية التشكيك .. اوك ؟ ولا مو واضح هالشي ؟
طيب ممكن يتفسر هالشي بعكس الطريقة يلي مفسر فيها لما بيكون ما في نية تشكيك
و ما اكتفينا بكلمة أو تلميح
أنا رجعت فسرت كل الأجزاء المقتطعة من الرسائل

و الفرق كان بمطرح واحد
انا عم فسر مو بغاية التشكيك .. الموضوع مكتوب ليشكك
بهالبساطة

يعني حتى بالمثال يلي انت ذاكرو
انت فعلياً عم تعطي مثال ما بيخدم صاحب الموضوع ذات نفسو
يعني الفكرة من المثال
أنو الهدف من التفسير هوه يلي بيفرض أسلوب للتفسير

و الله وكيلكن ما بدها كثير حكي
يعني واضح كثير شو الغاية المكتوب كرمالها الموضوع

أما بالنسبة ( ليش رجعوها )

يعني هي أكثر فكرة واضحة ، امشوا معي :

* الكنيسة كانت مقتنعة بأعاجبية الحادثة و إلا ما كانت نقلت الأيقونة
مزبوط لهون ؟! في أي اعتراضات ؟!

* وقف نضح الزيت داخل الكنيسة !
طيب أوك بس الكنيسة كانت أقرت بأعاجبية الحادثة و إلا ما كانت نقلت الأيقونة
مزبوط ؟!!!

* اجت الكنيسة و رجعت الأيقونة بعد المشاورات و قررت عدم إثارة الموضوع
( هون السؤال )
هدا الشي يا ترى بينفي أنو الأيقونة انتقلت أساساً لأنو الكنيسة كانت مقتنعة بأعاجبية يلي عم يصير ؟!!!!!!!!!!!!

وصلت ؟!!!!

يسلموووووو كلود .. كلام سليم و منطقي

بحب ذكـّر إنو يا ريت ما ننتقل من النقطة لننهيها

مشان ما يصير تشتيت للموضوع

تحية محـــــــــبة للكل

و الله ردي الأول موجود يا جوجو

[Spike9/11]

انا اول مرة اسمع تفسير ان نقل الايقونة الى الكنيسة كان بسبب الاقتناع! كان للتجربة.

[نبيذومطر]

رد: نقاش في ظاهرة الصوفانية

شبيبة ، جوجو ، كلود ، اي شخص جديد

تسلملي عينكن

* بأول رد كتبتو بهاد الموضوع ، أنا اخدت الجمل جملة جملة و رديت عليهن ، لا حكيت بعمومية و لا زتيت حكي ، مسكتهن مثل ما هنن و رديت عليهن جملة جملة .. اوك ؟ يلي ما شاف الرد لهلق بتمنى يقراه

* بنفس الوقت و قبل كل هالحكي في فكرة كثير مهمة :
يا اخواتي يا عيوني يا روحي
هالموضوع أساساً ليش انتشر بكذا منتدى ؟ مو مشان توعية المؤمنين ( بنظر كاتبو أو أي شخص موافقو ) ؟
طيب كثير عال و كثير ظريف
هالمؤمنين صدقوني مو عاطيين أهمية للصوفانية بالقدر يلي انتوا عاطينها ياه

يعني هالموضوع صار مثل :
تكبير للقصة و مبالغات لدرجة يقول : في بعبع اسمو ميرنا و الصوفانية
المؤيدين لهالفكرة ( فكرة انو بعبع ) خايفين منو
و صاروا بدن العالم كمان تخاف من هالبعبع
شي بشيعة عدار و شي بطايفة جديدة .. إلخ

يا جماعة الخير

بما انو هالموضوع الهدف منو فائدة مسيحية بحتة ( بنظر صاحبو أو يلي موافقينو على فكرتو )

فأنا مستغرب شغلة وحدة :
ليش ما عم ينحكا مع صاحب العلاقة يلي هوه ميرنا ذات نفسها ؟
ليش كل هالكلام و التشهير يلي موجود هون و حتى بغير منتديات ما انحكا مع ميرنا ؟
ليش ما عم تتفهم هالمخلوقة انو في وجهة نظر تانية بدل ما يصير عليها هجوم بهي الطريقة ؟
انتوا كلكن مسيحية و أحلى عالم و أحلى ناس و أكيد عندكن أخلاق مسيحية ما هيك ؟
الأخلاق المسيحية شو بتقول بهيك ظرف يا اخواتي ؟!!!
بتقول نشهر ؟! ولا مشان الفائدة المسيحية العامة نروح نحكي مع صاحب العلاقة ؟!!!!!!!!

شبيبة أنا عم جرب ما احكي أكثر من هيك .. و من له عينان فليقرأ

[Maximos]

رد: نقاش في ظاهرة الصوفانية

و أما السبب بمناقشة أسلوب موضوع الشخص يلي كتب فهوه بكل بساطة انت

اعطيني الجملة أو الشي اللي استنتجت منو هالحديث ..

* الكنيسة كانت مقتنعة بأعاجبية الحادثة و إلا ما كانت نقلت الأيقونة
مزبوط لهون ؟! في أي اعتراضات ؟!

تمام ..

* وقف نضح الزيت داخل الكنيسة !
طيب أوك بس الكنيسة كانت أقرت بأعاجبية الحادثة و إلا ما كانت نقلت الأيقونة
مزبوط ؟!!!
* اجت الكنيسة و رجعت الأيقونة بعد المشاورات و قررت عدم إثارة الموضوع
( هون السؤال )
هدا الشي يا ترى بينفي أنو الأيقونة انتقلت أساساً لأنو الكنيسة كانت مقتنعة بأعاجبية يلي عم يصير ؟!!!!!!!!!!!!

كل اللي صار إنو الكنيسة كانت قدّام نضح زيت بدون أي شي تاني ..
و هادا أمر متكرر الحدوث .. مو أول مرة ..

فا .. لما لاقو إنو النضح توقف بالكنيسة اقتنعو إنو الشغلة مو مزبوطة ( مشان ما نفسر من عنا ) ..

فا .. تجنبا ً لحدوث لغط أو شوشرة .. قررو يرجعو الأيقونة لصحابا ..

رد فعل العائلة ( عائلة ميرنا) كان عنيفاً .. هكذا يقول الأب زحلاوي في كتابه (الصوفانية) صفحة 124

ليش ؟؟؟؟ شو هالجريمة إنو رجّعو الأيقونة ؟؟؟؟؟؟؟ !!!!!!!!!!

* بأول رد كتبتو بهاد الموضوع ، أنا اخدت الجمل جملة جملة و رديت عليهن ، لا حكيت بعمومية و لا زتيت حكي ، مسكتهن مثل ما هنن و رديت عليهن جملة جملة .. اوك ؟ يلي ما شاف الرد لهلق بتمنى يقراه

بمشاركتي الماضية طلبت إنو ناخد موضوع الصوفانية ( مو كاتب المقال ) نقطة نقطة ..

مشان ما يكون في تشتيت بالنقاش .. لأنو التشتيت ما بيوصّل لنتيجة ..

فا .. يا ريت تجاوبني .. بتوافق أو لأ .. و ليش ؟؟

* بنفس الوقت و قبل كل هالحكي في فكرة كثير مهمة :
يا اخواتي يا عيوني يا روحي
هالموضوع أساساً ليش انتشر بكذا منتدى ؟ مو مشان توعية المؤمنين ( بنظر كاتبو أو أي شخص موافقو ) ؟
طيب كثير عال و كثير ظريف
هالمؤمنين صدقوني مو عاطيين أهمية للصوفانية بالقدر يلي انتوا عاطينها ياه

كلمة ( مو عاطيين أهمية ) بتعبّر عن واقع ( ما عد كتير حكو بالموضوع ) ..
لأنو قسم كبير من الناس قبل موضوع الصوفانية و خلص ..

فا .. أنا هدفي من الموضوع توعية هالناس إنو ما يقبلو أي شي قبل فحصو و تدقيقو عقلانيا ً .. مو بس بالعواطف الإيمانية ..

بما انو هالموضوع الهدف منو فائدة مسيحية بحتة ( بنظر صاحبو أو يلي موافقينو على فكرتو )

فأنا مستغرب شغلة وحدة :
ليش ما عم ينحكا مع صاحب العلاقة يلي هوه ميرنا ذات نفسها ؟
ليش كل هالكلام و التشهير يلي موجود هون و حتى بغير منتديات ما انحكا مع ميرنا ؟
ليش ما عم تتفهم هالمخلوقة انو في وجهة نظر تانية بدل ما يصير عليها هجوم بهي الطريقة ؟
انتوا كلكن مسيحية و أحلى عالم و أحلى ناس و أكيد عندكن أخلاق مسيحية ما هيك ؟
الأخلاق المسيحية شو بتقول بهيك ظرف يا اخواتي ؟!!!
بتقول نشهر ؟! ولا مشان الفائدة المسيحية العامة نروح نحكي مع صاحب العلاقة ؟!!!!!!!!

حبيبنا .. مو الهدف هوّي التشهير بشخص .. الهدف هوّي توعية الناس ....

مو الهدف شخص السيدة ميرنا أو أي حدا .. الهدف هوّي هالظهورات اللي قبليتا الناس بدون تفكير ..

أما السيدة ميرنا فا منتمنالها كللللللللللللل خير و نعمة من عند الرب .. آمين .


طيب .. هللأ .. حبيبنا .. في مجال إنو نشيل التشتيت من الموضوع ؟؟؟

في مجال إنو يكون النقاش عن الظاهرة .. مو عن فلان و نية فلان و ما بعرف شو ؟؟؟؟؟؟؟

بتمنى إنو الحديث الجاي يكون عن النقطة المذكورة .. و بس نخلص منها مننتقل لياللي بعدها ..

بليييييييييييز ..

[Molham Haddad]

رد: نقاش في ظاهرة الصوفانية

برضو متابعة

[نبيذومطر]

رد: نقاش في ظاهرة الصوفانية

أحلى جوجو
انت عم تقول أني عم ناقش أسلوب الموضوع ذات نفسو و رايح نهائياً عن الموضوع و كأني مو ذاكرو !! بس هدا الحكي غلط .
لأني و من أول رد ما قربت لا على صاحب الموضوع و لا على الغاية الواضحة منو ، رحت على كل جملة و رديت عليهن وحدة وحدة .

رح لخصلك القصة :

1 _ أنا رديت عالموضوع جملة جملة و فكرة فكرة

2 _ اجا جوجو قلي ( هدا جدل و انت ما بدك توصل للحقيقة ، و هدا تفسير من برات الكنيسة و شبهو بهرطقة ) و طبعاً كلامو هون هوه يلي استوجب أني فندلو أسلوب كتابة الموضوع ، مع اني كنت مأجل القصة للآخر

3 _ قلتلو له يا حبيبنا ، هالحكي بينطبق على كاتب الموضوع مو عليي أنا ، و ترجمتلو لجوجو أسلوب الموضوع خطوة خطوة و كيف مكتوب لحتى يتأكد و ما يفكرني بس عم زت حكي

4 _ رد جوجو قلي خلينا نحكي فكرة فكرة

5 _ قلتلو ردي الأول موجود بتقدر تقراه اذا عم تحكي عن فكرة الموضوع

6 _ رجع قلي يا ريت نحكي فكرة فكرة

7 _ رح ارجع قلو بكل بساطة : ردي الأول موجود

هي هيه القصة حبيبنا بكل بساطة

أما بالنسبة لردك يلي فوق :

_ الجملة يلي بدك ياها ذكرتلك ياها قبل شوي ، يعني لما انت قلت ( جدل كرمال الجدل ) و ( تفسير من برات الكنيسة و هرطقة ) أنا بكل بساطة قلتلك هالحكي المعني فيه هوه صاحب الموضوع و عطيتك إثباتات من جوات الموضوع .

_ منجي لهون هلق :

تمام ..


اقتباس:
* وقف نضح الزيت داخل الكنيسة !
طيب أوك بس الكنيسة كانت أقرت بأعاجبية الحادثة و إلا ما كانت نقلت الأيقونة
مزبوط ؟!!!
* اجت الكنيسة و رجعت الأيقونة بعد المشاورات و قررت عدم إثارة الموضوع
( هون السؤال )
هدا الشي يا ترى بينفي أنو الأيقونة انتقلت أساساً لأنو الكنيسة كانت مقتنعة بأعاجبية يلي عم يصير ؟!!!!!!!!!!!!
كل اللي صار إنو الكنيسة كانت قدّام نضح زيت بدون أي شي تاني ..
و هادا أمر متكرر الحدوث .. مو أول مرة ..

فا .. لما لاقو إنو النضح توقف بالكنيسة اقتنعو إنو الشغلة مو مزبوطة ( مشان ما نفسر من عنا ) ..

فا .. تجنبا ً لحدوث لغط أو شوشرة .. قررو يرجعو الأيقونة لصحابا ..

جوجو
القصد من السؤال هون أنو الكنيسة كانت مقتنعة بيلي عم يصير لدرجة انها نقلت الأيقونة ، و وقت صارت الأيقونة عندهن وقف نضح الزيت ، شو الداعي لحتى ترجع الكنيسة الأيقونة مع جملة ( بدون ما ينثار الموضوع ) ؟! ما هيه لو مو مقتنعة أنو في شي من الأول ما كانت جابت الأيقونة لعندها مزبوط ولا لأ ؟!
أما بالنسبة لهي الجملة :

ليش ؟؟؟؟ شو هالجريمة إنو رجّعو الأيقونة ؟؟؟؟؟؟؟ !!!!!!!!!!

حبيبنا عائلة ميرنا أو أي عائلة مسيحية هنن بشر ما هيك ؟!
و الشي الأكثر من طبيعي أنك كبشري بدين مسيحي تتوقع من الكنيسة تستوعبك مو بالعكس ..
وصلت ؟!

_ بالنسبة لهون :

بمشاركتي الماضية طلبت إنو ناخد موضوع الصوفانية ( مو كاتب المقال ) نقطة نقطة ..

مشان ما يكون في تشتيت بالنقاش .. لأنو التشتيت ما بيوصّل لنتيجة ..

فا .. يا ريت تجاوبني .. بتوافق أو لأ .. و ليش ؟؟

يا أخي يا حبيبي يا عيوني يا جوجو
لما تركت لهجة الموضوع السيئة و المسيئة و حكيت بالفكرة ذات نفسها ، قلتلي جدل ، حللتلك الموضوع يلي عنا ، قلتلي خلينا نحكي بالفكرة بدل الأسلوب .. طيب رح اقترح عليك اقتراح :
اذا حابب تشوف شو رأيي بالموضوع فكرة فكرة : راجع ردي الأولاني يلي كان و بعدو موجود بين الصفحة الأولى و الثانية
اذا حابب نروح أغمق لمطرح نناقش ليش انكتب الموضوع و ليش لهجتو برأيي سيئة و مسيئة : راجع ردود هي الصفحة و يلي قبلها


_ منكمل :

كلمة ( مو عاطيين أهمية ) بتعبّر عن واقع ( ما عد كتير حكو بالموضوع ) ..
لأنو قسم كبير من الناس قبل موضوع الصوفانية و خلص ..

فا .. أنا هدفي من الموضوع توعية هالناس إنو ما يقبلو أي شي قبل فحصو و تدقيقو عقلانيا ً .. مو بس بالعواطف الإيمانية ..

بهدا الجزء في فكرتين لرد عليهن ، رح رد على وحدة و بالآخر رح مرق الثانية :
الفكرة يلي رح مرقها : شو يعني في جزء كبير من الناس قبلت هدا الموضوع ؟ يعني يلي انا قاصدو بالحرف : شو يلي تغير ؟
في شخص ( مين ما كان يكون ) قال أنا السيد المسيح ظهرلي و حكاني كذا و كذا و كذا .. سواء العالم قبلت و صدقت أنو فلان ظهرلو السيد المسيح ، أو سواء ما صدقتو ، شو يلي تغير ؟!
عرفت عليي شو قصدي ؟!
يعني لا العالم آمنت بهالشخص ، ولا هالشخص ابتدع دين جديد ، ولا أسس طايفة جديدة ، طيب أنا شو الي معو ؟! مشان شو بدي لاحقو و قلو ( ليك انت لما بينضح زيت من الأيقونة الموجودة ببيتك ، أوك هي بعترفلك فيها ، بس لما توصل القصة لمطرح تقول فيه ، المسيح حكاني كذا ، أو العدرا قالتلي كذا ، انا بدي فسر القصة بغير طريقة ! )
أنو هدا منطق أو حتى حكي مقبول بالمبدأ ؟!!!!!

_ و كمان مرة لهون :

حبيبنا .. مو الهدف هوّي التشهير بشخص .. الهدف هوّي توعية الناس ....

مو الهدف شخص السيدة ميرنا أو أي حدا .. الهدف هوّي هالظهورات اللي قبليتا الناس بدون تفكير ..

أما السيدة ميرنا فا منتمنالها كللللللللللللل خير و نعمة من عند الرب .. آمين .

جوجو حبيبنا .. بتمنى تقرا الموضوع مرة و تنين و تلاتة و بعدين ارجاع قلي اذا هدا تشهير ولا لأ .. و اذا بدك هلق برجع صفحتين لورا و بجبلك شواهد ، فمن وين لوين طلع الموضوع مو تشهير !

أما بالنسبة لتوعية الناس رجعنا للفكرة يلي ذكرتها قبل هدا الجزء مباشرة ( في شخص قال انا السيد المسيح ظهرلي .. إلخ )
و رح زيد شغلة هون و بدي أجوبة منك على هالتساؤلات لأنها من صلب فكرة الموضوع :
لنفترض اجا واحد هلق و قال السيد المسيح ظهرلي و حكيتو و حكا معي ، منيح ؟!

طيب شو بتقدر تعمل معو ؟!

انت ذات نفسك كيف بدك تقيم اذا لازم تصدقو أو لأ ؟!

هوه اذا طلع حكا هالشي بين عالم ، شو يلي رح يتغير ؟!

مثل ما ذكرت ناطر أجوبة منك هون ، و بيجوز جواب السؤال الثاني متوقعو سلف ، بس مع هيك حابب اسمع منك


_ بالآخر :

طيب .. هللأ .. حبيبنا .. في مجال إنو نشيل التشتيت من الموضوع ؟؟؟

في مجال إنو يكون النقاش عن الظاهرة .. مو عن فلان و نية فلان و ما بعرف شو ؟؟؟؟؟؟؟

بتمنى إنو الحديث الجاي يكون عن النقطة المذكورة .. و بس نخلص منها مننتقل لياللي بعدها ..

بليييييييييييز ..

يا جوجو يا عيوني ، مشان الله وين التشتيت ؟!!!!
لما انت عم تحكي فكرة أنا عم ردلك عليها !
بدك نحكي بالظاهرة ، طيب ما أنا رادد عالموضوع من الأول و ما نرد على ردي لهلق
كل شي انت كتبتو بعدها ، انو جدل و تشبيه بهرطقة ، قمت رجعت رديتلك على الفكرتين و قدمتلك فكرتي أنو كاتب الموضوع هوه يلي بيلبق عليه هالتوصيف و ذكرتلك جمل بعينها من الموضوع ، قمت انت رجعت تقلي يا ريت نحكي بفكرة الموضوع !! ما انت لهلق ما رديت على ردي الأول يلي بين الصفحة الأولى و الثانية


هلق منجي للفكرة يلي قلت رح مرقها :

أخي جوجو ، بما انك انت يلي ناقل الموضوع ، و الموضوع موجود عنا باسمك ، فحقك تطلب تعديلو أو تعديل النص ، و بما أنك ذكرت و أكدت أنو الهدف مو التشويه و لا التشهير و لا الإساءة و لا السخرية .. إلخ ، فشو رأيك نمسك هالموضوع يلي عنا بالمنتدى و نشيل منو كل الجمل يلي بتوحي بالاساءة أو يلي فيها سخرية و تلطيش أو يلي فيها تشهير ؟! و أنا بعيوني مستعد اشتغل معك على هي القصة ، شو رأيك ؟!

[Spike9/11]

صحيح كيف بدك تصدق واحد بقول انو المسيح ظهرلو او العذراء ظهرتلها او انه يرى حصان طروتدة مجنحا، الخ!؟ كيف!؟ في الحقيقة الروح القدس لم يعمل في الكنيسة ويعلم. الكتاب المقدس لابي بدع الهمذاني ليس له قدرة على جعلنا نميز الغث من السمين!! الله الله عليك يا اخ مبيذ ومطر. يا هيك مستوى معلومات الشعب المسيحي يا بلى!

[Maximos]

رد: نقاش في ظاهرة الصوفانية

انت عم تقول أني عم ناقش أسلوب الموضوع ذات نفسو و رايح نهائياً عن الموضوع و كأني مو ذاكرو !! بس هدا الحكي غلط .
لأني و من أول رد ما قربت لا على صاحب الموضوع و لا على الغاية الواضحة منو ، رحت على كل جملة و رديت عليهن وحدة وحدة .

بشو إحلفلك إني شفتا و عجبتني كتير ؟؟؟؟؟؟؟؟؟
يااااااا حبيبنا .. أنا قصدي عالجرايد اللي بعدا ..
هيّ المشاركة 57 و لسا ما حكينا كلمة بالموضوع ...

رح لخصلك القصة :

_ منجي لهون هلق :

هيّ بدها احتفال .. رح نحكي بالموضوع ..

القصد من السؤال هون أنو الكنيسة كانت مقتنعة بيلي عم يصير لدرجة انها نقلت الأيقونة ، و وقت صارت الأيقونة عندهن وقف نضح الزيت ، شو الداعي لحتى ترجع الكنيسة الأيقونة مع جملة ( بدون ما ينثار الموضوع ) ؟! ما هيه لو مو مقتنعة أنو في شي من الأول ما كانت جابت الأيقونة لعندها مزبوط ولا لأ ؟!

حبيبنا عائلة ميرنا أو أي عائلة مسيحية هنن بشر ما هيك ؟!
و الشي الأكثر من طبيعي أنك كبشري بدين مسيحي تتوقع من الكنيسة تستوعبك مو بالعكس ..

آآآآآآآآآآآآآآآآآآآآآآآآآآآآيووووووووووووووووواااا اااااااااااااااااااااا
هادا الجزء اللي بيتعلق بالموضوع ... و أخييييييييييييييرا ًا ًا ًا ًا ً .........
لولولولولولولولولوليييييييييييييييييييييييييييييش

ممكن جواب ( بما لا يزيد على كم سطر ) لهالسؤالين ..
1- ليش توقف نضح الزيت من الأيقونة بالكنيسة ؟؟؟؟؟؟؟؟؟؟
2- ليش كان رد فعل العيلة عنيف ( شو الإساءة بالموضوع ؟؟ ) ؟؟؟؟؟؟؟؟؟

بهدا الجزء في فكرتين لرد عليهن ، رح رد على وحدة و بالآخر رح مرق الثانية :
الفكرة يلي رح مرقها : شو يعني في جزء كبير من الناس قبلت هدا الموضوع ؟ يعني يلي انا قاصدو بالحرف : شو يلي تغير ؟
في شخص ( مين ما كان يكون ) قال أنا السيد المسيح ظهرلي و حكاني كذا و كذا و كذا .. سواء العالم قبلت و صدقت أنو فلان ظهرلو السيد المسيح ، أو سواء ما صدقتو ، شو يلي تغير ؟!
عرفت عليي شو قصدي ؟!
يعني لا العالم آمنت بهالشخص ، ولا هالشخص ابتدع دين جديد ، ولا أسس طايفة جديدة ، طيب أنا شو الي معو ؟!

ولووووووووووووو ..
قلتللك إنو ما إلي شي عند ميرنا أو غيرا ..
قلتللك إنو الهدف توعية هالناس إنو ما تقبل شي إلا بعد دراستو عقلانيا ً ..

بس لما توصل القصة لمطرح تقول فيه ، المسيح حكاني كذا ، أو العدرا قالتلي كذا ، انا بدي فسر القصة بغير طريقة ! )
أنو هدا منطق أو حتى حكي مقبول بالمبدأ ؟!!!!!

وقت بدّو يكون في بكلام هالشخص (( اللي بيقول إنها من العدرا أو المسيح )) تعاليم غلط ..
و موضوعو يتسبب بنشر عالتعاليم الغلط بين الناس ..
و كلامو مناقض للانجيل و التعليم المسيحي الصحيح ..
شي طبيعي إنو حاول وعّيهم ..

و لوووووووو .. هدول اخواتي ..

جوجو حبيبنا .. بتمنى تقرا الموضوع مرة و تنين و تلاتة و بعدين ارجاع قلي اذا هدا تشهير ولا لأ .. و اذا بدك هلق برجع صفحتين لورا و بجبلك شواهد ، فمن وين لوين طلع الموضوع مو تشهير !

أنا مسؤول عن كلامي أنا .. بالكاااامل ..
إذا كان فيه تشهير دللني عليه ..

لنفترض اجا واحد هلق و قال السيد المسيح ظهرلي و حكيتو و حكا معي ، منيح ؟!

طيب شو بتقدر تعمل معو ؟!

بحطّو تحت المجهر لشوف شو القصة ..

انت ذات نفسك كيف بدك تقيم اذا لازم تصدقو أو لأ ؟!

بالاعتماد على مجمل اللي بعرفو من الانجيل و كتابات الآباء القديسين ..

هوه اذا طلع حكا هالشي بين عالم ، شو يلي رح يتغير ؟!

أغلب الناس عنا هون معرفتهم بدينهم قريب عالصفر ..
فا .. الأرجح إنو في كتير عالم رح تصدقو ..
و هيك بينقل التعليم الغلط لهالناس ..

كمان ملاحظة عالهامش : اللي بيقرا حياة القديسين بيلاحظ إنو لما أي واحد منهم يصير معو معجزة بيبذل كل جهدو يخفيها .. مو بينشرها ..

يا جوجو يا عيوني ، مشان الله وين التشتيت ؟!!!!
لما انت عم تحكي فكرة أنا عم ردلك عليها !
بدك نحكي بالظاهرة ، طيب ما أنا رادد عالموضوع من الأول و ما نرد على ردي لهلق

بعتقد إنو وصليتك الفكرة .. رح عيدها باختصار : بما إنو من بعد مشاركتك انكتب جرايد .. فا .. أنا اقترحت إنو نعتبر كل هالمشاركات غير موجودة ( بما فيها مشاركاتنا أنا و ياك ) و نبدأ وحدة وحدة ..

هلق منجي للفكرة يلي قلت رح مرقها :

أخي جوجو ، بما انك انت يلي ناقل الموضوع ، و الموضوع موجود عنا باسمك ، فحقك تطلب تعديلو أو تعديل النص ، و بما أنك ذكرت و أكدت أنو الهدف مو التشويه و لا التشهير و لا الإساءة و لا السخرية .. إلخ ، فشو رأيك نمسك هالموضوع يلي عنا بالمنتدى و نشيل منو كل الجمل يلي بتوحي بالاساءة أو يلي فيها سخرية و تلطيش أو يلي فيها تشهير ؟! و أنا بعيوني مستعد اشتغل معك على هي القصة ، شو رأيك ؟!

حبيبنا .. أنا بتمنى إنو تنشال كلللل المشاركات و نبلش على ورقة بيضا ..

فا .. بالتالي ما عندي مشكلة .. حذوف على كيفك ..

[Molham Haddad]

رد: نقاش في ظاهرة الصوفانية

[ميلاد sh]

رد: نقاش في ظاهرة الصوفانية

قال رب المجد: انتبهوا من الذين يأتونكم في ثياب حملان وهم ذئاب
كونوا حكماء كالحيات وودعاء كالحمام
موضوع لازم يبقى تحت المناقشة

[عبد النور]

رد: نقاش في ظاهرة الصوفانية

ولا عجب. لأنالشيطان نفسه يغير شكله إلى شبه ملاك نور!

v)) ملاك النور هو كائن يتكلم بحرية حيث يقف بالقرب من اللَّه، هذا ما يتظاهر به إبليس.

القديس يوحنا الذهبي الفم