يوميات رجل سلبي

[RAMIKING]

رد: يوميات رجل سلبي

يعني بلش مجتمعنا ينقرض .. الله يبشرك بالخير
بس هاد المنطق صار في انفصام بالشخصية لأن ...

الظاهر هيك صديقتي ,,

مدري عم ينقرض , مدري عم ينسبي ... مدري نحن عم نحرقو ... الله اعلم ..

شكرا لمتابعتك رحاب

عم نقرا
وشي كتير حلو
استمر ابو الريم العظيم

حبيب القلب عبود ,,, بتسرني متابعتك ومنور بمشاركتك

[RAMIKING]

رد: يوميات رجل سلبي

13-

(( الشرق الأوسط الجديد :
هوي نفس الشرق الأوسط ,,, بس كل شي فيه جديد .
كل الأقليات والعرقيات والقوميات والديانات العتيقة والقديمة والتاريخية والمتأصلة , رح يتم استبدالها بقوميات وأفكار وجماعات : شغل جديد , شغل كيفون .
هاد هوي الشرق الأوسط الجديد ...))

[RAMIKING]

رد: يوميات رجل سلبي

14-
(( كتيرين هني الأشخاص اللي منشوفون أكابر ومننخدع بأشكالون وكلامون وأسلوبون ,,
لكن ما إن يحصل أي تصادم بينك وبينون , ولو عن سوء تفاهم .
حتى تتكشف كل الشوارعية واللا أخلاقية وقلة الحيا ,, وما إلى ذلك من صفات الهمجية والإنحطاط الفكري والأدبي ..
لذلك لما يجذبك شخص بأكابريتو , حاول دائماً تحافظ على المسافة اللي جعلتو بنظرك أكابر .
وكل ما كبرتا لها المسافة وبعدتا أكتر , كل ما حافظت على نظرتك إلو .......))

[RAMIKING]

رد: يوميات رجل سلبي

15-
(( طيبة القلب كتير أحياناً بتدفعك لأنك تكذب حالك وتصدق شخص منافق كذاب ,
خصوصاً لما بيبلش يطرق يمينات ويسارات ....
مشان هيك بتتراجع بكتير مواقف وبتقول : يا أخي أنا يمكن ظالمو للزلمي ...
بس لما بيوصل فيه الخداع انو يحلف على شي أنتي حاكيه قدامو أو انتي قايلو , وهوي عم يحكيلك ياه عن لسانك , بتكون وقعت بين احتمالين ,,,
الأول أنك خرفت وما عدت تتذكر شو قلت ,,,
والتاني أنك تقلو أنت واحد كذاب ابن ستين كذاب ,,,,,
لكن المصيبة بتصير لما بيكون هالكذاب أكبر بالعمر من جدك ,,,, هون ما عندك غير احتمال واحد تسكت وتروح تفش خلقك بحدا بتمون عليه ,,, ))

[marmora_56]

رد: يوميات رجل سلبي

استمر يا صديقي

[Harmony]

رد: يوميات رجل سلبي

مؤخرا .. وبعد مدري كم موقف ...فاجئتني حقيقة .. اني ﻻزم انتبه من الناس "المؤمنة"
ﻻن هنن اكتر ناس ممكن يحكموا عليك و اكتر ناس ممكن يكذبوا عليك و ع الله و ع حالهن.. واكتر ناس ممكن يفرقوا بين انسان و انسان ..

[RAMIKING]

رد: يوميات رجل سلبي

مؤخرا .. وبعد مدري كم موقف ...فاجئتني حقيقة .. اني ﻻزم انتبه من الناس "المؤمنة"
ﻻن هنن اكتر ناس ممكن يحكموا عليك و اكتر ناس ممكن يكذبوا عليك و ع الله و ع حالهن.. واكتر ناس ممكن يفرقوا بين انسان و انسان ..

أنا ما بتفق معك بأن الناس المؤمنة هي المشكلة , أو يمكن قصدك الناس المتدينة المدعية للإيمان ,
المؤمن هوي اللي مقتنع بالدين تبعو , وما شرط يكون متدين أي ملتزم بالواجبات الدينية .
المتدين ممكن يكون مؤمن وممكن يكون غير مؤمن ( مدعي ) هاد النوع هو الأخطر .

[Harmony]

رد: يوميات رجل سلبي

انا كتبت كلمة مؤمنة بين شخط .. ﻻن ما بحقلي او مافيني احكم تماما ع وضعية عﻻقة هالناس ب الله ..
ممكن يكونو متدين وممكن هاد مفهومن ﻻ اﻻيمان ...
بكل اﻻحوال احيانا صعب نعرف الناس من ثمارها ... او يمكن الثمار من برا بتلمع بس من جوا مدودة..

[RAMIKING]

رد: يوميات رجل سلبي

16-
(( هيك شعب ملوث بسياقات العنصرية والطائفية والقبلية , بدو ألف غسلة وغسلة وألف دوا غسيل , ولا ممكن أبدا يزيل بقعة وحدة من بقع التخلف اللي شربانها من بدء وجودو ع وجه الأرض ... ))

[RAMIKING]

رد: يوميات رجل سلبي

17-
(( اللي استنتجو مؤخرا : أن المجتمعات الغربية لا تقل فسادا ونفاقاً عن المجتمعات الشرقية ,,
أبداً على العكس , فيها أكتر وأكتر مما نتصور .
لكن ببساطة هني كل صفة سيئة أو عمل مشين , قادرين يعطوه منظر أو مظهر حضاري ,,,
يعني مثل العري والخيانة والفساد واستحقار الناس والفساد المالي ,, كلو متوافر وبكثرة ,, بس اللي عم يقوم بهالأعمال شوي بيلبس أرتب وبيحكي لغة أجنبية , وأشقر زيادة ,,, ))

[RAMIKING]

رد: يوميات رجل سلبي

18-

(( مجموعة من الكائنات الزحارية المتحولة , بتشغل البال دائماً :
هي الكائنات اللي بتلتقى فيها بالغربة , وبتشوفها عطول عم تنتقد مجتمع الإغتراب , وعاداتو وتقاليدو ونمط حياتو , وهي بنفس الوقت كانت عايشة بمجتمعا الإصلي بنفس طريقة المجتمع المغترب ..
يعني على سبيل المثال لو كنت بمجتمع غربي بتلتقى بشخص بيضل ينتقد عاداتون وتقاليدون وحريتون وفلتون وقلة حياهم وووو ,, وهو كان ببلدو عايش أفلت منون وبايعة وما عندو التزام بشيء ,,, بس مدري شو بيضرب فيه عرق التدين أو التزمت لما بيصير هنيك ,,,
على النقيض الأخر لما تكون بمجتمع محافظ أو ديني , بتلتقى بشخص بيضل ينتقد التشدد والتزمت والكتمان وقلة الحرية ووووو ,, وهو ببلدو كان عايش بمغارة وكهف ويمكن جيرانو ما بيعرفون ,, ))

[RAMIKING]

رد: يوميات رجل سلبي

19-
(( أكتر شيء بيستفزك بالمثقفين العرب ( معظمهم ) .. أنهم بينكشوا أدباء ومفكرين مغمورين ومهمشين ومن بعض الدول الفاشلة .
وبيصيروا بيتاجروا بأفكارون وكتاباتون ,
وما بيخطر ببالون أنو لو هالمفكر أو الأديب اللي عم يعملولوا استحضار أفكار , ما نفعت أفكارو شعبو بليرة ..
لكن البروزة الثقافية أحياناً بتستدعي انك تتبنى أسماء ما حدا سامع فيها لحتى تميز حالك شوي عن غيرك ... ))

[RAMIKING]

رد: يوميات رجل سلبي

20-
(( بنفس الوقت اللي بيكون انسان ناجح عم يصعد ع سلم النجاح , بيكون في انسان فاشل لاحقو بأصنصير ( مصعد ) عم يترصد خطاه ويتعقب أخطاؤه ويعرقل مسيرتو .
بكل بساطةبيصير الناجح قضيتو للفاشل , همو وكابوسو ...
لما بينجح الفاشل بافشال الناجح ,,,
تأكد انك بالمجتمع التافه اللي نحن فيه هلء ,,,, ))

[SKY ANGEL]

رد: يوميات رجل سلبي

21
من سلبيات بعض الاشخاص بتشوفون مسافرين ومصورين والكاس بايدون والسيكار بالايد التانية وكاتبين ولله ملينا وطقينا وطلعت روحنا وشتقنا للوطن والله يلعن الغربة وابو الغربة وراجعين يا وطن راجعين واذا بتقلون رح ترجعو ؟؟ بيقولولك لاااااااااه يازلمي شو بدنا نرجع نعمل تعودنا هون خلص وهني مابيكون الون كم شهر بس هههههههههه

[Harmony]

رد: يوميات رجل سلبي

21
من سلبيات بعض الاشخاص بتشوفون مسافرين ومصورين والكاس بايدون والسيكار بالايد التانية وكاتبين ولله ملينا وطقينا وطلعت روحنا وشتقنا للوطن والله يلعن الغربة وابو الغربة وراجعين يا وطن راجعين واذا بتقلون رح ترجعو ؟؟ بيقولولك لاااااااااه يازلمي شو بدنا نرجع نعمل تعودنا هون خلص وهني مابيكون الون كم شهر بس هههههههههه

مااكترن هدول

[RAMIKING]

رد: يوميات رجل سلبي

22-
(( هالعالم صاير وسخ ... بتوقع انو العالم طول عمرو وسخ , بس اللي اختلف انك اكتشف أكتر الجوانب الوسخة فيه .. ))

[RAMIKING]

رد: يوميات رجل سلبي

23 -
(( أكثر ما يثير الاستفزاز , شخص وعي جديد على مواقع التواصل الإجتماعي ,,,,,, بيرجع بيعدلك كل المقاطع والصور والنكت اللي ماتت موضتها وانتهت ,, وخود ع مغيص ... ))

[RAMIKING]

رد: يوميات رجل سلبي

24-
(( كتير بتصير انك تشوف مجموع من الأشخاص ما في شي بيجمعون ,,,, غير أن الجميع بيبغضك ,,,,
لذلك لا تزعل , لا بل على العكس افرح لأنك خليت هالعالم تحب بعضا ,,, بفضل كرهها لك ,,, ))

[SKY ANGEL]

رد: يوميات رجل سلبي

25
العالم لما كانو كل يوم بوش بعضون ماكانو يطيقو بعضون
بس لما تغربو بيصيرو يتذكرو (عجب فلان وين صار عجب هداك وين صار )
واذا صدف انو في صديق عالفيس مشترك بيناتون
بيكون منزل شي كومينت او صورة بيطقو حنك مع بعض مالو علاقة بالوست او الكومينت (وماحدا) بيعمل طلب اضافة للتاني
كمان في ناس مو متذكرتك ولا شي اذا عملتلون طلب صداقة بيقبلوه اكيد بس اول جملة بتكون ( وينك يازلمي مختفي دورنا وراك بالفيس لعجزنا ماكنا نشوف اسمك) علماً انو بتكونو عاملين (لايك ) لشخص مشترك
ايه دنيا

[RAMIKING]

رد: يوميات رجل سلبي

26- (( أنو بيسخر منك أل ليش بتحضر أفلام هندي ,,,,, أفلام هندي يا زلمي !!!... هوي ما بيحضر غير أفلام أمريكي ,,طبعاً تبريرو أنو الأفلام الهندية مليانة كذب ,, بس أفلام التخويت العلمي والتاريخي والأخلاقي والديني الأمريكية ,,,, مو كلا كذب ,,,,,يمكن الفرق أن الأمريكان بيصوروا بكامرا ذات دقة أعلى أحياناً ,مشان هيك بيخلوك تقتنع بالكذب أكتر شوي ,,,,أما عدا ذلك فبرأيي الأفلام الهندي أفضل بكتير من الأمريكي ,,, ببساطة لسا في عندون بساطة .... ))