العذورية ... من وجهة نظرنا

[bero]

رد: العذورية ... من وجهة نظرنا

الحقيقة انا فتت بالحيط

[khalkhool]

رد: العذورية ... من وجهة نظرنا

مشاركتك هون يا حبيب لو ما شاركت غير فيها فهيي كافية لابقى متذكر رأيك المتحضر واللي رح يخليني ضم صوتي لصوتك 100% مع اني كنت مقرر ما انحاز لحدا ....لأنك عبرت عن رأيي اكتر مني ....ميرسي خليل..

على راسي فادي والله, وأبو الزوز كمان,,,,

بس بدي عقّب على نقطة, أنو هاد الموضوع تبع التخلف والـ 400 سنة احتلال عثماني هوه نتيجة حتمية لتاريخ دموي بدأ من الجزيرة العربية وانتشر لوصل للصين والمغرب ووسط آسيا, هاد التاريخ دموي ضد الغير, ودموي ضد الذات, يعني الثقافة اللي بتختصر المرأة بجهاز متعة جنسية وروبوت خدمة! وهاد الشي يلي بييخلينا نحاول نخليها بهي البوتقة والحبس مشان ما تطلع وتتطور وتنافس الرجل متل ماصار بأوربة وباقي الدنية,,,,

مشان هيك, لقينا أنو أسهل شغلة نعلق عليها هاد الموضوع هوه الغشاء الضعيف يلي ممكن يتمزق بسهولة وبالغلط (ركب البسكليت, ركب الخيل, الجمباز ومعظم الرياضات اللي فيها بتتطلب لياقة ومرونة عالية) وصار هاد الشي هوه السبب بكل سي, يعني:
الببنت مابيصير تحب, لأنو إذا حبت رح تدخل بعلاقة جنسية وتفقد بكارتها,
ومشان البنت ما تحب, مالازم تحتك كتير بالشباب,
ومشان ما تحتك بالشباب, مالازم تطلع من البيت,
ولأنو مالازم تطلع من البيت, مالازم تشتغل,
وما لازم تدرس,
ومالازم تلعب,
وما لازم تتحرك,

وهيك منكون قضينا على أملها و فرصتها أنها ترجع تكون أنسان!!! لأنو هيه بهي الحالة مانها إنسان, بدليل انو في جماعات (ببدون ذكر أسامي) بيعتبروها متاع بالدنية متل السيارة والبيت والكنباية والموبايل, ومتل الجمل والحصان والمعزة والخيمة و و و و و و....

الانسان مابيقدر يعيش بإيد وحدة, وإذا قدر, فما رح يكون منتج متل الانسان يلي عندو إيدتين!
والدليل واضح, مجتمع يعمل فيه الجميع (ألمانيا مثلا) ومجتمع يعمل فيه الرجل فقط (سوريا مثلا)

بس المصيبة الأكبر, واللي بتخليني دايما قول أنو المرأة بتستاهل كلشي بيصير فيها, أنو البنت بتعيش حياة قهر وظلم بس لأنها بنت مو شب, وبتكره حياتها بسبب هاد الشي ويتحس إنها أقل بدرجات من الشب, وبالآخر, لما بتكبر وبتتجوز, بترجع بتعيد نفس المأساة مع بنتها!!!

[فادي حداد]

رد: العذورية ... من وجهة نظرنا

الحقيقة انا فتت بالحيط

ليش لك خيو !!1000 سلامة!!!

[فادي حداد]

رد: العذورية ... من وجهة نظرنا

مشان هيك, لقينا أنو أسهل شغلة نعلق عليها هاد الموضوع هوه الغشاء الضعيف يلي ممكن يتمزق بسهولة وبالغلط (ركب البسكليت, ركب الخيل, الجمباز ومعظم الرياضات اللي فيها بتتطلب لياقة ومرونة عالية) وصار هاد الشي هوه السبب بكل سي,

رأيك اكتر من منطقي وكافي يكون واقع بيظهر بكلام ينبهنا لشي عم ننقلو بدون وعي(البعض مننا)للاجيال القادمة...

[micho]

رد: العذورية ... من وجهة نظرنا

هلأ الله لا يجربنا و يحطنا بهيك موقف بس بالنهاية انا بيهمني الإنسان اللي رح يشاركني حياتي مو رقعة صغيرة ((هو قد يكون معيار حفاظ البنت على حالها بس اذا فقدتو مو بأرادتها السؤال اللي بيخطر لبالي هون : ليش بدنا نحكم على انسانة بالموت و انو تعيش حياتها كأنها مو موجودة بها الدنيا او عم تتعامل متل بنت ساقطة بشي هي ما ألها ذنب في ؟؟؟ ))
بحب نوه لشغلة انو البنت هي انسانة مو خدامة الرجال رح يشتريا لحتى تخدمو و تطبخلو و تنفخلو و تجبلو التشط آخر النهار و تركع تحتو و تفركلو رجليه بمي و ملح ..
و مشكور عالموضوع فودو طرحك هادا حلو..

[khalkhool]

رد: العذورية ... من وجهة نظرنا

سؤال صغير ليللي صوتو انو :"لا قطعا,بغض النظر عن اي شيء "

ليش انت ماعندك تجارب جنسية؟؟؟؟
ليش حلال لألك وحرام لغيرك؟؟؟؟

الرجال ليسوا قوامين على النساء,
وليس لهم عليهن درجة,
والمرأة ليست ضلع قاصر,
وليست ناقصة عقل ودين...

يلي بيحكي عن امو وأختو ومرتو وبنتو انها ناقصة أو ضلع قاصر,,,, بيكون هوه القاصر, وهو الناقص!!

"خلق الله الإنسان على صورته, على صورة الله خلقه, ذكرا وانثى خلقهم,,, وقال لهم إنموا واكثوا واملؤا الأرض"

[gon]

رد: العذورية ... من وجهة نظرنا

اذا نحنا بدنا نجئ ونصير نفكر ليش هيك صار فينا نسمع منها كل شئ ونحاول مساعدتها ولا ان نحط لوم على فقدتها العذروية الان اذا بنرجع الانجيل عندما كانت مريم المجدلية فاقدة لعذريتها ماذا صار اصبحوا الفريسين يهاجونها وكانوا يرجمونها بلحجارة حتى جاء الرب الهنا له المجد وقال لهم من كان منكم بلا خطيئة فل يرجمها بحجر وانا هذا رائي في الموضوع لايوجد انسان دون خطيئة في هذا العالم وشكرا

[فادي حداد]

رد: العذورية ... من وجهة نظرنا

هلأ الله لا يجربنا و يحطنا بهيك موقف بس بالنهاية انا بيهمني الإنسان اللي رح يشاركني حياتي مو رقعة صغيرة

هيدا هوي التفكير المنطقي اللي بيبعد عن هالمادية البحتة والرقعة والعلاك المصدي

[فادي حداد]

رد: العذورية ... من وجهة نظرنا

لايوجد انسان دون خطيئة في هذا العالم وشكرا

كمان مبدأ حلو بالطرح بشكرك كتير عالطرح القوي..(الخطيئة=النبذ أو الموت؟!؟!؟!)

[نبيذومطر]

رد: العذورية ... من وجهة نظرنا

على راحتك عمي والله لو نهبت متحف اللوفر كانو حكموني وخلصت من التبعات تبع السرقة

هههههههه حقك عليي تاخرت بالرد بس هيك ظروفي شو بدي اعمل

اكيد ما حدا بيحاكم حدا هون ، بس بالنسبة لـ اللوفر ، معك حق كانوا بيحكموك ، بس كان الحكم تحت طائلة اعتراف مثلاً ، ما بيمشي الحال يحكموك و يلاقوك تاني نهار عم تشرب قهوة بمقهى عالشارع

فهمت عليي ؟

[نبيذومطر]

رد: العذورية ... من وجهة نظرنا

بالنسبة لبقية الشباب يلي مداخلين كثير بالفترة الماضية ، ما بعرف اذا لازم ارجع افتح الموضوع ولا لأ ، بس صدقاً اسم الصليب على قلبكن و هنيئاً لهذا الوطن بهالعقول المتفتحة الواعية ، و ما شاء الله ، الله يحرسكن

شبيبة : عند البعض منكن لهجة تهكم على مجتمعو و هدا حقو طبعاً ، وحقو كمان تكون عندو وجهة نظرو الاجتماعية الخاصة المتعلقة بكل موضوع ، بس بتعملوا معروف يا اما اشتغلوا لتغيروا هدا المجتمع و طبيعتو ، يا اما ما تخبروني اني عايش بسوريا و تقولولي انت عم تتخيل انك بسوريا بس انت بهاواي حالياً

انا ما عقبت عالموضوع ذات نفسو لهلق ، لاني بعتبرو شي مرتبط بشخصين ، يعني الو خصوصية متعلقة فيهن تحديداً و في آراء نزلت بتجنن بهدا المجال ، فيها وعي ، و ما رح اعتبر انو فيها مبالغة لانو مو من حقي حاكم اي شخص

بس معلش بالمقابل ما حدا يصور الموضوع و كانو تغيير المجتمع بيبلش من عند الجنس ؟! لانو هيك صارت واسعة القصة يا شباب ، كثير واسعة على فكرة ، كثيــــر

اذا اي شخص حابب يحكي بهدا الموضوع انا برحب ، و خصوصي من عند الفكرة يلي بلشت تلوح بانو كل مشكلة هالمجتمع مبلشة من عند النظرة للمرأة و الجنس ما انتبهتوا انو القصة قلبت لهون ؟!

واسعة شبيبة .. كثير واسعة .. كثير كثير واسعة

[فادي حداد]

رد: العذورية ... من وجهة نظرنا

كان الحكم تحت طائلة اعتراف مثلاً ، ما بيمشي الحال يحكموك و يلاقوك تاني نهار عم تشرب قهوة بمقهى عالشارع

فهمت عليي ؟

يا حبيبي للأسف ما فهمت!!!و اذا بتوضحلي بتكون خدمتني,ولا قلك!دجها دج هيك بالمشرمحي...

[نبيذومطر]

رد: العذورية ... من وجهة نظرنا

ما بدها دج ابو الفدا ، القصة بسيطة
راجع المداخلات بهداك الوقت بتلاحظ انو اكثر من مرة انت عم تقول الموضوع محلول و عادي و طبيعي .. الخ ، واول ما حدا يرجع يحكي مداخلة معاكسة بتعتبرها نوع من العتب عليك لانك فاتح الموضوع

[فادي حداد]

رد: العذورية ... من وجهة نظرنا

راجع المداخلات بهداك الوقت بتلاحظ انو اكثر من مرة انت عم تقول الموضوع محلول و عادي و طبيعي .. الخ ، واول ما حدا يرجع يحكي مداخلة معاكسة بتعتبرها نوع من العتب عليك لانك فاتح الموضوع

يا أخي انتو عم تحاولو تلزقو بضهري شي انا ما الي فيه و مصرين اني متخلف و متعنت و لسا شوي بدكن تشكلو جبهة ضدي,اي وحدوا الله!!!!!!
بعدين لك خيو سؤال انتا عم تحكي باسم حالك ولا باسم حدا تاني؟!؟اذا كنت عم تحكي باسمك هات فرجيني كيف وصلت لهالنتيجة العظيمة لانو شايف الامور كلها طبيعية و النقاش حلاوتو انو عم تضارب فيه الآراء و هادا شي كتير حضاري و صحي....
و أنا من عندي بقلك يا خيو خود راحتك بس لا تقرا بين السطور لأنو أنا بكتب بس عالسطور -يعني ما عندي شي مضمر-..........

[randoosh]

رد: العذورية ... من وجهة نظرنا

انا بحب اعطي رأييه من ناحيتي اول شئ انو الرب ليش خلق هل الشئ للمرأة يعني متل شرف وما خلق للرجل شرف هيدا الشئ كلو حكي وحكي وحكي لانو الانسان ما بينحكم مشان انو البنت عذرا ولا لا اول شئ كيف انت بترضى انو تعمول كل شئ وتعمول علاقات خارج عن الزواج والبنت بس انو مع زوجها او عريسها المستقبل انو في شئ بالموضوع متل ما انت عندك غريزيه جسديه كمان هي عندها غريزة جسدية كل شخص متعلق بشئ وكمان الرجل بحقلو وكمان المراة بحقلها عنا اذا اتزوجنا ولقينا البنت مو عذرا يا ويلاه انتي خاينيه انتي مدري شو وانتي وانتي ببلشو يحكي واخر شئ ممكن يقتلا بس مو هون بوقف هل الشئ الشئ يلي بوقف عليه هل الشئ هوي الحب اكيد هي كلميه ااكبر من ما احنا بنتخيلها بس هي هيك صايرا كيف اوربا واميركا البنت اذا كانت عذرا عيب هل الشئ . واخر شئ بياخدو بعض مشان شو الحب الحب احنا الحب ما خدينو عنا انو بناخد بنت عذرا وبس نتجوزها ما رح تكون عذرا وهل الشئ بنرتاح منو لانو فقدت عذريتها مع زوجها بس شو بدي احكي لاحكي لانو قد ما حيكت ما كل شخص بيتقبل هل الشئ وشكرا ع طرح هيدا الموضوع

[فادي حداد]

رد: العذورية ... من وجهة نظرنا

انو بناخد بنت عذرا وبس نتجوزها ما رح تكون عذرا

هون رجعنا لقصة النايلونة و الصناعة الأصلي و التقليد و هيدي من القوانين...ما فيي ولا فيك تغير او تعترض,,,و بيجوز حتى ما تقدر تفش خلقك!!
شكرا عزيزي عالمشاركة المعبرة