هل ظل المسيح في القبر 3 ايام

[eVy99]

رد: هل ظل المسيح في القبر 3 ايام

ميرسي شاعرنا علشرح المفيد والمفصل

[خريستوفوروس]

رد: هل ظل المسيح في القبر 3 ايام

أهلين إيفي
( رديتلك هونيك ) ..

[Dodi]

رد: هل ظل المسيح في القبر 3 ايام

ميرسي الك دودي ع الشرح

ربنا ينور دربك

وينور دربك

[Molham Haddad]

رد: هل ظل المسيح في القبر 3 ايام

كريستيان ودودي كفوا ووفوا مشكورين

[gorge]

رد: هل ظل المسيح في القبر 3 ايام

مع الاسف انتو عم تحاولو تقنعو انفسكم وما عم تقدرو لهيك عم تتخبطو بتحليلات غير منطقيه

لانو من يوم ما الله خلق الارض خلق النهار والليل وسماهم يوم واحد يعني 24 ساعه وهي الاسئله عجز عن الرد عليها بشكل عقلاني ومقنع أكبر الاباء وهذا الكلام مو من عندي


اما بالنسبه للتلفونات والتطبيق هي مو من عادتي

واذا بتحبو نفتح اي نقاش خبروني بشرط يناقشني شخص واحد والي بدو يحط تعليقات على النقاش يحطها بغير صفحه منشان ما تتشتتو........

[gorge]

رد: هل ظل المسيح في القبر 3 ايام

اما بالنسبه لكلامك انو الموضوع تشبيه يسوع بيونان هي منشان خطة الفداء

ممكن اعرف عن اي فداء عم تتكلمي ومن شو بدو يفدينا

[Dodi]

رد: هل ظل المسيح في القبر 3 ايام

مع الاسف انتو عم تحاولو تقنعو انفسكم وما عم تقدرو لهيك عم تتخبطو بتحليلات غير منطقيه
حضرتك مستبصر أو دكتور نفسي ...مابعرف يعني لحالك عم تسال وتجاوب وسبق وقلت ما بحب اسلوب القطش واللحش
لانو من يوم ما الله خلق الارض خلق النهار والليل وسماهم يوم واحد يعني 24 ساعه وهي الاسئله عجز عن الرد عليها بشكل عقلاني ومقنع أكبر الاباء وهذا الكلام مو من عندي
طيب مع أنو كان فيك تقولا بأسلوب دقيق علمياً اكتر المهم حابة زكرك أنو في كتير اشيا خلقا الله وما كان الأنسان عندو أدراك لألها وفي كتير أشيا بعد ما ادركناها ولا رح ندركا

اما بالنسبه للتلفونات والتطبيق هي مو من عادتي

واذا بتحبو نفتح اي نقاش خبروني بشرط يناقشني شخص واحد والي بدو يحط تعليقات على النقاش يحطها بغير صفحه منشان ما تتشتتو........

وبالنسبة للتشتيت فا اذا حاسس انو نقاشك كتير قوي ورح يشتتنا فا بحب قلك جاهزين لأي نقاش هادف ومنطقي بس لهلأ ما شفتو بردودك

[Dodi]

رد: هل ظل المسيح في القبر 3 ايام

اما بالنسبه لكلامك انو الموضوع تشبيه يسوع بيونان هي منشان خطة الفداء

ممكن اعرف عن اي فداء عم تتكلمي ومن شو بدو يفدينا )

شرح المفردات
فداء=تضحية
واول مرة بعرف انو فداء =إفادة



واي رد بدك تضيفو رح يتم الرد عليه المسا لانو هلأ ما بقدر تابع معك ....

[Butterfly]

رد: هل ظل المسيح في القبر 3 ايام

اولا انا ما الت افاده انا الت فداء ....ويفدينا

ثانياً انتو التو انو قصة يونان هي رمز للفداء

ممكن اعرف اي فداء هذا ؟؟؟
ومن شو بدو يفدينا ؟؟؟

أوك أنا ماكان بدي أتدخل
بس بما أنو دمدومتي مانها هون رح جرب أفهم شو بتقصد

يعني أول شي حضرتك مو من دينا ماهيك
لأنو كنت عرفت لحالك أي فداء

أول شي بخصوص قصة يونان يلي هي رمز من رموز العهد القديم يلي بتدل على طريقة الفداء
متلها متل الحمل المدبوح عند خروج الأسرائيلين من مصر
(ولاتكسر عظمة من عظامه )
ونفس الشي قصة يونان يلي ضل ببطن الحوت 3 أيام
والمسيح قام من بين الأموات باليوم الثالث
يعني هو خروج من الظلمة إلى الحياة بعد 3 أيام

هلئ تاني سؤال
أي فداء؟
فداء البشرية من الخطيئة الأصلية
(السقوط )


من شو بدو يفدينا؟
من نار جهنم من الخطية يلي لبسناها من لما خلقنا بسبب غلطت أدم وحوا

بس إذا سؤالك ليش المسيح هو يلي فدانا ومو أي نبي
لسبب كتير بسيط

في كتير أنبياء قدرو بقوة معطاة من السيد المسيح أنو يقيمو الأموات
بس مافي ولا نبي مات وقدر يقيم نفسو من الموت

إلا السيد المسيح هو الوحيد الذي أقام نفسه من الأموات في اليوم الثالث
يعني هو الوحيد القادر على محي الخطيئة يلي كنا عايشين فيها
وهو القادر ينشلنا من الموت إلى الحياة الأبدية

[خريستوفوروس]

رد: هل ظل المسيح في القبر 3 ايام

مع الاسف انتو عم تحاولو تقنعو انفسكم وما عم تقدرو لهيك عم تتخبطو بتحليلات غير منطقيه

رهيبة يا تسالي

لانو من يوم ما الله خلق الارض خلق النهار والليل وسماهم يوم واحد يعني 24 ساعه

شرح لاستخدام كلمة يوم في الكتاب المقدس .. عن تفسير الأب انطونيوس فكري للكتاب المقدس :

أنها حقبات زمنية لا نعرف مقدارها فقد تطول لتصبح آلاف الملايين من السنين للأسباب الآتية :

1 - الأيام ليست أيام شمسية فالشمس لم تكن قد خلقت فى اليوم الأول وحتى اليوم الثالث.

2 - اليوم السابع بدأ ولم ينتهى حتى الآن. حقاً إن يوماً عند الرب كألف سنة 2 بط 8:3 .

3 - فى تك 4:2 "يوم عمل الرب الإله الأرض والسموات" هنا أدمجت الستة أيام فى يوم. فكلمة يوم هنا لا تعنى بالقطع اليوم المعروف الآن بـ 24 ساعة.

4 - وحتى الآن ففى القطبين اليوم ليس 24 ساعة.

5 - الكتاب المقدس يستخدم كلمة اليوم بمعانى مختلفة بمفهوم أوسع من اليوم الزمنى:

أ -يقصد به الأزل… أنت إبنى أنا اليوم ولدتك مز 7:2 + عب 5:1 .
ب -يقصد الكتاب بقوله عن الله "القديم الأيام" دا 9:7 أنه أزلى .

ج -يقصد به الأبدية ... "يوم الرب" أع 20:2 .

وهي الاسئله عجز عن الرد عليها بشكل عقلاني ومقنع أكبر الاباء وهذا الكلام مو من عندي

قال في حمصي عم يقول لرفيقو : شفتلك فيل أزرق طاير
قلو : أزرق ؟؟؟؟؟؟؟؟؟؟!!!!!!!!!!!!!!!!!!!

اما بالنسبه للتلفونات والتطبيق هي مو من عادتي

في تفسير منطقي لتصرف إنسان ناضج انو يحط موبايلو بمنتدى

واذا بتحبو نفتح اي نقاش خبروني بشرط يناقشني شخص واحد والي بدو يحط تعليقات على النقاش يحطها بغير صفحه منشان ما تتشتتو........

نحن ماننا بمناظرة ثنائية ..



و أهم شي شوف ردي السابق الي شرحت فيه لأنو فيه التفسير المنطقي الكامل .

[خريستوفوروس]

رد: هل ظل المسيح في القبر 3 ايام

هي جبتلك حالات استخدام كلمة يوم في الكتاب المقدس :

أولاً: أمثلة لأيام تعني أيام من 24 ساعة:
1- المائة وخمسون يوماً الخاصة بالطوفان (تك8:3).
2- الأربعين يوما التي قضاها الجواسيس في كنعان (عد25:13).
3- الثلاثة أيام التي قضاها يونان في بطن الحوت (يون17:1).
4- الأربعين يوماً التي كان السيد المسيح يظهر فيها لتلاميذه بعد قيامته (أع3:1).

ثانيا: أيام رمزية:
1- عبارة يوم تشير إلى لحظات أو دقائق: "اليوم إن سمعتم صوته فلا تقسوا قلوبكم" (مز7:95).
2- عبارة يوم تشير إلى جزء من اليوم: مثال ذلك دفن السيد المسيح في القبر والذي لم يكمل 48 ساعة، ولكنها كانت موزعة على ثلاثة أيام قيل أنه وضع في القبر ثلاثة أيام.
3- عبارة يوم تشير إلى سنة: "الإنسان مولود المرأة قليل الأيام وشبعان تعباً" (أي1:14)؛ "أنا صغير الأيام وأنتم شيوخ" (أي6:32)؛ "أيامي كظل مائل وأنا كمثل العشب اليابس" (مز11:102)؛ "أيامي إنطفأت" (أى1:17)؛ "أيامه مثل ظل عابر" (مز4:144)؛ "سبعين أسبوعاً قضيت على شعبك وعلى مدينتك المقدسة لتكميل المعصية وتتميم الخطايا ولكفارة الإثم، وليؤتى بالبر الأبدي ولختم الرؤيا والنبوة ولمسح قدوس القديسين" (دا24:9). وفي هذا المثال الأخير نلاحظ أن السيد المسيح (قدوس القديسين) لم يأتِ ولم يُمسَح بعد بعين أسبوعاً ولا سبعين شهراً، بل بعد حوالي 490 سنة أي أن كل يوم يرمز إلى سنة كاملة! ولتأكيد ذلك نلاحظ قول دانيال النبي: "أنا دانيال كنت نائماً ثلاثة أسابيع أيام" (دا2:10). وهي عبارة لم تذكر في الكتاب المقدس كله إلا في هذا الموضوع ليفرق بينها وبين الأسابيع السابقة التي لم تكن أسابيع أيام بل أسابيع سنين. مصدر المقال موقع أنبا تكلاهيمانوت.
4- عبارة أيام تشير إلى المستقبل: "إسمع يا إسرائيل: أنت اليوم عابر الأردن" (تث1:9). ولكن بني اسرائيل لم يعبروا الأردن إلا بهد سنوات طويلة. – "هذا هو اليوم الذي صنعه الرب، نبتهج ونفرح فيه" (مز24:118). والمزمور هنا يشير إلى يوم الخلاص الذي سيتممه الله على عود الصليب، وهذا ما حدث بعد زمن طويل. – "قبل يوم يتوفى وسعفه لا يخضر" (أي32:15).
5- عبارة يوم تشير إلى كل الحياة: "وأسكن في بيت الرب مدة الأيام" (مز6:23).
6- عبارة أيام تشير إلى تاريخ البشرية كلها: "ها أنا مهكم كل الأيام وإلى إنقضاء الدهر" (مت20:28).
7- عبارة أيام تشير إلى نهاية العالم: "فإن لرب الجنود يوماً على كل متعظم وعال وعلى كل مرتفع فيوضع" (إش12:2)؛ "فهوذا يأتي اليوم المتقد كالتنور وكل المسكتبرين وكل فاعلي الشر يكونوا قشاً ويحرقهم اليوم الآتي" (ملا4:1).
8- عبارة أيام تشير إلى ألف سنة: "لأن الف سنه في عينيك مثل يوم أمس بعدما عبر وكهزيع من الليل" (مز4:90)؛ "ولكن لا يخف عليكم هذا الشيء الواحد أيها الأحباء: أن يوماً واحداً عند الرب كألف سنة وألف سنة كيوم واحد" (2بط8:3).
9- عبارة ايام تشير إلى الأبد: "وأجعل إلى الابد نسله وكريه مثل أيام السنوات" (مز29:89)؛ "أحكامك تثبت اليوم لأن الكل عبيدك" (مز91:119) فأحكام الله ثابتة إلى إنقضاء الدهر.
10- عبارة أيام تشير إلى الأزلية: "القديم الأيام" (دا9:7)
ومما يؤكد هذه النظرية أن الكتاب المقدس يذكر عبارة: "وكان مساء وكان صباح" لكل الأيام فيما عدا اليوم السابع. أي أن أيام الخلق كلها لها بدايتة ونهاية، وأما اليوم السابع فبدأ ولم ينته.. فاليوم السابع يمتد منذ خليقة آدم وحتى نهاية العالم. وهذا يرينا من هو طويل جداً، وبالتالي يمكننا أن نتوقع ما تشير إليه عبارة يوم في أيام الخلق من طول قد يمتد لآلاف أو ملايين السنوات..
وتستطيع أن تكمل البحث عن معاني كلمة أيام في الكتاب المقدس بنفسك..

[gorge]

رد: هل ظل المسيح في القبر 3 ايام

الاستاذ الوالي بصراحه لو كانت دمدومتك هون كان افضل لانو مداخلتك مجرد كلام من عقلك وانت ما عم تستند بكلامك على الانجيل

لانو السيد المسيح ما أقام نفسو واذا عندك اي دليل من الكتاب اعطني اياه لانو الانجيل والرسل يلي عاشو مع يسوع بعتقد هم اعلم منك ومني بهذا الموضوع وهذا كلامهن



سفر أعمال الرسل 13: 30
وَلكِنَّ اللهَ أَقَامَهُ مِنَ الأَمْوَاتِ.وعندي اكثر من آيه بهذا الموضوع

ومافي اي آيه بالكتاب بتقول انو يسوع اقام نفسه واذا بتعرف شي آيه اعطيني اياها تنستفيد منك


على كل حال انا سالت سؤالين واذا امكن بدي منكن اجوبه

اما بالنسبه لموضوع ( اني من غير دين هذا الامر مو من اختصاصك انت عليك توضحلي ايمانك من الكتاب ) وانتبه نحنا عم نتناقش بالايمان وانا ما عم اعمل اي تفرقه بترجاك لا تكتب اي شي عن دين تاني لانو في مداخله كتبتو فيها انو نحنا مو متل غيرنا منقول انو الكتاب منزل وما مناقش اي كلمه فيه .........وشكراً

بعتقد من الصواب اني اسالكن عن الدين يلي ولدت عليه؟؟!!!!!!!

[gorge]

رد: هل ظل المسيح في القبر 3 ايام

يا شاعرنا الصغير انا حطيت رقم موبايلي هون لاني بعرف انو رح تكتبو الي كتبتوه اني من غير دين ومنشان تتاكدو اذا حبيتو وشكراً على طرق راسك بالحائط بس انتبه لرأسك انت غالي علينا وما بدنا نخسرك

[Dodi]

رد: هل ظل المسيح في القبر 3 ايام

الاستاذ الوالي بصراحه لو كانت دمدومتك هون كان افضل لانو مداخلتك مجرد كلام من عقلك وانت ما عم تستند بكلامك على الانجيل

لانو السيد المسيح ما أقام نفسو واذا عندك اي دليل من الكتاب اعطني اياه لانو الانجيل والرسل يلي عاشو مع يسوع بعتقد هم اعلم منك ومني بهذا الموضوع وهذا كلامهن



سفر أعمال الرسل 13: 30
وَلكِنَّ اللهَ أَقَامَهُ مِنَ الأَمْوَاتِ.وعندي اكثر من آيه بهذا الموضوع

ومافي اي آيه بالكتاب بتقول انو يسوع اقام نفسه واذا بتعرف شي آيه اعطيني اياها تنستفيد منك


على كل حال انا سالت سؤالين واذا امكن بدي منكن اجوبه

اما بالنسبه لموضوع ( اني من غير دين هذا الامر مو من اختصاصك انت عليك توضحلي ايمانك من الكتاب ) وانتبه نحنا عم نتناقش بالايمان وانا ما عم اعمل اي تفرقه بترجاك لا تكتب اي شي عن دين تاني لانو في مداخله كتبتو فيها انو نحنا مو متل غيرنا منقول انو الكتاب منزل وما مناقش اي كلمه فيه .........وشكراً

بعتقد من الصواب اني اسالكن عن الدين يلي ولدت عليه؟؟!!!!!!!

أول شي هي فراشتنا ومو استاذ هي ست البنات
تاني شي اذا أقامه الله أو أقام نفسه لا يوجد فرق بين الآب والابن وهذا أكبر دليل أنو حضرتك مو مسيحي وبتخيل الجملة الآخيرة من ردك كافية لتدلنا شو حضرتك فا بليز أحكي عالمكشوف والشاعر الصغير وفراشة جاوبوك وزيادة

[خريستوفوروس]

رد: هل ظل المسيح في القبر 3 ايام

فراشتنا ما عم تجاوب من عقلا .. هيدا ايماننا .. و إيماننا مبني عالكتاب المقدس .

ميشان الآيات :
1 - ليس هو ههنا لانه قام كما قال.هلم انظرا الموضع الذي كان الرب مضطجعا فيه. ( مت 28: 6 ) .

2 - واذهبا سريعا قولا لتلاميذه انه قد قام من الاموات.ها هو يسبقكم الى الجليل.هناك ترونه.ها انا قد قلت لكما ( مت 28: 7 ) .

3 - فقال لهنّ لا تندهشن.انتنّ تطلبن يسوع الناصري المصلوب.قد قام.ليس هو ههنا.هوذا الموضع الذي وضعوه فيه. ( مر 16: 6 ) .

4 - وبعد ما قام باكرا في اول الاسبوع ظهر اولا لمريم المجدلية التي كان قد اخرج منها سبعة شياطين. ( مر 16: 9 ) .

5 - اخيرا ظهر للاحد عشر وهم متكئون ووبخ عدم ايمانهم وقساوة قلوبهم لانهم لم يصدقوا الذين نظروه قد قام. ( مر 16: 14 ) .

6 - ليس هو ههنا لكنه قام. ( لو 24: 6 ) .

7 - وهم يقولون ان الرب قام بالحقيقة وظهر لسمعان. ( لو 24: 34 ) .

8 - فلما قام من الاموات تذكر تلاميذه انه قال هذا فآمنوا بالكتاب والكلام الذي قاله يسوع . ( يو 2: 22 ) .

9 - هذه مرة ثالثة ظهر يسوع لتلاميذه بعد ما قام من الاموات ( يو 21: 14 ) .

بعرف شو بدك تقلي .. لأنو شكلك من جماعة الجدل العقيم .. لهيك رح اختصر و قلك .. انو الي بدو يناقش بالمسيحيات ملزم بتفاسير الإنجيل متل ما نحن ملزمين فيها .

و بتصور جاوبتك فراشة عن سؤالينك .. و بدي منك ترجع لموضوعنا .. و تفتح هالشغلات بموضوع منفصل .

بدنا نعرف شو فكرك و إيمانك لأسباب كتيرة .. أول شي ادعاء اسمك جورج و هالشي غلط باعتبار الاسم مكتوب غلط .. تاني شي رح شبه تشبيه رياضي .. طول ماننا عم ندافع ما رح نسجل غول .. بس ما تحلم حلم حتى انك تسجل .. و إذا كتير حابب بنصحك تلاقي ملعب غير مجال المسيحيات .

و انا بسحب كل حكيي إذا كان هدفك الحقيقي تلاقي اجوبة عاسئلتك .. و عم تتبع هالطريقة .


يتبع ...

[خريستوفوروس]

رد: هل ظل المسيح في القبر 3 ايام

لك بلشت تشتت كتيييييييييير .. ممنوع هالشي .. افتاح كل نقطة بموضوع لنعرف بشو نحكي ..


يتبع ..

[Dodi]

رد: هل ظل المسيح في القبر 3 ايام

أوك أنا ماكان بدي أتدخل
بس بما أنو دمدومتي مانها هون رح جرب أفهم شو بتقصد

يعني أول شي حضرتك مو من دينا ماهيك
لأنو كنت عرفت لحالك أي فداء

أول شي بخصوص قصة يونان يلي هي رمز من رموز العهد القديم يلي بتدل على طريقة الفداء
متلها متل الحمل المدبوح عند خروج الأسرائيلين من مصر
(ولاتكسر عظمة من عظامه )
ونفس الشي قصة يونان يلي ضل ببطن الحوت 3 أيام
والمسيح قام من بين الأموات باليوم الثالث
يعني هو خروج من الظلمة إلى الحياة بعد 3 أيام

هلئ تاني سؤال
أي فداء؟
فداء البشرية من الخطيئة الأصلية
(السقوط )

من شو بدو يفدينا؟
من نار جهنم من الخطية يلي لبسناها من لما خلقنا بسبب غلطت أدم وحوا

بس إذا سؤالك ليش المسيح هو يلي فدانا ومو أي نبي
لسبب كتير بسيط

في كتير أنبياء قدرو بقوة معطاة من السيد المسيح أنو يقيمو الأموات
بس مافي ولا نبي مات وقدر يقيم نفسو من الموت

إلا السيد المسيح هو الوحيد الذي أقام نفسه من الأموات في اليوم الثالث
يعني هو الوحيد القادر على محي الخطيئة يلي كنا عايشين فيها
وهو القادر ينشلنا من الموت إلى الحياة الأبدية

مرمر أحلى فراشة كتير حلو كتير بس خسارة السائل ما بيعرف قيمة ردك بس المهم نحنا منعرف

[Dodi]

رد: هل ظل المسيح في القبر 3 ايام

شكر مستمر الك كريستيان يعطيك ألف عافية

[eVy99]

رد: هل ظل المسيح في القبر 3 ايام

الله يخليلنا ياكي ميرسي الك
الشكر للشاعر الصغير
وي آر توكازر فور كاد

[خريستوفوروس]

رد: هل ظل المسيح في القبر 3 ايام

ميرسي كتير دودي .. الشكر إلك ..