سؤال محيرنى

[khlood]

أنا أخى يشرب الخمر وأنا أقول له لا تشربه علشان ده حرام فرد عليه وقال ده مش


حرام طالما أنا لا أسكر .



فهل الخمر حرام اذا أسكر وحلال إذا لم يسكر؟

[abir]

رد: سؤال محيرنى

بالدين المسيحي شرب الخمر مو ممنوع يعني مسموح شرب الخمر إلا لما رح يأدي لتصرف الإنسان تصرفات خاطية و مؤذية
على كل منشوف شو بيقولو بقية الشباب

[marioma alghzayala]

رد: سؤال محيرنى

هلأ هوي ازا بدو يكون حرام ... بس حرام هوي ...يعني هاد الشي عم يأثر عليه بالزات ازا اجينا نغض نظر شوي عن الدين ...

في عالم مابهمّا ...بتشرب واقوى مني ومنك ... وفي عالم بتنضر ...

ف طالما هوي عم يشرب وماعم يسكر وينضرّ ويضرّ حدا تاني ... خلص عادي ...وين المشكلي....يسطفل يا اختي

[bero]

رد: سؤال محيرنى

لازم يشرب بالمناسبات بس وغير هيك حرام
ولحتا بالمناسبات ما لازم يسكر ابدا ال اذا كان عرس اختو

[APOLLODORE]

رد: سؤال محيرنى

أذا بدك رأيي مو حرام
بس لازم يكون الشرب بحدود يعني مو الواحد يشرب ويضل يشرب ويكتر لحتى يهلك جسمه ويضر بحاله
كل شي بالعقل وبالمحدود ممكن ....
شو بدك بالحكي النبيد طيب

[christian.chaldean]

رد: سؤال محيرنى

hey khloud..........
أهم شي نفهم إنو المسيحية ما إجت لتحرم أي شي، يعني ما في بدينا شي محرّم. بس كمان في فكرة كتير واضحة وهي إنو كل شي بيزيد عن حدو بيصير خطيئة، بكل المجالات. ومتل ما قال ربنا: (( ليس ما يدخل إلى الإنسان هو الذي ينجسه بل ما يخرج من قلب الإنسان)). وإذا بنتأمل بنص عرس قانا الجليل بنشوف إنو الرب ما منع الشرب ولا حوّل الخمرة لخمرة أقل من الأولى وهادا اللي يقولو رئيس المايدة باعادة بيضيفو الجيدة قبل وبس الناس تسكر بينزلو الرديئة، يعني يسوع كان مبسوط لأنو كانو المعازيم مبسوطين رغم سكرتون. ولو كان صار أي مشكلة من ورا هسكرة بتصوّر كان الإنجيلي رح يذكرها، ليفهمنا إنو الشرب حرام.
كمان إذا بنقرا في الكتاب بيقول- قليلاً من الخمرة تبهج قلب الإنسان و الكثير منها تفسده - بظن الأمر واضح.
وربنا يحمي خييك من إنو يدمن عليها وتصير هيي اللي بتحكمو. وربنا يكون معك لضّلي عم ترشدي الآخرين.

[MAX11]

رد: سؤال محيرنى

أنا ما فيني أتخيل الدنيا من دون مشروب
هاد غذاء الروح

[ولاء]

رد: سؤال محيرنى

اذا ما سكر مو حرام بس اذا سكر حرام
شكرا للسؤال

[MIRA]

رد: سؤال محيرنى

ياعزيزتي كلشي بيزيد عن حدو بينقلب ضدو
وانت مايهمك طالما ماوصل لحدود السكر

[alaa_king]

رد: سؤال محيرنى

قال السيد المسيح ((قليل من الخمر يفرح قلب الانسان))
يعني انو الخمر الواحد لازم يشربه بكميه قليله جدا عشان ما يسكر واذا كثر فهاذا يعتبر حرام

[miss romantic]

رد: سؤال محيرنى

هو مانو حرام اذا ما كان فيه كحول انا هاد رأيي
الله حرم و حلل من اجل مصلحتنا بس اذا كان المشروب فيه شيء مضر بكون حرام

[عامر]

رد: سؤال محيرنى

كلشي بالدنيا من عقل الانسان يعني شوفيا ازا شرب شوية اصلا كل الدرسات بتقول انو مثلا النبيت شوية منو بتفتح شراين القلب وبتقوي الصحة واي تصرف براي غلط نتيجة الشرب الكتير بيكون الغلط مو قصة حرام او حلال بيكون من عقل الشخص الغلط وانا واثق انو اخوكي ما بيشرب ليسكر هي القصة بالنهاية تسلاية
شكرا الك

[anas wassouf]

رد: سؤال محيرنى

انا من رأيي أنو كل شي بيضر بالجسم البشري هوي حرام حتى لو ما حرموه بدياناتنا لأنو جسم الانسان الو حق علينا صح ولا مو غلط

[alaa_king]

رد: سؤال محيرنى

هو صح انو حرام بس شرب الخمر مو حرام اذا الواحد بشرب كميه قليله لانو المسيح قال(قليل من الخمر يفرح قلب الانسان))
وفي عرس قانا الجليل

[RALOUSH]

رد: سؤال محيرنى

بالدين المسيحي مافي شي اسمو حرام شرب الخمر
السيد المسيح بارك الخمر بعرس قانا الجليل
لهيك انا ما بعتبر شربو هو حرام
بس لاهم يكون بشكل معتدل
ومتل ما قال السيد المسيح (قليل من الخمر يفرح قلب الانسان)

[Maximos]

رد: سؤال محيرنى

" لا زناة و لا عبدة اوثان و لا فاسقون و لا مابونون و لا مضاجعو ذكور * 10 و لا سارقون و لا طماعون و لا سكيرون و لا شتامون و لا خاطفون يرثون ملكوت اللـه " .

هاتان الآيتان من رسالة القديس بولس الأولى إلى أهل كورنثوس ( 6 : 9-10 )

الشرب 3 أنواع :

1- القليل : فقط في المناسبات و بكمية قليلة .
2- الشريب : الذي دائما ً يشرب .. على كل غدا أو عشا أو .. أو ..
3- السكير : الذي دائما ً يشرب ليسكر .. و هذا لا يشمل من سكر مرة أو مرتين بالخطأ .. إنما من يكرر ذلك عن قصد ..

1- هذا النظامي ..
3 - هذا مرفوض كنسيا ً ..

النقطة غير الواضحة تتعلق ب -2- ..

هذا غير مشمول بأحد النوعين ..

أما نظرة الكنيسة له فهي نفسها نظرتها إلى التدخين ..
أي غير محرّم بنص صريح .. و لكنه سيء لأنه يضر الجسم ( عطية اللـه لنا ) ..

و لهذا فالأفضل الابتعاد عنه ..

[SAMO]

رد: سؤال محيرنى

هو مانو حرام اذا ما كان فيه كحول انا هاد رأيي
الله حرم و حلل من اجل مصلحتنا بس اذا كان المشروب فيه شيء مضر بكون حرام

شو هالحكيي مس رومنيك؟ معقول لكن مشروب من دون كحول؟؟؟؟؟؟؟؟؟

[azzurri]

رد: سؤال محيرنى

hey khloud..........
أهم شي نفهم إنو المسيحية ما إجت لتحرم أي شي، يعني ما في بدينا شي محرّم. بس كمان في فكرة كتير واضحة وهي إنو كل شي بيزيد عن حدو بيصير خطيئة، بكل المجالات. ومتل ما قال ربنا: (( ليس ما يدخل إلى الإنسان هو الذي ينجسه بل ما يخرج من قلب الإنسان)). وإذا بنتأمل بنص عرس قانا الجليل بنشوف إنو الرب ما منع الشرب ولا حوّل الخمرة لخمرة أقل من الأولى وهادا اللي يقولو رئيس المايدة باعادة بيضيفو الجيدة قبل وبس الناس تسكر بينزلو الرديئة، يعني يسوع كان مبسوط لأنو كانو المعازيم مبسوطين رغم سكرتون. ولو كان صار أي مشكلة من ورا هسكرة بتصوّر كان الإنجيلي رح يذكرها، ليفهمنا إنو الشرب حرام.
كمان إذا بنقرا في الكتاب بيقول- قليلاً من الخمرة تبهج قلب الإنسان و الكثير منها تفسده - بظن الأمر واضح.
وربنا يحمي خييك من إنو يدمن عليها وتصير هيي اللي بتحكمو. وربنا يكون معك لضّلي عم ترشدي الآخرين.

بصراحة christian.chaldean ما خليت شي وما حكيتو يعطيك العافية

أنا معك 100% بإنو مافي شي بالمسيحية محرم ولا في قوانين وشرائع في ضمير وقلب وعقل وحب
وكل شي بيصير إدمان وبيسيطر على حياة الشخص بيصير خطيئة ومو بس الخمر

[M&R forever]

رد: سؤال محيرنى

الخمر مو حرام بس لما بيجي وقت وبتشوفي انسان سكران بصير مو بس حرام وبتتغير نظرتك بالشخص
ما بعرف بس الشرب الكثير بحسو عادي موو حلوي وممكن تنقص قيمة الانسان
شكرا ع لموضوع والاراء