المافيا من اجمل الالعاب في طرق السفر او المخيمات

[Molham Haddad]

لعبة رائعة وبسيطة لما تنلعب بس شرحها يطول

اصل اللعبة : ايطالية
تمت ترجمة قواعدها وادخالها الى سوريا بواسطة كاهن سالزياني مشكورا

القاعدة والهدف الرئيسي :
فريقين بشخصيات متعددة ضمن مدينة واحدة يحاولان اخراج بعضهما من اللعبة
عدد اللاعبين: ممكن تبلش من 7 الى 30 او قد ما بدكن

طريقة اللعب:

يوجد مدير للعبة يقوم بكتابة اسماء الشخصيات ضمن المدينة (سيتبع شرحها تتابعا)
ويوزعها على اللاعبين مقلوبة (لا يجب ان يعلم احد ما يوجد بيد الآخر)/الشخصيات تتوزع عشوائيا/

دور قائد اللعبة هو ان يجعل الايام تمضي
وذلك بان يأمر اللاعبين جميعا بالنوم والاستيقاظ (النوم يعني اغلاق اليون والتزام الصمت التام للجميع الا من ينادي عليه من الشخصيات لكي يستيقظ لأجل النشاطات (المتعلقة بكل شخصية)

وايضا ادارة المحاكمات ضمن نهار المدينة

والآن لشرح اللعبة مع شخصياتها تفصيلا:

بعد توزيع البطاقات ومعرفة كل شص شخصيته يعيد جمعها مدير اللعبة

ويأمر المدينة بالنوم
ثم ينادي على كل شخصية موجودة باللعبة (اساسية او زائدة ان كان العدد كبيرا)
لكي يتعرف عليها
ثم يبدأ اللعب


اول من يطلب منه الاستيقاظ هي المافيا (اللعبة ع اسمها ) وهي عصابة من اكثر من فرد
يجب ان يتعرفو على بعضهم باول ليلة مهمتهم اخراج اكبر عدد ممكن من بقية الشخصيات باغتيالهم بالاشارة والاتفاق الصامت (يربحون اللعبة فقط ان اصبح عددهم يفوق بقية الشخصيات) /في حال اللعبة 10 اشخاص يكون هناك 3 مافيا/

ثم يطلب ان يستيقظ الطبيب طبعا بعد ان تكون المافيا قد اشارت لقائد اللعبة على من اغتالته
ومهمة الطبيب ان يختار عشوائيا من النائمين ليجري له عملية ثم يعود للنوم ويعلن المدير بعد نومه ان كانت عمليته قد اصابت هدفها (اي الضحية) او لا

(شخصية اساسية)

ثم يطلب المدير استيقاظ الطلقة والطلقة هي شخصية تمثل العدالة العمياء يحق لها
ان تستخدم خاصيتها بقتل ايا يكن في اللعبة (عدا المدير ونفسها)
لمرة واحدة فقط في اي وقت كان نهارا او ليلا(طبعا ليلا لازم تكون مغمضة عيونها)

وبعد هذه المرة تعود لتكون مواطنا (سيتبع شرحه)
(اساسية باللعبة)

ثم يأتي دور النبي وهو شخصية مهمة جدا اذ يحق له كل ليلة ان يسأل مدير اللعبة بالاشارة عن اي من النائمين ليحصل على تأكيد منه ان كان هذا الشخص مافيا او لا فقط

وفي حال اغتياله يجب ان يعلن عن اسم آخر شخص سأل عنه ويعلن ان كان من المافيا او لا
(طبعا هالميزة مهمة جدا لمرحلة اللعب النهاري التي سيتبع شرحها)

(شخصية اساسية)

المواطن وهو الساكن البريء في المدينة ينام طوال الليل ويقوم نهارا على نشرة الاخبار من مدير اللعبة ليعلم ان كان احد قد اغتيل ليلا (وطبعا في اغتيال كل ليلة ان ما شفاه الطبيب)
ولكن فكرة البراءة مستعجلة قليلا

لأنه نهارا يتم ما يعرف بالاتهامات حيث يديرها مدير اللعبة برفع اليد وبسرعة حسب عدد المافيا
ولكن قبلا يعلن عن الضحية ويعلن الضحية ما هي شخصيته (قد يقوم المافيا بقتل واحد منهم)

عدد الاتهامات مساوي لعدد المافيا في المدينة ويحق ان يتهم من هو اسرع برفع اليد
ثم يسرد اسباب اتهامه للشخص الذي يختاره
وعلى المتهم ان يدافع عن نفسه
(من الممكن ان يتهم المافيا بعضهم او مواطنين ليضربوا حجر بعصفورين)
وسكان المدينة جميعا يصوتون برفع اليد على بقاء هذا المتهم او خروجه في حال خروجه يعلن المتهم المحكوم بالاعدام عن شخصيته مهما كانت

المواطنون هم الفريق الثاني الذين باتهاماتهم يحاولون ان ينظفوا مدينتهم من المافيا


هذا الشرح المبدئي للشخصيات الاساسيةوهدف وطريقة اللعبة


ويتبعه الشخصيات التي تنزل في اللعبة تباعا حسب الاعداد(طبعا ترتيب نزولها يعتمد على رغبة مدير اللعبة )

[Molham Haddad]

رد: المافيا (من اجمل الالعاب في طرق السفر او المخيمات

الشخصيات الزائدة حسب الحاجة :

الجوكر : يستيقظ في ليلة التعرف على الشخصيات مع الشخصية التي يحب ان يكون معها
فقد يكون مواطن او مافيا او طبيب ثاني او نبي او طلقة او اي شخصية اخرى
(في حال وجوده يتم التعرف اليه اولا لأنو لما يفيق حدا بدون ما يكون دوروا بنقتل تلقائيا)


الارهابي : هو مواطن عادي الى ان يتم اعدامو بالاتهامات او اغتياله ليلا فيخرج معه الاثنين الجالسين حوله في الحلقة

اللغم : في حال اغتياله او اعدامه يقتل معه من اغتاله او الذي اتهمه(طبعا بيعد ل 3 وبينفجر)

الطاعون : هو مواطن لما يغتال او يتهم وينطرد تاني ليلة (الدق اللي بعدو) اللي اغتالو او اللي اتهمو بيموت تلقائيا /يا مامي معدي هاد /

ابن البوس: هو ابن زعيم المافيا في يبقى مواطنا عاديا الى ان تغتاله المافيا فقط
عندها يعلن المدير انه اغتيل وانضم لصفوف المافيا (من مصلحتهم ان يغتال ليزاد عددهم واحدا)

الاصدقاء :
توجد بورقتين اول ليلة نوم يطلب منهم المدير ان يستيقظا ليتعرفا على بعض وهما كالتوأم الروحي

ان اغتيل احدهما يموت الآخر معه فورا
وان اتهم احدهما لايحق للآخر ان يصوت لخروجه (في حال الاعدام كمان بيطلع صديقو)

احمق القرية (المجنون) لهق ولا مرة شفتو باللعبة فما بعرف الا اسمو

وكمان في مزيد من الشخصيات وممكن يخترع مدير اللعبة شخصيات اضافية


شي يوم ان كان حدا منكن الو حيل يقرأ كل هالمعلومات ويجربها رح تعرفو ليش تحمستلها كتير

[باطح ابليس]

رد: المافيا (من اجمل الالعاب في طرق السفر او المخيمات

مشان الله بطلت العب

[Black eye]

رد: المافيا (من اجمل الالعاب في طرق السفر او المخيمات

انو نلعبها بالمنتدى؟؟
بدك مين يفهمها

بس كأنو بعرفو للي دخل اللعبة لهون

اللعبة باينتها كتير حلوة
بس ما فهمتا كتير
ويمكن تلزمني العبها بشي رحلة فوقتا رح اطلب منك تشرحلي ياها

[Molham Haddad]

رد: المافيا (من اجمل الالعاب في طرق السفر او المخيمات

اكيد اكيد بشرحها ولو هي حكي بتاخد 3 دقائق بس كتابة ........واو

وباطح هي صعبة تلعبها لحالك او ع النت
هي لعبة رحل او قعدات

الا اذا........................ صار معك انفصام بشي 25 شخصية

نورتو شباب

[merella]

رد: المافيا من اجمل الالعاب في طرق السفر او المخيمات

من يوم ما حكيتلي اللعبة وانا حابة جربها مع غروب كبير

وبظن لنا تجربة بالمرحلة القادمة

لعبة ممتعة وبدها مخيلة وذكاء

ميرسيتوووووووووووووو

[Molham Haddad]

رد: المافيا من اجمل الالعاب في طرق السفر او المخيمات

ولو ميريلا اهلا وسهلا ومرحبا

[طحبوش]

رد: المافيا من اجمل الالعاب في طرق السفر او المخيمات

اخ يا راسي شو درس تشريح اعصاب مو هيك و اذا كان العصب بالتقاطع مع الاوبتيكوس مو يعني انو بتاقطع متكامل لانو بكون في نفتاريا بالجز السفلي ما تقطع مباشرة لانو يمكن يكون ما في نفتاريا بتجيب المقص و بتاخد ع مجرى الحدقة بس ما بتقطع اااااااااااااااااخ

[Molham Haddad]

رد: المافيا من اجمل الالعاب في طرق السفر او المخيمات

اي ولما تفوت من ع ايمين باتجاه الزحطة بيطلعلك ابو رندو وبيخورف سماك وانت عم تخرطش البي 44 قال انو بلكي بتبخش الحيط لتصيبو


اهلين طحبووش

[طحبوش]

رد: المافيا من اجمل الالعاب في طرق السفر او المخيمات

يحرق مظينك

[majd123]

رد: المافيا من اجمل الالعاب في طرق السفر او المخيمات

باينتا كتير حلوة ملهم بس

كانو ممكن يسير فيا غش بالليل ولا شو رايك

وكمان كانو صعبة شوي
بدا كتير شرح ويمكن بدك تلعبا اكتر من مرة لتبلش تستمتع فيا

عنجد حبيت الفكرة بس خايف اهلكك اسئلة لانو فيا كتير شغلات ما فهمتا

[Molham Haddad]

رد: المافيا من اجمل الالعاب في طرق السفر او المخيمات

لا مو ممكن لأنو في مدير للعبة يا مجد مدير اللعبة ان شاف حدا فتح عيونو بيقدر يطلعو او الاحلى انو يتحطط عليه فبيأشر للمافيا انو تقتلو وبيحاول يلهي الطبيب عنو

اما عن قديش لازم تلعبها لتستمتع فيها فمرة واحدة متل الطشمة بيكون الواح وبعدين خلص بيتعود واكيد بيصير يكسب خبرة بالاقناع واما انو تسأل فاكيد ليش لأ لأنو انا لعبانها

وفهمانها تمام امااللي عم يقرأو فاكيد عندن اسئلة

بالتالي اسئلتك رح تكون جدا مفيدة (ملاحظة زدت شخصية خخخخخخخخ)

[جلنار]

رد: المافيا من اجمل الالعاب في طرق السفر او المخيمات

يايي شو حبيتا


نادوللي بس تلعوبا بالمركز و الله بجي مشانا

[georgi]

رد: المافيا من اجمل الالعاب في طرق السفر او المخيمات

يلعن حظي ... ع قولة رفيقتي خخخ


واللي لا بيسافر ولا بيخيم !! شو وضعوا

كلو كوم طبعا ... وانو حاولت افهم بس قطعت القراية ...

[fadooo]

رد: المافيا من اجمل الالعاب في طرق السفر او المخيمات

والله يا ملهم انا من محبي التطبيق العملي
بقترح انك تجمعنا وتعلمنا ياها مشان نقدر نلعبها بالمخيمات
وميرسي سلفا

[alone alone]

رد: المافيا من اجمل الالعاب في طرق السفر او المخيمات