تعوا نعرف كيف نلعب ولادنا ( عام ) + ( مربين )

[عفاف جورج]

رد: تعوا نعرف كيف نلعب ولادنا (عام )+(مربين)

بدي العبا لهي اللعبة ميمو يار بي......

[merella]

سبقونا لاحقينكون

عبودة ميرسيتو بتصدق اني بحب العب هدول العاب اكتر ما كون انا عم لعبون ياهون للولاد ههههههههههههههههههههه تتير حوين
عفوفة قبريني لا ابكي خلص بوعدك لعبك شي منون وايمتى ما بعرف


هلق ركزوا معي شوي لان هي اللعبة على قد ما حلوة على قد ما صعب شرحها عالكومبيوتر وبتفوت بالحيط
هي اللعبة للسادس فما فوق ميشان الصغار ما يتفشكلوا

بيوقفوا مجموعة الولاد بشكل دويرة وبيمسكوا ايدين بعض
بيكون في تنين برات الدويرة ماسكين ايدين بعض كمان وعم يلفوا حوالي الدويرة
واحد من هدول التنين بدو يضرب ايدين تنين ماسكين بعض وبيركضوا ( بيختاروا اي تنين من يلي واقفين بالدويرة والذكاية يلي بيختاروا مثلا بنت وشب ماب يقدروا يركذوا .. بنتين بتفشكلوا .. الخ )
مهمة التنين يلي دقولون ايديون بالنص انو يركضوا بالاتجاه المعاكس ويلي بيوصل للمكان الفاضي وبيمسك بالدويرة هو اللي بيرتاح
والتنين يلي ما لحقوا حالون بيرجعوا بيدوروا حوالي الدويرة وبيختاروا تنين بين حالون وبيدقولون ايديون بالنص وبيركضوا

هي اللعبة كتير لزيزة بس بدها سرعة


مثلا كان في تنين عم يمشوا بشكل عقارب الساعة ودقوا ايدين الفايت بالحيط واللي سعادتو طالعة من صماصيم قلبو وكملوا ركد بسرعة
أما اللي الفايت بالحيط واللي سعادتو طالعة من صماصيم قلبو بيركدوا بعكس عقارب الساعة وممنووووووووووووووووووع يفلت حدا ايد التاني والا بيخسر

واللي بيعبي الفراغ يلي تركو اللي الفايت بالحيط واللي سعادتو طالعة من صماصيم قلبو هو اللي بيفوز
هههههههههههههههههههههههههههههههههههههههه اهم شي المثال العبقري تبعي


سلام الرب

ميمو

[merella]

لعبة الفولار

هي اللعبة بين مجموعتين
لاي عمر بتنلعب

منحط الفولار بطرف بنطلون الولاد من ورا
وكل مجموعة بدا تحاول قد ما فيها تسحب الفولارات من المجموعة التانية
بس بدون ضرب وبدون شي واللي بيضل معو الفولار من المجموعة
مجموعتو بتكون الربحانة

وهون شطارة الولاد كيف بدون يخبوا فولاراتون وياخدوا فولارات غيرون



سلام الرب

ميمو

[merella]

مين قادر يحاور اكتر

: يختار قائد اللعبة لاعبين ويجلسهما وجها لوجه، عند الإشارة يبدأ اللاعبان بالكلام في نفس الوقت، وبدون أي توقف. لا يعفي ذلك أنه يجب خلق حوار بينهما، بل التحدث في نفس الوقت عن أي موضوع كان. اللاعب الذي يتوقف عن الكلام لحظات قليلة يستبدل بغيره. يمكن زيادة تعقيدات على هذه اللعبة، فنطلب من اللاعبين التحدث وقوفا على قدم واحدة

حلوة اللعبة لقدرة الشخص على التركيز .. بدون ما يتاثر بالشخص يلي مقابيلو

سلام الرب

ميمو

[merella]

دقة عيشششششششششششششش

مييييييييييييييييييييييييييييييييييييييييين متذكر معي هاللعبة

دقة عيششششششششششششششششششششش

مجموعتين .. مجموعة بتصيد وبتحط بالسجن يلي بيتحدد مكانو من وين لوين وبيكون عليه حراس من نفس المجموعة
ومجموعة تانية بتهرب وبتنجي بدها تخلص يلي جوات الحبس بطريقة انها تلمسو وتقلو عيييييييييييييييييييييييشششششششششششششششششششششششششش

يا جماعة كنا نقضي بالساعات عم نلعبها مع انها روتينية بس للولاد الصغار ولا احلى من هيك .. ومنقدر نتبادل الادورا بين المجموعتين

يوبيييييييييييييييييييييييييي

[pardy]

رد: تعوا نعرف كيف نلعب ولادنا (عام )+(مربين)

[merella]

رد: تعوا نعرف كيف نلعب ولادنا (عام )+(مربين)

ومييييييييييييييييين متذكر هاللعبة كمان

تلج ومي وهية كتير قريبة لدقة عيش وبتنلعب مع الولاد الصغار والكبار

مجموعة هي تلج .. ومجموعة هي مي ...

مجموعة التلج بدا تحاول تثبت كلللللللللللللللللللللل الميات بأنها تلمسون ... ولما التلج بيلمس المي .. المي بيوقف هو ورافع رجل . يعني متل الوضعية يلي الثلج لمسو فيها

اما جماعة المي .. مهمتون يرجعوا يخلوا رفقاتون اللي صاروا تلجات بتحولوا لمي


ويوبيييييييييييييييييييييييييييييييييييييييييييييي يي



سلام الرب

ميمو

[merella]

لعبة الفولار

لعبة كتير مهضومة بين مجموعتين

بيوقفوا المجموعتين مقابيل بعض ومنرقمون واحد تنين تلاتة الخ

وبيوقف الاخ على كرسي وبيحمل فولار


وبيقول خمسة مثلا .. وطبعا كل مجموعة فيها رقم خمسة فبكل سرعة بدو الرقم خمسة يركد وياخد الفولار قبل المجموعة التانية

وبيصير في نقطة للمجموعة يلي ربحت

سلام الرب

ميمو

[merella]

هوكي بطاطا

اللعبة بدا فريقين من الخامس للاكبر

فرييقين بيوقفوا مواجيه بعض
وبيتركوا مسافة بينات بعض
وبينرسم خطين كل فريق بيوقف ورا الخط وما بيصير يتخطوه وبنعطي كل واحد رقم

يعني كل فريق بيكون عندو مثلا من 1 لل 10

وبيكون بنص المسافة بين الخطين في بطاطاية ومقشتين سماك

بيوقف قائد اللعبة وبيقول رقم وبيطلع من الفريقين صاحب هالرقم وبيمسك مقشة وبدو يضل يضربها لتتجاوز خط الفريق المنافس

هوكي بطاطاااااااااااااا

غوووووووووووووووووووووووووو



سلام الرب

ميمو

[merella]

رد: تعوا نعرف كيف نلعب ولادنا (عام )+(مربين)

يا ويلي ... البطاطا طيبة وحلوة للالعاب

يضع قائد اللعبة على كل جانب من جانبي الصالة صحناً وملعقة وثلاثة رؤوس بطاطا مرمية على الأرض. يختار قائد اللعبة لاعبين يتوجه كل منهما إلى أحد الصحنين ويأخذ الملعقة بيده. عند الإشارة يحاول كل من اللاعبين حمل رأس البطاطا بواسطة الملعقة فقط ثم وضعه في داخل الصحن. من ينقل رؤوس البطاطا الثالثة إلى الصحن أولاً يربح.

لعبة تانية ايامنا

يختار قائد اللعبة عشرة لاعبين ويعين لهم خط انطلاق وخط نهاية. يقف اللاعبون اثنان اثنان خلف خط الانطلاق يربط قائد اللعبة رجل اللاعب الأول اليسرى برجل اللاعب الثاني اليمنى. عند الإشارة ينطلق الجميع نحو خط النهاية مع العلم بأن كل اثنين يكونان متصلين ببعضهما البعض بواسطة الحبل الذي يربط رجليهما.

وعلى فركشة

سلام الرب

ميمو

[merella]

فوق .... تحت

لكل الاعمار

- مطلوب: بالونات او ما يشابه على عدد الفرق
- يقف الفريق صفاً واحداً، (واعضاء الفريق عليهم ان يفرشخوا) تكون الطابة مع اول لاعب من الفريق وعليه ان يمررها بين رجليه والثاني يفعل هكذا وصولاً الى آخر لاعب.
- عند وصول الطابة الى آخر لاعب على اعضاء الفريق ان ينبطحوا ارضاً وعلى اللاعب المذكور ان يحمل الطابة ويركض بها ماراً فوق رفاقه المنبطحين لكي يصبح الاول في الفريق، عندها تعاد الكرة حتى يمر كل اعضاء الفريق حيث يصبح الاول من كل فريق هو الاخير، والفريق الذي يسبق يكون الرابح في هذه اللعبة.


سلام الرب

ميمو

[merella]

النحلة والصياد والعصفور

لكل الاعمار وخاصة الصغار رح ينبسطوا فيها

يقسم اللاعبون إلى ثلاثة فرق متساوية. فريق النحلة وفريق العصفور وفريق الصيّاد. ثمّ يُرقَّم أعضاء كلّ فريق على حدة. يقف اللاعبون جميعهم بشكل دائرة مع المحافظة على الترتيب التالي: فريق النحلة ثمّ فريق الصيّاد ثمّ فريق العصفور. يقف قائد اللعبة في وسط الدائرة ويذكر رقماً ما، فيترك أصحاب الرقم المذكور أماكنهم ويبدأون بالركض حول الدائرة باتّجاه عقرب الساعة.

مثلاً: ينادي قائد اللعبة رقم خمسة فيركض أصحاب الرقم خمسة حول الدائرة باتّجاه عقرب الساعة، حيث يحاول كلّ واحدٍ منهم لمس الذي يركض أمامه. أي النحلة تطارد الصيّاد لتلسعه، والصيّاد يلاحق العصفور ليصطاده، والعصفور يلاحق النحلة ليأكلها.

عندما يلمس أحد اللاعبين اللاعب الذي يركض أمامه يربح فريقه نقطة، ثمّ يعود الثلاثة إلى أماكنهم فيذكر قائد اللعبة رقماً آخر وهكذا تستمرّ اللعبة.

سلام الرب

ميمو

[merella]

ورقة + طحين + بالون

لولاد بيقدروا ينفخوا بالون

نكتب مجموعة من الاسئلة على ورقة ونضعها في جاط من الطحين، على كل فريق ان يختار لاعبًا يمثله، بعد الاختيار نسلم اللاعب الذي سيمثل فريقه بالونًا من النايلون، على هذا الاخير ان يجثو على ركبتيه واضعاً يديه وراء ظهره باحثاً عن ورقة الاسئلة بفمه، عند العثور على الورقة عليه ان يدخلها داخل بالون النيلون وينفخه حتى يفقع، ولما يفقع البالون عليه ان يجلب ورقة الاسئلة ويحلها مع فريقه والفريق الذي يسبق هو الرابح

سلام الرب

ميمو

[merella]

سطولة المي

كتير حلوة للصغار والكبار بس ندير بالنا

هذه اللعبة تتطلب من الفريق ان ينقل سطل ماء من مكان الى آخر ويفرغه في وعاء آخر والذي يجمع اكبر كمية يكون الرابح.
كيفية اللعب: تتطلب هذه اللعبة ان نحضر لوحًا خشبيًا يوضع عند نصفه حجارة خفان بحيث يصبح من جهة ملتصقًا بالارض ومن جهة اخرى مرتفعًا عن الارض، يعبر المتباري لوح الخشب بحيث يصبح اللوح منحنيًا واللاعب على مستوى الارض، على الفريق المتبقي ان يقف على الجهة الثانية من اللوح كي يرفع اللاعب، لانه فوق رأسه يوجد قسطل وعلى اللاعب ان يرمي المياه في القسطل دون ان يقع شيء منها في الخارج ،تحت القسطل هناك لاعب آخر نائم يلتقط المياه بواسطة سطل يضعه على رأسه

ويلي تحت بدو يتحمحم ههههههههههههههههههههههههههه

سلام الرب ميمو

[Molham Haddad]

رد: تعوا نعرف كيف نلعب ولادنا ( عام ) + ( مربين )

[merella]

شوية جقجقة

توضع ليرة في جاط كبير من الماء. على اعضاء الفريق ان يحاولوا إخراج القطعة النقدية من كعب الجاط. على الكل ان يحاولوا، يحق لكل واحد الإشتراك مرة واحدة. الفريق الرابح هو من ينجح في إخراج القطعة النقدية اكبر عدد من المرات.

يتم تحضير البالونات مسبقًا. هذه اللعبة تتم بين فريقين. يربط كل من اعضاء الفريق 4 بالونات في رجليه (بالونان في كل رجل). عند إشارة المنشط، يحاول الفريق الاول ان يدوس على البالونات الخاصة بالفريق الآخر ويكون الفريق الرابح من ينجح في فقع بالونات الفريق الخصم وبأقل وقت ممكن

سلام الرب

ميمو

[merella]

لعبة محطات

اكتر لعبة منحتاجها بالمخيم هي اللعبة الكبرى اللي فيها محطات

هي لعبة .. ورح نزل كل يوم محطة الها

- (12 ) علم لبلدانٍ مختلفة.

- زهر عدد 2 يكتب عليهما إسم البلدان، كل 6 بلدان على زهر.

- لكل فريق ورقة تعرّف عن أعضاء الفريق، المسؤول، العلامة، توقيع صاحب الستاند، عدد الألعاب التي يربحها الفريق مع أسماء اللعبة، إسم البلد الذي حصل عليه بالقرعة.

تبدأ اللعبة برمي كل فريقٍ الزهر، ليذهب فيما بعد للبحث عن علم البلد ويحل اللغز الموجود هناك.

تحتوي كل مرحلة مجموعة من الأسئلة، ومنها بعض اللعاب.

المحطة الأولى

أجب عن السئلة التالية:

1- عدد المدن الكبرى التي تحتوي مراكز المحافظة؟

2- حطوا سؤال بيعني مجموعتكون ...........................................

3- كم تبلغ مساحة لبنان؟

4- ما إسم البابا الذي زار سوريا .

5- ماذا خلق الله في اليوم السادس؟

6- ما إسم والدي يوحنا المعمدان؟

7- ما هو يوم الصلاة عند اليهود؟

8- من هم إخوة يسوع؟

9- ما كانت مهنة زكّا؟

10- على من ظهر يسوع اولاً بعد قيامته؟

بعدين بتجيكون المحطة التانية

[retta]

رد: تعوا نعرف كيف نلعب ولادنا ( عام ) + ( مربين )

[كلك حلا]

رد: تعوا نعرف كيف نلعب ولادنا ( عام ) + ( مربين )

روعه هالموضوع

شو طويلين بال بدي شي يومين لحتى اقرأ وافهم اللعبه منيح لحتى جربها

بس بجد موضوع متعوب عليه

روعه يسلمن ايديكن

[merella]

محطة رقم 2

ريتا .. كلك حلا .. ملهمو ميرسي لمروركون

محطة رقم 2

أجب عن السئلة التالية:

1- أكمل: " الكلمة صار جسداً.......

2- من سلم يسوع؟

3- ماذا قالت مريم للملاك؟

4- ما إسم والدة العذراء؟

5- ماذا يحد سوريا من الغرب؟

6- نصف ثلث التسعة زائد سبعة ونصف؟

7- ما الإسم الحقيقي لمار شربل؟



سلام الرب



ميمو