حوار ديني

[sezeef]

رد: حوار ديني

متل ما بدك
حـــ ـــبــــ ــــة حــــ ــــبــــ ـــــة
أنا بعرف أنو في ثقافة عامة عندي وعند غيري من الأخوة
بس يا ريت نفهم مين نحنا وشو بدو المسيح منا وشو لازم نسوي بهل زمن الصعب
وما نكون مندفعين والكل خير وبركة

ومتل ماأنكتب بأنجيل أخي متى " من له........"

يعني الشغلة من عند الرب مو بجهد بشري ومنييتنا ع حالنا نحنا مالنا فضل ع حدا

أكتر ما هنالك نحن مطوبون لأننا أمنا ولم نرى
كمان تحية من أخ صغير للكل

وهون في تساؤل بسيط أنا يا ترا شو زايد ع يلي مابدو يأمن ولا بدو يسمع ولا بدو يشوف ولا بدو يفهم

يلي زايدلي يمكن وعم قول يمكن أنو اسمي مكتوب بــــ سفر الحياة منذ تأسيس العالم وعم قول يمكن.

ويلعن أبو الفقر.

اي ها هيك بالعربي عبود
الله حيوووو

[ميشيل منصور]

رد: حوار ديني

السبب الرئيسي للمنع منتدى شباب مسيحي = منتدى مسيحي غير تبشيري
الاسباب الفرعية برأي أنو اذا صار في حوار ديني شو الفايدة منو ؟؟؟اذا كل شخص مفكر انو معتقدو هو الصح ولو منتحاور من هون لمليون سنة ما رح يكون في نتيجة لكل الاطراف المتحاورة غير الخلاف وهيك منكون عم نشجع الفتن الطائفية بسماحنا للحوار الديني يتم بمنتدانا ...
والاهم انو مافي حوار ديني تم الا عن طريق هدم معتقد الآخر والتجريح في وهيك منكون متل يلي عم يرمي قشة كبريت على البنزين فبرجع بقول الحوار الديني = جروح وخلافات وتفرقة وفتن= لا فائدة بل تراجع ......

تحيا العلمانية , أنا معك و الله يرحمك يا انطون سعادة

[سأشتري للضمير كفن]

رد: حوار ديني

اعارض هذه الفكرة
فلمنتدى ليس منتدى تبشيري ولا تنسى ان المنتدى سوري
ونحن في سوريا تعودنا على العلمانية
واننا اخوة بالانسانية
والدين هوه المعاملة بين الناس
ولا نريد ان نكب الزيت على النار
فكل شخص متمسك بدينه تمسك شديد
ولا اعتقد مهما وصل حدة النقاش ان يغير شيئ

بل ستقلب الامور راس على عقب فيتحول الموقع الى ساحة دموية بالتجريح والسب والشتم

احترم آرائالجميع وشكر خاص للمشرفة دودي

[hadihm]

رد: حوار ديني

حلو
نور الموضوع بكل الاعضاء

[hadihm]

رد: حوار ديني

حلو
نور الموضوع بكل الاعضاء

[عاشقةسيرين عبد النور]

رد: حوار ديني

[hadihm]

رد: حوار ديني

انه شو رأيك بالموضوع رورو ؟

[عاشقةسيرين عبد النور]

رد: حوار ديني

أنا بحب النقاش وبحترم الشخص اللي عم اتناقش معو

بس بدك الناس الفهمانة اللي بتحكي بأحترام مو بتجرح بكلامها وكلامها كلوا دج

بقى انا مع النقاش باحترام

[hadihm]

رد: حوار ديني

نورتي رورو

[skipy]

رد: حوار ديني

[quote=عبد المسيح;800629]

ولا مرة سمعت او قريت انو قال ليسمعوا خطبكم العصماء فيذهلهم لسانكم الفصيح

معقول كل هالحكي بالانجيل و الرسائل و اعمال الرسل و ما حكوا عن الوعظ و التبشير ؟؟

ماذا كان بولس الرسول يفعل بكل مدينة و قرية يمر فيها ؟؟
كان يدخل للمجامع و يلقي خطباً عصماء ، ارجو منك قراءة الرسائل مرة اخرى
كما ان الرب نفسه ماذا كان يفعل بالمجامع طول الوقت ، كان يحاجج الفريسيين

اما القول بأن " لا تعطوا القدس للكلاب و لا تطرحوا درركم قدام الخنازير لئلا تدوسها بارجلها و تلتفت فتمزقكم"

و الذي يستخدمه البعض كمهرب فهو صحيح بحالات قليلة لما ما بيكون الجو يسمح او الشخص عدائي لا يريد ان يسمع ..
و الرب دائماً كانوا المؤمنين فيه يجوا و المشككين يجوا لعندو و حتى الفريسيين يلي بس بدهم يحاججوا و يتناقشوا معو و لو ما يقتنعوا ..



الأنجيل ووصلنا لانجيل متى الإصحاح 13 والآية11
" فاجاب و قال لهم لانه قد اعطي لكم ان تعرفوا اسرار ملكوت السماوات و اما لاولئك فلم يعط* 12 فان من له سيعطى و يزاد و اما من ليس له فالذي عنده سيؤخذ منه*

كلام السر كان قبل صعود الرب للسماء و بعد صعوده و حلول الروح القدس بعد المعمودية فالكل متساوون ..


و هو قال : فليس مكتوم لن يستعلن ولا خفي لن يعرف.

و الرب قالها : "الحق الحق أقول لكم من يؤمن بي،فالأعمال التي أنا أعملها يعملها هو أيضًا،ويعمل أعظم منها، لأني ماض إلى أبي". (12)

[hadihm]

رد: حوار ديني

skipy

[Abd Almassih]

رد: حوار ديني

[QUOTE=skipy;801855]

معقول كل هالحكي بالانجيل و الرسائل و اعمال الرسل و ما حكوا عن الوعظ و التبشير ؟؟

ماذا كان بولس الرسول يفعل بكل مدينة و قرية يمر فيها ؟؟
كان يدخل للمجامع و يلقي خطباً عصماء ، ارجو منك قراءة الرسائل مرة اخرى
كما ان الرب نفسه ماذا كان يفعل بالمجامع طول الوقت ، كان يحاجج الفريسيين

اما القول بأن " لا تعطوا القدس للكلاب و لا تطرحوا درركم قدام الخنازير لئلا تدوسها بارجلها و تلتفت فتمزقكم"

و الذي يستخدمه البعض كمهرب فهو صحيح بحالات قليلة لما ما بيكون الجو يسمح او الشخص عدائي لا يريد ان يسمع ..
و الرب دائماً كانوا المؤمنين فيه يجوا و المشككين يجوا لعندو و حتى الفريسيين يلي بس بدهم يحاججوا و يتناقشوا معو و لو ما يقتنعوا ..

الأنجيل ووصلنا لانجيل متى الإصحاح 13 والآية11
" فاجاب و قال لهم لانه قد اعطي لكم ان تعرفوا اسرار ملكوت السماوات و اما لاولئك فلم يعط* 12 فان من له سيعطى و يزاد و اما من ليس له فالذي عنده سيؤخذ منه*

كلام السر كان قبل صعود الرب للسماء و بعد صعوده و حلول الروح القدس بعد المعمودية فالكل متساوون ..

و هو قال : فليس مكتوم لن يستعلن ولا خفي لن يعرف.

و الرب قالها : "الحق الحق أقول لكم من يؤمن بي،فالأعمال التي أنا أعملها يعملها هو أيضًا،ويعمل أعظم منها، لأني ماض إلى أبي". (12)

ع الاغلب ما فهمنا ع بعض ولا لح نفهم
بسيطة

[Molham Haddad]

رد: حوار ديني

بالمختصر المفيد مع اني ما كفيت قراءة الا لنهاية الصفحة الاولى:
الحوار الديني
معناه انو انا قدم قضية محبكة منيح بشو يتمتع ايماني من مزايا وبشو يتمتع الايمان الآخر باخاء ونواقص والعكس صحيح
ويزاد عليه فكرة الدفاع عن العقيدة والافكار ولربما التوضيح
اذا اخذنا الحوار الديني او الجحوار الاجتماعي او الثقافي اوحتى الاقتصادي بهذا المبدأ فهاد كتير شي حلو وراكز

ولكن عم ننسى اساسا
شو هو الحوار
واللي هو حسب ما افهمه انا
:تبادل وتعريف وجهات النظر من منطلقات واسس وقناعات (ركزولي على قناعات) حول قضية ما
ليس الهدف منها اولا اقناع المتحاورين لأنو قلنا سابقا انو منطلقات وقناعات (والقناعة لا تأتي الا بعد بحث هيك المفروض)
وانما الهدف منها عرض الوقائع لكي يستطيع المطلع فيما بعد او الحاضرين تكوين قناعاتهم

...اما ما يحصل على مستوى المنتديات حول العالم هوجدل اي لف ودوران واسئلة مقنعة تحمل اتهامات فقط لا غير
والاغلب الا ما ندر جدا لتلاقي واحد عم يحكي من قناعتو الشخصية او حتى من بحث موثق /واللي شرطو الاساسي لما ابحث عن قناعة انو حط دائما احتمال ان اكون مخطئ مساويا لأحتمال ان اكون مصيبا/
وبالتالي
تم منع هيك نوع من النقاشات والجدليات المتنكرة بكلمة حوار
واما الاستفسار فهو مسموح دون مناقشة جدلية مبنية على قناعاتمسبقة واحكام مختومة

وبعتذر ع الاطالة

[hadihm]

رد: حوار ديني

شكرا ملهم
نورتوا

[wijdan]

رد: حوار ديني

صباح الخيرات
انا بعرف اني جديده بهالمنتدى
ولحتى قول رأيي لازم تعرفوا كيف وصلت لعندكم
انا عندي اهتمام بدراسة الأديان ( المسيحي - الإسلامي )
وكوني عايشة بدولة خليجية كان بيصعب علي لاقي مين أحكي معه أو حتى اوصل لكتب بتخص المسيحية اذا استوقفتني اسئلة ما.
بس كنت متشجعه بشكل عام وكتير حابه لانه عندي رفيقة مسسيحية من اروع ما يكون وكانت واجهة مميزة لتجذبني اتعرف عن دينها من وجهة نظرها هي لا من وجهة نظرنا نحن المسلمين..

" وقفة صغيرة"
وانا وصغيره كنت عم بقضي إجازتي السنوية بلبنان متل العادة
بعده المشهد براسي منور كتير
والدتي كونها انولدت وعاشت بلبنان كان عندها الجرأة الكافية لتدخل على كنيسة وتفوت لعند الراهبه وتطلب منها تشرحلها شو هاللي عم تشوفه بالكنيسة ( ما بيخفى عليكم في كتير كنايس بلبنان تعتبر مواقع جذب سياحيه كبيرة وبيتهافتوا عليها الناس مسلمين ومسيحيين )
وبعدني بتذكر جيداً ابتسامة الراهبة اللي شرحت بكل محبة لمسلمة دخلت بحجابها لنص الكنيسة لتسأل وتتعرف وعطتها كل الأمان ورحبت بعودتها بأي وقت واقسم انني سأعود لتلك الكنيسة بمجرد عودتي للبنان لأشكيلها عن تصرف بعض المتشددين المسيحيين بكل مايخص الاسلام ولاحظوا عم بقول بعض والبعض القليل واللي طبيعي موجودين بين متبعي كل دين او توجه.
وخرجت والدتي بانطباع ممتاز رغم انه المعلومات كانت قليلة جداً وبتصور اكتفت فيها على المدى البعيد لتعرف انه المسيحي طيب وبانه معتقده على اسس قوية, وكبرنا وهي عندها رفيقتها المسيحية اللي كانت تطلب منها تصلي لولادها بس يتعرضوا لمشاكل وتطلب منها تقرألهم القرآن لثقتها انه والدتي انسانه مؤمنة كل الايمان بكتباها وملتزمه بدينها وكان هذا يكفيها لتثق فيها وتمنحها احترامها.


" نرجع لبداية الحديث"
لما اهتميت اعرف مالقيت الا النت لأتعرف فيه على المسيحية
ولما كتبت الكنيسة لقيت منتديات
ولما فتت على اللي فيها اعضاء كتير لاني تصورتها غنية اكثر بمراجع قد تفيديني
بدأت أرتجف من كل شي شفته وكانت مثل الصدمه لصبية كانت تتصور انه العالم عايش بسلام واكتشفت انه في قنبلة موقوته ممكن تنفجر باي لحظةز
كان فيه كم كراهية ماطبيعي
وعدم احترام ماطبيعي
المسلمين عادة وبرغم ثقل الحوار ووجود قليلين فهم كثيرين بيكونوا بجزئية المسيح عليه محافظين على اسم عيسى او يسوع كما يحب أن يُنادى أصدقائي المسيحيين, كون ايمانهم ما بيكتمل الا اذا امنو به وانه اتى برسالة وكتاب سمواي من السماء " بغض النظر عن اختلاف عن حقيقته كون إله او نبي من انبياء الله الصالحين"والطرف المسيحي وكونه ما بيأمن بأي شي بيخص الاسلام كان بيتقل بالكلام عن الرسول وعن ربه بأثقل وأفظع العبارات وعن متبعيه بأفظع مايمكن ان يتصوره العقل.

كانوا مو قادرين حتى يجاملوا "ليكونوا واجهة نظيفة ولبنة طيبه بتمثل المسيح"

كانوا مصريين وفسرت لي رفيقتي المسيحية الفلسطينية ان رد فعلهم هذا ربما لانهم اقلية في مصر وبيعانوا مع السلطات والحكومه رغم كل المصرين عم بيعانوا وتفهمت هالشي بس لحتى ما اخسر رفيقتي وما اتصورها بكل لحظة كارهة لكل شي بيخص المسلمين وانها تمثل علينا المحبة وما إلى هنالك , حتى انهم اوصلوني لشدة ما قسوا علي كنت لما اقرأ القرآن اقفز عن سورة مريم وسورة ال عمران لعدم رغبتي تذكر كل ما يخص المسيحية في حياتي.

هذا الكلام كان في ال2008

ومن جديد من حوالي الشهر وربما اكثر بقليل رجعت الرغبة اشتعلت بداخلي بسبب معرض الكتاب الأخير الذي حدث في الدوحة وبعد ما شفت بعض الكتب التي تخص الكتب السماوية الثلاثة بمنظور العلم الحديث.
ولما رجعت ابحث رجعت مرقت على نفس هالمنتدى الكريه بشخوصه ولما شفت الحال كما هو قررت ابحث عن تجمعات شامية للشبيبة المسيحية وقلت براسي الا لاقي ناس متربيين متلنا واقدر اندمج معاهم اكتر واستفيد من المعلومات بوقت يكونوا محاوطيني فيه بمحبة وبدون ما احس اني مجرد غبية او معتوهة.
وبعد بحث وتقصي وصلت لمجتمع اعتبرته مثالي متمثل فيكم وبهالمنتدى
وبسبب هالميزة اللي عم ترفض حوار الاديان واحترمت اكتر السبب اللي عم ترفضوا لأجله هالحوار.

حقيقة المنتدى بيمثل بيئة مثالية بتعبر عن اخلاقيات المسيح المتمثلة بأخلاقياتكم انتم لكل شخص باحث مثلي عن المعرفة بدون ما يلف حبل المشنقة حول رقبتي" ولا ابالغ في التعبير" لكن هذه حقيقة مافيني ماقول اني ماحسيت فيها " وبدي قول اني ما بعرف شو عم بيصير بجبهة المسلمين لانه توجهي وبحثي في عالم الانترنت بالكامل كان لصوبكم بوقت كنت عم بشتري كتب اسلامية كانت عم تقضيني الحاجة , وانا اكيده انه بطرف المسلمين في ناس كريهة وصاحبة أخلاق لا تمت كمان للإسلام بصلة" وعم تكون مستفزة لربما وبتوصل ذات الاحساس البشع اللي حسيته لبعض المسيحيين اللي بيشبهوني واللي عم بيبحثوا مثلي.

القصد من كل هالحكي
انه ممكن بإحتوائكم وطيبتكم كمان تنفذوا وصية " عيسى / يسوع"
وتبقوا هالمكان المناسب للجميع.
متل ما الراهبة عملت وكانت ابتسامتها افضل جواز مرور لأمثالي.
ومثل هالرفيقة اللي جبرتني أحترمها دوما بقلبها وطبيتها.

اسفه على الاطاله
انما بحب اسجل اعجابي بالرافضين للفكرة , واني بتبناها مثلهم.


كل سنه وانتو بخير
محبتي

[hadihm]

رد: حوار ديني

نورتي وجدان وميرسي عالحكي الحلو
واهلا وسهلا فيكي

[wijdan]

رد: حوار ديني

وشكرا كتير لإلك
وينعاد عليك بالخير ان شاء الله

[majd123]

رد: حوار ديني

غريبة هالدنيا
وغريبة مفهوم الانسان لاخوه الانسان

هلا الحكي كتير وما بيخلص

بس حابب قول شغلة وحدة بس

* تنتهي حريتي عندما تبدا حرية الاخرين..

* ولا ترى القشة في عين اخيك بل الخشبة في عينك...

وبس

ياريت نحاسب حالنا قبل ما نحاسب غيرنا
وهاد ردي للكل

[MetalHeart]

رد: حوار ديني

وانا مع Dodi

[hadihm]

رد: حوار ديني

نورتوا