خليل روكز - الحب الحقيقي

[kamal jamal aldeen]

1. الحب الحقيقي __ بين جندي وراهبي (خليل روكز)

1. بهونيك دير على شواطي البوسفور.......... خلقت حكايه من اٍساطير العصور
حكاية محبه بين جندي وراهبه.............. كانت من الصدفه وتقادير الاًمور
*
وبالدير كانت راهبة متعبدي................للرب وبسجن القناعه ماًبدي
حولها شبابيك سودا محددي................بجنزير طاعه مكتفي ومقيدي
ما بيقدرو يتوصلوا ليها الطيور

من عدا شباك عا قد القمر.................بيضل عالبوسفور سلوى للنظر
حتى ان قوي التفكير عا ضعف البشر.......ومرقت بجو الراهبه غيمة ضجر
بتضل عالشباك حتى تشوف نور

ولما انتهى بالراهبه دور الصلا...........تشوهر حلى الوحدي على تاني حلى
ولما تركزوا النظرات والسر انجلى........حتى عيون الراهبه وقعوا على
جندي وعميفتش قلوعو عالصخور

ولما بوجو حدقت انظارها..............ارتعشت وجن الحب في اسرارها
وساعة رجوع العين من مشوارها........مدري شو صاروا يرسمو افكارها
والعاطفه مدري شو قالت للشعور

ومال قلب الراهبه المليان دين..........مات العجب لما عرف مالت لمين
لقلب الوطن موجود في جندي أمين..........بعدو بكر قلبو مش موزع حنين
وزهرة جمالو غافيه فيها العطور

وبالطبع بدها العين في كل الظروف..........حسب الغريزه قد ما بتقدر تشوف
ضل النظر بالعسكري الدنيا يطوف..........يقشع مناظر هالدني وقلبو العطوف
فيه عطف الكون وسرار الدهور

ومن غير نيه هيك من فضل الصدف..........مالت عيونو عالهدف من غير هدف
ومن دون ما يشعر شعر قلبو انحدف..........لصوب الفضيله والامانه والشرف
لصوب أطهر قلب اٍنساني غيور

ولما النظر صدفه مع التاني التقى..........تحول شرود النفس اٍمان وتقى
وضاعت الغايات في حب البقى..........والزنبقه من بعيد حبت زنبقه
يا ريت كل الحب من حب الزهور

1. ومن بعد نظره خاطفه بعمر الزمان..........الجندي انخجل والراهبه متلو كمان
   وسرقوا المحبه والتفاهم بالنظر..........افترقو وصفوا كل واحد في مكان
   الجندي رجع لمهمتو يوقف خفر..........يبيع نومو ويشتري لاًهلو أمان
   والراهبه ركعت على بلاط السهر..........تصلي تا تغفر ذنب سوء الائتمان
   والحب هي أول خطيه بتنغفر..........ومش خطيه الحب بعد الاٍمتحان
   فتشوا عالحب في قلب الحجر..........وبالهوا وبالمي بيقدم بيان
   وبالزهور وبالتراب وبالشجر..........وبالليونه وبالعدم والعنفوان
   وبالقصر والكوخ بنحاس ودرر.........وحتى مع الحيوان أول حب كان
   *
   ومن بعد ما النظرات خلصوا الموًتمر..........هون ابتدى بالراهبه دور الحنان
   حب عذري بدون نفع ولا ضرر..........ولا حكي يوصل من فلان لفلان
   لا تلاقي ولا خمور ولا سمر..........قمح صافي ما تعود عالزوان
   حب مش مارق على قلوب البشر..........شمعتين وكل شمعه بشمعدان
   أو زهرتين زغار عا حفافي النهور

1.

الجندي بقي بسفينتو يروح ويجي.........تا يشوفها ويحصل متل ما بيرتجي
هوي علق بالحب عا دبق الحياة..........وهيي تركها الحب طفله مبنجي
مين ما بيعرف قلوب الراهبات.........الفي قلبها نيران عطف ملوهجي
ومين ما بيعرف جنود الواجبات........قلبو طفل طاهر وزندو حربجي
والراهبه اللي مكللي باًجمل صفات........همها تسمع صدى صوتو الشجي
ولما يمر مرور نسمة مغنجي........قبالها وهيي تصير بنفسجي
وعزم النسيم يهزها ترم السحور

بقيو على هالحال سبع تمان سنين..........محبه أماني يشبعوا جوع الحنين
كانت اٍذا بالموج سمعتلو صدى.........توقف على الشباك حتى تشوف مين
ولو كان متل خيال وبعيد المدا..........تعرفو من قلبها الجندي الاًمين
ولما على الشباك تعرف ما اهتدى..........وبالبحر مش عارف شمالو من يمين
تضوي اٍلو الشمعا عا شباك الفدا..........تا يشوفها ويطعم عيونو الجايعين
يشوفها ويروح ما بفكرو حدا..........يوفي ندر قلبو الحزين ومش حزين
ومطرح ما صدق الحب عا لجندي اعتدا..........وعا لشط مطرح ما تلاقوا العاشقين
كل ليله كان صاحبنا يزور

ومن بعد سبع سنين في ليلة جنون..........جن البحر فيها وشلح توب السكون
والموج سجل عالسفينه انتصار..........واستفرس البوسفور عالجندي الحنون
ووصلو عالشط حتى الشط صار..........من دم هالجندي البري حكاية ظنون
ومات جندي العاطفه بالاختصار..........وتعمد الشاطي بدمعات العيون
والدير صفى متل شي بركان نار..........وتحسر الشباك اكتر ما يكون
وصاروا صخور الشط مدفن للسرار..........عليها انكتب بالدم هون الحب كان
ومن هون عاد الحب يسكن بالقبور

والراهبه العاش الهنا بآمالها..........شد فيها قلبها ونادالها
طلت وشافت قلبها المعها ربي..........مشلوح عالشاطي قتيل قبالها
جمعت بقوتها حياة معذبي..........بهالحب كلمة حب يا نيالها
وسجلو بالحب كلمه مذهبي..........حب البشر مش متل حب الالهه
باٍسم المحبه والنوايا الطيبي..........تعانقو الروحين مطرح ما التقوا

[retta]

رد: خليل روكز (الحب الحقيقي)

[كلك حلا]

رد: خليل روكز (الحب الحقيقي)

عجبتني كتير حلوه

ميرسي كمال

[kamal jamal aldeen]

رد: خليل روكز (الحب الحقيقي)

ريتا شكرا لمرورك عالموضوع الذي انا صفحني دمتي بخير
..............

[kamal jamal aldeen]

رد: خليل روكز (الحب الحقيقي)

كللك حلا مرورك جعل للصفحة لونا أزهي ..هذه من أجمل تركة المرحوم خليل روكز ..
دمتي بخير