عاحبي مكبّره خليل روكز

[The D.I.S]

ما زال رح تبقى عاحبّي مكبّره
وما زال ما في عفو عند المقدره
انشالله تموتي وما حدا لدفنك يجي
وقيمكْ لوحدي ووصّلك عالمقبره

وصدفِه ان إجا إنسان تا يحملْ معي
بقلّلو تْركْني وبالوصيِّه بدّعي
من ميل* تحت النعش بخفي مدمعي
ومن ميل وحدي بكون حامل جوهره

وكل فشخه** كنتْ بقعد بستريح
بْزيحْ الغطا وبِتأمّل بوجهك منيح
وبسقي شفافك من عطش قلبي الجريح
وبطلب من عيونك شفاعه ومغفره

وكل ما ارتحت ورجعت قيمك من جديد
بصير صلّي تالقبِرْ يبقى بعيد
منشان إشبع والنعش يشبع نهيد
شبعِةْ أبد حامل بنعش الآخره

وغنّي فراقيات وسنيني الكتار
يدوبو عاداير نعشك الأبيض غبار
ونوقع أنا والنعش آخِرةْ النهار
وقعِةْ إبن مريم عا درب الناصره

وبرجع بقيم النعش عن أرض الهموم
وبشحد شوية عمر من عمر الغيوم
وبعود إمشي هون أوقع هون قوم
وضيّع نهاري بالمشي وعند الغياب
نوصل أنا وإنتي سوا عالمقبره

[SKY ANGEL]

رد: عاحبي مكبّره خليل روكز

هي غنية ولا انتا كاتبها

[The D.I.S]

رد: عاحبي مكبّره خليل روكز

هي لخليل روكز

[SKY ANGEL]

رد: عاحبي مكبّره خليل روكز

اهاااا
اي قول من الاول
استغربت يا زلمي انو طلع منك هيك شغلات
على سيرة خليل روكز
مين خليل روكز

[Mr.Majd]

رد: عاحبي مكبّره خليل روكز

وبسقي شفافك من عطش قلبي الجريح
وبطلب من عيونك شفاعه ومغفره

[The D.I.S]

رد: عاحبي مكبّره خليل روكز

وبسقي شفافك من عطش قلبي الجريح
وبطلب من عيونك شفاعه ومغفره

نورت الموضوع يا مستر

[rafi geryes]

رد: عاحبي مكبّره خليل روكز

روعة روعة روعة بتجنن
شكرا

[TAMAR]

رد: عاحبي مكبّره خليل روكز

روعة

[khaledkaz]

رد: عاحبي مكبّره خليل روكز

أشكر الأخ صاحب الموضوع لاختياره قصيدة ( المقبرة ) للراحل خليل روكز التي هي درّة من مجموعة درره التي تركها بين أيدينا
و أهديه بدوري قصيدة أخرى بعنوان ( جيران ) :

جِيران وِعْيُو عَ الدِّني وْ رِبْيُو التْنَيْن
بِالمَدْرَسِه وْطلْعو سَوَا مْن الْمَدْرَسِه
وْحُبّ الطُّفُوليِّه كِبِرْ بِالزَّهرْتَــــــــــين
كُبْر الْعَبيـــــــر بْزِرّ وَرْدِه مْكَبَّسِه
**
ما كان إسْمُو حُبْ أوِّل مُبْتَدَاهْ
كان كِلْمِه ضايْعة بْصَفْنِةْ إلــــــــه
صار إسْمُو حُبّ بَعْد الإنْتِبـــــاه
والحُبّ صَارْ جْنُون بَعْد الهَوْدَسِه
**
وْبْفَصل جُوع العاطْفِه , بْزَهْو الْغُصُونْ
حَجَّر ضَميــر الأهل عَ الحلم الْحَنُـــــون
وْعِمْلوا الْقَطِيعَة وْعَمَّرُوا بَيْن الْعُيُــــونْ
حَوَاجز عَلى قَلْب الضَّحَايا مْأَسّسِه
**
وْكَلَّلُوها عَ الغني ..حتّى تْعِيش
وْتِشْبَع فسَاتيـــن ,وْ بْرَانِيطْ رِيشْ
وْمُشْ بِالمْلِيح البنت قِبْلِتْ بِالوْحِيشْ
وْتْبارَكِتْ مِن لَمْس إيـــــــــد مْقَدَّسِه
**
وْصارِت لَغَيْر رْفِيقْها الْ خِلْقِت إِلُو
وْدَاب الْحلُو عَ شْفَاف ما داقُوا الحلُو
وْرْفيقْها ضَيَّــــع أَمَـــــل مُسْـــــــــتَقْبَلُو
مِنْ بَعْد ما دَفْنُوا القَمَر بِالْمَحْبَسِــــــه
**
وْسَافَر عَ غَيْر بْلاد مِن دَرْب الهَوَى
بس الهَوَى ما بْيِنْفَعُو غْيَــــــــار الْهَوَا
مِن مْخَدِّر النِّسْيان ما وَفَّــــــر دَوَا
مِنْشان يِنْسى الحُبّ , لَكن ما نِسِي
**
وْ رْفيقْتُو الْ جِنْيُو عَلَيْها أهلْهَا
وْطاعِتْ أَوَامرهُم بْأَوَّل جَهلْهَا
ضَلِّت خَبَايا نفسْها تِنْدَهْلها
تَ تْرِدّ مَرْكَبْها عَ مَطْرح ما رِسِي
**
وْراحِت تَ تِسْأل وَيْن شَاطِيها الأمين
وْعَ الشَطّْ صار يْدِلّْها بَرْق الْحَنيــــن
وْرِجْعِت لَقَلب الْ حَبّْها بَْيدر سْنِين
وْسِجْن الشَّرَايِع هَدّْمُوه العاشْقــــين
وْبحْجارْتُو لَلْحُبّ عمْلُو مَدْرَسِـــــــه

كما أهديــــه و أهديكم هذا الرابط الذي أتمنى أن تجدوا من خلاله ما يروقكم و يرضيكم

[F A R E S]

رد: عاحبي مكبّره خليل روكز

amazing

[The D.I.S]

رد: عاحبي مكبّره خليل روكز

نورتو شبيبة وشكرا على القصيدة المضافة