حكم بالاعدام شنقا على صدام حسين

[عفريت الحب]

عم نحيي بعض

[أم الرور]

إيه إذا هيك معليش

[عفريت الحب]

ليش لوكان غير هيك شوبدك تعملي

[Iden]

شباب لاتعبون حالكم بالخنائة ....اصلا صدام هرب وشوفوا بالصور












B reaking News; Saddam has escaped

[Hovanoov]

اذا سياسه الدم نجحت بالعراق ولكن الآن طار صدام حسين لأني الظلم دائما إلو نهايه وإذا البهود اخذوا فلسطين منالعرب بالدم معناتا سيايه الدم ممكن تنفع مع الشعب العراقي

[kiven]

قالكم يلي قتلهم صدام رح ينبسطوا اذا مات

[SAM-QD]

ما القصة كلها مشان يكون صدام حسين هو خروف العيد للسنة]

[Hovanoov]

أهنئ الشعب العراقي بكش العيد اللي ضحت فيه الحكومه (صدام حسين) وعلى أمل ان يصبح العراق بلدا جديدا في العام الجديد ويكون عيدا سعيدا مع هذا العيد السعيد الذي يمثل حريه الشعب .............................

[ma7aba]

الله يرحموا

[Iden]

مع الاسف مات بسهولة لانو بيستاهل التعذيب والموت البطئ حتى يشعر نفس شعور الى عذبهم

[gabo]

يا جماعة مو كال هالقد لاتنسوا صحي كان إرهابي بس في الله بيحاسبوا وما بيجوز من المحكمة انو تعدموا تحكموا مؤبد بس لا تعدموا بأوروبا ممنوع الإعدام

[sarah]

ما بعرف...بس انا كتييير اتدايقت مشان اعدامو....
ما بيصير هيك...هادا كان زعيم و رئيس دولة و بيحقلو اول شي انو يتحاكم محاكمة نزيهة...
الزلمة محاكمتو ما كانت من العراقيين او من الشعب العراقي...كانت محاكمتو اميركية...و من قبل ما يحاكمو و هني حاكمبن عليه بالاعدام..يعني المحكمة كانت مسخرة و تمثيلية....
بعدين بالاضافة اللى انو كان رئيس دولة...يعني في معو حصانة دبلوماسية ...و ما بيصير يتحاكم هيك...و اذا بدو يتحاكم فبيتحاكم قدام محكمة دولية و مو قدام محكمة محلية عاملة هيك مسرحية فاشلة....
انا ماني معو...و لا بحياتي حبيتو....بس في شغلات الواحد ما بيقدر غير يوقف عندا...بالاضافة الى انو هادا الزلمة كان عسكري...قائد عسكري...يعني لما بدون يعدموه و يصادقو على قرار اعدامو لازم يكون اعدامو رميا بالرصاص..مو الشنق متلو متل اي مجرم عادي...
وشغلة كمان....اوكي ...يعدمو...بس ليش باول يوم من ايام العيد....ما حرام؟؟هاد انسان بالنهاية...مهما كان الو جرائم...هاد انسان....مو يعدمو كانون عم يضحو فيه باول ايام العيد...شخص كان الو عز كبير...شخص كان جبرتو مفروض على العراق كلو....ما بيصير يعاملو هيك..و من مين؟؟من اميركا....شو خصا اميركا...لما بيكونو العراقيين هني الفصل ما حدا بيحكي...بس مو الاميركان....
انا كتيير اتضايقت من طريقة اعدامو.....من كل عقلي اتضايقت....
دخلكون...اعدامو هو اللي يخلي العراق يصير عراق جديد؟؟؟؟يعني لو نفوه و جردو من كل شي ما كان بيصير عراق جديد هي اذا كان بدو يصير...؟؟اساسا هو عم يتحاكم من 13 شهر...و من 13 شهر لهلأ او اكتر حتى هو ما كان بايدو ولا باجرو يساوي شي....موتو هو اللي يعمل نهاية الظلم و التخلف و و.......
ما اميركا دمرت العراق...ما عاد في بلد....ما عاد في شي....شو رح يتغير هلأ....؟؟
مشان الله ما تاخدو الامور بسطحياتا...و خلوني ما احكي اكتر من هيك...لانو...ما بدي غمق...و فهمكون كفاية...

[varon]

والله حكيك رائع يا سارة .....كبيير
الله يرحمك

[Tulip]

sarah yslmli yli befhm, 2na mtl kteer 2tay2t w yart b2dr 2ktb bel3rabi bs 7kiak bekfi

[george maidaa]

هييييي سوس كفيتي و وفيتي
أنا ماني حابب أحكي لأني انزعجت من شوية ردود من الشباب هون .....لانو بظن أي شخص بدو يحكم على شخص آخر بالقليلة لازم يمون أكتر ترفعا منو بالمجال يللي عم يحاكمو فيه..... مشان هيك الأميركي يللي حاكم صدام مانو أفضل منو بشؤن الخراب العراقي تحديدا... لأ بيضل صدام أدرى بشعبو من الغريب

تانيا أنو قانونيا لازم ما يتم الحكم مو بس تنفيذ الحكم بوجود محتل لأنو هاد انتقاص من السيادة و بالتالي حكم باطل

تالتا هاد شخص عسكري و بالضرورة إعدامه عسكري بالرمي بالرصاص....

رابعا ... كل عام و الشعب العربي و العراقي بألف خير ... بس في بالعراق ما يفوق ال3000000 راس غنم هاد و ما بدي أحكي عن الغنم يللي لابس تياب بني آدمين (no offence) لأنو الحمدلله كتار بالبلدان العربية كافة و بدون استثناء.... المهم تركوا كل هالمواشي و راحو أعدموا صدام بأول يوم للعيد إي والله هاد إجرام و قلة أخلاق و العفو ندالة

خامسا ... للشباب يللي عم يشاركو هون بس نقطة صغيرة أنو إذا بدو الواحد ينظر للقضية أنو هاد شخص قتل و دبح و سال و حط ... و بالتالي فهاد بيستاهل ينعدم و يتمرمط و يتبهدل .... فما بظن أنو عم يفرق عن صدام بذات نفسو.....
لأنو نحنا و بعاد عم نحكي هيك فإذا كنا بوضع ناخد قرار مصيري بنفس الآلية يللي عم نحكم فيهاعالرجال فبالنسبة لألو كان الأكراد يللي حاولو يغتالو بيشتاهلو الموت و المرمطة .... و الشيعة يللي كمان حاولو يغتالو و يلعبو عليه من ورا ضهرو كمان بيستاهلوا التفعيس.....مشان هيك يا سباب بشوف أنو المنظار بالنسبة لإلنا لازم يكون أبعد من هيك و أكثر إنسانية حتى لو إجا حدا وقللي أنو هاد الشخص بيستاهل الموت و التعذيب ,,,,, لساتو إنسان.... و ما رح كون أحسن منو إذا عاملتو بالمثل .....


بالنهاية ....(هي و ما بدي أحكي) أوكي أنا ماني ضد محاكمتو .... بس أول شي المحكمة تكون شرعية...تتحدد إذا دولية وللا لأ يعني عراقية .... لأنو و الله أنا ماكنت أفهملا دين هالمحكمة..... تاني شي بعد ما يخلص العراق من الاحتلال.... تالت شي إذا انحكم إعدام فهاد بالنهاية.. بيكون قرار عراقي مية المية ... دون سياية و دون تدخل أجنبي(قبل إقرار مخطط السياسة الأميركية في العراق ... يللي كان لازم يعلنو بوش باليومتن الجايين).... الإعدام لازم يكون عسكري......أخيرا بضم صوتي لسرسور و بقول يا أخواني بالعراق..... شو إجاكون هللق و شو عزاكون و شو غير بالعراق


عفوا بس أنا ماني حابب أحكي أكتر من هيك ....... لأني عن جد مزعوج......

YALLA SALAM YABA

[sarah]

بعتقد انو جورج كمل الحكي اللي انا ما حكيتو...و خصوصي بنقطة انتقاص السيادة بتنفيذ الحكم بوجود محتل...لانو هي نقطة كتيير مهمة....
في حدا من الشباب هون قال انو بتاريخ العراق كلو ما في غير شخصين قدرو يحكموه: الحجاج و صدام حسين...هلأ انا الي شوية تحفظات ع الموضوع...بس بالمبدأ الحكي صح....يعني صحي صدام قتل و اجرم و عفس....بس هو بالنهاية عرف كيف يحكم العراق و خصوصي ببعض الفترات.....
نحنا مالنا بهالحكي هلأ ...لانو ما كتيير رح يفيد...
بس انا كنت كتير متضايقة من الشي للي صار...و خصوصي لما شفت الناس عم ترقص و تدبك على موتو..و تشمت...
لك يا جماعة...هادا موت...موت....يعني في احترام للميت لو شو ماكان...لو كان (عفوا منكن) لوكان كلب....في حرمة للموت.......وبالنهاية....اذا كان صدام حسين ظلم كتييير ناس...فانا بشوف انو اللي عملوه فيه الاميركان و اللي عملتو فيه المحكمة اللي انا كمان مع جورج ما فهمت شو ربا...اللي عملوه فيه كان كتيير ظلم كمان....
حياكون.....

[varon]

يكتر خيرك جورج كفيت ووفيت وكمان كل قصة القبض على صدام كانت مشان النووي ومدري شو والجرايم اللي ارتكبا اكيد ما كلا غلط لازم يتحاكم بس ما اعدام لانو طلعنا من عصر الجاهلية على ما اظن
تحياتي

[Ameen]

ساره و جورج و الله ريحتينو من الكتابه لانو لو بدي اكتب كنت كتنبت اللي كتبتو
و عنجد انو اللي صار شي كتير مؤسف ووصمة عار كتير كبيره و مسرحيه سخيفه
انا لمن فقت اليوم و شفت هل المناظر ما بتتصوروا شو دايقت و اكتر شي دايقني غير الاعدام و طريقتو الحقيره و المشاهد
مناظر هل الفهمانين المحتفلين و عنجد ما ذكرني المشهد غير باول ايام سقوط بغداد وقت اللي وقعوا التمثال و قعدوا الشباب الطيبه يرقصو نفس الرقصه الحلوه وشافو بعدا شو اجاهن
مع احترامي للكل بحب انو لا تنسو انو صدام حسين اولا و اخرا هو انسان و رئيس دوله و بطل كمان
و خلونا نشوف الحكام الجداد لدول العراق المستحدثه شو رح يطلع معن

[jida]

الله يرحمو ..

[Iden]

اريد اسألكم فى حدا منكم عاش بالعراق ايام صدام ؟
اكيد لاء ..........يعنى اكييد ما تعرفوا كييف كان الشعب يعانى ....
اوكى ليش بتقولوا انو موتو حرام ؟ ما شفتوا ابدا كييف ماتوا الاكراد ؟ وكييف ماتوا الشيعة بالجنوب ؟ وحرب ايران ؟
هذول كلتهم انساااااان وابرياء ..... مثلو!
والشعب الى حاول القضاء عليه سابقا اكييد شاف منو شئ !!!!!
واذا كان رئيس جيد ما كان صار كل هل المسرحية
ونتمنى يعود العراق الى الحياة ... واكيد فى يوم راح تهدئ الامور
و الشمس لازم تشرق من جديد ........