مؤامرة الدولار من الداخل و المركزي ممنوع من التدخل من متنفذين و ما يحصل لا يصدق

[skipy]

ما نراه يوم بعد يوم يؤكد ان هناك نية لبعض الحيتان لتدمير المواطن السوري من الطبقة المتوسطة - هكذا يسمى مجازا - و هؤلاء البعض ليسوا في قطر او السعودية او اسرائيل بل هم في و مع النظام و من الواضح ان المركزي ممنوع من التدخل و الدولارات تذهب لجيوب رجال اعمال مرتبطين بالنظام و هم يصرفون باسعار عالية و يغتنون بالمليارات يوميا و لكن من الناحية الاخرى هناك دمار للتجارة و لطبقة واسعة من شريحة التجار و المواطنين و المشاريع و هناك دمار لوطن اسمه سوريا ان بقي لدى من بقي لديه ذرة وطنية او ضمير او مواطنة ....

فهل يفطن الكبار ممن مصالحهم و سرقاتهم اهم من مصير وطن أم ماذا ؟؟؟؟؟؟؟؟؟؟؟

[SKY ANGEL]

رد: مؤامرة الدولار من الداخل و المركزي ممنوع من التدخل من متنفذين و ما يحصل لا يصدق

طبقة متوسطة ؟؟؟

ليش بالاصل كان في شي اسمو طبقة متوسطة

طول عمرها سورية يال الغني غني يا الفقير فقير



اول مرة بعرف انو كان فيها طبقة متوسطة لياكلوها الحيتان


عوجا ورح تضلها عوجة

قال اصلاحلات قال

بهالمناسبة اهديك غنية

ايمن زبيب

شو بعملك هيدا وطنا والناس الي بتخلق عنا
ناس بسمنة وناس بزيت

[skipy]

رد: مؤامرة الدولار من الداخل و المركزي ممنوع من التدخل من متنفذين و ما يحصل لا يصدق

مصر و تونس بلدان غير نفطيان و انهار فيهما النظام و انضربت السياحة لم تتأثر العملة إلا بأمور طفيفة ...

هل سيتحرك الضمير ممن يمسكون مفاصل الاقتصاد و الذي على سبيل المثال جمركوا قبل اشهر 5000 سيارة في الليلة التي سبقت قرار رفعها و كسبوا مليارات ..

بتنا نسأل هل هناك حدود للجشع و حب المال ام هذا الامر استحالة عند عديمي الاحساس بالانسان و المواطن الذي بات يستشعر الغلاء


حاكم المصرف المركزي شخصية مستقلة غير خاضعة لارادة سياسية بكل الدول الديمقراطية و في الارجنتين فشلت الرئيسة باقالة الحاكم بعد تدخلها بشؤون المصرف و رفض الاخير الانصياع لأوامرها
هل سيبقى المصرف المركزي يأتمر بأوامر هذا و ذاك حتى خراب مالطا ليقف العباقرة الذين يمنعونه من العمل و يواجهوا ملايين الجائعين و الفقراء الذين لن يخسروا شيء بتدمير البلد ؟؟؟

.

[ا . العمر]

رد: مؤامرة الدولار من الداخل و المركزي ممنوع من التدخل من متنفذين و ما يحصل لا يصدق

الناس بدها الدولار يبقى سعرو 47 ليرة
بعد ازمة صار لها سنة
ونصف دول العالم محاصرتنا
دولة غير سوريا كان وقفت الدعم عن اغلب السلع المدعومة
وفرضت ضرايب وخفضت الرواتب وعملت نظام الخصخصة Privatization
ساعتها كان المتذمرين عرفوا ان الله حق

[midnight man]

رد: مؤامرة الدولار من الداخل و المركزي ممنوع من التدخل من متنفذين و ما يحصل لا يصدق

(الحيتان) والإنتهازيين موجودين ويلي استغلوا أزمة الوطن ليعبوا جيوبن...... بس ما بيصير نقلل من أهمية الإصلاحات يلي أعلن عنها الرئيس....

[SKY ANGEL]

رد: مؤامرة الدولار من الداخل و المركزي ممنوع من التدخل من متنفذين و ما يحصل لا يصدق

الناس بدها الدولار يبقى سعرو 47 ليرة
بعد ازمة صار لها سنة
ونصف دول العالم محاصرتنا
دولة غير سوريا كان وقفت الدعم عن اغلب السلع المدعومة
وفرضت ضرايب وخفضت الرواتب وعملت نظام الخصخصة Privatization
ساعتها كان المتذمرين عرفوا ان الله حق

حبيب احسن مو قاعد بالامرات وعم تحكي تعا شوف على أرض الواقع
أهل مكة ادرة بشعابها

تعا وشوف بعينك

[SKY ANGEL]

رد: مؤامرة الدولار من الداخل و المركزي ممنوع من التدخل من متنفذين و ما يحصل لا يصدق

لجنة حماية المستهلك دورها صفر بهالازمة

وزارة التموين كمان صفر
الرقابة والتفتيش صفرين
بدال مايراقبو السوق ويحاولو ضبط الاسعار تاركين التاجر على حل شعرو وللأسف الليرة السورية فقدت قيمتها ورح تفقد قيمتها اذا ضلو مطنشين الوضع
صايرة ال 500 بسعر ال 100 ليرة

[SKY ANGEL]

رد: مؤامرة الدولار من الداخل و المركزي ممنوع من التدخل من متنفذين و ما يحصل لا يصدق

وفي متل بيقول
دود العود منو وفيه
ماحدا يقلي أصلاحات ومابعرف شو

الاصلاح الاول هوي محاكمة الفاسدين وقص اجنحتون غير هيك ماحدا يحكي عن أصلاح لانو في حال تم توقيف الفساد وأنتزاعه من المجتمع المجتمع قادر على النهوض من جديد وهوي رح يصلح حالو بحالو وعدم (زرع شتلات فاسدة بدال الي نزعوها )

[skipy]

رد: مؤامرة الدولار من الداخل و المركزي ممنوع من التدخل من متنفذين و ما يحصل لا يصدق

المشكلة ليست بسياسة مرنة بل بغباء فاحش بالرد على المتغيرات

حذر الجميع من تكاليف الانفاق الكبير على القطاع العام ..

كم هو مزعج رؤية موظف عام او لوحة خضراء على سيارة فاخرة و كاننا في دولة نفطية كبيرة ؟؟

كل هذا الهدر المتراكم عبر عقود تسبب بما حصل .. و مهما كان و حتى البلدان المهددة بالافلاس مثل اليونان لا ترتكب خطئ غبي بالتقطير بالتدخل بالدولار عبر المركزي

يعني لا للهدر الذي يؤدي للتضخم و الاستدانة من الخارج و لا للتقطير و التقشف الزائد الذي يؤدي للانكماش و الفقر و الغلاء الذي لا داعي له ..
الدولة مذعورة اكثر من الشعب في ردودها و لا يوجد نضج في القرارات فهي ارتجالية و متسرعة ..

فليس المفروض الخوف الحاصل و التقطير و الدولة تحجم عن التدخل و لو بدولار بالسوق او بدعم المستوردات ..

اذا كان المركزي يمتلك ما بين 17 - 20 مليار دولار

فعليه ان يضع خطة للتدخل بمليار كل شهر فهذا يكفي مع ما بدخل لخزائن المصرف لابقاء الوضع متوازن لعامين و اكثر و هذا مبلغ كاف لكبح ما يحصل و لبعد عامين يخلق الله ما لا نعلم و هذا أفضل من اقفال كل سبل التدخل و ترك الناس المذعورة ليستغلها ضعاف النفوس

.. كل ما هنالك تحديد اهم المواد الغذائية و الاساسية للصناعة مثل الحديد و غيره و الالكترونية المهمة مثل الكومبيوترات و ممونات صناعة البرمجة لان دعمها مهم جدا مثل دعم الخبز و يجب اعادة دعم المستوردات و الدولة تحصل على الدولار و لكنها لا تريد التدخل لأنها تظن ان البعض سيحصلون على ارباح و هذا خطئ غبي لان هذا سيدمر الاقتصاد ..

..

[SKY ANGEL]

رد: مؤامرة الدولار من الداخل و المركزي ممنوع من التدخل من متنفذين و ما يحصل لا يصدق

بعتقد المركزي مارح يتدخ ألا لبعد استبدال العملة السورية بطبعات جديدة ساعتها الموازين رح تختلف لانو رح يتغير الوضع فبأعتقادي المركزي مارح يتدخل هالفترة لا ليشوف نتائج من العملة الي عم تطبع حالياً اذا ماتغير شي ساعتها رح يتدخل لا تنسى انو المركزي السوري يعتبر ورقة أقتصادية قوية بأيد سورية ولا هوي مو عجز عن التدخل انما عم يراقب وناطر تأثير العملة السورية الجديدة على الاقتصاد

[midnight man]

رد: مؤامرة الدولار من الداخل و المركزي ممنوع من التدخل من متنفذين و ما يحصل لا يصدق

لاء معليش... بدي قول إصلاحات... بهالفترة الدموية على الأقل...

[ا . العمر]

رد: مؤامرة الدولار من الداخل و المركزي ممنوع من التدخل من متنفذين و ما يحصل لا يصدق

كل يرى بعين طبعه
انا متفائل وانت متشائم

كلنا منتذكر لما بمنتصف التسعينات كيف امريكا لعبت لعبتها الدنيئة ضد اقتصادات آسيا ( سنغافورة ماليزيا تايوان كوريا )
واصابهن ازمة مالية ليجبروهن على الإستدانة من صندوق النقد الدلي حتى يبقوا مرتهنين وتابعين الهن
بس قدرو يتجاوزو هالمرحلةمع انهن ماكانو بحالة حرب

وعندك مثال تاني حاليآ كمان هو اليونان

بقا كل هالقصة مشان تضطر سوريا تستدين من صندوق النقد الدولي اللي متحكمة فيه امريكا وشلتها
وان شا لله ما رح يصير هيك
لان روسيا تعهدت بإيداع مبلغ 5 مليار دولار في المركزي السوري
والصين تعهدت مبلغ 5 مليار دولار كمان
وايران تعهدت مبلغ 10 مليار دولار
وهالشي لما بلش يساعد بالقصة شوي وبنفس الوقت اللي انكسرت فيه شوكة الفورة وفاتو بالحيط
اجت الاوامر مرة تانية لضعاف النفوس انو عملوا بلبلة مرة تانية بالسوق

وللأسف البعض مننا بدهن البلد تكون المدينة الفاضلة بهالازمة

[ا . العمر]

رد: مؤامرة الدولار من الداخل و المركزي ممنوع من التدخل من متنفذين و ما يحصل لا يصدق

لجنة حماية المستهلك دورها صفر بهالازمة

وزارة التموين كمان صفر
الرقابة والتفتيش صفرين
بدال مايراقبو السوق ويحاولو ضبط الاسعار تاركين التاجر على حل شعرو وللأسف الليرة السورية فقدت قيمتها ورح تفقد قيمتها اذا ضلو مطنشين الوضع
صايرة ال 500 بسعر ال 100 ليرة

المشكلة انك عم تحكي بالعموميات

في شي اسمو
إنفاق
تضخم
ميزان مدفوعات
ايرادات سنوية
خزينة عامة
نقد احتياطي

يعني في اعباء عالدولة
القصة مانها حرب عملات مع الدولار

[SKY ANGEL]

رد: مؤامرة الدولار من الداخل و المركزي ممنوع من التدخل من متنفذين و ما يحصل لا يصدق

طيب فيك تقلي من الللهوسة واللوصة شو دور الوزارات السورية ؟؟؟ الي اسست بهدف حماية المستهلك ؟؟
وينها ؟؟ في شي حدا سمع عنها شي وهيي الي لازم تكون السيف الي يسند ضهر المواطن بهالازمة ؟؟
ولا عندك رأي تاني

[ا . العمر]

رد: مؤامرة الدولار من الداخل و المركزي ممنوع من التدخل من متنفذين و ما يحصل لا يصدق

طيب فيك تقلي من الللهوسة واللوصة شو دور الوزارات السورية ؟؟؟ الي اسست بهدف حماية المستهلك ؟؟
وينها ؟؟ في شي حدا سمع عنها شي وهيي الي لازم تكون السيف الي يسند ضهر المواطن بهالازمة ؟؟
ولا عندك رأي تاني

الأولى بهالوقت حماية البشر والدم
بعدين حماية الليرة والراتب

فقير في بلدي أحسن من لاجئ عند الغريب

[ا . العمر]

رد: مؤامرة الدولار من الداخل و المركزي ممنوع من التدخل من متنفذين و ما يحصل لا يصدق

بعدين اللي بيحب يقارن الجنيه المصري ويقول انو ما انهار
بحب قلو انوالصفقة اللي تمتبين الاخوان المسلمين وامريكا هي كالتالي :

امريكا طيرت مبارك من الحكم وتركت خزينة فاضية للمصرييين
وهلئ مصر عم تبوس صرماية امريكا مشان قرض بمليار دولار (وهومبلغ تافه في مقاييس الدول )

[SKY ANGEL]

رد: مؤامرة الدولار من الداخل و المركزي ممنوع من التدخل من متنفذين و ما يحصل لا يصدق

بس حسب علمي في وزارات شغلتها الامن والامان وهيي عم تتابع موضوع تأمين المواطنين والحفاظ على سلامتون ولا هلا دبت النخوة بكلللللللل الوزارات وصارت بدها بس توقف الدم
في ناس كمان عم تموت من جوعها ولا هدول مو سوريين كمان وفي ناس الراتب تبعها الي صار يعتبر بنصف قيمتو عليها مصاريف وراها عائلات بدها تطعميها وفي نااااااااااااااااااااااااااس كتير عايشين على الاعمال الحرة كمان يومية العامل الي عم ياخدوها ما عم يطلعو راس براس مع اسعار السوق برأيك شو الحل ؟؟

[white jasmin]

رد: مؤامرة الدولار من الداخل و المركزي ممنوع من التدخل من متنفذين و ما يحصل لا يصدق

اي معك حق بس بحب ذكرك ان عنا حرب وازمة من اذار 2011 وباقي الوتر الاقتصادي وهلا عم يدقو عليه
انا كمان مو عاجبتني سياسة ميالة بهالوقت بس رح ذكرك ان كمان الجيش تأخر لحسم بحمص وبريف دمشق وبعدين لعرفنا ليش وعرفنا ان لو ماطول لكان كتير ناس انغرو بالفورة ومشيو معها
وهيك لازم ننتظر الخطة المالية
للمرة المليون بذكرك ان بلدنا سوريا لاهيي مصر ولا ليبيا ولا تونس وسوريا مابتركع

بالوقت يلي انت بدك كل شي عالليبرة رح قلك ان لسا في ناس عم تنخطف وتنقتل وتموت بس مو من الجوع ورغم كل الغلا يلي عم يصير هلا فما حدا مات من الجوع
بدك تقلي لأ عنا ببساطة مو صحيح
في ناس كتير مو عايشة مرتاحة وخاصة بهالوقت بس ماحدا مايت من الجوع
واذا الراتب ماعم يكفي ففي عنا جمعيات خيرية وماعنا ناس بتنام بالمقابر ولا بالشوارع وكل واحد في الو محل ينام فيه
المشكلة ان الشعب كلو ماشالله ولاد ملوك بدو مكتب وسيارة واذا لقى شغل بدو جهد بيترك وبيمشي بحجة الراتب مو منيح

انت يلي عم تحكي عن ان البلد عنا يا اما غني غني يا اما فقير فقير فأكيد رح يكون وضعك احسن من كتنير منا مو منشان شي بس لأن ماحدا عم يحتج عالوضع المالي ويحرض العالم تقوم ضد الدولة غير يلي معو اكتر من غيرو

البلد بأزمة يا ريت تتذكر هالشي قبل ماتقول بدي ومابدي
البلد بأزمة مابدنا تضيع من ايدينا والدنيا كلها ضدنا فيا ريت انت كمان توقف معها وتفكر بحلول بدل ما تحرض الناس
سوريا اهم من كل مال الدنيا ومن كل مراتب الحكم ومن كل ذهب العالم

[pato]

رد: مؤامرة الدولار من الداخل و المركزي ممنوع من التدخل من متنفذين و ما يحصل لا يصدق

لك سوريا رجعت بهل الازمة عشر سنين لورا
وماحدا يتوقع تنتهي الازمة هلق او بالسنة الجاية او الي بعدها
بعد ما تحولت سوريا لساحة جهاد ما بتوقع تخلص بسنة
الازمة بسوريا بتخلص اذا صار ثورة في دول الخليج
وبالنهاية المؤامرة بخير سوريا خلصت

[white jasmin]

رد: مؤامرة الدولار من الداخل و المركزي ممنوع من التدخل من متنفذين و ما يحصل لا يصدق

لك سوريا رجعت بهل الازمة عشر سنين لورا
وماحدا يتوقع تنتهي الازمة هلق او بالسنة الجاية او الي بعدها
بعد ما تحولت سوريا لساحة جهاد ما بتوقع تخلص بسنة
الازمة بسوريا بتخلص اذا صار ثورة في دول الخليج
وبالنهاية المؤامرة بخير سوريا خلصت

اكيد بعد كل شي صار مارح ترجع سوريا بسهولة بس مو معناتها انها مارح ترجع
بس كمان بأكدلك ان اذا كانت نفوس السوريين مهزومة متلك فأكيد حجر مارح نقدر نعمر
سوريا استلمها حافظ الاسد بال70 وانبنت وصارت بعدد من السنين وباصرار الشعب بس لو كان الشعب عم يحكي متلك كنا اكيد بعدنا متل جزر القمر او وحدة من هالدول التابعة التابعة للدول الاستعمارية
يا اخي انا وانت قادرين نغير ليش كل واحد نفسيتو اسوأ من التاني وبدو بعد كل هالحرب الكونية عالبلد كل شي تمام التمام
الجرح بأيدك بدو عشر ايام ليطيب فما بالك ببلد كل يوم عم ينجرح
يا شباب انتو بهاد الحكي الانهزامي واقفين ضد البلد
وقفوا مع سوريا ولا تتركوها