شو هدفك بالحياة

[Karmah]

حابة من خلال هالموضوع كل حدا يشاركنا
ويخبرنا ... شو هدفو بالحياة ... شو الغاية يلي بدو يحققا وكيف
وكيف بيعيش حياتو " المسيحية "

حطيت كلمة المسيحية بين قوسين لأن بحب أعرف كمان عن اختبارات باقي الأعضاء


بتمنى المشاركة

[SKY ANGEL]

رد: شو هدفك بالحياة

بالنسبة الي لاحياة لمن تنادي (مت كل النواحي)

[Karmah]

رد: شو هدفك بالحياة

[Abu Nezar]

رد: شو هدفك بالحياة

ما في داعي بهالبلد نحط أهداف مشان ما تتهاوى أمامنا

لذا هدفي الاول بعد الشهادة الخروج من مقبرة الشباب
و من بعدها بفكر بهدف حقيقي

[Karmah]

رد: شو هدفك بالحياة

ما في داعي بهالبلد نحط أهداف مشان ما تتهاوى أمامنا

لذا هدفي الاول بعد الشهادة الخروج من مقبرة الشباب
و من بعدها بفكر بهدف حقيقي

موفق بدراستك وبالخطوة الأولى وهيه التخرج

ومشان باقي الأسئلة

[marmora_56]

رد: شو هدفك بالحياة

هدف ماعندي ... عندي كل فترة هدف صغير بسعى لتحقيقو و بس صار بشوف الخطوة اللي بعدو
ومشان الحياة المسيحية ... ف انشلله نكون امثلة منيحة وصحيحة عن المسيحية و تشوف الناس هالشي بأعملنا

[Karmah]

رد: شو هدفك بالحياة

هدف ماعندي ... عندي كل فترة هدف صغير بسعى لتحقيقو و بس صار بشوف الخطوة اللي بعدو
ومشان الحياة المسيحية ... ف انشلله نكون امثلة منيحة وصحيحة عن المسيحية و تشوف الناس هالشي بأعملنا

مزبوط مرورة خطوة خطوة .... وموفقة بحياتك
شكراً ع مشاركتك

[meemo]

رد: شو هدفك بالحياة

هدفي إنّو كون ناجحة بعدة نواحي ( ناجحة ب أني وصل الإيمان و الحياة المسيحية بشكل واضح بمجتمعي و بجامعتي لأنو تقريبا أنا الوحيدة المسيحية بدفعتي و كتير بنبسط بس يشوفو الاختلاف فيني بس كتير بحب أعطي المجد للرب قدامن لأنو اي حدا بيقدر يكون منيح بس ما حدا بيقدر يعمل كلشي بمحبة الا أزا يسوع بقلبو و محور حياتو ،
تانيا كون ناجحة بدراستي اللي هيي الصيدلة و بشغلي و هيك ، و نشكر الرب نعمتو غامرتني دائماً ، اسفة طولت، شكرًا كرمة انت كمان حكيلناااا

[ريتا عزار]

رد: شو هدفك بالحياة

الهدف الأساسي إني ارسم البسمة ع وجوه العالم
في كتير اهداف حققت واحد منا وصرت دكتورة و هلئ عم فكر اختص

[majd123]

رد: شو هدفك بالحياة

موضوع كتير عميق وحلو كروم

قبل مبارح كنا عم نحكي بالشغل عالغدا بذات الفكرة تقريبا
شو حابب تعمل او شو هدفك..

ناس قالت تعمل عيلة حلوة ناس تنجح بشغلها.. الخ

وكان راي ولازال اني كون سعيد
هدف الانسانية والحياة السعادة اذا مابدي كون مبسوطة بلاها احسن

اما كيف ؟
ففيني كون ايجابي بكلشي ومتفائل هلا في ناس بتقلك الحياة صعبة وعن اي تفاؤل عم تحكي
انا بقول الحياة تسير للافضل ومافي شي عبثي وكلشي بصير مع الواحد الو سبب او هدف
كتير ايام زعلت عقصص وتغيرات فجائية صارت بحياتي عرفت اليوم انو يلي زعلت عليه بهداك اليوم كان لصالحي اليوم...

فاذا بدي قول شي او شاركن بشي هو كونو سعدانين بحياتكم لانو العمر قصير والنق بقصرو اكتر....

[Karmah]

رد: شو هدفك بالحياة

حلو كتير ميمو موفقة بدراستك وانشالله بتحققي كل يلي بتتمني

[Karmah]

رد: شو هدفك بالحياة

الهدف الأساسي إني ارسم البسمة ع وجوه العالم
في كتير اهداف حققت واحد منا وصرت دكتورة و هلئ عم فكر اختص

برافو ريتا ... الله يوفقك

[Ibrahem]

رد: شو هدفك بالحياة

جربت أبني اهداف مرتين بس للأسف راح كلشي بمهب الريح .. لهيك بقلك كان عندي أهداف

[SKY ANGEL]

رد: شو هدفك بالحياة

انا لساتني عل اقوالي السابقة

[Harmony]

السعادة و السلام

[ابو جان]

رد: شو هدفك بالحياة

هدفي إنّو كون ناجحة بعدة نواحي ( ناجحة ب أني وصل الإيمان و الحياة المسيحية بشكل واضح بمجتمعي و بجامعتي لأنو تقريبا أنا الوحيدة المسيحية بدفعتي و كتير بنبسط بس يشوفو الاختلاف فيني بس كتير بحب أعطي المجد للرب قدامن لأنو اي حدا بيقدر يكون منيح بس ما حدا بيقدر يعمل كلشي بمحبة الا أزا يسوع بقلبو و محور حياتو ،
تانيا كون ناجحة بدراستي اللي هيي الصيدلة و بشغلي و هيك ، و نشكر الرب نعمتو غامرتني دائماً ، اسفة طولت، شكرًا كرمة انت كمان حكيلناااا

الله يباركك ويحميكي ميمو .. فرحت كتير بس قريت شو كاتبة

[ابو جان]

25 «لِذلِكَ أَقُولُ لَكُمْ: لاَ تَهْتَمُّوا لِحَيَاتِكُمْ بِمَا تَأْكُلُونَ وَبِمَا تَشْرَبُونَ، وَلاَ لأَجْسَادِكُمْ بِمَا تَلْبَسُونَ. أَلَيْسَتِ الْحَيَاةُ أَفْضَلَ مِنَ الطَّعَامِ، وَالْجَسَدُ أَفْضَلَ مِنَ اللِّبَاسِ؟
26 اُنْظُرُوا إِلَى طُيُورِ السَّمَاءِ: إِنَّهَا لاَ تَزْرَعُ وَلاَ تَحْصُدُ وَلاَ تَجْمَعُ إِلَى مَخَازِنَ، وَأَبُوكُمُ السَّمَاوِيُّ يَقُوتُهَا. أَلَسْتُمْ أَنْتُمْ بِالْحَرِيِّ أَفْضَلَ مِنْهَا؟
27 وَمَنْ مِنْكُمْ إِذَا اهْتَمَّ يَقْدِرُ أَنْ يَزِيدَ عَلَى قَامَتِهِ ذِرَاعًا وَاحِدَةً؟
28 وَلِمَاذَا تَهْتَمُّونَ بِاللِّبَاسِ؟ تَأَمَّلُوا زَنَابِقَ الْحَقْلِ كَيْفَ تَنْمُو! لاَ تَتْعَبُ وَلاَ تَغْزِلُ.
29 وَلكِنْ أَقُولُ لَكُمْ: إِنَّهُ وَلاَ سُلَيْمَانُ فِي كُلِّ مَجْدِهِ كَانَ يَلْبَسُ كَوَاحِدَةٍ مِنْهَا.
30 فَإِنْ كَانَ عُشْبُ الْحَقْلِ الَّذِي يُوجَدُ الْيَوْمَ وَيُطْرَحُ غَدًا فِي التَّنُّورِ، يُلْبِسُهُ اللهُ هكَذَا، أَفَلَيْسَ بِالْحَرِيِّ جِدًّا يُلْبِسُكُمْ أَنْتُمْ يَا قَلِيلِي الإِيمَانِ؟
31 فَلاَ تَهْتَمُّوا قَائِلِينَ: مَاذَا نَأْكُلُ؟ أَوْ مَاذَا نَشْرَبُ؟ أَوْ مَاذَا نَلْبَسُ؟
32 فَإِنَّ هذِهِ كُلَّهَا تَطْلُبُهَا الأُمَمُ. لأَنَّ أَبَاكُمُ السَّمَاوِيَّ يَعْلَمُ أَنَّكُمْ تَحْتَاجُونَ إِلَى هذِهِ كُلِّهَا.
33 لكِنِ اطْلُبُوا أَوَّلًا مَلَكُوتَ اللهِ وَبِرَّهُ، وَهذِهِ كُلُّهَا تُزَادُ لَكُمْ.
34 فَلاَ تَهْتَمُّوا لِلْغَدِ، لأَنَّ الْغَدَ يَهْتَمُّ بِمَا لِنَفْسِهِ. يَكْفِي الْيَوْمَ شَرُّهُ.

باختصار شديد .. عم جرب اطلب ملكوت الله وبره

شكرا كروم

[halah]

بعد اللي مرينا وعم نمر فيه .. هدفي حاليا" عيش حياتي بأقل نسبة ممكنة من التوتر ويكون كل يوم أحسن من اللي قبلو مو أسوأ .. أما التطبيق الفعلي لإيماني المسيحي وعيش الحياة المسيحية بيتمثل بمنع نفسي من الدخول باكتئاب حقيقي والحفاظ ع المحبة بقلبي لكل الناس اللي عم صادفهم بحياتي مهما اختلفت نظرتنا للأمور

[SKY ANGEL]

ولله حلمي استقر بشي قرنة من هالعالم

[Harmony]

اهدااف