للجامعيين بدي طلب بخصوص الجامعة بليز ساعدوني

[Activision]

هاي كيفكم بعد زمااااااان... يمكن ما متذكريني على كل حال انا أسفة اني غبت عن المنتدى فترة بس ظروف ! بس نشالله رح ما غيب كتير
واليوم رجعتلكتم وعندي سؤال لطلاب الجامعة بتمنى بليز بليز ما تخجلوني و تجاوبوني و لو عذبتكم معي.
حابة أعرف شو هي أصعب مواد بلجامعة بسوريا من العلمي والأدبي من التنين. يعني كيف بيكون الترتيب حسب العلامات؟ يعني بدي ياهم لائحة بتسلسل من العلوم و الرياضيات والفيزياء ووووالخ. بليز بليز لازم أعرف لأن بيهمني الموضوع... وهاد منتدى سوري وبظن الجامعيين بيعرفو شو أصعب مادة و أسهل مادة ليختاروها و يشتغلو فيها بعد التخرج. منتظرة ردكم عن قريب. والرب يحميكم من كل مكروه.

[Karmah]

رد: للجامعيين بدي طلب بخصوص الجامعة بليز سااااعدوني.

أهلا وسهلا فيكي أكيد تذكرناكي ...وين هالغيبة
أما مشان سؤالك بظن هي كل واحد بدو يخبرك حسب فرعو
ويمكن صعب كتير تحددي لأنا بتختلف من شخص لتاني

[Abu Nezar]

رد: للجامعيين بدي طلب بخصوص الجامعة بليز سااااعدوني.

كيف قصدك ال ترتيب ؟
انو قصدك الفروع اللي اكتر شي بدها علامات ؟
او بالصعوبة ؟
لان في فروع بدها علامات كتير ومن حيث ال صعوبة اسهل من فروع بدها علامات اقل
لان بيختلف ال ترتيب كتير اذا قصدك من حيث ال صعوبة او ترتيب ال علامات
انت حدديلنا بالضبط شو بدك وتكرم عينك

[Activision]

رد: للجامعيين بدي طلب بخصوص الجامعة بليز ساعدوني

ميرسي الكم
انا يلي بدي أعرفه من حيث الصعوبة ......يعني العلامات ما بتهمني كتير. يعني مثلاً شو الأصعب الطب ولا الهندسة؟ المعلوماتية ولا اللغات؟ يعني مثلاً يلي بيدخل مشان يتخصص دكتورة باللغة فرنسي أو أنكليزي أصعب؟ ولا المعلوماتية وهيك الخ.

[Abu Nezar]

رد: للجامعيين بدي طلب بخصوص الجامعة بليز ساعدوني

عن الادبي أصعب شي حسب ما شفت ال علوم ال سياسية وال صحافة وال حقوق وتليها ب اللغات أدب عربي وبعدو انكليزي بعدين فرنسي

وبالعلمي بدك تشوفي حدا مسجل علمي وهو بيقلك بس الفرق بين الفروع العلمية والادبية

انو بالهندسة مثلا في علامات بتساعد الطالب عال نجاح وهيي علامات ال حضور

يعني يلي بيحضر ال مادة كل السنة مثلا بال جامعة بياخد 25 علامة بالفحض وفي منو 40 علامة والنجاح من 60

بينما بالادبي هي ال علامات مو موجودة يعني لا في علامات مساعدة ولا علامات عال حضور هالحكي بالنسبة ل نظام جامعة تشرين باللادقية

اما بالنسبة ل غير جامعات ما بعرف بس بظن بيختلفو لان بيختلف ال نظام

مثلا عنا بتشرين ما في ب فرعي (الحقوق) ولا مادة أتمتة بينما بنفس ال فرع بحلب كل المواد اتمتة وبال شام في مواد كتير اتمتة

نشاللله كون فدتك ب الفروع الادبية بس بالعلمية ما عندي فكرة

[Activision]

رد: للجامعيين بدي طلب بخصوص الجامعة بليز ساعدوني

ميرسي Abu Nezar هلق عرفت ان الصحافة والسياسة أصعب من اللغة. باقي اعرف شو هو الأصعب بخصوص العلمي والأدبي. هلق انا معلوماتي انو العلمي أصعب بكتير كتير من الأدبي..... هيك فهمت من رفقة عايشين بلدول العربية. ميرسي مرة تانية Abu Nezar على الشرح عذبتك معي.

[Activision]

رد: للجامعيين بدي طلب بخصوص الجامعة بليز ساعدوني

بس لحظة Abu Nezar معقول الأدب الأنكليزي أصعب من الفرنسي؟

[جلنار]

رد: للجامعيين بدي طلب بخصوص الجامعة بليز ساعدوني

أول شي أهلا وسهلا برجعتك
تاني شي.. انا علمي
بس اول شي بدي أعرف انتي شو دارسة او شو حاطة ببالك لأعرف كيف جاوبك.. بدك تعملي دكتوراة او تسجلي بفرع
وانتي من وين أصلك؟ شكلك من سوريا لان
جاوبيني لحتى اعرف كيف جاوبك وشو المعلومات اللي بتفيدك

[Abu Nezar]

رد: للجامعيين بدي طلب بخصوص الجامعة بليز ساعدوني

اي معقول والعلوم السياسية وال حقوق بيضبو الطب وال هندسة ب جيبتون من ناحية ال صعوبة
يعني انت بجوز ما تلاقيا سهلة لان مو متمكنة فيا مو لان هيي صعبة

[باتمان]

رد: للجامعيين بدي طلب بخصوص الجامعة بليز ساعدوني

مع انو انا مش من سوريا ..

بس لاشك انو " الهندسه "اجمالا صعبه في اغلب الدول .. خصوصا تخصصات الهندسه ذات العلاقه بالاليكترونيات والكهريا والاتصالات
يعني الطالب يلي بدو يدخل هيك تخصص المفروض منو يكون له قدره عاليه جدا على التفكير والتحليل
عشان هيك اغلب الجامعات في العالم والوطن العربي تطلب من منتسبي هذا التخصص انو يكون حاصل على درجة عاليه في الثانويه العامه
على امل انو يكون هاد الطلب وصل للمرحله المطلوبه يلي بتأهله انو يكون طالب ناجح في " الهندسه "

واسألي مجرب ولا تسألي حكيم !!!

[Activision]

رد: للجامعيين بدي طلب بخصوص الجامعة بليز ساعدوني

أول شي أهلا وسهلا برجعتك
تاني شي.. انا علمي
بس اول شي بدي أعرف انتي شو دارسة او شو حاطة ببالك لأعرف كيف جاوبك.. بدك تعملي دكتوراة او تسجلي بفرع
وانتي من وين أصلك؟ شكلك من سوريا لان
جاوبيني لحتى اعرف كيف جاوبك وشو المعلومات اللي بتفيدك

ويا هلا فيكي جلنار

نعم انا سورية أبا عن جد ومن حلب تحديدا بس هاجرنا لأوروبا وانا ببطن أمي. ودرست اللغة العربية السورية ومنحكي بلبيت متل أي شخص بحلب.
بخصوص الدراسة مممم انا هلق باكلوريا تانية........ بس هو سؤالي فقط مشان أعرف طبيعة الجامعة بسورية لا أكتر ولا أقل. يعني زيادة معلومات بصراحة. طيب بما انك علمي..... شو هو أصعب لتدخل بهل تخصص؟ يعني انتي مثلا علاماتك كانت عالية لهيك قدرتي تدخلي علمي؟؟؟ يعني لو انو مثلا المعدل تبعك أقل شو كان بيطلعلك تدخلي؟

[Activision]

رد: للجامعيين بدي طلب بخصوص الجامعة بليز ساعدوني

اي معقول والعلوم السياسية وال حقوق بيضبو الطب وال هندسة ب جيبتون من ناحية ال صعوبة
يعني انت بجوز ما تلاقيا سهلة لان مو متمكنة فيا مو لان هيي صعبة

صحيح كلامك...... هو لأن انا لغتي يلي ربيت عليها الفرنسية وأكيد رح شوفها سهلة وخاصة قدام العربي.
بس بما انو نفتح الموضوع............. خلونا نعرف ليش الأدب الأنكليزي تحديدا أصعب من الفرنسي؟ مع العلم ان الفرنسي
وقواعده وتصريف أفعاله أصعب بألف مرة من الأنكليزي. وعلى فكرة انا دارسة أنكليزي من صغري هون بلمدرسة. بس ما دارسين
شي بيتعلق بلأدب الأنكليزي........... خلونا نعرف منك أو من حدى دارس أدب أنكليزي بما انو سيرة ونفتحت.

[Activision]

رد: للجامعيين بدي طلب بخصوص الجامعة بليز ساعدوني

مع انو انا مش من سوريا ..

بس لاشك انو " الهندسه "اجمالا صعبه في اغلب الدول .. خصوصا تخصصات الهندسه ذات العلاقه بالاليكترونيات والكهريا والاتصالات
يعني الطالب يلي بدو يدخل هيك تخصص المفروض منو يكون له قدره عاليه جدا على التفكير والتحليل
عشان هيك اغلب الجامعات في العالم والوطن العربي تطلب من منتسبي هذا التخصص انو يكون حاصل على درجة عاليه في الثانويه العامه
على امل انو يكون هاد الطلب وصل للمرحله المطلوبه يلي بتأهله انو يكون طالب ناجح في " الهندسه "

واسألي مجرب ولا تسألي حكيم !!!

شكرا الك على المعلومة.

معناها الهندسة الإلكترونية أصعب من مجال فرع اللغة والأدب والفنون بما انو الثانوية العامة لازم تكون علاماتها عالية ما هيك؟
يعني يلي فهمته ان قسم المعلوماتية أقوى من اللغات؟

[باتمان]

رد: للجامعيين بدي طلب بخصوص الجامعة بليز ساعدوني

شكرا الك على المعلومة.

معناها الهندسة الإلكترونية أصعب من مجال فرع اللغة والأدب والفنون بما انو الثانوية العامة لازم تكون علاماتها عالية ما هيك؟
يعني يلي فهمته ان قسم المعلوماتية أقوى من اللغات؟

شخص معاه دكتوراه في المجال الأدبي .. بدو مليون سنه ضوئيه ليصل ربع طالب هندسه سنه اولى

[Ibrahem]

رد: للجامعيين بدي طلب بخصوص الجامعة بليز ساعدوني

أهلا وسهلا فيكي عن جديد

ليكي صديقتي :
بالنسبة للبكلوريا الحديثة لأن تغير المنهاج يعني صار في حذوفات وإضافات ... بالنسبة للمنهاج القديم ما بهم لأن صار الحديث فيه متل قلتو أما حديثنا نحنا عن المنهاج الجديد هوي عبارة عن منهاج ضخم بدو وقت أكتر من سنة ليندرس بس الطالب عنا المنهاج الحديث معبيلو وقتو كاملاً ... الأختصاص العلمي أو الأدبي وأختصاصات تانية بس اللي بهم العلمي أو الأدبي , الطالب بيدخل عنا مختار مو مسير يعني من الحادي عشر بيختص وبياخد لمحة صغيرة عن الأدبي ثقافة عامة مو أكتر , عندك الأختصاصين مانن صعبين بس من الملل بصيرو صعبين وبيدخل الطالب بسنة كاملة عبارة عن فحص واحد , الأسئلة بتجي من التربية متوسطة الصعوبة يعني الطالب المتوسط بجاوب عنها بدون أي صعوبة , هلأ بس تخلصي بكلوريا بيجيكي مفاضلة عبارة عن حدود دنيا لعلامات الكليات الجامعية ... كتير سهل أنك تجيبي فوق ال 220 بالعلمي وفوق ال 170 بالأدبي .
أنا طالب علمي عم بدرس حقوق وبعد ما شفت مواد الفرع اللي عم بدرسو مستعد بدل أنا وطالب بكلوريا ((علمي)) يقدم عني تلت مواد من الحقوق وأنا قدم عنو بكلوريا ...
الجامعة مو صعبة على فكرة (ماني عم ناقض حالي أبداً) بس أنا من الجماعة اللي ما بيدرسو كتير .
وبالأخير بحب قلك أنو مافي ولا فرع بالجامعة سهل بس في طالب بيدرس وطالب ما بيدرس ... يعني السر بالطالب مو بالكلية

وإذا عندك أي سؤال محدد لأشرحلك ياه أنا جاهز .

[Activision]

رد: للجامعيين بدي طلب بخصوص الجامعة بليز ساعدوني

أهلا وسهلا فيكي عن جديد

ليكي صديقتي :
بالنسبة للبكلوريا الحديثة لأن تغير المنهاج يعني صار في حذوفات وإضافات ... بالنسبة للمنهاج القديم ما بهم لأن صار الحديث فيه متل قلتو أما حديثنا نحنا عن المنهاج الجديد هوي عبارة عن منهاج ضخم بدو وقت أكتر من سنة ليندرس بس الطالب عنا المنهاج الحديث معبيلو وقتو كاملاً ... الأختصاص العلمي أو الأدبي وأختصاصات تانية بس اللي بهم العلمي أو الأدبي , الطالب بيدخل عنا مختار مو مسير يعني من الحادي عشر بيختص وبياخد لمحة صغيرة عن الأدبي ثقافة عامة مو أكتر , عندك الأختصاصين مانن صعبين بس من الملل بصيرو صعبين وبيدخل الطالب بسنة كاملة عبارة عن فحص واحد , الأسئلة بتجي من التربية متوسطة الصعوبة يعني الطالب المتوسط بجاوب عنها بدون أي صعوبة , هلأ بس تخلصي بكلوريا بيجيكي مفاضلة عبارة عن حدود دنيا لعلامات الكليات الجامعية ... كتير سهل أنك تجيبي فوق ال 220 بالعلمي وفوق ال 170 بالأدبي .
أنا طالب علمي عم بدرس حقوق وبعد ما شفت مواد الفرع اللي عم بدرسو مستعد بدل أنا وطالب بكلوريا ((علمي)) يقدم عني تلت مواد من الحقوق وأنا قدم عنو بكلوريا ...
الجامعة مو صعبة على فكرة (ماني عم ناقض حالي أبداً) بس أنا من الجماعة اللي ما بيدرسو كتير .
وبالأخير بحب قلك أنو مافي ولا فرع بالجامعة سهل بس في طالب بيدرس وطالب ما بيدرس ... يعني السر بالطالب مو بالكلية

وإذا عندك أي سؤال محدد لأشرحلك ياه أنا جاهز .

ميرسي Ibrahem على الشرح. و في شغلة صار لازم اعرفها هلق..... يعني انت قديش جمعت لحتى دخلت حقوق؟ بما انو صار وعذبتك معي فيك تعطيني لمحة عن معدل العلامات؟ يعني مثلاً فرضنا... انا جبت 220 فيني ادخل معلوماتية؟ ولا ما بيحقلي؟ فيك بليز تحطلي قائمة كفكرة عن العلامات؟ يعني ما تحط كل شي......... بس يعني حابة شوف قديش تقريباً كل فرع لازمه علامات. دورت على النت ما لاقيت هيك شي. بقى بليز اذا فيك لأن بيهمني أعرف مستوى العلامات. انا بسمع من ناس اجو من سوريا بيقولو ان فلان جاب مثلاً 230 وما بيطلعله فرع كذا بس بيطلعله فرع كذا. و أخيراً شو أسهل أسهل شي يعني للواحد يدخله ويختص فيه؟ يعني انت شخصياً... لو خترت أدب أنكليزي... مش رح يكون أسهل بألف مرة من الحقوق؟؟؟ عمبعذبك معي بس انت عطيتني الضو الأخضر lol

[Ibrahem]

رد: للجامعيين بدي طلب بخصوص الجامعة بليز ساعدوني

ميرسي Ibrahem على الشرح. و في شغلة صار لازم اعرفها هلق..... يعني انت قديش جمعت لحتى دخلت حقوق؟ بما انو صار وعذبتك معي فيك تعطيني لمحة عن معدل العلامات؟ يعني مثلاً فرضنا... انا جبت 220 فيني ادخل معلوماتية؟ ولا ما بيحقلي؟ فيك بليز تحطلي قائمة كفكرة عن العلامات؟ يعني ما تحط كل شي......... بس يعني حابة شوف قديش تقريباً كل فرع لازمه علامات. دورت على النت ما لاقيت هيك شي. بقى بليز اذا فيك لأن بيهمني أعرف مستوى العلامات. انا بسمع من ناس اجو من سوريا بيقولو ان فلان جاب مثلاً 230 وما بيطلعله فرع كذا بس بيطلعله فرع كذا. و أخيراً شو أسهل أسهل شي يعني للواحد يدخله ويختص فيه؟ يعني انت شخصياً... لو خترت أدب أنكليزي... مش رح يكون أسهل بألف مرة من الحقوق؟؟؟ عمبعذبك معي بس انت عطيتني الضو الأخضر lol

تكرم عيونك

قبل ما تعرفي قدي جمعت لازم تعرفي أنو في عنا نظام مفاضلات يعني على معدل علاماتك اللي جبتيهن بالبكلوريا بتدخلي الفرع ... علمي أو أدبي أو أي فرع تاني
عندك أكتر من مفاضلة يعني مفاضلة للفرع العلمي ومفاضلة للفرع الأدبي ومفاضلة للعرب والأجانب وووو غيرهن وفي عندك مفاضل موازي والتعليم المفتوح
هلأ ترتيب المفاضلات بكون 1) العلمي والأدبي وباقي المفاضلات وبعدها 2) بتجي مفاضلة الموازي وبعدها 3) التعليم المفتوح
بتصدر المفاضلة على درجتين وحدة دنيا ووحدة عليا الأولى للتسجيل على المفاضلة والتانية نتيجة التسجيل .
بتكون درجة التعليم العادي هيي الأعلى علامات بالبكلوريا وبتجي التعليم الموازي هيي نفس الفروعة بس بأختلاف أنو العلامات أقل مقابل مبلغ محدد من المصاري وبعدها بيجي مفاضلة التعليم المفتوح واللي هيي عبارة عن عدد محدود من الفروعة تربية , ترجمة , دراسات قانونية , فروع من التجارة وبعض الفروعة التانية وهيي ما ألها علاقة بالمفاضلات التانية وهي علاماتها وطريقة الدفع فيه بتختلف عن الموازي .

هلأ بنرجع لفوق
أنا قدمت البكلوريا على النظام القديم وقت كانت العلامة 260 مع الديانة و240 بدون الديانة أما هلأ اختلف على النظام التعليمي الجديد فأنا جمعت بالبكلوريا 181 علامة من 240 وكانت علامة الحقوق على سنتي 194 أو 193 بالضبط ما بذكر يعني بالمفاضلة العامة ما طلعلي حقوق ... انتقلت على المفاضلة التانية واللي هيي الموازي قدمت عليها وطلعت علامة الحقوق 174 وأنا مجمع 181 لهيك طلعلي حقوق .

معدل العلامات كل سنة بيختلف عن السنة اللي قبلها مو محدد يمكن يفرق كل سنة عن اللي قبلها كل فرع 10 علامات يمكن يزيد ويمكن ينقص وبالنسبة لل 220 لأ ما بتقدري تفوتي معلوماتية بالمفاضلة العامة وفي احتمال 70% أنو ما تطلعلك بالمفاضلة الموازي .

طيب شوفي هاد الرابط : كبسي على كلمة هنا بتفتح صفحة الموقع الرسمي للمفاضلات بسوريا تصفحين وخبريني أي شي ما فهمتيه مع العلم لازم تنتبهي للفرق بين ((إعلان مفاضلة الحدود الدنيا)) و ((نتائج مفاضلة)) الأولى للتسجيل بالمفاضلة والتانية نتيجة التسجيل .

قلتلك قبل مافي ولا فرع بالجامعة صعب بس في طالب بيدرس بشوف الفروعة سهلين وواحد مسيبها بشوف كل الفروعة عقدة وأنا من النوع التاني وبما أنك سألتيني هالشي بقلك لأ مو أسهل لأن ماني كتير شاطر بالإنكليزي ... وتعودت على الحقوق ... وعلى فكرة كتير الناس بشوفو الحقوق بشع بس هوي بالحقيقة كتير حلو .

وأي شي تاني أنا جاهز لجاوبك

[Activision]

رد: للجامعيين بدي طلب بخصوص الجامعة بليز ساعدوني

تكرم عيونك

قبل ما تعرفي قدي جمعت لازم تعرفي أنو في عنا نظام مفاضلات يعني على معدل علاماتك اللي جبتيهن بالبكلوريا بتدخلي الفرع ... علمي أو أدبي أو أي فرع تاني
عندك أكتر من مفاضلة يعني مفاضلة للفرع العلمي ومفاضلة للفرع الأدبي ومفاضلة للعرب والأجانب وووو غيرهن وفي عندك مفاضل موازي والتعليم المفتوح
هلأ ترتيب المفاضلات بكون 1) العلمي والأدبي وباقي المفاضلات وبعدها 2) بتجي مفاضلة الموازي وبعدها 3) التعليم المفتوح
بتصدر المفاضلة على درجتين وحدة دنيا ووحدة عليا الأولى للتسجيل على المفاضلة والتانية نتيجة التسجيل .
بتكون درجة التعليم العادي هيي الأعلى علامات بالبكلوريا وبتجي التعليم الموازي هيي نفس الفروعة بس بأختلاف أنو العلامات أقل مقابل مبلغ محدد من المصاري وبعدها بيجي مفاضلة التعليم المفتوح واللي هيي عبارة عن عدد محدود من الفروعة تربية , ترجمة , دراسات قانونية , فروع من التجارة وبعض الفروعة التانية وهيي ما ألها علاقة بالمفاضلات التانية وهي علاماتها وطريقة الدفع فيه بتختلف عن الموازي .

هلأ بنرجع لفوق
أنا قدمت البكلوريا على النظام القديم وقت كانت العلامة 260 مع الديانة و240 بدون الديانة أما هلأ اختلف على النظام التعليمي الجديد فأنا جمعت بالبكلوريا 181 علامة من 240 وكانت علامة الحقوق على سنتي 194 أو 193 بالضبط ما بذكر يعني بالمفاضلة العامة ما طلعلي حقوق ... انتقلت على المفاضلة التانية واللي هيي الموازي قدمت عليها وطلعت علامة الحقوق 174 وأنا مجمع 181 لهيك طلعلي حقوق .

معدل العلامات كل سنة بيختلف عن السنة اللي قبلها مو محدد يمكن يفرق كل سنة عن اللي قبلها كل فرع 10 علامات يمكن يزيد ويمكن ينقص وبالنسبة لل 220 لأ ما بتقدري تفوتي معلوماتية بالمفاضلة العامة وفي احتمال 70% أنو ما تطلعلك بالمفاضلة الموازي .

طيب شوفي هاد الرابط : كبسي على كلمة هنا بتفتح صفحة الموقع الرسمي للمفاضلات بسوريا تصفحين وخبريني أي شي ما فهمتيه مع العلم لازم تنتبهي للفرق بين ((إعلان مفاضلة الحدود الدنيا)) و ((نتائج مفاضلة)) الأولى للتسجيل بالمفاضلة والتانية نتيجة التسجيل .

قلتلك قبل مافي ولا فرع بالجامعة صعب بس في طالب بيدرس بشوف الفروعة سهلين وواحد مسيبها بشوف كل الفروعة عقدة وأنا من النوع التاني وبما أنك سألتيني هالشي بقلك لأ مو أسهل لأن ماني كتير شاطر بالإنكليزي ... وتعودت على الحقوق ... وعلى فكرة كتير الناس بشوفو الحقوق بشع بس هوي بالحقيقة كتير حلو .

وأي شي تاني أنا جاهز لجاوبك

برجع بشكرك كتير على وقتك يلي عطيتني ياه بلشرح والأفادة وعلى الينك. نقطة صغيرة ما فهمتها كتير وهي (العلامات أقل مقابل مبلغ محدد من المصاري) ممكن توضحلي ياه أكتر وهيك بكون وصلتني الصورة كاملة.
وميرسي كتيييييير مرة تانية لأهتمامك.

[Ibrahem]

رد: للجامعيين بدي طلب بخصوص الجامعة بليز ساعدوني

برجع بشكرك كتير على وقتك يلي عطيتني ياه بلشرح والأفادة وعلى الينك. نقطة صغيرة ما فهمتها كتير وهي (العلامات أقل مقابل مبلغ محدد من المصاري) ممكن توضحلي ياه أكتر وهيك بكون وصلتني الصورة كاملة.
وميرسي كتيييييير مرة تانية لأهتمامك.

تكرم عيونك

• المفاضلة العادية : مثلاً علامات الحقوق كانت على دوري لازم الواحد يجمع بالبكلوريا 194 فما فوق ليحقلو يدخل الفرع , لنفترض أنو الشخص جمع علامات بتأهلو أنو يدخل على الفرع بروح على الكلية بسجل وبيدفع مبلغ رسمي أول سنة عبارة عن 800 ليرة للسنة الأولى مع زيادة 200 ليرة كل ما يزيد سنة تقريباً يعني مبلغ بسيطة كتير .

• المفاضلة الموازي : الشخص اللي ذكرناه قبل ما جمع علامات تأهلو ليدخل على الفرع يعني جمع أقل من 194 بكم علامة لنفترض أنو جمع 185 , بيتقدم على مفاضلة الموازي والتسجيل بهي المفاضلة بكوون عبارة عن دفع مبلغ 25000 ليرة عند التسجيل وبعد ما تطلع المفاضلة (مفاضلة التعليم الموازي) وطلبو بالمفاضلة علامات الحقوق لتأهل الطالب يدخل الفرع 180 مثلاً - الطالب طلعلو الفرع يعني صار مخير أنو يسجل أو لأ - بعدها بروح على الجامعة بكمل المبلغ المطلوب للتسجيل بالفرع يعني بدفع 25 ألف ليرة تانية , فوق اللي دفعها وقت التسجيل , لحتى يصير المبلغ 50 ألف ليرة لكل سنة دراسية على مدى 4 سنين , يعني بتكلفو الدراسة بفرع الحقوق 200,000 ليرة سورية .
• وهاد النظام بيترتب على باقي الفروع يعني رح أكتبلك قدي بكلف الفروعة حسب ما بذكر :

1. الطب البشري وطب الأسنان والصيدلة : 160 ألف ليرة بالسنة الوحدة .
2. الهندسات بشكل عام ما عدا هندسة الزراعة بكلفوا : 110 بالسنة الوحدة .
3. هندسة الزراعة بتكلف : 60 ألف ليرة بالسنة الوحدة .
4. الفروع الأدبية مثل (الحقوق , الفلسفة , الجغرافية ... إلخ) بكلفو : 50 ألف ليرة بالسنة الوحدة .
5. الفروع العلمية مثل (رياضيات , فيزيا , إحصاء رياضي ... إلخ) بكلفو : 40 ألف ليرة بالسنة الوحدة .
6. المعاهد بشكل عام : 35 ألف ليرة بالسنة الوحدة .

• هيي المبالغ سنوية يعني الطالب كل سنة بدو يدفع هاد المبلغ على مدى سنين الدراسة ,,, وبحب نوه لأنو في حال رسب الطالب بالسنة بيدفع نص المبلغ ,,, يعني أنا رسبت بالأولى بدفع للسنة اللرسوب يعني سنة إعادة الأولى 25000 ليرة .
• في ميزة صغيرة بالنسبة للطالب اللي بكون أبوه أو أمو مدرس بيتمتع بحسم من مبلغ الدراسة 20% بالسنة الوحدة , يعني فرع الحقوق بدفع 40 ألف بدل الـ 50 ألف بالسنة الوحدة على مدى سنين الدراسة .
• هي هيي الفكرة , في كتير نقط بدها شرح يعني أنت عم تطلبي شرح نظام تعليمي كامل بكم سؤال .

كمان إذا في شي مو مبين معك سأليني
مابدها لا شكر ولا شي

[ملوووووك]

رد: للجامعيين بدي طلب بخصوص الجامعة بليز ساعدوني