كتييير بحاجة لمساعدتكن ..

[antika]

رد: كتييير بحاجة لمساعدتكن ..

عيشي حياتك وكملي دراستك اهم شي وأمني مستقبلك المهني والعملي وبعدين اجابتك عن هالأسئله اللي عم تدور براسك رح تعرفي حلها لانك رح تكوني أوعى ورح تعرفي اذا هو كان المناسب لإلك أو لأ

وانا مع ملهم ويا ريت تكوني بجد فهمتي عليه بالنهايه بقلك ما تربطي حالك فيه يعني بالمختصر لا تحسسيه انو اللي خلقو ما خلق غيروا والوقت هو دليل على حبو وحبك كمان لازم تعطو فرصه لبعض بس ما بتوقع 10 سنين لانو وقت الفراق بكون اصعب عليكي ..إذا صار لا سمح الله


ممكن تحكيلي هو كم عمروا للشب

ه

شكرا كتييييييير عكلماتك الحلوة و عنصيحتك الي
هو اكبر مني بسنة بس يعني 22 سنة ... و بعد ما كتبت الموضوع حكيتو بصراحة و قلتلو اني كتبت هيك عهالمنتدى و وعدني انو يحاول يقرب التوقيت قد ما بيقدر و بصراحة انقهرت لإني ظلمتو بهالحكي لأن القصة مو بإيدو بس الحياة بدا تاخد مجراها و في مرحلة لابد من انو يمر فيها قبل ما يقدر يرتبط ..واهلي وعدوني يوقفوا حدنا بأول مرحلة و امي وعدتني تعطيني صيدليتا بس اتخرج بعد سنتين حتى اقدر ساعدو ...
و على فكرة هو صديقي من ايام الطفولة و رجعت التقيت فيه وتولد الاعجاب بيناتنا من 3 سنين من خلال مشاركاتنا هون عهالمنتدى ..... شكرا كتير لأن بسببكن رجعت لعقلي و قررت اني اوقف حدو و كمل معو بهالطريق طالما انو اللي جمعنا هو الله و طالما انو ثقتي بالله كبيرة و انا اكيدة انو رح يوقف حدنا و يساعدنا و ما رح يتخلى عنا ..
عنجد شكرا كتييييييييييير الكن و الله يخليلك هالعيلة الحلوة

[كلك حلا]

رد: كتييير بحاجة لمساعدتكن ..

يا اهلا يا اهلا فيكي ولو واجبنا هو بالمنتدى مسجل معنا يعني ؟؟؟؟؟؟ مين هو


وميرسي الك الله يخليكي ويصير عندك عيله متلي
بس ما تستعجلي يعني انا ما قدرت كمل دراستي لانو الحب اخدني للزواج ههههه وبعدين المسؤوليات اللي لولا ما كان ربنا معنا ما قدرنا نكمل هالحياه


منوره مره تانيه

[antika]

رد: كتييير بحاجة لمساعدتكن ..

حبيبتي اكيد استفدت و عنجد بيشرفني كون فرد بهالعيلة الحلوة و بشكركن كلكن
و المنتدى منور بوجود أمثالك

[TALAR]

رد: كتييير بحاجة لمساعدتكن ..

انا حابة قلك كم شغلة
في كتير شباب و صبايا عطوكي رأيون و انا بصراحة حسيت انو بالنهاية صارت القصة اصعب يعني كل شخص عندو رأي و انت كل ما تشوفي رأي بتحاولي تفكري فيه و تقتنعي شوي بس هيك ما رح تقدري توصلي لحل
انك تاخدي برأي اصدقائك شي كتير حلو و انا معك
بس يلي بدي قلك ياه انو انت او اي شخص مرتبط بدو يمر بفترات يحس فيا انو متدايق و لازم يحكي و بيتخذ قرارات بسرعة بس بعد ما يرجع يفكر بالموضوع بيتراجع عن قراراتو
مشان هيك انت لازم تسألي حالك اذا رح تبقي معو او لا و انا متأكدة انك رح تعرفي الجواب الصح
كمان بدي قلك.......اذا كان الجواب اي او لا بتمنى انك ما تتراجعي عنو

منورة حبيبتي

[SKY ANGEL]

رد: كتييير بحاجة لمساعدتكن ..

صباحو انتيكا حلو هالاسم
ما بدي احكي شي البركة بيلي حكتو الشبيبة ما قصرت وعطت أراء حلوة
بس رح قول كلمتين
على حسب ما فهمت منك انو رح تنطرو عشر سنيني ومتل ما تفضلتي انو اذا بطل بيكون صار عمرك 30
بحب قلك حلو انو الواحد يحكم عقلو بهيك حالات مشكلة الحب هيي تناقض بين القلب والفكر
وفي حالات كتيرة بنحب بكل قلبنا بس بنستمع لعقلنا لانو بنعرف انو هدا السبيل الوحيد
والاهم من هيك لو في حب قوي من ناحيتو هوي ما كان حط هالعرقلات كلها
الدنيا لسا بخير وانتي صغيري لساتك شوفي الواقع شو بيقلك واتطلعي للموضوع مو بس بعينك حتى تقدري تشخصي الحالة منيح

[antika]

رد: كتييير بحاجة لمساعدتكن ..

انا حابة قلك كم شغلة
في كتير شباب و صبايا عطوكي رأيون و انا بصراحة حسيت انو بالنهاية صارت القصة اصعب يعني كل شخص عندو رأي و انت كل ما تشوفي رأي بتحاولي تفكري فيه و تقتنعي شوي بس هيك ما رح تقدري توصلي لحل
انك تاخدي برأي اصدقائك شي كتير حلو و انا معك
بس يلي بدي قلك ياه انو انت او اي شخص مرتبط بدو يمر بفترات يحس فيا انو متدايق و لازم يحكي و بيتخذ قرارات بسرعة بس بعد ما يرجع يفكر بالموضوع بيتراجع عن قراراتو
مشان هيك انت لازم تسألي حالك اذا رح تبقي معو او لا و انا متأكدة انك رح تعرفي الجواب الصح
كمان بدي قلك.......اذا كان الجواب اي او لا بتمنى انك ما تتراجعي عنو

منورة حبيبتي

منورة بوجودك يا احلى تالو
و كتير عجبني حكيك و تفاجأت انك بس 15 سنة
و انشالله خير
بشكرك مرة تانية يا حلوة

صباحو انتيكا حلو هالاسم
ما بدي احكي شي البركة بيلي حكتو الشبيبة ما قصرت وعطت أراء حلوة
بس رح قول كلمتين
على حسب ما فهمت منك انو رح تنطرو عشر سنيني ومتل ما تفضلتي انو اذا بطل بيكون صار عمرك 30
بحب قلك حلو انو الواحد يحكم عقلو بهيك حالات مشكلة الحب هيي تناقض بين القلب والفكر
وفي حالات كتيرة بنحب بكل قلبنا بس بنستمع لعقلنا لانو بنعرف انو هدا السبيل الوحيد
والاهم من هيك لو في حب قوي من ناحيتو هوي ما كان حط هالعرقلات كلها
الدنيا لسا بخير وانتي صغيري لساتك شوفي الواقع شو بيقلك واتطلعي للموضوع مو بس بعينك حتى تقدري تشخصي الحالة منيح

يا صباح الورد و الفل و يحلي ايامك يا رب
و الله يبعت اللي فيه الخير و بشكرك كتير عتعليقك و نصيحتك
ميرسي كتييييير و كلك زوووء

[الدرويش]

رد: كتييير بحاجة لمساعدتكن ..

انا برايي لا تستني حدا لانو لو بيحبك كان سوى اي شي منشان ما يخسرك

عيشي حياتك

[antika]

رد: كتييير بحاجة لمساعدتكن ..

شكرا كتير الدرويش عتعليقك ... و ما بعرف لنشوف شو بيصير معنا