لعبة اكمل القصة

[SKY ANGEL]

رد: لعبة اكمل القصة

كيف كليو بدها تساعد شالي وروان
صارت تتمصخر عليهون وبصوت عالي وبتقول شوفو شو نحاف شو بدو يعمل مصاص الدماء فيكون لا زم كان طعماكون كتير حتا تسمنو وتضحك تضحك قامت سمعتها العجوز الشمطاء وقالت لحالها كلام هي البنت صحيح شو رح نستفاد منون وهني نحاف لازن نخليون يسمنو حتا تستلذ بطعمتهون قامت اقنعت جوزها الشرير انو ينزلون من الحبل ويعطيهون اكل حتا يسمنو فرحو شالي وروان لأن كليو انقذتون على الاقل بشكل مؤقت حتا يشوفو شي طريقا يهربو فيها ونامو هديك اليلية مرتاحين حتا طلع الفجر وشو عملو بس طلعت الشمس ..............

[كليوبترا]

رد: لعبة اكمل القصة

بما انو مصاص الدماء ما بيقدر يشوف الشمس .... وهوي نايم كسرو الشباك وفاتت الشمس لجوا وصار يحل هاد مصاص الدماء وهيك قدروا يهربو التلت صبايا
روان وشالي شكروا لكليو كتير
وضللو ماشيين بس ما كانو عرفانين لوين بدون يروحو لأن طلعوا الدياب قدامون

بهالوقت بلشو التلاتة يصللوا ... كليو طلعت بالسما وإذا في طير كتير كبير عم يجي صوبون وينزل عالأرض وهني ركبوا على ضهرو وطار فيون لمكان بعيييد ما بيعرفوا لوين وبس نزل عالأرض لاقوا حالون بجزيرة الهوتوهوتو ... ( هي الجزيرة الخاصة برافي )
فشو رح يساوو .....

[SKY ANGEL]

رد: لعبة اكمل القصة

بوقتها لما كانت هي الاحداث عم تصير بحارة الحشاشين وبالغابة بوقتها رافي كان اخد اجازي ورايح على جزيرتو الهوتو هوتو وما كان بيعرف بالاحداث الي صارت هونيك
بس لما الصبايا وصلو عالجزيرة توجهو على قلعة رافي
خلينا نحكي شوي ونصف للمشتركين جزيرة رافي
جزيرة الهوتو هوتو ورثها رافي من جدو رافي السادس عشر وهوي بورو كان وارثها من جد جدو رافي الخامس عشر ويهك حتا هلا حاليا صفت بأيد رافي السابع عشر
كان زارع فيها كللللللللل انواع الحشيشة
الجهة اليمينية من الجزيرة عامل حقل مركوانا بيجنن
ومخصص قسم للهروين الاخضر
وعامل هيك كم دونم بس مونة للبيت زارع خشخاش احمر كمان شغل تحشيش
وفي قسم زارعو تتن(يعني دخان) وزارع عدة انواع من نبتة نادرة كتير اسمها متى بس مطعمها بعرق حشيش ههههههههههه الله عليك يا رافي السابع عشر على هيك جزيرة
المهم توجهو على قلعة رافي واذا هني بالطريق شافو رافي راكب على حصانو وعم يتمشى بين حقولو الجميلة فرح كتير فيهون لما شافون وسألون شو الي جابكون لهون ..............

[كليوبترا]

رد: لعبة اكمل القصة

قموا حكولو قصتون الغريبة والعجيبة
وهوي حزن كتير ووداهون لعندو عالقلعة واستقبلون كزوار ولأول مرة بكون كريم لهالدرجة
وبعت واحد من الحاشية تبعوا ليخبر مختار ضيعة الحشاشين بأنو التلت صبابا الضايعين عندو بالجزيرة
بس مرت أيام وايام وما وصل أي خبر من حدا من الضيعة
ليش يا ترا
شو كان صاير بالضيعة ......

[SKY ANGEL]

رد: لعبة اكمل القصة

منيح ما فضحتينا وقلتي اجا المختار كنا تشرشحنا لان المختار ع اساس قتلوه ههههههه منيح ما اجا
طيب نكمل
ضل المرسول الي بعتو رافي عالحارة ما اجا استغربو كتير انو ليش هيك طول مرو يومين وتالت يوم واسبوع ولا خبر
قرر رافي انو يروح بنفسو على الحارة ويشوف و القصة تاني يوم جهز رافي حالو وركب سفينتو وأتجه باتجاه المديني وهوي بالطريق تهب عليه عاصفة قوية وبتقلب سفينتو وبيروح بالبحر وتاني يوم بيفيق رافي على جزيرة مهجورة ما بيقدر يتحرك ليش اتطلع حواليه شاف حالو مربط بحبال من كل الجوانب وأذا بيلمح بطرف عينو بيلاقي اقزام صغار كتير كتير كتير مربطين رافي وساحبينو على قلعتهون يا ترا مين هدول وشو رح يعملو برافي ........

[كريستين ويسوع ربي]

رد: لعبة اكمل القصة

يا ترا مين هدول وشو رح يعملو برافي ........هدول الاقزام لما شافوا رافي صحي جابو عصاية وسفقوه على راسه رجعوا حتى يرجع ين
رخ لانه كان خاييفين منه يصحى ويتوحش عليهم

لان رافي كان بس يجوع وويصير وقت الحشيش تبعه كان يصير شخص تاني بيشيه الزومبي

المهم هالاقزام قدروا يسطروا عالموقف ويرجعوا ينيموا رافي لفترة حتى يعرفوا شو بدهم يعملوا فيه وكيف بدهم يروضوه حتى يصير بايدهم ويخدمهم انه هنن عندهم شغل ومابيقدر حدا ينفذه غير رافي ..المهم صحي رافي للمرة التانية وشاف الاقزام ملتفين حواليه ومعهم اسحلة كتير ..قالوله اي حركة منقتلك ..قال رافي شو مطوب مني .. قالوله بدنا تعمرلنا قصر نسكن فيه , قال رافي طيب انا جوعان طعموني بعدين بشتغل .. راحوا الاقزام جمعوا كل شي عندهم اك وصاروا يطعموا رافي وهو مربوط ,و بس لاسف رافي ماكان فيه شي بيسدله جوعه لان كان كتير متوحش وبطنه كبير ,, وقال لهم انا فاقس على اركيلتي مشان عبي الطاسة واعرف اشتغل منيح

هون الاقزام ماعندهم اركيلة فكروا من وين بدهم يجيبوا ياهل ترى ؟؟؟

[SKY ANGEL]

رد: لعبة اكمل القصة

قامو جابو مرجل كبير كتير وحطو فيه وي مي وحطو فيه نباتات مهدئة ب الواحد بيشمها بتعبيلو راسو وقالو لرافي غير هيك ما بنقدر نعمل وبالفعل قرب رافي راسو عالمرجل وشم ريحة الدخان الي كانت طالعا منو لك نسي الاركيلة وأبو الاركيلة عجبتو هي الطريقة اكتر قل بيمخمخ عليها مزبوط المهم بعد ما رافي عبا الطاسي تبعو شو عمل .........

[rafee]

رد: لعبة اكمل القصة

ههههههههههههههههههههههههه يحرق حريشكون كنو صحي

انا فيني كمل معكون ولا ممنوع .. والله مابغش ..

[SKY ANGEL]

رد: لعبة اكمل القصة

اي ابو الروف فيك تشارك وتكمل معنا وتحشش على كيفك وتسرح بخيالك وييييييييييييييييين ما بدك وتجيب شغلات ما الها وجود هون فيك تخترع قصة من حالك وابطالها من عندك
منور

[كريستين ويسوع ربي]

رد: لعبة اكمل القصة

بعد ما رافي عبا الطاسي تبعو شو عمل .........

قام رافي اتوحش وفك الحبال وهجم عالاقزام خلاهم ركعوا ويترجوه ما يقتلهم

قام رافي قلهم بعفي عنكم بشرط تبنوا لي سفينة بدي سافر فيها عالضيعة

قاموا الاقزام باشروا الشغل ياحرام ورافي عم يتفتل بالجزيرة عم يدور عالحشيش يلي جابوله منه حتى ياخد معه على الضيعة ويبيع ويصير تاجر كبير

وهو عم يتفتل بحقول الحشيش طلع له ثعبان كبير اد ال وناطق كمان قله ولك شو عم تعمل بممتلاكاتي ... انت كيف بتتجرأ وبتفوت لهون رافي وقف قلبه من الرعبة وصارت رجليه تدق بضهره وهو راكض وقع بجورة عميقة كتير ومظلمة اطلع لاقى باخر الجورة فيه ضوء قام ونفض تيابه ومشي لناح الضوء

واذا ...؟؟؟؟

[SUZEE]

رد: لعبة اكمل القصة

يعني ما زبطت معي اتخيل ومين ..؟؟
أعضاء الادارة ..
لا بدي نام بين القبور ولا بدي شوف منامات ..

[SKY ANGEL]

رد: لعبة اكمل القصة

ولما رافي توجه الى الضو الي شافو بنهاية الجورة ولما وصل كانت الجورة بتطل عالبحر وهوي عم يقترب من الضو كان عم يسمع صوت غناء بنت كتير حلو صار عندو فضول ليعرف لمين هالصوت الحزين والحلو ولما وصل على حافة الجورة الي كانت متل نفق تفاجأ بحورية بحر قاعدي على صخرة بالمي وعم تغني ولما شافت رافي فورا رمت حالها في البحر بس ما هربت وثارت تحكي مع رافي وتقولو انتا مو من هالجزيرة ؟ انتا غريب مين انتا وشو جاي تعمل على جزيرة العجائب ؟
قاللها رافي وبصوت عم يرجف
انا ضايع جابني البحر والموج على جزيرتكون وبدي ارجع على بلدي بس ما بعرف كيف
ردت عليه الحورية وقالتلو طيب
انا اسمي نجمة البحر وفيني ساعدك بس لازم تنفذلي 3 شروط حتا ساعدك موافق ولا لا
قال رافي انا موافق شو هني شروطك وطلباتك ............

[على هامان يا لبنان]

رد: لعبة اكمل القصة

قالتلو نجمة البحر
اول شرط بدك توقف على روس اصابعك لمدة 3 سنينوقام رافي نفذ هالشرط بسهولة وبعد 3 سنين
اجا الشرط التاني وكان انو يرفع 3 صخرات من جبل اسمو جبل نجمة البحر الاخضر لا وكل صخرة وزنها 900 ةكيلو ولازم يعد فيهن 400 عدة قام نفذ الشرط بس كان صعب شوي

وقللها شو ما كان الشرط التالت بنفذو . قام ضحكت الاميرة وقالتلو الشرط التالت انك تبطل الاركيلة
وهون رافي.........

[SKY ANGEL]

رد: لعبة اكمل القصة

هون رافي شو صار فيه
كان باقيلو 0,22كرام عقل وبححححطارو
وجن جنونو واتطلع هيك على الحورية وقالله شوفي انا نفذتلك كل شروطك بس انو اترك الاركيلة مستحيل انا مستعد ضل كل عمري بهالجزيرة ولا بفكر انو يوم اتخلا عن الاركيلة وفيلك غير طلب ولا اذا عصبت ما بتعرفي شو ممكن اعمل هون الحوريه خافت من طلب رافي وقالتلو طيب رح اقلك شغلي اذا قدرت تعملها رح اعملك شو ما بدك
قالتلو بالجبل في قلعة بيحكمها حاكم قوي وظالم كتير كتير والكل بيخافو منو اسمو هامان وفي عندو بالقلعة نبعة سحرية الها مفعول كتير قوي قبل ما تشرب منها شفة بتطلب شي وبعدين بتشرب وبيتحقق
طلبي هوي انك تروح على القلعة وتجيبلي قنينة منها؟
استغرب رافي وسألها شو بدك بالنبعة السحرية اذا انتي اصلا شو ما بدك بيصير لانك بتملكي قوة عجيبة ؟
قالتلو نجمة البحر صحيح انا عندي القوة والسحر لاعمل كلللللل شي لا شي واحد من لما كنت صغيري كنت متمني انو حققو بس لهلا ما قدرت؟
رافي صار عندو فضول وشوي حزن من كلام نجمة البحر قالها طيب شو بدك تتمني اذا جبتلك المي من النبعة ؟
قالت بتمنى اني امشي على الارض وروح زور الجبل الاخضر سمعت انو كتير حلو ومع اني كل يوم بشوفو من بعيد بس متمنية اني امشي ودور فيه
هون رافي تملكتو الشجاعة والنخوة وقالله طيب رح حاول اني حققلك حلمك بس بدك توفي بوعدك واجا رافي ليروح على القلعة وقفتو الحورية وقالتلو انتي لحالك ما فيك تواجهو هوي عندو سرعة وقوة ما حدا عندو ياها
خود هدول شوي اسلحة ممكن تساعدك على مواجهتو
وعطو الحورية شعرة خيل
وحرشفة سمكة
وحبل سحري بس بتكبو على الارض بيصير بحير
وعطتو سكين سحري بس بتكبو على الارض بيصير جبل من السكاكين
وعطتو ملح سحري بس بيكبو على الارض بيصير جبل ملح عالي
وانطلق رافي الى قلعة الحاكم هامان .................ز

[كريستين ويسوع ربي]

رد: لعبة اكمل القصة

وانطلق رافي الى قلعة الحاكم هامان او ماوصل رافي على القلعة طلع له تنين اله 3 رؤوس وعم ينفخ من تمه نار التنين كان كتير بشع وبيخوف .. رافي هون خاف كتير وماعرف شو بده يعمل . قام اتذكر انه معه ملح سحري .. اخد رافي الملح ورماه عالارض ..اتحول الملح لجبل عالي ورافي كان بقمة الجبل واصل لعند وجه التنين ...طلع الحبل السحري ورماه على راس التنين وربط واحد من الرؤوس الثلاثة والطرف التاني بقي بايد رافي .. وبحركة طرزانية من رافي وصل لراس التنين .. طلع السكين السحرية وقطع اول راس للتنين .. بس هالراس صحيح انقطع بس طلع بداله اتنين يعني صار التنين باربع رؤوس .. وصار التنين يحرك براسه حتى رمى رافي عالارض ... رافي ماعاد وعي على شي غاب عن الوعي .. بهي الاثناء اجه سهم روبن هود بعين التنين من وين هالسهم يا هل ترى ومين يلي انقذ رافي من التنين المتوحش ...

[SKY ANGEL]

رد: لعبة اكمل القصة

الي انقذ رافي هوي كان من سكان الغابة الي بيكرهوه لهامان
وبالفعل بعد ما بعدو عن رافي صاح على رافي وقالو اذا بدك تقتلو طعنو بقلبو رح يموت وبالفعل رافي بحركة طرزانية طالع الخنجر وضربو ببطن التنين ومات التنين وقالو هروب بسرعة لان اذا نكشفنا رح يقتلونا وبالفعل هربو الى الغابة
بس رافي كان واعد لنجمة البحر انو يتفذ وعدو قام تالت يوم فكر رافي لأول مرة بحياتو بفكرة انو يتسلل على القلعةقام قص شعراتو الظراف علصفر وحط على راسو جلدة خاروف وعمل حالو راعي وراح على القلعة ع اساس عم يدور شغل وفات على القلعة وقابل هامان الي كلفو هامان بأنو يرعى الوزات تبعو هامان كان عندو 3 وزات ل 3 بناتو فحط رافي راعي عليهون وشوفو مع الوقت شو صار ..........

[كريستين ويسوع ربي]

رد: لعبة اكمل القصة

عندو 3 وزات ل 3 بناتو فحط رافي راعي عليهون وشوفو مع الوقت شو صار .. وهو ورافي متسطح بالحقل عم يزمر عالناي تبعه وحزين ومقهور عالشي اللي صار فيه وكانوا الوزات ال 3 جمبه .. قامت نطقت وحدة من الوزات وقالت له ليه هيك عزفك حزين .. رافي وقف باستعداد وخوف
وقلها كيف عم تحكي انت قالت له انا بكره الحاكم هامان وبكره بناته لانه كتير بيعذبونا .. شو رايك تخلص حالك وتخلصنا .. قلها رافي كيف بدي خلصكم .. قالت له بتربط حبالك السحرية على رقباتنا نحن ال3 سوا

ونحن منحملك على قصر هامان بتقتله وانت من فوق لان هامان ما بيقدر يطير .. بتقتله وبتخلصنا منه

.. قلها والبنات شو اعم فيهم .. قالت له وقتها بتطلب منهم انه يروحوا معك لعند نجمة البحر وبتاخدلها المي الي وعدتها فيها ونحن رح نحملكم بواسطة قماش كبير منحطكم انتوا الاربعة ومنطير.. وافق رافي انه يقتل هامان واستعد يباشر الخطة ..وانطق هو والزات لعند هامان ,ووو؟؟؟

[كليوبترا]

رد: لعبة اكمل القصة

ولما وصلو دييئوا من ورا الباب شافوه عم يضحك ضحكة خبيثة وفي من هدول طبب البلور اللي بشوف عن طريقوت كل شي ... كان عم يشوف رافي والوزات عم يحكوا ويقول هدول الاغبيا مفكرين ما عم بقدر شوفون وكأنو هللأ ما بعرف اننون ورا الباب عم يتنسطوا عليي ... هنني ما عرفو شو بدون يساوو اجو رح يهربو مالاقوا بوجون الا بنات هامان التلاتة .... ما عرفو شو بدون يعملو ......... قامت وحدة من الوزات كان في معها قطرة من مي النبعةا لسحرية .... وطلبت الوزات يصيروا بنات والبنات يصيروا وزات وهيك صاروا الوزات بنوتات بطيييروا العقل ... قالولو مشي يللا رح نهرب بس هوي على قد ما كان مبهور بجمالون غمي عليه .... وهنني جمدوا وما عرفوا شو بددون يعملو فييه ... لان هامان كان جوا وما بيقدرو يشحطوه لرافي لانو سمين كان متل الوحش ... فقعدوا يفكرا بحل
شو رح يساووو

[white jasmin]

رد: لعبة اكمل القصة

بتعرفوا ان دخت ...

[SKY ANGEL]

رد: لعبة اكمل القصة

قامو رشو شوي مية على وش رافي فصحصح رافي وقالتلو الوزة لازم نهرب من هون نحنا انكشف امرنا وانتي سمين ما فينا نحملك قم رافي قال للوزات انتو دلوني على النبعة السحرية حتا عبي منها مي وبنهرب قامو دلوه على النبعة قام رافي عبا منها قنينتيت وتوجه نحو باب القلعة حتا يطلع وهون شافو هامان وصاح الحراس عليه قام رافي بسرعة طالع من جيبو شعرة الحصان السحرية وحطها على الارض وصارت حصان هي الشعرة ركب عليه وهرب من القلعة وفي معو القنينتين
هون هامان صاح على الحصان تبعو اجا متل البرق وركب عليه وصار يلاحق رافي ابتعدو شوي من القلعة قام رافي شاف انو هامان عم يقترب منو شو بدو يعمل قام طالع من جيبو السكين السحري وكبها ورا ضهرو صار جبل كبير كتير من الشفر والسكاكين الحادة بس هامان ما تراجع صار يضرب للحصان تبعو حتا يطلع الجبل والحصان عم يتجرح ويصيح وما يقدر كل ما بيطلع شوي بيرجع يوقع بس هامان من كتر ما كان ظالم ما شفق على الحصان وصار يضربو بالاكتر حتا يطلع الجبل بالفعل الحصان قدر انو يطلع الجبل رافي كان مبتعد شوي وصار هامان يرجع يلاحقو اقترب من قام رافي طالع من جيبو الملح السحري وكبو ورا ضهرو وصار جبل كبير كتير من الملح ومتل ما بتعرفو انو الحصان كان مجروح واجا ملح عالجرح صار يصيح بالاكتر ويتألم بس هامان ما رحمو صار يصربو حتا يطلع الجبل قام طلعو ورجع يلاحق رافي واقترب منو شو بدو يعمل رافي قام كب وراه الحبل السحري صار بحر كبير بين هامان ورافي هامان جبر حصانو انو يفوت بالبحر بس لما فات البحر كان غميق والحصان تعبان وهامان كان سمين ما قدرو يطلعو وغرق هامان في البحر وكمل رافي طريقو الى نجمة البحر ولما وصل عندها ..............