• If this is your first visit, be sure to check out the FAQ by clicking the link above. You may have to register before you can post: click the register link above to proceed. To start viewing messages, select the forum that you want to visit from the selection below.

Announcement

Collapse

قوانين المنتدى " التعديل الاخير 17/03/2018 "

فيكم تضلو على تواصل معنا عن طريق اللينك: www.ch-g.org

قواعد المنتدى:
التسجيل في هذا المنتدى مجاني , نحن نصر على إلتزامك بالقواعد والسياسات المفصلة أدناه.
إن مشرفي وإداريي منتدى الشباب المسيحي - سوريا بالرغم من محاولتهم منع جميع المشاركات المخالفة ، فإنه ليس
... See more
See more
See less

مقال كتير حلو

Collapse
X
 
  • Filter
  • Time
  • Show
Clear All
new posts

  • مقال كتير حلو

    مقال كتير حلو



    بالفرح بالزعل....منق

    وقت بنكره ولما منحب....منق

    لما منكون فاضيين أو حتى مشغولين....منق
    صبح ومسا وكل شي عنا بينتسى إلا النق
    بالجدوبالمزح..... منق







    ::: جذور النق:::



    الشاب السوري( شباب وصبايا) منين بيجيبوا هالنق؟!؟!؟

    باختصار بجيب النق من بيت أبوه حبيبي.....لا عن جد عم أحكي ما عم أمزح

    فنحن جيل اعتاد على التربية النقاقة...
    قوم فيق صارت الساعة ستة
    تعال اتغدى
    جاي جاي
    يلا قوم اتغدى
    جاي بس دقيقتين
    يلا تعال اتغدى....قوم اتغدى هلأ بيبرد الأكل
    قوم اتغدى يلا....
    وفي السهرة:
    تعال تعشا ما تغديت منيح لأنك...
    تعال تعشى...ما بدك تتعشى...يلا قوم ع العشا....







    ::: حكاية نق:::



    في سنة البكالوريا: إيمتى بدي خلص وفوت ع الجامعة بقا(( وبيضل بينق وينق وبينسى يدرس.....))



    في السنة الأولى للجامعة: أووف شو عم حن لأيام المدرسة...إيمتى بدي أتخرج يالله هف لسه كم سنةهفف



    بعد التخرج: ييي شومشتاق لرفقاتي بالجامعة وكيف كنا....هفف ياريتنا ما تخرجناضاق خلقي من النوم للضهر والطلعات والفرجة عالتلفزيون بدي اشتغل واستقر



    بعد الشغل:تضرب هالحياة من البيتللشغل وبعدين بتحكيلك كم تلفون وبتحط راسك وبتنام لتفيق ع الشغل...شو هالعيشة هفف والله شي بملل...حياة بتقصر العمر



    خطب بنت بحبها:هففإيمتى بدنا نتزوجونكون مع بعض لوحدنا...



    أتجوزوا:هفف من هالروتين والله شي بملل شو رأيك نجيب ولد



    صار الشب أبوالعيال: لك شو هالبلوة بدي ضل عم زق غراض متل الحمار...هفف ع هالعيشة يرحم أيام كنا راسين....وقت كنا مو فاضيين غيرللحب



    ::: أعزائي الأعضاء كنتم مع مسلسل هفف من بطولة نقاق سوري:::



    ::: جاي على بالي نق:::



    صار النق في حياتنا حالة طبيعية اعتياديةوعفوية....فمن دون أن نقصد ننق

    فإذا التقت فتاة بشاب وأحببته( وصار في علاقة) وبدأ روميو زمانه يعمل رجال عليها ويبلش يسألها وين رايحة منين جاية وينقإذا لبست هيك أو إذا ضحكت هيك أو إذا قالت هيك....هنا تبدأ الفتاة بدورها الهام وتقوم بالنق علىرأسه( أنا هيك..أنت عم تشك فيني..شو مافي ثقة..أنت عم تحكم على علاقتنا بالنهاية إذا بدك تضل غيور..وعلى إيهي إيهي) ومن كتر نق جوليت على رأس روميو...يقرر روميو يطنش ويعطيها حريتها

    وما هي إلا أيام حتى تعود جولييت إلى نقها ولكن بطريقة مختلفة
    ليش ما عم تسأل علي...تأخرت اليوم ليش ما دقيتلي تطمن عليي...ما شفته كيف كان عم يطلع فيني....أجاني ميس كول من رقم غريب وما حاولت تعرف مينصاحب الرقم.. شو شايفة ما عاد فرقت معك إذالبست هالتنورة...)) قلي فهمني شو بدك!!؟!!!







    ::: نقاق شرقي:::



    شاب شرقي نقاق: أنا بدي امرأة مثقفة ارتبط فيها تفهم عليي شو بحكي وتناقشني فيه ويكون عندهاوجهة نظرها يلي تدافع عنها

    ((

    بعد الزواج من المثقفة والذي لم يستمرأكثر من3 أشهر))







    الشاب شرقي النقاق: طلعتلي روحي بضل حاطة راسها بالكتاب...لا بهمها طبخ ولا نفخ...بعدين بضل عم تجادلني... وعلى وجهة نظري ووجهة نظرك هديك المرة لسختها كف طيرتلها وجهها كله مو بس وجهة نظرها...هفف أنا بدي وحدة حنونة تسايرني

    ((

    بعد زواجه من الحنونة الذي لم ولن يستمر أكثر منشهرين))







    الشاب شرقي النقاق: قرفتني حياتي دايماً بالمطبخ وشو ما قلتلها بتقول حاضر.

    كيف بدها تربي ولادي على هالشخصية الانهزامية لا بتهش ولا بتنش وحتى لما طلقتها بكيت شوي وما حكيت معي ولاكلمة يا زلمة.....

    لك أنا بدي وحدة حلوة ست بتفهم بالاتيكيت....
    (( بعد زواجه من ست الصالون الذي لم ولن يستمر أكثر من شهر))
    الشاب شرقي النقاق: هفف يا زلمة هلكتني بمصاريف اللبس والمكياج تبعها هالمفزلكة يخرب بيتها شو فاضية ما في ولا مرة قرأت شي كتاب وشو ما بتحاكيها بتقلك ما بعرف وشو يعني....(( لك أنا ما بقدرغير عيش مع وحدة مثقفة يا زلمة))
    ويستمر الشاب شرقي النقاق بالنق إلى أن يأخذ الله أمانته
    أجمل ما في الأرواح أنها لاتملك لسان لتنق....أيوالله







    ::: شعب بنق ليوم النق:::



    والشعب السوري بشكل عام نقااااااااااااااااق.....

    ها ها سألتني ليش لأنوياأخي نحناعلى طول بنقول شوف أوربا ما أحلاشوارعها

    شوف العالم شلون.....شوف شوف السير عندهم شوف النظافة ....
    شوف........أي شفت(( شبك حبكت معك شوف شوف))
    ما نحن هون بالبلد لم فرض وضع حزام الأمان للسائقين
    قمنا الدنيا وما قعدناها وصرنا نق ونسق
    والله بدفع الغرامة وما بحط الحزام...شو بدهون يتحكموا فينا
    وقال شو بدهون يقلدوا بلاد برا قال ...!!؟!؟!؟!؟!!







    آآآآآآآآآآآآآآآآيـــــــه سكتنا ما عاد نق...

    هلأ دوركون لتنقواااااااااااااااااااااااا....






    منقول

    أنت الأسد... وقلب الأسد بعيونك نلحظو ... ضلّ ابتسم .... ضحكك زمجره ... خلّي العِدا ...من زمجراتك ترتعد ... نحنا الك
    يا حمص دام عزك, والضحكة إلِك عنوان ................ ليش الشعب هزك, وما خلا فيكي أمان
    كل شي انفجر ..... و صار الحجر يبكي حجر .... دم الضحايا و البشر .... و شفتك يا شام بتدمعي .... لكن ابد ما بتركعي ..... و يا شمس بدك تطلعي .... و ترجع تنور يا قمر

  • #2
    رد: مقال كتير حلو

    يييييييييييي شو بتنق خلص بقا
    مشكور ياغالي عالنق عفوا عالموضوع الظريف
    اشتقتلكم كتييييييييييييييير صيام مبارك
    احلا شباب وصبايا احلا زكريات والله معكم حبايبي

    Comment


    • #3
      رد: مقال كتير حلو

      ههههههههه ما في احلى من النق
      يسلمو thedis عالموضوع
      حالا تعالو الى المسيح يا من تعبتم بحملكم

      Comment


      • #4
        رد: مقال كتير حلو

        ههه يا سيدي موضوع بيجنن وبينقق , , , , , , وعووووجا
        بحبك انت ورايح بحبك وانتي جايي

        sevmek "seni seviyorum" demek değil, seni seviyorum derken titremektir....
        *son gülen, iyi güler..
        ..

        أبو وديع

        Comment


        • #5
          رد: مقال كتير حلو

          بكرا النق وبكرا النق
          نق نق نق نق
          نقنق راسي من النق
          مين الي بعدك قد الدني بحبك
          انساني جوا قلبك وخلينا سوا
          حبك ساكن فيي
          واقرب مني ليي
          بعدك حكيو عيني وقالو هيدا الدوا
          والعمر كلو حبيبي بتمنى نكون سوا
          غيرك مابدي هوا

          Comment


          • #6
            رد: مقال كتير حلو

            بيشبهني حبيتو
            far from what i once was ,, but not yet what i'm going to be ! ,,

            Comment


            • #7
              رد: مقال كتير حلو

              ليش في أحلى من النق

              الشكر لله






              Comment


              • #8
                رد: مقال كتير حلو

                حلوة

                يسلمون
                :smily (24):
                منبر الإنسانية قلبها الصامت لاعقلها الثرثار....
                تسلك المرأة طريق العبيد لتسود الرجل ويسلك الرجل طريق الأسياد لتستعبده المرأة...

                Comment


                • #9
                  رد: مقال كتير حلو

                  مشكورين على الردود الحلوي .


                  أنت الأسد... وقلب الأسد بعيونك نلحظو ... ضلّ ابتسم .... ضحكك زمجره ... خلّي العِدا ...من زمجراتك ترتعد ... نحنا الك
                  يا حمص دام عزك, والضحكة إلِك عنوان ................ ليش الشعب هزك, وما خلا فيكي أمان
                  كل شي انفجر ..... و صار الحجر يبكي حجر .... دم الضحايا و البشر .... و شفتك يا شام بتدمعي .... لكن ابد ما بتركعي ..... و يا شمس بدك تطلعي .... و ترجع تنور يا قمر

                  Comment


                  • #10
                    رد: مقال كتير حلو

                    مشكور عساف
                    حياتي حابة خبرك وبشرك انت نسخة عن الشاب السوري المثالي
                    ههههههههههههههههههههههه
                    لا عم امزح انت ما بتشبهون بشي ولا بتنق كتير
                    بتجنن الله يخليلي ياك
                    يسوع المسيح هو الهي
                    فمنه املي وهو رجائي
                    عساف بحبك وبموت فيك
                    بحبك بحبك بحبك

                    Comment


                    • #11
                      رد: مقال كتير حلو

                      Originally posted by MAREAM View Post
                      مشكور عساف
                      حياتي حابة خبرك وبشرك انت نسخة عن الشاب السوري المثالي
                      ههههههههههههههههههههههه
                      لا عم امزح انت ما بتشبهون بشي ولا بتنق كتير
                      بتجنن الله يخليلي ياك

                      انا فعلا بجنن الله ...يخليلي ياكي يارب
                      بس انا بنق؟؟؟؟

                      أنت الأسد... وقلب الأسد بعيونك نلحظو ... ضلّ ابتسم .... ضحكك زمجره ... خلّي العِدا ...من زمجراتك ترتعد ... نحنا الك
                      يا حمص دام عزك, والضحكة إلِك عنوان ................ ليش الشعب هزك, وما خلا فيكي أمان
                      كل شي انفجر ..... و صار الحجر يبكي حجر .... دم الضحايا و البشر .... و شفتك يا شام بتدمعي .... لكن ابد ما بتركعي ..... و يا شمس بدك تطلعي .... و ترجع تنور يا قمر

                      Comment


                      • #12
                        رد: مقال كتير حلو

                        عسافو بتجنن
                        مشكور
                        بتزكرك كل ماتجي لتغيم .. وجك بيزكر بالخريف
                        بترجعلي كل ماالدني بدا تعتم .. متل الهوى اللي مبلش عالخفيف
                        القصة مش طقس ياحبيبي .. هي قصة موعد كان عنيف
                        بس هلئ مابتزكر شكل وجك .. بس بزكر قديش كان أليف ..
                        بعدو أليف بعدك ظريف بعدو بيعنيلك متل الخريف ..
                        خبرني إن بعد بتحن .. مابعرف ليش عم بحكي ولا كيف
                        يمكن لا لاء صارو بعاد .. وهو حكياتي او حكي ولاد
                        لكن كلو ماعم يمنع اشتقلك .. مادام كل سنة في خريف .....



                        ويبقى بورقه الاصفر .. امنية مطر .. ونمضي نحن .. ويبقى هو .. ذكرى لخريف ....

                        Comment


                        • #13
                          رد: مقال كتير حلو

                          Originally posted by koki View Post
                          عسافو بتجنن
                          مشكور

                          نورتي الموضوع كوكي

                          أنت الأسد... وقلب الأسد بعيونك نلحظو ... ضلّ ابتسم .... ضحكك زمجره ... خلّي العِدا ...من زمجراتك ترتعد ... نحنا الك
                          يا حمص دام عزك, والضحكة إلِك عنوان ................ ليش الشعب هزك, وما خلا فيكي أمان
                          كل شي انفجر ..... و صار الحجر يبكي حجر .... دم الضحايا و البشر .... و شفتك يا شام بتدمعي .... لكن ابد ما بتركعي ..... و يا شمس بدك تطلعي .... و ترجع تنور يا قمر

                          Comment


                          • #14
                            رد: مقال كتير حلو

                            Comment


                            • #15
                              رد: مقال كتير حلو

                              Originally posted by king of the world View Post

                              هلأ أنا شو بفهم !!!!!؟؟؟؟





                              أنت الأسد... وقلب الأسد بعيونك نلحظو ... ضلّ ابتسم .... ضحكك زمجره ... خلّي العِدا ...من زمجراتك ترتعد ... نحنا الك
                              يا حمص دام عزك, والضحكة إلِك عنوان ................ ليش الشعب هزك, وما خلا فيكي أمان
                              كل شي انفجر ..... و صار الحجر يبكي حجر .... دم الضحايا و البشر .... و شفتك يا شام بتدمعي .... لكن ابد ما بتركعي ..... و يا شمس بدك تطلعي .... و ترجع تنور يا قمر

                              Comment


                              • #16
                                رد: مقال كتير حلو

                                انا من جهتي بحب النق بس مابحب حدا ينق جنبي
                                ومشان ماطول عليك بالنق
                                ميرسي عالموضوع النقاق والله يوفقك ويبعتلك وحدة مابتنق
                                These wounds won't seem to heal
                                This pain is just too real
                                There's just too much that time cannot erase



                                When you'd cried i'd, wipe away all of your tears,
                                When you'd scream i'd, fight away all of your fears.
                                And i've held your hand through all of these years,
                                But you still have all of me.

                                Comment


                                • #17
                                  رد: مقال كتير حلو

                                  بالفعل ما حلو النق كتير بيطفش الواحد اوف ياه
                                  يسلموا عساف عالموضوع
                                  يريدون صلب وطني..
                                  ألا يعلمون أن بعد الصلب


                                  قيامة مجيدة

                                  (( وينـــك يــايسـوع وطننـا مـوجـوع
                                  ))



                                  Comment


                                  • #18
                                    رد: مقال كتير حلو

                                    انا سامعا عبرنامج كريزي

                                    مع علا ملص

                                    عاذاعة ارابيسك

                                    وكتير حلوة
                                    وبتضحك

                                    مشكووور عسافو

                                    لأ لاااااااااااااااااااااااااااا




                                    Comment


                                    • #19
                                      رد: مقال كتير حلو

                                      لديك ما يكفيك من خبز ولكن ليس ما يكفي جميع الناس
                                      والارض ملهى للسنابل
                                      انهض وناضل ..انهض وناضل

                                      Comment


                                      • #20
                                        رد: مقال كتير حلو

                                        Originally posted by Queen Nibo View Post
                                        انا من جهتي بحب النق بس مابحب حدا ينق جنبي
                                        ومشان ماطول عليك بالنق
                                        ميرسي عالموضوع النقاق والله يوفقك ويبعتلك وحدة مابتنق
                                        نقاقة
                                        واهلا وسهلا فيكي .. والحمدالله الله وفقني ومشي الحال

                                        Originally posted by كريستين ويسوع ربي View Post
                                        بالفعل ما حلو النق كتير بيطفش الواحد اوف ياه
                                        يسلموا عساف عالموضوع
                                        ياهلا بكريستين .... منورة

                                        Originally posted by Mr.Majd View Post
                                        انا سامعا عبرنامج كريزي

                                        مع علا ملص

                                        عاذاعة ارابيسك

                                        وكتير حلوة
                                        وبتضحك

                                        مشكووور عسافو

                                        لك يا اهلين بالمستر

                                        Originally posted by brhooom View Post


                                        أنت الأسد... وقلب الأسد بعيونك نلحظو ... ضلّ ابتسم .... ضحكك زمجره ... خلّي العِدا ...من زمجراتك ترتعد ... نحنا الك
                                        يا حمص دام عزك, والضحكة إلِك عنوان ................ ليش الشعب هزك, وما خلا فيكي أمان
                                        كل شي انفجر ..... و صار الحجر يبكي حجر .... دم الضحايا و البشر .... و شفتك يا شام بتدمعي .... لكن ابد ما بتركعي ..... و يا شمس بدك تطلعي .... و ترجع تنور يا قمر

                                        Comment

                                        Working...
                                        X