همّ البنات للممات

[pardy]

في العصر الجاهلي كان بعض العرب يقومون بوأد بناتهم المولودات حديثاً، وفي العصور الوسطى وحتى وقت قريب من العصور الحديثة كان جزء كبير من الرجال يكتئبون حينما ينجبون بنتاً، ومن الأمثال التي تحاول تفسير سبب اكتئاب العربي لإنجاب الأنثى، مثل شعبي شائع بكثرة "همّ البنات للممات".



البعض يرفض تماماً هذه النظرية ويعتبرها جهلاً وتخلفاً تجب محاربته والقضاء عليه، والإسلام ألمح سلباً لمن يكتئب لإنجاب الإناث، وفي الوقت الراهن يؤكد الكثيرون أن البنت صارت "بسعر" الصبي، ويتحدث البعض عن أن البيت الذي يفتقد لحس الفتيات تكون أجواؤه جافة وتغلب عليه الكآبة، فالبنات هم عادة من يمنحون البيوت أجواء الحركة والرقّة.

لكن في المقابل يؤكد آخرون أن القضية ليست تخلفاً أو جهلاً فالبنت تبقى همّاً على كاهل أهلها حتى يموت الأهل، فمنذ أن تصبح مراهقة يبدأ الخوف عليها من أن تقع فريسة ذئب بشري ما يقضي على سمعتها وبالتالي على مستقبلها، وتكون تحركاتها هاجساً لأهلها إلى أن تتزوج، وحينها تبدأ معاناة أخرى تتعلق بطريقة تعامل الزوج مع الابنة، وهل سيحسن معاملتها أم سيسيء إليها، ويبقى وضعها في بيت زوجها هاجساً لأهلها، حتى يُتوفى الأهل، وإذا طُلقت الابنة ترجع بهمها الثقيل إلى بيت أهلها، ويعانون من هاجس وضعها بعد الطلاق، خاصة في ظل ما تعانيه المطلقة في مجتمعنا من مواقف اجتماعية سلبية حيالها.



والخلاصة في رأي الفريق الثاني أن "همّ البنات للممات" وهو لا يقارن مع همّ الذكر الذي سرعان ما يزول عن كاهل أهله حالما يشتد عوده ويستطيع الاعتماد على نفسه، بل إنه قد يكون هو ذاته، أي الذكر، معيناً لأهله.



فما رأيك بتلك المقولة؟

هل تعتقد حقاً أن "همّ البنات للممات" أم أن في هذا الكلام تخلف وجهل؟

[cloude]

رد: همّ البنات للممات

اي تخلف و جهل مابدا حكي ليش في احلى من البنت (حلوة الصراحة)

مشكورة كيتي

[nora]

رد: همّ البنات للممات

يسلم تمك كلود والله بس انت وايدن الي بتفهمونا وبتراعو مشاعرنا
اكيد هذا الكلام جهل وتخلف لانو البنات اساس الحنان والعطف والرقة
وهو بايد البنت لانو في منهم بيكونو كتير قويات وما بيثقو باحد وبيحافظو على انفسهم من اي وحش بشري وفي منهم بيكونو خفيفات ف مو كل البنات بيشبهو بعض
ويسلمو عالموضوع الحلو

[heba]

رد: همّ البنات للممات

اي كيتي اكيد جهل وتخلف.........لأنو البنت بوقتنا هاد بتشتغل وبتعتمد على نفسا وبتعيل حالها حتى في بنات هنن فاتحين بيوت....
يعني ما نها هم بنوب بالعكس صارت كمان معيلة لأهلها وزوجها

[jida]

رد: همّ البنات للممات

جهل و تخلف و نص

و ما في حكي زيادة عن يلي قالو كلود و نورا و هبة

ميرسي عالموضوع

[نبيذومطر]

رد: همّ البنات للممات

جهل ، و تخلف ، و شو ما بدكن كمان ....

بس بتمنى من كل شب و صبية بالمستقبل لما يبقى يصير عندهن ولاد ، يبوا يربوهن على المساواة ، يعني ما تصير الأم تدقق على بنتها عالطالعة و النازلة و تفلت الشب ، و لا يصير الشب يعمل محكمة عسكرية لبنتو ( اذا الله رزقو صبية ) كل ما طلعت أو حكت تليفون ...

يعني مو شغلة جديدة أنو تخلف و جهل ، بس الجديد بالموضوع أنو ما ننسى آراءنا هي وقت نحنا نصير آباء و أمهات ، لأنو و بكل أسف أهالينا بأيام شبابهن كانوا يحكوا مثلنا ، بس ما غيروا شي بنظرة المجتمع وقت صاروا أهل

[DAve]

رد: همّ البنات للممات

شكرا كيتي على الموضوع وتعليقك على ها الموضوع
اي نعم عاداتنا العربية 90 بالمية متخلفة
مزبوط هاد المثل الي متداول هون
هم البنات للممات
لانو مجتمعنا عبارة عن وحوش ضارية بجد
وبدنا نمشي مع المجتمع لاننا عايشين فيو

الله يحمي كل بنات العالم يا رب
مزبوط بيقولو الولد هو بيحمل اسم العيلة وفي يعني شوية تمييز عن البنت
شكرا كيتي

[AboGeorge]

رد: همّ البنات للممات





بس منطقي يعني البنت بتشغل البال اكتر من الشب
و يارب ما نتخبى و رى اصابعنا انو ننحاز لجنسنا
انا بس صير اب اي اكيد رح خاف عليها و احسب الف حساب ل مستقبلها
و الشب كمان بس الشب فيي خلي يبعد عني يسافر يشتغل يسهر البنت ؟؟؟ ما بظن

[Hani]

رد: همّ البنات للممات

انو هم البنات للممات و الله صح
يعني بدكون تقولو تخلف او جهل ما بعتقد
لانو انتا او انتي رح تاكلي هم البنت اكتر من هم الشب بحكم خوفك عليها انو ما تغلط و بحكم انك تامنلها مستقبل تشكرك عليه
الشب فينو يعيش و يامن حالو لانو عايشين بمجتمع ذكوري بينما الصبيه ما فيها تعيش الا بمساندة الذكر يلي بيخاف عليها
المهم انو مقوله هم البنات للممات مظبوطه
بس باقي الامور التخلف و الجهل يلي بيمارسوا عادة الاهل ع البنات هي لازم نتخلص منها

[abokaro]

رد: همّ البنات للممات

لك وجهة نظري بالموضوع

هي انو مو البنت هم بالنسبة للاهل بالعكس في كتير من الصبايا غير هيك

بعدين خلينا نقول نوع من الحرص عليهم اكتر او التفكير فيون اكتر من الشباب على العلم انو في كتير من الشباب بيجيبو الهم والغم لاهاليون
بس بضل في نوع من الراحة تجاه الشب على اساس انو قادر يساعد حالو ويكون بكل مكان بعتبارو شب

يعني انا مو مع هل المقولة تماما"

واخيرا الله يخلينا ياهون

[GoGo]

رد: همّ البنات للممات

يعني مو شغلة جديدة أنو تخلف و جهل ، بس الجديد بالموضوع أنو ما ننسى آراءنا هي وقت نحنا نصير آباء و أمهات ، لأنو و بكل أسف أهالينا بأيام شبابهن كانوا يحكوا مثلنا ، بس ما غيروا شي بنظرة المجتمع وقت صاروا أهل

معك حق أنو( هم البنات للممات )بس هذا الوضع مافيك تغيره ح يضل

[pardy]

رد: همّ البنات للممات

اي تخلف و جهل مابدا حكي ليش في احلى من البنت (حلوة الصراحة)

مشكورة كيتي

عن جد ما في احلى من البنات

يسلم تمك كلود والله بس انت وايدن الي بتفهمونا وبتراعو مشاعرنا
اكيد هذا الكلام جهل وتخلف لانو البنات اساس الحنان والعطف والرقة
وهو بايد البنت لانو في منهم بيكونو كتير قويات وما بيثقو باحد وبيحافظو على انفسهم من اي وحش بشري وفي منهم بيكونو خفيفات ف مو كل البنات بيشبهو بعض
ويسلمو عالموضوع الحلو

ومرورك احلى

اي كيتي اكيد جهل وتخلف.........لأنو البنت بوقتنا هاد بتشتغل وبتعتمد على نفسا وبتعيل حالها حتى في بنات هنن فاتحين بيوت....
يعني ما نها هم بنوب بالعكس صارت كمان معيلة لأهلها وزوجها

كلام سليم

جهل و تخلف و نص

و ما في حكي زيادة عن يلي قالو كلود و نورا و هبة

ميرسي عالموضوع

مرسي لمرورك

[MAJDE]

رد: همّ البنات للممات

هلء بصراحة انا ماعندي اخت بس كلشي بيعرفني بقلي الله اطعمك هالنعمة ومابلاك بمصيبة ليش مابعرف بجوز انا محظوظ فعلا
والنسوان بسمعن بقولو انو فعلا هم البنات للمات

[Molham Haddad]

رد: همّ البنات للممات

إجا دوري اللي بحكي كتير

اول شي أكيد جهل وقلة وعي
وشوفو معي وين قلة الوعي

فمنذ أن تصبح مراهقة يبدأ الخوف عليها من أن تقع فريسة ذئب بشري ما يقضي على سمعتها وبالتالي على

الخوف على البنت من الذئب البشري كلام فارغ لأنو هو صراحة قلة ثقة بأنو البنت بتميز الصح من الغلط وبالتالي مو مرباية صح
وهاد معناه قلة ثقة الاب بالام والام بالاب

إلى أن تتزوج، وحينها تبدأ معاناة أخرى تتعلق بطريقة تعامل الزوج مع الابنة، وهل سيحسن معاملتها أم سيسيء إليها،

كمان حكي فاضي
لما تبيع بنتك او تغصبها على زوج ما بتعرفو من قبل او بفارثقعمري كبير او عندو اولاد او او
أكيد رح تضل خايف عليها من انو تنساء معاملتا والحق هون فقط على الاهل ما حدا تاني

وفي الحالة التانية انو هي اختارت الشب وكلو تمام هون بيجي دور الاهل والاصدقاء والمعارف
بالنصح والارشاد وتفهيمن انو القرار هاد للنهاية مو لعبة وتكون فكرة الانفصال او الطلاق مرفوضة اساسا (طبعا انا ما عم بلوم اهل اول لأنو هيك كانت الحياة لا نقاش مجتمع ذكوري مسيطر محقر للمرأة وإن كان يرتدي عباءة الدين والاحترام بغض النظر عند الابواب قال ادبا قال)
أما مجتمعنا الحديث فالمرأة فيه متعلمة قادرة على العمل(اي الشباب ما عاد قدرو يلاقو شغل كلو طالب بنات)

ففكرة انو تتزوج بدون وعي او غصب عنها او بالخديعة والاغراء هو كلام تافه يجب محاربته
وفكرة انو تتطلق هي فكرة غبية وما الها داعي تنطرح حتى
وما حدا يقلي ما اتفقو وخصوصي اذا كانو هن الاثنين اللي اتفقو ع الزواج بالاول



،،

وإذا طُلقت الابنة ترجع بهمها الثقيل إلى بيت أهلها، ويعانون من هاجس وضعها بعد الطلاق، خاصة في ظل ما تعانيه المطلقة في مجتمعنا من مواقف اجتماعية سلبية حيالها.

وضحت فكرتي بالطلاق قبل, وان صار............ وشو بدنا نعمل اذا صار .. بعتقد انو النظرة حديثا بدأت تتطور نحو المطلقة
بكون الناس لا يعرفون مداخلات الامور كلها(وهاد كل شي بدي قولو عن الطلاق )

والخلاصة في رأي الفريق الثاني أن "همّ البنات للممات" وهو لا يقارن مع همّ الذكر الذي سرعان ما يزول عن كاهل أهله حالما يشتد عوده ويستطيع الاعتماد على نفسه، بل إنه قد يكون هو ذاته، أي الذكر، معيناً لأهله.

هون الحكي اللي عن جد بيجيب الرجفان
انو الشب بس يقوى عودو بيقدر يعتمد على حالو ويعيل اسرتو نسيان الاخ
انو هالحكي كان زمااااااان "هلق الطفولة تمتد للشب والبنت لسن الاربعين ع الاقل "

فما رأيك بتلك المقولة؟

برجع بعيد حكي فاضي ولا ينطبق على زمننا

هل تعتقد حقاً أن "همّ البنات للممات" أم أن في هذا الكلام تخلف وجهل؟

تخلف بما لا يوصف

بالاخير شكرا ع الموضوع واعذرو عصبيتي فيه

[ninos]

رد: همّ البنات للممات

باري كيشير (باري كون) كيتي. (مساء الخير) بالارمني
البنت رمز الحنان و اللطف و الرقة و الشاعرية و الرومانسية و الحب و الجمال و الدفئ
و اللي رأيه (البنات همْ) يكون عم يكشف حالو هو ضد هالصفات الحلوة الموجود في البنت