• If this is your first visit, be sure to check out the FAQ by clicking the link above. You may have to register before you can post: click the register link above to proceed. To start viewing messages, select the forum that you want to visit from the selection below.

Announcement

Collapse

قوانين المنتدى " التعديل الاخير 17/03/2018 "

فيكم تضلو على تواصل معنا عن طريق اللينك: www.ch-g.org

قواعد المنتدى:
التسجيل في هذا المنتدى مجاني , نحن نصر على إلتزامك بالقواعد والسياسات المفصلة أدناه.
إن مشرفي وإداريي منتدى الشباب المسيحي - سوريا بالرغم من محاولتهم منع جميع المشاركات المخالفة ، فإنه ليس
... See more
See more
See less

آدم تفضل فوت جاوب

Collapse
X
 
  • Filter
  • Time
  • Show
Clear All
new posts

  • #21
    رد: آدم تفضل فوت جاوب

    Originally posted by riham View Post
    انا ام جورج وبحب ينادولي ام جورج
    واذا أدم الي جاي ومو عاجبو اسم جورج الله معو
    وغير جورج مارح سمي

    والله ياهيك الرجال يا بلا أختي ام جورج
    إنّ أغرب ما في الإسلام، كمنظومة معقّدة للغاية، هو هذه القوة
    الاستلابيّة التي تجعل المرأة تدافع عن تحقيرها الذاتي . نبيل فياض

    أتعجب كثيرا من الكتاب العرب الذين يسخرون من كون السفاح شارون يعيش بخصية واحدة بعد أن فقد الأخرى في إحدى حروب العرب مع إسرائيل. الأولى أن يشعر هؤلاء بالخجل لأن شارون يفعل كل هذا بنا.. بخصية واحدة!

    Comment


    • #22
      رد: آدم تفضل فوت جاوب

      يا جماااااااااااعة من الآخر وبصراحة و ع بلاطة
      أنا بكره هالقصة كتيييييييير
      وسئلت حالي هالسؤال خمسين مرة بس للأسف ما كنت وصل لجواب مقنع
      لهيك يا نور عيوني الحكي للكل
      أنا بكره حدا يقلي أبو فلان وأبو علتان
      يلي بدو يناديلي يقلي هنودة أو هنودي أو هنود يعني أي
      شي من مشتقات اسمي مهند وغير هيك ما عندي
      والحاضر يعلم الغااااااااااايب
      وشكلين ما بحكي

      ميرسي إلك فاااااااااااادووو


      مجروح قلبي أنا وين الدوا موجود ؟ محروم طعم الهنا من ساعة وجودي .. بضل عندي أمل بكرى الفرح بيعود .. بيعود عطر الندى ينزل على ورودي .. ياليل متلك أنا عمري ليالي سود مزروع قلبي وجع ومبللة خدودي .
      .
      حتى يا ليل الحزن عامل ع قلبي قيود ممنوع شوف الفرح ولا عيش متهنّي


      Comment


      • #23
        رد: آدم تفضل فوت جاوب

        وشو الي قاهرك بالموضوع ....

        قال الهن الفضل الاكبر قال

        انتو x بس
        نحنا x و y

        يعني نحنا الي منحدد جنس المولود وبالتالي النا الحق بالتسمية وانا اسمي ابو عزيز لانو هالاسم لازم يضل حي بالعائلة الكريمة

        بعدين هي الاسماء ما بتضل للابد
        يعني خالي اسمو ابو ايوب لما اجاه اول ولد سماه الياس والتاني ساري
        والله يحميهن شو بحبن ....

        هي جاوبنا
        لأ لاااااااااااااااااااااااااااا




        Comment


        • #24
          رد: آدم تفضل فوت جاوب

          مستر مجد عجبني الجواب وحبيت فكرة انو يضل الاسم بالعايلة
          فزعانة يا قلبي .....أكبر بي هالغربة .....وما تعرفني بلادي

          Comment


          • #25
            رد: آدم تفضل فوت جاوب

            هلق السؤال حلو
            يمكن هيكر نوع من العادة بابلدنا
            و انا مو مع هالفكرة وموضوع تسمية الاولاد لازم يكون بالاتفاق بين الزوجين

            Comment


            • #26
              رد: آدم تفضل فوت جاوب

              بصراحة هالموضوع كتير بيدايقني

              يعني إذا واحد من 100 سنة خطرلو يسمي اسم بشع أنا شو ذنبي سمي اسم ابني ع اسم ابنو
              بتذكر شو كنت تقلي مهما يصير .. انتظريني وضلك صلي الله كبير
              من يوما شو عاد صار .. ع مدى كذا نهار ما صار شي كتير
              كل إللي صار وبعدو بيصير

              اللـــــه كبيــــر

              في يوم القيامة سنلتقي..
              إن تذكرتني وقتها صدقني لن آبه لكل الحضور سأركض بإتجاهك وسأحضنك..
              بعد إذنك عبودة حبيتا كتير

              Comment


              • #27
                رد: آدم تفضل فوت جاوب

                هلء القصة مو عنا ما تعبي حالك القصة عند الله يعني ماتجو هلء تقولولنا ليش ووماااااااابيصير هيك ولازم انو , بعدين شو منعملكن اذا الله خالقكن هيك وخالقنا نحنا هيك مافيكي تجي تحاسبيني هلء على شي موجود قبل ما اخلق انا او انتي او ايا حدا وتعودنا علي من وقت منفتح عيونا الصبح لوقت منغمضن
                "الى رجلك تنقاد أشواقك وهو يسود عليكي" راجعي العهد القديم بتلاقي هي الآية يعدين مو حوا الي أغرت آدم وكانت سبب الخطيئة صح هوي طاوعا بعدين بس بيضل أصل البلا منا اذا بترجعي للأساس والله دخيلو عاقب التنين حسب مشيئو وحسب ماهوي شايف انو لازم يصير
                فقال للمرأة أكثرأتعاب حملك بالوحع تلدين أولادك والى رجلك يكون اشتياقك وهو يسود عليكيو قالللرجل لأنك سمعت من امرأتك ملعونة الأرض بسببك بالتعب تأكل منها طوال أيام حياتك وشوكاً وحسكاً تنبت لكوتأكل عشب الحقل وبعرق وجهك تأكل خبرً لتعود للأرض التي منها أخذت لأنك تراب والى التراب تعود هي حال الدنيا لا تعبي حالك ودوري عجواب لأنو الجواااااااااااااااااب قدام عيونك بسيط وواضح ومابدو تعب
                يعني انا اكيد ماني مع انو المرأة ولاشي بلعكس المرأة متلا متلا الرجل بس بيضل في أفضلية ولو كانت الأفضلية بسيطة للرجل عالمرأة وكلشي الو حدودلأني متل ماحكيت وقلت انو هيك الله بدو وعفكرةانا مع " حتى تعرف مدى تحضر شعب ما انظر الى مكانة المرأة فيه" يعني ماني ضد المرأة كانسان بيحقلو يقول رأيو وينتخب ويصير مدير ومهندس ودكتور ورئيس دولة حتى اذا بتحبي , بلعكس بس انا مع المساواة بين الرجل والمرأة مع أفضلية بسيطة للرجل لأنو هيك الله بدو وهيك الطبيعة بتفرض علينا اي وانو هيك ويمكن هاد هوي جواب سؤالك
                اذا بدك جاوبك عن موضوع الابن الاول ومين المفروض يسمي انا بضم صوتي لصوت راني ومافيا شي اذا كان الاسم برضا الطرفين يعني وين المشكلة حدا يجي يقلي وانا جاهز اسمعو يابيقتنع هوي يااما بقتنع انا
                بالنسبة لموضوع (أبو فلان وابو وابو وابو ....) انا ضد الموضوع يعني حلوة واحد بس ينزل من بطن امو يعيطولو ابو فلان (البابي أبو فلان) طيب بركي الزلمي مابدو يتجوز ولا لأ حدا يفهمني شو ذنبو الواحد اذا كان اسم بيو مو حلو طيب بيي أي ععيني وعراسي وحبيب قلبي ومثلي الأعلى وبيحقلو يدوس عرقبتي بس وقت منحكي عن الأسماء منصير بغير دنيا السؤال موجه للي بيحب يجاوبلو اسم بيك "هزاع" مثلاً بتحب حدا يقلك "ابو هزاع" ومابقصد الاهانة لحدا اذا انا عني لأ او خود اسم برعي مثلاً وفي عشاكلتن كتير اذا بتحب بيك كتير في ألف طريقة وطريقة لحتى تعبر مو ضروري هيك وبالهطريقة والي مابدو يصطفل
                آآآآآآآآآآآآآآآآآآآآآآآآآآآآآسف عالاطالة وشكراً فادووو عالسؤال الحلو والي كتير بمحلو أحني لك قبعتي
                ياااااا يسوع

                Comment


                • #28
                  رد: آدم تفضل فوت جاوب

                  Originally posted by khalkhool View Post
                  والله ياهيك الرجال يا بلا أختي ام جورج
                  اي لكن بعجبك
                  my body is full of bleakness
                  my heart is black
                  my feeling is dead
                  this is me,,,,,lady of the dark
                  لا تسألني عن ديني مديون وعايف ديني
                  لا دينك رح يوفي الدين
                  ولا ديني رح يغّنيني

                  سوريا بخير

                  Comment


                  • #29
                    رد: آدم تفضل فوت جاوب

                    مابتخيل أنو مصيبة كبيرة على حوا أنها تشكر عمها يلي خلفلها وربالها جوزها ليصير بني آدم وتحبو ويعجبها أنها تسمي ابنها على أسمو، ولا لأ؟

                    إذا مرتي بتستكتر على أبي هيك شغلة صغيرة معناها مابتخيل إنها رح تكون عنجد بتحبني أو بتحب أبي... والمفروض أنو الكنة هيه دلوعة عمها وبنتو الصغيرة، ورح يحبها أكتر وأكتر وقت هيه بتقول أنها رح تسمي ابنها على أسمو... متل ما أخوها رح يسمي أبنو على اسم أبوها...

                    انا شخصيا، وقت ولدتني أمي، وسألها جدي شو رح تسموه قالتلو "ولو يا عمي، على أسمك أكيد!!!!" ومن فرحتو جدي صار يبكي، اتخيلو رجال عمرو 70 سنة عم يبكي من فرحو بس لأنو إجاه حفيد على أسمو! ومن بين شي 20 ولد بالعيلة أنا الوحيد يلي جدي كان يجبلي هدايا وغراض وعيدية ومدري شو! طيب يعني كتير على هالختيار نفرحو آخر عمرو بشغلة صغيرة مابتكلفنا شي وبنفس الوقت بتسوى عندو كنوز الدنية؟!؟!؟!؟!؟!؟!؟!؟!

                    انا بعرف عيلة 3 أخوات شباب فيها سمو ولادهون على اسم أبوهون، آم الجد عملهون حفلة بشي مليونين ليرة وعزم كل الضيعة! اتخيلو قديش هالختيار فرح وانبسط بهالهدية يلي جابولو ياها ولادو!

                    انا رأيي أنو أبدا مو كتير على أبي إني فرحو هالفرحة، وإنني حسسو انو في استمرارية لأسمو ووجودو بهالدنية من خلال حفيدو! ورح سمي ابني على اسم أبي حتى لو كان هالشي بدو يكلفني اني طلق مرتي...
                    إنّ أغرب ما في الإسلام، كمنظومة معقّدة للغاية، هو هذه القوة
                    الاستلابيّة التي تجعل المرأة تدافع عن تحقيرها الذاتي . نبيل فياض

                    أتعجب كثيرا من الكتاب العرب الذين يسخرون من كون السفاح شارون يعيش بخصية واحدة بعد أن فقد الأخرى في إحدى حروب العرب مع إسرائيل. الأولى أن يشعر هؤلاء بالخجل لأن شارون يفعل كل هذا بنا.. بخصية واحدة!

                    Comment


                    • #30
                      رد: آدم تفضل فوت جاوب

                      اولا : بتمنى يكون اسلوب الحديث اروق شوي لانو حاسة حالي رح اكل قتلة
                      ثانيا : الموضوع زاعجني وعبرت عن رأي وبظن ما فرضت هاد الرأي ع حدا بالعكس انا طرحت الفكرة لاعرف ليش عم يصير هيك
                      ثالثا : مو دايما بكون اسم الابن ع اسم الجد يعني (شب بيسمي حالو ابو كايد واسم ابو مانو كايد وبس يتزوج بيفرض هاد الاسم على مرتو وبيسمي ابنو )طبعا الاسم ممكن يكون كتير بشع او ممكن يكون صار قديم وفي أمثلة كتير بالمنتدى
                      رابعا : الرجل ليس افضل من المرأة (لذلك يترك الرجل أباه وأمه ويلزم امرأته فيصير الاثنان واحدا ) (يشبه الرجل بالمسيح والمرأة بالكنيسة أي جسد المسيح )
                      برأي الشخصي (واللي بحب لونو بالاحمر لانو البعض ما عم يقدر يستوعب انو هادر رأي ) انو الرجل والمرأة متساويان ولكن بأدوار مختلفة
                      خامسا ( وكمان برأي الشخصي) الاسم لا يجلب الاستمرارية انما الاعمال الطيبة والذكرى الطيبة للشخص هي اللي بتعطي استمرارية وبالعكس ممكن الاسم يجيب المهانة للجد
                      لانو ممكن يكون الجد منيح بس يطلع ابن ابنو سيء وقتها رح يجيب استمرارية بس استمرارية غير محببة (سمعة سيئة )
                      سادسا : اذا بالمستقبل جوزي رح يسمي ابنا ع اسم ابو بس مشان المصاري أكيد وقتها رح ارفض

                      وشكرا ع المشاركات

                      لو ليس هناك سلام ، فذلك لأننا نسينا أننا إخوة لبعضنا البعض

                      Comment


                      • #31
                        رد: آدم تفضل فوت جاوب

                        Originally posted by fadooo View Post

                        خامسا ( وكمان برأي الشخصي) الاسم لا يجلب الاستمرارية انما الاعمال الطيبة والذكرى الطيبة للشخص هي اللي بتعطي استمرارية وبالعكس ممكن الاسم يجيب المهانة للجد
                        لانو ممكن يكون الجد منيح بس يطلع ابن ابنو سيء وقتها رح يجيب استمرارية بس استمرارية غير محببة (سمعة سيئة )
                        سادسا : اذا بالمستقبل جوزي رح يسمي ابنا ع اسم ابو بس مشان المصاري أكيد وقتها رح ارفض
                        بالنسبة لخامسا، وجهة نظر واردة بس مو هيك بيفكرو الأجداد
                        بالنسبة لسادسا، الموضوع مو مشان المصاري، انا عطيت مثال مادي كرمال وضح قديش الجد بينبسط، بس أكيد مو السبب هوه المصاري...

                        وميت وردة (إذا كنت أنا المقصود انو الحوار مو هادئ، فأنا بعتذر إذا حكيت بلهجة قاسية أو غير هادئة) 100×
                        إنّ أغرب ما في الإسلام، كمنظومة معقّدة للغاية، هو هذه القوة
                        الاستلابيّة التي تجعل المرأة تدافع عن تحقيرها الذاتي . نبيل فياض

                        أتعجب كثيرا من الكتاب العرب الذين يسخرون من كون السفاح شارون يعيش بخصية واحدة بعد أن فقد الأخرى في إحدى حروب العرب مع إسرائيل. الأولى أن يشعر هؤلاء بالخجل لأن شارون يفعل كل هذا بنا.. بخصية واحدة!

                        Comment

                        Working...
                        X