Tweet
·
بتذكر من شي سنتين كنت بقدم امتحاناتي بغير منطقة يلي بعيش فيها . وكنت بروح كل يوم أو يومين بالفوكس ومن كتر روحاتي وجياتي صارو كل شوفورية فوكسات بيعرفوني . وأنا دايماً كنت بقعد بأول كرسي يلي عند شباك يلي ورا شوفور من شان ما تجي شمس عليي. وكمان كان في رجال هن كمان بيطلعوا معي يبدو علين مراقبين أو موظفين أنا ما بعرف شو قصتن .
ومرة تأخرت شي 10او15د. ما بتذكر رحت وشفت نفس هالشباب كلن كانوا بالفوكس وواحد منن أخذ مكاني ومع انو بيعرف هادا مكاني .وقفت عند باب فوكس وطلعت فيه ناطرة منو ليقوم ويبعدلي وطلعت بالشباب تانين ولا واحد منن قالي تفضلي خذيلك كرسي وما كان في إلا غير كرسي أخير هو فاضي .دخلت فوكس وسمعّتن كلام وقلت : لعمى ولا واحد منكن بيقولي تفضلي ويقوم يعطيني كرسيه . وأما هن عملوا حالن مو سمعانين شي . ومن بعد شوي أجا شوفور وفتح باكاج شافني قاعدة بالكرسي أخير ـ قالي : ليشق قاعدة هون ـ قلتلو : شو بدي أعمل إذا ولا واحد منن عندو ذوق ويبعدلي مكان ـ قالي : أنتي بنت مو حلوة بحقك تقعدي هون وفي دزينة شباب قاعدين بالأول . قومي لا تقعدي هون قعدي جمب شاب يلي قاعد جمبي هو شب منيح ومحترم .وأنا رايحة قلت : ياعيب شوم عليكن .............. قال شباب قال.
·
مرة كنت طالعة بالبولمان وأجا واحد قعد جمب شوفور وهادا شب كإنو بعمرو ما شاف بنات حسيت فيه أنو هو مو على بعضو ..... وهادا شب دفع مصاري دبل للشوفور ( دفع عني وعن حالو) طبعاً أنا ما كنت بعرف وما شفت إلا غير شوفور يقولو: البنت دفعت مصاري " فهمت انو يقصدني" ـ دغري قلت للشب : هي هي من وين لوين بدك تجي تدفع بدالي ؟ كيف بدي أركب بالفوكس وما يكون معي مصاري ـ قالي : لا مو من شان شي تاني هي كانت لطافة مني ـ قلتلو: أيه مبين ( قلتلكن حاسة أنو هو مو على بعضو من شان هيك عصبت عليه )....... قال شباب قال.
·
كان في واحد أسمو باسل كان بصفي .مرة كنا طالعين من مدرسة وكانت في بأيدو صورة كبيرة ومطوية قالي: هي صورة أنريكي (لأنو كان بيعرف أنو أنا بحب أنريكي )ابتسمت و قلتلو : لا أنا بعرف هي مو صورة أنريكي . من بعد شوي رد قالي هي صورة أنريكي قلتلو: باسل يكفي. ومن بعدين قال أنا بكره أنريكي من شان يغيظني قلتلو: بعرف وصار كل شي يقولي أنا بكره أنريكي شي عشر مرات وبالأخر شي عصبت عليه وقلتلو :أيه فهمنا ولاعية انشالله لعمى بعيونك لعمى ماكنت تخرس أنت فعلاً واحد تافه وغليظ روح قحط انقلع .ومن بعد ما بهدلتو رحت أنا بطريق وهو كمّل طريقو وبعدو بيقول : أنا بكره أنريكي ........ قال شباب قال.
·
مرة كان في واحد معي بالدورة محاسبة ولمعلومكن محاسبة بدها أرقام ومبالغ ضخمة من شان هيك كنا نجيب معنا الآلات حاسبة من شان ما نتعذب لما نطالع أرقام ومن بين مجموعة يلي كنت فيها أنا بس يلي كنت بجيب معي الآلة وكانت من عادة أستاذ يعطينا أمثلة ونحن عالقد ما نحلها كان يطلع لبرا . ومرة أنا عم أحل أمثلة ما شفت إلا غير واحد من زملائي أجا وأخذ ألآلتي يلي كانت على مقعدي . أول وتاني مرة ما حكيت شي ومرة أجا ليأخذها دغري حطيت أيدي عالآلة وقلتلو : أنا شايفة كتير من أدب وأحترام لو تطلب أذن مني وبعدين تأخذ الآلة . قالي : ماتأخذينا من بلى منيتك ـ قلتلو : ليك شوف بعطيك الآلة بس لما تطلب أذن مني من شان بعرف وين بتكون ومع مين بتكون . فعلاً طلب أذن مني وعطيتلو ياها بس بعد كم يوم رجع لعادتو قديمة أخذها وأنا ماني منتبها وضاعت الآلة بسببو وأشتريت وحدة غيرها ولما شفتو بعدو ما تغير بطلت جيب معي الآلة ....... قال شباب قال.
·
كان في واحد بصفي أسمو جاك . مرة أشتريتلو على حسابي أنا ورفيقتي كولا وبسكويت وماعاد بتذكر شو كمان ( طبعاً ألف حلال عليه) وهادا لما شاف بنشتريلو على حسابنا صار يجي دايماً معنا ويتعود علينا بس من شان نشتريلو أكل على حسابنا . أنا ورفيقتي صرنا نمل منو كل ما نشوفو يجي لطرفنا صرنا أنا وهي نتهرب ونروح لغير مكان وهيكل حتى قدرنا نتخلص منو . لو قلنا مرة مرتين قلنا مو مشكلة بس مو على طول ......... قال شباب قال .
·
وأنا مرة كنت بشارع كان في وحدة متسولة قاعدة على أرض عم تطلب مصاري . أجا واحد شب مرق من جمبها عمل حالو مو شايفها ولا سامعها بس لما شافني طلعت فيه دغري رجع لورا وأعطالها كتير مصاري بس من شان يبين لي أنو هو كريم . لولا ما طلعت فيه ما كان تيعمل خير مع هديك مرة ........ قال شباب قال.
وبعد في كتير قصص ما بتذكرها إذا خطرت لبالي بعمل لها لموضوع جزء تاني.
بتذكر من شي سنتين كنت بقدم امتحاناتي بغير منطقة يلي بعيش فيها . وكنت بروح كل يوم أو يومين بالفوكس ومن كتر روحاتي وجياتي صارو كل شوفورية فوكسات بيعرفوني . وأنا دايماً كنت بقعد بأول كرسي يلي عند شباك يلي ورا شوفور من شان ما تجي شمس عليي. وكمان كان في رجال هن كمان بيطلعوا معي يبدو علين مراقبين أو موظفين أنا ما بعرف شو قصتن .
ومرة تأخرت شي 10او15د. ما بتذكر رحت وشفت نفس هالشباب كلن كانوا بالفوكس وواحد منن أخذ مكاني ومع انو بيعرف هادا مكاني .وقفت عند باب فوكس وطلعت فيه ناطرة منو ليقوم ويبعدلي وطلعت بالشباب تانين ولا واحد منن قالي تفضلي خذيلك كرسي وما كان في إلا غير كرسي أخير هو فاضي .دخلت فوكس وسمعّتن كلام وقلت : لعمى ولا واحد منكن بيقولي تفضلي ويقوم يعطيني كرسيه . وأما هن عملوا حالن مو سمعانين شي . ومن بعد شوي أجا شوفور وفتح باكاج شافني قاعدة بالكرسي أخير ـ قالي : ليشق قاعدة هون ـ قلتلو : شو بدي أعمل إذا ولا واحد منن عندو ذوق ويبعدلي مكان ـ قالي : أنتي بنت مو حلوة بحقك تقعدي هون وفي دزينة شباب قاعدين بالأول . قومي لا تقعدي هون قعدي جمب شاب يلي قاعد جمبي هو شب منيح ومحترم .وأنا رايحة قلت : ياعيب شوم عليكن .............. قال شباب قال.
·
مرة كنت طالعة بالبولمان وأجا واحد قعد جمب شوفور وهادا شب كإنو بعمرو ما شاف بنات حسيت فيه أنو هو مو على بعضو ..... وهادا شب دفع مصاري دبل للشوفور ( دفع عني وعن حالو) طبعاً أنا ما كنت بعرف وما شفت إلا غير شوفور يقولو: البنت دفعت مصاري " فهمت انو يقصدني" ـ دغري قلت للشب : هي هي من وين لوين بدك تجي تدفع بدالي ؟ كيف بدي أركب بالفوكس وما يكون معي مصاري ـ قالي : لا مو من شان شي تاني هي كانت لطافة مني ـ قلتلو: أيه مبين ( قلتلكن حاسة أنو هو مو على بعضو من شان هيك عصبت عليه )....... قال شباب قال.
·
كان في واحد أسمو باسل كان بصفي .مرة كنا طالعين من مدرسة وكانت في بأيدو صورة كبيرة ومطوية قالي: هي صورة أنريكي (لأنو كان بيعرف أنو أنا بحب أنريكي )ابتسمت و قلتلو : لا أنا بعرف هي مو صورة أنريكي . من بعد شوي رد قالي هي صورة أنريكي قلتلو: باسل يكفي. ومن بعدين قال أنا بكره أنريكي من شان يغيظني قلتلو: بعرف وصار كل شي يقولي أنا بكره أنريكي شي عشر مرات وبالأخر شي عصبت عليه وقلتلو :أيه فهمنا ولاعية انشالله لعمى بعيونك لعمى ماكنت تخرس أنت فعلاً واحد تافه وغليظ روح قحط انقلع .ومن بعد ما بهدلتو رحت أنا بطريق وهو كمّل طريقو وبعدو بيقول : أنا بكره أنريكي ........ قال شباب قال.
·
مرة كان في واحد معي بالدورة محاسبة ولمعلومكن محاسبة بدها أرقام ومبالغ ضخمة من شان هيك كنا نجيب معنا الآلات حاسبة من شان ما نتعذب لما نطالع أرقام ومن بين مجموعة يلي كنت فيها أنا بس يلي كنت بجيب معي الآلة وكانت من عادة أستاذ يعطينا أمثلة ونحن عالقد ما نحلها كان يطلع لبرا . ومرة أنا عم أحل أمثلة ما شفت إلا غير واحد من زملائي أجا وأخذ ألآلتي يلي كانت على مقعدي . أول وتاني مرة ما حكيت شي ومرة أجا ليأخذها دغري حطيت أيدي عالآلة وقلتلو : أنا شايفة كتير من أدب وأحترام لو تطلب أذن مني وبعدين تأخذ الآلة . قالي : ماتأخذينا من بلى منيتك ـ قلتلو : ليك شوف بعطيك الآلة بس لما تطلب أذن مني من شان بعرف وين بتكون ومع مين بتكون . فعلاً طلب أذن مني وعطيتلو ياها بس بعد كم يوم رجع لعادتو قديمة أخذها وأنا ماني منتبها وضاعت الآلة بسببو وأشتريت وحدة غيرها ولما شفتو بعدو ما تغير بطلت جيب معي الآلة ....... قال شباب قال.
·
كان في واحد بصفي أسمو جاك . مرة أشتريتلو على حسابي أنا ورفيقتي كولا وبسكويت وماعاد بتذكر شو كمان ( طبعاً ألف حلال عليه) وهادا لما شاف بنشتريلو على حسابنا صار يجي دايماً معنا ويتعود علينا بس من شان نشتريلو أكل على حسابنا . أنا ورفيقتي صرنا نمل منو كل ما نشوفو يجي لطرفنا صرنا أنا وهي نتهرب ونروح لغير مكان وهيكل حتى قدرنا نتخلص منو . لو قلنا مرة مرتين قلنا مو مشكلة بس مو على طول ......... قال شباب قال .
·
وأنا مرة كنت بشارع كان في وحدة متسولة قاعدة على أرض عم تطلب مصاري . أجا واحد شب مرق من جمبها عمل حالو مو شايفها ولا سامعها بس لما شافني طلعت فيه دغري رجع لورا وأعطالها كتير مصاري بس من شان يبين لي أنو هو كريم . لولا ما طلعت فيه ما كان تيعمل خير مع هديك مرة ........ قال شباب قال.
وبعد في كتير قصص ما بتذكرها إذا خطرت لبالي بعمل لها لموضوع جزء تاني.
.gif "Icon (12)")
.gif "Icon (24)")
.gif "Icon (31)")
best.gif "Smily (13)")
.gif "Icon (30)")
.gif "Smily (21)")
.gif "Icon (39)")
.gif "Smily (7)")
.gif "Smily (25)")
.gif "Icon (39)")
.gif "Smily (20)")
Comment