حديقة ادم

[Iden]

اهلا وسهلا بالكل

في

الحلقة الاولى

من


حديقة ادم

اعلان .. حديقة ادم

[Iden]

رد: حديقة ادم

وضيفنا لليوم راح يكون

ابو كاااااااااااااااااااااروووو


اهلا وسهلا فيك ابو كارووووووو

شلونك ؟؟ شلون الجو معك بهل الحديقة المليانة وروود
وفراشات وشجر التفاح

وحواء بتراقبك من بعيد

اي ان شاء الله تكون منيح على طووول

وفيك تاخذ راحتك وتجاوب عل اسئلة اللقاء على مهلك وبكل روااااااااق

طيب
ابو كاروووو

راح ابدي لقائي معك ونتحدث شوي عن الشباب العربي او الشرقي على العموم

شباب

اول شي شو رأيك بالشباب العربي بهل الوقت ؟؟
من ناحية نظرتهم للحياة وطموحهم ومستقبلهم ؟؟
ولسة نقدر نشوف رجولة جدي وجدك فيهن
ولا لالالالالالا كلشي اتغير !! ؟؟؟

ونجي هلئ من ناحية الستايل
حدثنا شوي عن ستايل شباب اليوم الي نشوفوا بكل مكان
شو رايك فيه
وهل انت راضي عنو ؟؟

ابو كارو قبل ما نننتقل لسؤال ثاني

وجه رسالة او اي شي بدك تقولوا لشباب اليوم


ستايل

اوصفلنا شو اكثر شي يعجبك تلبسو وترتاح الو .....

dress to impress
مثل بالانكليزي بيقول البس كي تجذب المقابل
هل تؤمن بالقول ؟؟

تعتقد ابو كاروو بعض ستايل الرجال الو اثارة للصبايا ؟؟
اذا اي شو هية عددلنا ياها
بدي اعرفها


رومانس

اوصف الحواء المفضلة لديك ابو كاروو ؟
وشو اسرع طريقة برأيك تقدر تجذب حواء الك ؟
غير التفاحة يعني

وهل من المفروض نبحث عن حواء ام نأمن بالصدف ؟؟

اذا تواعدت مع صبية
برأيك شو هية ال 3 مواضيع المهمة الي من المفروض نحكي فيها كاول لقاء ؟؟
ماهو الشي الي تكرهه بالفتاة ؟؟
شو رأيك بالفتاة الي هية تسألك :

تتزوجني ؟؟

شو راح تكون ردة فعلك
وبمجتمعنا شو ردة فعل المجتمع بهيك حالة ؟؟

هل تؤمن بالحب بالالفية الجديدة ؟
ام تشعر انو كل ما اجت الايام والسنين الحب يفقد قيمتو والعلاقات تصير باردة ؟
فشو تقييمك للحب بهل ايام

خط احمر

كان فيي فقرة بالبرنامج اسما
راح يكون سؤال واحد فقط وجرئ
وعندك حرية انو ما تجاوبو
بس مسحتو حاليا


اوكي اخر فقرة معك راح تكوون ترفيهية فقرة :

تسالي

مين بتحب اكثر شقرا ولا سمرا
شو بيكون موقفك اذا عم تحكي مع حبيبتك وفجاءة هية استعملت اسم غير اسمك
يعني مثلا بتقول :
اي عماد فهمت قصدك
شو بيكون موقفك
وشو راح تعمل بعماد

اذا شفت صبية ابتسمت الك بالشارع او بالمحل
شو تعريفك للابتسامة ؟؟

احكيلنا شي موقف محرج عاطفي او متعلق بالصداقة

شو هو المكان المفضل الك لما تجتمع مع الاصدقاء وخاصة مع ساسوو
بس لا تكون حفلة العيد مع الراقصة شريهان


اوكي ابو كاررررررروووو
خلصت حلقتنا معك

اتمنى انو ما كنت مقدم ثقيل عليك

ميرسي كتييييييير لحظورك

لما تحظر يعني

[bero]

رد: حديقة ادم

شي كتير حلو اتفضل ابو كارو ومع التصفيق الحار

[abokaro]

رد: حديقة ادم

اول شي شو رأيك بالشباب العربي بهل الوقت ؟؟
من ناحية نظرتهم للحياة وطموحهم ومستقبلهم ؟؟
ولسة نقدر نشوف رجولة جدي وجدك فيهن
ولا لالالالالالا كلشي اتغير !! ؟؟؟
والله الحقيقة بالنسبة للشباب العربي نظرتهم للحياة بينقسموا الى شطرين
منهم من يرى الحياة على انها عجلة يجب يجب دائما"اللحاق بها ومتابعتها
بكل من تطوراتها وتقدماتها ةتقلباتها ودائما" محاولة تنميط حياتهم على هذا الاساس
هي من ناحية كتير مفيدة وجيدة انو الانسان دائما" يسعى نحو الافضل ومواكبة هذه
النقلات السيكليوجية التي يمر بها شبابنا لكن الناحية الاهم هي انو دائما" يرافق هذه النهضة
وعي والتزام ونضوج بمدركات المرحلة التي يمرون بها وهاد شي ما عم نلاحظوا بشكل عام
متل مابقولو يعني دائماط ننظر الى هذه الحضارة بنبهار منساقين ورائها دون ضوابط او رقابة بشكل اوضح مو كلشي جديد يعني مليح في شغلات بترتيط بعادات وتقاليدنا وهاد الشي مابكون بناسبنا او على الاقلية المجتمع يلي مناوي اليه
ومناحية اخرى الشباب يلي ستسلموا لمكونات وسيستيم هذه الحياة وهدول كتار بحسون هل الايام طبعا" بالنسبة للمجتمع يلي بعيشو فيو وصار همون فقط التشبث بخيط معلق بهذه العجلة ومحاولة عدم قطع هذا الخيط فقط واصبح بالنسبة لهم من الصعب الاندماج بهذا النفتاح والتطور او الاخذ منه قليل موظفينه على هواهوم يعني متل مابقلة بيخدو رؤؤس اقلام ومابينتبهو للنص يلي هو بالاساس الاهم
وطبعا" الشرح كبير كتير ومابيخلص

طبعا" الزمان الاول عن هلق صار كتير في بعد او نقط تفارق بكتير اشيا
يعني زمان اول تحول ياصديقي والنقط كتيرة ويمكن معروفة للكل
حتى بتحس انو التفكير بلش يتنمط كمان بسس عجلة الحياة المستمرة للامام
يعنيزمن جدي وجدك راح وماعاد يرجع يلي كان فيو العيشة بسيطة بتحوي على الرجولة والمحبة ووووو.......... هدول القيم كتير حلوة ولازم يضلوا على طول هل الايام الواحد مابيسئل على اخوه من مشاغل الحياة القصد انو هيك قيم لازم تضل لانو هي يلي بتضيف نكهات وبهارات الحياة وبضيف الى هذه النكهة الرائعة
بس ضروري تتواكب وتترافق مع نهج العصر يلي من عيش فيو بكل مايحمل في جهبته
يعني خيو طولت انا ويمكن مليتوا
بس لكل زمان ومكان تطورات وميزات بتميزو عن الاخر بس المهم دائما"السعي وراء الافضل بالطريقة الافضل يلي بتناسب هذا المكان والزمان

ونجي هلئ من ناحية الستايل
حدثنا شوي عن ستايل شباب اليوم الي نشوفوا بكل مكان
شو رايك فيه
وهل انت راضي عنو ؟؟
دائما" ماكان السنايل هو يلي بيحكم على الشخص لانو في مقومات اخرى كتيرة
هي يلي بتحكم عليه
يعني براي انو الحياة من ورقة الفحص على كلشي علامة
صحيح انو مابيعطي حكم على هذا الشخص بس لازم دائما" ننتبه للنظرة او الطابع الاولي
يلي بيتكون عند كل شخص
بس الغريبة هذا التقلد ولانبهار بستايلات ابدا" مابتكون بتناسب هذذا الشخص لو حتى هذا المجتمع وبتلاقي شبابنا والصبابا متمسكين فيو كمان هاد شي غلط براي الشخصي
وهاد الشي عم ينتقل من جيل الى جيل بشكل اكبر
يعني بتشوف جيلنا تماما" بختلف عن الاجيال يلي عم تتطلع جديد
متل مابقولو بتطلع او بيتطلع من بطن امو بيفهم كلشي ههههههه

ابو كارو قبل ما نننتقل لسؤال ثاني

وجه رسالة او اي شي بدك تقولوا لشباب اليوم
معلمنا ايدن حاسس حالي شي مهم وقال الكل عم يستنى هل النصيحة
ليش حداد رادد هل الايام على شي
يلي براسوا بيعملو
هههههه

ستايل
اوصفلنا شو اكثر شي يعجبك تلبسو وترتاح الو .....

dress to impress
مثل بالانكليزي بيقول البس كي تجذب المقابل
هل تؤمن بالقول ؟؟
في متل بقلك شبع العين مدري شو بعدين لانو مو شاطر يالامثال
يعني رح اعطيك مثال شفت او شافت عشان الحكي ههههه
المهم شي صبية لابسة وستايلة شي رائع ابهرتني خيو بالحلبي حاسس حلي رح احكي كل اللغات بعد شوي
اييي المهم تولد عندك هذا الطابع وخلينا تقول اللهفة ياعمي بالبناني هه
وحكيت معا وطلعت متل الاطمس بالزفة شغلتا بس الستايلات شو بكون تقيمك
يعني قصدي انو بتبهر الشخص لاول مرة فقط لاغير مو اكتر
دائما" الحكم قلت ابل ماكان بعمرو على الستايل
بس تعال من وجهة نظر تانية حبيبنا مع هاد الستايل كانت فهمانة وحبابة والى اخره
هون بطير مخي انا مو انت هون بلشنا نجن هههه
يعني كمان متل مابيقولو في شي بكمل شي
في عالم بدى تقليلي انو مو كل العالم معا مصاري رح جاوب براي
انو الستايل كمان اذا بتوافقوني الراي بيعكسوا روح الشخص وعفويتوا
وفي امور كتير بسيطة بتعطي لاشياء كمان بسيطة رونق اخر (الفلسوف لبو كارو))
وتعطي الرتابية والمضظهر الجذاب وهادا براي بكفي

تعتقد ابو كاروو بعض ستايل الرجال الو اثارة للصبايا ؟؟
اذا اي شو هية عددلنا ياها
بدي اعرفها
طبعا" متل مو العكس
يعني متل موستايل الصبية في تقاط اثارة وهيك الرجل
يعني جسموا حلو بيلبس بضي بيفتح القميص بطول شعرو وبيلبوس ضيق من تحت
مبينة الصرة هههههههههههههههه شو رايك صدمتك عم نخبص
منرجع للجد انا براي صديقي لازم تسالوا لشي صبية بكون احسن
بس بد قلك امي بضل بتقلي شو مابتكون بحبك يقبرني ستايلك
يعني هاد المتل بعين امو غزال

رومانس

اوصف الحواء المفضلة لديك ابو كاروو ؟
بلشنا بالخصوصية وبدك تعصبني عم امزح ولووو انت معلمنا
شو بدي اوصفلك الشعر الاشقر والعيون الزرق والطول متل الزرافة ههههههههه
شو هاد تاريني شي خارق
غنجد كل شوي عنجد
بس ياحبيب ماني حاطط شي ببالي ابدا" وهلق بتعرف ليش لقدام
بس يعني حلوة ومهضومة ومتعلمة وموظفة وبنت عيلة واهم شي تفهم علي وافهم عليا
شو ضل
وشو اسرع طريقة برأيك تقدر تجذب حواء الك ؟
غير التفاحة يعني
عم تحسسني اني فليسوف اوشي شغلة كبيرة بهيك قصص
روح الله يكتر خيرك ونشوفك عريس
عيوني شلون على اساس انو كبار وزرق كمان بس عنجد اذا عن بعيد بدون
تعارف يعني اول شي يتوقع هية نظرة العيون
اما اذا في حكي واخد عطا معناتو كتير شغلات
طريقة حكي اجوبتي حسب كل بنت شكل لانو بحيرو وبدون دراسة لحالون
ههههههه

وهل من المفروض نبحث عن حواء ام نأمن بالصدف ؟؟
انا بحب النكوشة والبحبشة
بس بامن بالصدف يعني بتوقع انو بتيجي عن طريقة قصة او موقف اوحتى يمكن مكان
او عاى الانترنيت اووووو يعني كلى واحد بياخد نصيبوا بهل الدنيا قال مابعرف بالامتل يخرب بتي
يعني احيانا" مابتكون حاطط براسك شي وعلى الله مخليها بيقوم بيجي القدر او الصدفة يلي بتجمعك مع انسانة ممكن تكون شرية الحياة

اذا تواعدت مع صبية
برأيك شو هية ال 3 مواضيع المهمة الي من المفروض نحكي فيها كاول لقاء ؟؟
ايدن عم تفاجئني شو شو صبية ماشوف ياعمي نحنا من عيلة محافظة
بس بسمع من رفقاتي هه:icon (14):
انو بصير لساني يدرغل درغلة لحالو صبحان الله بتنفك العقدة تبعوا
بس اهم شي بحب اتعرف على شخصية الصبية وشوف ردود افعالة
وبعدين بكروا لحالون حبيبنا واهلها وطريقة العيشة خليها على الظروف ادون
ماهو الشي الي تكرهه بالفتاة ؟؟
الصوت العالي
شو رأيك بالفتاة الي هية تسألك :

تتزوجني ؟؟
الله وكيلك مابتلحق بس عادي اذا كان الشعور متبادل مافي مشكلة
بالعكس بعبر عن الحب الزايد يلي بتكنني ياه يعني هي ولا انا نفس الشي
وبزيد اعجابي ومحبتي واحترامي
شو راح تكون ردة فعلك
بشوف حاي وبنفش ريشي وبتكبر ليصحلنا حبيب بخبرك :icon (14):
بس متل ماخبرتك قبل كتير شغلة عادية وبنفس الوقت حلوة
وبمجتمعنا شو ردة فعل المجتمع بهيك حالة ؟؟
ليش رح تطلع على التلفزيون او على شي مكرفون وتقول بتجوزني
هههههههههههههه
بس بيقولوا خطوب لبنتك قبل كمان مدري شو
صديقي بتوقع الردود كتير قشم شو رامية حالة عليه ووووو
بس القسم التاني رح يكون عادي يعني شو فيا بحبوا بعض وبعدين شوف البلوي الزرقة يلي
بتنحكي
والقسم الاكبر ماحدا رح يعرف ابدا" لانو انا من النوع الكتوم كتير وبحب السرية
هل تؤمن بالحب بالالفية الجديدة ؟
ام تشعر انو كل ما اجت الايام والسنين الحب يفقد قيمتو والعلاقات تصير باردة ؟
فشو تقييمك للحب بهل ايام
وقف انا الذي اؤمن بالحب طبعا" موجود باي الفية وفي قصص وروايات بكل الفية
يعني الفيتنا مهند ونولر شوف على قصة هل الحب الخارقة الحارقة
ههههههههههه عم اعمل حالي مهضوم
وكمان عنجد اكيد مليت بس امرك لله
انا انو من المستحيل انو يفقد قيمتوا ابدا" بس يمكن بينحط على جنب شوي صغيرة هه
لانو في شي بالحية بصير لازم نهتم فيو وبتشغلنا الحياة بامورها ومشاكلها وهومومها مو اكتر
وعند اول مشكلة بيظهر الحب والعلاقة الحميمة هاي بيبن الحبيبين وهي يلي بتطغي
او شي موقف رومنسي :icon (14): هاد انا
اما بهل الايام يازلمة صاير متل لعبة الواحد او الوحدة بيلعبوها ليتسلو او لغاية معينة وبعدين بيملوا وبتصير للكب وبيجيبوا لعبة جديدة وهاكذا يعني متل الولاد
طبعا" انا ماعم اجمل بحكي عشان ماحدا يفهمني غلط

خط احمر

كان فيي فقرة بالبرنامج اسما
راح يكون سؤال واحد فقط وجرئ
وعندك حرية انو ما تجاوبو
بس مسحتو حاليا
ليش ولوووووووووووووووووووووووو

اوكي اخر فقرة معك راح تكوون ترفيهية فقرة :

تسالي

مين بتحب اكثر شقرا ولا سمرا
السمر ماصحلنا الشقر
هههههههههه
بس عنجد السمر او يعني الفاتحين شوي فهمت علي :icon (14):
شو بيكون موقفك اذا عم تحكي مع حبيبتك وفجاءة هية استعملت اسم غير اسمك
يعني مثلا بتقول :
اي عماد فهمت قصدك
شو بيكون موقفك
وشو راح تعمل بعماد
يامعلمنا مصيبة مصيبة رح تولع ونسيا اسم امى وابوها كمان
اما عماد او غيرو ياولي رح تشوفوا اسمو بالحوادث ((حمش عهلى كيفك ))
عنجد كمان اذا بعرف انو في خيانة او لعب علي عنجد مشكلة لانو انا كتير بكره الخيانة
واللعب طبعا" اذا بحبا وهون منترك الظروف هي يلي بتحكم لانو بصراحة مابعرف شو بسوي بس بخبرك انو اكيد رح سوي

اذا شفت صبية ابتسمت الك بالشارع او بالمحل
شو تعريفك للابتسامة ؟؟
هاد الشي عادي بيصير كتير وماباخود عليه اي ردود
وبعدين بتختلف الابتسامة وانا بعرف بعجبك عريف
في ابتسامة بتخوف يازلمة الله يبعتنا
احكيلنا شي موقف محرج عاطفي او متعلق بالصداقة
رح احكليك دق ندالة من شب سواه معي وماكنت متوقع من فترة قصيرة يعني طازة
وخاص بالبرنامج تبعك
ياسيدي بدقلي رفيقي 11وبيقلي دق للرفبقنا 00 هادا اسمو عشان الفضايح
على اساس متزاعلين وبدو اجمعون مع بعض
بقوم انا شهم بتعرفني المهم بدقلوا وبخليه يجي
طبعا" هداك بكون 111 خبرني ان لا قولوا انو هو جاي لعندي
على اساس بدي اشرب معوا كاسة متة
ومنيجيك للمهم بيجي رفيقي 00 ومنقعد وعم ندلردش شوي شوي
وبعد شي نص ساعة بيجيلوزا تلفون ياحزرك شو هو انو رقفيقي 11 قاعد مع
اختوا لرفيقي 00 بالمطعم
وشوف البلاوي شو بصير انا قدامو يومت بحكي
مع رفيقي 11 وبسالوا وين انت ليش طولت بيقلك صار معي شي وجاي خلي غندك
وانا طبعا" فاته المكرفون بسانا والله مابعرف شي
هاد موقف مابنساه ابدا" يمكن طول حياتي
لانو عنجد محرج كتير
شو هو المكان المفضل الك لما تجتمع مع الاصدقاء وخاصة مع ساسوو
بس لا تكون حفلة العيد مع الراقصة شريهان
والله منعمل عمايل يامعلم
وخاصة اذا ابو السيم معي
يازلمة مابعرف شو بصير فيني بس كون معو بجن لانو عنجد رائع
والمكان يامعلم ببيت الضيعة لانو كتير حلو وفاضي
وخليها على الله
اوكي ابو كاررررررروووو
خلصت حلقتنا معك
اتمنى انو ما كنت مقدم ثقيل عليك
ميرسي كتييييييير لحظورك
لما تحظر يعني

عنجد كتير حلوة السئلة
مشكور ايدن وبعتلنا اجار المقابلة
وانشالله كون شرفتك باول حلقة
وماخليت المشاهدين يملوا
ومشكور كتير ياغالي
موفق

[jida]

رد: حديقة ادم

ابو كارو اجوبتك كتير مهضومة ..

[Iden]

رد: حديقة ادم



كتيير كتتيير مهضوووم ابو كاروووو
اجوبة حلوة منك

الله يخليك ويبعثلك بنت الحلالال

ميرسي كتييير لحظووورك

[abokaro]

رد: حديقة ادم

ميرسي كتير الكم

كلكم زوق

خجلتوني

[naso]

رد: حديقة ادم

حلو كتير اسألتك ايدن واجوبة ابو كارو

[saso]

رد: حديقة ادم

شو هو المكان المفضل الك لما تجتمع مع الاصدقاء وخاصة مع ساسوو

بس لا تكون حفلة العيد مع الراقصة شريهان

شو مشانك ايدن
كتير حلو الموضوع واجوبتك بتجنن ابو كارو

[bero]

رد: حديقة ادم

شو مشان لي نسيتو هالموضوع كان كتير حلو

[MAX11]

رد: حديقة ادم

فكرة جيدة ...
نشكر اجتهادك إيدن

[نبيذومطر]

رد: حديقة ادم

شو هالأدوش .. يلا كمل متابعين معك

[Bibooo]

رد: حديقة ادم

يسلم ايديك ادوش مستنين الاصدار الجديد

[anas wassouf]

رد: حديقة ادم

يي شو هالمسابقة الجديدة أول مرة شبشوفها بس باينتا مهضومة ادووش

[Iden]

رد: حديقة ادم

حظر حالك انوووس



وبعدك ابو الجوون حظرحالك من هلء

[aleen]

رد: حديقة ادم

حلو هالبرنامج ولله.. يلا ناطرين الأسئلة أدوووش... و الأجوبة من الشباب كمان..

[MAX11]

رد: حديقة ادم

يلا شباب ناطرين
ع راسي يا أدوش