العذورية ... من وجهة نظرنا

[MAX11]

رد: العذورية ... من وجهة نظرنا

لك طنش خبيصا ...

[SAMO]

رد: العذورية ... من وجهة نظرنا

موضوع الو خصوصيتو بالمجتمع الشرقي


أنا رأيي إنو البنت بتمر بفترة مراهقة طبيعية

وهيي بهاي الفترة ما بتسيطر بشكل كللي ع أحاسيسا و من بينون الخيال اللي بينرسم عندا عن العملية الجنسية و اللي بيرافقو من متعة حسية و احساسا بأنوثتا

و أغلب الحالات اللي بيتم فيه فقدان غشاء البكارة بتصير بمرحلة المراهقة


فليش لنحاسب انسان عشي عملو بفترة اضطراب نفسي و ثورة نمو؟؟؟؟؟

هاد رأيي

[فادي حداد]

رد: العذورية ... من وجهة نظرنا

لك يا عمي وحدوا الله شبكن؟!؟!؟خلص التوبة!!رح ارجع اكتبلكن عن كشاشة الحمام و شوفيرية الطراطير و الضيع المنسية,من شان تضلو تحبوني...اي شوي شوي واحد يروح مشي!

تسلم كلك ذوق بس وضحلي ( تعليقات يبدو مو بمحلها )

بقصد يا حبيب تعليقاتي انا اللي زعلت ترنيم مني بدون ما اقصد هالشي

ما في داعي للخلط ، و حتى لو كان الموضوع حساس هاد ما بيعني انو تداولو لازم يكون فيه حساسيات ما هيك ؟

يا حبيبي انا قصدت انو حساسيتو بالطرح بينت اني عم شجع لفكرة ممكن تكون خط احمر عند كتير بنات و هيدا شي اثر في ردكن عالموضوع

[فادي حداد]

رد: العذورية ... من وجهة نظرنا

فليش لنحاسب انسان عشي عملو بفترة اضطراب نفسي و ثورة نمو؟؟؟؟؟

رأي حلو و جديد و عم يأتي بفكرة ما حدا طرحها انا مارح قول مع او ضد رح اكتفي بالشكر عالمشاركة سامو....
و منضل منشوف الاستطلاع

[qussay]

رد: العذورية ... من وجهة نظرنا

يا سيدي بكل بساطة المادية هي حياتنا العملية يعني الشغلات المعنوية متل الحب هي بينك و بين حالك او بينك و بين شريكك او الدين فهو بينك و بين ربك ---------ما دخل العالم فين بقا و قت شغلة مادية تنتزع (ولو التعبير مو ظابط) يعني متل الغشاء فهون العالم دخلو عالخط وخاصة من ناحية البنت
لا تنسى شغلة انو العرب قبل الاسلام حتى--- كانت المرا شغلة كبيرة كتير انو حدا يمسا بقا مو شغلة جديدة
ولا تنسى انو الحالة يلي عاشا مجتمعنا مع العثماني و قبلو ما بعرف مين
خلت العالم ما تفكر و بصراحة غير بلقمتا و بقوضة النوم ز بقا 500 سنة كبت و تخلف ما لح تقدر تغير شي خلال 50 سنة.

لكن الخطأ في مجتمعاتنا الشرقية هو حكم الموت لهذه الخطيئة التي قد تكون خطأة خارجة عن ارادة المرأة فلا يكفيها ماتعرضت له بل يحكم عليها بالموت والاغرب والمشين اكثر انه لا يطبق هذا الحكم على من اساء اليها فهي لم تكن الوحيدة في هذه الخطيئة بل هنالك رجل يستحق تطبيق حكم الموت عليه اكثر منها لأنه استغل جبروته وقوته مع من هو اضعف منه

بس يا ترنيم انا يللي بعرفو و هالشي عل الاغلب اكيد انو الحكم عل المرأة و الرجل في حال الزنا هو الموت هالشي بحالة معينة ومو بكل الحالت
وعلى كل حال انا بقدر اتاكد

[نبيذومطر]

رد: العذورية ... من وجهة نظرنا

لكل الشباب و الصبايا اللي تداولوا الموضوع :

لك يا عمي وحدوا الله شبكن؟!؟!؟خلص التوبة!!رح ارجع اكتبلكن عن كشاشة الحمام و شوفيرية الطراطير و الضيع المنسية,من شان تضلو تحبوني...اي شوي شوي واحد يروح مشي!

هدا الموضوع انطرح أكثر من مرة و صار في نقاشات و انا ذكرت باول مداخلة أنو هالموضوع قديم جديد و حتى في أفكار عم تتكرر ما هيك ؟!

و ما في داعي أبداً كل ما انذكر كلمتين حدا يعتبرهن تهجم او سخط عليه ... ولو هدا مو أسلوب حوار ، و على ما بذكر أول ما قريت الموضوع شفت أنو بمطرح من المطارح كثير حكيتوا بأسس الحوار و حرية المتحاورين

فطول بالك يا فادي ، ما بعرف اذا بتفضل ترجع تحكي عن كشاشين الحمام و الطرطيرات و ما الى هنالك ، بس اللي بعرفو أنو ما في داعي حدا يروح مشي ، و بعرف أنو مضمون موضوعك حكينا فيه عالمنتدى كثير بدون ما يقلبوا صحاب المواضيع و يرجعوا يحكوا عن الضيع المنسية

و عفكرة :

يا حبيبي انا قصدت انو حساسيتو بالطرح بينت اني عم شجع لفكرة ممكن تكون خط احمر عند كتير بنات و هيدا شي اثر في ردكن عالموضوع

برأيي تراجع ردودك شوي ، بتشوف أنو أسلوبك بالرد أو العتب عم يكون فيه حساسية من جهتك انت ، و بتلاقي انو انت ذات نفسك عم تعتبر اي كلمة مو بصفك ، كلمة ضدك
ما بدي طول أكثر بس : انت كصاحب موضوع المفروض تلمس بنفسك القدرة على إدارة نقاشو من قبل ما تنزلو ، و انت يلي لازم يكون صدرك واسع و تتقبل الردود الحساسة و خصوصي من الصبايا

[فادي حداد]

رد: العذورية ... من وجهة نظرنا

خلت العالم ما تفكر و بصراحة غير بلقمتا و بقوضة النوم ز بقا 500 سنة كبت و تخلف ما لح تقدر تغير شي خلال 50 سنة.

فكرة منطقية تستحق النظر فيها بجدية مجتمعنا مختلف ممكن بسبب هيك شي...

عكل حال رح ننتظر رأي ترنيم .......

[فادي حداد]

رد: العذورية ... من وجهة نظرنا

برأيي تراجع ردودك شوي ، بتشوف أنو أسلوبك بالرد أو العتب عم يكون فيه حساسية من جهتك انت ، و بتلاقي انو انت ذات نفسك عم تعتبر اي كلمة مو بصفك ، كلمة ضدك
ما بدي طول أكثر بس : انت كصاحب موضوع المفروض تلمس بنفسك القدرة على إدارة نقاشو من قبل ما تنزلو ، و انت يلي لازم يكون صدرك واسع و تتقبل الردود الحساسة و خصوصي من الصبايا

حبيبي اول شي مشكور مرورك اللافت

وبالنسبة قلي ما بقي غير دجلكن يمين معظم اني مبسوط بمشاركتن بالموضوع اللي معظمها كانت متمعنة مو مجرد مرور,وانا كشخص لست مع او ضد اي رأي واذا بينت هالشي بطريقة غير مباشرة فيمكن هيدا شي مو مقصود,لأنو انا بعرف من لحظة كتابتو انو رح تجي ردود مشكل ملون و رح اتقبلها كلا صدقني انا كتير open mind ومو معقد ولا متحيز

[bigstar2007]

رد: العذورية ... من وجهة نظرنا

انا براي الشخصي انو الغشاء لا يساوي الشرف لان البنت اللي بتحافظ على حالها مو هو مقياس غشاء البكارة

انا عديت بتجربة وخطبت بنت وهي من الاقارب وبعد الخطوبة بشهرين بدات اشوف تصرفات غريبة عليها

يعني بجوز في نوع من الشباب انو يقدر يستوعب اللي صار بس تصرفاتها معي والجرأة اللي بتملكها الصراحة خوفتني

وما استنيت حتى ليلة العرس منشان شوف غشاء البكارة ( تم فسخ الخطوبة )

قصدي انو الشرف مو مربوط الا بلاخلاق يعني ممكن وحدة تكون فلتانة بس شاطرة ومحافظا على غشاء البكارة وممكن تكون كتير عاقلة وما بتعرف الخمسة من الطمسة و تعرضت لحادث ما افقدها عذريتها

بعدين ما ننسى انو اليوم عملية ارجاع غشاء البكارة ما عاد تكلف كتير يعني ما عادت مشكلة

بالنسبة للمجتمع الغربي انا بلاقيه فيه شغلات حلوة وشغلات خطيرة وقد تكون مميتة

يعني مفهوم الشرف عنا مهما كنا متحضرين يختلف كليا عن مفهوم الشرف في المجتمع الغربي

[نبيذومطر]

رد: العذورية ... من وجهة نظرنا

حبيبي اول شي مشكور مرورك اللافت

وبالنسبة قلي ما بقي غير دجلكن يمين معظم اني مبسوط بمشاركتن بالموضوع اللي معظمها كانت متمعنة مو مجرد مرور,وانا كشخص لست مع او ضد اي رأي واذا بينت هالشي بطريقة غير مباشرة فيمكن هيدا شي مو مقصود,لأنو انا بعرف من لحظة كتابتو انو رح تجي ردود مشكل ملون و رح اتقبلها كلا صدقني انا كتير open mind ومو معقد ولا متحيز

لا تدج يمين

أسمع كلامك أصدقك ... أشوف فعالك أستعجب

[فادي حداد]

رد: العذورية ... من وجهة نظرنا

بعدين ما ننسى انو اليوم عملية ارجاع غشاء البكارة ما عاد تكلف كتير يعني ما عادت مشكلة

اي فعلا كمان طريقة اصلاح صارت عم تدرج شوي شوي

مشكور مرورك big star

[فادي حداد]

رد: العذورية ... من وجهة نظرنا

لا تدج يمين

أسمع كلامك أصدقك ... أشوف فعالك أستعجب

على راحتك عمي والله لو نهبت متحف اللوفر كانو حكموني وخلصت من التبعات تبع السرقة

[khalkhool]

رد: العذورية ... من وجهة نظرنا

أول شي, السلام لجميعكم,

أنا خليل وهي أول مشاركة إلى بالمنتدى, مع اني مسجل من زمان,


هلأ هون, أنا صوتت أنو بقبل حسب الظروف, والظرروف هيه:

1- انو هيه تكون صريحة وتخبرني, مو اكتشف انا لحالي, لأنو هيك بتكون هيه عم تحاول تضحك عليي, أما إذا ههيه كانت صريحةو حكت من الأول, فصدقوني ماعندي مشكلة
2- البكارة ليست دليل العفة والطهارة, وكلنا منعرف أنو الجنس ممكن ممارسته بسهولة ومتعة بدون فض البكارة,
3- هذا المجتمع المتخلف الذي يقدس البكارة, قال عنه أحد الشعراء :
نحن أمة جعلت من سراويل نسائها الداخلية راية لعزّة رجالها وكرامتهم

يا جماعة البنت بعقلها وعلمها وشخصيتها, واختصار البنت ببكارة هو كفر بالذات الإنساننية!

[رولا]

رد: العذورية ... من وجهة نظرنا

أنا معك خليل بالنسبة للصراحة .....

[khalkhool]

رد: العذورية ... من وجهة نظرنا

أنا معك خليل بالنسبة للصراحة .....

والله يا أم الرور االمشكلة انو لو البنات بيفكرو بهي الطريقة كانت انحلت الف مشكلة, بس لما الوحدة بتروح لخيار الترقيع , فهي ما يتستاهل جوزها يتطلع فيها, لأنو العلاقة الزوجية المفروض تكون مبنيةة ساسا على الصراحة, الكذب والاستغباء هنن السبب الرئيسي الأكبر لفشل العلاقة الزوجية.

بعدين تعو ننظر للموضوع من ناحية تانية, كم شب بيحافظ على شرفو وعذريتو للزواج؟؟؟؟

طيب اذا انا عندي ممارسات سابقة, وعلاقات وجنس ومليون مصيبة, بأي حق بدي حاسبها اذا هيه دخلت بعدد من العلاقات قبلي؟؟

بس المشكلة انو نحنا منكبر ومنعيش عالقهر والمعس, والرجال بس بدو يتجوز, بيصير بدو يطلع كل عقدو النفسية بالبنت المسكينة يلي رضيت فيه!!! وبيصير بدو ياها تكون مريم العذراء قبل الزواج, وباميلا اندرسون بعد الزواج!!!!! طيب بربكون هي مو مسخرة اسمها؟؟؟

يعني ماعاد يهمنا بالبنت غير بكارتها؟؟؟ بتعرفو ليش؟؟؟ لأنو نحنا متل النعام, منحط راسنا بالطين, ومنقول ماعنا مشاكل!!! مجتمعنا مثالي! وكلو هاد بسبب قول مشهور لأحدهم:"إذا اببتليتم بالمعاصي فاستتروا"

[abo_zoz]

رد: العذورية ... من وجهة نظرنا

الموضوع من وجهة نظري اساسي ومهم في قول للسيد المسيح بيقول بيمعناها ماني حافظو صحيح" قبل ما نشوف القشة يلي بيعون غيرنا نشوف الخشبة يلي بعيونا "
انا كشب مارح اقدر حاكم بينت على غلط عملتو وانا كون عامل يلي اكبر منو
انا بوافق خليل بكل وجهة نظرو وبحب ضيف انسان بيتحاسب على هو هلق شو مارح اقدر اترك بنت حبيتها منشان ماضيها وهي هلق تابت او كان شي منغير قصد المجتمع يلي عايشين في مجتمع بالي فاسق الفسق لما خبي الغلط وما صلحو

[abo_zoz]

رد: العذورية ... من وجهة نظرنا

الموضوع مطروح للناقش بشكل اعمق وكل نقاش بلا خناقات ما حلو

[فادي حداد]

رد: العذورية ... من وجهة نظرنا

أنا خليل وهي أول مشاركة إلى بالمنتدى, مع اني مسجل من زمان,

مشاركتك هون يا حبيب لو ما شاركت غير فيها فهيي كافية لابقى متذكر رأيك المتحضر واللي رح يخليني ضم صوتي لصوتك 100% مع اني كنت مقرر ما انحاز لحدا ....لأنك عبرت عن رأيي اكتر مني ....ميرسي خليل..

[فادي حداد]

رد: العذورية ... من وجهة نظرنا

أنا معك خليل بالنسبة للصراحة .....

معك حق لأنا اساس نجاح كل علاقة مو بس قشرة البصلة!!!!!!!!

[فادي حداد]

رد: العذورية ... من وجهة نظرنا

الموضوع مطروح للناقش بشكل اعمق وكل نقاش بلا خناقات ما حلو

يا سيدي عن جد يا ابو الزوز بتستاهل تصير مشرف القسم الرياضي,هيك الروح الرياضية!