العذورية ... من وجهة نظرنا

[فادي حداد]

لست هنا بوارد أن أذكر الحادثة التي جعلتني أطرح هذه الأسئلة على ذاتي ...
ولكنها بالتأكيد حادثة مؤسفة , ومؤثرة , ومجرمة في مجتمع يدّعي الانسانية والعفة والطهارة والرحمة

ماذا تعني كلمة شرف في القاموس الإجتماعي و الأخلاقي؟ لماذا يرتبط مفهوم الشرف بالفتاة و عفتها و في نظر
المجتمع؟ لماذا يترتب على فقدان الفتاة غشاء بكارتها فقدان محيطها الأسري سمعتهم و شرفهم؟ بكلمات أخرى
لماذا يمثل غشاء البكارة عنوان شرف الفتاة و الذي يعكس نظرة المجتمع من خلاله إلى شرف والد الفتاة و أخوها و
الرجال المقربين لها؟ لماذا بتمزق غشاء بكارة الفتاة يحكم على الفتاة بالموت؟ و لماذا تتدخل المجتمعات الإسلامية و
الشرقية المتخلفة في أدق تفاصيل و خصوصيات الفتاة حتى عذريتها بحيث تربطها مع مفاهيم أخرى مثل الشرف و
العفة والطهارة؟ لماذا تقترن سمعة العوائل و الأفراد في المجتمعات الشرقية ذات الأصول الدينية الإسلامية تحديداً
بمدى حفاظ الفتاة على عذريتها حتى وقت الزواج؟ لماذا لا ترتقي المجتمعات الشرقية و الأسلامية بفهمها لمفهوم
الشرف إلى أرقى و أسمى من ربطها بعذرية الفتاة؟
السؤال أيضا لمن يهمه الأمر

[رولا]

رد: العذورية ... من وجهة نظرنا

ليك صرلي ساعة أكتب وأمحي ماني عرفانة بصراحة شو بدي قلك بس أنا مشجعة لفكرت الحفاظ البنت على حالها ليوم أرتباطها بالشخص المناسب ..... مو بس هيك ... أن بالنسبة إلي جسد المرأة ليس ملك لها ... بل للرجل الذي سيأتي ...... حتى مسك الأيدي أنا ضدو ..... أنا من مشجعي فكرة أنو ... أنا هنا جوهرتك أنتظرك وكن على ثقة أنو ماحدا لمسها .... وعندي ثقة كمان أنو الرجل هو وجد على هذه الحياة بالأول وبعدها انا ... ومحترمة عمل الله الذي صنع المرأة من ضلع رجل .....



بس لازم ما ننسى أنو الرب يوم ما حط الوصايا وكانت فكرت الزنا من ضمنها .... ما رتبهن وقال في شي أضرب من شي هو سماهن كلهن وصايا .. لاتقتل لا تزن لاتسرق كل الوصايا كلهن متل بعض ...

يوم المرأة الزانية ... قال من منكم بلا خطيئة ....إذا هاد الموضوع عند الرب متلوا متل السرقة متل القتل .. متل الكذب ....... مين أنا لحتى أحكم على أمرأة إنو هي مو منيحة ....يا ترى أنا ما بسرق ما بقتل ما بكذب ..كلهن عند الرب سواسية .....

أما الشرف فهو صنع البشر وليس صنع الله ....الشرف عند البشر بحط الخطايا بدرجات

[فادي حداد]

رد: العذورية ... من وجهة نظرنا

انا اللي عم احكي عنو يا رولا هوي شي محدد اكتر الا وهو ربط شرف البنت بموضوع البكارة الجسدية...
يعني بكر=شريفة....بفض النظر عن اي علاقة لا تؤثر في البكارة...هل من الممكن ان نتساخف لدرجة تقييم انسان نسبة لأثر صغير في جسمه؟!؟!؟!؟

لذلك وجب التوضيح وشكرا لمرورك و رأيك الذي احترمه..

[DAve]

رد: العذورية ... من وجهة نظرنا

هاد رأيي يا شباب

هاد واقعنا وهيك عاداتنا وهيك مجتمعنا ولازم البنت تنتبه على نفسا ما بلوم البنت وما بلوم المجتمع البنت لازم تحافظ على عفتها اكيد
وباوربا واميريكا سمعت كتير البنت بتعمل حفل كبير قبل زواجها ازا كانت عذراء
يعني كمان بالدول الغربية العفة مهمة بس ما عندون ها التعقيدات متل هون
شي وصار وغلطة ما بهتمو كتير لازم يفكرو بوقت الحالي ما يرجعو ويندمو على الشي الي صار
نحنا كلنا عايشين بمجتمع كلو وحوش والشاطر الي بدو ينقض على فريستو
الله يحمي كل الناس وبناتهم
كتير احيان البنت بتفض بكارتها مو بشرط بعلاقة جنسية وبتصير مثلا احيانا بتمزق الغشاء ازا كانت البنت تلعب نوع من العاب الرياضة متل افروسية او الدرجات الهوائية
وهون تخلف مجتمعنا بثقافة الجنسية كتير بتخلق مشاكل تصل كتير احيان للجرائم الشرف والطلاق وبتكون البنت بريئة كتير من اتهامات المجتمع الها
لازم تتطور ثقافتنا ويتطور مجتمعنا مع الوقت
اكيد

من ناحية الدينية
المسيحية
قال يسوع المسيح في قصة امراة الزانية
)(انجيل يوحنا)(Jn-8-7)(ولما استمروا يسألونه انتصب وقال لهم من كان منكم بلا خطية فليرمها اولا بحجر.)



)(انجيل يوحنا)(Jn-8-9)(واما هم فلما سمعوا وكانت ضمائرهم تبكّتهم خرجوا واحدا فواحدا مبتدئين من الشيوخ الى الآخرين.وبقي يسوع وحده والمرأة واقفة في الوسط.)

نجيل يوحنا)(Jn-8-10)(فلما انتصب يسوع ولم ينظر احدا سوى المرأة قال لها يا امرأة اين هم اولئك المشتكون عليك.أما دانك احد.)

)(انجيل يوحنا)(Jn-8-11)(فقالت لا احد يا سيد.فقال لها يسوع ولا انا ادينك.اذهبي ولا تخطئي ايضا)

الانسان بيخطئ بس المهم انو يعرف خطأو ويتوب وما يعيد خطأئو

وبالنسبة ل رأيي
بلاستفتاء انا جاوبت

ممكن ان اقبل اذا عرفت الظروف وكانت مقنعة لي.
انا هيك جاوبت
اكيد لازم نعرف ظروف البنت ونقتنع فيها
الانسان مو وحش ولا حيوان عندو عقل يحكم
وشكرا الكم

[ترنيم]

رد: العذورية ... من وجهة نظرنا

لاننسى ان كل الشرائع والاديان تقوم على مبادئ الشرف
وفي المسيحية الكثير الكثير من المبادئ الاخلاقية التي تضبط سلوك الانسان وترسم له اسلوب حياة شريفة وعفيفة

كلمة الشرف كلمة شاملة وتعني الكثير:
فالانسان الصادق هو انسان شريف
الانسان الامين هو انسان شريف وهكذا....فما بالك بالشرف الاخلاقي الذي يطالب به الرجل كما تطالب به الفتاة
انا مع رأي رولا ورأي ديفي
لكن يجب تطبقه على الرجل والمرأة بنفس الدرجة والالزام
فالرجل الماجن مثلا هو رجل منحل خلقياً ولا يصلح لان يكون زوج ولا أب لاولاد ماذا سيعلمهم وعلى اي اخلاق سينشأهم فما بالك بالمرأة
واكثر... ان لم يكن هذا الشيئ ضروري لماذا وضعه الله علامة في جسدها؟ هذامن ناحية المبدأ العام
اما من ناحية الحالات الخاصة فمن النص الذي اورده ديفي نرى ان المسيح سماها خطية عندما قال لها لا تعودي تخطئي اي طلب منها ان تكون عفيفة
نعم سامحها اولا على خطأها لكن طلب منها ان تغير من اسلوب حياتها السابق بقوله لاتعودي تخطئي ايضا او من جديد

لكن الخطأ في مجتمعاتنا الشرقية هو حكم الموت لهذه الخطيئة التي قد تكون خطأة خارجة عن ارادة المرأة فلا يكفيها ماتعرضت له بل يحكم عليها بالموت والاغرب والمشين اكثر انه لا يطبق هذا الحكم على من اساء اليها فهي لم تكن الوحيدة في هذه الخطيئة بل هنالك رجل يستحق تطبيق حكم الموت عليه اكثر منها لأنه استغل جبروته وقوته مع من هو اضعف منه
فبرأي الخطأ لا يعاقب عليه بالموت وانما بالتوبة وعدم العودة اليه وعدم اتخاذه اسلوب حياة.


شكرا لك فادي

[فادي حداد]

رد: العذورية ... من وجهة نظرنا

من ناحية الدينية
المسيحية
قال يسوع المسيح في قصة امراة الزانية

نحنا منحب نحكي عن الخطيئة ككل مو كنظرة مادية متمثلة في مجرد(الغشاء)
يعني منرجع نقول نظرة المجتمع مغلوطة

مشكور عالمشاركة المميزة ديفو........

[فادي حداد]

رد: العذورية ... من وجهة نظرنا

واكثر... ان لم يكن هذا الشيئ ضروري لماذا وضعه الله علامة في جسدها؟

يعني رح نرجع للمادية السطحية في نظرتنا للخطيئة اللي مفهومها اوسع من هيك بكتير

بحترم رأيك وبشكرك عالمشاركة... ونحنا بحاجة لآراء الشباب كمان ياريت يشاركونا

[ترنيم]

رد: العذورية ... من وجهة نظرنا

يعني رح نرجع للمادية السطحية في نظرتنا للخطيئة اللي مفهومها اوسع من هيك بكتير

بحترم رأيك وبشكرك عالمشاركة... ونحنا بحاجة لآراء الشباب كمان ياريت يشاركونا

وانا كمان بحترم رأيك فادي
لكن من كل مشاركتي ما اخدت غير جزء وتجاهلت الباقي
بالحوار مافينك تقطتع من رأي الاخر اللي بدك ياه والباقي تتجاهلو...
ليش برأيك المادية ماهية بتشكل الجزء الاكبر من حياتنا؟
واذا ارجعنا لمفهوم الخطية بمفهومها الواسع..كما تقول... منلاحظ انو كثير منها كان له شكل مادي ظاهر...وموصوف.... ومثالها الاشخاص اللي شفاهن الرب من امراض وقلهن لا تعودوا تخطئوا ..لانو خطيتهن كانت ظاهرة على اجسادهن بشكل مادي....
ماالانسان نصفه مادة ونصفه روح ..أرجو الا تنسى ذلك...
ومشكور لسعة صدرك وقلبك

[فادي حداد]

رد: العذورية ... من وجهة نظرنا

ترنيم العزيزة: مستغرب نظرتك لموضوع الغشاء بهيك بساطة و ربطو بالشرف بشكل مباشر...
وانا اذا اقتطعت فانتي رجعتي وركزتي عنفس النقطة ........يعني ببساطة:غشاء=شرف هيك المور اوضح بس برجع بقول انو البنت انسان و حتى لو غلط او صار معو شي بيأثر بهالموضوع بيضل انسان كامل....

و بشكرك عجديتك بالطرح اللي بحترمو باي فتاة بتناقش بموضوعية......

[SAMO]

رد: العذورية ... من وجهة نظرنا

الموضوع عمل عاصفة لمن كنت سهران مع الشباب

رج رد عليك بس بعدين
مشكور غالي

[DAve]

رد: العذورية ... من وجهة نظرنا

احلى عالم
مشكورة ترنيم كلامك كتير رائع
وجميل
وكلامك كتير عجبني وبنقطة انو الرجل شريك بالخطيئة

وشكرا فادي اي يا غالي انا قصدي انو في كتير احيان البنت بتكون عفيفة بس بصير تمزق غشاء هي حالة بتصير كتير

هو الموضوع كتير حساس وبدو جرئة
ونشكر الجميع

[فادي حداد]

رد: العذورية ... من وجهة نظرنا

منتشرف بمجرد مرورك ســـــــــــــــــــــامو....

وانا كتير مبسوط انو عم لاقي مشاركات فيه.!


بس بحب قول للعضو الكريم اللي اخد ردودي عالموضوع بشكل شخصي و تدايق منو شغلة صغيرة هون:
أنا كنت بتمنا تحكي رايك هون عالعام مو على شكل رسالة خاصة مفعمة بالاستهزاء لشخصي انا الحر في طرحي لأي موضوع والرد,(عالاقل كان بتاخد برأي الموجودين مو تاخد قرارك و خلص)....

وأنا بحب النقاش و جاهز الو...و بعتذر اذا كانت آرائي استهدفت حدا او ازعجت حدا منكن...

و انسالله كلنا اخوة و اصدقاء

[فادي حداد]

رد: العذورية ... من وجهة نظرنا

ديفو ايوا انا فهمت عليك..........بشكر مرورك من كل قلبي مشاركاتك كانت مميزة عن جد

[ترنيم]

رد: العذورية ... من وجهة نظرنا

بس بحب قول للعضو الكريم اللي اخد ردودي عالموضوع بشكل شخصي و تدايق منو شغلة صغيرة هون:
أنا كنت بتمنا تحكي رايك هون عالعام مو على شكل رسالة خاصة مفعمة بالاستهزاء لشخصي انا الحر في طرحي لأي موضوع والرد, عالاقل كان بتاخد برأي الموجودين مو تاخد قرارك و خلص....
وأنا بحب النقاش و جاهز الو...و بعتذر اذا كانت آرائي استهدفت حدا او ازعجت حدا منكن...

و انسالله كلنا اخوة و اصدقاء

طبعا لا يحتاج الى عناء كبير ليستنتج من يقرأ هذا الرد ان المقصودة بهذه المشاركة هي انا
وبما ان الاخ فادي اراد ان يرد على الموضوع على العلن ولم يكتفي برسالتين رد فيهم وقام بالتوبيخ المطلوب وماقصر فيهم وانا لم ارد على توبيخه لاننا كما قال اننا اخوة واصدقاء
ومن اجل هذا سألبي دعوته وأرد انا ايضا هنا


طبعا فادي انت حر في طرح الموضوع والرد عليه لكن بشرط ان لا تسحب المشاركات بالاتجاه الذي تريده للترويج لافكارك فكما انت حر بالطرح كذلك نحن ايضا احرار بالرد وتثبيت افكارنا كما طرحناها
وكل صاحب مشاركة لا يسمح بتحوير مشاركته للوصل بها الى غاية ما هو لم يقصدها

اما انك تحب النقاش او الحوار فلا اظن ذلك لان النقاش هو طرح فكرة وتبادل الاراء حولها قد تقنع الاخر او يقنعك اما انت فتطرح الفكرة ولديك قناعة مسبقة تجاهها تريد اثباتها مهما كان رأي الاخر ولا اظن ان هذا نقاش بل هو نوع من انواع الايحاء لنشر الافكار (طبعا انا حرة بالتوصيف)

وبما اني اريد ان اوضح رأي بهذا الموضوع بعد الاقطافات التي اقطفتها فسأبدء بالموضوع من بدايته – وليعزرني القارئ الكريم للاسهاب والطول – لكن لا بد من ذلك:

(ملاحظة اللون الاحمر لكتابات فادي واللون الاسود لردي الان والازرق لردودي السابقة)



ابدأ اولا بطرحك للموضوع:

لست هنا بوارد أن أذكر الحادثة التي جعلتني أطرح هذه الأسئلة على ذاتي...

ولكنها بالتأكيد حادثة مؤسفة , ومؤثرة , ومجرمة في مجتمع يدّعي الانسانية والعفة والطهارة والرحمة

طبعا كلنا نتفق على وحشية واجرام المجتمع بنواحي كثيرة

لكن لا نستطيع التعميم بأن كل المجتمع مدعي فهنالك الكثيرين فيه لهم مبادئ ويعيشوها وليس فقط يتبجحوا بها

كل الاسئلة التالية تتحدث عن فقدان الفتاة لبكارتها دون ذكر الاسباب ومفهوم الشرف وموقف المجتمع من ذلك

وللتوضيح اكثر لم يذكر ابدا فيما اذا كان ذلك حدث بأختيار الفتاة او خارج ارادتها او نتيجة حادث ما !!!!!! وهنا الاشكالية والغموض بطرح الاسئلة الذي يثير الريبة

وصياغة الاسئلة يمكن ان يفهم منها دعوة وترويج للافكار الغربية المتحررة من الضوابط في هذا الموضوع وبطلان الافكار الشرقية او لنسميها الافكار المحافظة لان المسيحين الشرقين يتمسكون بالسلوك المحافظ تماما كالاخوة المسلمين- وهذه هي الاسئلة:

ماذا تعني كلمة شرف في القاموس الإجتماعي و الأخلاقي؟

لماذا يرتبط مفهوم الشرف بالفتاة و عفتها و في نظر المجتمع؟

لماذا يترتب على فقدان الفتاة غشاء بكارتها فقدان محيطها الأسري سمعتهم و شرفهم؟
بكلمات أخرى
لماذا يمثل غشاء البكارة عنوان شرف الفتاة و الذي يعكس نظرة المجتمع من خلاله إلى شرف والد الفتاة و أخوها والرجال المقربين لها؟
لماذا بتمزق غشاء بكارة الفتاة يحكم على الفتاة بالموت؟ و لماذا تتدخل المجتمعات الإسلامية والشرقية المتخلفة في أدق تفاصيل وخصوصيات الفتاة حتى عذريتها بحيث تربطها مع مفاهيم أخرى مثل الشرف والعفة والطهارة؟
لماذا تقترن سمعةالعوائل و الأفراد في المجتمعات الشرقية ذات الأصول الدينية الإسلامية تحديداًبمدى حفاظ الفتاة على عذريتها حتىوقت الزواج؟
لماذا لا ترتقي المجتمعات الشرقية و الأسلامية بفهمها لمفهوم
الشرف إلى أرقى و أسمى من ربطها بعذرية الفتاة؟
السؤال أيضا لمن يهمه الأمر

هذه اخطر فكرتين بطرح الموضوع
- و لماذا تتدخل المجتمعات..... في أدق تفاصيل وخصوصيات الفتاة حتى عذريتها
- لماذا تقترن سمعةالعوائل و الأفراد ....بمدى حفاظ الفتاة على عذريتها

مشاركتي الاولى تضمنت شقين:
الشق الاول هو حكم مسيحيتنا على هذا الموضوع لانها هي اساس مبادئ حياتنا والمرجع لنا
والشق الثاني هو الحكم الظالم الذي يطبقه المجتمع على هذا الموضوع مقارنة بحكم الله
وهذا نص مشاركتي:
-الشق الاول:

لاننسى ان كل الشرائع والاديان تقوم على مبادئ الشرف
وفي المسيحية الكثير الكثير من المبادئ الاخلاقية التي تضبط سلوك الانسان وترسم له اسلوب حياة شريفة وعفيفة

كلمة الشرف كلمة شاملة وتعني الكثير:
فالانسان الصادق هو انسان شريف
الانسان الامين هو انسان شريف وهكذا....فما بالك بالشرف الاخلاقي الذي يطالب به الرجل كما تطالب به الفتاة
-------------
هذا كان ردا على:

ماذا تعني كلمة شرف في القاموس الإجتماعي و الأخلاقي؟

لماذا يرتبط مفهوم الشرف بالفتاة و عفتها و في نظر المجتمع؟

لماذا يترتب على فقدان الفتاة غشاء بكارتها فقدان محيطها الأسري سمعتهم و شرفهم؟

انا مع رأي رولا ورأي ديفي
لكن يجب تطبقه على الرجل والمرأة بنفس الدرجة والالزام
فالرجل الماجن مثلا هو رجل منحل خلقياً ولا يصلح لان يكون زوج ولا أب لاولاد ماذا سيعلمهم وعلى اي اخلاق سينشأهم فما بالك بالمرأة

واكثر... ان لم يكن هذا الشيئ ضروري لماذا وضعه الله علامة في جسدها؟ هذا من ناحية المبدأ العام ............هذه الجملة كانت تحديدا رد على سؤاله:

بكلمات أخرى

لماذا يمثل غشاء البكارة عنوان شرف الفتاة و الذي يعكس نظرة المجتمع من خلاله إلى شرف والد الفتاة و أخوها والرجال المقربين لها؟

هنا كان لابد من ذكر حكم المسيح نفسه في هذا الموضوع وهو التعليم الكتابي الذي يحكم حياتنا كمسيحين شرقين والذي اشار لهم الموضوع بأنهم المجتمعات الشرقية و الأسلامية ( ولنتذكر دوما ان طرح الموضوع لم يذكر ابدا ابدا ان فقدان البكارة بسبب حادث او ماشابه ذلك يعني الطرح يحتمل ان يكون بالاختيار او بعدمه) ولذلك استوجب ذكر حكم تعليمنا المسيحي بهذا الموضوع عندما يكون عن قصد

اما من ناحية الحالات الخاصة فمن النص الذي اورده ديفي نرى ان المسيح سماها خطية عندما قال لها لا تعودي تخطئي اي طلب منها ان تكون عفيفة
نعم سامحها اولا على خطأها لكن طلب منها ان تغير من اسلوب حياتها السابق بقوله لاتعودي تخطئي ايضا او من جديد

-الشق الثاني للمشاركة الاولى:
هنا اضفت احتمال الخطأ الخارج عن ارادة المرأة
وابديت رأي الشخصي على الخطأ الناتج بغير ارادة المرأة مهما كان سببه فقد كان واضح بأنتقادي لحكم المجتمع عليها حتى لو كان بأرادتها فإذا المسيح لم يحكم عليها فكيف نحكم عليها نحن:

لكن الخطأ في مجتمعاتنا الشرقية هو حكم الموت لهذه الخطيئة التي قد تكون خطأة خارجة عن ارادة المرأة فلا يكفيها ماتعرضت له بل يحكم عليها بالموت
والاغرب والمشين اكثر انه لا يطبق هذا الحكم على من اساء اليها فهي لم تكن الوحيدة في هذه الخطيئة بل هنالك رجل يستحق تطبيق حكم الموت عليه اكثر منها لأنه استغل جبروته وقوته مع من هو اضعف منه

وهنا كان رأي الشخصي على مااذا كان الخطأ مقصود على ضوء التعليم الكتابي الذي اؤمن به

فبرأي الخطأ لا يعاقب عليه بالموت وانما بالتوبة وعدم العودة اليه وعدم اتخاذه اسلوب حياة.

شكرا لك فادي

انتهت مشاركتي الاولى
----------------

الرد الاول لفادي

واكثر... ان لم يكن هذا الشيئ ضروري لماذا وضعه الله علامة في جسدها؟

يعني رح نرجع للمادية السطحية في نظرتنا للخطيئة اللي مفهومها اوسع من هيك بكتير

بحترم رأيك وبشكرك عالمشاركة... ونحنا بحاجة لآراء الشباب كمان ياريت يشاركونا

ايضا اكد على المفهوم الواسع للخطيئة ولم يوضح لنا للان ماهو هذا المفهوم العام؟؟؟؟؟
----------------------

ردي الثاني:

المشاركة الأصلية كتبت بواسطة فادي حداد

يعني رح نرجع للمادية السطحية فينظرتنا للخطيئة اللي مفهومها اوسع من هيك بكتير

بحترمرأيك وبشكرك عالمشاركة... ونحنا بحاجة لآراء الشباب كمان ياريتيشاركونا

وانا كمان بحترم رأيك فادي
لكن من كل مشاركتي ما اخدت غير جزء وتجاهلت الباقي
بالحوار مافينك تقطتع من رأي الاخر اللي بدك ياه والباقي تتجاهلو...

ليش برأيك المادية ماهية بتشكل الجزء الاكبر من حياتنا؟

واذا ارجعنا لمفهوم الخطية بمفهومها الواسع..كما تقول... منلاحظ انو كثير منها كان له شكل مادي ظاهر...وموصوف.... ومثالها الاشخاص اللي شفاهن الرب من امراض وقلهن لا تعودوا تخطئوا ..لانو خطيتهن كانت ظاهرة على اجسادهن بشكل مادي....
هنا اتحدث عن الاثر المادي للخطية في الجسد بشكل عاااااااااام وطبعا في الكتاب المقدس عدة معجزات لشفاء امراض قال الرب للذي شفاه لا تعود تخطئ وواحد منهم قال له لكي لا يكون لك اشر... يو 5: 14
ماالانسان نصفه مادة ونصفه روح ..أرجو الا تنسى ذلك...
ومشكور لسعة صدرك وقلبك
انتهت مشاركتي الثانية
----------


رد فادي الثالث:

ترنيم العزيزة: مستغرب نظرتك لموضوع الغشاء بهيك بساطة ( ايها القارئ هل تجد اني انظر الى الموضوع بهيك بساطة!!!!!!!!!) و ربطو بالشرف بشكل مباشر...

وانا اذا اقتطعت فانتي رجعتي وركزتي عنفس النقطة ........يعني ببساطة:غشاء=شرف هيك (المور هاي الكلمة مافهمتها) اوضح

بس برجع بقول انو البنت انسان و حتى لو غلط او صار معو شي بيأثر بهالموضوع بيضل انسان كامل.... لا ادري اين قال هذا سابقاً !!!!!!!

و بشكرك عجديتك بالطرح اللي بحترمو باي فتاة بتناقش بموضوعية......

هنا فضلت ان اجيبه علي رده برسالة بدل ان انشره على الملأ احتراما وتقديرا له.... والذي اعتربها مليئة بالاستهزاء لشخصه – طبعا من حقي نشر رسالتي انا لكن لا اسمح لنفسي بنشر رسالتيه التوبيخيتين لي
وهذا نص رسالتي له الذي رد عليها بمشاركته قم 12 :

العنوان: بيأسفني
استاذ فادي المحترم
بيأسفني جدا انو شاركت بموضوع الك لانو بصراحة بتفهم على مرائك ومثل مابدك
بتعجب انك فهمت الردين اللي وضعتهن بهاي الطريقة
وازعجوني جدا الردين اللي كتبتهن
فضلت اكتبلك رسالة على الرد عليك امام الجميع

***طبعا نحن بالعمل ندعوا الاخر بلقب لانه لايجوذ دعوته بأسمه فقط ونستخدم لقب استاذ وهو الشائع – والعكس هو دعوته بلا لقب يعني اننا نقلل من قيمته واهميته***

============================

اخواتي واخواني الاعزاء
اعذروني لاني اطلت عليكم لكن اقتضى التنويه والشرح

[نبيذومطر]

رد: العذورية ... من وجهة نظرنا

هلق بما أنو موضوع غشاء البكارة و الشرف صار مطروح أكثر من مرة و بأساليب متعددة و ببعض الأحيان في أفكار عم تتكرر بأسلوب معين ...
اسمحولي اسألكن من ضمن الموضوع بس بطريقة ثانية :

كمسيحيين موجودين بمجتمع ما :

_ اول شي ليش في استنساب بالدين على طول ؟ و هون بدي استعير كلام رولا شوي لاسأل ، لطالما الوصايا العشرة مو محدد فيها الله دخيل اسمو ، أنو خطية أضرب من الثانية ، فليش بيحلالنا ندقق بوصية و الباقي نمر عليه مرور الكرام ؟!
_ هلق السبب المنطقي و الواضح هوه نمط المجتمع اللي عايشين فيه ، أو اللي ربينا فيه أساساً حتى لو سافرنا لبرا بعدين ، و حلو نكون عايشين مع مجتمعنا بفعالية و منسجمين فيه ، بس هادا ما بيلغي أنو نحنا عم نستنسب بالدين مثلنا مثل غيرنا .

_ جسد المرأة مو ملك للرجل ، جسد المرأة هوه جزء من تكوينها ، أما كيف بتستخدم هالجسم فهدا هوه الشي يلي هيه بتعطي الرجل فيه حق من نوع معين أو بتحجبو عنو ، بحسب علاقتها معو .

_ ما في داعي نتشردق بالدين كثير لنتخبى من مراعاتنا لمجتمعنا ، هدا شي طبيعي و عادي و هوه الشي المنطقي يلي لازم يصير وقت مننوجد بمجتمع ما .، وطبعاً الناس أهواء و كل شخص بيتعامل مع ظروفو على طريقتو .

_ موضوع الحساسية ببعض الأحيان هي شغلة عادية ، ما في داعي تتحول لصدام شخصي ، حتى لو كان ظاهرو حبي ، فــ روقوا .

[فادي حداد]

رد: العذورية ... من وجهة نظرنا

الاخ فادي اراد ان يرد على الموضوع على العلن ولم يكتفي برسالتين رد فيهم وقام بالتوبيخ المطلوب وماقصر فيهم وانا لم ارد على توبيخه

انا يا عيني لا حبيت وبخ ولا شي بس كان قصدي خفف من حدة الموقف اللي حسيتي مستهدفك بشكل مباشر ما كنت اعرف ليه؟؟!!
بعدين تاعي لقلك اذا كنت متأسفة إنك شاركتي ليش رجعت شاركتي مرة تانية؟

طبعا فادي انت حر في طرح الموضوع والرد عليه لكن بشرط ان لا تسحب المشاركات بالاتجاه الذي تريده للترويج لافكارك

لو بدي روج لافكاري اللي عم ما صارلك مجال لتعرفيها عن حق كنت ما كنت كتبت الموضوع عشكل نقاش واسئلة عامة تطرحو فيها رأيكن.

ومعليش رح حاول فهمك وجهة نظري اللي يبدو مصرة ما تقهميها(يعني كرهتيني ومشي الحال):

لكن لا نستطيع التعميم بأن كل المجتمع مدعي فهنالك الكثيرين فيه لهم مبادئ ويعيشوها وليس فقط يتبجحوا بها

معك حق بس هدول يمكن قلال شوي مو؟يعني لما بطرح سؤال ما بكون عم حدد ناس بخصوصية مو؟

كل الاسئلة التالية تتحدث عن فقدان الفتاة لبكارتها دون ذكر الاسباب ومفهوم الشرف وموقف المجتمع من ذلك

بتوقع هاد الاقتباس بيجاوب بشكل ما عن كلامك:

لست هنا بوارد أن أذكر الحادثة التي جعلتني أطرح هذه الأسئلة على ذاتي ...
ولكنها بالتأكيد حادثة مؤسفة , ومؤثرة , ومجرمة في مجتمع يدّعي الانسانية والعفة والطهارة والرحمة

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــ

كلمة الشرف كلمة شاملة وتعني الكثير:
فالانسان الصادق هو انسان شريف
الانسان الامين هو انسان شريف وهكذا....فما بالك بالشرف الاخلاقي الذي يطالب به الرجل كما تطالب به الفتاة

وأنا معك باللي قلتيه بس كنت عم وضح استغرابي في الربط المباشر اللي عم يصير بمعظم مجتمعاتنا بين الشرف و البكارة (يعني عملي اللي بدك ياه بس حافظي على ال!؟!؟!؟)
وهون انتي جاوبتي بشكل كافي بدون ما تشعري

لكن الخطأ في مجتمعاتنا الشرقية هو حكم الموت لهذه الخطيئة التي قد تكون خطأة خارجة عن ارادة المرأة فلا يكفيها ماتعرضت له بل يحكم عليها بالموت

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــ
و بختم بردي اللي طولت فيه كتير (تحملوني معليش اختصرت ما امكن) شوفي يا آنسة:
ببساطة أنا مو حابب طلع الموضوع عن الشي اللي نوضع كرمالو وهوي ببساطة نقاش يبدي فيه كل شخص رأيو الخـــــــــاص و لا تفهمي اني بصدد نشر آراء (أوروبية) متل ما تفضلتي,وبتوقع ما كان بدها منك كل هالاحتداد والشدة عالحال,ومعليش انشري الرسائل اللي بعتلك هيي مو مشكلة وعملي أي شي بيريحك و أنا برأيي الصمت خير دواء حين يصل النقاش إلى نهاية مسدودة(وبالذات انو حكمتي عليي انو معقد ومشي الحال) لأنو كان رأييك كتير مرتب و محترم وأنا قلتلك هالشي لوقت اللي بلشت فيني( سفق عأبو جنب) بلشت تحولي و تشبلب و تحطي مع أنو الموضوع ما بدو كل هالشي.....
و طولي بالك لاتحكمي عالناس من جملتين لأنو لسا ما بتعرفي مين كون كشخص و بشو بفكر (بيجوز كون كتبت شي جملتين عن جدبة) وأخدو منك كل هالشي لتحتدي و نقلبها حوار حضارات (ليش مين انا ولا انتي؟) وانتي نقيتي الشرق على ما يبدو....معليش أنا بقبل كون الغرب بس لما أنا بحكي عن الغرب بإيجابياتو مو بالسلبيات اللي مو مقبولة بمجتمعنا....
و معليش انشالله بيصير الفرصة تعرفي مين هيدا فادي بتشوفي إنك غلطانة بنص اللي الأحكام اللي حكمتيها عليه(اللي كتبتيها ولم تكتبيها)...
وشكرا للمتابعة,وبحيي فيك جرأتك بهيك موضوع يمكن يكون حساس....

[ترنيم]

رد: العذورية ... من وجهة نظرنا

احلا فــــــــــــــ ــــــــــــادي

شو رأيك بهال الوردات

حلوين مهيك
هدول مشان الصلحة
شو رأيك
صافية لبن......



==============

[فادي حداد]

رد: العذورية ... من وجهة نظرنا

لك احلى مشاركة منك يا نبيذومطر ماني حابب علق على شي فيها (تعليقات يبدو مو بمحلها)..

موضوع الحساسية ببعض الأحيان هي شغلة عادية ، ما في داعي تتحول لصدام شخصي ، حتى لو كان ظاهرو حبي ، فــ روقوا

بس رح قلك انو انا كلي روااااااق ومتقبل كل شي بتحكوه ولا ليش اسمو نقاش؟والحساسية هيدا شي طبيعي لانو الموضوع حساس...

[فادي حداد]

رد: العذورية ... من وجهة نظرنا

صافية لبن......

والله ضليت أصفن فيها ساعة تقول إسم شي وحدة مغربية


على كل مافي زعلة ليكون في صلحة انا ما بزعل من شي كلو بيروح لأنو المنتدى متل البيت ومافي بيت بلا مشاكل مو؟!!؟!؟

[نبيذومطر]

رد: العذورية ... من وجهة نظرنا

لك احلى مشاركة منك يا نبيذومطر ماني حابب علق على شي فيها (تعليقات يبدو مو بمحلها)

تسلم كلك ذوق بس وضحلي ( تعليقات يبدو مو بمحلها )

بس رح قلك انو انا كلي روااااااق ومتقبل كل شي بتحكوه ولا ليش اسمو نقاش؟والحساسية هيدا شي طبيعي لانو الموضوع حساس...

حساسية الموضوع شي ، و الحساسية يلي قصدتها انا شي ثاني عالخالص
ما في داعي للخلط ، و حتى لو كان الموضوع حساس هاد ما بيعني انو تداولو لازم يكون فيه حساسيات ما هيك ؟