أنا الأورثوذكسيُ السماتْ

[kenano]

رد: أنا الأورثوذكسيُ السماتْ

اخي رجاء لا تتحسس بتمنى موضوعنا ما ياخذ محمل شخصي ! نحنا هون عم نتبادل وجهات نظر بكل شكل راقي وحضاري وبعيد كل البعد عن التشهير او الاذى الشخصي وتاكد ما حدى عم يتهمك بشي مجرد تبادل افكار !!!
شبنا نحنا بالاخير اخوة بالمسيح شو ما بيحقلي احكي مع اخي متل ما بدي ؟؟! وشو ماكنت تكون المهم انت مؤمن انو يسوع هو المخلص فا مافي اي مشكلة

[Barbie]

رد: أنا الأورثوذكسيُ السماتْ

مرحبا شبيبة

يعني هل كم يوم عم بقرا تلميحات عن طائفية و ما بعرف شو!

بالنسبة لموضوع خريستفورس قد يبدو للوهلة الأولى طائفي, و خصوصا اننا نتعامل هنا الكترونيا أي حوارنا ناقص لأن نبرة الصوت و انفعالات الوجه معدومة الشيئين الذين يكشفوا لنا نوايا و خبايا النفس اثناء الحوار كثيرا!
لذلك رجائا ارجو التمهل في اي فكر او حكم قد يكون جائرا على كاتب الموضوع و الأخ خريستوفروس ناقله!
ولننطلق من مبدأ حسن النية في الطرح!

أما الأفتخار بأصل الأشياء فهذا شيء جميل لا بل آراه حق و واجب ايضا و اقصد بأصل الأشياء كل شيء و لا على التعيين: عرق, عقيدة, مهنة, تعليم, فن, أختراع .... الخ

و أما مجاراة الأغلبية أو العصر مع ان هذا لا يعني بالضرورة أن الأغلبية او العصر الحالي هما الأصح يؤدي الى ضياع اصل الأمور في عجقة شعارات الأنفتاح على الآخر!
و هذا لا يقبله صاحب النخوة و الضمير!

و كلمة حق ليس الا: الكنيسة الأرثوذكسية هي الكنيسة الأم!

رأي بحيادية مطلقة!

[kenano]

رد: أنا الأورثوذكسيُ السماتْ

رأي بحيادية مطلقة!

لا واضح حيادي بامتياز

[خريستوفوروس]

رد: أنا الأورثوذكسيُ السماتْ

ميرسي كتير باربي .. مداخلة رائعة بالوقت المناسب ..

أخي الحبيب كنان .. دلني وين شفت تحيز بالرد تبع باربي

[Barbie]

رد: أنا الأورثوذكسيُ السماتْ

رأي بحيادية مطلقة!

لا واضح حيادي بامتياز

و هنا أيضا نبرة الصوت و انفعلات الوجه معدومة



الله اعلم

[عاشقة بلدي سوريا]

رد: أنا الأورثوذكسيُ السماتْ

شبكن يا جماعة القصة مو مستاهلة
و أهم شي إنو اللي بيجمعنا هوي ربنا يسوع المسيح
لهيك مافي داعي حدا يتدايق او ينزعج.

محبتي للجميع.

[Molham Haddad]

رد: أنا الأورثوذكسيُ السماتْ

عم شوف كتيير كلمة يفتخر يفتخر وعم نفتخر
مع اني انتمي للطائفة الاورثوذكسية الا اني ما بعتبر ها الشي مصدر فخر بل على العكس هو مصدر تواضع الي بسبب عظمتها وتاريخها المشرف

ومع اني عايش حياتي بين الكاثوليك سواء بالمركز او بالتعليم المسيحي
الا اني ما بعتبر هالشي مصدر افتخار بل مصدر تواضع بسبب ايضا العظمة والتاريخ والتطور المشرف


فافتخاري الوحيد متل ما مرة قال صديقنا شارك اللي صرلي زمان مو شايفلو شي جديد

هو بصليب ربي يسوع المسيح وبخلاصي من قبل الله الآب بخلقي وخلاصي من نير عبودية الخطيئة بالابن الفادي

وبخلاصي من فكري وكبريائي والانا بروح الرب الحال فيّ

كلام الشيخ مجد هو الاصح حسب رأيي

ما في 2
المسيح هو هو الامس واليوم والى الابد

وكل ما بقي قابل للنقاش والتطوير

[harouth]

رد: أنا الأورثوذكسيُ السماتْ

أرثوذكسيّ حتى الموووووووت

بالنسبة للأرمن هم الأول في العالم من اعتنقوا المسيحية كديانة رسمية لدولتهم
و ارسوذوكسيون منذ اول التاريخ

على العموم تسلم ايدك على الكلام الجميل و الموضوع الرائع
الرب يباركك و يسعد ايامك يا عزيزي

[خريستوفوروس]

رد: أنا الأورثوذكسيُ السماتْ

ملهم الغالي .. متل ما المسيحية و عظمتها .. و الصليب و عظمتو مصدر افتخار إلنا بإنتماءنا إلن ..

كمان نفس الشي موضوعي

[خريستوفوروس]

رد: أنا الأورثوذكسيُ السماتْ

معك حق أخي هاروث .. الأرمن أول مين آمن بالاجماع بالقرن الرابع ..
بالنسبة لأنطاكية فالمسيحية انطلقت منها للعالم .. من القرن الأول ..
ودعي التلاميذ مسيحيين في أنطاكية أولا ً . ( اع 11 : 26 ) .
و انذكرت انطاكية بالانجيل 19 مرة . و سورية 9 مرات .

و ميرسي كتير لردك المميز .. محبتي

[Nayiry]

رد: أنا الأورثوذكسيُ السماتْ

مو مهم من وين انطلقت و مين اول شعب اعتنقو..اذا لنحسبها هيك لكان الفضل كلو بيرجع لليهود لانو المسيح من الشعب اليهودي ما؟
المهم الشخص و حالو
المهم كل فرد لحالو
يعني ممكن حدا يجي من افريقا و يكون اسود متل الفحمة و عندو ايمان اكتر من 24903829308902 واحد ابيض

الشغلة ما الها علاقة بالشعب...
ااذا كنتو عم تحسبوها هيك لكان صارت الشغلة
stereotyping

سلامات

[خريستوفوروس]

رد: أنا الأورثوذكسيُ السماتْ

أكيد ما مهم .. و الخلاص فعل فردي .. بيسعالو الشخص بغض النظر عن كل شي ..
من أسمى أهدا الإنسانية :
(( ليس يهودي ولا يوناني . ليس عبد ولا حر . ليس ذكر ولا أنثى لأنكم جميعا ً واحد في المسيح يسوع )) ( غل 3 : 28 )

[خريستوفوروس]

رد: أنا الأورثوذكسيُ السماتْ

منقول عن الأورثوذكس أون لاين .. للرائع رافي

شرح لمن طلب الشرح :
أول شي الموضوع موجه لشخص كاثوليكي دخل و وجه إهانات للأورثوذكسية بموضوع عن ظاهرة الصوفانية .. فاجباري الكل انقهروا منو .. و رغم انو موجه تماما ً بهالشكل .. إلا انو ما وجه إساءات لحدا ابدا ً .. ولا جاب سيرة اي عقيدة بشي غلط .. و ما شايف فيه ولا نقطة تعصب ..

حتى الي قلي انو فخر بالملاحم و بس .. هالشي كتير ايجابي و ما فيه تعصب .. ( الفخر غير التعصب ) .. يمكن دعوة للكل يكونوا بهالثبات الإيماني .


أنا الأرثوذكسيّ السِّمات




أنا الأرثوذكسيُّ السِّمات..

هالجملة مقتبسة من نشيد يا بني الدين الأباة :

يا بني الدين الأباة
نظم وتلحين السيد موريس الياس حداد – اللاذقية كانون الثاني 1944

يا بني الدينِ الأباةْ ... رتِّلوا هذي الصلاة

سوفَ ابقى للمماتْ ... أرثوذكسيَّ السماتْ

و لكَ مِن عندي يا أخُ هذي الهديّة:

رغم إساءتو لهداك .. بس عم يقلو يا أخ .. و هداه الموضوع ..

.......

هلأ ببلش يحكي عن هالانتماء و حلاوتو ... أصلا ً كل الفخر بالاورثوذكسية .. من خلال اعتبارا عقيدتنا المسيحية ..

أرثوذكسيّون وُجِدنا في الدُنا



وما في الوجه مكتوبٌ، لكنْ في الدّمِ جليّا
أرثوذكسيّون نحنُ! ولمْ نخجلْ و لمَّا يا صائحاً بكلِّ الأذيّة




أرثوذكسيّو الطبعِ كنّا، لكنْ طبعُنا اليومَ أرثوذكسيُّ الهويّة
يا عشقُها، يا نبضُها، يا قلبُها: هاتِ غنّي لهُ

هي يا عشقها .. يا نبضها .. عنجد بحسا ..
هلأ بقا ببلش يحكي عن امور .. انو لتعرف لمين انت عم توجه اهانة .. و هالامور لازم يتعظ منها كل إنسان مسيحي ..

عن شهاداتِ الأرضِ إلينا، للدمِ السخيّا :
نحنُ عشّاقُ المسيح، نحنُ عشّاقُ الصّليبِ
نحنُ مصابيحُ القيامةِ وفراشاتِ النور

نحن مسيحيين حقيقيين .. متلنا متلك إذا ما أحسن .. كيف بتوجه هالاهانة ؟
نحنُ نسورُ البشارة، إنّا الرسوليّة
و كمان كنيسة رسولية متلنا متلك
نحنُ المجدليّة نحوَ روما مبشِّرين
المسيحية وصلت لروما أورثوذكسية قبل ما يعملو " تطوير للعقيدة "

نحن أبناءُ السرّاديب في زمنِ الذّبح على الهويّة

نحن الطائفة الوحيدة بلبنان الي ما حملت سلاح .. رغم كل شي عملوه فينا .. حتى المسيحيين .. و لسا جاية توجه اهانات

نحنُ شهادةُ الأربعون
هي بتصور تبع ال 40 شهيد .. مكتوبة القصة بالمنتدى
ورايةُ المدافعون في وجهِ هرطقةِ الصليبيّة
انو نحن وقفنا مع بلادنا .. و دبحوا منا مئات الآلاف .. بحروب حركتوها باسم المسيح .. سامحناكن عليا .. بس كمان جاية تحكي ..

نحنُ المجاهدينَ في روسيا ضدَّ سكّيِنِ الشيوعيّه
ومِن حجَرِ الكنائسِ المهدّمة، بنينا الكنيسةَ جديدةً رغمَ البربريّة
شوف كيف رجعنا روسيا .. بلد متمسك بالكنيسة .. و كنيستو مزدهرة .. يا ريت بكل بلد ( و خصوصي اوروبا الغربية ) يكون علاقة المؤمنين بالكنيسة متلا ..
نحن أهلُ الذبحِ في الـ آيا صوفيّا و إنّا سنرجعُ يوماً و نرتِّلُ فيها: ارفعوا علَم الأرثوذكسيّة، طابَ الرجوع إليَّ

هي السابقة واضحة .. اكيد عن طريق التبشير ..

لا تصمتْ يا قلبُ واغلبْ دمعكَ الشجيَّ
قمْ و حدِّثِ الأحداثَ عن حكاياتِ المغاورِ تناجي السّما في كلِّ سهلٍ وعالْ، بدفءِ الصوتِ ينشدون سويّا: يا ربُّ، احمِ الكنيسة الأرثوذكسية.

شوف الرهبان .. صلواتن المشتركة .. لحماية هالكنيسة ..

"تعالَ وانظر" ولاقنا في السّاحِ يا صاحْ،
فبأسَ المعرفةُ النظريّة
تعرّف على الشهادات، ولا تخفْ
المسِ الدّما، واعرفْ طعمَ الفديّة
ما أشهى من شهادةٍ: أنا أرثوذكسيٌّ
ألمْ تسمع بها؟ ألمْ تقرأها؟ ألمْ يخبروك عنها؟
الأورثوذكسية مو حكي .. ناس اضطهدوا .. تعذبوا .. و ظهرت الدماء .. و ضلوا ثابتين .. و هي دعوة لكل مسيحي يمشي بهالطريق

شبانٌ من بلدٍ يدعى: صربيا المغتصبة
خيّروهم بينَ الموتِ ونكرانِ المسيح
فصاحوا: نحنُ الأرثوذكسيّة، ما أشهاكَ يا ربَّ الفداء، كلُّنا اليومَ عشّاقُ الشّهادة، كلّنا اليوم شهداء.
هيدول الي عم تشتمن .. شوف .. منن شباب ماتوا كرمال المسيح .. و ثباتن فيه ..

أحبُّ البلاد وأفديها كما كلِّ العباد، أنشدُ الوطنَ السماويَّ مسكناً لي أبديّا
أحترمُ القوّاد، وروحي لربِّ السماء أعطيها.
الروح الوطنية معروفة عند هدول الي عم تسيء بحقن
يا أخي بالمسيح لا تسألْ بعدَ اليومِ عن معنى الأرثوذكسيّة!!
رغم الي عملو هداك .. بيرجع بقلو .. يا أخي بالمسيح
ألم ترتوي بعدُ!! لكنْ لا عليكَ فظمآنةُ النفسِ نفسُك، وعندي لها كلُّ رويّا
هيّا في رحلةٍ نمضي إلى آثوسَ الجبلَ التقيّا
لنُمتِّعِ الرُّوحَ من زادِ رهبنةٍ زكيّة
هيّا وادخلِ العشرينَ ديراً، واطلبْ منَ الربِّ غفرانَ الخطيّة
تعالَ وانظرْ قلالي النسّاكِ على هذا المنحدر، وبين ذاكَ الشّجر
ومن على هذي الجروف،
شوف رهباننا بجبل آثوس .. ما حدا بالدنيا عندو رهبنة بهالشقاء .. و عايشين مع المسيح .. عجائبن كتيرة و بشوفوا النور الإلهي ..
( انو كالعادة لتعرف مين الي ما عاجبينك )
اصعدْ إنِ امتلكتَ المقدرةَ إلى آثونا العالية، وفتّشْ عمّن أخبرتنا عنهمُ الكتبُ إنْ كنتُ تعرف لغةَ الأبجدية.
خذ بركةً من قلاية الشيخ بايسيوس الآثوسي ، وأرسانيوس الكهفي، ويوسف الهدوئي، وإنْ لمْ ترتوي بعد، فانزلْ إلى أييّنا التقيّة، وتبارك من أسقفِ المدن الخمس. وتذكّر أنّه في يومٍ قد أضُّطهد، و في آخرَ صارَ شفيعاً لنا في السماء العلويّة، بعد أن قال: (كوردةٍ تحت صخرةٍ محميّة، هذي الأرثوذكسية)

هي الجملة الأخيرة قول قديس .. و عم يورجيه هالقديسين الي طلعو .. و انو الاورثوذكسية صلاة .. مو حكي ناس مو عاجبينك .. هالشي بركي بخليه يصير يصلي

هلأ تحت هون ليفرجيه انو الي وجهلن إهانة هنة مسيحية هالبلاد ..

هيّا سوياً إلى قبرص التي حاربتها عصاباتُ العالمِ الهمجيّة، وشاهدِ الفنّ الكنسيَّ في الرسمِ على الأيقونات الخشبيّة و الجداريّة




وأخيراً يا حبيبي! عدْ إلى هنا. إلى أنطاكيا، مدينة السّماء، شئتَ أمْ أبيتْ:




هي أرثوذكسيّة التاريخِ والمعالمِ والثقافةِ والبناءِ والكتبِ والحيطانِ والزواريبِ و الكنائسِ والأديارِ والهويّة، عرّجْ على كلِّ الأديار، امضي لصيدنايا ومعلولا وجاورجيوس والحميراء في الوادي العزيز والبشارة والسيّدة في بلمانا، ويعقوب الفارسي و سيّدة البلمند وحمطورة والشفيعة الحارّة و يوحنّا السابق وسلوان الآثوسيّ وغيرها وغيرها من القادم خلال أعوام قليلة.



فمِن هنا كانتِ البشارة، و من هنا جاءت ِالشهادة، من هنا بدأتِ القداسة،



مذْ وضعَ فمُ الذهبِ الحبيبِ البوقَ تحتَ ضوءِ النّهار إلى يومٍ قد جاءنا فيه الأجلّاء: جورج (خضر )و يوحنا( يازجي) وتوما (بيطار) و(أفرام)كرياكوس وسابا (أسبر) وغيرهم...
فنحنُ من قومٍ لا نعرفُ عدَّ الأسامي
أنا أرثوذكسيُّ السمات
أنا ابنها، وهي الوردةُ تحتَ الصخرةِ محميّة،
كالصخرةِ هي وعلى صدرِها الكنيسةُ مبنيّة

مستقيمةُ الرأي القويمْ، ثابتهْ، لا تعرفُ اللّينْ مهما جاءت رياح الهرطقات، لا نعرفُ المجاملات. لا نَعرف السخافات
ولا حتّى الصوفانيّة

ما عاجبك فينا شدتنا بالحرص عالنقاء .. هيدا النقاء ميزتا .. و عن طريقو واجهنا الهرطقات و السخفات .. و ما اعترفنا بالصوفانية الي هي صاحبتا اورثوذكسية .. بس شفنا بكلاما هرطقات شيطانية .. لهيك و رغم انو من طائفتنا رفضناها لأنو ظاهرة شيطانية .

نحنُ أبناءُ الكهوف والسراديب والقلالي والجبال، إنّا كفرنا بالعروش والصروح العاليه
نحن أبناءُ الصّلاة، لا للثرثرات و الهرطقات

واضح هالحكي

فإنْ رأيتَ قراراً غير صائبٍ، وتمثالاً من حجرٍ هناك شاهقٍ، ومخالفةٍ هنا لرأينا الثابت، فلا الظنُّ بنا إنّا نسينا المبادئ
فلا الموج يطويه الظمأ، ولا النّور أقوى من لمعة الذهب
انو هالشغلات الي عم تشوفا و الي بتخالف عقيدتنا ما تفكر نايمين عليا .. نحن عم نشتغل ضدا .. و ابرزا التماثيل ..
نحنُ قومٌ عشقهم في الصبر لذّة
زادهم في الأرض حزنٌ وشدّة
قد تمرّسنا طعمَ الألم، وخبرنا ألوان المحن
فجلودنا مصبوغةٌ بالتجارب، تاريخنا جهادٌ ضدّ المَحَارِب
فعلا ً .. ما حدا اضطهد متلنا .. و هيدا فخر مسيحي .. بقا ليش لتحكي هيك ؟
فلنا في يسوع رجاء أكيد، ملكوتٌ فريدْ
سرورٌ لا وصفَ له ولا مثيل
هذي قلناها في كلِّ الفصول:
عليّ صوتكَ يا رفيق، وانصبْ رايةَ الرّوح
سوف أبقى أرثوذكسيّاً رغم أنواع الجروح

انو حكيك و تجريحك إلنا ما رح يغيرنا .. بالعكس رح يزيدنا تمسك

أنت هنا في عالمٍ إن صرخ كلّه عكس ذالكْ:
سمعتَ منْ منّا يقول:
أنا الأرثوذكسيّة
فمن منا موافق؟؟؟

هيدا كلام القديس مكسيموس المعترف .. و سيدنا جورج خضر


يعني بعد كل هالحكي .. كيف فينو هالحكي ما يعجبكن .. حتى الي مانو اورثوذكس .. هالحكي قدوة لكل شخص مسيحي

[Molham Haddad]

رد: أنا الأورثوذكسيُ السماتْ

منفهم انو هالقصيدة كانت من الاساس رد على مشاحنة صارت تجاه شخص متعصب من طائفة تانية
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

وبينتلو انو انت مو من مستوى اللي عم تحكي عنن ؟؟؟؟؟؟؟

بالعربي انضب ؟؟؟؟؟؟؟؟؟؟؟؟

اذا كان كلامي صح فإذا مو الهدف الفخر الهدف هو التفاخر
لأسكات العدى

قال يعني

(بغض النظر عن جمالية القصيدة لأنها حلوة فعلا بس انو.... شو منشان )

[خريستوفوروس]

رد: أنا الأورثوذكسيُ السماتْ

منفهم انو هالقصيدة كانت من الاساس رد على مشاحنة صارت تجاه شخص متعصب من طائفة تانية
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
نوعا ً ما منقدر نقول انو اي هيدا كان سبب الموضوع .. بس برجع بأكد انو ما فيه أي تعصب ..
و لا أي نوع من التهجم على عقيدة التاني و لا حتى التلميح ..
( يعني ما واجه الشر بالشر .. بالعكس واجهو بالخير من خلال التوضيح .. فعطاه توضيحات مسيحية محببة للكل .. يعني مين ما بحس بتحبب بعودة الكنيسة إلى روسيا مثلا ً .. او بصلوات الرهبان و صعوبة حياتن ) ..
و هلأ بشبهلك القصة ..

وبينتلو انو انت مو من مستوى اللي عم تحكي عنن ؟؟؟؟؟؟؟
هلأ افرض انا زلمة معي دوكتوراه بالفيزيا النووية .. اجيت عم قلك عن واحد .. يا زلمة شو انو غبي .. غير قابل للتعلم .. بقص إيدي إذا طالع من السادس ..

اجيت انت ورجيتني انو معو ماجستير بالفيزيا النووية .. هيك انت ما غلطت ابدا ً .. ولا تحيزت .. ولا شي .. بس عرضت علي واقع ..

( هي اعتبرتلك انو الي عم يسب أحسن مننا .. بصليلو يكون احسن مني .. )

وبالتالي انت ما عم تقلي انضب .. بس عم تقلي بطريقة غير مباشرة اني ظلمتو للزلمة و عم تفهمني بالحقيقة هو شو .. مو شو انا مفكرو ظلم .. و انا هيك بيني و بين حالي وبكون تلبكت .. و عرفت اني غلطت .. و بدون ما حدا يوجهلي أي إساءة كمان ..


اذا كان كلامي صح فإذا مو الهدف الفخر الهدف هو التفاخر
لأسكات العدى
اول شي مانو عدا .. قلو يا أخي بالمسيح ..
تاني شي الهدف فخر إذا نسينا موضوع الي سب .. بس معو رح يكون توضيحات ضرورية + فخر


(بغض النظر عن جمالية القصيدة لأنها حلوة فعلا بس انو.... شو منشان )

بالنهاية يا ريت كل مسيحي يتعظ من هالقصيدة .. شو ما كانت طائفتو .. كلنا واحد بالمسيح .. و الحكم و الشغلات المفتخر فيها بهالقصيدة .. بتصح للكل ..

لاحظ معي لما القديس مكسيموس المعترف .. او خلينا بجورج خضر ( لأنو معروف بالانفتاح الرائع .. حتى انو كان يعلم فلسفة اسلامية بكلية الشريعة بلبنان ) .. وقت قال لو بدل العالم فأنا الأورثوذكسية ..

ما بتلاحظ معي انو قصدو اعمق بكتير من اسم طائفتو ؟؟؟؟ حتى انو اقرب على معناها ( مستقيم الرأي ) بكتير من قربو على اسما .. و لك المجال في التعمق من خلال التأمل الطويل بهذه الجملة ..


لأنو منقعد شهور نصفن بمقالة لجورج خضر ما منختم عمقا ..

بتمنى تكون وصلت الأفكار .. وصلت المحبة .. و كل شي ردتو من الموضوع الي تفحصتو منيح قبل ما انقلو ..

و بتمنى ما يكون وصل شي غلط عن طريق استنتاجات بعتبرا متسرعة شوي .. لأنو العنوان بيترك أثر قبل ما الواحد يقرا بحط شي مسبق .. ( رأي شخصي ) ..


محبتي الكبيرة للجميع

أورثوذكسيتي تحتم علي ان احب كل انسان بلا اي تمييز .. فكيف إذا كان اخي بالمسيح ..

[Molham Haddad]

رد: أنا الأورثوذكسيُ السماتْ

منفهم انو هالقصيدة كانت من الاساس رد على مشاحنة صارت تجاه شخص متعصب من طائفة تانية
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
نوعا ً ما منقدر نقول انو اي هيدا كان سبب الموضوع .. بس برجع بأكد انو ما فيه أي تعصب ..
و لا أي نوع من التهجم على عقيدة التاني و لا حتى التلميح ..
( يعني ما واجه الشر بالشر .. بالعكس واجهو بالخير من خلال التوضيح .. فعطاه توضيحات مسيحية محببة للكل .. يعني مين ما بحس بتحبب بعودة الكنيسة إلى روسيا مثلا ً .. او بصلوات الرهبان و صعوبة حياتن ) ..
و هلأ بشبهلك القصة ..

(على عيني حكيك بس ..كيف بدك تقنع اي انسان انو رد الفعل على التعصب بذكر المحاسن ما بيكون تعصب مضاد؟؟؟؟؟

والتعصب مو شرط فيو انك تتهجم على عقيدة الثاني مع اني ما بحب انو ميز بين العقيدتين او حتى فكر انو في عقيدتين
الاختلاف برأيي بجزئيات وليس باساسيات الايمان

ولكن بمجرد انك عم تتعدد مزايا عقيدتك فبالتالي كأنك (والحكي بيصل هيك للي ما بيعرف الحقائق) عم تسحبها من الآخر
(نحنا هون ما عم نحكي منشان اللي من جوا عم نحكي اكتر شي منشان اللي من برا )
واكيد ما عم نحكي عن المعاني اللي انا بعتبرها شاملة لأغلب الطواف المسيحية ولا تتميز واحدة منها عن الاخرى بها
وان اختلفت مواقف الاستعمال وطرقة اوقاته

عم نحكي عن الاسلوب اللفظي الذي يتجرد عن ذكر الآخر تماما ويعتمد اسلوب التفاخر (بغض النظر اذا المقصود الفخر
بس ما فيك تقلي انو هاللهجة المكتوبة فيها القصيدة مو تفاخرية بامتياز)


وعجبتني هي واجهو بالخير اللي كان متمثل بأنو تفاخر باللي عندو ونسي يجيب سيرة التاني وكأنه غير موجود او غير مستحق للذكر
واللي انت نفسك عبرت عنها بكلمة انو ما لمحلو حتى

وبينتلو انو انت مو من مستوى اللي عم تحكي عنن ؟؟؟؟؟؟؟
هلأ افرض انا زلمة معي دوكتوراه بالفيزيا النووية .. اجيت عم قلك عن واحد .. يا زلمة شو انو غبي .. غير قابل للتعلم .. بقص إيدي إذا طالع من السادس ..

اجيت انت ورجيتني انو معو ماجستير بالفيزيا النووية .. هيك انت ما غلطت ابدا ً .. ولا تحيزت .. ولا شي .. بس عرضت علي واقع ..

( هي اعتبرتلك انو الي عم يسب أحسن مننا .. بصليلو يكون احسن مني .. )

وبالتالي انت ما عم تقلي انضب .. بس عم تقلي بطريقة غير مباشرة اني ظلمتو للزلمة و عم تفهمني بالحقيقة هو شو .. مو شو انا مفكرو ظلم .. و انا هيك بيني و بين حالي وبكون تلبكت .. و عرفت اني غلطت .. و بدون ما حدا يوجهلي أي إساءة كمان ..


مزبوط مثالك بحالة انو انت وجيتو انو انا متلك فما في داعي تغلط فيني لأنك هيك عم تغلط بحالك

ولكن الواقع اللي شايفينو بالقصيدة انو التفاخر كان بطريقة تدلل بشكل غير مباشر على انعدام هذه الصفات الجيدة بالآخر

وهاد مقطع من القصيدة لوضح اكتر (أخذتو لا على التعيين)

نحنُ عشّاقُ المسيح، نحنُ عشّاقُ الصّليبِ
نحنُ مصابيحُ القيامةِ وفراشاتِ النور
نحنُ نسورُ البشارة، إنّا الرسوليّة
نحنُ المجدليّة نحوَ روما مبشِّرين
نحن أبناءُ السرّاديب في زمنِ الذّبح على الهويّة

شو منشان نحن نحن نحن ومحطوطة بالاحمر من اصل الموضوع والجملة اللي قبلن كلن بتأكد انو هالنحنات كلن عائدين على الاورتوذكسية مع انو الكل بيعرف انو السراديب امر مشترك بين الغرب والشرق
ونسور البشارة ؟؟؟ البقيا شو غربان ؟؟؟ اساسا بهداك العصر ما كان في طوائف فليس من حق احد برأيي انو يقول الرسول الفلاني النا او لغيرنا او المبشر الفلاني كان كذا او كذا

هلق انا وانت منعرف هالشغلات بس الغرب لأ







اذا كان كلامي صح فإذا مو الهدف الفخر الهدف هو التفاخر
لأسكات العدى
اول شي مانو عدا .. قلو يا أخي بالمسيح ..
تاني شي الهدف فخر إذا نسينا موضوع الي سب .. بس معو رح يكون توضيحات ضرورية + فخر

ما بيهمني شو قلو اسلوب الكلام بالموضوع ما بيحمل الا التهكم على المخاطب
ومو كل ما قلت لأنسان حبيبي او اخي بتكون محبتو بقلبك صافية مية بالمية

أنا ابنها، وهي الوردةُ تحتَ الصخرةِ محميّة،
كالصخرةِ هي وعلى صدرِها الكنيسةُ مبنيّة
مستقيمةُ الرأي القويمْ، ثابتهْ، لا تعرفُ اللّينْ مهما جاءت رياح الهرطقات، لا نعرفُ المجاملات. لا نَعرف السخافات
ولا حتّى الصوفانيّة

ما فيك تنكر انو بهالجملة في مهاجمة صريحة فدخيل الله ما حدا يقلي انو رد بمحبة ومو معتبر هالمهاجم المردود عليه عدو بطريقة ما
(مع اني ضد التعصب من الطرفين وانا ما عم دافع عن اي طرف من اطراف الموضوع الاصلي )

(بغض النظر عن جمالية القصيدة لأنها حلوة فعلا بس انو.... شو منشان )

بالنهاية يا ريت كل مسيحي يتعظ من هالقصيدة .. شو ما كانت طائفتو .. كلنا واحد بالمسيح .. و الحكم و الشغلات المفتخر فيها بهالقصيدة .. بتصح للكل ..

مزبوط بتصح للكل بس مو باسلوب الكتابة اللي واردة فيو القصيدة

لاحظ معي لما القديس مكسيموس المعترف .. او خلينا بجورج خضر ( لأنو معروف بالانفتاح الرائع .. حتى انو كان يعلم فلسفة اسلامية بكلية الشريعة بلبنان ) .. وقت قال لو بدل العالم فأنا الأورثوذكسية ..

ما بتلاحظ معي انو قصدو اعمق بكتير من اسم طائفتو ؟؟؟؟ حتى انو اقرب على معناها ( مستقيم الرأي ) بكتير من قربو على اسما .. و لك المجال في التعمق من خلال التأمل الطويل بهذه الجملة ..


على عيني وراسي سيدنا خضر ولكن انت قلتها هو قصد الرأي المستقيم وما بعتقد انو قصد الطائفة بحد ذاتها



لأنو منقعد شهور نصفن بمقالة لجورج خضر ما منختم عمقا ..

بتمنى تكون وصلت الأفكار .. وصلت المحبة .. و كل شي ردتو من الموضوع الي تفحصتو منيح قبل ما انقلو ..


الافكار وصلت
ومحبتك انت وصلت
ولكن الموضوع برأي الشخصي وما بجبر حدا عليه هو رد فعل تعصبي نتيجة فعل تعصبي

و بتمنى ما يكون وصل شي غلط عن طريق استنتاجات بعتبرا متسرعة شوي .. لأنو العنوان بيترك أثر قبل ما الواحد يقرا بحط شي مسبق .. ( رأي شخصي ) ..


العنوان ما الو اي علاقة برأي واذا بدك اقترح عنوان بديل لنغيرو وبظن بيضلو بعض الناس تصلن نفس الفكرة

محبتي الكبيرة للجميع


تسلم
أورثوذكسيتي تحتم علي ان احب كل انسان بلا اي تمييز .. فكيف إذا كان اخي بالمسيح

بس لو قلت مسيحيتي
..

[The D.I.S]

رد: أنا الأورثوذكسيُ السماتْ

أورثوذكسيتي تحتم علي ان احب كل انسان بلا اي تمييز .. فكيف إذا كان اخي بالمسيح

بس لو قلت مسيحيتي

صعبي شوي

وما عجبتني القصيدة بدك ما تواخذني ماحبيتا

وليش رديت أذا ما عجبتني ما حدا يسأل

أبداء رأي

[خريستوفوروس]

رد: أنا الأورثوذكسيُ السماتْ

منفهم انو هالقصيدة كانت من الاساس رد على مشاحنة صارت تجاه شخص متعصب من طائفة تانية
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
نوعا ً ما منقدر نقول انو اي هيدا كان سبب الموضوع .. بس برجع بأكد انو ما فيه أي تعصب ..
و لا أي نوع من التهجم على عقيدة التاني و لا حتى التلميح ..
( يعني ما واجه الشر بالشر .. بالعكس واجهو بالخير من خلال التوضيح .. فعطاه توضيحات مسيحية محببة للكل .. يعني مين ما بحس بتحبب بعودة الكنيسة إلى روسيا مثلا ً .. او بصلوات الرهبان و صعوبة حياتن ) ..
و هلأ بشبهلك القصة ..

(على عيني حكيك بس ..كيف بدك تقنع اي انسان انو رد الفعل على التعصب بذكر المحاسن ما بيكون تعصب مضاد؟؟؟؟؟

ملهم حيرتني .. حتى هي الشغلة تعصب .. شوي تاني إذا عطس الواحد بتقولوا تعصب ..

يعني الشخص لا غلط معو .. ولا قلو شي .. بس قلو بس لتعرف مين عم تسب .. حتى ما دانو .. يعني ما ناقص غير نسكت .. او نقلو شكرا ً .. هي ابسط شغلة بعد انو نسكت او نتشكرو ..

والتعصب مو شرط فيو انك تتهجم على عقيدة الثاني مع اني ما بحب انو ميز بين العقيدتين او حتى فكر انو في عقيدتين
الاختلاف برأيي بجزئيات وليس باساسيات الايمان
التعصب يعني التمييز بين الناس على أساس معتقدن .. سواء التمييز بالمشاعر او العلاقات أو غيرا ..

انا بعتبر حالي غير متعصب لأنو ما عندي ولا شي من هالتمييز .. و بوافق كل كلمة حكاها رافي بقصيدتو ..

و ما فينا ننكر انو في عقيدتين .. و إلا منكون عم نضحك عحالنا ..

ولكن بمجرد انك عم تتعدد مزايا عقيدتك فبالتالي كأنك (والحكي بيصل هيك للي ما بيعرف الحقائق) عم تسحبها من الآخر
لا .. هي عم يقول نحن نسور البشارة .. مع العلم انو البروتستانت ببشروا ادنا ع 50 مرة ..

(نحنا هون ما عم نحكي منشان اللي من جوا عم نحكي اكتر شي منشان اللي من برا )

اوكي .. يمكن ..باحتمال صغير رح ياخد فكرة غلط .. غير مهمة ادام كل شي افكار غلط عن لاهوت المسيح و غيرو .. ادام شوية شغلات مين بشر و مين ما بشر ..
واكيد ما عم نحكي عن المعاني اللي انا بعتبرها شاملة لأغلب الطواف المسيحية ولا تتميز واحدة منها عن الاخرى بها
وان اختلفت مواقف الاستعمال وطرقة اوقاته

خي .. اتفقنا عشغلة .. مع انو لازم نكون متفقين بهالموضوع ..

عم نحكي عن الاسلوب اللفظي الذي يتجرد عن ذكر الآخر تماما ويعتمد اسلوب التفاخر
اي ما ذكر الآخر .. لحتى ما يدينو .. ما حكا شي عنو غير يا أخي بالمسيح ..

هالموضوع ايجابي مانو سلبي .. هالشغلات المذكورة لازم نعمل فيا .. لنكون مسيحيين حقيقيين ..

(بغض النظر اذا المقصود الفخر
بس ما فيك تقلي انو هاللهجة المكتوبة فيها القصيدة مو تفاخرية بامتياز)
و نعم ما يفخر به الإنسان هالانتماء

وعجبتني هي واجهو بالخير اللي كان متمثل بأنو تفاخر باللي عندو ونسي يجيب سيرة التاني وكأنه غير موجود او غير مستحق للذكر
واللي انت نفسك عبرت عنها بكلمة انو ما لمحلو حتى
لكنبدك ياه يقلو .. نحن بشرنا روما بالمسيحية .. قام كافؤونا بالحروب علينا .. هي مسيحية ؟؟؟؟؟ هيدا منطق مسيحي بكون ؟؟؟؟
الموضوع فخر اورثوذكسي .. ما في اي داعي يقحم اي حدا من برا ..



وبينتلو انو انت مو من مستوى اللي عم تحكي عنن ؟؟؟؟؟؟؟
هلأ افرض انا زلمة معي دوكتوراه بالفيزيا النووية .. اجيت عم قلك عن واحد .. يا زلمة شو انو غبي .. غير قابل للتعلم .. بقص إيدي إذا طالع من السادس ..

اجيت انت ورجيتني انو معو ماجستير بالفيزيا النووية .. هيك انت ما غلطت ابدا ً .. ولا تحيزت .. ولا شي .. بس عرضت علي واقع ..

( هي اعتبرتلك انو الي عم يسب أحسن مننا .. بصليلو يكون احسن مني .. )

وبالتالي انت ما عم تقلي انضب .. بس عم تقلي بطريقة غير مباشرة اني ظلمتو للزلمة و عم تفهمني بالحقيقة هو شو .. مو شو انا مفكرو ظلم .. و انا هيك بيني و بين حالي وبكون تلبكت .. و عرفت اني غلطت .. و بدون ما حدا يوجهلي أي إساءة كمان ..


مزبوط مثالك بحالة انو انت وجيتو انو انا متلك فما في داعي تغلط فيني لأنك هيك عم تغلط بحالك
مو شرط يكون متلو لحتى ما يهينو .. يعني لو كان التاني ماجستير بالليزر كان بحقلو يقول عنو غير قابل للتعلم لأنو هو دوكتوراه بالفيزيا النووية

ولكن الواقع اللي شايفينو بالقصيدة انو التفاخر كان بطريقة تدلل بشكل غير مباشر على انعدام هذه الصفات الجيدة بالآخر

حيرتني .. بدك يكون ما لمح حتى للآخر .. ولا يكون لمح انو ما عندو ياهن ..
يعني وقت قال إنا الرسولية .. الاورثوذكسية بتقول انو الكاثوليكية كنيسة رسولية كمان .. و هي ما انعدمت عند الآخر .. و نفس الشي نحن عشاق المسيح .. نسور البشارة .. إلخ ..



وهاد مقطع من القصيدة لوضح اكتر (أخذتو لا على التعيين)



شو منشان نحن نحن نحن ومحطوطة بالاحمر من اصل الموضوع والجملة اللي قبلن كلن بتأكد انو هالنحنات كلن عائدين على الاورتوذكسية
اي نحن عشاق المسيح .. يعني مثلا ً البقايا ما بيعشقوا المسيح ؟؟ هيدا الي انا سميتو استنتاجات خاطئة ..

لأنو هون عم يورجيه .. نحن منعشق المسيح .. كيف بتسبنا ..

مع انو الكل بيعرف انو السراديب امر مشترك بين الغرب والشرق

شكلك ما قريت الشرح تبعي !!!!!!!!!!!!!!!

قلك في زمن الذبح على الهوية .. يعني عن لبنان ..

نحن الطائفة الوحيدة الي ما حملت سلاح .. و هي ما عندن ياها الآخرين .. و منفتخر فيا .. و ما بصير نسمي ذكر هالشي تعصب .. فخر لازم الكل يتبعوه ..

ونسور البشارة ؟؟؟ البقيا شو غربان ؟؟؟ اساسا بهداك العصر ما كان في طوائف فليس من حق احد برأيي انو يقول الرسول الفلاني النا او لغيرنا او المبشر الفلاني كان كذا او كذا
ملهم البشارة مستمرة لليوم .. شبنا ..
و نحن منبشر كمان ..
عكلن كلنا منعرف الرسل بشو بشرو ..
و ما فينا ننكر واقع انو في اليوم كنائس غير رسولية ..

هلق انا وانت منعرف هالشغلات بس الغرب لأ

وين المشكلة انو يعرفوا ..
بتعرف انو في كتار بأميركا .. عم يبحثوا عن أصل الكنيسة .. و يدخلوا عنا .. احدهم عن جديد قلب .. و بعدا بفترة تعرف عقريبتي و صار نصيب .. و قرب يصير خوري ..







اذا كان كلامي صح فإذا مو الهدف الفخر الهدف هو التفاخر
لأسكات العدى
اول شي مانو عدا .. قلو يا أخي بالمسيح ..
تاني شي الهدف فخر إذا نسينا موضوع الي سب .. بس معو رح يكون توضيحات ضرورية + فخر

ما بيهمني شو قلو اسلوب الكلام بالموضوع ما بيحمل الا التهكم على المخاطب
ومو كل ما قلت لأنسان حبيبي او اخي بتكون محبتو بقلبك صافية مية بالمية

رح اجي معك و قول بدنا نتمسخر عواحد .. و نتهكم فيه .. منجي منقلو يا أخي بالمسيح ؟؟؟؟؟؟ بدنا نذكر كلمة المسيح بالمسخرة .. غير معقول

ما فيك تنكر انو بهالجملة في مهاجمة صريحة فدخيل الله ما حدا يقلي انو رد بمحبة ومو معتبر هالمهاجم المردود عليه عدو بطريقة ما

انا بدي قلك .. و معتبرو اخوه بالمسيح و هيدا واقع .. استنتاج خاطئ لا يغير الواقع
(مع اني ضد التعصب من الطرفين وانا ما عم دافع عن اي طرف من اطراف الموضوع الاصلي )

و انا ضد التعصب .. و نقلتو .. و انا فاحصو

(بغض النظر عن جمالية القصيدة لأنها حلوة فعلا بس انو.... شو منشان )

بالنهاية يا ريت كل مسيحي يتعظ من هالقصيدة .. شو ما كانت طائفتو .. كلنا واحد بالمسيح .. و الحكم و الشغلات المفتخر فيها بهالقصيدة .. بتصح للكل ..

مزبوط بتصح للكل بس مو باسلوب الكتابة اللي واردة فيو القصيدة

بضل رأي شخصي .. و رأيي الشخصي بخالف هالرأي

لاحظ معي لما القديس مكسيموس المعترف .. او خلينا بجورج خضر ( لأنو معروف بالانفتاح الرائع .. حتى انو كان يعلم فلسفة اسلامية بكلية الشريعة بلبنان ) .. وقت قال لو بدل العالم فأنا الأورثوذكسية ..

ما بتلاحظ معي انو قصدو اعمق بكتير من اسم طائفتو ؟؟؟؟ حتى انو اقرب على معناها ( مستقيم الرأي ) بكتير من قربو على اسما .. و لك المجال في التعمق من خلال التأمل الطويل بهذه الجملة ..


على عيني وراسي سيدنا خضر ولكن انت قلتها هو قصد الرأي المستقيم وما بعتقد انو قصد الطائفة بحد ذاتها

سيدنا خضر صارت غير شي

اي و انا معك .. و كتير ممكن رأيو لرافي نفس الشي .. بكل الأحوال .. في ترابط وثيق بين ال 2 ..

لأنو منقعد شهور نصفن بمقالة لجورج خضر ما منختم عمقا ..

بتمنى تكون وصلت الأفكار .. وصلت المحبة .. و كل شي ردتو من الموضوع الي تفحصتو منيح قبل ما انقلو ..


الافكار وصلت
ومحبتك انت وصلت
ولكن الموضوع برأي الشخصي وما بجبر حدا عليه هو رد فعل تعصبي نتيجة فعل تعصبي

هلأ هو رد فعل ما اختلفنا .. و على فعل تعصبي ما اختلفنا .. بس برأيي رد فعل راقي مو تعصبي .. مسيحي بمعنى الكلمة ..
( كمان رأي شخصي )
و بتمنى ما يكون وصل شي غلط عن طريق استنتاجات بعتبرا متسرعة شوي .. لأنو العنوان بيترك أثر قبل ما الواحد يقرا بحط شي مسبق .. ( رأي شخصي ) ..


العنوان ما الو اي علاقة برأي واذا بدك اقترح عنوان بديل لنغيرو وبظن بيضلو بعض الناس تصلن نفس الفكرة

لا العنوان نفسو .. ما بدي ياه يتغير ..
عم تقول انو في ناس رح تضل تحكي نفس الشي .. اي لأنو في ناس ما رح تتقبل الفخر بالاورثوذكسية .. خصوصي الي منغير طوائف ..

محبتي الكبيرة للجميع


تسلم
أورثوذكسيتي تحتم علي ان احب كل انسان بلا اي تمييز .. فكيف إذا كان اخي بالمسيح

بس لو قلت مسيحيتي
..

اي ما قلت مسيحيتي متعمدا ً .. لأنو عم وضح انو الفخر ما بيتعارض مع عدم التعصب ..
و كمان بدي قلك انو ما في تعارض بالتعاليم

محبتي

[Molham Haddad]

رد: أنا الأورثوذكسيُ السماتْ

طيب لا اتفق مع كل شيء قلتو او فسرتو وحسيتك عم تعيد الحكي المذكور قبل وبس

فالنتيجة انو انت وانا ما رح نتقف تماما على كل شيئ بهذا الموضوع

بجميع الاحوال انا متابع الموضوع وانشالله ع خير

[Abd Almassih]

رد: أنا الأورثوذكسيُ السماتْ

يُمل من هلـــ الموضوع