العداء المستمر للكنيسة

[RAMIKING]

لم يلبث البابا الجديد أن اعتلى سدة كرسي الفاتيكان حتى بدأنا نرى الصور والرسومات المسيئة له والتي تحاول عبثا الإساءة والتسخيف برمز كبير من رموز الكنيسة والمسيحية .
ومنذ اعلان تنصيب البابا فرنسيس الأول حبراً أعظماً للفاتيكان , وها نحن نرى سلسلة متواصلة من الإهانات والإساءات تذكرنا بما تعرض سلفه ( البابا بيندكتوس ) لها منذ بداية عهده وحتى أخر أيام ولايته قبل استقالته من الرئاسة البابوية .
فكلنا يذكر الحملة الشعواء التي تعرض لها البابا بيندكتوس ازاء تحوير كلامه في محاضرة في جامعة ريجينسبورج Universitat Regensburg الالمانية ولاحقاً الحرب الإعلامية الشديدة على الكنيسة الكاثوليكية ولصق الاتهامات لكهنتها بالاساءة للأطفال ... وما إلى ذلك من مسرحيات متتابعة لم يكن من غرض لها سوى التشويه المستمر لصورة الكنيسة .
ها نحن الآن مجددا أما حرب جديدة باتت ملامحها واضحة سواء اعلاميا أو اجتماعيا وبدايةَ من مواقع التواصل الإجتماعي على الكنيسة ورموزها بمختلف أطيافها وفصائلها .
ومما يبدو ظله أنه أعداء الكنيسة لم يرق لهم وصول بابا جديد من أمريكا اللاتينية بلاد الإيمان والبساطة والتواضع , بابا لربما كما قال عنه الرئيس الأمريكي : نصير الفقراء والمسعضفين ...
فكان لابد من البدء بحرب استباقية ضده وضد الكنيسة وكل من يحاول جمع أوزارها ...
فها هنا صور وهنالك تقارير وأيضا وثائقيات بالجملة : هدفها الوحيد تشويه صورة الحبر الأعظم قبل أن تكتمل أصلاً , وتشتيت الإنتباه والوعي عن جوهر الحقيقة .
البي بي سي تنشط , والإعلام الغربي يكتب والعناوين طنانة ورنانة والتحوير الإملائي بكل نص وبكل خبر ظاهر وعلني , والغرض بات واضحاً .

ببساطة نقول لكل من يصطاد بالمياه العكرة :
كنيسة أسسها السيد المسيح وأرسى قواعدها بطرس الصخرة دامت أكثر من ألفي عام ,,, وستدوم إلى أن يشاء الله لها قيامة بعوده ابنه .

تحية للجميع ..

[Abd Almassih]

رد: العداء المستمر للكنيسة

شبنا ابو الريم شبنا

زغيرة,زغيرة يا كبير

[halah]

رد: العداء المستمر للكنيسة

نحن عم نعيش بعالم عبادة الشيطان والمال، بعالم يقدس القوي ويستخدم العنف والسلاح للوصول لغايته، وبالتالي وجود أشخاص يقفون بوجه السلاح والعنف والشيطان فقط بواسطة المحبة والمسامحة هو شيء غير مستحب وغير مقبول من العالم المليء بالشرور ... لذلك هالعداء اللي عم تحكي عنو رامي هو أمر طبيعي ... وأكيد ما رح ننسى اللي قاله الرب: " وأَنَا أَيْضًا أَقُولُ لَكَ: أَنْتَ هُوَ بُطْرُسُ، أَيِ الصَّخْرَة، وعلى هذِهِ الصَّخْرَةِ سَأَبْنِي بِيْعَتِي، وأَبْوَابُ الجَحِيْمِ لَنْ تَقْوى عَلَيْها." متى 16: 18

ومتل ما قال عبد المسيح ما هالشغلة الكتير مهمة ... مشكور رامي

[Karmah]

رد: العداء المستمر للكنيسة

الأشجار المثمرة تلقى دائما بالحجارة
ولكن كما قال الرب يسوع "على هـــذه الصخـرة سأبنـى كنيستـي و ابــواب الجحيــم لـن تقــوى عليهـا "

[RAMIKING]

رد: العداء المستمر للكنيسة

شبنا ابو الريم شبنا

زغيرة,زغيرة يا كبير

أكيد عبود صغيرة
لكن المشكلة أنو أحيانا نحن نتعاطف أو نضلل بتقارير وأعلام موجه وما منكتشف أنو مخدوعين إلا مأخرين ( اذا اكتشفنا )
أنا طرحت الموضوع لأن فور الإعلان عن اسم البابا صرنا نشوف صور وتقارير وأخبار دفعة وحدة , وكأن الأمر كان محضر ,
يعني أي شخص رح يستلم محضرين الو فايل اعلامي على كيفون .
منور أخي عبود الله ينور أيامك

نحن عم نعيش بعالم عبادة الشيطان والمال، بعالم يقدس القوي ويستخدم العنف والسلاح للوصول لغايته، وبالتالي وجود أشخاص يقفون بوجه السلاح والعنف والشيطان فقط بواسطة المحبة والمسامحة هو شيء غير مستحب وغير مقبول من العالم المليء بالشرور ... لذلك هالعداء اللي عم تحكي عنو رامي هو أمر طبيعي ... وأكيد ما رح ننسى اللي قاله الرب: " وأَنَا أَيْضًا أَقُولُ لَكَ: أَنْتَ هُوَ بُطْرُسُ، أَيِ الصَّخْرَة، وعلى هذِهِ الصَّخْرَةِ سَأَبْنِي بِيْعَتِي، وأَبْوَابُ الجَحِيْمِ لَنْ تَقْوى عَلَيْها." متى 16: 18

ومتل ما قال عبد المسيح ما هالشغلة الكتير مهمة ... مشكور رامي

كلام حلو وموزون هلا ,
لكن إذا هالعداء أمر طبيعي , فالسكوت عنو ما بقى طبيعي .
يعني لازم نبطل ناخد دور الحمل اللي بياكل كفوف على خدودو كل مرة وبيبرر الموقف بأن الرب قلو خليك عم تنضرب عطول .
القصة مو قصة متعلقة فقط بالبابا , لا أبداً .
القصة صارت عم تنسحب على حياتنا كلنا ,
أنا خدودي صراحة ما بقى تستوعب كف تاني .
مشان هيك بدي ضلني عم اعترض .
يعني السيد المسيح لما قال (( اذا ضربت على خدك الأيمن فحول الأخر ..))
الفكرة أنو اذا ضربت ..
مشان هيك ومشان ما عارض كلام ربي وإلهي : (( أنا ما رح خلي حدا يضربني على خدي الأيمن ,, مشان ما اضطر حولو الأخر ..))
منورة هلا

الأشجار المثمرة تلقى دائما بالحجارة
ولكن كما قال الرب يسوع "على هـــذه الصخـرة سأبنـى كنيستـي و ابــواب الجحيــم لـن تقــوى عليهـا "

للأمانة أنا متمني يكون هالرجال شجرة مثمرة حقاً .
كونه من مجتمع مقارب لمجتمعاتنا , وما عندو شي من النزعة الأوربية .
وأكيد لن تقوى عليها أبواب الجحيم , طال ما كنا واثقين بكلام الرب ...

منورة كندة

[Harmony]

رد: العداء المستمر للكنيسة

لا تاخد كلامي ع اني مؤمنة درجة اولى

بس شي طبيعي اله كلي المحبة يحكي انو من لطمك على خدك الايمن فحول له الاخر , يعني اكيد ما رح يقلي ان لطمك على خدك الايمن فقتله وقتل ذريه ابوه ..
ساعتا كنت رح اعرف من ثمار هيك آله انو مو آله .

بس مشكلتنا انو بنضخم صفة من صفات الاله مسلا المحبة و بننسى انو فيه صفة الحق والعدل قد صفة المحبة

ولما قال كونو كالحمل قال كونو حكماء كالافاعي
ولمى انلطم هو من دون سبب وبباطل , فجاوب كرمال يارجي انو هو ع حق
ولمى اللصوص والباعة حولوا بيتو لا مغارة لصوص , ما سكت .
ما استخدم سلاح بس استخدم الكلمة و الكلمة كانت تجيب نتيجة .. عالاقل كان ينعرف الحق من الباطل.

بس بدا الشغلة ايمان قد حبة الخردل .. انو اذا حدى لطمنا على خدنا الايمن هو بدو يحول خدو التاني آلو وما رح نتوجع .. واذا توجعنا رح يعزينا ..

بعدين مين جاب سيرة الاوربية

[RAMIKING]

رد: العداء المستمر للكنيسة

لا تاخد كلامي ع اني مؤمنة درجة اولى

بس شي طبيعي اله كلي المحبة يحكي انو من لطمك على خدك الايمن فحول له الاخر , يعني اكيد ما رح يقلي ان لطمك على خدك الايمن فقتله وقتل ذريه ابوه ..
ساعتا كنت رح اعرف من ثمار هيك آله انو مو آله .

بس مشكلتنا انو بنضخم صفة من صفات الاله مسلا المحبة و بننسى انو فيه صفة الحق والعدل قد صفة المحبة

ولما قال كونو كالحمل قال كونو حكماء كالافاعي
ولمى انلطم هو من دون سبب وبباطل , فجاوب كرمال يارجي انو هو ع حق
ولمى اللصوص والباعة حولوا بيتو لا مغارة لصوص , ما سكت .
ما استخدم سلاح بس استخدم الكلمة و الكلمة كانت تجيب نتيجة .. عالاقل كان ينعرف الحق من الباطل.

بس بدا الشغلة ايمان قد حبة الخردل .. انو اذا حدى لطمنا على خدنا الايمن هو بدو يحول خدو التاني آلو وما رح نتوجع .. واذا توجعنا رح يعزينا ..

بعدين مين جاب سيرة الاوربية

لا يوجد مؤمن درجة أولى ومؤمن درجة ثانية .
ولا يحق لأحد تصنيف المؤمنيين , فلا إنسان كامل ولا إيمان كامل .
كلامك جميل لا غبار عليه , العدالة حق لي كما حق لغيري .
مشكورة لمشاركتك المفيدة صديقتي ...

لكن لم تصلني فكرة ( مين جاب سيرة الأوربية )

[Harmony]

رد: العداء المستمر للكنيسة

كونه من مجتمع مقارب لمجتمعاتنا , وما عندو شي من النزعة الأوربية .

انت كتبت هيك .. وأنا وقت قريت قلت لحالي أنو شو قصدو ما فيه نزعة اوربية ..!
بس أنا كتبت ..مين جاب سيرة الاوربية ..لمجرد المزح .