الميلاد بين تقليد الناس وتدبير الكنيسة

[barbara]

• كلــُّـنا نتذكـَّر أنـَّه بدستور الإيمان، نقول هذه الجملة القصيرة « نزل من السَّـماء وتجسَّـد من الرُّوح القدس ومن مريم العذراء، وتأنـَّس » فالكنيسة إذن تعلـِّمنا بهذا التـَّعبير الإيمان الرَّسمي بولادة يسوع، والذي نقول عنه أيضا ً : عيد ميلاد ربـِّـنا وإلهنا ومخلـِّصنا يسوع المسيح.
• حدث الميلاد مرتبط أساسا ً بعيد آخر هو عيد الغطاس الذي يقع بعد 13 يوما ً من عيد الميلاد والذي نسميه (عيد ظهور ربِّـنا وإلهنا ومخلـِّصنا يسوع المسيح) هذين العيدين بمجموعهما يشكـِّلان مفهوما ً واحدا ً وهو (الظـُّهور الإلهيّ).
• من أجمل التـَّعابير الشعبيَّـة التي نسلـِّم فيها بعضنا على بعض نقول (الله معك)، (الله معنا)، (الله معكم) دائما ً نسلـِّم بهذا السَّلام، وهو حلو لا يجب أنْ نلغيه، بلْ يجب أنْ نحافظ عليه، إنـَّه تعبير من الكتاب المقدَّس، له مدلول على الميلاد المجيد : (الله معنا، مجيء الطـِّفل، الله معنا !!!)
• ولادة الرَّبِّ ومعموديَّـته يرتبطان بموته وقيامته. لماذا أتى يسوع ؟ لماذا وُلد ؟ وُلد لكي يُصلب ويَموت، أتى ليفتدينا، إذا ً ما أنْ نستقبل طفل المذود حتـَّى ندرك بأنـَّه أتى بهذا الخلاص الذي ينتـشلنا ممَّا نحن عليه، مما نحمله من خطايا، لكي يرفعها على الصَّـليب بموته، ويسمِّرها هناك. وُلد لكي يموت واعتمد لكي يقوم.
• العيد قبل كلِّ شيء هو عيد كنسيّ، فجميلٌ منـَّا أنْ نحياه لا كما يحياه العالم بلْ كما تحياه الكنيسة.
• الزِّينة حلوة ومقبولة ولنحافظ عليها إنْ كنـَّا نربطها الرِّباط الصَّحيح السَّـليم بما أتى عليه السيِّد المسيح، ليكون عيدنا عيدا ً روحيّا ً لا عيدا ً دنيويّا ً، أو عيدا ً وثنيّا ً. الميلاد هو ميلاد المسيح والعيد يخصّه هو ولا يخصّـنا نحن ولنعيِّد كما يريد المسيح لا كما نريد نحن، لا نستغلنَّ عيد الميلاد كي نقضي على المسيح، بعيد جديد نتبهرج فيه باسم صوريّ لا حضور لمضمون داخليّ له، ونقول بأنـَّـنا نحن نقيم عيد الميلاد بصورة صحيحة.
• لنكن كما المجوس عندما كرَّموا السيد المسيح. فلنكرِّمه نحن بجماليَّات ولكن أيضا ً بسجود كما سجدوا، وباحترام لائق أتوا إليه من مسافات بعيدة مخاطرين بحياتهم لكي يتبرَّكوا ساجدين وينقـلوا اسمه كمبشِّرين له لأماكن أخرى غير معروف هو فيها.
• بقدر ما يحيا الإنسان الفضيلة يحقُّ له أنْ يعمل ما يشاء، كلُّ شيء طاهر للطـَّاهرين، كلُّ شيءٍ صحيحٌ عندما يسكن المسيح قلوب المؤمنين.
• اسم القدِّيس نيقولاوس بالتـَّعليم الكنسيّ منذ القديم مقرون بالميلاد وكأنَّ الميلاد كونه ليكون ما هو عليه، فأنشدت له الكنيسة التـَّعظيم بما عاشه والمقارنة بطفل المذود مع العلاقة مع أمِّـنا العذراء مريم، فلهذا نشعر بأنَّ شخصيَّة بابا نويل التي تمثــِّل المسيح المعطاء وليس المهرِّج قائمة بشخص نيقولاوس الذي كان يحيا بهذه الصورة، بكونه كان صالحا ً ومحبّا ً ومضحِّيا ً ومعطاء. كان يُعطي الفرح للجَّميع كما بعونه للفقراء يقدم العون لكل مُحتاج.

المرجع :
الأرشمندريت يوحنـَّا التلــِّـي، النـّـشرة، السَّـنة السَّـابعة عشرة، العدد التــَّاسع، 2008، ص 9 ـ 14.

[christian.chaldean]

رد: الميلاد بين تقليد الناس وتدبير الكنيسة

موضوعك صائب d: خاصةً بهالأيام عم نعيّد وننسى سبب العيد.
ذكرتيني بحوار سمعتو بإدني بمتجر هون بلبنان بين تنين نسوان:
- ياي شو حلوة المغارة اللّي عنا بالبيت وما كلفت غير 1500 $
- بس!!!! لأنوأنا كلفتني 3000 $ وبصراحة ما عجبتني.
صرت عم فكر بدوري كم وكم من المشلوحين عَ الطريق وما حادا لاكشن وعاطين إهتمام ولا فرنك ما بيطلع من جيب هادول المدامتين.
المسيح صار إنسان..... ليرفع الإنسان ويصيرو إله

[Nayiry]

رد: الميلاد بين تقليد الناس وتدبير الكنيسة

عنجد في ناس حولو عيد الميلاد لمهزلة و شخصية بابا نويل كمان

اوقات بحس انو الانسان ما قدر يتغلب على غريزتو الي اتربى عليها من وقت وجودو لقدوم المسيح و يلي هي الوثنية
و لهلا الناس ما عم تقدر تتغلب على الوثنية الموجودة جواتن

شكرا عالموضوع

[barbara]

رد: الميلاد بين تقليد الناس وتدبير الكنيسة

شكرا كثير على مشاركاتكم
وهي هي المشكلة أنه صرنا نركز على القشور ونترك الجوهر معنى الميلاد والهدف الأساسي منه .

[ميشيل منصور]

رد: الميلاد بين تقليد الناس وتدبير الكنيسة

موضوع مهم بربارة و أنت تضعين يدك على الجرح .. لأن أكثر المسيحيين أصبحوا مسيحيين بالإسم و لا يعرفون من المسيحيية غير التعصب ... و يتعلقوا بالمظاهر و القشور و المجد الباطل و ينسون اللآلئ العميقة التي هي الدين الحقيقي .
مشكورة بربارة و الله يبارك و يسمع صلواتك

[barbara]

رد: الميلاد بين تقليد الناس وتدبير الكنيسة

شكرا كثير لمشاركتك, الرب يباركك وينور دربك .

[wissamnseir]

رد: الميلاد بين تقليد الناس وتدبير الكنيسة

مسا الخير
الله معكم
لازم دائماً الناس يعرفوا المعنى الحقيقي لعيد الميلاد
أما الشجرة و المغارة و الزينة فهي أشياء ثانوية بتعطي للعيد بهجة خاصة
عيد الميلاد عيد الفرح العظيم عيد ميلاد ملك المجد يسوع المسيح

[barbara]

رد: الميلاد بين تقليد الناس وتدبير الكنيسة

شكرا لمرورك أخ وسام , الرب يبارك حياتك

[majd123]

رد: الميلاد بين تقليد الناس وتدبير الكنيسة

يمكن اهم شي بعلمنا ياه الميلاد
هوة التواضع

ونحنا بكلشي عم نعملو
عم نبعد كتير عن مفهوم هاد العيد


من زينة جوا البيت وعالبلكون ومن حفلات ومن عزايم
و .....
بس طبعا منشان ما بعد كتير الواحد لازم يشوف القشة اول..
انا من جماعة السطر الاخضر بعرف انو شوي غلط
بس يمكن تعودنا على هالشي
صار غيابو يبين انو مافي عيد

مع محبتي

[Nayiry]

رد: الميلاد بين تقليد الناس وتدبير الكنيسة

مجد مو المشكلة بالشجرة او المغارة او العزايم
المشكلة هو لما منجرد هي المظاهر من المعاني يلي بتحملو
وقتها بتكون شغلة غلط

[عاشقة بلدي سوريا]

رد: الميلاد بين تقليد الناس وتدبير الكنيسة

عنجد عيد الميلاد أحلى عيد بالنسبة إلي
بحس هالعيد في سحر مو طبيعي
يعني شعور بيخلق جواتي ما قدرانة عبر عنو
لانو الأحساسيس مابيعبر عنا الكلام.
أهم شي إنو الرب يسوع هالسنة يولد بقلوبنا
و تكون بيوت دافية إلو و أنا أول وحدة بحاجة إنو الرب
يسوع يولد بقلبي و يجدد كل حياتي و يمنحني الراحة
اللي عنجد أنا بحاجة إلها.
الرب يباركك "باربرا" و ثانكس عالموضوع الحلو.

[barbara]

رد: الميلاد بين تقليد الناس وتدبير الكنيسة

Goth , majd , وعاشقة بلدي سوريا , شكرا كثير على مشاركاتكم الحلوة
وأنا مع أنه نحتفل يقدوم رب المجد يسوع المسيح بس المشكلة هي وقت تتحول هي الاحتفالات لمظاهر زائدة عن حدها هون بيكون العيد عم يفقد المعنى الروحي والأساسي له.

[majd123]

رد: الميلاد بين تقليد الناس وتدبير الكنيسة

مجد مو المشكلة بالشجرة او المغارة او العزايم
المشكلة هو لما منجرد هي المظاهر من المعاني يلي بتحملو
وقتها بتكون شغلة غلط

مهوة هون المشكلة
صار العيد بس غداء وسهة وكم حفلة رقص وتسالي
وزينة ما بعرف اديش عالبلكون و ... وبس

لا عم نفتح انجيل لا عم نصلي متل العالم والناس ولا...
بس كانو عيد لللتسالي وخالصة الحكاية...

Goth , majd , وعاشقة بلدي سوريا , شكرا كثير على مشاركاتكم الحلوة


وأنا مع أنه نحتفل يقدوم رب المجد يسوع المسيح بس المشكلة هي وقت تتحول هي الاحتفالات لمظاهر زائدة عن حدها هون بيكون العيد عم يفقد المعنى الروحي والأساسي له.

هاد يلي عم يصير مع الاسف