للأسف فوتو كوبي

[Monster18]

رد: للأسف .. فوتو كوبي

بيجوز انت ما فهمت فكرتي منيح انا مع الموضة
و لكن انا مو مع تقليد الفنانين و المشهورين ( بلبسهن و عمليات تجميلهن و قصة شعرهن و حركاتهن )
لك المشكلة مو بسن المراهقة بنلاقي هالشي كمان في ناس تعدوا السن و لكن للاسف
هاد بيضعف من شخصية الشباب المسيحي

ميرسي لردك حبيبنا و الرب يباركك

ninos أخوي
ركز معي شوي بليز
أنت فكرت بي ردي كويس؟ وحياتك انا فهمان عليك وعلى فكرتك.
بليز وبليز رجاع دقق بي ردي الأول.
وخاصة بلأخر .
ومعلش رح ارجع اقلك كمان مرة ان تقليد الفنانين و المشهورين بلبسهن و عمليات تجميلهن و قصة شعرهن و حركاتهن لا بيضعف من الأيمان ولا شي ولا من شخصية الشب المسيحي .
الشخصية هي "المخ" مو الشكل.
يعني ما تخلينا نحكي ونكبرها اكتر يا روحي !
اي في كل واحد لا اله علاقة بلفن ولا شي وبعيد عن هي الأشكال واذا بتدخل جواته بتشوف بده تأهيل من أول وجديد للديانة المسيحية. يا ريت ترجع انت وكل واحد بدو يرجع يرد يدقق بي ردي الأول ...
ويسعد مساك

[shark]

رد: للأسف فوتو كوبي

موضوع كتير حلو متل ما عودتنا ياغالي ..
صراحة أنا رح أحكي عن شي نحن ألي ببلاد الغربه عم نستغربلو كتير وألي هوي
تقليد الشباب والصباية في سوريا للغرب لابعد درجي يعني عم شوف صور عن شبابنا لابسين فيا تياب و مقلدين عالم حتى الغرب نفسو ينظرلن نظرة دون .. ونحن العرب ألي بلغرب اذا حدا مننا (نادر ما تصير) قلدن نعتبرو شاذ أخلاقي وبنكون محافظين كتير تجاه هيك اشيا لانو بنعرف مين هني هل عالم وشو بيعملو بلمقابل بسورية بنشوف هل شي منتشر ومحبب للشباب ..

[Nayiry]

رد: للأسف فوتو كوبي

عفوا نينوس.....

following christ doesn't mean following his followers

و بنفس الطريقة following fashion doesn't mean following it's followers

بهي بس بدي اعطيك مثال لانو نحن بالحجياة بكلشي متل سفينة
اتصور انو لكل شخص سفينة هو بقودها ببحر الحياة
يمكن انا اختار انو السفينة يلي انا عم ابحر فيها( بالحياة) تكون حمرا...مع انو اغلب السفن يلي معي لونن خضر
اكيد لون سفينتي بدها تشد انتباه باقي السفن الخضر" بس مو ضروري يكون هدفي اني شد انتباهن"
و بنفس الوقت اكيد في غيري كمان ناس لون سفينتن احمر..يمكن عملوها حمرا قبلي او بعدي
بس هي كمان ما بتعني انو انا قلدتن او هنن قلدوني...
و اصحاب السفن الخضر" يلي ما حدا عم يتهمن بتقليد بعض" انو يتهمو اصحاب السفن الحمر بتقليد بعض ما؟


انا لما شوف مراهق عم يقلد بريتني سبيرز او افريل لافين ما بلومن ليش؟
لانو اي جيل و اي فترة عمرية المراهقين بدن يقلدو the role model يلي بكونو علااغلب ناس مشهورين و محبوبين يعني شي عادي بدكن ياهن يلبسو غلابية بيضة طويلة و يغطو راسن و يحومو بين الناس هيك مثلا؟؟؟؟؟
لو كنا بزمان المسيح كنت بقلكن اي...لانو حتى زماناتها الموضة كانت هيك! ما كان في بنطلون وقتها حتى حتى الشباب ما كانو بلبسو بناطيل!


انا تماما مع انو كل شخص يكون عندو ستايل خاص فيه و اوريجينال بس يا عمي الله حط بكل شخص شغلة
و في ناس خلقن مشان يبتكرو ستايلات جديدة و اواعي جديدة و في ناس خلقن مشان يكتسبو من هالناس هالستايل و الملابس

لكل شخص الله عطاه مواهب و قدرات مختلفة و وظيفة الانسان انو يشاركها مع بقية العالم
انا ما بقدر جيب اتنين واحد صاحب ملايين و واحد ما معو قرش
و حاسب الاتنين بنفس الميزان!!!!!!

ما؟
بالنهاية اذا انا بدي روح ورا المسيح مو ضروري البس متل مريم العذراء و حط صليب من دهب 24/7 و اعمل حالي قديسة القديسين و حكيي يكون منمق كاني راهبة او شي
الايمان بالقلب مو بالمظاهر....حتى المسيح قال" لا تكونو متل القبور المبيضة من الخارج"

[SUZEE]

رد: للأسف فوتو كوبي

موضوع جميل جدا ..
ولكن أنا برأي وكما يقال : الدين بالعروق وليس بالخروق ( اللباس)
يعني اذا انسان ما اقتبس من نجمه المحبوب شي شغلة عجبته سواء كان مراهق أو ناضج وين المشكلة؟؟؟وين تعارضها مع الدين ؟؟
مثلا يوجد الكثير من عروض الأزياء اذا فتاة ما قلدت عارضة ما بفستانها وتسريحة شعرها ومكياجها لا يعني أنها ابتعدت عن الدين...
طول هذه الخطوط خضراء ولا مشكلة فيها ..أما أن يخضع الانسان عموما شاب أو فتاة لعمليات تجميل جراحية ليكون نسخة عن فنان معين فهذا مرفوض تماما......
شكرا نينوس ..
رااااااااااااااائع

[civilknight]

رد: للأسف فوتو كوبي

"لِذلِكَ أَقُولُ لَكُمْ: لاَ تَهْتَمُّوا لِحَيَاتِكُمْ بِمَا تَأْكُلُونَ وَبِمَا تَشْرَبُونَ، وَلاَ لأَجْسَادِكُمْ بِمَا تَلْبَسُونَ. أَلَيْسَتِ الْحَيَاةُ أَفْضَلَ مِنَ الطَّعَامِ، وَالْجَسَدُ أَفْضَلَ مِنَ اللِّبَاسِ؟٢٦اُنْظُرُوا إِلَى طُيُورِ السَّمَاءِ: إِنَّهَا لاَ تَزْرَعُ وَلاَ تَحْصُدُ وَلاَ تَجْمَعُ إِلَى مَخَازِنَ، وَأَبُوكُمُ السَّمَاوِيُّ يَقُوتُهَا. أَلَسْتُمْ أَنْتُمْ بِالْحَرِيِّ أَفْضَلَ مِنْهَا؟٢٧وَمَنْ مِنْكُمْ إِذَا اهْتَمَّ يَقْدِرُ أَنْ يَزِيدَ عَلَى قَامَتِهِ ذِرَاعًا وَاحِدَةً؟٢٨وَلِمَاذَا تَهْتَمُّونَ بِاللِّبَاسِ؟ تَأَمَّلُوا زَنَابِقَ الْحَقْلِ كَيْفَ تَنْمُو! لاَ تَتْعَبُ وَلاَ تَغْزِلُ.٢٩وَلكِنْ أَقُولُ لَكُمْ: إِنَّهُ وَلاَ سُلَيْمَانُ فِي كُلِّ مَجْدِهِ كَانَ يَلْبَسُ كَوَاحِدَةٍ مِنْهَا.٣٠فَإِنْ كَانَ عُشْبُ الْحَقْلِ الَّذِي يُوجَدُ الْيَوْمَ وَيُطْرَحُ غَدًا فِي التَّنُّورِ، يُلْبِسُهُ اللهُ هكَذَا، أَفَلَيْسَ بِالْحَرِيِّ جِدًّا يُلْبِسُكُمْ أَنْتُمْ يَا قَلِيلِي الإِيمَانِ؟٣١فَلاَ تَهْتَمُّوا قَائِلِينَ: مَاذَا نَأْكُلُ؟ أَوْ مَاذَا نَشْرَبُ؟ أَوْ مَاذَا نَلْبَسُ؟٣٢فَإِنَّ هذِهِ كُلَّهَا تَطْلُبُهَا الأُمَمُ. لأَنَّ أَبَاكُمُ السَّمَاوِيَّ يَعْلَمُ أَنَّكُمْ تَحْتَاجُونَ إِلَى هذِهِ كُلِّهَا.٣٣لكِنِ اطْلُبُوا أَوَّلاً مَلَكُوتَ اللهِ وَبِرَّهُ، وَهذِهِ كُلُّهَا تُزَادُ لَكُمْ.٣٤فَلاَ تَهْتَمُّوا لِلْغَدِ، لأَنَّ الْغَدَ يَهْتَمُّ بِمَا لِنَفْسِهِ. يَكْفِي الْيَوْمَ شَرُّهُ.




نينوس ....

[كلك حلا]

رد: للأسف فوتو كوبي

حلو الموضوع وانا مع انو الشخص يكون عندو شخصيتو وعقليتو ومو غلط نتشبه بحدا بس يكون هالحدا ايجاباتو اكتر من سلبياتو يعني نتشبه بالشي اللي منيح فيه مو بكل شي .

ميرسي الك

[Iden]

رد: للأسف فوتو كوبي

شكرا ياغالي عل الموضوع القيم
بالنسبة للتقليد اذا كان مراهق يعني مابنلومو لانو مو ناضج واكيد ميولو تكون نحو الفنانين
بس اذا كان ناضج وانا كتير بشوف هل الحالة كتير بنات يتفاخرو ويعملوا المستحيل بس حتى يقلدوا هيفا واليسا و نانسي .. و ...
فأنا برأيي اتصور هني غلطانين لان كل واحد منا خلقو الله بجمال طبيعي مميز يختلف عن التاني
انا كتير ناس بيشبهوني ب 3 مغنين مو واحد بس ابدا ما بيسعدني هل الشي
واخر شي وحدة قالتلي اشبه رامي عياش قلتلا لا ميرسي هو الي يشبهني لان انا اكبر منو
انا بحب اكون مميز مثل ما الله خلقني كطبيعتي
وبالنسبة للموضة انا كتير بحبا ومابقلد حدا الشي الي بحبو البسو واعملوا اذا ارتاحيت الو ...
وشي ثاني بعرف انو الموضوع عن التقليد بس ليش الاستفتاء عن الموضة ؟؟؟
وبالنسبة للمسيحية اتصور هي بالقلب مو بالملابس وتصفيفة الشعر
وبالاخر كل واحد حر بنفسو مانقدر نجبر ناس تعمل شي بأرادتنا نحنا
راح يجي يوم يملوا ويرجعوا لطبيعتن
ميرسي
اه نسيت قول شي هو
انا بحب الفنانين لفنهم وليس لشخصيتهم

[The D.I.S]

رد: للأسف فوتو كوبي

حابب أحكي عن المشهورين والموضة
الموضة بتخلق بالمشاهير .... ليش ؟؟
لأن لتمشي الموضة بدا دعاية وهالدعاية لازملا شخصية محببي ولديها جمهور
مطرب محبوب .... لاعب كرة قدم ... ممثل مشهور .إلخ

هلأ هون طلت الموضة الجديدة بالتياب او بغير اشيا كل شخص ليواكب هالموضة لازم يختار الشيء يلي بناسبو كمظهر خارجي عم نحكي .
يعني أنا ما بحسن هلأ مشط شعري بطريقة عبد الحليم حافظ لأن ماخرج حتى انو ما بتلبقلي هي مثال .
ولا بحسن اعمل شعري من الفيس بريسلي ... مع انو الفيس برسلي بعصرو كان قمة .
الموضة بتخلق بشخصية مشهورة مابحسن كون متل سنة الستينات او السبعينات انو اعمل سوالفي جزمي مع انو ايام بترجع موضة الستينات والسبعينات وبتصير شيء عادي انو الشخص يعملو .
فكرتي انو المشاهير هني يلي بيعملو الموضة لأول مرة والناس بتصير تمشي على هي الموضة
منجي عليها كمثال تكنلوجياً ... ما بيحسن الشخص هلأ ما يواكب التكنلوجيا ويكتفي بالشيء القديم لازم يجدد .... هالشي ما بضر لا دينيا ولا غيرو .
الاعتراض بتم على شخصيات بتعمل تميز بحالها لحتى تلفت النظر حتى لو كان لفت النظر عليه للسخرية وهون الغلط يلي عم يرتكبوه المراهقين عامتا والقليلين من الغير مراهقين .. وهو الهدف منه لفت الانتباه فقط .

أنا هلأ بطول شعراتي ... بتقلي ليش مطول شعرك طالع متل ومتل بقلك المسيح كان مطول شعراته عم اتمثل فيه .
أيام بطلع على الشعب الباكستاني الذي زيهم يكون مثل هالصورة



الشعب الباكستاني ما عندو مشكلة فيه بس انا ما بحسن اتقبل حالي او شوف حالي لابس هيك ... أو لابس غلابية .
مع انو الباس الباكستاني مطابق للباس المسيح ... وشعب ما بيهتم بالمظهر الخارجي بتاتاً
بس انا ما بحسن كون متلون .
بقا الموضة اجباري رح تبلش من مشاهير وهالشي ما بكون تقليد
هالشي بكون للدعاية ولأنو مشهور الكل بشوف الموضة الجديدة من خلاله
هادا الشي يلي بدي وصلو وشكرا الك نينوس على تقبل حكيي وما قصدي التجريح لشخصك ولا تواخذني اذا حسيت من ردي اي تهجم بشكرك مرة تاني

[كليوبترا]

رد: للأسف فوتو كوبي

انت شيء آخر لم يسبق لك في التاريخ مثيل
ولن يأتي مثلك في الدنيا شبيه

انت مختلف تماما عن زيد وعمرو فلا تحشر نفسك
في سرداب التقليد والمحاكاة والذوبان

انطلق على هيئتك وسجيتك ..

عش كما خلقت

لا تغير صوتك ولاتبدل نبرتك ولا تخالف مشيتك

هذب نفسك .. ولكن لا تلغي وجودك وتقتل استقلالك

انت لك طعم خاص ولون خاص

نريدك أنت بلونك هذا وطعمك هذا .. لانك خلقت هكذا وعرفناك هكذا

الذوبان في الغير انتحار ..
تقمص صفات الاخرين قتل مجهز

فارضَ بما عندك من موهبة
استثمرها ونمها وقدمها وانفع بها

إن التقليد الأعمى والانصهار المسرف في شخصيات الاخرين وأد للموهبة
وقتل للإرادة وإلغاء متعمد للتميز والتفرد المقصود من الخليقة.

ببساطة كل مين بقلد غيرو شخصيتو ضعيفة ومالو ثقة بنفسو .

مشكور نينوس عالموضوع المميز

[كليوبترا]

رد: للأسف فوتو كوبي

بحب ضيف شغلة واللي هية

أنا شفت بعض الردود محتواها بكون جملة (هيدي أسما حرية شخصية)

أكيد اسما حرية شخصية وكل المعارضين عن تقليد الغير أكيد مانون عم يحاكمو يللي مع هيدا الشي بس المفروض اللي بشوف الغلط او بالأحرى بنظرو غلط وباعتبار انفتح مجال للنقاش فكل واحد فينو يحكي وجهة نظرو وهيدي هية كل القصة ما حدا عم يغصب حدا


بالنهاية كل شي هيك تبادل وجهاة النظر والاستناد على وجهة نظر واحدة معينة
ومشان النقاش يكون مفيد ويعطي نتيجة مفيدة

(ليس الغلط أن نعود أدراجنا إن علمنا أننا مخطئين بل الغلط هو الإستمرار بفعل الغلط )

[Monster18]

رد: للأسف فوتو كوبي

(We Didn't Start The Fire)

[Nayiry]

رد: للأسف فوتو كوبي

الغلط او الصح بهي الشغلة امر نسبي

[ninos]

رد: للأسف .. فوتو كوبي

ninos أخوي
ركز معي شوي بليز

أنت فكرت بـــ ردي كويس؟ وحياتك انا فهمان عليك وعلى فكرتك.
بليز وبليز رجاع دقق بي ردي الأول.
رجعت
وخاصة بلأخر .
اي
ومعلش رح ارجع اقلك كمان مرة ان تقليد الفنانين و المشهورين بلبسهن و عمليات تجميلهن و قصة شعرهن و حركاتهن لا بيضعف من الأيمان ولا شي ولا من شخصية الشب المسيحي .
الشخصية هي "المخ" مو الشكل.
معلش ما رح ارجع معك من الاول
رح بلش معك من هون
حبيب في الحياة المسيحية في شي اسمو اوليات و قدوة و روحية
المسيح بيقول لاتهتموا لأجسادكم بما تلبسون ......
طبعا لا تفهمني غلط دخيل عينك
اكيد ما بيقصد انو تبقوا مشلحين
بيقصد انو ما تطغى فكرة اللبس على جوهرنا المسيحي و ما تكون هي اولية تفكيرنا

و من شان موضوع الشخصية
صح الشخصية هي المخ و نستدل عليها بالشكل حتى
فمثلا انت تجد شخص رزين و خطواته هادئة فتقول عنو
انو شب واعي و مو طايش
و بتشوف شب همجي و بيحكي كتير حكي تافه بتقول عنو شب
طايش
يعني ما تخلينا نحكي ونكبرها اكتر يا روحي !
اي في كل واحد لا اله علاقة بلفن ولا شي وبعيد عن هي الأشكال واذا بتدخل جواته بتشوف بده تأهيل من أول وجديد للديانة المسيحية.
هاد مالو علاقة بموضوعنا
يا ريت ترجع انت وكل واحد بدو يرجع يرد يدقق بي ردي الأول ...
ويسعد مساك

دققت حبيب و رح ارجع قلك
ليش دائما نحكي عن سن المراهقة انو هو سن الفلتان
يعني ليش بنعتقد انو بسن المراهقة هو مرحلة سلبية بحياة الانسان و انو كل شخص لازم يعيشها

ليش ما بناخد المراهقة كمرحلة ايجابية لنمو تفكير المراهق و ارتقائه نحو الافضل
ليش لنقيم فترة المراهقة هي الانحدار نحو تقليد المجتمع الغربي

و ليش اللمراهق ليقضي فترة من حياته بالأنخراط نحو عادات مجتمع تحتلف عن عادات مجتمعه
ويا ريت لو اخد المراهق من المجتمع الغربي الشي المفيد

[Monster18]

رد: للأسف .. فوتو كوبي

ويا ريت لو اخد المراهق من المجتمع الغربي الشي المفيد

[ninos]

رد: للأسف فوتو كوبي

نينوس هي طبيا بيستمر الشخص لسن التلاتين بالمراهقة من اهلو و هنن السبب و السبب الاكبر هو عدم ترك الولد يعتمد لنفسو مشان يمر بمرحلة اسمها تحمل المسؤولية و يصير يتحمل مسؤولية يعني اغلب الاحيان الاهل بيركضو مشان الولد و هو قاعد لا شغلة و لا عملة و هي الحالات بتصير مع ولاد الاغنياء اكتر شي بتلاقي لساتو طايش لعمر التلاتين


يمكن الاهل بتوقع على عاتقهن مسؤولية لفترة معينة عن تصرفان ابنائهن
بس ما بعد 18 بيكون المراهق هو مسؤول عن تصرفاتوبشكل كامل
المشكلة انت عم بتقيد التقليد بفترة المراهقة و لكن انا ما بقيده بعمر او فترة معينة
او بوضع مادي معين

اما الناس الفقراء فالحالات هي عندهن نادرة جدا و مرحلة النضوج بتكون مبكرة حتى في احصائيات بتقول انو عمر 13 بيكون ناضج و خاصة اذا عم يشتغل


متوسطي الحال هنن الناس الاكثر استقرار فالنضوج العقلي بيترافق مع النضوج الجسدي
مو دائما
و بيضل بالنهاية عامل اسمو المجتمع



المصدر كتاب طب الاطفال سنة ثالثة طب بشري للبروفيسورا يليانا فلاديميرافنا

لعما حافظ درسي انا

شطور
100/100
احسنت وفقك الله يا بطل
ثابر إلى الامام