Tweet
مرحبا اول شي
انا بنت فلسطينية مسلمة،مابدي حدن يتدايئ من وجودي لاني ماني جاية احكي شي غلط لا سمح الله او دايئ او جرح حدن.
انا اللي كتير رفئات مسيحيات وبنحب بعض كتير وحتى لما بنتنائش بالدين بنوصل دايما لنئطة اتفائ والحمدلله رفئتنا حلوة ودايما سوا.
انا ما اجيت هون من فراغ،انا عمحس انو في بعض المسيحيين والمسلمين بيتعاملوا وكانن اعداء او ما بعرف كيف يعني،اليوم كنت عمبتصفح اليوتيوب فلائيت فيديو لشب من ستار اكاديمي اسمو رامي الشمالي بيحكي انو متوفي وطبعا هو مسيحيزولما نزلت لحتى شوف الردود تفاجئت انو المسلمين والمسيحيين عاملين خنائة والكل عميسب عالتاني وضيعو الموضوع الاساسي واللي هو موت هادا الشب "الله يرحمو ".
انا كتير تدايئت وستفزووني لانو كل واحد عميئول انو دينو بيدعو للاخلائ وولا واحد فيون كان عندو اخلائ بالتعامل مع التاني.يلي بيئول محمد دجال وشاعر وعجهنم ومدري شو والتاني بيئول ما بيصير نترحم على نصراني وبيحكو حكي وسخ وما بيليئ بناس بتأمن بالله.
نحنا كلنا اخوة وبنعبد رب واحد ويلي هو الله سيدنا محمد وسيدنا عيسى وسيدنا موسى (عليهن السلام) كلن انبيا من عندو والانجيل والتوراة والقرآن هني كتب من عندو.من اركان ايماني اني كون مآمنة بكل الكتب وبكل الرسل لحتى كون مآمنة بالله وبوجودو.
انا ئريت الانجيل وبصراحة ما لئيت في فروئ كبيرة بينو وبين القرآن وهادا شي طبيعي لانو الله مو معئول ينزل كتب سماوية فيا حكي بيتعارض مع بعضو. يمكن انا الوحيدة بهالدنيا يلي بحكي هالحكي ويمكن انا من وجهة نظر المسيحيين او المسلمين يلي بشرحلن افكاري اني وحدة غريبة.
يلي بدي ئووولو انو لازم نكون ايد وحدة طالما نحنا بنوحد الله وبنعبدو مافي فرء بين مسيحي ومسلم كلنا بشر وما حدن بيعرف شو مكتوبلو وشو مصيرو بالاخرة كل العلم عند الله.
وبما انو هونا لمنتدى المسيحي فبالغالب رح تكونو كلكن مسيحيين كرمال هيك بدي ئلكن انو ما تسدئو اي مسلم بييجي وبيئلكن انتو كفرة وانتو ما بعرف شو ومو ضروري كل مسلم بيحكي بيكون بيحكي باسم الاسلام او حتى بيفهم شو في بالقرآن.بتلائيه ما بيفتح يئرا القرآن الا بالمناسبات وبييجيلك بيصير يشرع ويفتي بالدين على كيفو.المسيحيين متلن متلنا يعتبروا من اهل الكتااب وعنجد انا كتير بدايئ لما بشوف ناس بتشوه صورة الاسلام بسبب جهلا او مسيحيين بيشوهوا صورة المسيحية.
مو كل الشيوخ المسلمين يلي بيطلعو بيحكو عن دينا بيكونوا بيفهموا الدين صح كرمال هيك انا بحكي لكل المسلمين ولكل المسيحيين انو يعرفو لمين يسمعو سواء شيخ او قمص او قديس ما يسمع لمين ما كان لانو هدول بشر مانن انبيا ومانن معصومين من الغلط.
انا برأيي انو لازم المسيحيين والمسلمين بدال ما يعملو هالخنائات ومدامن التنين بيعبدوا الله وبيوحدوا يروحوا يخلو يلي بيعبدوا الاوثان والاصنام والشمس والبئرة ومدري شي يخلوون يآمنوا بوجود الله
نحنا محتاجين نكون ايد وحدة لحتى ننشر الايمان بئلوب الناس يلي لهلأ ما بتعرف الله ولا بتآمن بوجودو
بعض المسلمين ممكن ينظروا للمسيحيين عاساس يلي بيشوفوا من الاجانب "على اعتبار انو الاجانب مسيحيين وطبعا هنن مانن هيك هنن علمانيين" فيفهموا الدين المسيحي غلط والعكس كمان بعض المسيحيين بينظروا للمسلمين عاساس تنظيم القاعدة وطالبان والجامعات يلي بتخطف الناس وبتئتلن باسم الاسلام ومدري شو.
لازم يكون في توعية من الطرفين لحتى ننشر المحبة والتسامح بينا لانو الله بيحب المحبة ودعانا للتسامح والسلام بين بعض مو للكره والحقد.وانا بعتبر انو يلي مآمن بوجود الله لازم ياخد بكل شي نزلو الله وما يكفر حدن لانو مو هو يلي بيقرر مين كافر ومين مؤمن الله وحدة بيعلم شو جواة البني ىدم وهو يلي رح يحاسبو.
لا المسيحي رح يحاسب المسلم ولا المسلم رح يحاس المسيحي.كلنا من لحم ودم وكلنا بشر.وعالائل مراعاة ل "الله" وللانبيا لازم يكون في احترام بيناتنا.
نشالله ما كون طولت عليكن بس انا عنجد نئهرت كتير اليوم وحبيت انئل فكرتي
انا بنت معتدلة لاني متزمتة ولاني منفتحة ونشالله كلنا بنلتئي بالجنة والله يحفظنا ويحمينا من كل شر ياااارب.
اي رد رح اتئبلو بكل راحة ومحبة لانو انتو اخواتي واخواني بالنهااية
يسلمو
انا بنت فلسطينية مسلمة،مابدي حدن يتدايئ من وجودي لاني ماني جاية احكي شي غلط لا سمح الله او دايئ او جرح حدن.
انا اللي كتير رفئات مسيحيات وبنحب بعض كتير وحتى لما بنتنائش بالدين بنوصل دايما لنئطة اتفائ والحمدلله رفئتنا حلوة ودايما سوا.
انا ما اجيت هون من فراغ،انا عمحس انو في بعض المسيحيين والمسلمين بيتعاملوا وكانن اعداء او ما بعرف كيف يعني،اليوم كنت عمبتصفح اليوتيوب فلائيت فيديو لشب من ستار اكاديمي اسمو رامي الشمالي بيحكي انو متوفي وطبعا هو مسيحيزولما نزلت لحتى شوف الردود تفاجئت انو المسلمين والمسيحيين عاملين خنائة والكل عميسب عالتاني وضيعو الموضوع الاساسي واللي هو موت هادا الشب "الله يرحمو ".
انا كتير تدايئت وستفزووني لانو كل واحد عميئول انو دينو بيدعو للاخلائ وولا واحد فيون كان عندو اخلائ بالتعامل مع التاني.يلي بيئول محمد دجال وشاعر وعجهنم ومدري شو والتاني بيئول ما بيصير نترحم على نصراني وبيحكو حكي وسخ وما بيليئ بناس بتأمن بالله.
نحنا كلنا اخوة وبنعبد رب واحد ويلي هو الله سيدنا محمد وسيدنا عيسى وسيدنا موسى (عليهن السلام) كلن انبيا من عندو والانجيل والتوراة والقرآن هني كتب من عندو.من اركان ايماني اني كون مآمنة بكل الكتب وبكل الرسل لحتى كون مآمنة بالله وبوجودو.
انا ئريت الانجيل وبصراحة ما لئيت في فروئ كبيرة بينو وبين القرآن وهادا شي طبيعي لانو الله مو معئول ينزل كتب سماوية فيا حكي بيتعارض مع بعضو. يمكن انا الوحيدة بهالدنيا يلي بحكي هالحكي ويمكن انا من وجهة نظر المسيحيين او المسلمين يلي بشرحلن افكاري اني وحدة غريبة.
يلي بدي ئووولو انو لازم نكون ايد وحدة طالما نحنا بنوحد الله وبنعبدو مافي فرء بين مسيحي ومسلم كلنا بشر وما حدن بيعرف شو مكتوبلو وشو مصيرو بالاخرة كل العلم عند الله.
وبما انو هونا لمنتدى المسيحي فبالغالب رح تكونو كلكن مسيحيين كرمال هيك بدي ئلكن انو ما تسدئو اي مسلم بييجي وبيئلكن انتو كفرة وانتو ما بعرف شو ومو ضروري كل مسلم بيحكي بيكون بيحكي باسم الاسلام او حتى بيفهم شو في بالقرآن.بتلائيه ما بيفتح يئرا القرآن الا بالمناسبات وبييجيلك بيصير يشرع ويفتي بالدين على كيفو.المسيحيين متلن متلنا يعتبروا من اهل الكتااب وعنجد انا كتير بدايئ لما بشوف ناس بتشوه صورة الاسلام بسبب جهلا او مسيحيين بيشوهوا صورة المسيحية.
مو كل الشيوخ المسلمين يلي بيطلعو بيحكو عن دينا بيكونوا بيفهموا الدين صح كرمال هيك انا بحكي لكل المسلمين ولكل المسيحيين انو يعرفو لمين يسمعو سواء شيخ او قمص او قديس ما يسمع لمين ما كان لانو هدول بشر مانن انبيا ومانن معصومين من الغلط.
انا برأيي انو لازم المسيحيين والمسلمين بدال ما يعملو هالخنائات ومدامن التنين بيعبدوا الله وبيوحدوا يروحوا يخلو يلي بيعبدوا الاوثان والاصنام والشمس والبئرة ومدري شي يخلوون يآمنوا بوجود الله
نحنا محتاجين نكون ايد وحدة لحتى ننشر الايمان بئلوب الناس يلي لهلأ ما بتعرف الله ولا بتآمن بوجودو
بعض المسلمين ممكن ينظروا للمسيحيين عاساس يلي بيشوفوا من الاجانب "على اعتبار انو الاجانب مسيحيين وطبعا هنن مانن هيك هنن علمانيين" فيفهموا الدين المسيحي غلط والعكس كمان بعض المسيحيين بينظروا للمسلمين عاساس تنظيم القاعدة وطالبان والجامعات يلي بتخطف الناس وبتئتلن باسم الاسلام ومدري شو.
لازم يكون في توعية من الطرفين لحتى ننشر المحبة والتسامح بينا لانو الله بيحب المحبة ودعانا للتسامح والسلام بين بعض مو للكره والحقد.وانا بعتبر انو يلي مآمن بوجود الله لازم ياخد بكل شي نزلو الله وما يكفر حدن لانو مو هو يلي بيقرر مين كافر ومين مؤمن الله وحدة بيعلم شو جواة البني ىدم وهو يلي رح يحاسبو.
لا المسيحي رح يحاسب المسلم ولا المسلم رح يحاس المسيحي.كلنا من لحم ودم وكلنا بشر.وعالائل مراعاة ل "الله" وللانبيا لازم يكون في احترام بيناتنا.
نشالله ما كون طولت عليكن بس انا عنجد نئهرت كتير اليوم وحبيت انئل فكرتي
انا بنت معتدلة لاني متزمتة ولاني منفتحة ونشالله كلنا بنلتئي بالجنة والله يحفظنا ويحمينا من كل شر ياااارب.
اي رد رح اتئبلو بكل راحة ومحبة لانو انتو اخواتي واخواني بالنهااية
يسلمو
.gif "Icon (12)")
.gif "Icon (19)")
.gif "Icon (33)")
Comment