سؤال كتير بحيرني بدي المساعدة لجوابو

[ANTON]

نحنا بنعرف أنو يهوذا الأسخريوطي هوي يلي سلم المسيح لليهود
وموت المسيح على الصليب شيء لا بد منه ومكتوب منذ الأزل
يعني لو ماكان يهوذا سلم المسيح كان رح يكون شخص أخر مختار من الله ليقوم بالمهمة
وسؤالي هل نعتبر يهوذا الأسخريوطي كافرا" وخاطئ بالمسيح
أم هو مسير بأمر الله ليتمم رسالة المسيح وبالتالي
فهو ليس بخاطي::::::::::؟؟؟؟؟؟؟



بتمنى الأجابة عالسؤال لأخلص من حيرتي؟؟؟

[طحبوش]

رد: سؤال كتير بحيرني بدي المساعدة لجوابو

ما في انسان مسير كلو مخير
يعني المهم الله بيعرف انو يهوذا بدو يسلم المسيح
و الله بيعرف كل شي بدو يصير معنا بس ما بيتحكم فينا
ما حدا بيجبرك بتخطئ
انت باختيار نفسك بتخطئ


في شي مرة انت انجبرت شي ؟؟؟

الله بيعرف كل شي لكن ما بيسير حدا تاركلنا الحياة مخيرين

يهوذا خاطئ
في المسيحية لا يوجد مفهوم كافر يوجد مؤمن و غير المؤمن
الرجاء عدم التشرب من الثقافات الي حوالينا

يهوذا خاطئ

و لا يوجد شيء في المسيحية اسمو كافر في غير المؤمن
لفظة البق و محترمة و انسانية اكثر

[مسيحيه من فلسطين]

رد: سؤال كتير بحيرني بدي المساعدة لجوابو

كما جاء بالكتاب بالانجيل المقدس :

26: 20 و لما كان المساء اتكا مع الاثني عشر
26: 21 و فيما هم ياكلون قال الحق اقول لكم ان واحد منكم يسلمني
26: 22 فحزنوا جدا و ابتدا كل واحد منهم يقول له هل انا هو يا رب
26: 23 فاجاب و قال الذي يغمس يده معي في الصحفة هو يسلمني
26: 24 ان ابن الانسان ماض كما هو مكتوب عنه و لكن ويل لذلك الرجل الذي به يسلم ابن الانسان كان خيرا لذلك الرجل لو لم يولد
26: 25 فاجاب يهوذا مسلمه و قال هل انا هو يا سيدي قال له انت قلت
: 2 فاوثقوه و مضوا به و دفعوه الى بيلاطس البنطي الوالي
27: 3 حينئذ لما راى يهوذا الذي اسلمه انه قد دين ندم و رد الثلاثين من الفضة الى رؤساء الكهنة و الشيوخ
27: 4 قائلا قد اخطات اذ سلمت دما بريئا فقالوا ماذا علينا انت ابصر
27: 5 فطرح الفضة في الهيكل و انصرف ثم مضى و خنق نفسه
يهوذا ندم ندما شديدا وارجع الفضة الى رؤساء الكهنة وخنق نفسه لانه سلم دم بريء , في نفس الوقت المسيح كان يعرف ان هناك احدا هيسلمه وقال ويل لذلك الرجل الذي به يسلم ابن الانسان كان خيرا لذلك الرجل لو لم يولد , فالمسيح هو وحده الذي يحاسب ويعرف وهو مسامح
اتمنى جوابي مقنع وشكرا كتير على السؤال المنطقي

[فيروز]

رد: سؤال كتير بحيرني بدي المساعدة لجوابو

ان شاء الله وصل الجواب

[roma]

رد: سؤال كتير بحيرني بدي المساعدة لجوابو

كلام مسيحية صح
يعني السيد المسيح قال ويل للذي يسلمني وبوقتها أتنبا انه يهوذا هو الي رح يسلمه

بس طبعا الانسان مخير وليس مسيرا هي معروفة بالمسيحية

[ANTON]

رد: سؤال كتير بحيرني بدي المساعدة لجوابو

شكرا" شباب عالمرور
كلامكم صح وعلى راسي بس القصد من كلامكم أنو يهوذا
كان يعرف هالشي غلط ومع هيك عملو
طيب:لو ماعمل هاشي ممكن حدا من التلاميذ غير يهوذا يعملو؟؟؟؟؟؟؟؟؟لأنو لازم يصير

[Maximos]

رد: سؤال كتير بحيرني بدي المساعدة لجوابو

شغلة إنو مسيّر أو مخيّر .. بعتقد إنو تم النقاش فيها من قبل .. و الكل أوضحوا إنو مخيّر مو مسيّر ..

بالتالي .. يهوذا - متل كل شخص - بيحصد نتيجة عملو .. أللـه يرحمو و يرحمنا جميع ..

أما الغلط الأكبر اللي عملو يهوذا .. مو هوّي التسليم .. بل هوّي :

يهوذا ترك حالو يوقع باليأس .. اليأس من رحمة أللـه = يعني اعتبر خطيئتو أكبر من رحمة أللـه .. و هادا هوّي التجديف الفعلي على الروح القدس ..

التجديف على الروح القدس مو هوّي إنك تسبّ عليه ( حاشى ) .. بل هوّي إنو الواحد ينكر قدرة الروح القدس ..

لو إنو يهوذا بعد التسليم تاب متل ما عمل بطرس اللي أنكر المسيح 3 مرات .. كان رجع تلميذ من تلاميذ المسيح ..

يعني الشي اللي صار هوّي متل تجربة ( أو متل الضيقات اللي بتمرق معنا بحياتنا ) .. و هالضيقات إذا صبرنا و جاهدنا ضدها منتغلب عليها و الرب بيعطينا إكليل الغلبة .. أما إذا استسلمنا أمامها منسقط ..

يهوذا وقع و سلـّم المسيح .. و ندم على هالأمر .. و لكن كان غلطو الأكبر و القاتل إنو ما خلى الندم يتحوّل لتوبة .. بل بالعكس حوّل الندم إلى يأس .. و هون أكبر المشاكل ..

في قول للشيخ يوسف الهدوئي ( من جبل آثوس ) : (و كلمة شيخ = ييروندا = راهب قديم و معلم )
لو سقط البار عشرة آلاف مرة فإنه لا يستسلم بل ينهض من جديد ، يستجمع قواه و الرب يسجل له انتصارات . لكنه لا يكشف له انتصاراته لكي لا يستكبر . بالأحرى يعطيه أن يعي سقطاته ليتضع .

لاحظ الجملة الأخيرة : عطيه أن يعي سقطاته ليتضع .

هيك لما منعمل غلط = منسقط بتجربة .. وقت منشوف غلطنا : يا إما منيأس ( متل ما عمل يهوذا ) و هيك بيصير السقوط سقوط أكبر ..
يا إما منتواضع .. و هيك منكون انتصرنا .. لأنو قمة الفضائل هيي التواضع .. مشان هيك المسيح قال : تعلموا مني فإني وديع و متواضع القلب ..

بتمنى كون قدرت وضّح الصورة ..

صلواتك

[roma]

رد: سؤال كتير بحيرني بدي المساعدة لجوابو

لا اكيد يهوذا ما عرفان انه هيك بدو يصير لأن لو بيعرف ما كان ندم ولا انتحر
بس السيد المسيح كان كتير يكرر هالجملة : لكي يتم ما في الكتب
بمعنى انه في شخص رح يسلم يسوع بس طبعا ما ذاكرين مين هو
لان يسوع اله وبيعرف كل حدا شو عم يفكر مشان هيك وهنن قاعدين خبرهم أنه في بيناتكم حدا بدو يسلمني وكل واحد صار يقول أنا ؟؟
ووقعت براس يهوذا الخاين
بعدين هو أبصر شو كان بباله يهوذا لأن لما عرف بدن يصلبوه ليسوع هون ندم وانتحر ، معناها ما كان متصور مدى فعلته الي أدت للصلب
هدا توضيحي

[جوانا]

رد: سؤال كتير بحيرني بدي المساعدة لجوابو

شو بقولو بالصلاة
لكن يهوذا لم يشء ان يفهم

المسيح فتحله مجال التوبة
لكن يهوذا لم يسمح لنفسه في التوبة
و الله عليم بكل شيء و عالم في القلوب

بعدين احنا كل يوم منسلم السيد المسيح
وكل يوم منصلبه باعمالنا السيئة

[Butterfly]

رد: سؤال كتير بحيرني بدي المساعدة لجوابو

إجابة جوجو هي برئي كافية وافية الرب يحميك خيي يلي كتبتو هو بالزبط يلي خطر ببالي لما قرئت الموضوع الفرق بين تجربة بطرس ويهوذا الأسخريوطي

بس عندي إضافة صغير
لما الرب بيخلقنا بيعطينا كتير بهل حياة
بس بنفس الوقت بيعطينا الحرية الكافية لنقرر مصيرنا
نحن كأشخاص مسيحين منحنا الحياة من الرب ومع الخلاص أعطانا الحق بالحرية الكاملة
كل شخص مسؤال عن تصرفاتو
وحتى عند وقوع الخطأ بكون في خياريين إما الأستسلام للخطيئة أو المواجهة معها وتسليم ذواتنا للسيد المسيح والأعتراف بالخطأ


سؤالك كتير مهم

[مسيحيه من فلسطين]

رد: سؤال كتير بحيرني بدي المساعدة لجوابو

يسلموو روما مرسي

[شيري ماريا]

رد: سؤال كتير بحيرني بدي المساعدة لجوابو

لما قال يسوع:واحد منكم سيسلمني

المسيح كان عالما بماذا كان يفكر يهوذا ولكن اعطاه تنبيه وفرصة للرجوع ولما قال يسوع هذا الكلام اضطرب التلاميذ وبما بينهم يهوذا واستغرب كيف علم يسوع

اذا كان يستطيع يهوذا ان يغير تفكيره ولكن يهوذا اختار الشر لذلك الانسان مخير وليس مسير ولكن الله عالم بماذا يفكر الانسان وبطرق ينبه او يحذره بأن هذا خطأ ولكن يهوذا كان له فرصة ولكن اختار معرفة الشر بدلا من الخير

قد نبه الرب قبلا بان واحد منكم سيسلمني وعلم لما اضطرب ولكن بما ان عقل الانسان محدود وايمانه قليل اختار معرفة الشر
و يهوذا استمر بالخطأ والشر

وهو انتحر لان الندم من جعله يفعل هذا لان يسوع خبره واعطاه تنبيه ولماذا لم يرجع عن فكره لهذا ندم وانتحر لانه لم يفضل الخير
بس السيد المسيح كان كتير يكرر هالجملة : لكي يتم ما في الكتب
روما
يسوع هو كلمة الله منذ الأزل وهذه كانت حكمة الله ان يرسل ابنه ليصلب ولنتخلص من الخطئية
كل التلاميذ اضطربو ولكن يهوذا اضطرب ولكن لم يتفأجا كثيرا لانه كان راغبا بتسليمه وبرغم يسوع خبر الكل وقال
واحد منكم سيسلمني الا يهوذا مخير هو وليس مسير وبرغم الرب نبه ولكن استمر بالخطأ
سلام
شكرا للسؤال

[Dodi]

رد: سؤال كتير بحيرني بدي المساعدة لجوابو

كل الردود حلوة وصابت الحقيقة
بس في نقطة حابة احكي فيها التلاميذ كلن وبدون استثناء كانوا عبارة عن يهوذا ماقبل الانتحار
عاشو التشكيك عاشو الانكار عاشو عدم الثقة بالرب ما قبل حصولن على نعمة الروح القدس وتذكروا دايما كلنا يهوذا بلحظات معينة هي نقطة كتير مهمة

بالنسبة انو ليش يهوذا الله كونوا بيعرف النفس البشرية وضع الخطة الفدائية وعلى اساس الخطة كان رح يكون في وسيط لوصول المسيح الى الصلب بغض النظر عن اسم هيدا الوسيط ان كان يهوذا ولا يوحنا ولا فلان ......
ومن المعروف عن يهوذا انو كان أمين الصندوق متل ما بيقولو ومن كلمة أمين وأنو أختير ليكون هو الامين على المال بهداك الوقت فإذا يهوذا ما كان انسان سئ للدرجة يلي نحنا متصورينا عنو
ميرسي ليلي ردو طحبوش ...جوجو... مسيحية من فلسطين ....مرمر...روما ....ياسمين ....جوانا.....شيري

وبخص بالشكر انطون صاحب السؤال

[wasimabdalla]

رد: سؤال كتير بحيرني بدي المساعدة لجوابو

منحسن نقول ان خطاء يهوذا و خطاء بطرس و خطاء ادم متل بعض ؟؟؟
يهوذا سلم المسيح و بهذا اخطاء
بطرس انكر المسيح 3 مرات و بهذا اخطاء
ادم اكل من الشجرة و بهذا اخطاء
الفرق متل ما كتب الكل انو ادم و بطرس تابوا بس فينا نقول ان يهوذا لما رجع الفضة بيكون تاب بس رجع عمل خطاء تاني وهو الانتحار ؟؟؟
و بالنسبة لكل الامور يلي حصلت مع يهوذا و ادم و بطرس هذا هو قدر و مقدر انه يحصل مع هالاشخاص بالذات
و برائيي الدليل واضح عندما قال المسيح سوف تنكرني 3 مرات قبل صياح الديك فهو يعلم انه سوف يحدث بالفعل مع بطرس و مقدر عليه النكران
و كذلك ادم ليخلق الله البشرية
بحسب رائيي انا الشخصي انه لا يستطيع يهوذا ان يفعل شئ سوى ان يسلم المسيح لليهود لنه قدره يعني لن تستطيع ان تفترض بانه لو لم يسلمه لان ارادة الله كانت بان يتم التسليم

[Dodi]

رد: سؤال كتير بحيرني بدي المساعدة لجوابو

بالنسبة لفكرة القدر بعيدة جداً عن المسيحية
لكن خطة ...الخطة = احتمالين ممكن تصير وممكن لا وطالما في احتمالين اذاً ارادة الانسان هي يلي بتحسم النتيجة

في آية اقتبستا مسيحية من فلسطين مشكورة كان خير لذلك الرجل لو لم يولد =إن كان يهوذا أو غير أنسان مصيرو رح يكون الندم الشديد على التسليم لكن مواجهة الندم رح تكون متفاوتة تبع لشخصية المُسَلِم أمثلة على الندم :
شاول ندم وتحول الى بولس بعد ظهور المسيح له في تل كوكب على طريق دمشق
بطرس والبكاء الشديد حتى حفرت الأخاديد في وجهه من ملوحة الدموع وغزارتها

وممكن كتير لو ما انتحر يهوذا كان قدامو احتمالين
1- الطريق المستقيم والتبشير
2- ردة فعل عكسية تماما لانو لبين ما العالم تسامحو رح يكون انسان منبوذ للعضم ويلي حواليه رح يعتبرو اساس موت السيد وهون بيكون الشر عم يـتاصل أكتر وأكتر بقلبو

[شيري ماريا]

رد: سؤال كتير بحيرني بدي المساعدة لجوابو

سوف تنكرني 3 مرات قبل صياح الديك فهو يعلم انه سوف يحدث بالفعل مع بطرس و مقدر عليه النكران
و كذلك ادم ليخلق الله البشرية
بحسب رائيي انا الشخصي انه لا يستطيع يهوذا ان يفعل شئ سوى ان يسلم المسيح لليهود لنه قدره يعني لن تستطيع ان تفترض بانه لو لم يسلمه لان ارادة الله كانت بان يتم التسليم

كما أظن بالمسيحية لايوجد شيء اسمو قدر عندكم فقط يوجد هالكلام وهي هرطقة من عندكم نسبتوها لله

الله موجود بكل مكان وزمان ويسوع هو كلمة الله منذ الأزل

الله لايضع الاقدار
خطية آدم وحواء هم فعلوها وليس قدرا لان الله حذرهم من اكل الشجرة ولذلك الانسان مخير وليس مسير وهم اختارو الشر

ايضا يهوذا او بطرس هم الرب حذرهم ويسوع لانو هو ابن الله وعارف بماذا سيحصل وماذا التلاميذ سيفعلون حذرهم لما قال واحد منكم سينكرني والآخر سيسلمني ولكن هم مخيرين وليس مسيرون اختارو الشر

لذلك مافي شيء اسمو قدر بالمسيحية مافي شيء اسمو اقدار لان الله يحب البشر ويريدهم ان يفعلون الخير ولكن بما انهم مخيرون فهم لاينسطون للخير بل للشر

انت مثلا لما تختار شغلة مو انت عم تختارها باارادتك تعيش بأرادتك
لما عم تقول قدر معناها عم تنفي ارادة الانسان وبهيك عم تنسب لله الاقدار وهو بيعملها الله لايعمل الاقدار بل ارادة الانسان المخيرة لانه ليس مسيرا
الله لايريد الأولاده السوء بل الخير ولكن الانسان عقله محدود لمعرفة الله والخير
الله اكبر من اي عقل بشري ان يستوعبه لذلك يكفي ان تعرف بان الله هو الخير

[شيري ماريا]

رد: سؤال كتير بحيرني بدي المساعدة لجوابو

دودي بعتنا الرد بنفس الدقيقة
الرب يبارك

[wasimabdalla]

رد: سؤال كتير بحيرني بدي المساعدة لجوابو

ما كنت بعرف انو بالمسيحية ما في شئ اسمه قدر
على كل الاحوال انا نفسي ماني فهمان موضوع القدر و المخير و المسير عندنا
بس يلي بعرفوا انو في قدر
رح اسال عن هذا الموضوع بالمنديات الاسلامية و شوف تفسير هذا الموضوع عنا
شكرا كتير الكن لنكن خليتوني دور على شئ ماني فهمانو
بس الي عتب صغير على كلمة هرطقة
و بالاخر هذا رائيك

[wasimabdalla]

رد: سؤال كتير بحيرني بدي المساعدة لجوابو

تعريف القدر عندنا هو على حسب معلوماتي هو علم الغيب الذي هو يختص به الله وحده
بس بدي اسال سؤال عن مشئية الله فينا نقول انها بنفس المعنى ؟؟
لانو كما هو معلوم انه يوجد مشيئة الله في المسيحية هل توازي معنى القدر ؟

[جوانا]

رد: سؤال كتير بحيرني بدي المساعدة لجوابو

مشيئة الله هو ما يريده الله
احنا لما منصلي ابانا الذي
منقول لتكن مشيئتك
يعني لما نسلم حياتنا و روحنا كلها لله حسب مشيئته
شو بده الله مني
شو كلمة الله بدها مني