قال غاندي : لولا المسيحيين لصرت مسيحياً

[skipy]

.

- كلمة قالها المهاتما غاندي و المعروف عنه انه كان يحب كل الديانات و كان يقرا دائماً الموعظة على الجبل و يتغنى بها كاساس للعلاقات بين الدول و البشر .. و كان يلتقي القساوسة المسيحيين و كان يؤمن بالولادة الجديدة ..

لكن كان يكرر عبارة.. لولا المسيحيين لصرت مسيحياً ..

تذكرت كلمته الشهيرة عندما اضطريت لدروس مستعجلة بامر اختصاصي جداً و لم يكن لدي وقت و دلني البعض على مدرسّة كانت تعيش بالخارج و لم يزعجني انها اخذت ثمن الدرس الخصوصي ضعف ما يأخذه غيرها .. و المادية التي تتحدث بها رغم انها من اسرة مكتفية ...

لكن ما أزعجني هو انه اتضح أنها تعمل مع جمعية خيرية مسيحية مشهورة و لها نشاطات كبيرة و بيتها مملوء بالشعارات الدينية التي لا تطبق منها شيئاً..

رجعت للبيت و قلت في نفسي معك حق أيها المهاتما .. معك حق ..

و مثلها مثل الفتيات اللوات يتوجهن للكنائس بثياب شبه عارية و رجال الدين الذين يفوقون التجار بمحبتهم للمال ..

و على عكس هؤلاء هناك مئات الامثلة من الناس البسطاء الذين يضربون اجمل مثال حي عن الأخلاق و التصرفات الحميدة و الرائعة ..

.

[Mr.Majd]

رد: قال غاندي : لولا المسيحيين لصرت مسيحياً

مشكور يالغالي

[elias mousa]

رد: قال غاندي : لولا المسيحيين لصرت مسيحياً

تماما

وآسفاه على زمن كهذا زمن

[طحبوش]

رد: قال غاندي : لولا المسيحيين لصرت مسيحياً

هاد الي عم يصير

بس بنفس الوقت في هاد الحكي عند كل الاديان

يعني المسيحيين اكيد ح يكون عندن اغلاط بالنهاية بشر هدول

و اذا بيقصد غاندي انو المسيحيين عندن اخطاء اكتر من غيرو فبكون غلطان لان كل الديانات فيها بشر

و كلنا من ادام و حواء

بعدين هل بيترك دين من اجل شعبو ؟

هو بدو المسيح و لا بدو عبد المسيح ؟

اختلف كل الاختلاف معو اذا هو قابلها لانو بتكون حكمته خانته

بعدين كتير ناس بتغلط في الكنيسة من اباء و كهنة و رهبان و بيصير مشاكل كتير

و لكن لا احد منزه عن الخطأ و اترك المسيح من اجل الناس

هو الذي ترك كل امجاد السماء من اجلي ؟؟؟؟

يعني الملك ترك كل شيء من اجل الشعب في اي ممكلة هالكلام غير مملكة يسوع

و الشعب يريد ان يترك الملك من اجل اخطاء بعضه ؟؟


بعدين غاندي بسبب هالتفكير ما نال الخلاص لانو لم يأمن بالمسيح

هو بقى هندوسي و سؤالي هل الهندوس عندهم اخطاء اقل او انهم عديمو الاخطاء ؟؟

كيف يعامل دين بتصرفات افراده ؟

و هل نحن البشر محصنون لعدم الخطأ ؟؟

و هل نتخلى عن المسيح تصرف اب في الكنيسة اذا انت مستعد ان تتخلى عن المسيح في اي ظرف

الذي يعترف بي قدام الناس اعترف به عند ابي الذي في السماوات

هذا اذا كان كلام غاندي فبظن قالو و هو مخرف او فاقد الوعي

[Karmah]

رد: قال غاندي : لولا المسيحيين لصرت مسيحياً

تماماً أنا مع طحبوش مئة بالمئة فإذا لحنا بس شفنا الخوري يلي عم يغلط أو الباس غير المناسب يلي عم يرتدوا بعض الفتيات أو إذا شفنا ..................ما بيصير نحكم على الدين من خلال هالأشخاص لأنو الدين ما علمن هيك يعملو وعلينا من حالنا " من كان بدون خطيئة فليرمها بحجر " يعني الواحد ما يحاسب غيره عليه من حاله

[skipy]

رد: قال غاندي : لولا المسيحيين لصرت مسيحياً

معكم حق بالنسبة لمن يلتزم بمادئه مهما كانت الظروف

و لكن من مبادئ العمل الناجح : ان يوضع الانسان المناسب بالمكان او بالمنصب المناسب

هذه مجرد حالة قد يصادفها اي انسان ..

يعني تخيلوا كيف ستقابل انسانة استغلالية متكبرة انسان محتاج او اي شخص بشكل عام

و كيف ستقدم المساعدة بنفسية فوقية لا تعرف الانسانية و لا التسامح و لا الرحمة ..

هذا مثل و اكيد عند كل واحد امثلة كتيرة يرويها ..

.

[Elie Kh]

رد: قال غاندي : لولا المسيحيين لصرت مسيحياً

مشكور

[Barbie]

رد: قال غاندي : لولا المسيحيين لصرت مسيحياً

سكيبي كتير حلو مقالك

و كمان طحبوش ردك كان أكثر من رائع!

[roma]

رد: قال غاندي : لولا المسيحيين لصرت مسيحياً

لكن كان يكرر عبارة.. لولا المسيحيين لصرت مسيحياً ..


عبارة غاندي كتير معبرة والها أبعاد بتفكيره
يعني اذا بدي أحكي شو فهمت منها بقول أنه هو بيقصد المسيحية ك جوهر هي ديانة رائعة وبتتشابه كتير مع دياناتهم البوذية وغيرها ، بس للأسف معظم الشعب المسيحي الي عرفهم
ما بيشبه ولا بيطبق ولا بيفهم بجوهم ديانته ( المسيحية)
هدا الي فهمت من عبارته
مشكور عالموضوع

[civilknight]

رد: قال غاندي : لولا المسيحيين لصرت مسيحياً

كل الكلام السابق صحيح 100%
بس اسمحولي
هل مسموح للمسيحي ان يخطأ ................لا
المفروض ان المسيحي قد قبل المسيح في حياته وقبل بنوة الله الاب عند المعمودية وبالتالي هو مطالب ان يطبق وصايا مخلصه حتى يكون جديرا بحمل اسمه (مسيحي ) خليه نصراني يمكن احسن
المسيح دعانا لنكون اخوة له .....أبناء الله فهل يقبل الخطا من ابن الله
نحنا بمسيحيتنا مدعون لنكون اقرب إلى الملائكة من كوننا بشر
دعونا نتجرد من بشريتنا الخاطئة ولنحاول الاندماج بقلب يسوع الاقدس الذي لا يعرف الخطأ

انا أكيد إذا بعيد قراءة ردي مرة تانية بقول ( حل عنا يا ...هدا حكي فاضي ومو للتطبيق )
بس انا مارح اقراه مرة تانية ............مشان ما قول هيك ............

الطريقة الوحيدة حتى نتخلص من الذات البشرية التي تحمل الكثير من الخطء الموروث عبر الزمن هي المحبة
وهي مو سهلة ابدا "
ما اصعب الدرب إلى السماء وما اقل الذين يصلون

هذا الحكي حابب زكر حالي في يعني مو لحدا ////// مو ضروري تقروا ////
لا تدينوا كي لا تدانوا
من منكم بلا خطيئة ليرجمها بحجر
وانا أسف ... اسف ....اسف

[شيري ماريا]

رد: قال غاندي : لولا المسيحيين لصرت مسيحياً

أعتقد غاندي لم يتعمق بالفكر المسيحي أكثر

كان رجل حكمة ولكن الحكمة معه من خلال التعمق بفكرة المسيحية لم تصل معه لحد التأثير عليه

لايستطع احدا ان يعلم ماهي المسيحية وليست مقصرة على رجال الدين او افرادها بل هي منبع الحياة

غاندي لم يفهم ماهي حكمة الموعظة على الجبل


كان يسوع المسيح يلتقى بتلاميذه، وأحياناً كان يأخذهم إلى موضع خلاء كلمة الله،يليق بها السكون والهدوء.. وعلى جبل الكرمل فى الهدوءتدرب إيليا النبى.وفي البرية مدى ثلاثين عاماً تربى يوحنا المعمدان
وفى الهدوء والسكون ايضاً، تدرب أعضاء مدرسة الأنبياءولم يصر موسى نبيا ولم يختره الرب للقيادة، إلا بعد أن قضى فى البرية اربعين سنة فى السكون بعيداً عن قصر فرعون وضوضائه وسياساته
ويسوع المسيح نفسه على الرغم من السكون غير المحدود الكائن فى أعماقه وعلى الرغم من صلته الأزلية الدائمة بالآب، لكى يعطينا مثالاً،لم يبدأ خدمته العلنية إلا بعد أربعين يوماً قضاها وحده فى الجبل فى حياة السكون مع الآب

وكان الجبل، له موقعه وموضعه، فى حياة الرب. وما أجمل قول الكتاب فى ذلك مضى كل واحد إلى بيته أما يسوع فمضى إلى جبل الزيتون(يو 8: 1

فغاندي كان مجرد انسانا تآثر بالأديان كشكل سطحي ولكن لم يتعمق بل اعتمد تحليله وحكمته على القشور السطحية
شكرا

[رينا]

رد: قال غاندي : لولا المسيحيين لصرت مسيحياً

مشكوووووووووووووور

[Abd Almassih]

رد: قال غاندي : لولا المسيحيين لصرت مسيحياً

شو مشان فوت الحابل بالنابل
وشو دخل هي ب هي
وعمرو انشا الله ما يصير مسيحي

[stephany]

رد: قال غاندي : لولا المسيحيين لصرت مسيحياً

صح كل الحكي القلتو ويالسخرية الزمن ...
بس ما بجوز نحكم هيك لمجرد أعمال كم شخص وحتى لو كانت الأغلبية الساحقة ...
أنت وقت البدك تآمن بشي وتدرسو من كل الجهات أكبر غلط أنك تتطلع على غيرك
إذا كنت مقتنع بنتيجتك مية بالمية اتبعا وحتى لو كنت الوحيد بهالعالم ...
المسيحي ما بيحقلو يخطأ صح ...بس جل من لا يخطأ سوى الله وحده ...

[Maximos]

رد: قال غاندي : لولا المسيحيين لصرت مسيحياً

في كتاب لكاتب إنكليزي إسمو C.S. Lewis بيحمل عنوان ( المسيحية المجردة ) بيقول فيه ما معناه :

إنتا دخلت على ردهة البناية = البيت .. و هللأ بدّك تختار الغرفة اللي رح تدخل عليها .. مو لازم يشغل تفكيرك بوّاب الغرفة .. أو زينة الباب .. لأنو اللي بيهمك هوّي الشيء اللي جوّات الغرفة ..

أما صاحبنا غاندي .. و اللي أكيد كلللنا منحترموا .. على ما يبدو انشغل فكرو بالبوّاب .. و غضّ النظر عن ( شو هوّي الموجود جوّا ) ..
متل ما قال أحلى و أهضم طحبوش

[Abo Michel]

رد: قال غاندي : لولا المسيحيين لصرت مسيحياً

مشكور يا باشا

[samar_as]

رد: قال غاندي : لولا المسيحيين لصرت مسيحياً

مع احترامي الشديد لشخصية غاندي, بس برأيي انو هذي مو حجة مقنعة ومع انو للاسف عم بكون الدين و فكرو و عقيدتو بمكان و المؤمنين بها الدين و اللي لازم يلتزمو بتعاليمو للسيد المسيح بمكان تاني
ولكن عندما أعجب بمبدأ أو بنهج ما وأريد أن أتبعه لأنني أرى فيه خلاصي وسلامتي, لا أكترث كيف يمارس من قبل غيري طالما أملك الدستور الصحيح الذي أسير عليه حتى ولو كنت الوحيدة التي تمشي عكس التيار, الأمر الذي كان فيه غاندي بارعا جدا..
ومشــــــــــــــكور

[george_]

رد: قال غاندي : لولا المسيحيين لصرت مسيحياً

مشكور يامعلم

[مسيحيه من فلسطين]

رد: قال غاندي : لولا المسيحيين لصرت مسيحياً

.

- كلمة قالها المهاتما غاندي و المعروف عنه انه كان يحب كل الديانات و كان يقرا دائماً الموعظة على الجبل و يتغنى بها كاساس للعلاقات بين الدول و البشر .. و كان يلتقي القساوسة المسيحيين و كان يؤمن بالولادة الجديدة ..

لكن كان يكرر عبارة.. لولا المسيحيين لصرت مسيحياً ..

تذكرت كلمته الشهيرة عندما اضطريت لدروس مستعجلة بامر اختصاصي جداً و لم يكن لدي وقت و دلني البعض على مدرسّة كانت تعيش بالخارج و لم يزعجني انها اخذت ثمن الدرس الخصوصي ضعف ما يأخذه غيرها .. و المادية التي تتحدث بها رغم انها من اسرة مكتفية ...

لكن ما أزعجني هو انه اتضح أنها تعمل مع جمعية خيرية مسيحية مشهورة و لها نشاطات كبيرة و بيتها مملوء بالشعارات الدينية التي لا تطبق منها شيئاً..

رجعت للبيت و قلت في نفسي معك حق أيها المهاتما .. معك حق ..

و مثلها مثل الفتيات اللوات يتوجهن للكنائس بثياب شبه عارية و رجال الدين الذين يفوقون التجار بمحبتهم للمال ..

و على عكس هؤلاء هناك مئات الامثلة من الناس البسطاء الذين يضربون اجمل مثال حي عن الأخلاق و التصرفات الحميدة و الرائعة ..

.

انا ما فاهمه يعني لما الواحد بيجيب مواضيع تشوه

سمعة المسيحيين او فيها كلمات غير مناسبة بمسيحيتنا

او بعاداتنا, يعني انا استفزتني العبارة الي بالموضوع الي

بتحكي عن النساء الي بتروح على الكنيسة شبه

عاريه ,يعني نحنا سبق وحكينا بموضوع البس بالمسيحية

وانا اؤلت وجهة نظري وهي ان كل انسان مش بيتقيد

داخل الكنيسة من خلال لبسه ما بيكون مسيحي اصلا

والمسيحية بريئة منه وكمان شيء تاني يا skipy انتا

بهيك ما بتحترم الكنيسة ولا المسيحية بشكل عام لما

بتجيب موضوع في شيء بيشوه سمعة المسيحيين

والمسيحية ,والي بيدخلوا الكنيسة وزي ما شفته

بالموضوع انهم بيدخلوا شبه عاريين بيمثلوا انفسهم مش

المسيحية ولا بيضروا الكنيسة فهدول اشخاص محددة

بس ومالازم تجيب موضوع متل هيك على اساس انه

بيشمل المسيحيين كلهم , ولا نقيس دين المسيح على

شوية ناس بيخالفوا تعاليم المسيح ونؤول هدول

مسيحيين

فبليز لاتجيب هيك مواضيع في عبارات استفزازية يعني ما

فاهمة انتا كيف بتقيس وكيف بتاخد الامور هيك بكل

بساطة انا شايفتك حابب تحكي بس على المسيحيين

بس بشكل غير مباشر بغض الننظر مين بتكون, انا بؤلك

اني ما بسمحلك تحكي

او تجيب مواضيع بضر بالمسيحية اوكي وحابة اؤلك لا انتا ولا غاندي تبعك بيحكي صح لان المسيحية مش باشخاص المسيحية بتعاليمها ...سلام

[مسيحيه من فلسطين]

رد: قال غاندي : لولا المسيحيين لصرت مسيحياً

انا بطلب من ادارة المنتدى انها لاتسمح باي كلام على المسيحية

شكرا كتييير