العبو معي شوي

[Molham Haddad]

رد: العبو معي شوي

حلو دودي

بس إذا بدنا نختصر

خطيئة آدم وحوا
بكلمة

بتكون الكلمة

الكبرياء

تعو معي برحلة كتيرصغيرة بسفر التكوين

الله خلق العالم
ورأى انه حسن ثم خلق الكائنات ورأى ان ذلك حسن
ثم خلق الانسان
ورأى ان ذلك مجتمعا حسن جدا

زرع بستانا نسميها الآن جنة
وجعل الانسان الذي دعاه آدم ونظيره التي دعاها حواء
يعيش معه

لا لكي يقدسه فقط يا ميرا لأن الله قدوس بطبيعته لا يحتاج التقديس من الناقص

ولكن لكي يكون بينه وبين خليقته العاقلة علاقة
ما نوعها ؟

علاقة مقدسة محبة وشركة(كل هذه الامور ظلت غامضة حتى على تلاميذ المسيح ولم يعرفوها إلا بالروح القدس

والانسان كان يحب الله (رح يبين معكن ليش عم بشمل آدم وحوا بكلمة انسان بعدين)

وكان صديقا له

وكان يحيى فرحا

ولكن حيره امر واحد
ان الله طلب منه ألا
يقرب من شجرة دعاها الله شجرة معرفة الخير والشر

وهنا استغل الخبيث (المصطلح الدارج الشيطان)

هذا الفضول

وسأل الانسان (وانظروا اسلوب الدخول بالرأس)
"أصحيح أن الله قال ألا تأكلا من شجر البستان؟؟؟؟"
فأسرع الانسان لينفي تهمة البخل لدى الله ولكن وضع تسائله في الجواب

"لا,من شجر الجنة نأكل أما شجرة معرفة الخير والشر لانأكل منها لأننا عندما نأكل منها نموت."
لاحظو معي ان كلمة الموت لم تذكر في الخلق

فالله لم يخلق الموت(رح وضحها بعد شوي)

"لا لن تموتا(زرع الشك) ولكنه يعرف (غائب عنه وهو الموجود بكل مكان) انه يوم تأكلان تنفتح اعينكما وتصبحان مثله
عارفين للخير والشر(هون اللعبة الكبرى شكك الانسان غيب اللهوأخيرا طرح المساواة

ويكمل سفر التكوين القصة

فيقول
ونظرت المرأة الى الشجرة

فرأتها شهية المنظر(الشهوة الاولى) وباعثة على الفهم(!!!!!!)

فأكلت منها واعطت رجلها أيضا فأكل

- فانفتحت اعينهما وعرفا انهما عريانين
(قولتكن آدم وحوا ما كانو بيعرفو انن بلا تياب !!!! ولكن هون بيكون معنى الترميز الرائع

(معرفة الشيء لاتساوي المعرفة عنه)
معرفة الخير تكون بمفاعيل الخير ومعرفة الشر تكون بمفاعيل الشر
المعرفة هنا هي الخبرة التجريب رؤية النتائج
أما اللعبة فكانت بمعنى التمييز(الفهم)

والعري هو ان الانسان ضعيف ناقص (دخل الخلاف مع النفس)
كل هذا اكتشفه آدم وحواء عندما جعلا الكبرياء ينمو بهما

(الخطيئة المفضلة عند الشيطان)
والموت
استحقه الانسان نتيجة كبريائه الفارغ

أما تكملة القصة فتتكلم عن الانسان عندما واجهه الله بالحقيقة تهرب ورماها على نظيره (دخل الخلاف بين البشر)
ونظيره تهرب ورماها على الافعى (دخل الخلاف مع العالم الطبيعي)

وهنا يلقي الرب بلعنته الشهيرة في التكوين على الانسان والارض التي أخذ منها وعلى الافعى والشرير الذي فيها

وبنفس اللحظة التي تكلم فيها عدل الله بالحكم
دخلت محبته لتعطي الحل

وذلك في لعنته للشرير ووعده بسحق رأس الافعى
بنسل المرأة

ويخرج الانسان الى الارض وهنا يتكلم الله

"هاقد صار الانسان كواحد منا عارفا الخير والشر فلعله الآن يمد يده ويأكل من شجرة الحياة فيحيا للأبد"


النتيجة :

قصة آدم وحوا بالتفاصيل الدقيقة جدا ما صارت أبدا

ولكن الحدث بأن الانسان تكبر وأراد ان يكون هو الاله حقيقي


شجرة الحياة كناية عن الخبز الحي يسوع المسيح المولود من نسل المرأة
الذي فدى الانسان بدمه (ليحيا للأبد من يأكل من هذه الشجرة=من يقبل المسيح من يتبعه)
وهو الذي خلق به كل شيء(شجرة الحياة كانت في وسط الجنة حسب الرواية الكتابية)
منه وله كل سلطان في السماء والارض
وذلك ليصل إلى تحقيق مشيئة الله التي وعدتكم ان ابلغكم عنها ثانية وأقول ثانية لأنها قد ذكرت في
العهد الجديد

إن مشيئة الله تقديسنا يا أخوة

مكان الانسان الطبيعي مع الله
وهو موجود على الارض لأنه سمح لنفسه بأن يعد نفسه مساويا لله

مع انه لازال صغيرا جدا وعاجزا جدا امام أصغر الاغراءات


(ممكن يسأل شخص كيف الله يعرف الشر؟؟
ببساطة الله هو الكمال وهو منبع كل خير ولكن عندما نعزله ونغيبه عنا ماذا يبقى لنا ......لاشيء
الفراغ النهاية --->الموت
والله بكماله يعرف انك إذا عزلت نفسك عنه ستموت لأنه لن يبقى لك شيء ولذلك وعد بالخلاص الذي تحقق بيسوع المسيح ولا زلنا نحيا في زمنه.)

وشكرا ع وقتكن

[amin]

رد: العبو معي شوي

شكرا أخي ملهم وصلت الفكرة

[Dodi]

رد: العبو معي شوي

حلو التفصيل والشرح ملهم يعطيك العافية

[Molham Haddad]

رد: العبو معي شوي

أهلا وسهلا فيكن دوما

[Molham Haddad]

رد: العبو معي شوي

كمان تنشيط صغير

[الأب باسيليوس]

رد: العبو معي شوي

نحن على الأرض لنختبر الملكوت طريقة مميزة بأسلوب الطرح والنقاش

[Molham Haddad]

رد: العبو معي شوي

نورت ابونا دائما

[جلنار]

رد: العبو معي شوي

مشكور ملهم ع الطرح و الفكرة و تقاشك كان رائع صراحة

[brhooom]

رد: العبو معي شوي

ليش..ما بدها تنين يحكو فيها لان حوا كبرت بطنا واكلت التفاحه

[Harmony]

رد: العبو معي شوي

طيب

مشكورين جميعا ع المشاركات الحلوة

لكن أنتو
أكيد انتبهتو انو انا

ما استعملت كلمة خلق ابدا بل كلمة وجد

لأنو كمسيحين نؤمن ان الانسان خلق من تراب الارض ولكن في جنة عدن (الملكوت او البستان الذي تكلم عنه سفر التكوين)
المهم

مع الله.

اما سؤالي هو

لماذا يوجد الانسان الآن على الارض وليس في مكانه الطبيعي الذي خلق فيه

ورح نسميه بالمصطلح الدارج الجنة

ناطر اجابات على هالسؤال
ومنو بعدين رح وصل معكن لسبب الخلق

كنت عم بحبش بقسم اللاهوت وشفت الموضوع ..وحبيت امتحن حالي لهيك ما قرأت الردود والاجوبة كلها ..
قرأت لهون وبعدين رحت فكر بالجواب .. استعنت بالتكوين لان ماكنت متذكرة بالتسلسل قصة الخلق.


اذا بدي علق ع السؤال .."لماذا يوجد الانسان الآن على الارض وليس في مكانه الطبيعي الذي خلق فيه "
فطلع معي التالي:
ادم اصلن نخلق ونوجد عالارض وما نخلق ونوجد بالجنة ( او ما بعرف شو بتقصد بالمكان الطبيعي ) لكن نوضع باللي اسمها الجنة وبعدين رجعهن الله
على الارض اللي المفروض هنن اصلن انخلقوا ونوجدوا فيها . او بالاحرى الله رجع الانسان عالارض لأن الانسان هيك اختار .
رح حط الايات اللي خلتني فكر هيك حسب التسلسل ..(وملاحظة التعليق هاد بيتعلق بجوابي اللي رح اكتبو )

في البدء خلق الله السماوات والأرض
وجبل الرب الإله آدم ترابا من الأرض، ونفخ في أنفه نسمة حياة. فصار آدم نفسا حية
وغرس الرب الإله جنة في عدن شرقا، ووضع هناك آدم الذي جبله
فأخرجه الرب الإله من جنة عدن ليعمل الأرض التي أخذ منها
..........


رح حاول جاوب عالسؤال حسب فهمي الصغير وحسب اللي بسمع فيه.. ويمكن يكون كل شي غلط

عملت صورتين كرمالي انا انو اقدر شوف الجواب



( سؤال خارج الموضوع يمكن شوي .. بس ابليس كيف انسمحلوا يحكي مع حواء او كيف قدر .. وهو كان ساقط بوقتا او اذا بدي احكي
بالماديات كيف نوجد بالجنة و هو كان ساقط )

بهي الصورة بدي قول انو كانت الارض بيضا ولسا ما التعنت
وكان لا الله سلطان على ادم وكانوا على اتصال ببعض
وكان ادم من خاصة الله وهي بترمز انو وضعه في الجنة
يعني بالاول ادم انخلق عالارض ومتلوا متل اي كائن حي لسا ما كان خاصة الله
لما الله جابوا عالجنة هون المقصود انو صار اتصال وعلاقة بينهن و صار ادم من خاصة الله




اما هون بدي قول انو لما حواء قبلت تحكي مع ابليس بلش في اتصال بينهن
ولما نفزت كلام ابليس انفصلت عن الله ولما انفصلت
التعنت الارض لهيك لونتها اسود ..
و لما صار اتصال بين ادم وابليس صار لا ابليس سلطة على ادم
وما بقى ادم خاصة الله يعني صار خارج الجنة
ورجع عالارض حتى مو متل اول ما نخلق بل تسكنه الخطيئة لهيك احتاج الله لخطة انو يرجع ادم لخاصتو.


نوعا ما كان صعب عليي كتير اني ما فكر بالماديات وانا عم فتش ع الجواب .. لهيك رسمت الارض


بعرف الموضوع قديم كتير بعتزر اذا نكش المواضيع مو مرغوب فيه بس انا ما كنت هون وحبيت شارك
وحبيت كتير الفكرة انو من سؤال واحد بنضطر نفكر بقصة التكوين و بتفاصيل كتيرة .
وكمان لما انت رجعت صغت السؤال بطريقة تانية كان اسهل ئلي للتفكير


يسلمو ملهم عالموضوع

[Molham Haddad]

رد: العبو معي شوي

رح اتصرف بالاقتباسات من مشاركتك يا هارموني ان سمحتيلي

بعرف الموضوع قديم كتير بعتزر اذا نكش المواضيع مو مرغوب فيه بس انا ما كنت هون وحبيت شارك
وحبيت كتير الفكرة انو من سؤال واحد بنضطر نفكر بقصة التكوين و بتفاصيل كتيرة .
وكمان لما انت رجعت صغت السؤال بطريقة تانية كان اسهل ئلي للتفكير

أولا نكش المواضيع كتير جميل لأنو ما بيصير الافكار تموت وانما تصل للتانين .. فمرغوب وجدا .. ولا بقى تعتذري عن الشي المو مستاهل وإلااااا
وهو كانت احد الاهداف انو نفكر بقصة التكوين وخاصة جزئية خلق الانسان بالقصة الأولى وخلق آدم بالقصة الثانية (بتعرفي انو في قصتين للخلق بكل تأكيد )

السؤال بعمرو ما لازم يكون بصيغة وحدة وانما لازم نبدل شكلو دائما حتى لما يكون مطلوب منا الجواب .

كنت عم بحبش بقسم اللاهوت وشفت الموضوع ..وحبيت امتحن حالي لهيك ما قرأت الردود والاجوبة كلها ..
قرأت لهون وبعدين رحت فكر بالجواب .. استعنت بالتكوين لان ماكنت متذكرة بالتسلسل قصة الخلق.

جميل وهيك سمحتي لنفسك انو توصلي للجواب واللي لازم قول انه فيه جمل رائعة جدا

اذا بدي علق ع السؤال .."لماذا يوجد الانسان الآن على الارض وليس في مكانه الطبيعي الذي خلق فيه "
فطلع معي التالي:
ادم اصلن نخلق ونوجد عالارض وما نخلق ونوجد بالجنة ( او ما بعرف شو بتقصد بالمكان الطبيعي ) لكن نوضع باللي اسمها الجنة وبعدين رجعهن الله
على الارض اللي المفروض هنن اصلن انخلقوا ونوجدوا فيها . او بالاحرى الله رجع الانسان عالارض لأن الانسان هيك اختار .
رح حط الايات اللي خلتني فكر هيك حسب التسلسل ..(وملاحظة التعليق هاد بيتعلق بجوابي اللي رح اكتبو )

الجنة والارض أبدا ما انفصلو ولا كانو مفصولين ، الجنة هي حالة وجود وليست مكان مادي فانت اصبتي تماما عين الحقيقة بعدم فصلهما . ولنروح للجواب

في البدء خلق الله السماوات والأرض
وجبل الرب الإله آدم ترابا من الأرض، ونفخ في أنفه نسمة حياة. فصار آدم نفسا حية
وغرس الرب الإله جنة في عدن شرقا، ووضع هناك آدم الذي جبله
فأخرجه الرب الإله من جنة عدن ليعمل الأرض التي أخذ منها
..........

لا تعليق على الآيات

رح حاول جاوب عالسؤال حسب فهمي الصغير وحسب اللي بسمع فيه.. ويمكن يكون كل شي غلط
عملت صورتين كرمالي انا انو اقدر شوف الجواب

يلا

( سؤال خارج الموضوع يمكن شوي .. بس ابليس كيف انسمحلوا يحكي مع حواء او كيف قدر .. وهو كان ساقط بوقتا او اذا بدي احكي
بالماديات كيف نوجد بالجنة و هو كان ساقط )

بهي الصورة بدي قول انو كانت الارض بيضا ولسا ما التعنت
وكان لا الله سلطان على ادم وكانوا على اتصال ببعض
وكان ادم من خاصة الله وهي بترمز انو وضعه في الجنة
يعني بالاول ادم انخلق عالارض ومتلوا متل اي كائن حي لسا ما كان خاصة الله
لما الله جابوا عالجنة هون المقصود انو صار اتصال وعلاقة بينهن و صار ادم من خاصة الله

بالنسبة للسؤال خارج الموضوع فهاد ممكن نتناقش فيه لاحقا لما ترغبي ولكن انتبهي لنقطة انو انتي حطيتي اسم ابليس بالصورة ضمن الدائرة الموجود فيها الله (وان كنتي تعنين بهالارض ) ولكن المهم ان الشيطان ساقط ولكنه ليس بعيدا ابدا عن الله (البعد بالمسافة طبعا )

طيب :

الأرض بيضاء ولم تلعن .. الحقيقة ان الأرض بحد ذاتها لم تكن يوما ملعونة ولم تكن يوما غير ما كانت عليه (معجزة الهية بيئية حياتية رائعة) الجزئية المتعلقة بلعن الأرض مرتبطة اكثر بالانسان نفسه وليس الأرض والمعنى : ان الانسان سيبدأ يحس بصعوبة الانفصال عن الله وذلك تم ربطه بمقاييس البشر من الم ومرض وعذاب جسدي في العمل والولادة والجهد والتعب . . (اولا واخيرا الكتاب المقدس كتب بأيدي البشر مستعملا لغة البشر وتعبيراتهم )

كلمة كان لله سلطان بدي اختلف فيها .. لم يتوقف سلطان الله يوما لى الانسان ولكن الله كونه اب محب وليس الها متحكما يترك هذا السلطان مرخيا ان صح التعبير ويشده عند الضرورة . هدفه الاساسي ان يكون الارتباط به ارتباط شركة ومحبة وليس خوفا وتسلطا .

كان آدم من خاصة الله -ولم يزل- . الفرق الوحيد انه الآن من خاصة لله التي رفضت وترفض (مع وجود احتمال العودة والرغبة )ان تكون علاقتها به تامة لا اكثر .

واما فكرة ان الكائنات ليست من خاصة الله فايضا فيها اجحاف كبير
كل شيء هو خاصة الله حتى الشيطان
لأن كل شيء صنع يدي الله .
ان كان المقصود بالخاصة الملك او ما يقع تحت سلطانه

اما ان كان المقصود الوعي لوجوده ومعرفته فيقع عندها الانسان والشيطان تحت هذا التصنيف .

[ATTACH=CONFIG]96278[/ATTACH]
اما هون بدي قول انو لما حواء قبلت تحكي مع ابليس بلش في اتصال بينهن
ولما نفزت كلام ابليس انفصلت عن الله ولما انفصلت
التعنت الارض لهيك لونتها اسود ..
و لما صار اتصال بين ادم وابليس صار لا ابليس سلطة على ادم
وما بقى ادم خاصة الله يعني صار خارج الجنة
ورجع عالارض حتى مو متل اول ما نخلق بل تسكنه الخطيئة لهيك احتاج الله لخطة انو يرجع ادم لخاصتو.

اوكي انا اتفق ان الانسان بدأ اتصاله بالشيطان لما تكلم معه ووجود الانسان بالجنة ( حالة الوجود ) لا تعني انفصاله عن حياته الطبيعية والاغراءات وافكاره (اللي هون اتخذها الكتاب المقدس برمز الحية وما استعمل كلمة ابليس ولا شيطان حتى للمعلومات مو اكثر )

اوكي تنفيذ الشهوات بطريقة غير صحيحة (الخطيئة) تؤدي لأنفصال ... نقطة مهمة جدا هل الله كان يسأل الانسان في الكتاب المقدس عن اكله الشجرة بشكل متكرر او انه سأل عن السبب ؟

لعنة الارض متل ما قلت هي التعبير الكتابي وليس الحقيقي الارض هي هي ما تغيرت قبل السقوط عن بعدو اللي تغير نظرة الانسان للامور وموقفه منها .

ابليس بعمرو ما كنلو سلطة على الانسان الانسان هو من يسلم السلطة ويسحبها لمن يشاء وهي جزء من حريتو كخليقة لله .

وكلمة خاصة الله بمفهوم الابتعاد عن حالة الحياة مع الله ( الجنة ) انا اتفق فيها جدا

فكرة انه مو متل اول ما انخلق انا هون عندي اعتراض :
الانسان هو هو متل ما اول ما انخلق ومتل ما عرف الله ومتل ما سقط ( عم احكي عن تشكيلو الطبيعي والنفسي والروحي ) الفرق انه نمى اكثر ونضج اكثر وتحمل مسؤولية اتخاذه قرار . وبالتالي ان انفهمت هالفكرة بالتعبير " سكنته الخطيئة فما عاد مثل أول " انا بكون مع .

نوعا ما كان صعب عليي كتير اني ما فكر بالماديات وانا عم فتش ع الجواب .. لهيك رسمت الارض

يعني صديقتي ... طبيعي اول عن آخر ما فينا نعبر الا بمصطلحاتنا وطبيعتنا وضمن الأطر اللي منحطها نحنا

يسلمو ملهم عالموضوع

نورتي وكفي قراءة الموضوع بس ما تخليه يأثر كتير ع تفكيرك يعني قصدي استمري بالنقاش وما تقبلي حكيي او حكي غيري بسرعة .. ونكشي كمان وكمان

شوفي ورانا بهالعشرين يوم الجايين

[Molham Haddad]

رد: العبو معي شوي

سؤال ليش بالصورة التانية طلعتي الله برا الدائرة وصغرتي الاسم هل هو تعبير عن ابعاد الانسان له عن حياته ؟ وان كان الحال هكذا اما كان الحري انو تعملي نفس الحركة لكلمة ابليس بالصورة الأولى مع عكس جهة السهم ؟

[Harmony]

رد: العبو معي شوي

رح اتصرف بالاقتباسات من مشاركتك يا هارموني ان سمحتيلي



أولا نكش المواضيع كتير جميل لأنو ما بيصير الافكار تموت وانما تصل للتانين .. فمرغوب وجدا .. ولا بقى تعتذري عن الشي المو مستاهل وإلااااا
وهو كانت احد الاهداف انو نفكر بقصة التكوين وخاصة جزئية خلق الانسان بالقصة الأولى وخلق آدم بالقصة الثانية (بتعرفي انو في قصتين للخلق بكل تأكيد )

السؤال بعمرو ما لازم يكون بصيغة وحدة وانما لازم نبدل شكلو دائما حتى لما يكون مطلوب منا الجواب .




جميل وهيك سمحتي لنفسك انو توصلي للجواب واللي لازم قول انه فيه جمل رائعة جدا





الجنة والارض أبدا ما انفصلو ولا كانو مفصولين ، الجنة هي حالة وجود وليست مكان مادي فانت اصبتي تماما عين الحقيقة بعدم فصلهما . ولنروح للجواب


لا تعليق على الآيات




يلا

[ATTACH=CONFIG]96277[/ATTACH]



بالنسبة للسؤال خارج الموضوع فهاد ممكن نتناقش فيه لاحقا لما ترغبي ولكن انتبهي لنقطة انو انتي حطيتي اسم ابليس بالصورة ضمن الدائرة الموجود فيها الله (وان كنتي تعنين بهالارض ) ولكن المهم ان الشيطان ساقط ولكنه ليس بعيدا ابدا عن الله (البعد بالمسافة طبعا )

طيب :

الأرض بيضاء ولم تلعن .. الحقيقة ان الأرض بحد ذاتها لم تكن يوما ملعونة ولم تكن يوما غير ما كانت عليه (معجزة الهية بيئية حياتية رائعة) الجزئية المتعلقة بلعن الأرض مرتبطة اكثر بالانسان نفسه وليس الأرض والمعنى : ان الانسان سيبدأ يحس بصعوبة الانفصال عن الله وذلك تم ربطه بمقاييس البشر من الم ومرض وعذاب جسدي في العمل والولادة والجهد والتعب . . (اولا واخيرا الكتاب المقدس كتب بأيدي البشر مستعملا لغة البشر وتعبيراتهم )

كلمة كان لله سلطان بدي اختلف فيها .. لم يتوقف سلطان الله يوما لى الانسان ولكن الله كونه اب محب وليس الها متحكما يترك هذا السلطان مرخيا ان صح التعبير ويشده عند الضرورة . هدفه الاساسي ان يكون الارتباط به ارتباط شركة ومحبة وليس خوفا وتسلطا .

كان آدم من خاصة الله -ولم يزل- . الفرق الوحيد انه الآن من خاصة لله التي رفضت وترفض (مع وجود احتمال العودة والرغبة )ان تكون علاقتها به تامة لا اكثر .

واما فكرة ان الكائنات ليست من خاصة الله فايضا فيها اجحاف كبير
كل شيء هو خاصة الله حتى الشيطان
لأن كل شيء صنع يدي الله .
ان كان المقصود بالخاصة الملك او ما يقع تحت سلطانه

اما ان كان المقصود الوعي لوجوده ومعرفته فيقع عندها الانسان والشيطان تحت هذا التصنيف .



اوكي انا اتفق ان الانسان بدأ اتصاله بالشيطان لما تكلم معه ووجود الانسان بالجنة ( حالة الوجود ) لا تعني انفصاله عن حياته الطبيعية والاغراءات وافكاره (اللي هون اتخذها الكتاب المقدس برمز الحية وما استعمل كلمة ابليس ولا شيطان حتى للمعلومات مو اكثر )

اوكي تنفيذ الشهوات بطريقة غير صحيحة (الخطيئة) تؤدي لأنفصال ... نقطة مهمة جدا هل الله كان يسأل الانسان في الكتاب المقدس عن اكله الشجرة بشكل متكرر او انه سأل عن السبب ؟

لعنة الارض متل ما قلت هي التعبير الكتابي وليس الحقيقي الارض هي هي ما تغيرت قبل السقوط عن بعدو اللي تغير نظرة الانسان للامور وموقفه منها .

ابليس بعمرو ما كنلو سلطة على الانسان الانسان هو من يسلم السلطة ويسحبها لمن يشاء وهي جزء من حريتو كخليقة لله .

وكلمة خاصة الله بمفهوم الابتعاد عن حالة الحياة مع الله ( الجنة ) انا اتفق فيها جدا

فكرة انه مو متل اول ما انخلق انا هون عندي اعتراض :
الانسان هو هو متل ما اول ما انخلق ومتل ما عرف الله ومتل ما سقط ( عم احكي عن تشكيلو الطبيعي والنفسي والروحي ) الفرق انه نمى اكثر ونضج اكثر وتحمل مسؤولية اتخاذه قرار . وبالتالي ان انفهمت هالفكرة بالتعبير " سكنته الخطيئة فما عاد مثل أول " انا بكون مع .




يعني صديقتي ... طبيعي اول عن آخر ما فينا نعبر الا بمصطلحاتنا وطبيعتنا وضمن الأطر اللي منحطها نحنا





نورتي وكفي قراءة الموضوع بس ما تخليه يأثر كتير ع تفكيرك يعني قصدي استمري بالنقاش وما تقبلي حكيي او حكي غيري بسرعة .. ونكشي كمان وكمان

شوفي ورانا بهالعشرين يوم الجايين

اتصرف قد ما بدك اكيد بسمح


يلي بدي قولو اول شي بخصوص جوابي السابق , حبيت اني فكر بصوت عالي
يعني اول شي كان عم يخطرلي كنت اكتبو , كرمال اقدر استخرج اكبر كمية من الاخطاء بتفكيري

رح بلش هلاء علق ع كلامك وكلامي بنفس الوقت .. لان حسيت اني استخدمت الكلمات بطريقة غلط .


اول شي بخصوص الجنة والارض متفقين عليها معناها .


بخصوص السؤال تبع ابليس
بفضل اطرحو بمشاركة تانية لان عندي كم سؤال بالنسبة لائلو ولطبيعتو و لشجرة الحياة .

...............

انا بالرسم وبالالوان كان قصدي وضح اكتر مصير العلاقة اللي الت اليها بين الله والانسان والانسان و ابليس .. ويمكن بين الله وابليس كمان .
بس بما اني مو قارءة تفسير للتكوين لسا و لسا تفكيري مقلقل لهيك خبصت شوي بين المادي و بين الرمزي .

بخصوص لعنة الارض انا بوافقك انها بتتعلق بالانسان نفسه اكتر من الارض المادية
وانا وقت قلت الارض لسا ما كانت ملعونة وكانت بيضا ..قصدتت انو العلاقة لسا كانت قائمة بين الله وادم
يعني لسا ما كان في انفصال .(بس عبرت بطريقة مادية لان كنت عم اطلع بالرسمة واكتب )
بس وقت اليوم رجعت قرأت مقطع صغير من التكوين .. حسيت انو نوعا ما في وصف للارض المادية انو كيف
التعنت ..!
وقال لآدم: لأنك سمعت لقول امرأتك وأكلت من الشجرة التي أوصيتك قائلا: لا تأكل منها، ملعونة الأرض بسببك. بالتعب تأكل منها كل أيام حياتك
وشوكا وحسكا تنبت لك ، وتأكل عشب الحقل
حسيت انو حتى الارض بالمعنى المادي تغير فيها .. اذا مو فجأة او دغري بعد الانفصال فأكيد بعد فترة قصيرة
والسبب هو انو في سلطان لا ابليس عليها و الانسان الغير تائب .



انا ما بختلف معك انو الله يملك سلطان على الانسان و على ابليس وعلى الكون ( في غلي اسئلة بهالخصوص بس تؤجل ) .
وبعتقد انو انا استخدمت كلمة سلطان بطريقة غلط لأن فكرة انو الانسان لما اكل الثمرة رغب ان يخرج من سلطان الله او يصير مساوي الو ..
غشتني هي الفكرة شوي او حطتت تقلا على تفكيري .


أما بخصوص ادم من خاصة الله .. توضيحك كتير مفهوم و قصير وفادني.
بس انا وقت قلت خاصة الله ما قصدتت الامتلاك والسلطان لكن انا قصدتت بمعنى الانتماء و القبول و البقاء بالعلاقة مع الله .
متل لما يسوع قال جئت لخاصتي وخاصتي لم تقبلني . بهاد المعنى قصدتت انا
يعني ادم كان بعلاقة مع الله وفيني سميها علاقة محبة بالدرجة الاولى على الاقل من ناحية الله لان ما بعرف ادم مشاعرو خصوصي
اذا رجعت للقراءة بالتكوين بحس انو يمكن ما كان مكتفي .


اما بخصوص وقت انا كتبت انو الكائنات او خلينا بادم وحواء فقط مبدئيا .. ما كانو من خاصة الله .. او خليني ارجع قول ما كانوا على علاقة بالله ..
انا هالحكي يمكن او اكيد مابعرف ..مغلوط و خليني قول هو عبارة عن فهمي انا ..
و ليش قلت هيك بسبب هي الاية .
وغرس الرب الإله جنة في عدن شرقا، ووضع هناك آدم الذي جبله
يعني ما كان فيني ما وقف عند كلمة ووضع .. ووضع هي فعل ..
وما كان فيني ما فكر ماقبل كلمة ووضع ..
يعني بالاخير طبعا الله الو سلطان و القدرة ع انو كان يخلق كائنات تانية كليا و يحطها بالجنة أي بعلاقة معو
بس هو اختار من بين كل اللي خلقهن الانسان ..
فهون انا سمحت لحالي اني افصل بين الخليقة كا كل وبين اختيار الله لا الانسان و نقلوا من حالة الى حالة
طبعا الله خلق الانسان على صورته يعني هو عرفان انو بدو يختار الانسان و ينقلوا بعلاقة معو .
( مابعرف اذا قدرت عبر ع يلي عم فكر فيه )

...........

بخصوص الرسمات هنن كانوا فقط لاقدر اربط بين الماديات اللي بمخي وبين الرموز اللي بدي اتوصللها ..
وللصراحة وقت كنت عم حاول ارسم نقطة الانفصال
حسيت انو عم بعد الله عن الشر او الظلمة اكتر من اني بعد الانسان ..
مع العلم انو الله لا يتأثر ..
لأن كمان بوقتا رنت بمخي النور يضيء في الظلمة والظلمة لم تدركه.. ويمكن الاية ما خصا بالهحكي كلو .. بس اثرت ع تفكيري
فهون حسيت انو الله مافيه يبقى بعلاقة مع الانسان و في ظلمة بالانسان لهيك حاولت بعد الله .. بس بالاخير هو الانسان اللي بعد ..

.............

اما بخصوص الرسمة الاولى ليش ما حطيت ابليس خارج الارض وبعيد
لأن رحت من مبدأ انو هو كان موجود بس ما كان في اتصال بينو وبين ادم لسا .. وهو كان قريب اكتر من بعيد . بعتقد ..!
ومن مبدأ انو سلطان ابليس لا يتعدى خارج الارض ( مابعرف اذا هالنقطة صحيحة حاليا لان ما فكرت فيها كتير )
ولما قرأت سؤالك .. خطر ع بالي سؤال تاني
هل اذا كان ادم ع علاقة مع الله و باتصال .. يكون ابليس بعيدا ؟
والدليل انو ابليس قدر ينوجد و يحكي مع الانسان وهو بالجنة اللي هي العلاقة .

...........
ع كلن عملت رسمة تالتة بتتالف من 3 مراحل .. ورح حاول صيغ للمرة التانية اللي كان بدي قولوا بطريقة ازبط ويمكن تكون اتعس ..
طبعا مو كرمال دافع عن حالي لان وقت بناقش بكون عم ناقش الفكرة مو الشخص .. و لان معلوماتي كتير قليلة خصوصي بالتفسير ..
و كرمالل شوف اذا رسمت اماكن الاشخاص بطريقة تانية هل بيختلف التفسير او بتوصل لشي احسن ..






الموجود الارض ( ومن ضمنها الجنة أي العلاقة والشركة وانتماء ادم لله ) اللي فيها الله و ادم وابليس
الله سلطانو داخل وخارج الارض
وابليس موجود داخل العلاقة و خارجها عالارض ..(لا يتعدى سلطانه خارج الارض)
ابليس كان داخل الجنة وخارجها وادم نوضع من قبل الله بالجنة( بعلاقة معو وشركة ) أي بالبقعة البيضاء المرسومة داخل البقعة السوداء
( ملاحظة هون ما عم احكي بالماديات.. يعني البقعة البيضاء بترمز فقط للعلاقة )




هون الله بعلاقة مع آدم
وابليس موجود لكن لسا مو على اتصال بآدم
ووجود كلمة الله 3 مرات بتدل ع سلطان الله ووجودو





هون ابليس اتصل بآدم و صار علاقة بينهن و صار لا ابليس سلطان ( لو كان محدود ) على آدم
و انقطعت العلاقة بالله .. لكن بقي سلطان الله داخل و خارج الجنة
يعني حتى لو العلاقة انقطعت بين الله وادم .. سلطان الله ما ذال على آدم ..
الجنة أو البقعة البيضاء او العلاقة بين الله وادم أختفت هون
وأحتفظت العلاقة ( على ما اعتقد ) بنوعيتها ع أنها علاقة محبة و فرح والخ بين الله والانسان لكن اللي اختلف هو الوصوال الى هي العلاقة ( الجنة )

وشكرا كتير الك

[Harmony]

رد: العبو معي شوي

[ATTACH=CONFIG]96277[/ATTACH]



بالنسبة للسؤال خارج الموضوع فهاد ممكن نتناقش فيه لاحقا لما ترغبي ولكن انتبهي لنقطة انو انتي حطيتي اسم ابليس بالصورة ضمن الدائرة الموجود فيها الله (وان كنتي تعنين بهالارض ) ولكن المهم ان الشيطان ساقط ولكنه ليس بعيدا ابدا عن الله (البعد بالمسافة طبعا )


هلاء انا بردي التاني رجعت حطيت ابليس مع الله و ادم بالجنة .. و انا كتبت انو الله هو اللي وضع او نقل ادم من حالة الى حالة أي من بين الكائنات اختارو انو يكون بعلاقة معو بالجنة ..
فللي خطرلي انو ليش الله وضع ادم بالجنة او بالعلاقة اللي فيها ايضا ابليس .. ( بالصورة اللي رسمتا موجودين التلاتة بنفس البقعة البيضاء)
طبعا ابليس مو بعيد عن الله بقصد و مثال ع وقت طلب من الله انو يجرب ايوب .. ( أي كان ابليس على اتصال معه )

انا حسيت نوعا ما عندي مشكلة بفهم طبيعة الشيطان .. وخصوصي الحية ..!



طيب :

كلمة كان لله سلطان بدي اختلف فيها .. لم يتوقف سلطان الله يوما لى الانسان ولكن الله كونه اب محب وليس الها متحكما يترك هذا السلطان مرخيا ان صح التعبير ويشده عند الضرورة . هدفه الاساسي ان يكون الارتباط به ارتباط شركة ومحبة وليس خوفا وتسلطا .

كان آدم من خاصة الله -ولم يزل- . الفرق الوحيد انه الآن من خاصة لله التي رفضت وترفض (مع وجود احتمال العودة والرغبة )ان تكون علاقتها به تامة لا اكثر .

واما فكرة ان الكائنات ليست من خاصة الله فايضا فيها اجحاف كبير
كل شيء هو خاصة الله حتى الشيطان
لأن كل شيء صنع يدي الله .
ان كان المقصود بالخاصة الملك او ما يقع تحت سلطانه

اما ان كان المقصود الوعي لوجوده ومعرفته فيقع عندها الانسان والشيطان تحت هذا التصنيف .

مع اني رديت فوق بمشاركتي السابقة ووضحت هالنقطة شو كنت بقصد فيها .. بس بدي علق ع نقطة المعرفة ( والوعي او الادراك الكامل ) اللي انت حكيت عنها
في فرق بين أنهن كانو يعرفوه وبين انهن كانو بعلاقة معو .. في فرق بين اني اعرف عن الشي وبين اني ادرك الشي
في فرق بين اني انا مثلا اعرف انو الله محب و عطوف ورحيم وبين اني عيش هالشي اني التمس فعلا حبو ..
فا الله خلق كل الكائنات لكن هل كلهن كانوا بالجنة ( بعلاقة محبة وشركة معو )؟؟؟
وهون خطرلي سؤال تاني .. ان كانت نوعية العلاقة بين ادم و الله محبة وتواجدوا بالجنة مع بعض
فشو كانت نوعية العلاقة بين ابليس و الله من الرغم انو كان موجود .. مابعرف شو حسيت اتلخبطتت



اوكي انا اتفق ان الانسان بدأ اتصاله بالشيطان لما تكلم معه ووجود الانسان بالجنة ( حالة الوجود ) لا تعني انفصاله عن حياته الطبيعية والاغراءات وافكاره (اللي هون اتخذها الكتاب المقدس برمز الحية وما استعمل كلمة ابليس ولا شيطان حتى للمعلومات مو اكثر )

اوك مع اني قرأت هي العبارة بس حبيت مع هيك اكتب فوق ..مفهومي لا ابليس او لا وضعية وجودهن مع بعض
طيب خطرلي سؤال كمان.. اذا حالة وجود ادم بالجنة ( بالعلاقة) كانت مع افكاره و الاغراءات وحياتو الطبيعية ( اللي مابعرف شو قصدتت فيها حياتو الطبيعية؟ )
ليش بعد ما جبل الله ادم نقلوا او وضعو بالجنة ؟ وكيف اذا كان عندو هالاغراءات و الافكار و الكذب ( بما انو الحية كذبت ع حواء ) ننسب خلقة آدم الغير طاهر ( بهي الحالة ) لا عمل الله الخيير ..!

واذا كانت الحية هي الافكار والمغريات فمعناها انو ادم كان عايش صراع وما كان مرتاح بالعلاقة اصلن مع الله .. معناها ما كان في سلام بنفس ادم
اللي مفروض اذا كان مع علاقة بالله يكون مرتاح ..!

واذا كانت طبيعة ادم فيها هالافكار والمغريات والخ .. بشو تغيرت الطبيعة تبعو بعد العصيان ( اكل الثمرة )

يمكن لسا يخطرلي اسئلة بخصوص الحية ..

اوكي تنفيذ الشهوات بطريقة غير صحيحة (الخطيئة) تؤدي لأنفصال ... نقطة مهمة جدا هل الله كان يسأل الانسان في الكتاب المقدس عن اكله الشجرة بشكل متكرر او انه سأل عن السبب ؟

ما فهمت السؤال ؟.. هل بتقصد انو ما سألهن ولا نبهن اكتر من مرة الا بعد ما وقعو بالخطيئة و بعدها سألهن ليش اكلتوا؟


ابليس عمرو ما كنلو سلطة على الانسان الانسان هو من يسلم السلطة ويسحبها لمن يشاء وهي جزء من حريتو كخليقة لله .

معك بهالكلام ..
بس بالانفصال عن الله .. ما كانوا صار سلطة لا ابليس على ادم .. مو بالمعنى انو فيه يعمل اللي بدو بالانسان لكن بالانفصال قدر ابليس انو
يتحكم لو بالحيلة او بالكذب او المغريات بالانسان والخ..
يعني بقصد السلطة الاوتوماتيكية انو بعد الانفصال دغري صار ادم تحت رعاية ابليس ..

يعني صديقتي ... طبيعي اول عن آخر ما فينا نعبر الا بمصطلحاتنا وطبيعتنا وضمن الأطر اللي منحطها نحنا

اكيد

بعتقد اني بموضوع ابليس عندي جد مشكلة مع اني بعرف انو الو اسامي كتير والخ بس لسا بدي كتير

[Abu Nezar]

رد: العبو معي شوي

[Abu Nezar]

رد: العبو معي شوي

[Abu Nezar]

رد: العبو معي شوي

[Abu Nezar]

رد: العبو معي شوي

[Abu Nezar]

رد: العبو معي شوي

بعتذر اني حطيت الاجابات هيك ولكن النت سيء م انرفعو معي الست صور سوا

[Molham Haddad]

رد: العبو معي شوي

ما فهمت شو الهدف من الكتاب ؟ ليكون بمشاركات مو بموضوع ممكن توضيح .

ممكن تحطلي خط تحت الاجابة ؟ اما انا عاجز عن ايجادها او انو ما في اجابة واضحة ... واخيرا عن انو سؤال هالإجابة ؟