• If this is your first visit, be sure to check out the FAQ by clicking the link above. You may have to register before you can post: click the register link above to proceed. To start viewing messages, select the forum that you want to visit from the selection below.

Announcement

Collapse

قوانين المنتدى " التعديل الاخير 17/03/2018 "

فيكم تضلو على تواصل معنا عن طريق اللينك: www.ch-g.org

قواعد المنتدى:
التسجيل في هذا المنتدى مجاني , نحن نصر على إلتزامك بالقواعد والسياسات المفصلة أدناه.
إن مشرفي وإداريي منتدى الشباب المسيحي - سوريا بالرغم من محاولتهم منع جميع المشاركات المخالفة ، فإنه ليس
... See more
See more
See less

من هو الشيطان ؟

Collapse
X
 
  • Filter
  • Time
  • Show
Clear All
new posts

  • #21
    رد: من هو الشيطان ؟

    أنا Dodi الفكرة شبه واصلتني لأن أنا كمان رأي من رأيك بس أنا عم أسأل لحتى أي شخص يدخل على الموضوع توصلو الفكرة

    السؤال من أوجد الشيطان؟
    الانسان والسبب الطمع
    الطمع أتى مع الأنسان من بدأ الخليقة يعني بالفطرة مين أوجد الطمع عند الأنسان يعني أنا اذا ببني بيت وأساس البيت مانو نظامي رح يوقع هل الله خلق البشر وخلق معون الطمع

    أنا أسف Dodi على كترة الأسئلي

    أنت الأسد... وقلب الأسد بعيونك نلحظو ... ضلّ ابتسم .... ضحكك زمجره ... خلّي العِدا ...من زمجراتك ترتعد ... نحنا الك
    يا حمص دام عزك, والضحكة إلِك عنوان ................ ليش الشعب هزك, وما خلا فيكي أمان
    كل شي انفجر ..... و صار الحجر يبكي حجر .... دم الضحايا و البشر .... و شفتك يا شام بتدمعي .... لكن ابد ما بتركعي ..... و يا شمس بدك تطلعي .... و ترجع تنور يا قمر

    Comment


    • #22
      رد: من هو الشيطان ؟

      Originally posted by The D.I.S View Post
      أنا Dodi الفكرة شبه واصلتني لأن أنا كمان رأي من رأيك بس أنا عم أسأل لحتى أي شخص يدخل على الموضوع توصلو الفكرة

      الطمع أتى مع الأنسان من بدأ الخليقة يعني بالفطرة مين أوجد الطمع عند الأنسان يعني أنا اذا ببني بيت وأساس البيت مانو نظامي رح يوقع هل الله خلق البشر وخلق معون الطمع


      أنا أسف Dodi على كترة الأسئلي

      اول شي ما حبيت الاعتذار بالعكس the dis ايمتا ما حبيت تناقش انا جاهزة تانيا انا معك برايك 100% نورت
      في كل يوم يصلب الانسان الف مرة ومرة ويصلب الوطن على طريق الجلجلة يسير شعب يحمل المسمار والصليب لانه يعيش في موطنه الحنون كالغريب وزهرة الخلاص في يديه مقصلة وسائر على طريق الجلجلة قد كللته المحنة السوداء بالسواد ومزقته اربا رصاصة الاحقاد
      أنا لا أحد وأنت،من تكون؟هل أنت أيضاً لا أحد وإذاً فثمة إثنان منا، إياك أن تخبرأحدا!وإلاألقوا بنا في المنفى
      وراء كل فوضى واشنطن وتل أبيب

      Comment


      • #23
        رد: من هو الشيطان ؟


        دووووووووووووودي ... !!!!!!!!!!!!!!!!!!!!
        وييييييييييييييين رايحة ... !!!!!!!!!!!!!!!!!!!!!!!!!!! ؟؟؟؟؟؟؟؟

        هادا اختراع جديد ؟؟؟؟؟؟؟ موجود غير مخلوق .. !!!!


        اللــه هوّي اللي خلق كلشي ..

        اللــه خلق الملائكة .. و الشيطان كان رئيس ملائكة .. أللـه خلقو ..

        بس هوّي سقط مع الطغمة الملائكية اللي معو .. سقطو بالغرور ..

        و تحوّل من حامل النور ( لوسيفوروس ) إلى شيطان شرير ..




        أما المصنع اللي حكيتي عنو .. فا هوّي مخلوق كمان ..

        مواد أللـه خلقا .. نظّمها إنسان أللـه خلقو .. فا .. صارت معمل ..

        و الانسان بيقدر يعمل هيك بسبب الموهبة اللي أللـه عطاه ياها ..
        ملاحظة : أنا .. بلييييييييز بدون جدالات .. أنا بحط رأيي أو معلومة و بسسسس


        مــــــواضــــيـع

        Comment


        • #24
          رد: من هو الشيطان ؟

          صح صح صح
          هاد هو الحكي الصح الله هو فقط رمز للخير يلي فينا و الشيطان رمز للشر يلي فينا
          هاد الحكي يلي كنت عم استني اي حدا يحكي

          بهالحالة حبيبنا .. إنتا بتقول عن حالك مسيحي ؟؟

          كيف بتؤمن بالمسيح .. إذا بتقولإنو أللـه مو موجود ..

          بهيك حالة بتكون المسيحية كذبة ..
          ملاحظة : أنا .. بلييييييييز بدون جدالات .. أنا بحط رأيي أو معلومة و بسسسس


          مــــــواضــــيـع

          Comment


          • #25
            رد: من هو الشيطان ؟

            طيب هلق بالكتاب المقدس بيحكو كتير عن الأوراح الشريرة
            طيب ياترى هل هي موجودة .....؟؟؟؟؟؟؟؟؟؟؟

            الجواب ......لا

            طيب يا اخي خود سفر التكوين
            هل هاد السفر حدث بتفاصيله
            الجواب ....لا

            لأن سفر التكوين مليء بالرموز كما الكتاب المقدس كاملا

            مين قللك إنو لا .. ؟؟؟؟؟؟؟؟؟
            ملاحظة : أنا .. بلييييييييز بدون جدالات .. أنا بحط رأيي أو معلومة و بسسسس


            مــــــواضــــيـع

            Comment


            • #26
              رد: من هو الشيطان ؟

              تسجيل متابعة

              "سلامي امنحكم, سلامي اعطيكم, لا كما يعطي العالم اعطيكم أنا."
              "ثقوا لقد غلبت العالم"
              ======================================

              Comment


              • #27
                رد: من هو الشيطان ؟

                الله بنظري ما بيخلق شي فاسد أو بمعنى اوضح شي شرير فالشيطان هو الشر الذي تطور بالأنسان عندما اراد ببدأ الخليقة التشبه بقدرة الله وسلطته على كل شئ وعبر الزمن أخذ هذا الشر يتطور أكثر فأكثر حتى نشبت الحروب بين الشعوب واستمر التطور الشيطاني الى يومنا هذا بسبب تطور الطمع وحب الذات بالنفس البشرية وعبادة الصنم الاكبر الا وهو المال
                في شغلة أخدناها باللاهوت الا وهي بعض الاساطير الرمزية يلي نحنا لهلأ عم تاثر على ايمانا واول وحدة هي الخطيئة الاصلية والتفاحة الخطيئة الاصلية موجودة بس هل السبب شجرة المعرفة والتفاحة ؟؟؟؟؟؟؟؟؟؟
                في كل يوم يصلب الانسان الف مرة ومرة ويصلب الوطن على طريق الجلجلة يسير شعب يحمل المسمار والصليب لانه يعيش في موطنه الحنون كالغريب وزهرة الخلاص في يديه مقصلة وسائر على طريق الجلجلة قد كللته المحنة السوداء بالسواد ومزقته اربا رصاصة الاحقاد
                أنا لا أحد وأنت،من تكون؟هل أنت أيضاً لا أحد وإذاً فثمة إثنان منا، إياك أن تخبرأحدا!وإلاألقوا بنا في المنفى
                وراء كل فوضى واشنطن وتل أبيب

                Comment


                • #28
                  رد: من هو الشيطان ؟

                  عندما اراد ببدأ الخليقة التشبه بقدرة الله وسلطته

                  هال الأنسان من بدأ الخليقة كان بدو يتشبه بقدرة الله بس لو سمحتي توضيح للعبارة

                  أنت الأسد... وقلب الأسد بعيونك نلحظو ... ضلّ ابتسم .... ضحكك زمجره ... خلّي العِدا ...من زمجراتك ترتعد ... نحنا الك
                  يا حمص دام عزك, والضحكة إلِك عنوان ................ ليش الشعب هزك, وما خلا فيكي أمان
                  كل شي انفجر ..... و صار الحجر يبكي حجر .... دم الضحايا و البشر .... و شفتك يا شام بتدمعي .... لكن ابد ما بتركعي ..... و يا شمس بدك تطلعي .... و ترجع تنور يا قمر

                  Comment


                  • #29
                    رد: من هو الشيطان ؟

                    يعني فكرة غموض الله بالنسبة للانسان الاول وكيف كان بيقدر يكون الو السلطة المطلقة على حركة الحياة
                    والمخلوقات حتى انن قرروا بعد ذلك ببناء المدن . لكن فكرة بناء برج تصل قمته إلى السماء للوصول الى الله ومعرفته للتمثل به ، كانت فكره جديدة.
                    أرادوا أن يبنوا بناءً فائق الصنع لا مثيل له. وبسبب مهارتهم وذكائهم توصلوا إلى اكتشاف عظيم. فحتى ذلك الحين كانوا يبنون بيوتهم بالحجارة والطين. غير أنهم كانوا بحاجة إلى كسارة لهذا النوع الجديد من البناء ليستخرجوا منها الحجارة. ولكنها لم تكن متوفرة لهم في هذا المكان. فلذلك أخذوا يحرقون اللِّبن ليتحول إلى طوب لاستعماله كمواد للبناء. واستعملوا الزفت أيضاً كمادة مزج عوضاً عن الطين.
                    كان هذا العمل عملاً شاقاً لصنع الملايين من قوالب الطوب وحرقها حتى تصبح جاهزة للاستعمال. وساعد الجميع في التحضير لهذا العمل.
                    في كل يوم يصلب الانسان الف مرة ومرة ويصلب الوطن على طريق الجلجلة يسير شعب يحمل المسمار والصليب لانه يعيش في موطنه الحنون كالغريب وزهرة الخلاص في يديه مقصلة وسائر على طريق الجلجلة قد كللته المحنة السوداء بالسواد ومزقته اربا رصاصة الاحقاد
                    أنا لا أحد وأنت،من تكون؟هل أنت أيضاً لا أحد وإذاً فثمة إثنان منا، إياك أن تخبرأحدا!وإلاألقوا بنا في المنفى
                    وراء كل فوضى واشنطن وتل أبيب

                    Comment


                    • #30
                      رد: من هو الشيطان ؟

                      يشير الكتاب المقدس إلى أنه كائن حقيقي، أعلى شأناً من الإنسان، وأنه رئيس الأرواح النجسة بحسب ما ورد في بشارة متى24:12. أما طبيعته فهي روحية، وهو في الأصل ملاك سقط أمام الله بسبب الكبرياء ويمتاز بالعمل والإدراك والذاكرة والتمييز، كما لديه امتيازات حسية كالعواطف والشهوات. أما امتيازاته الإرادية فهي أنه قادر على الاختبار كما ورد عنه في رسالة أفسس12:6.

                      والمعروف أن الشيطان خبيث ويعمل ضد إرادة الله كما يحرّض العصاة أيضاً أن يخالفوا الله ويعملوا ضد إرادته، ولهذا يُشار إليه بأنه قائد العصاة على الله، وهو يعمل ضد البر والقداسة، ومملوء بالكبرياء والمكر والقساوة. ولا شك أن حالته تنطبق على صفاته، فبما أنه عدو الله فهو مطرود من وجه الله، وهو محبوس مع زمرته في موضع العذاب، حيث يلعب على العواطف النجسة التي فيه، والأعمال الخبيثة الناتجة عنها (2بطرس 4:2 ويهوذا 6).


                      هلأ هدا الحكي بيدعم حكي جوجو بس فكرة اشتراك الشيطان بالسلطة على البشر وعدم قدرة الله على ايقافه أو جعله يرتد عن اعماله ما بتقبلا لهيك بقول انو غير موجود عن طريق الله واننا نحن الشياطين وبرجع بقول هدا راي
                      في كل يوم يصلب الانسان الف مرة ومرة ويصلب الوطن على طريق الجلجلة يسير شعب يحمل المسمار والصليب لانه يعيش في موطنه الحنون كالغريب وزهرة الخلاص في يديه مقصلة وسائر على طريق الجلجلة قد كللته المحنة السوداء بالسواد ومزقته اربا رصاصة الاحقاد
                      أنا لا أحد وأنت،من تكون؟هل أنت أيضاً لا أحد وإذاً فثمة إثنان منا، إياك أن تخبرأحدا!وإلاألقوا بنا في المنفى
                      وراء كل فوضى واشنطن وتل أبيب

                      Comment


                      • #31
                        رد: من هو الشيطان ؟

                        اشتراك الشيطان بالسلطة على البشر وعدم قدرة الله على ايقافه أو جعله يرتد عن اعماله ما بتقبلا لهيك بقول انو غير موجود عن طريق الله واننا نحن الشياطين وبرجع بقول هدا راي
                        إذا هيك بسيطة ..

                        بس مين قللك إنو أللـه ما بيقدر يوقفو .. ؟؟؟؟؟؟؟؟؟؟؟؟؟

                        أللـه عاطيه حدود يتحرك ضمنها .. و إلو هدف من هالأمر ..

                        مع إنو الأمثلة كتيرة رح جيب مثال واحد : انجيل لوقا اصحاح 8 + انجيل مرقس اصحاح 5

                        وقت كان شخص في جوّتو فرقة شياطين .. بتعرفي شقد العدد .. مو هيك .. عشر آلاف شيطان ..

                        هالشياطين كان ممنوع عليهم يقتلوه ..
                        أما وقت اللي ((((( سمحلهم ))))) المسيح يدخلو على قطيع الخنازير .. خللوها تموت ..

                        و أكيد الحوادث اللي متل هيّ كتيرة بالانجيل .. يمكن كمان شويّ أوضح قصة أيوب الصدّيق ..
                        كيف كان الشيطان يطلب من أللـه إنو يسمحلو ..
                        و وقت اللي أللـه يسمحلو كيف كان هادا بحدوووووووووود واااااااااضحة ..


                        ملاحظة : أنا .. بلييييييييز بدون جدالات .. أنا بحط رأيي أو معلومة و بسسسس


                        مــــــواضــــيـع

                        Comment


                        • #32
                          رد: من هو الشيطان ؟

                          أللـه عاطيه حدود يتحرك ضمنها .. و إلو هدف من هالأمر ..
                          أكيد تساءلتي : شو هوّي هدف أللـه ..

                          طيب ..

                          إنتي وزيرة التعليم العالي .. (( ما تصدقي .. مزح .. يعني لو افترضنا ))

                          و عندك إبن .. و فيكي تعطيه شهادة الجامعة هوّي و نايم بسريرو ...

                          بتعطيه ياها ؟؟؟ أو بتفضّلي إنو ياخدها بجدارة ..

                          و إذا بدّو ياخدها بجدارة .. لازم شي حدا يعمللو فحص .. ((( يجرّبو ))) ..

                          هااااااادا هوّي دور الشيطان ... هههه مو بموضوع الفحص للولد .. لااااااا .. بموضوع البشر ..

                          أللـه حبّ إنو نحنا ننجح بجهدنا ..
                          أللـه ما حبّ يفرض علينا إنو نحنا نحبو ..
                          تركنا نحنا نختار إنو نحبّو .. و نثبت هالأمر عن طريق التجربة ..

                          فا .. بهالحالة بيلزم إنو يكون في واحد كهين هوّي يقوم بالتجربة ..
                          و هادا هوّي دور الشيطان ..
                          ملاحظة : أنا .. بلييييييييز بدون جدالات .. أنا بحط رأيي أو معلومة و بسسسس


                          مــــــواضــــيـع

                          Comment


                          • #33
                            رد: من هو الشيطان ؟

                            طبعا ً رح يخطر على بالك إنو الشيطان بهالحالة معذور .. لأنو عم ينفذ مشيئة أللـه ..

                            بالحقيقة نفس هالسؤال بينطرح عن موضوع يهوذا ..

                            في عالم بتتسائل إنو كيف أللـه رح يحاسب يهوذا .. لأنو يهوذا عمل بالضبط اللي أللـه بدّو ياه ..

                            فا .. بما إنو نفس المقاربة خلينا ناخد موضوع يهوذا .. أسهل للشرح .. و منّو بيوضح موضوع الشيطان ..

                            طيب

                            يهوذا ليش سلم المسيح .. ؟؟؟؟؟؟؟؟؟

                            لأنو أللـه هيك بدّو ؟؟؟؟؟؟؟؟ ......... أكيد لأ ..

                            ليييييييييش ..؟؟؟؟؟؟؟؟ .. لأنو يهوذا كان شرير .. مو همّو إنو شو بدّو أللـه ..

                            نحنا رغم إنو كمان منعمل إشيا شريرة .. بس كتير منخجل إذا وقت منعمل هيك منسمع إسم يسوع .. أو منشوف أيقونة إلو .. أو منتذكرو ..

                            فا .. شوفي شقد كان شرير لحتى يختلس ( يوحنا 12 : 4-6 ) و يسلم المسيح .. مع إنو كان عايش معو ..

                            و هيك كمان الشيطان .. بيعمل الشر لأنو هوّي شرير ..
                            مشان هيك أللـه هوّي اللي بيحدّ من أذى الشيطان عالبشر ..

                            لأنو لو كان الشيطان حر يؤذي على كيفو .. كان قضى على كل البشر ..


                            آآآآآآآآآآآآآآآآآآآآيواااااااااااااا ..

                            هون ممكن يخطر على بالنا .. إنو ليش المسيح اختار يهوذا مع التلاميذ ؟؟؟
                            شو ؟؟ ما كان بيعرف إنو شرير ؟؟؟

                            الجواب : أكيد بيعرف .. بس .. لولا وجود هالشرير .. مين كان رح يسلم الرب ؟؟ بما إنو البقية قديسين ..


                            و موضوع يهوذا درس إلنا كمان ..

                            إنو ما نفكر حالنا شعلة كبيرة و نتوقف عن الجهاد الروحي و اليقظة الروحية ..

                            لأنو بلحظة وحدة .. اللي كان تلميذ .. سلم حالو للشيطان ..
                            و الزانية من زمان بعيد بلحظة تابت و رجعت للرب ..

                            فا .. لازم كتير ننتبه على نفسنا ..

                            نسعى نتقدم روحيا ً .. و ما نترك مجال للشرير إنو يوجهنا عالكسل .. و ما نسمع منو إذا قللنا إنو ما عم نعمل خطايا .. أو إذا حاول يقنعنا إنو مو نحنا سبب الخطايا و الفاعل إلها .. أو أي فخ تاني من فخاخ الشيطان ..

                            و لا تدخلنا في تجربة
                            لكن نجنا من الشرير


                            آآآآآآآآآآآآآآآآمــــــــــــــــــــــيـن
                            ملاحظة : أنا .. بلييييييييز بدون جدالات .. أنا بحط رأيي أو معلومة و بسسسس


                            مــــــواضــــيـع

                            Comment


                            • #34
                              رد: من هو الشيطان ؟

                              جوجو الحبيب وين فايت

                              أنو الرب نقا واحد شرير منشان يتم الامر اللي حاطو؟؟؟؟؟؟؟؟؟؟؟؟

                              شو ه الحكي هاد من وين جبتو؟؟؟؟ وين راحت الحرية الممنوحة من الرب

                              هلق إذا بدنا نحكي شوي شوي

                              1- رح أجي معك أنو الشيطان حقيقة وإلا مين اللي جرب المسيح بالبرية

                              2- ولكن رح خالفك انو الرب بيسمح للشيطان بأنو يجرب

                              *ان الملائكة متل البشر إلها حرية مطلقة من الرب
                              وعلى اساس هالحرية الله يختار ألا يعرف ماذا بنفس الانسان او الملاك مو عجزا ولكن إذا ساوا هيك بيصير ديكتاتور
                              وهذا مناف لكماله

                              *الشيطان لا يجرب بالمعنى الحرفي للكلمة
                              بل يغري ويجمل الخطيئة
                              وليس هدفه ان يمتحن الانسان ليعرف نيته وإلا بيكون عم بيساعد الله,

                              ولكن هدفه ان يبتعد ذلك الانسان عن الله

                              >الفكرة اللي طرحتا دودي عن البدايات بالعهد القديم (التكوين)

                              فيها وجهة نظر ولكن بقصة آدم وحواء

                              حيث الانسان الاول كان محبا وصديقا لله

                              ولكن الشيطان الممثل بالافعى (وليس الحيوان المخلوق )

                              جمل للإنسان الثمرة التي تجعله عارفا للخير والشر

                              (وعارفا ما بتجي بمعنى مميزا هون بل مجربا للنتائج)
                              وهاد اللي ما خبرو للإنسان قلن رح تكون عندك حكمة ومتل الله
                              ولكن الانسان لما اكل عرف انو عريان وأكيد مو القصد بالتياب بل بالنقص والضعف

                              والمهانة (عرف الشر بعد ما كان ما بيعرف إلا الخير)
                              تشوهت صورة الله فيه فاستحق السقوط

                              3- ولكن ..... المحبة الرائعة التي لا تفوقها محبة أمرت وانا اؤكد على أمرت بالفداء

                              والمصالحة
                              التي تمت بتجسد وحياة وآلام وموت وقيامة يسوع المسيح

                              4- أما فكرتي فهي انو يهوذا والشيطان بيتصرفو مو من شرن
                              (كل ما خلقه الله حسن وحسن جدا)
                              ولكن من حريتن

                              (يهوذا تصرف التصرف البشري مثله مثل بطرس بالنكر ولكن بطرس تاب ويهوذا يأس)
                              هل كان من الممكن ان يكون غيره ؟ من يسلم الرب بالتأكيد ممكن ولكن إختياره وحريته هي من قادته وليس انه شرير
                              أمثلة:
                              - بطرس صخرة الرسل حاول طرد الرب من سفينته
                              - متى عشار
                              - من الرسل من حاول ان يقنع المسيح بان يضعه على يمينه واخيه على يساره بملكوته (مما يدل أن كل الرسل -أعتقدوا ان الملكوت أرضي

                              - كلهم هربو

                              - توما لم يصدق القيامة
                              - بطرس يحابي المختونين بشهادة بولس
                              - بولس قاتل و مجرم
                              *وكذلك آلاف من العيوب التي تكلم الرسل عن أنفسهم بها
                              ولكن ما جعلهم قديسين هو سماحهم للروح القدس بأن يعمل بهم وتوبتهم

                              5- كل الناس خطاة كل الناس بها شر نبع من سقوطهم بأبيهم آدم
                              والانسان الجديد الذي نتكلم عنه واننا اخذناه بمعموديتنا وبميرووننا وبقرباننا هو الانسان المعترف التائب الذي يسعى ليتقرب اكثر ممن أحبه

                              ======

                              اما دودي العزيزة فكرة ان الله يستطيع ان يوقف الشيطان

                              ففكرتك وصلت وهي فعلا سؤال يستحق النقاش
                              ولكن بدي ذكرك بشغلة صغيرة قبل

                              - ان الله يحب الخلائق كلها حتى الشيطان

                              (ولا ينصدم من يقرأ)

                              - إن الله عادل والشيطان خاطئ وكذاب وابوالكذب
                              ولكن الله محب ورحيم وله ان يغفر عن خليقته عندما يريد ودون ان يكون مسائلا من بقية خلقه

                              عندما نسأل لما لم يوقف الله الشيطان
                              ببساطة لأن الشيطان لا يفعل سوى انه يغري (ووقت العدل آت)
                              والانسان بحريته ينفذ ولو تدخل الله مباشرة( وأؤكد على كلمة مباشرة لأنه يتدخل فعلا ويقلب كل الامور للخير
                              وله طرق لا نعلمها )

                              يتحول من خالق الى ديكتاتور وقد قلت ان ذلك ينتقص من كماله
                              فالكامل لا يحتمل النقصان ضمنه


                              ما بعرف انا كتبت اللي عم فكر فيه إذا في شي مو واضح او بدو نقاش بكون ممنون تخبروني

                              وبتمنى الفكرة توصل


                              سلام الرب

                              "سلامي امنحكم, سلامي اعطيكم, لا كما يعطي العالم اعطيكم أنا."
                              "ثقوا لقد غلبت العالم"
                              ======================================

                              Comment


                              • #35
                                رد: من هو الشيطان ؟

                                هلأ النقاش يلي صار كلو منطقي بس صار هيك عنا مشكلة كتير كبيرة ألا وهي التخبط اللاهوتي
                                بين وجود الشيطان ورمزيتو بالأنجيل وعلى فكرة هي ما الا اي علاقة بالطائفة يعني أنا درست عند الطائفتين بجمعية النهضة الارثوذوكسية بعمان وهون بلجنةالتعليم الشرق اوسطي الكاثوليكية وقت الدراسة اجمعو انوالشيطان هو رمز للشر الموجود بالانسان / بالمقابل اقتناع بعض رجال الدين ايضاً من الجهتين بوجود الشيطان كذات ؟؟؟؟؟؟؟
                                في كل يوم يصلب الانسان الف مرة ومرة ويصلب الوطن على طريق الجلجلة يسير شعب يحمل المسمار والصليب لانه يعيش في موطنه الحنون كالغريب وزهرة الخلاص في يديه مقصلة وسائر على طريق الجلجلة قد كللته المحنة السوداء بالسواد ومزقته اربا رصاصة الاحقاد
                                أنا لا أحد وأنت،من تكون؟هل أنت أيضاً لا أحد وإذاً فثمة إثنان منا، إياك أن تخبرأحدا!وإلاألقوا بنا في المنفى
                                وراء كل فوضى واشنطن وتل أبيب

                                Comment


                                • #36
                                  رد: من هو الشيطان ؟

                                  أهلا بالحبيب ملهم ..

                                  جوجو الحبيب وين فايت
                                  لهون ههههههه

                                  أنو الرب نقا واحد شرير منشان يتم الامر اللي حاطو؟؟؟؟؟؟؟؟؟؟؟؟
                                  شو ه الحكي هاد من وين جبتو؟؟؟؟ وين راحت الحرية الممنوحة من الرب
                                  وين المشكلة .. ؟؟ !!

                                  يهوذا كان حر يعمل اللي بدو ياه ..

                                  2- ولكن رح خالفك انو الرب بيسمح للشيطان بأنو يجرب
                                  بهالحالة حبيبنا .. يا ريت تقرا سفر أيوب قبل ما نكفّي ..


                                  *ان الملائكة متل البشر إلها حرية مطلقة من الرب
                                  وعلى اساس هالحرية الله يختار ألا يعرف ماذا بنفس الانسان او الملاك مو عجزا ولكن إذا ساوا هيك بيصير ديكتاتور
                                  وهذا مناف لكماله
                                  هيّ العبارة مو كتير فهمتا ..

                                  *الشيطان لا يجرب بالمعنى الحرفي للكلمة
                                  بل يغري ويجمل الخطيئة
                                  وليس هدفه ان يمتحن الانسان ليعرف نيته وإلا بيكون عم بيساعد الله,
                                  ولكن هدفه ان يبتعد ذلك الانسان عن الله
                                  تمام .. كلامك صح .. بس هون بتظهر حكمة و مقدرة أللــه ..
                                  و هادا بيذكرني بآية :
                                  جميع الأمور تؤول إلى خير الذين يتقون الرب .


                                  3- ولكن ..... المحبة الرائعة التي لا تفوقها محبة أمرت وانا اؤكد على أمرت بالفداء والمصالحة
                                  التي تمت بتجسد وحياة وآلام وموت وقيامة يسوع المسيح
                                  تحية و بوسة إلك حبيبنا ..
                                  لأنو (( التي تمت بتجسد ... )) .. لأنو قسم كبير من اللي بيناقشو بينسو دور التجسد الأساسي بالفداء ..
                                  في قطعة من صلوات الميلاد بتقول : ( اليوم بدء خلاصنا ) ..

                                  4- أما فكرتي فهي انو يهوذا والشيطان بيتصرفو مو من شرن
                                  (كل ما خلقه الله حسن وحسن جدا)
                                  ولكن من حريتن


                                  *وكذلك آلاف من العيوب التي تكلم الرسل عن أنفسهم بها
                                  ولكن ما جعلهم قديسين هو سماحهم للروح القدس بأن يعمل بهم وتوبتهم
                                  5- كل الناس خطاة كل الناس بها شر نبع من سقوطهم بأبيهم آدم
                                  والانسان الجديد الذي نتكلم عنه واننا اخذناه بمعموديتنا وبميرووننا وبقرباننا هو الانسان المعترف التائب الذي يسعى ليتقرب اكثر ممن أحبه



                                  - ان الله يحب الخلائق كلها حتى الشيطان
                                  (ولا ينصدم من يقرأ)
                                  - إن الله عادل والشيطان خاطئ وكذاب وابوالكذب
                                  ولكن الله محب ورحيم وله ان يغفر عن خليقته عندما يريد ودون ان يكون مسائلا من بقية خلقه
                                  عندما نسأل لما لم يوقف الله الشيطان
                                  ببساطة لأن الشيطان لا يفعل سوى انه يغري (ووقت العدل آت)
                                  والانسان بحريته ينفذ ولو تدخل الله مباشرة( وأؤكد على كلمة مباشرة لأنه يتدخل فعلا ويقلب كل الامور للخير
                                  وله طرق لا نعلمها )


                                  و أنا كمان هيك عم قول حبيبنا ..

                                  معناتا بس إنو أنا ما عرفت وصّل فكرتي ..

                                  إنو الرب وضع يهوذا بقرب المسيح .. ما بينتقص من حرية يهوذا الشخصية ..

                                  برأيي كلمتك إنو الشيطان ( يغري ) نفس كلمتي ( يجرب ) .. لأنو الإغراء .. تجربة ..
                                  ملاحظة : أنا .. بلييييييييز بدون جدالات .. أنا بحط رأيي أو معلومة و بسسسس


                                  مــــــواضــــيـع

                                  Comment


                                  • #37
                                    رد: من هو الشيطان ؟

                                    بين وجود الشيطان ورمزيتو بالأنجيل وعلى فكرة هي ما الا اي علاقة بالطائفة يعني أنا درست عند الطائفتين بجمعية النهضة الارثوذوكسية بعمان وهون بلجنةالتعليم الشرق اوسطي الكاثوليكية وقت الدراسة اجمعو انوالشيطان هو رمز للشر الموجود بالانسان / بالمقابل اقتناع بعض رجال الدين ايضاً من الجهتين بوجود الشيطان كذات ؟؟؟؟؟؟؟

                                    هللأ إذا حكيت على الكاتوليك اللي ذكرتيهم .. ممكن يجي شي حدا و يقللي متعصب و يدوّرلي هالأسطوانة القديمة ..

                                    أما هدول الأرثوذكس اللي عم تقولي عنهم ..

                                    نفسي أشوفهم ..

                                    كمان مشان ما حدا يفهمني غلط ..

                                    بحب الكل و بحترم الكل ..

                                    بس ما بقول عن الغلط إلا ( غلط ) ..

                                    يعني متل ما بيقولو : ما عندي دقن ممشطة ..

                                    ملاحظة : أنا .. بلييييييييز بدون جدالات .. أنا بحط رأيي أو معلومة و بسسسس


                                    مــــــواضــــيـع

                                    Comment


                                    • #38
                                      رد: من هو الشيطان ؟

                                      اقتباس:
                                      2- ولكن رح خالفك انو الرب بيسمح للشيطان بأنو يجرب بهالحالة حبيبنا .. يا ريت تقرا سفر أيوب قبل ما نكفّي ..


                                      اقتباس:
                                      *ان الملائكة متل البشر إلها حرية مطلقة من الرب
                                      وعلى اساس هالحرية الله يختار ألا يعرف ماذا بنفس الانسان او الملاك مو عجزا ولكن إذا ساوا هيك بيصير ديكتاتور
                                      وهذا مناف لكماله

                                      هيّ العبارة مو كتير فهمتا ..

                                      صديقي العزيز إن قصة أيوب ومصائبه والتجربة
                                      وإن كانت تتكلم بتفاصيل عن أن الشيطان يتكلم مع الله
                                      ويسأله الإذن ليجرب
                                      إلا أن هذا لا يعني أبدا أن هذه هي طريقة الله

                                      إن سفر أيوب يتكلم عن ثقة الله بمحبيه لا عن أنه يسمح او لا يسمح بالتجربة
                                      ذلك تفصيل ثانوي

                                      (فيني قربها للقارئين [انو الموقف من سفر أيوب هو نفس الموقف تقريبا إن صح الكلام من سفر نشيد الاناشيد)

                                      رمزي
                                      ويتكلم عن الثقة وليس عن التجربة
                                      مثلما يتكلم نشيد الاناشيد عن الحب وليس عن الجنس
                                      ومثلما تتكلم قصة الطوفان عن الاخوة والحب والخلاص لا عن العقوبة والموت

                                      =======

                                      أما العبارة اللي عم بتقلي انو ما فهمتا فهي ببساطة
                                      تتكلم عن محبة الآب الخالق
                                      (إن الله يحب كل واحد من الناس وليس كل الناس)
                                      وهو من محبته لا يحد من حرية خلائقه
                                      (العاقلة وغير العاقلة)

                                      لأن الحد منها يحوله من خالق بدافع الحب
                                      الى خالق بدافع العبودية وهو بهذه الحالة يصبح ديكتاتورا
                                      هاد ببساطة قصدي
                                      ====
                                      دودي العزيزة
                                      التخبط اللاهوتي
                                      بين وجود الشيطان ورمزيتو بالأنجيل وعلى فكرة هي ما الا اي علاقة بالطائفة يعني أنا درست عند الطائفتين بجمعية النهضة الارثوذوكسية بعمان وهون بلجنةالتعليم الشرق اوسطي الكاثوليكية وقت الدراسة اجمعو انوالشيطان هو رمز للشر الموجود بالانسان / بالمقابل اقتناع بعض رجال الدين ايضاً من الجهتين بوجود الشيطان كذات ؟؟؟؟؟؟؟
                                      أنا معك أنو الطائفة ما إلها علاقة وماني عرفان من خطر ع بالك انو الامر الو علاقة بالموضوع
                                      الامر الحقيقي والمعضلة الحقيقية
                                      هي بين ان نتمسك بحرفية تامة
                                      أو ان نبحث عن المعنى
                                      إن سفر التكوين يقول أن الخطيئة الاصلية تمت بتنفيذ الانسان لها وهروب من وجه الله
                                      ولكن بدايتها كانت بسؤال مشكك من طرف خارجي
                                      فالطرف الخارجي لم يسمه التكوين ولكن مثله بالافعى
                                      وتم ذكر اسم الشيطان لاحقا (وين اول آية ما بعرف)
                                      هلق انا معك انو الشيطان له جانب ترميزي
                                      وهو موجود بالانسان
                                      ولكن لم يوجد به إلا بعد السقوط
                                      او بعد الخطيئة الاصلية (التي هي كما تعلمون ليست التفاحة بل التمرد ومحاولة أخذ مكانة مساوية مماثلة للكمال الالهي)
                                      ولكن قبل ذلك ............

                                      هل خلقه الله في الانسان؟؟؟
                                      أم ان سقوط الانسان سمح له بالتكون او الدخول وان يقوى داخله
                                      بشهوات معيله(الانسان)
                                      هنا السؤال الذي يجب ان نصل لجواب له

                                      ولي عودة
                                      =======

                                      وردة للكل
                                      (منشان المشاركة)

                                      "سلامي امنحكم, سلامي اعطيكم, لا كما يعطي العالم اعطيكم أنا."
                                      "ثقوا لقد غلبت العالم"
                                      ======================================

                                      Comment


                                      • #39
                                        رد: من هو الشيطان ؟

                                        اللــه خلق الملائكة .. و الشيطان كان رئيس ملائكة .. أللـه خلقو ..

                                        بس هوّي سقط مع الطغمة الملائكية اللي معو .. سقطو بالغرور ..

                                        و تحوّل من حامل النور ( لوسيفوروس ) إلى شيطان شرير ..

                                        ممكن نعرف بشو إنغر هادا الملاك والظاهر ما كان أي ملاك كان رئيس الملائكة .

                                        أنت الأسد... وقلب الأسد بعيونك نلحظو ... ضلّ ابتسم .... ضحكك زمجره ... خلّي العِدا ...من زمجراتك ترتعد ... نحنا الك
                                        يا حمص دام عزك, والضحكة إلِك عنوان ................ ليش الشعب هزك, وما خلا فيكي أمان
                                        كل شي انفجر ..... و صار الحجر يبكي حجر .... دم الضحايا و البشر .... و شفتك يا شام بتدمعي .... لكن ابد ما بتركعي ..... و يا شمس بدك تطلعي .... و ترجع تنور يا قمر

                                        Comment


                                        • #40
                                          رد: من هو الشيطان ؟

                                          إن الكتاب المقدس،يصف الشيطان تارة تحت اسم "الشيطان" بالعبرية أي (ساتان= المقاوم) وتارة تحت اسم "إبليس" (diabolos= المشتكي زوراً) حيث يشير إلى كائن شخصي غير مرئي في حدّ ذاته، ولكنه يظهر بعمله أو بتأثيره إما من خلال نشاط كائنات أخرى (أرواح نجسة مثلا) وإمّا من خلال التجربة.
                                          تقبلوا مروري
                                          أدعوني وقت الضيق ....أنقذك فتمجدني

                                          Comment

                                          Working...
                                          X