بعتقد صارت سوبر ماركت

[...HUGO...]

رد: بعتقد صارت سوبر ماركت

ولله حكي صحيح 100%

[روري]

رد: بعتقد صارت سوبر ماركت

حكيك كتير حلو و مظبوط و عنجد هالوضع بأسي
بس بدي أحكي أنو بالنسبة للحفلات ما بعرف بس بحس أنو القاعة منفصلة عن الكنيسة يعني الحفلة عم تصير بالقاعة و مو بالكنيسة مشان هيك ما بحس أنو فيها شي و برأيي أنو كل شي بصير بالقاعات أو برات الكنيسة متل البيع و الحفلات وغيرو ما فيو مشكلة المهم أنو مو بالكنيسة.
أما المشكلة الكبيرة هي بالنسبة للبس فأكيد الحق معك و متل ما قالوا ما فيها شي إذا الواحد كان مرتب و أنيق و هو رايح عالكنيسة بس المشكلة هي بالاحتشام يلي صار كتير نادر و المشكلة التانية هي أنو في عالم بتتأخر عن القداس مشان ترتب حالا و تمشط شعرا و ما بعرف شو ...
يعني العالم صفيت مو رايحة لتصلي رايحة لتعرض أزياء
و عنجد في خوري بعرفو بقدس بالكنيسة يلي أنا بصلي فيها كتير بحبو و بضل ينبه و يبهدل على هالقصص و العالم سلامتك أدن من طين و أدن من عجين
يعني ما بعرف شو الحل

[Maximos]

رد: بعتقد صارت سوبر ماركت

وبرا الكنيسة كل واحد حر شو بدو يعمل وشو بدو يلبس ؟؟؟

بعتقد ريتا إنو ما قصدتيها غلط ... بس ملهم جاوب بناءً على هالاحتمال .. مو من باب سوء الظن .. بس مشان ما حدا يفهم كلامك غلط ..

ممكن افهم شو معناه انو كل واحد حر براة الكنيسة
انا كأني فهمت انو معليش نكون بوجهين شي لربنا وشي للناس؟

مزبوط حبيبنا ..
المسيحي مسيحي .. برا و جوا ..
ممكن برا يكون ( سبور ) شويّ أكتر ..
بس مو يصير ( مو مسيحي ) ..

لأنو المسيح قال : ( أنتم في العالم .. و لستم من العالم .. )
نحنا هون بالعالم .. بس مو معناتا إنو نكون ( بالسوء ) متل غير عالم ... في روحانية معينة يُفترض كمسيحيين يكون عنّا الحد الأدنى منها ..

[Maximos]

رد: بعتقد صارت سوبر ماركت

موضوع صالة الكنيسة :

هيّ انوجدت بالأساس لتحل مشكلة مو لتعمل مشكلة ..

انوجدت مشان تحل مشكلة متل الأخد بالخاطر ( التعزية ) ... و ممكن لأفراح أبناء الكنيسة (( مشان هيك برأيي يكون استخدامها بالأفراح للمواظبين على الكنيسة .. مو للي ما بيجي على الكنيسة إلا على هيك حفلة ))

هدف تاني (( و هوّي الأهم برأيي )) للصالات : أنشطة التعليم الديني .. حتى الحفلات منها ..

و بما إنو حكينا عن الحفلات .. أهم شي - برأيي - إنو جوّ الحفلات يكون جوّ مسيحي .. يعني بدون تفللت .. بدون لباس أو حركات غير محتشمة .. يعني سهرة أخوة مع بعض .. مو سهرة ( حجيات و رقاصات ) ..

و في جانب كتيييييييييير مهم ..

بأعياد الكنيسة منعمل صلا ......... مو حفلة ..
أعياد المسيح و العدرا و القديسين ...
بيكون فرح روحي و صلا .. مو هزّ خصور .. !!!!!!!!!!!

و بما إنو ما فينا نعمم هالشي على المطاعم .. فا .. عالقليلي ننتبه ما يكون هالشي بصالة الكنيسة ..

[Maximos]

رد: بعتقد صارت سوبر ماركت

أما المشكلة الكبيرة هي بالنسبة للبس فأكيد الحق معك و متل ما قالوا ما فيها شي إذا الواحد كان مرتب و أنيق و هو رايح عالكنيسة بس المشكلة هي بالاحتشام يلي صار كتير نادر و المشكلة التانية هي أنو في عالم بتتأخر عن القداس مشان ترتب حالا و تمشط شعرا و ما بعرف شو ...
يعني العالم صفيت مو رايحة لتصلي رايحة لتعرض أزياء

مزبوووووووووووط روري

و بحب هون ألفت الانتباه إنو هالكلام كتير ناس بتفهمو إنو عن الصبايا بس ...
لاااااااااااااااء ..
الشباب كمان ..
اللي بيفتح عن صدرو ... و اللي بيقضي ساعة بالجل و السيشوار لدرجة إنو يتأخر عالصلا كرمال إنو يطلع ( شيك ) قدام ( ست الحسن ) أو قدام الصبايا إجمالا ً ..
بحب إسأل حالي و الكل :
على طووووووووول منفكر كتييييييييييير كيف الناس رح تشوفنا ..
طيب ليش ما منفكر - و لو شويّ - كيف أللـه عم يشوفنا ..

ما عم قول إنو الواحد يروح عالكنيسة مبهدل .. بالعكس ..
و أنا - عن حالي - بحط جيل ( شويّ ) .. و برتّب حالي .. بس المدة المقدرة لهالشي ربع ساعة مع اللبس و غسيل الوجه ..

[مسيحي ابن حلال]

رد: بعتقد صارت سوبر ماركت

كتير الحكي حلو


بس أخ نبيذ منشان موضوع الخوري انو بيغضر يعمل شي

سماع وحكوم وشوف وين المسيحيين صارو

صح هي حادثة ما بتصير غير مع المختلين عقلياً بس صارت ولازم تنحكى



في خوري طلب الاحتشام ومنع اي بنت تتقرب على المناولة او حتى وقت يقرأ الانجيل يشوف بنت غير محتشمة كان يطلب منها تطلع برات الكنيسة

فنفذ هالأمر

وحكا بنات كتييير وبهدل كتييير

واذن من طين واذن من عجيب

بس وقت مرة وقف الصلاة ومعد كمل الصلاة ليطلعو كل البنات الغير محتشمات من الكنيسة العالم كلها استغربت

وهو جلس ومعد كمل

فخجلو البنات وطلعو

وتاني نهار سمعنا انو في خوري جديد

بدل هذا الخوري

لأنو صار بالمشفى بعد القداس هجمو علي شباب ووضربو لأنو عمل هيك

وأنا ناطر نكمل الموضوع ونحط كل النقط اللي غير موجودة

[Maximos]

رد: بعتقد صارت سوبر ماركت

صحي إنك إبن حلال


هههههههههههههه ... شر البلية ما يضحك ..

منيح اللي نفد بهيك بس ..

منيح اللي بعدو عايش ..

الشبيحة اعتبرو إنو معناة كلامو إنو هني فلتانين ..


شايف على هالخوري ..
يعني إذا وحدة إجت بالمايوه عالكنيسة بتكون فلتانة .. العفه ..


هههههههههههههههههههههههههه .. عم إمزح ..

منحكي جد .. هيّ الطريقة فاااااااااااشلة 100 % ..

ليش ؟؟

لأنو بأحسن الأحوال .. هيّ اللي انطردت أو تعاملنا معها بهالطريقة بحياة عمرا ما رح تجي عالكنيسة ..

بهالحالة منكون حرمناها من فرصتين للتغيير و التحسين : المناولة و العظة ..

دور الخوري إرشاد مو بهدلة ..

لأنو مابدو ينسى إنو هدول ولادو ..

أفضل و أأمن أسلوب هوّي بالتعليم الديني .. تعوّدهن من الزغر ..

مع إنو اللي عم شوفو من كتير من ( ولاد الكنيسة ) بيوحي إنو هالفكرة عقيمة ..
بس الغلط مو من الفكرة ..... الغلط بتطبيق الفكرة ..

يعني مستوى التعليم الديني لازم يكون أحسن من هيك ... ( هههه بكتييييييييييييييير ) ..


أللــــــــه يـــرحــمـــــنـــــا

[.بشار.]

رد: بعتقد صارت سوبر ماركت

هادا رأي أنا
الكنيسة صارت بوقتنا مكان للأجتماعات للأفراح و الأحزان
لمن بدي صلي عن جد بصلي بلبيت أنا أعد أنا وبدي نام أنا بلكنيسة ما بعرف صلي حتى ما بعرف معنا الخشوع أما بلبيت بحس حالي مرتاح أكتر
أما عن موضوع الصالة بل كنيسة فبا شباب شو بدنا نعمل الكنيسة بدا مصاري ما عم تكفي التبرعات بلصينية للفقرة هي أزا شافو شي الله أعلم

[rita13]

رد: بعتقد صارت سوبر ماركت

أنا ما قصدت هيك بس قصدي انو لبس الحفلات غير لبس الكنيسة .......

ولبس المشاوير غير لبس الكنيسة ...يعني مو قصير وضيق وبلا اكمام..

وانت بتعرف كيف صارت الموضة والازياء ... اقل شي يحترمو المكان .....

شكرا

[rita13]

رد: بعتقد صارت سوبر ماركت

[

انا على كل الاحوال مابروح عالكنيسة ... واذا رحت ولو كان بحفلة عرس بنتبه اني رايحة كنيسة ... انا قصدت انو تكون الكنيسة للصلاة مو لعرض الازياء.....

لا تفهمونا غلط

[Molham Haddad]

رد: بعتقد صارت سوبر ماركت

بتعرف ابو السيم

الف مرة احسن انو الناس ما يجاوبو دغري

عطي الموضوع وقتو انا متأكد انو لو حدا عندو حل عملي وواضح ما رح يخبيه

وصدقني حتى اللي عاملين من الكنايس والمراكز مغاور علي بابا مانن رضيانين مية بالمية

[ROSEMEARY]

رد: بعتقد صارت سوبر ماركت

يسلمون على الموضوع

[مسيحي ابن حلال]

رد: بعتقد صارت سوبر ماركت

حابب كفي بس المشكلة لسعتها كبيررة

وانا الموضوع عم لشتغل عليه


مع الكنيسة

بس عم نشوف شغلات معدها موجودة

وبصراحة كان في خوري وانا وصغير

كان كل واحد يدخل بنصف الصلاة وخصوصا بعد قراءة الانجيل

ممنوع يقترب يتناول (( لأن لازم يسمع كلام الرب ))

وكانو يعلمونا كيف نمسح البغض من قلبنا

بذكر كان نحمل رتبة السلام

وكنا من كل قلبنا نقوم نتصالح ضمن الصلاة ونسلم على بعض

واذا كنا ما نعمل هيك ما نقوم نتناول

وكنا ما نطلع ليخلص اخر كلمة او ليخلصو ترنيم

لحتى نطلع من الكنيسة

هلئ صرنا منوقف برا

من شفنا العالم عم تتناول

مندخل منتناول ومنطلع منوقف برا


أو اذا كنا جوا

منقعد منتفرج مين عم يطلع

وهذا شو لابس

وهديك كيف عم تمشي


ومنحط عينا على وحدة ومعد منشيلها ((( وقحني يعني )))





سوري عم احكي هيك لأن الشغلات اللي عم تصير منها منا ومنها من الكنيسة

ولازم نصلح نفسنا وبعتز بجوز فيها تهجم

او خروج عن الموضوع

بس الموضوع بيبلش بكل واحد فينا

ولازم نزكر كل شيء عم يصير

[صبحى السواح]

رد: بعتقد صارت سوبر ماركت

شكرا شباب لغيرتكم على الكنيسه اللى هى بيت الله

الذى قال عنها الكتاب ان ابواب الجحيم لن تقوى عليها
اشكركم شباب وصبايا
الرب يبارك حياتكم

[Molham Haddad]

رد: بعتقد صارت سوبر ماركت

هلا صبحي
اما
بالنسبة للمشاركة اللي تفضلت فيها يا "مسيحي ابن حلال"

فأنا معك بأنو نوصل هالعادات للناس
من مسامحة ومصالحة بوقت القداس

ولكن مهما يكن ما بيحق لأي إنسان انو يمنع التاني من المناولة

لعدة اسباب ما رح اذكرها كلها
بس افرض انو انجبر الاخ يتأخر او صار شي ع الطريق افرض انو هالشخص حس انو لازم يتناول لأي سبب

وأهم حجة على انو ما بيحق للخوري انو يمنع المناولة هي انو ممكن بكرا ما يكون هالشخص موجود ليتناول

اما انو يمتنع عن مناولة شخص داخل ومستهتر بلباسو او تصرفاتو فهاد شي تاني لأنو ساعتها رح يحس ع دمو وبيعتذر فبيرجع بيناولو الخوري اما اذا قرر انو غلطو اهم من القربان فهو حر

حابب احكيلك عن معجزة صارت باميركا اللاتينية
عن تمثال ليسوع المصلوب بس وحدة من ايديه موجهة لقدام

والقصة انو تحت هالتمثال في كرسي اعتراف ومرة في خوري سمع اعترافات من شب اكتر من مرة وكانت بتشيب الراس لهيك رفض انو يعطيه الحلة فتحركت ايد التمثال ونسمع صوت عم بيردد كلمات الحلة
هلق ما بعرف اذا صحيحة ولكن معناها لحالو واضح
عدا عن فكرة منع القربان انا معك مية بالمية

وبعتقد انو الحل بيكمن بالنق ثم النق ثم النق وقبلو كلو الصلاة وطلب معونة الروح القدس
و مو ع الخوارنة بس ع الشباب اللي بنشوفن هيك

[ninos]

رد: بعتقد صارت سوبر ماركت

حركنا الورد لنشمو

[طحبوش]

رد: بعتقد صارت سوبر ماركت

طول عمرن الي على حق في الايمان اقل بكتير عددا و عتادا من الناس الغير المؤمنة او اصحاب الايمان الضعيف يعني انا ما بحب الشمولية و في ناس بتشتغل و بتتعب و مؤمنة و عندها الكنيسة متل بيتها و في ناس و لا ع بالن لا نشمل نحاول ننطلق بقاعدة توعية و قد ما فينا نقرب الناس من بعض نحن عنا كهنة قديسين و عنا ناس داخل الشعب متل الوردة بقلب الصحرا بس محتلجين مين يجمعن و يوظفن لهيك امر

[كليوبترا]

رد: بعتقد صارت سوبر ماركت

اول شي بحب اتشكرك من كل قلبي عالموضوع وتسليط الأضواء عليه

تاني شي مشان الحشمة انا معك ألللف بالمية

يعني مو معقول الواحد يدخل على بيت الله .... بيت ربنا العظيم وكأنو عم بيروح يعرض أزياء أو كأنو طالع على شي سهرة اجتماع شباب وصبايا

كوني أنيقة ما حدا قللك لا ...... بس محتشمة

حتى الراس ما بصير يكون مكشوف ..... نحنى عننا بكنايسنا البنت ما بتفوت إذا ما حطت إيشارب عراسا ......


وكمان ما بقصد على حشمة اللباس بس .... حشمة اللسان كمان لان في ناس ما بيعجبا تحكي وتطق حنك غير وهيية قاعدة بالكنيسة !

الشغلة مانا بالمظاهر متل ما بعض العالم رح تفهما بس المفروض نحترم حالنا وئت بنكون ببيت الله .

هي من جهة .... من جهة تانية انت ذكرت وقلت وين الخشوع بمكان معبى برفانات وكعوب عالية ومدري شو ..... انا مو معك بهي النقطة أخ

لأن الأيمان والرغبة بالصلاة بينبعو من القلب ووقت بدك تصللي وبكل خشوع ما رح يهمّك غيرك ولا تطلع يمين وشمال ... غمض عينيك وروح لعالم الروح مع سيدنا يسوع المسيح وتخييل انك قاعد معو رح تنسى كل شي عم يصير حواليك

وتعطشنا للصلاة هيك بتخللينا نعمل بشكل تلقائي

بس بالنسبة للناس اللي بتتأثر بهيك أشيا متل ما قلت أحسنلا تبقى بالبيت تصللي وتحس بخلاء وانو كل شي فيها متعللق فوق مع الرب وقت بتصللي من انو تروح بس تكملة عدد

بس الكنيسة غير شي .... بيت الله شي تاني ..... وئت الواحد بفوت عليه وبيتزكر جملة الكنيسة عروسة المسيح واننو هية بيت الله هاد وحدو بكفي لانو تحس حالك بغير عالم

[كليوبترا]

رد: بعتقد صارت سوبر ماركت

أما بالنسبة لصالات الحفلات فبرأيي إذا كانت الصالة مو جوى الكنيسة ... يعني بجنبا ما فيها شي بالعكس ....

أما اذا كانت جوى الكنيسة وبصير فيها رقص وما رقص لا هي خطية وما بتجوز بنوب

[civilknight]

رد: بعتقد صارت سوبر ماركت

اول شي بدي اشكر صاحب الموضوع ...مع انو (باند )
بس الموضوع كتير كبير والناقش فيه كتير حلو
وقريت كل رد بتمعن وحبيت كل الردود المختلفة والمتشابهة
أذا الرب هلء ما قلب طاولات الصيرفة
ناطر منا نحنا نقلبها
مو هو قال
"عندهم موسى والانبياء" لوقا ١٦ : ٢٩

فالتصرف هلء مطلوب منا واذا زاعجك شي فيك تحكي
فانتو تحركوا ويلي زاعجو الموضوع بيقدر يناقش مجلس الرعية وويدافع عن رايه وبتصور بيوصل لنتيجة بس بعد فترة واهم شي ما ييأس

شكرا جميعا وخصوصا نينوس ع التنشيط