سقطت القيم وانقلبت الموازين

[cloude]

سقطت القيم وانقلبت الموازين

"ليس من إنسان يحيا ولا يُخطئ". هذا من اليوميات ولا يُخيف إذا كان الخاطئ متمسكاً بالمبادئ الأخلاقية ويعتبر أنها من الله وأن له فيها حياة. عندما نقول: أن هذا الإنسان ذو مبدأ, نعني بذلك أنه ينطلق من بدءٍ هو كلام الله. وإذا قلنا: أنه أخطأ, نعني بذلك أنه سقط على الدرب, ولكن لعِلمِه بما انطلق منه يعرف إلى أين يسير وكيف يسير حتى يبلغ الهدف. وعلى قدر ما يتجلى الله له ويتقوى هو بكلمته يلملم نفسه وينتصب ويتابع المسيرة. الكارثة أن يكون الإنسان بلا مبدأ لأنه, إذ ذاك, لا مرجعية له ولا هدف. يتخبَّط تخبطاً. لعل هذا الإنسان لا يوجد. فإن كان يعرف كثيراً عن كلمة الله يهديه ضميره. فلا بدَّ أن يعرف الإنسان من وجدانه أن الصدق مبدأ, والأمانة مبدأ, والعهد الزوجي مبدأ, يكذب بعد هذا أو يخون, ولكنه عائد بسببٍ من كلمة الرب إذا تذكرها أو قرأها من جديد أو يكون ضميره قد تخدّش فيعيده ضميره إلى الله. ما يجري الآن في المجتمع الحديث أن أناساً ليس فقط يكذبون –هذا كان منذ كان الإنسان- ولكنهم يعتبرون الكذب شيئاً جيداً ينقذهم من المآزق, ولا يشعرون أنهم بذلك تقزّموا وجبنوا ووقعوا في هزالة كبيرة. اليوم في بلادنا الفضيلة صارت غباء, والرذيلة شطارة, وانقلبت الموازين. الزنى صار يسمى حباً, والأمانة الزوجية إنطفاء للمشاعر, والتقوى زياً قديماً, وإهمال الكنيسة سلوكاً عصرياً. انقلبت الموازين. في القديم كان القاتل يُدعى قاتلاً ولو كان في خدمة إيديولوجية أو حزب أو أية غاية مهما سمت, في رواية الأخوة كارمازوف يسأل إيفان أخاه أليوشا: "افترض أن مصير البشرية بين يديك, بهدف جعل الناس سعداء نهائياً, ولكي تؤمن لهم السلام والراحة, وأنه لكي تحقق هذا الهدف عليك أن تُعذب طفلاً صغيراً, وأن تبني السعادة المستقبلية على دموعه, فهل توافق؟ أجبني بدون كذب" "لا, لا أوافق على ذلك" أجاب أليوشا. اليوم من ذبح بدافع العنصرية والتطرّف وأباد النساء والأطفال يسمى بطلاً. الراشي والمرتشي كانا يعتبران عدوّين للدولة ومفسدين لموظفيها أو للشركات أو للمواطنين. اليوم باتت الرشوة جزءاً من حياة الكثير من الناس, ويبرّر الراشي نفسه بأنه يريد معاملة سريعة, ويزكّي المرتشي نفسه بأن راتبه قليل. في الماضي كان الإنسان يقول لنفسه : معاشي قليل, إذاً أتقشف حتى يرتفع معاشي. انقلبت الموازين. لا خلاص في الحقيقة لمن اختلّت موازينه وفقد مرجعيته الروحية التي في قلبه. إذاً هو بلا ارتباط بالله أو بلا ارتباط بضميره أو أسكت ضميره حتى يحصل على متعة أو مجد, حتى "يعيش". في الحقيقة الذي سقطت عنده القيم يكون قد غيّب الله عن قلبه. يكون قلبه قد فرغ من النور وامتلأ من الظلام. وتزداد خطيئته عندما يُعلمّ أن لا وجود للقيم. هذا ما يسميه السيد الخطيئة ضد الروح القدس والتي يقول عنها أنها لا تُغفر. ويفسّر باسيليوس الكبير أن الخطيئة ضد الروح هي أن تُسمي الخير شراً والشر خيراً. أن تسمي السرقة مثلاً شطارة وأن تسمي الصدق هبلاً فهذه معاندة للحق, ولا يمكنك إن كنت على هذا التفكير أن تعمل أي صلاح. قلبك يكون مباشرةً ضد الحق. المهم أن نضع عقلنا في السكة الصحيحة, أن نؤمن بأن الله هو الصحيح, وإذا قلنا غير ذلك يكون هذا فينا وسوسة من الشيطان. يمكن أن تكون حليف الله وأن تُخطئ. ولكن إن وصفت الأعمال على غير ما يصفها الله فهذه هي الجحيم عينها التي تكون قد رميت نفسك فيها وأنت في العالم.


منقول

[فــراري]

رد: سقطت القيم وانقلبت الموازين

إن وصفت الأعمال على غير ما يصفها الله فهذه هي الجحيم عينها التي تكون قد رميت نفسك فيها وأنت في العالم.

شكرا الك

[ابو الريف]

رد: سقطت القيم وانقلبت الموازين

الكارثة أن يكون الإنسان بلا مبدأ لأنه, إذ ذاك, لا مرجعية له ولا هدف. يتخبَّط تخبطاً

كلام جميل مشكور

[cloude]

رد: سقطت القيم وانقلبت الموازين

ابو الريف و فيراري الرب يحميك و يباركن

[jida]

رد: سقطت القيم وانقلبت الموازين

حلو الموضوع كتير كلود .. ميرسي الك

[abokaro]

رد: سقطت القيم وانقلبت الموازين

عنجد انقلبت الموازين بشكل كبير

مرافق هذا الانقلاب كلمات باتت باهتة ومتصدعة وهزيلة ((حضارة ... وتطور ... والحياة هي المال و وووو ))

وهناك الكثير والكثير وهذا هو المفهوم الخاطئ الذي نحاول به ان نتمسك بكبريائنا وقوتنا به ناسينا القيم والمبادئ
او الافضل متناسين لان هذا ياعكس مجريات حياتنا واحلامنا التي نريد تحقيقها باية وسيلة واسرعها

برايك على من الحق علينا ام على البيئة ام على الزمن ام على التربية ام وام ...............

مشكور كلود ويعطيك الف عافية

[Maximos]

رد: سقطت القيم وانقلبت الموازين

يسلمووو حبيبنا

عندما نقول: أن هذا الإنسان ذو مبدأ, نعني بذلك أنه ينطلق من بدءٍ هو كلام الله.
وإذا قلنا: أنه أخطأ, نعني بذلك أنه سقط على الدرب,
ولكن لعِلمِه بما انطلق منه يعرف إلى أين يسير وكيف يسير حتى يبلغ الهدف.

[نبيذومطر]

رد: سقطت القيم وانقلبت الموازين

أول شي يسلم هالايدين كلود

بس تعوا نحكي شوي صرلنا زمان ما حكينا :

* أول شي نحنا مسيحية ، و الدين المسيحي غير فئوي ، فبدنا نتفق أنو في مجموعة قيم موجودة عند المجموعات الانسانية حتى لو كان صاحبها بوذي مثلاً
هالقيم أحياناً منتفق معها .. و أحياناً منعتبرها غلط .. حسب شو اللي بيناسبنا منها وشو لأ ( بيتناسب مع مفهومنا كمسيحيين )
* بأيامنا مزبوط انعكست كثير من المفاهيم ( مع تحفظ بمطارح معينة ) هي أكيد ما بدها جدل .. حقايق ملموسة عم نشوفها و نلعنها بشكل يومي .. لأنو نحنا كمان عم نتضرر منها و من هيمنتها بالبيئة و المجتمع

بالنتيجة .. كل مجموعة انسانية .. كل جماعة .. كل مؤمن بدين ما لا على التعيين هوه حامل لمجموعة قيم و مبادئ .. الفرق بيبقى بتمايز هالمبادئ من دين لدين من فكر لفكر .. إلخ

يلي بيعنيني أنا كشخص بهدا الموضوع :

1 _ اقدر افهم الفرق بوصفو وجهة نظر أو معتقد مخالف الي بدون ما حيد قيد شعرة عن ايماني الحقيقي
2_ و بالنسبة للانسان يلي بيخالفني بالمعتقد الديني و يلي بتجمعني معو صفة الانسانية ، عاملو بمنطلق انساني مرتكز سلف على مبادئي كمسيحي
يعني ما بقدر قلو للوثني مثلاً ، انت ما بيصير تعمل هيك لأنو بالمسيحية قايلين كذا .. ما هوه مانو مسيحي .. بس بقدر قلو انت ما بيصير تظلمني لأنك لو حطيت حالك مطرحي و شهدت الظلم رح ترفضو ، ما بيصير تحقرني لأني مختلف معك بالدين لأنك أقوى سلطوياً مني ، لأنو بغير مطرح بيجوز يكون المسيحي أقوى سلطوياً منك و انت رح ترفض التحقير .. ما بيصير تسرقني لأنك هيك عم تاخد تعبي و لو اجا وقت و حدا أخد تعبك و سرقك شوف انت كيف بدك تحس .. يعني بالنتيجة بدك تتعامل على مبدأ الانسانية يلي بتجمعك مع الكل مهما اختلفت عقائدن ، بس بدون ما يتزحزح ايمانك ..

إنسانياً كل شي وارد .. الصح هون غلط هونيك و الغلط هون صح هونيك .. و حتى بالدين على فكرة ما حدا بيحمل الحقائق المطلقة بجيبتو .. والا ما كنت شفت مذاهب بالأديان .. حتى بالنظرة للرب من داخل الدين الواحد بيبقا في تمايز ..

بالنتيجة هالخلل الموجود ، مردو عند فئات مختلفة الابتعاد عن عقائدها الأخلاقية ، عند المسيحيين تحديداً لأنو ببقية العقائد في حكي كثير ينقال و مفاصل كثير ممكن تشكل أزمات بالتصرف ، بس بمفهوم الانسانية هالخلل مردو لابتعاد البشر ( المختلفين بالعقائد بس يلي بتجمعهن الانسانية ) عن أخلاق الانسانية ذات نفسها ..

[صبحى السواح]

رد: سقطت القيم وانقلبت الموازين

شكرا كلود على الموضوع تسلم ايدك
الرب يباركك

[عامر]

رد: سقطت القيم وانقلبت الموازين

شكرا كلود حبيب القلب شكرا كتير الك

[ولاء]

رد: سقطت القيم وانقلبت الموازين

شكرا كلود حلو

[coco amora]

رد: سقطت القيم وانقلبت الموازين

2_ و بالنسبة للانسان يلي بيخالفني بالمعتقد الديني و يلي بتجمعني معو صفة الانسانية ، عاملو بمنطلق انساني مرتكز سلف على مبادئي كمسيحي
يعني ما بقدر قلو للوثني مثلاً ، انت ما بيصير تعمل هيك لأنو بالمسيحية قايلين كذا .. ما هوه مانو مسيحي .. بس بقدر قلو انت ما بيصير تظلمني لأنك لو حطيت حالك مطرحي و شهدت الظلم رح ترفضو ، ما بيصير تحقرني لأني مختلف معك بالدين لأنك أقوى سلطوياً مني ، لأنو بغير مطرح بيجوز يكون المسيحي أقوى سلطوياً منك و انت رح ترفض التحقير .. ما بيصير تسرقني لأنك هيك عم تاخد تعبي و لو اجا وقت و حدا أخد تعبك و سرقك شوف انت كيف بدك تحس .. يعني بالنتيجة بدك تتعامل على مبدأ الانسانية يلي بتجمعك مع الكل مهما اختلفت عقائدن ، بس بدون ما يتزحزح ايمانك ..

[نبيذومطر]

رد: سقطت القيم وانقلبت الموازين

والله و أنا مثلك يا كوكو .. بس يااااااااااااااه شو كان جاي عبالي نحكي بالقصة :icon (14):
لأنو أحياناً مدري كيف عم ننسى أنو مو عايشين لحالنا بالعكس نحنا صفيانين أقلية بمجتمعاتنا بالشرق
و بنفس الوقت بعدنا لهلق منعلق بفخ الاستنساب بديننا نحنا بينا و بين بعض .. هي لحالها كارثة

[Maximos]

رد: سقطت القيم وانقلبت الموازين

والله و أنا مثلك يا كوكو .. بس يااااااااااااااه شو كان جاي عبالي نحكي بالقصة

مزبووووووووط حبيبنا ..

أغلب المواضيع ( حتى ما نقول الكل ) صايرة موضوع منسوخ + بقية المشاركات ( يسلمو ) ( شكرا ً ) ( مدري شو .. ) الخ

! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! !

[نبيذومطر]

رد: سقطت القيم وانقلبت الموازين

يلا و هي نحنا فيها .. بيتغير الجو وقت منغيرو .. و هي فكرة :

مجتمعاتنا ما بتحمل تصنيف مسيحي بحت .. بالعكس نحنا كمسيحيين المفروض نطالب بمقاييس انسانية لا دينية بالتصنيف داخل المجتمع يلي فيه تعددية و أقليات دينية متنوعة

علماً أنو المسيحية اذا حطينا الجانب الديني فيها على جنب ( طالما بس نحنا المسيحيين منؤمن فيه و غيرنا عندو غير عقائد ) .. و اخدنا مجموعة القيم يلي بتعلمها .. فهيه صالحة انسانياً و بكل المقاييس و حتى بظل التعددية

[Maximos]

رد: سقطت القيم وانقلبت الموازين

المسيحي وقت بيعيش مسيحيتو (((( بشكل فعلي )))) ..
الكل بيحبوه..
لأنو المسيحي كل ما عاش مسيحيتو أكتر بيصير متل الملاك ........ إنو بيحب الكل .. بيصلي مشان الكل .. بيعامل الكل أحلى معاملة .. الخ ..
و بالتالي إذا عشنا بمجتمعنا من خلال مسيحيتنا بيكون أحسن إلنا و للكل ..
و ما منكون محسوبين تحت بند (( من أنكرني أمام الناس أنكره أمام أبي الذي في السموات )) ..

هادا رأيي ..

و بحب إسمع رأي بقية الأخوة و الأخوات ..

[نبيذومطر]

رد: سقطت القيم وانقلبت الموازين

المسيحي وقت بيعيش مسيحيتو (((( بشكل فعلي )))) ..

الكل بيحبوه..
لأنو المسيحي كل ما عاش مسيحيتو أكتر بيصير متل الملاك ........ إنو بيحب الكل .. بيصلي مشان الكل .. بيعامل الكل أحلى معاملة .. الخ ..
و بالتالي إذا عشنا بمجتمعنا من خلال مسيحيتنا بيكون أحسن إلنا و للكل ..
و ما منكون محسوبين تحت بند (( من أنكرني أمام الناس أنكره أمام أبي الذي في السموات )) ..

هادا رأيي ..

و بحب إسمع رأي بقية الأخوة و الأخوات ..

مو مختلفين على الفكر القيمي بالدين المسيحي بالعكس تمام
و الاعتراف بوجود الآخر المختلف ما بيعني انكار الذات .. بالعكس بيعني اثبات الذات بالاعتراف بأنو في غيري بيختلف عني معناها أنا بختلف عن غيري

الفكرة هيه بتحديد نسق عام لأخلاقيات التعامل .. تحديد مجموعة قيم و أعراف .. بتقدر تتفق و توافق عليها مجموعات ما بتعتقد بنفس الاعتقادالديني لأنو هالمجموعات موجودة بنفس المجتمع :
هون بيجي دور الفكر الانساني يلي حبيت مرقو بأول مشاركة بالموضوع