سؤال

[DAve]

رد: سؤال

كيتي برحب فيكي وبكل اهل المنتدى اخوان وخوات
انتي باسئلتك هي عملتي حركة عجيب وتحرك عظيم بالمنتدى
اول شي انا ما رح اسال وجواب ورد على اجوبتك
رح احكي وجههة نظري انا
انا اول ما وعيت على الدنيا واسم يسوع المسيح ربنا بنذكر قدامي وتعلمنا اكيد من الصغر ما هو المسيح الهنا
ومسيحتنا
واسمو صار محفور بقلبي ودايما ببالي وعرفت انو ربنا المسيح هو جاء ل يخلصنا من الخطيئة وتجسد ربنا على هيئة انسان عادي عشان يوصل كلامو بشكل انسان متل ما نحنا نفهمو
هي كلنا بنعرفو
بس اهم شي تعلمتو من معلمنا المسيح
المحبة والاخوة والتسامح والروحانية الي مفقودة هي الامور بالديانات الاخرى
هاد الشي الي علقني بالمسيح وحبيتو كتير
وكمان عرفت انو ربنا معنا دايما

على علم انا انسان ثقافتي الدينية مش قوية يمكن طالب صف خامس بيتغلب علي بالثقافة الدينية
بس دايما ببحث وبسال وبتعلم وبستفيد
وبالمسيح بتلاقي جوابك على اسالتك ربنا هو جوابك انتي بينك وبين نفسك اسالي يارب ليش هيك وهيك وهيك
يعني متل الصلاة صدقيني رح يحاول ربنا يوصلك الفكرة ويقويلك افكارك ورح يبعتلك ناس يمكن نحنا بتساعدك وبتنور طريقك وتشوفي نور ربنا
كلنا بحياتنا رح نصتدم بكتير امور ورح نتخبط شغلات بتستهوينا وشغلات بتوعينا
بس الصح هو الصح وما بيمشي غير الصحيح وعطانا عقل ربنا عشان نفكر ونستخدمو بالصح
بالمسيح مهما تعلمت رح تكتشف اشيا جديدة وامور جديدة
وبشكر ربنا على مسيحيتي وعلى النعم الي عطاني ياها
وبشكرو على الحياة بحلوها وبمرها

بحبك يا يسوع بحبك يا ربنا
المجد لك
ومشكورة كيتي على طرح هي الاسئلة
الرب يباركك ويقويكي

[Kati]

رد: سؤال

على فكرة هادا هوّي تعليم الكنيسة الأرثوذكسية (المستقيمة الرأي) .. أما موضوع إنو منورث خطيئة آدم .. فا .. هادا من التعاليم اللي عملتها الكنيسة الكاتوليكية بعد انفصالها عنا بالألف التانية .. و هالفكرة موجودة عند كتار عنّا بسبب حركة التبشير الكاتوليكية اللي إجت على المنطقة من أيام العثمانيين لحد هللأ ..

لا تعليق .

آدم الأول كلنا منعرفو ..
و آدم التاني كلنا منعرفو .. المسيح
شو منشان شهود يهوا.


عندما تكون على الحياد لست مع أو ضد تحصل على نتائج وفهم أوسع
هالكلام مزبوط .. لكن بحدود معيّنة ..

ما لازم يخلينا ينطبق علينا كلام الرب بسفر الرؤيا لأهل لاودكيا ( 3 : 15 ) :
أنا عارف أعمالك إنك لست باردا ًو لا حارا ً ليتك كنت باردا ً أو حارا ً* 16 هكذا لأنك فاتر و لست باردا ًو لا حارا ً أنا مزمع أن أتقيأك من فمي .


jooojo سأل حالك ليش أنا كتبتون وأذا بتحب التجاوب جاوب .

[نبيذومطر]

رد: سؤال

هههههههههههههههههههههههه

بتمنى ما حدا يسألني ليش عم اضحك

و مشكورين الكل ( يلي ردوا ) .. و بالأخص الأب بطرس يلي عم يتعب معنا و متابعنا على طول

[Kati]

رد: سؤال

هههههههههههههههههههههههه

بتمنى ما حدا يسألني ليش عم اضحك

نبيذ ومطر اكيد ما رح أسئلك ليش عم تضحك .

[نبيذومطر]

رد: سؤال

هئ هئ
مع انو واضحة عفكرة

[Kati]

رد: سؤال

هئ هئ
مع انو واضحة عفكرة

على راحتك مع أنو مو واضحة الفكرة .

[بطرس]

رد: سؤال

إبنتي المباركة كاتي
لقد نجحتي بالفكرة التي اقدمتي عليها من خلال سؤالك . فقد دبت الحركة في الإخوة والأخوات وهبوا لتلبية النداء وقد افاضوا بالردود والكثير من الأجوبة محاولين اعطاءكِ الجواب على الأسئلة .
والمهم أن نعلم جميعاً أنه من الطبيعي أن لا تكون كل الآراء متفقة أو أن ينجح الجميع بصياغة الجواب بطريقة واضحة . وأحياناً بحماسة زائدة وأحياناً بتسرع وقد اكون أنا واحداً منهم . هذه من صفاتنا البشرية ومن ضعفاتنا .
ومن علامات نجاح النقاش هو أن تكون حوله آرآء متعددة ونقاشات متقابلة وغير متوافقة . المهم أن ينتهي كل سؤال إلى جواب يستند إلى تعليم الكنيسة المقدسة ويجتمع الكل حوله . واتمنى في كل نقاش كهذا أن يقوم المشرف أو صاحب السؤال بصياغة الجواب من خلال ما قدمه الإخوة وختم النقاش بذلك .
شكراً على السؤال والنجاح لأن هناك حتى الإن
( 46 مشاركة ) انها حيوية مهمة في المنتدى .

[عامر]

رد: سؤال

انشالله مشي الحال كاتي
ازا لاء خبريني لحتى الك ليش ما عم تقتنعي بالكلام بس انشالله يكون مشي الحال لانو حسيت انو سكرتو الباب عالموضوع

[cloude]

رد: سؤال

واتمنى في كل نقاش كهذا أن يقوم المشرف أو صاحب السؤال بصياغة الجواب من خلال ما قدمه الإخوة وختم النقاش بذلك

يلا كاتي خطي السؤال و صيغي الجواب لانو انتي صاحبة السؤال

[صبحى السواح]

رد: سؤال

الرب يبارك حياتكم جميعا لتعرفوا اسمه القدوس
اشكر كاتى على الاسئله
اشكر ابى الحنون قدس ابونا بطرس على الرد والشرح المفيد
واشكر كل اللى شاركوا بالموضوع وبالاخص كلود

[Kati]

رد: سؤال

أنا ما رح جاوب على الأسئلي رح حط مواضيع جديدي في قسم اللاهوت المسيحي بهي المواضيع رح يكون الجواب يحمل اجابات لعدد كبير من الأسئلي الي ما نطرحت بهادا الموضوع متل الدفاع عن الاقانيم الثلاث .
لأن اجوبة الشباب كانت كافية بلنسبي ألي ولكل مسيحي وأضافات الأب بطرس كانت تأكيد ودليل على صحة أجوبة الشباب وأنا هون ما رح ضيف شئ ألا أذا كان هناك سؤال لم أقتنع بعد بأجابته بيني وبين نفسي وشكرا كتير شباب .

[Bibooo]

رد: سؤال

تسلم ايديك يا غالية

[cloude]

رد: سؤال

نا ما رح جاوب على الأسئلي رح حط مواضيع جديدي في قسم اللاهوت المسيحي بهي المواضيع رح يكون الجواب يحمل اجابات لعدد كبير من الأسئلي الي ما نطرحت بهادا الموضوع متل الدفاع عن الاقانيم الثلاث .
لأن اجوبة الشباب كانت كافية بلنسبي ألي ولكل مسيحي وأضافات الأب بطرس كانت تأكيد ودليل على صحة أجوبة الشباب وأنا هون ما رح ضيف شئ ألا أذا كان هناك سؤال لم أقتنع بعد بأجابته بيني وبين نفسي وشكرا كتير شباب .

و انا رح ساعدك كمان

[micho]

رد: سؤال

ميشو فيك ما تجاوب على أي سؤال .
ورح جاوبك أنا على أسئلتك :
معرفتي بالدين المسيحي معرفي سطحيي .
أما قراءة الكتاب المقدس ففيني قلك لا .

افتراضية :

هلأ أنا فتاة غير مسيحية وأنت يا ميشو مسيحي وقرأت الكتاب المقدس فيك تبشر بالدين المسيحي وتقنعني فيه أو لا . (أي أجوبي وقف عندها وقول صح ) .
السؤال هوي لكل شخص يعرف الدين المسيحي وماني ناطرة منك جواب ولا من غيرك أنا بدي يسأل كل شخص هدا السؤال لنفسو وهوي يجاوب حالو عن هدا السؤال .

بتمنى من كل شخص يبتعد عن الفكر المسيحي لمجرد أنو خلق مسيحي ويشوف الدين من مكان أخر ليوصل لمرحلي يقنع نفسو بمسيحيتو وهيك بيكون شخص مسيحي بكل معاني المسيحية .

أنا بحب كتير الدين المسيحي ولو ما بغار على ديني ما كنت شفت أسئلتي .
وأنا بعتزر أذا كانت أسئلتي فيها تشكيك بديني .
وبشكر كل شخص جاوب(بدون ذكر أسامي ) بشكر كل شخص شاهد الموضوع .

كاتي صديقة وأخت للكل .

كأنك فهمتي سؤالي غلظ (مو مشكلة )
كانت الفكرة من طرح السؤالين انو بدي اعرف من وين بدي ابلش معك مو اكتر يعني الأمور بتجي ضمن تراتبية معينة متل السلم (ما فيكي تطلعي تلات درجات سوا) ..

[ولاء]

رد: سؤال

السؤال الأول هوي لماذا ولد المسيح ؟

ليخلص العالم

من شو بدو يخلصون ؟

من خطيئة أدم (أدم أخطأ أنا شو دخلني ) أنا بنت أدم وحوا ولازم اتحمل خطأ أجدادي...... أوكي

ليش أدم بشو أخطأ؟

أخطأ بأن عصا أمر الله

طيب المسيح خلصنا من الخطيئة كيف ؟

بفداء نفسه على الصليب .

بس أنا لسعتني بالدني عم اتعذب وأتألم و ما رجعت على الجني الي لازم كون فيها قبل ما يخطأ أدم لكن شو الجديد بقدوم السيد المسيح .

أنا اسفي يا رب على هيك سؤال بس لازم اعرف وبتمنى تسامحني.

بس حابة انصحك نصيحة من اخت لااخت انا كنت فكر كتير بهيك امور وكنت اتعدى الحدود بلتفكير
مرة فتحت الانجيل وقرأت طلعلي " طوبى لمن امن ولم يرى"
وانتي الاسئلة الي عم تساليها غلط ويمكن تخربط ناس كتير اذا بكونو ضعيفين
وعمري ما شفت اي شخص مسيحي او من غير ديانة بسال اسئلتك لانو لو انتي فعلا مسيحية وبتحبي المسيح ما بتشيكي بوجودوا حتى لو كان تفكير ...وكنتي بتأمني بوجودوا من خلال الانجيل وانا ما عم قلك انك مو مأمنة فيو بس اسئلتك فيها شي غلط
ونصيحة اذا عندك اي اسئلة احكيها لا ابونا بطرس برسائل خاصة لانو هيك اسئلة بتنعمل بهيك طريقة احتمال كبير تشكك كتير ناس بيسوع و خصوصا انو المنتدى فيو ناس صغار و بأعمار مختلفة يعني مو الكل رح يفهم اسئلتك ...
بتمنى ما تزعلي وتعتبريني اخت لا الك مو صديقة لانك كاتبة انو انا مو جاية اعمل صداقات وهيك شي بتمنى تعتبرينا عيلتيك التانية

[jolya]

رد: سؤال

[COLOR="Blue"]مرحبا اخت كيت
أن الله يحبكي ولديه خطة رائعة ومدهشة لحياتك . بالنسبة لمحبة الله يقول الكتاب المقدس .
((هكذا احب الله العالم حتى وهب ابنه الوحيد ,فلا يهلك كل من يؤمن به,بل تكون له الحياة الابدية.)) يوحنا 16:3
بالنسبة لخطة الله قال السيد المسيح : << أما أنا فجئت لتكون لهم الحياة , بل ملء الحياة>> يوحنا 10:10
أي حياة ممتلئة وذات هدف.
ولأن الانسان خاطىء ومنفصل عن الله , فلا يقدر أن يعرف ويختبر محبة الله ولا الخطة التي رسمها لحياته.
أن يسوع المسيح هو علاج الله الوحيد لخطية الانسان وبواسطته وحده يمكنك ان تعرفي وتختبري محبة الله وخطته لحياتك
الله يباركك اخت كيت والمسيح يدخل قلبك وينور حياتك وحياتنا[/COLOR]

[بطرس]

رد: سؤال

رائع هذا الرد ابنتي المباركة ولاء
وبارك الله فيكِ
يحمل ردك الكثير من الصواب ولكن من حق أياً يكن ان يسأل ويستفهم عن إي أمر يشغل باله .
مع اني اعتقد أن الاخت كاتي لا تشكك بكلام الإنجيل أبداً.
وأنها تطرح السؤال ربما للإفادة من الجواب لأشخاص آخرين يحتاجون لهذا الجواب وقد يكون قد طُلب منها طرح هكذا سؤال .
وانتِ مُحِقة أيضاً ، بأن السؤال قد يخلق شكاً عند بعض الإخوة الضعفاء بالإيمان .
وأنا اقترح على المشرف على هذا القسم أن يضع خلاصة يستنتجها من هذه المشاركات وتكون الجواب على السؤال الذي طرحته اختنا كاتي المباركة .
أو ان تكتب هي هذه الخلاصة وتنهي الردود ولا أقول نقاش ، لأنه ليس من نقاش بين رأيين مختلفين . ولا اختنا تتبنى التشكيك الذي يحمله ينطلق منه السؤال .
نجحت العزيزة كاتي في خلق حيوية في المنتدى من خلال هذا السؤال و هذا امر مطلوب في المنتديات .

[Kati]

رد: سؤال

السؤال الأول هوي لماذا ولد المسيح ؟

ليخلص العالم

من شو بدو يخلصون ؟

من خطيئة أدم (أدم أخطأ أنا شو دخلني ) أنا بنت أدم وحوا ولازم اتحمل خطأ أجدادي...... أوكي

ليش أدم بشو أخطأ؟

أخطأ بأن عصا أمر الله

طيب المسيح خلصنا من الخطيئة كيف ؟

بفداء نفسه على الصليب .

بس أنا لسعتني بالدني عم اتعذب وأتألم و ما رجعت على الجني الي لازم كون فيها قبل ما يخطأ أدم لكن شو الجديد بقدوم السيد المسيح .

هيك كان السؤال من البداية .
هلأ رح جاوب أنا بحسب معلوماتي ولحتى يجاوب الشخص على هيك سؤال لازم يبلش من الآخر وهو ما الجديد الذي قدمه السيد المسيح بقدومه ؟
الجديد بقدوم السيد المسيح غير الفداء والخلاص من ذنوب وخطايا آدم ونسلوا وبالأضافي لذلك كان الوسيط بين البشر و الآب لدخول ملكوت السماوات وهو أعظم من الجني التي خلق بها آدم .
أما بقاء البشر في الأرض هو المكان الذي خلق به آدم لأن الله خلق آدم من التراب وهو تراب الأرض إذا ما حللنا جسم الأنسان سنلاحظ مكوناته نفس مكونات التربة وعندما عصا آدم وحوا أمر الله قرر الله وبمعرفته بذلك بتجهيز الفداء للبشر عن طريق أبنه الوحيد المولود من الآب من الأزل والذي نبأ به جميع الأنبياء قبل قدومه والصفات التي كانت بالمسيح كانت تؤكد بأنه هو المسيح المنظر لأنه كان يملك كل الصفات التي تنبئ به قبل قدومه.
وبذلك ندرك بأنه وبحسب كل ما كتب بالعهد القديم والعهد الجديد أتى المسيح ليخلص البشر وليكون وسيطه مع الآب ومن يتبع المسيح ويعمل ما أوصا به يدخل ملكوت السماوات الذي يكون فيه المسيح هو الملك .

بتمنى كون جاوبت بشكل صحيح وأذا في شي خطأ بتمنى الأب بطرس يكون المصحح للأخطاء .

[بطرس]

رد: سؤال

إبنتي المباركة
كاتي
أنا كنت عارف انك رح تجاوبي هيك من الأول
وجوابك جيد وريحتي قلوب الأخوة والأخوات اخيراً .
احسنتِ
الرب يبارك حياتك ويشددكِ وينصرك على كل تجربة وشر
آمين
على فكرة إبنتي الكبرى اسمها كاترين أيضاً

[micho]

رد: سؤال

وانتي الاسئلة الي عم تساليها غلط ويمكن تخربط ناس كتير اذا بكونو ضعيفين
وعمري ما شفت اي شخص مسيحي او من غير ديانة بسال اسئلتك لانو لو انتي فعلا مسيحية وبتحبي المسيح ما بتشيكي بوجودوا حتى لو كان تفكير ...وكنتي بتأمني بوجودوا من خلال الانجيل وانا ما عم قلك انك مو مأمنة فيو بس اسئلتك فيها شي غلط

عذرا منك ولاء و بعد اذن ابونا بطرس ..
من حق اي شخص مسيحي او غير مسيحي انو يسأل هالأسئلة و كل سؤال ألو جواب واضح و صريح عنا. و ديانتنا لا تقبل التشكيك . و ما فينا ننهي المسألة هيك لأن رح نخلي العالم تشك بديانتنا و هادا شي غير مقبول لأن مو بس اعضاء المنتدى عم يشوفو الموضوع في ناس كتير مو مشتركين بالمنتدى عم يفوتو لهون و يقرو المواضيع..
و سمحولي جاوب على اسئلة كاتي..

السؤال الأول هوي لماذا ولد المسيح ؟

ليخلص العالم ..

انا سبق و حكيت انو السيد المسيح هو الله نفسو. و اذا الله هو خلق البشر.
طيب ما فينو بكلمة منو انو يخلصون ؟؟
اكيد الله قادر انو يخلص البشر بدون ما يتجسد و ينزل عالأرض ..

لكن ليش تجسد الله على شكل البشر (السيد المسيح)؟
لأن الله حب البشر نزل لعندون عالأرض لحتى يرفعون هنن لعندو..
قال السيد المسيح للبشر ((وصية جديدة انا اعطيكم احبوا بعضكم بعضا كما انا احببتكم)) يعني المحبة لدرجة الفداء (هادا هو ديننا المحبة لدرجة الفداء).

من شو بدو يخلصون ؟

من خطيئة أدم (أدم أخطأ أنا شو دخلني ) أنا بنت أدم وحوا ولازم اتحمل خطأ أجدادي...... أوكي

انا سبق و جاوبت انو تخلصنا من خطيئة آدم و حواء بس الأخطاء اللي عم نرتكبا نحنا كل يوم..
نحنا ما عم نعصي امر الله كل يوم وقت اللي ما عم نتقيد بوصاياه و تعاليمه..؟
و اذا حابة تتوسعي اكتر اختي كاتي فيكي تقري مثل الزارع كرمة و تتأكدي من هالحكي..

ملاحظة: نحنا ما بنقدر نشوف الله بس نحنا عم نشوف اعماله كل يوم و كل لحظة. ..
كيف رح اعرف انو الله موجود ؟
وقت بتحكي مع الله رح يجاوبك .
كيف بحكي مع الله؟؟
بالصلاة المستمرة فيكي تحكي مع الله و رح تتأكدي من حكي ...

عذروني اخواتي انو عم احكي بالعامية بس انشالله تكون وصلت الفكرة..