• If this is your first visit, be sure to check out the FAQ by clicking the link above. You may have to register before you can post: click the register link above to proceed. To start viewing messages, select the forum that you want to visit from the selection below.

Announcement

Collapse

قوانين المنتدى " التعديل الاخير 17/03/2018 "

فيكم تضلو على تواصل معنا عن طريق اللينك: www.ch-g.org

قواعد المنتدى:
التسجيل في هذا المنتدى مجاني , نحن نصر على إلتزامك بالقواعد والسياسات المفصلة أدناه.
إن مشرفي وإداريي منتدى الشباب المسيحي - سوريا بالرغم من محاولتهم منع جميع المشاركات المخالفة ، فإنه ليس
... See more
See more
See less

ليش ماعم تعمل

Collapse
X
 
  • Filter
  • Time
  • Show
Clear All
new posts

  • ليش ماعم تعمل

    من وحي موضوع لكرمة شفتو مبارح عن المعاناة ... و من وحي الواقع اللي عم شوفو .. خطرلي اكتب هالكلام مع اني مابدي كون عثرة لحدى ابدا .. و بعرف ما رح كون عثرة لان عالاغلب الله يمكن مفهم خاصته منيح عن اسرارو ..

    قرأت كتب لكتاب بعلم النفس ..و افكار لقديسين عن الالم و ايات من الكتاب المقدس والخ ... بس عم ضل قليلة فهم قدام معاناة الاشخاص اللي منحبن ومو قدرانين نعملن شي ابدا .... سنين و ايام و ليالي منصلي لاشخاص عم تعاني اقسى المعاناة .. و مو قدرانين نغير شي .. و عم يكونو اشخاص ودعاء جدا و مسالمين مابدي قول ملائكة بس جيدين ..... كنت امن باياات حكاها الكتاب .. متل قصبة مرضوضة لا اكسر و فتيلة مدخنة لا اطفئ .. بس عم ينطفو هالفتايل قدام عيونا وماعم نقدر نعمل شي .... ليش الصلاة اذا الله بيعرف اللي بقلوبنا .. وفوق منا ماعم يغير شي ... ليش هالمعاناة ليش ليتعزب الشخص و يحمل صليب اقل شوي من صليب الاله ذاتو ... هل لحتى يفوت ويضمن الجنة ؟ لشو لكان انصلب المسيح لخطايانا ؟ ... هل الله بيتدخل جد بحياتنا ؟ طيب عاطينا حرية فهمنا بس احيانا الشخص بكون بحاجة لتدخل منو .. !!! ... كبرنا ع وعظات عنوانا بالخط العريض .. الهنا حي .. بس الاموات من حولينا كتار .. واولن انا .. بعتبر حالي ميتة ازا ايماني راح .. وليكو عم يروح ... بس عم بحكي عن اموات بالجسد ناس عم تتعزب وماعم نلاقيلا خلاص ... نوعظنا انو في اعاجيب .. جسد قديسين ما عم يفنى ولا عم يفسد لسنين .. بس عم يصعب ع الاله يساعد و يخلص اشخاص بحاجتو هنن !!!!.... كتير اسئلة بتدور براسي .... ضليت عمر اسال واسال و لاقي اجوبة بالنت و بالكتب و بالكتاب المقدس .. تهدي من ناري شوي ... بس برجع و بقلو للرب ما عم افهم ... انت اله و قدرت تتحمل الصليب بس نحن بشر مو الهة .. ازا عم تدعونا نتقرب من صورتك و مثالك .. فبحب خبرك .. بدنا الوهيتك وعدم محدوديتك و معرفتك اللامحدودة والخ .... ليش كل هالمعاناة ليش عم تترك الاشخاص لاعزابهن لو هنن مو حابين يساعدو حالن .. ساعدن مو هنن ضاليين .. وجدهن رجعهن .... حاج يخبرونا الاباء انو ما ح تقدرو تفهمو الاب ... ليش لحتى ما افهمك اذا انت عملت علاقة معي من اول ما خالقتني المفروض .. مو لازم افهم عليك وتفهم عليي .. بعرف عم تضحك ع حكيي كلو ..... وبعرف يمكن عم تقول لحالك عطيتكن اجوبة يلي عندو عيون ح يشوف ... بس انا من زمان مابقا شفت ... من لما تلخبطت عليي المواضيع .... عم حس بغضب تجاه هالمعاناة اللي عم يعيشوا حبابنا ... فيك تساعد ليش ماعم تساعد ؟ مانك مجبور تثبتلي انك قادر .. اصلا بعرف انك قادر ... بس اللي عم يغيظني انك قادر وما عم تعمل ..... وين عملك عالارض .. لاحبائنا .... انا حزينة كتير ... يارب
    ان لم تقع حبة الحنطة في الأرض وتمت فهي تبقى وحدها. ولكن إن ماتت تأتي بثمر كثير

    سلاما اترك لكم. سلامي اعطيكم. ليس كما يعطي العالم اعطيكم انا. لا تضطرب قلوبكم ولا ترهب.

  • #2
    هارموني اسألتك منطقية .. ورح جاوبك حسب وجهة نظري .. وفينا نتحاور اذا لقيتي فيها شي مو مفهوم او مو منطقي
    حسيت لما عم اقرا انك عم تجاوبي على اسألتك بكلامك .. بالاول خلينا نتفق على شي .. خلقنا الله وعطانا الحرية حتى نحن نختار .. وحسب سؤالك المشروع .. (اذا فيك تساعد ليش ما عم تساعد) .. اذا الله ساعدنا او ظهر النا بكون بهل حالة عم يختار عننا .. يعني منبطل نحن اصحاب القرار ومنسير عبارة عن عبيد .. ونحن متل ما الله خبرنا انو خلقنا على صورتو .. ما بدو يانا نكون عبيد .. بدو يانا احرار ونختار الطريق الصح .. وتزكري انو طريق الصح صعب.
    لفتلي نظري تشبيهك انو في ناس عم يتعزبو متل المسيح او اقل شوي .. في ناس بيتعزبو جسديا اكتر من المسيح .. مو هون القصة .. حتى نفهم المسيح ادي تعزب بدك تتخيلي حالك الله .. صاحبة سلطان لا متناهي .. صاحبة القوة .. صاحبة قرارك .. وتختاري انك تتجسدي وتتعزبي وتتحملي خطايا البشرية .. وبعد كل هاد تموتي 3 ايام وانتي الحياة .. ما بعرف اذا عم تفهمي علي .. بس فيني اشرحلك اكتر اذا بتحبي عالوتساب اسهل من الكتابة

    يـا نـبـع الـمـحـبـة وحـدك سـاكـن قـلبـي، لا تتخـلـى عنا عينـك ع وطـنـا بالايـام الـصـعـبـي

    وينك يا يسـوع وطـنا موجوع، وطنا ياربـي نسيتو المحبة ويانبع المحبة وحدك ساكـن قلبـي

    Comment


    • #3
      يعني الله بدو يانا نكون احرار .. لو احرار مرضانين او منكسرين ؟ او احرار مو مؤمنين ماعم افهم قديش بتهمو الحرية ... بعدين في ناس ماعم تميز الصح وماعم تقدر تختارو .. اذا الله اتدخل واختار او ساعد الشخص بالاختيار .. بكون فقد الشخص حريتو و صار عبيد؟ يعني المراهق اللي ابوه عم يتدخل نوعا ما بقراراتو و يوجهه للصح .. بكون عبيد؟ مع اني ما بفضل هالامثلة .. اخر فكرة حكيتا انت فهمانتا .. بس لا تنسى هو اله و حر و قدران يموت ويقوم الف مرة ع كيفو بس الانسان ضعيف و ليش ليموت ؟ ليش لازم نعاني .. صرت حس في معادلة عالارض .. لازم الانسان يتعزب و يموت الف موتة والا ما بفوت الجنة !!!!!

      بعدين السؤال الاهم .. انو في عالم كتير بتعتمد ع الايات الموجودة بالكتاب ع وعود الله و بتقلك الله ح يتدخل و ينجينا ... و نحن منضل نصلي ع اساس مساعدة من الله .... فهل هو بيتدخل فعلا .. ولا خلقنا و تركنا عالارض نصارع كل هالاوجاع ؟ .... ليش لكن نحن اصلا ع علاقة روحية معو ؟ هل هو بحاجة صلاتنا و تمجيداتنا ؟ اكيد لا ..... مابدي قلك هلا انو نحن كمان ع علاقة مصلحة معو بمعنى انا بحبو طالما انا ع يقين انو هو بيساعد .. بس اذا هو بيحبنا و معتبرنا ابنائو .. ليش ما بساعد ؟
      ان لم تقع حبة الحنطة في الأرض وتمت فهي تبقى وحدها. ولكن إن ماتت تأتي بثمر كثير

      سلاما اترك لكم. سلامي اعطيكم. ليس كما يعطي العالم اعطيكم انا. لا تضطرب قلوبكم ولا ترهب.

      Comment


      • #4
        طيب خلينا نتفق بالاول انو نحن عنا الحرية المطلقة لنختار الشي يلي نحن بدنا يا .. اذا الله اختار عننا الصح .. معناها نحن مافينا نختار ومحكوم علينا ومتل ما قلت سابقا منكون عبيد
        حتى الملائكة عندهم حرية الاختيار وفي ملائكة اختارت تبتعد عن الله.
        هلا منجي لفكرة المرض .. وكمان مرة هي وجهة نظري .. المرض الجسدي يلي نحن منتعرضلو مرتبط بمرض روحي .. او مرتبط بشي نحن عملنا بحياة سابقة (ما لقيت بالانجيل اي نفي او تأكيد لفكرة الحيوات المتكررة) .. وفكرة المرض بحد ذاتا مانا سيئة بالشكل يلي نحن منتخيلو .. تخيلي معي اذا مافي مرض او حزن او عزاب الناس رح تكون مرتاحة كتير وهالشي بخلينا نبتعد عن الامور الروحية .. وبالاخر لازم نتفق على فكرة انو نحن موجودين هون بالجسد الفيزيائي حتى نختار وين رح نكون بالحياة الروحية (بعد عدة حيوات متكررة .. فينا نعتبرن فرصة حتى نتطور ونختار الصح او نصر عالغلط وهون منكون بعد عدة فرص رايحين للطريق يلي هو خارج ملكوت الله)

        انشالله نكون عم نفهم على بعض .. جربت حكيكي وتساب بس ما وصلك .. اذا بدك منحكي فويس كول اختصارا للوقت

        تزكرت جملة سمعتا وحبيتا كتير:
        “We are not human beings having a spiritual experience. We are spiritual beings having a human experience.”

        تزكري هالشي على طول
        يـا نـبـع الـمـحـبـة وحـدك سـاكـن قـلبـي، لا تتخـلـى عنا عينـك ع وطـنـا بالايـام الـصـعـبـي

        وينك يا يسـوع وطـنا موجوع، وطنا ياربـي نسيتو المحبة ويانبع المحبة وحدك ساكـن قلبـي

        Comment


        • #5
          مافهمت فكرة الحيوات المتكررة ... بتقصد انو نحن كنا عايشين من قبل بروحنا نفسا .. و التقمص وهالقصص؟ ولا انا فهمتك غلط ... ؟
          ان لم تقع حبة الحنطة في الأرض وتمت فهي تبقى وحدها. ولكن إن ماتت تأتي بثمر كثير

          سلاما اترك لكم. سلامي اعطيكم. ليس كما يعطي العالم اعطيكم انا. لا تضطرب قلوبكم ولا ترهب.

          Comment


          • #6
            مبلا فهمتيني صح .. رح ناخد اكتر من فرصة لنحسن حالنا ونختار الصح .. ومن حياة لحياة رح ناخد معنا افعالنا وبس .. لبين ما نوصل لمرحلة الحساب وهيك اما مننتقل لمرحلة روحية وحياة ابدية مع ربنا او مننتقل لحياة روحية بعيدة عن ربنا يلي نحن منسميا النار
            يـا نـبـع الـمـحـبـة وحـدك سـاكـن قـلبـي، لا تتخـلـى عنا عينـك ع وطـنـا بالايـام الـصـعـبـي

            وينك يا يسـوع وطـنا موجوع، وطنا ياربـي نسيتو المحبة ويانبع المحبة وحدك ساكـن قلبـي

            Comment


            • #7
              مسيحية..و حيوات متكررة؟
              ان لم تقع حبة الحنطة في الأرض وتمت فهي تبقى وحدها. ولكن إن ماتت تأتي بثمر كثير

              سلاما اترك لكم. سلامي اعطيكم. ليس كما يعطي العالم اعطيكم انا. لا تضطرب قلوبكم ولا ترهب.

              Comment


              • #8
                يب خلينا نتفق بالاول انو نحن عنا الحرية المطلقة لنختار الشي يلي نحن بدنا يا .. اذا الله اختار عننا الصح .. معناها نحن مافينا نختار ومحكوم علينا ومتل ما قلت سابقا منكون عبيد
                حتى الملائكة عندهم حرية الاختيار وفي ملائكة اختارت تبتعد عن الله.
                يعني اذا ما عم تقول عنا الحرية المطلقة معناها لازم نكون ببداية ولادتنا فينا نختار ونحن بيبي فينا نختار انو هلاء نحن ح ننولد و اسمينا و الاب والام و الجنسية تبعنا .. وسؤال كمان اذا شخص ما عندو القدرة والنضوج الكافي ليختار بشكل صحيح وين المشكلة اذا الله ما اختار عنه بس عالاقل اتدخل او وجهه للاختيار الصحيح ؟


                هلا منجي لفكرة المرض .. وكمان مرة هي وجهة نظري .. المرض الجسدي يلي نحن منتعرضلو مرتبط بمرض روحي .. او مرتبط بشي نحن عملنا بحياة سابقة (ما لقيت بالانجيل اي نفي او تأكيد لفكرة الحيوات المتكررة) ..

                مسيحية و حيوات متكررة؟ لا وسابقة كمان؟؟؟؟ ........ ماعم افهم كيف هي .. و وين مكتوب لو اية عن هيك شي بالكتاب المقدس ..لان سمعت صار كذا مرة هالفكرة من ناس غربيين بس ايمانهم مو مسيحي بحت متجهين للبوذية وهيك قصص .


                وفكرة المرض بحد ذاتا مانا سيئة بالشكل يلي نحن منتخيلو .. تخيلي معي اذا مافي مرض او حزن او عزاب الناس رح تكون مرتاحة كتير وهالشي بخلينا نبتعد عن الامور الروحية
                يعني منشان ضل بالنطاق و العلاقة الروحية مع الاله لازم اتعذب؟ مافيي كون مرتاحة او عالاقل لو في احزان او نواقص بس مو الواحد بيحمل صليب سنين والصليب نفسه منشان ضل ع علاقة روحية!!!! يعني صفت علاقة مصلحة كمان هيك .. انو لازم كون مريضة او معذبة لحتى ضل قريبة من الاله؟ اصلا معناها العلاقة الروحية الجيدة موجودة ضمن اطار الحياة التعيسة يلي عم كون عم عيشا واول ما حس برفاهية و الرياحة ببتعد عن الله ؟
                .. وبالاخر لازم نتفق على فكرة انو نحن موجودين هون بالجسد الفيزيائي حتى نختار وين رح نكون بالحياة الروحية (بعد عدة حيوات متكررة .. فينا نعتبرن فرصة حتى نتطور ونختار الصح او نصر عالغلط وهون منكون بعد عدة فرص رايحين للطريق يلي هو خارج ملكوت الله)
                برجع بقلك ك مسيحية و صرلي سنين عم انوعظ ع نفس الفكرة انو الله خلقني و كسر القالب و اصبيعي و نفسيتي و شكلي وكلي ع بعضي متفرد وحيد مافي منو ..اجي آمن انو حدى تاني او روحي او اي شي فيي كان عايش من قبلي ...!!!!!!!!!!!!!!!!!!

                حسيت الله مختلف تماما بكلامك


                انشالله نكون عم نفهم على بعض .. جربت حكيكي وتساب بس ما وصلك .. اذا بدك منحكي فويس كول اختصارا للوقت
                بعتزر بس شايلة كل هالقصص ما فيي غير اتواصل منتدى و ع العام ..بس الكتابة كمان منيحة

                بكل الاحوال انا ما عم ناقش الموضوع مناقشة جد..بس لان هاد سؤال كتير عم يزعجني وماعم لاقيلو جواب .. يمكن مخي مو مبرمج ايجابيا ههه
                ويسلمو ع الاجوبة و الاهتمام

                تزكري هالشي على طول
                ان لم تقع حبة الحنطة في الأرض وتمت فهي تبقى وحدها. ولكن إن ماتت تأتي بثمر كثير

                سلاما اترك لكم. سلامي اعطيكم. ليس كما يعطي العالم اعطيكم انا. لا تضطرب قلوبكم ولا ترهب.

                Comment


                • #9
                  برجع بقلك .. الشي يلي عم قلك يا هو وجهة نظري انا .. تكونت وجهة هل نظر ب 10 سنين قراءة .. فلا تستغربي ولا تقليلي وين مكتوب بالانجيل عن هالشي .. بنفس الوقت هالشي ما بيتناقض مع الانجيل .. وين مكتوب بالانجيل انو مافي حيوات متكررة ؟؟
                  اي استنتاجك الاول صحيح .. عنا الحرية الكاملة حتى نختار .. بس مو ونحن بيبي .. قبل ما نكون بيبي كنا روح .. وكان عنا الحرية الكاملة لنختار وين ننولد ومين اهلنا .. وتزكري انو لما كنا روح ما كان عنا التفكير المادي تبع اليوم متل ونحن بشر .. كان عنا تفكير روحي اقرب لتفكير الملائكة من البشر

                  بخصوص المرض .. ما قلت لازم نتعزب حتى نكون قريبين من الله .. الامراض الجسدية بشكل عام نتيجة مشكلة روحية .. يلي قصدتو انو بتقربنا من الله هو مثال الدول الفقيرة او الشعوب المتضهدة بتكون اقرب ل الله من الشعوب المرتاحة .. فيكي تكوني قريبة من الله حتى لو كنتي بجزيرة لحالك اذا انتي اخترتي تكوني قريبة

                  اي كمسيحية الله خلق روحك على صورتو ومثالو .. الله ما عندو جسد فيزيائي (كمان وجهة نظري) اي خلق روح كل واحد فينا وكسر القالب

                  ما يهمك .. بس انو الخاص متل العام بدي اكتب كمان

                  بكل الاحوال .. الشي الجيد هو انك عم تفكري بالموضوع .. وهاد الشي بحد ذاتو ايجابي .. ومتل ما قلنا ربنا .. اطلبوا تجدوا .. اقرعوا يفتح لكم

                  يـا نـبـع الـمـحـبـة وحـدك سـاكـن قـلبـي، لا تتخـلـى عنا عينـك ع وطـنـا بالايـام الـصـعـبـي

                  وينك يا يسـوع وطـنا موجوع، وطنا ياربـي نسيتو المحبة ويانبع المحبة وحدك ساكـن قلبـي

                  Comment


                  • #10
                    Originally posted by Harmony View Post
                    مسيحية..و حيوات متكررة؟
                    مسا الخير هارموني .. سألتلك ابونا عن موضوع الحيوات المتكررة .. الكنيسة لا تؤمن بهل فكرة .. لهيك بدي اعتزر منك عن وجهة نظري السابقة بخصوص الحيوات المتكررة


                    وحابب بس اقتبس عن رسالة يعقوب الرسول
                    12 طُوبَى لِلرَّجُلِ الَّذِي يَحْتَمِلُ التَّجْرِبَةَ، لأَنَّهُ إِذَا تَزَكَّى يَنَالُ «إِكْلِيلَ الْحَيَاةِ» الَّذِي وَعَدَ بِهِ الرَّبُّ لِلَّذِينَ يُحِبُّونَهُ.
                    13 لاَ يَقُلْ أَحَدٌ إِذَا جُرِّبَ: «إِنِّي أُجَرَّبُ مِنْ قِبَلِ اللهِ»، لأَنَّ اللهَ غَيْرُ مُجَرَّبٍ بِالشُّرُورِ، وَهُوَ لاَ يُجَرِّبُ أَحَدًا.
                    14 وَلكِنَّ كُلَّ وَاحِدٍ يُجَرَّبُ إِذَا انْجَذَبَ وَانْخَدَعَ مِنْ شَهْوَتِهِ.
                    15 ثُمَّ الشَّهْوَةُ إِذَا حَبِلَتْ تَلِدُ خَطِيَّةً، وَالْخَطِيَّةُ إِذَا كَمَلَتْ تُنْتِجُ مَوْتًا.
                    التجارب او المشاكل يلي بتسير معنا بحياتنا هيه من المجرب "الشيطان" يلي عندو الحرية المطلقة متل ما نحن عنا كمان الحرية المطلقة.
                    يـا نـبـع الـمـحـبـة وحـدك سـاكـن قـلبـي، لا تتخـلـى عنا عينـك ع وطـنـا بالايـام الـصـعـبـي

                    وينك يا يسـوع وطـنا موجوع، وطنا ياربـي نسيتو المحبة ويانبع المحبة وحدك ساكـن قلبـي

                    Comment


                    • #11
                      هلا ابو جان ..
                      بعرف مسبقا انو ما بتامن الكنيسة ولهيكك انا استغربت من كلامك وقتا ..


                      ان لم تقع حبة الحنطة في الأرض وتمت فهي تبقى وحدها. ولكن إن ماتت تأتي بثمر كثير

                      سلاما اترك لكم. سلامي اعطيكم. ليس كما يعطي العالم اعطيكم انا. لا تضطرب قلوبكم ولا ترهب.

                      Comment

                      Working...
                      X