المحزونون والكنيسة

[أم الرور]

سألته: لمَ لمْ تأتِ إلى الكنيسة في العيد؟
أجابني: لأنّي محزون. فقد توفّي أحد أقربائي، ولقد ورثت عن أجدادي أن أحجب نفسي عن كلّ احتفال مفرح، ولو كان عيدًا كنسيًّا، وأنقطع عنه لمدّة أربعين يومًا.
هذه العادة مشهورة في بلادنا. يتناقلها معظم الناس من دون حكمة أو تمييز. وترى أنّ بعضًا، وبخاصّة النساء، لا ينقطع، في أوقات حزنه، عن صلوات الأعياد فحسب، ولكن عن كلّ صلاة جماعيّة. لست هنا بوارد انتقاد كلّ حزن صادق. ولكن التذكير بأنّ الله لا يأخذنا حبّه وملازمته جماعيًّا في أوقات الفرح فحسب، ولكن في كلّ وقت. فالله، كما تسمّيه كتبنا، هو "إله التعزية". وهو مرجعنا في كلّ حال. ولذلك لا يجوز لنا أن نقبل كلّ ممارسة من دون أن نفحصها على مجهر الحقيقة.

ثمّة عادات تشوّه الإيمان، ونحن مسؤولون عن تصحيحها. هذا الانغلاق في الحزن لا يجدي نفعًا، وخطره يعظم متى توارث. وما يبدو أكيدًا، بوجه عامّ، أنّ الناس "المحزونين" يتصرّفون تحت ضغط عيون الناس. فالناس هم الذين يريدون أن يختبئ بعض ويظهر حزنه علنًا. سؤالي: هل من حزن شرعيّ يخلو من رجاء؟ وما معنى قيامة المسيح عندئذ؟ إذا كان المسيح قام فبالضرورة أمواتنا سيقومون، وهم منذ الآن تحت إشراف رحمته.
أنا أفهم أن يكون تأثّر من ارتحل أحد أخصّائهم ظاهرًا. ما لا أفهمه هو أن ينقطع عن بركات صلوات الجماعة وما فيها من تعزيات. فهذا الانقطاع يُتعب النفس أكثر، ويرميها في مرارة قاتمة. أن نخرج، في كلّ حال، لنلاقي المسيح وسط الجماعة، لدلالة على أنّنا فهمنا غلبته فهمًا صحيحًا، وأدركنا، تاليًا، انعكاسها علينا وعلى جميع الراقدين بالربّ .

الأب باصيل محفوض

[lilyaroma]

رد: المحزونون والكنيسة

المشكلة انو المجتمع كلو ممتمسك بعادات بعيدة عن الدين المسيحي

وهي وحدة من هالعادات

وعندك كمان عادة الثأر والربا و مبادى يومية بعيدة عن المسيحية

للاسف انو ايمانا نحن المسيحية ما بيتعدى غير التقاليد

[Debo]

رد: المحزونون والكنيسة

فعلاً شي غريب
أنو مثلاً شخص متوفالو حدا
وأجا عيد الميلاد
بيقوم بيضيف قهوة مرة؟!؟!؟!
أنو حزنان على شو؟؟؟
على ميلاد المسيح!!
ولا شي غريب
صرنا نعمل متل الفريسيين
إذا صمنا بدنا الكل يعرف أنو نحنا صايمين

[cloude]

رد: المحزونون والكنيسة

حكيك رور صح و متل ما ذكرتي انو اعين الناس هيي المشكلة

فاذا فك الواحد حزنورح يقولو ليكو ااو ليكوها ماصدق او صدقت مات مالحسرة اللي غير عم يروح و من هالعلاك اللي بلا طعمة

و اذا ضل او ضليت حزنانى كمان مابيخلص بيقولو عنو او عنا دافن حالو او دافنى حالها بالحياة

بالحالتين مامخلصيين

عنجد هيك شغلات لازم يتنوه عليا بالكنيسة باعتبارا المرشد الروحي للمسيحيين هيي اللازم تنشر الوعي ما العكس

شكرا رور عالموضوع

[أم الرور]

رد: المحزونون والكنيسة

أكيد أخواتي أنو هاد الموضع لازم يتنوه عليه بالكنيسة و لازم هي العادات كلا تروح و طبعاً العبء بيصير كلو عالكاهن اللي لازم يحرر رعيتو من هي التقاليد و طبعاً ما كل المشكلة بتكون من الكهنة بالعكس نحن لازم نحرر حالنا و يكون كل إنسان مسؤول عن ذاته و بالأخير الصلاة هي الشغلة الوحيدة اللي منقدر نعملا ...صلوا من أجلهم

شكراً ليلى و ديبو و كلود على مروركن ...الرب معكن

[jida]

رد: المحزونون والكنيسة

نحن لازم نحرر حالنا و يكون كل إنسان مسؤول عن ذاته و بالأخير الصلاة هي الشغلة الوحيدة اللي منقدر نعملا

حكيك درر .. ميرسي رولا

[أم الرور]

رد: المحزونون والكنيسة

شكراً جيدا عالمرور ...الرب معك

[majd26]

رد: المحزونون والكنيسة

شكرا" على الموضوع المهم جدا"

لازم الانسان انو يطلع من هذه القوقعة او العادات والتقاليد

بس لازم ماننسى انو الحزن على اي انسان ياتي بلقلب وليسى بالعمل

الرب معكم

[ميمي]

رد: المحزونون والكنيسة

موضوع كتير حلو ومهم
وانا كتير عانيت منو
الرب يكون معك رولا

[أم الرور]

رد: المحزونون والكنيسة

شكرا" على الموضوع المهم جدا"

لازم الانسان انو يطلع من هذه القوقعة او العادات والتقاليد

بس لازم ماننسى انو الحزن على اي انسان ياتي بلقلب وليسى بالعمل

الرب معكم

أكيد الحزن بالقلب ما بالتياب و لا بالروحات و الجيات شكراً كتير لمرورك أخي مجد و انشالله ما تمر بحزن

موضوع كتير حلو ومهم

وانا كتير عانيت منو

الرب يكون معك رولا

ميرسي لمرورك ميمي و مشاركتك معنا و انشالله ما بتعودي بتعاني من هالموضوه طول ما الله معك ما في غيرو هوي العزاء الوحيد إلنا