• If this is your first visit, be sure to check out the FAQ by clicking the link above. You may have to register before you can post: click the register link above to proceed. To start viewing messages, select the forum that you want to visit from the selection below.

Announcement

Collapse

قوانين المنتدى " التعديل الاخير 17/03/2018 "

فيكم تضلو على تواصل معنا عن طريق اللينك: www.ch-g.org

قواعد المنتدى:
التسجيل في هذا المنتدى مجاني , نحن نصر على إلتزامك بالقواعد والسياسات المفصلة أدناه.
إن مشرفي وإداريي منتدى الشباب المسيحي - سوريا بالرغم من محاولتهم منع جميع المشاركات المخالفة ، فإنه ليس
... See more
See more
See less

الفيليبينيون يحيون جمعة الالام باستذكار مشاهد صلب المسيح

Collapse
X
 
  • Filter
  • Time
  • Show
Clear All
new posts

  • الفيليبينيون يحيون جمعة الالام باستذكار مشاهد صلب المسيح

    جريا على عادتهم السنوية خلال احياء يوم جمعة الآلام (ذكرى صلب المسيح)، اعاد فيليبينيون كاثوليك تجسيد الساعات الاخيرة من حياة المسيح
    من خلال صلبهم على خشبة الصليب او جلدهم، في طقوس لا تؤيدها كنيسة البلاد.

    وتوافد السياح الاجانب والفيليبينيون باعداد كبيرة الى سان فرناندو الواقعة على بعد 90 دقيقة من مانيلا، لمشاهدة هذه المشاهد الدموية عن الام المسيح.
    وتحت اشعة الشمس الحارقة وعلى ارض خلاء عند اطراف المدينة، تم دق مسامير في اقدام وراحات يد عدد من الرجال تم تعليقهم مداورة على
    خشبة الصليب امام جموع من المؤمنين الخاشعين. وبلغ عدد المشاركين في هذه الطقوس حوالى عشرين شخصا في هذه المنطقة شمال مانيلا.
    وفي اماكن اخرى في سان فرناندو، قام رجال ملثمون بجلد انفسهم بقطع خيزران مربوطة بحبال، تكفيرا عن خطاياهم، ما ترافق مع تطاير لدمائهم على
    الحاضرين الذين غصت بهم الطرقات.
    ويأمل المشاركون في هذه الطقوس اجمالا الحصول في المقابل على تحقيق صلواتهم التي غالبا ما تكون الدعاء لشفاء احد اقربائهم.


    ويقول الكس لارانانغ (58 عاما) الذي يصلب للمرة الرابعة عشرة "اصبحت معتادا على ذلك"، مضيفا "انها كما لو كانت ابرة تخترق يدي. بعد يومين،
    ساستطيع العودة لمزاولة عملي" كبائع متجول للمخبوزات.
    ويؤكد ان تضرعاته الى الرب مستجابة: زوجته واولاده بصحة جيدة ويكسب رزقه.
    ومشاهد الصلب هذه تمثل تقليدا سائدا منذ عقود على رغم معارضة الكنيسة الفيليبينية.
    وقال الاخ فرانسيس لوكاس المسؤول الاعلامي لمجمع الاساقفة الفيليبينيين ان "الاساقفة يكررون منذ زمن طويل انهم يعارضون (هذه الطقوس).
    الا ان الناس لديهم تضرعات. انهم يضحون من اجل الاخرين"، مضيفا "ثمة الكثير من الصلبان التي يتعين حملها في الحياة. ليس هناك ابدا من داع لحمل صليب حقيقي".




    Click image for larger version

Name:	ph-cross_.jpg
Views:	1
Size:	32.5 KB
ID:	1383057

    Click image for larger version

Name:	phlpian-cross.jpg
Views:	1
Size:	18.8 KB
ID:	1383058

    Click image for larger version

Name:	0,1020,43655,00.jpg
Views:	1
Size:	28.2 KB
ID:	1383059


    المصدر أ.ف.ب
    ان لم تقع حبة الحنطة في الأرض وتمت فهي تبقى وحدها. ولكن إن ماتت تأتي بثمر كثير

    سلاما اترك لكم. سلامي اعطيكم. ليس كما يعطي العالم اعطيكم انا. لا تضطرب قلوبكم ولا ترهب.

  • #2
    رد: الفيليبينيون يحيون جمعة الالام باستذكار مشاهد صلب المسيح

    مابقدر قول أنو الالم الجسدي مؤلم اكثر من النفسي وما فيني قول النفسي مؤلم اكثر من الجسدي..
    لكن اللي لاحظتو بالصور أنو الالم النفسي مو موجود بكل هالتجيسد اللي عم يقوموا فيه ..
    طبعا أكيد مافيني من خلال صورة أعرف الالم جوات القلوب ..( بس اللي حسيتو ايمانهن بسيط و صادق )
    بس بقصد هون لما السيد المسيح أنصلب ,أنصلب عريان تماما هي أول نقطة ( وهي النقطة بتسبب ألم يحطم النفس )
    تاني نقطة على ما أعتقد و حسب رأيي انو الرجال اللي قاموا بهالتجسيد..نالوا مدح من الجماهير المتفرجة
    مع العلم أن السيد المسيح وهو عالصليب كان عم ينهان من قبل الشعب ..
    و قليلين اللي كانو واقفين عند الصليب وشايفين عظمة فعل السيد المسيح على الصليب .
    وتالت نقطة الالم النفسي ناقص كمان لأن السيد المسيح أنترك وحيد من قبل التلاميذ
    بأختصار الالم النفسي ومرارة الوحدة وكل اللي عاشو السيد المسيح قبل و عند الصلب غير موجود تماما بهالتجسيد اللي عم نشوفوا بالصور.
    واذا نتبهنا حتى الالم الجسدي هون ناقص تماما لأن الاذرع مربوطة بالاقمشة و مدة الوقت والخ
    طبعا بعرف أنو هو مجرد تجسيد فقط . بس عم وضح لسببين اولن للشخص اللي رح يقرأ الخبر وما عندو معلومات عن الديانة المسيحية
    تاني شي عم احكي النقاط اللي أنا قدرت لاحظها .
    أما عن الصورة اللي فيها أطفال مابعرف كيف رح يفهموا الاطفال رسالة السيد المسيح و شو رح يكون تأثير هيك مشاهد عليهن لما يكبرو!!

    أحب ان اذكر أن الخبر حتى بالصفحات الاجنبية منتشر كا عادات وتقاليد لأهل المنطقة
    يعني هذا التجسيد ليس من تعاليم السيد المسيح وليست مذكورة في الانجيل أبدا.

    ......................
    حبيت علق على نقطة انذكرت بالخبر وهي
    "ويؤكد أن تضراعته الى الرب مستجابة ..وزوجته واولاده بصحة جيدة ويكسب رزقه"
    اللي اثر فيني حسيت أنو أيمانو عميق .. شكرو على اشياء يمكن نحن بنشوفها بسيطة أو ما بنتذكرا
    نحن في حالة نق دائمة , ليش ما عندي فلان شغلة وليش ما حققت هدفي وليش ما عندي جمال متل فلان والخ
    فحسيت هون أنو هالشخص عم يشكر عن الصحة بطريقة فيها ألم في حين أنا بطالب الرب بكتير امور و كأنو لازم أحصل عليها و اذا ما حصلت عليها ببلش أخد موقف .

    اللي بتمناه أن الكنيسة ما تاخد موقف فقط من هيك عادات لكن تتصرف بحكمة و تقدر توصل للناس البسطاء اللي ايمانن عميق بنفس الوقت, أنو رسالة السيد المسيح أكتر من مسامير أندقوا بأيديه .
    وخصوصي الاجيال الجديدة .
    ان لم تقع حبة الحنطة في الأرض وتمت فهي تبقى وحدها. ولكن إن ماتت تأتي بثمر كثير

    سلاما اترك لكم. سلامي اعطيكم. ليس كما يعطي العالم اعطيكم انا. لا تضطرب قلوبكم ولا ترهب.

    Comment


    • #3
      رد: الفيليبينيون يحيون جمعة الالام باستذكار مشاهد صلب المسيح

      مشكورة ع الخبر هارموني ...من أكتر من سنة صرنا نعرف بعض العادات بالاحتفال بأسبوع الألام
      ببلدان كتيرة وبالفليبين فعلاً كتير مستغربة طريقة الاحتفال والقيام بنفس الخطوات لمراحل صلب المسيح
      حتى في ببعض الصور عم يندق المسامير بيأيدهن يعني مو بس عم يربطون ربط ...هلا اكيد في اختلاف
      كبير وعميق بين صلب المسيح والطريقة يلي عم يتبعوها ويلي حتى الكنيسة عندن عم تعارضها
      وبالنسية ألن تعودا عليها صرلن أكتر من 14 مرة يعني صارت عادية ...أكيد نحنا ما منأيد الاحتفال
      بهالطريقة بس متل ماذكرتي هي عاداتن بذكرى صلب المسيح وبهي الطريقة بيعتقدوا أنن عم يقدموا شي للرب
      وعم يضحوا ...


      ملقين كل همكم عليه لأنه يعتني بكم



      Comment


      • #4
        رد: الفيليبينيون يحيون جمعة الالام باستذكار مشاهد صلب المسيح

        مو هيك الايمان...الايمان بالصلاة والاعمال الصالحة ..جسدنا ملك للرب مابيصير نأذيه بهالطريقة

        Comment


        • #5
          رد: الفيليبينيون يحيون جمعة الالام باستذكار مشاهد صلب المسيح

          لما نعرف انو بالمنطقة ككل يوجد اعياد بوذية تتضمن هذا النوع من التعذيب الجسدي يسقط الاستغراب ببساطة عادات مجتمعية تمنح معان جديدة

          كما كان الحال دائما وسيظل

          "سلامي امنحكم, سلامي اعطيكم, لا كما يعطي العالم اعطيكم أنا."
          "ثقوا لقد غلبت العالم"
          ======================================

          Comment


          • #6
            رد: الفيليبينيون يحيون جمعة الالام باستذكار مشاهد صلب المسيح

            Originally posted by كرمة View Post
            مشكورة ع الخبر هارموني ...من أكتر من سنة صرنا نعرف بعض العادات بالاحتفال بأسبوع الألام
            ببلدان كتيرة وبالفليبين فعلاً كتير مستغربة طريقة الاحتفال والقيام بنفس الخطوات لمراحل صلب المسيح
            حتى في ببعض الصور عم يندق المسامير بيأيدهن يعني مو بس عم يربطون ربط ...هلا اكيد في اختلاف
            كبير وعميق بين صلب المسيح والطريقة يلي عم يتبعوها ويلي حتى الكنيسة عندن عم تعارضها
            وبالنسية ألن تعودا عليها صرلن أكتر من 14 مرة يعني صارت عادية ...أكيد نحنا ما منأيد الاحتفال
            بهالطريقة بس متل ماذكرتي هي عاداتن بذكرى صلب المسيح وبهي الطريقة بيعتقدوا أنن عم يقدموا شي للرب
            وعم يضحوا ...
            انا كمان ستغربت دق المسامير عن جد
            ومتل ما قلتي اكيد في اختلاف كبير و عميق و ما في مقارنة بالمرة ,, و بتبقى هي مجرد عادات




            Originally posted by isis View Post
            مو هيك الايمان...الايمان بالصلاة والاعمال الصالحة ..جسدنا ملك للرب مابيصير نأذيه بهالطريقة
            أكيد الايمان و الاعمال هنن الاساس .. وبغض النظر على انو انا مو مع هيك عادات ومتل ما قلتي جسدنا ملك للرب ..
            بس ما فيني انا كا شخص ( عم بحكي عن حالي انا ) اعرف اذا في ايمان او لاء .. لان وقت اللي فكرت فيهن
            قلت لحالي يمكن انا اصبعتي تنخدش أتالم .. وهنن عم يثقبوا ايد حالن .. يمكن في ادراك حقيقي انو يسوع اجى نصلب كرمالن ..
            ( يعني بعتقد في ايمان وكتير كمان بس عم يمارسوه بطريقة ما طلبها السيد المسيح منهن )
            ويمكن عم يعملوا هيك متلا متل أي عادات بتنعمل بمناسبات سنوية ..يعني عم يمارسوا عاداتن على الايمان المسيحي
            مافيني احكم اذا في ايمان أو لاء .

            Originally posted by Molham Haddad View Post
            لما نعرف انو بالمنطقة ككل يوجد اعياد بوذية تتضمن هذا النوع من التعذيب الجسدي يسقط الاستغراب ببساطة عادات مجتمعية تمنح معان جديدة

            كما كان الحال دائما وسيظل
            هلاء الاستغراب يمكن يكون لكم دقيقة مو أكتر ..وخصوصي مع عجقة الاخبار الجديدة اللي كل يوم واحد بيسمعا ..!
            بما انو هيك عادة عم يمارسوها كا تجسيد الصلب وبيوم واحد فقط .. يمكن فيني اتقبلا اكتر من أنو لو كانوا عم يمارسو هيك عادات بشكل مستمر لحتى يطلبو او يتشكرو الاله
            لأن ساعتها متل كأنو عم يقولو لا الرب عملك مو كافي ولازم نحنا نعمل كمان ..
            كل ما كانت عاداتنا او ممارسة إيمانا المسيحي خارج أطار الكتاب المقدس .. كل ما عمل هالشي مشكلة لا الاجيال اللي بعدنا

            ان لم تقع حبة الحنطة في الأرض وتمت فهي تبقى وحدها. ولكن إن ماتت تأتي بثمر كثير

            سلاما اترك لكم. سلامي اعطيكم. ليس كما يعطي العالم اعطيكم انا. لا تضطرب قلوبكم ولا ترهب.

            Comment

            Working...
            X