• If this is your first visit, be sure to check out the FAQ by clicking the link above. You may have to register before you can post: click the register link above to proceed. To start viewing messages, select the forum that you want to visit from the selection below.

Announcement

Collapse

قوانين المنتدى " التعديل الاخير 17/03/2018 "

فيكم تضلو على تواصل معنا عن طريق اللينك: www.ch-g.org

قواعد المنتدى:
التسجيل في هذا المنتدى مجاني , نحن نصر على إلتزامك بالقواعد والسياسات المفصلة أدناه.
إن مشرفي وإداريي منتدى الشباب المسيحي - سوريا بالرغم من محاولتهم منع جميع المشاركات المخالفة ، فإنه ليس
... See more
See more
See less

رسالة طفلة سورية الى أبيها

Collapse
X
 
  • Filter
  • Time
  • Show
Clear All
new posts

  • رسالة طفلة سورية الى أبيها






    بابا اليوم جابوا جثة علي بيتنا .. يعني واحد ميت .. هو صحيح بيشبهك ولابس نفس تيابك .. بس ... غرقان بالدم .. مو معقول شو بيشبهك يا بابا .. ما بتصدق ..... بس أنت أحلى منو بكتييييير ..
    ... أصلاً هو مو مبينة ملامح وجهه منيح .. بس أنا متأكدة إنو مو أنت .. مستحيل تكون أنت
    ...أنا ... أنا ما بكيت .. ضليت أتطلع فيهون وقلهم إنتو غلطانيين .. إنتو أكيد مخربطين
    إجوا الكل قرايبنا... والجيران .. كان الكل عم يبكي وأنا قلهم وأنا عم اضحك : لك شبكم هادا مو بابا !!!! صاروا يقرأوا علي , وصلولي ويضموني ويبكوا .
    بابا طيب بدي اسألك سؤال وبس لترجع بتجاوبني عليه .. هلأ اللي بيموت معقول يتغير شكله هيك ويصير مو حلو قبل ما يروح لعند الله ويفوت عالجنة ؟؟؟ أكيد لأ ....
    ملاحظة : آنستي شافت هي الرسالة كنت لسه ماشقيتها من الدفتر ضمتني وغرقتني بالدموع ... بابا بصراحة خايفة كتير تكون أنت ...
    بس انت حباب وبعمرك ما أذيت حدا أو تخانقت مع حدا حتى يأذيك بقى كيف لحتى يقتلك ويعمل فيك هيك ... ما بصدّق ... والله رح نصير أنا و أخي عاقلين منشان ما تضوج وتعصّب وتزعل منا ... وخلص عنجد وقت تجي تنام بعد الغدا ما حنطالع صوت أبداً ... رح ننام معك ... بابا عم أستناك ... كلنا عم نستناك ...
    هلأ أنت ولا يهمك إذا بدك تأخر شوي بس لازم تجي بالآخر ... إذا مو منشاني منشان ماما وأخي مشتاقينلك كتير كتير ... وبتعرف شو كمان .... منشان مايقولوا عني كذابة .... باي بابا ....بنتك المشتاقة كتير كتير ... لا تطوّل ... بحبك



    دام برس



    الجيش العربي السوري ❤ عندي ثقة فيك وبيكفي





  • #2
    رد: رسالة طفلة سورية الى أبيها

    عنجد ما عرفت شو بدي اكتب لما قريت هل الكلمات البريئة
    حسيت قلبي بكي
    الله يرحم شهداء وطنا الحبيب ويصبر كل مين فقد غالي

    لأنيّ أحبك أعاتبك . أنتظرك حين تغيب
    . أبكي حين تتوجع .. وأسهر طويلاً إلى أن يصفعنيّ الصباح
    لأنيّ أحبك ; أنا لا أصدق فيك كلمة سوء . لتبقى جميلاً في عينيّ
    . وكبيراً في قلبي












    Comment


    • #3
      رد: رسالة طفلة سورية الى أبيها

      مكرر

      كلام من طفلة سورية لأبيها

      أنا هو القيامة و الحياة , من آمن بي وإن مات فسيحيا

      Comment


      • #4
        رد: رسالة طفلة سورية الى أبيها

        بتعرفي شبلة هاد الكلام اذا مو نفسه حرفيا بكون شبه او نسخة تانية عنه
        مرة انا حكيتها بس مو لابي الله يحميه يارب..
        وحياة الله قلبي بكي

        Comment


        • #5
          رد: رسالة طفلة سورية الى أبيها

          في قمة الروعه ... تلمس المشاعر ... وتذرف الدموع ...

          الله يغفر لشهداء ويرحمهم ... و ينصر اخواننا في سوريا ...
          { يَا أَيُّهَا النَّاسُ أَنْتُمُ الْفُقَرَاءُ إِلَى اللَّهِ وَاللَّهُ هُوَ الْغَنِيُّ الْحَمِيدُ }

          Comment


          • #6
            رد: رسالة طفلة سورية الى أبيها

            يا الله شو صعب هيك شي
            الله يرحمى ويرحم كل مظلوم بهالدني

            Comment

            Working...
            X