ليش يا ادارة المنتدى ليش

[3amer]

انا نزلت موضوع مبارح بعنوان انتو سبق رحبتوا قيي ولكن...
بس هلأ ما عاد نحسن نفو عليه ممكن اعرف السببب

[Molham Haddad]

رد: ليش يا ادارة المنتدى ليش

اوكي .... اول شي مين انتو اللي ما عاد تحسنو تفوتوا عليه ؟!!!!

تاني الشي الموضوع بيتعلق بالترحيب وهاد الشي تم بالموضوع السابق فيعامل معاملة المكرر
ثالث شي انت سألت عن شغلة بالتسجيل بتخص الادارة وهو سؤال اتوماتيكي فما كان في داعي يضل

وبس

[3amer]

رد: ليش يا ادارة المنتدى ليش

صدقني هالموضوع ما بيتعل بالترحيب جيت لفوت عليه ما قدرت ليش

[Molham Haddad]

رد: ليش يا ادارة المنتدى ليش

بشو بيتعلق لكن ؟؟؟؟؟؟

[3amer]

رد: ليش يا ادارة المنتدى ليش

فوت عليه وشو لكن رجاء تتفهم الوضع

[Molham Haddad]

رد: ليش يا ادارة المنتدى ليش

ما انا فتت عليه ومن هون اجى ردي هاد اللي بالمشاركة رقم 2

بتمنى منكا انت ترجع تقرأ المشاركة 2 وتشوف اني محاوط هداك الموضوع من كل الجوانب
ولسا ما جاوبتني مين انتو ؟؟؟؟ اللي ما بتقدرو تفوتو ع الموضوع

[3amer]

رد: ليش يا ادارة المنتدى ليش

اولا بجاوبك نحنا هي طلعت بغلط مطبعي انا كنت بقصد فيا انا
وتانيا بتمنى انه أعرف كيف بقدر افتح هالموضوع اللي ما عا اقدر فوت عليه

[Molham Haddad]

رد: ليش يا ادارة المنتدى ليش

الموضوع موجود بقسم المواضيع المحذوفة فعمليا الوحيدين اللي بيقدرو يشوفوه هن المشرفين المشرف العام والمدير والوحيدين اللي بيقدرو يسترجعو المدير والمشرف العام
اما اسباب نقلو لهونيك

اولا هدف الموضوع كلو مو واضح

وبرجع بقتبس الجزئيات الاخرى المساعدة

تاني الشي الموضوع بيتعلق بالترحيب وهاد الشي تم بالموضوع السابق فيعامل معاملة المكرر
ثالث شي انت سألت عن شغلة بالتسجيل بتخص الادارة وهو سؤال اتوماتيكي فما كان في داعي يضل

بتمنى تكون الفكرة وصلت

اما انو غلط مطبعي فانو ............. اوكي

[3amer]

رد: ليش يا ادارة المنتدى ليش

طيب سؤال اخير بعرف اني غلبتك معي بس بدك تتحملني شوي صغيرة
اذا انا رجعت كتبت الموضوع بصيغة تانية بينحذف كمان

[Molham Haddad]

رد: ليش يا ادارة المنتدى ليش

معليش توضح اولا شو بدك توصل من الموضوع ؟؟؟؟؟؟ واكيد لا غلبة ولا شي ولو نحنا بالخدمة

لأنو اذا حكيك عن سؤال الادارة فولا عضو رح يجاوبك لأنو امر يتعلق بالادارة وحدها

اما اذا حكيك انو توضح مين انت او شو انتمائك للاعضاء فصدقني كلو عرفان ومبين من طريقة الردود والمواضيع

اما اذا بدك توصل فكرة انو التعايش مستمر بالمنتدى متلو متل الواقع السوري فاكيد منتدانا منتدى للشباب المسيحي السوري
فهو نسخة مصغرة منتمنى تكون مشرفة عن طريقة حياتنا ببلدنا الرائع

ومن هدول المنطلقات الثلاثة
بتشوف انو موضوعك رح يكون مكرر بالفكرة مية بالمية

[3amer]

رد: ليش يا ادارة المنتدى ليش

يا معلم انا حبيت وضح شو ديني بس مو اكتر لأني مو مسيحي

[Molham Haddad]

رد: ليش يا ادارة المنتدى ليش

اولا ليش وشو المناسبة لتوضح شو دينك ؟؟؟؟

حدا سألك او طلب منك توضيح

وثانيا ما الكل تقريبا بيعرفو وهالشي واضح من اسلوب الردود والمواضيع

واخيرا المنتدى مو حكر على دين معين مع انو توجهو العام مسيحي متل ما في مواقع توجهها العام اسلامي بوذي هندوسي الحادي
فطالما نحناهون منتعامل معك بباب الاحترام كان بالاحرى فيك انو تقدر هلشي مو تحاول تحكي بالمشرمحي انو انا بعرف انكن سلمتو علي بس انا مو مسيحي

وكأنك عم تحكم علينا بانو نحنا رحبنا فيك فقط لأنو اعتبرنا انتمائك مسيحي وهذا الامر غير صحيح

[3amer]

رد: ليش يا ادارة المنتدى ليش

يا اخي انا كل ما في القصة انو حبيت شوف ردت فعل الأعضاء
وانتو يالادارة ما سمحتو بهالشي

[Molham Haddad]

رد: ليش يا ادارة المنتدى ليش

ههههههههههه وبالله شو بيهمك ردة فعل الاعضاء عم تحسسني انك ما طرحت الموضوع الا لكليشة وحكم سابق عندك وبدك تأكدو لحالك

واما رد فعل الاعضاء بحب قلك كان كتير راقي كما تعودو دائما

والفكرة متل ما قلتلك خلفيتك العقائدية معروفة من اول ما سجلت وهالشي مو من السؤال بل من طريقة الردود الخاصة فيك

وبما انو ما اثرت بالول فاكيد ما رح تأثر هلق

[طحبوش]

رد: ليش يا ادارة المنتدى ليش

انا رديت عليك هنيك قبل ما يتسكر الموضوع نحن هون مسيحيين و مسلمين يعني شو ما كانت ديانتك حتى لو كنت بوذياهلا و سهلا فيك هي ردة فعلنا

في كتير ناس هون مو مسيحيين و قاعدين بيناتنا متل اخوتنا و البيت بيتن قبل ما يكون بيتنا نحن هيك تعلمنا بسوريا انو بين السوريين في اخوة تتعدى الاديان و الطوائف

بعدين لو انت سوري حقيقي ما كنت فتحت موضوع تعرف عن نفسك انو انت مو مسيحي لانو هالشي ما بهم و ما حدا سألك عليه انت اخونا شو ما كنت و هاد المغزى من المنتدى انو الكل هون اخوة


بتمنى لا تفتح هيك مواضيع مرة تانية كلنا منعرف انك مو مسيحي و شو فيها الك الصدر و النا العتبة يا زلمة و لو

[3amer]

رد: ليش يا ادارة المنتدى ليش

والله يا طحبوش بصراحة خجلتني وشو بدي قلك ما بعرف انت طلعت ادها وقدود ولا تزعل مني يا ملهم طحبوش كان رده جاي عالجرح وكان هو الرد الشافي وما بدي حدا يفهمني غلط انا كل شي كان بدي اياه انه ارتاح بالتعامل معكن لأن متل مو شايف انا وانتو كمان شايفين ان المنتدى اسمه (منتدى الشباب المسيحي-سوريا)))

[جلنار]

رد: ليش يا ادارة المنتدى ليش

لك له يا عامر طالما دخولك وتسجيلك بالمنتدى كان ع أساس الأحترام فنحنا منرحب فيك ع طول ونحنا ماشفنا منك شي غلط لحد هلأ فبتمنى إنك ماتطرح هادا الموضوع مرة تانية

مع كامل الود

[طحبوش]

رد: ليش يا ادارة المنتدى ليش

اسم المنتدى الشباب المسيحي -سوريا

لكن ما في شي بقول انو للمسيحيين فقط هو

ابو شريك اطمن انت ببيتك فوت شارك معنا و لا بقا تفكر هيك