كتاب امثال حمص الشعبية

[b7bik fairouz]

رد: كتاب امثال حمص الشعبية

الحرف ن ( العدد 79 )
الحرف ه ( العدد 71 )
الحرف و ( العدد 63 )
الحرف ي ( العدد 126 )

الحـــــــــــــرف ن
1 ـ النار ولا العار .
2 ـ نار القريب ولا جنّة الغريب .
3 ـ نار جوزي ولا جنّة أهلي .
4 ـ نار صغيرة بتحرِق بَلَد كبيرة .
5 ـ الناس عند أقوالا .
6 ـ نارك ولا جنّة غيرك .
7 ـ ناس أكلِت معاليق وناس لِسّاها ع الرّيق .
8 ـ الناس أجناس وأكترهم أنجاس .
9 ـ الناس اللي على حفّة الجوع عم تنتظر ع الكوع .
10 ـ ناس بتاكل جاج وناس بتوقع بالسّياج .
11 ـ ناس بتلعب مع حليمة وناس بتوقع بالجريمة .
12 ـ الناس بدارَك والمفتاح بزنّارك .
13 ـ الناس بلا الناس . ( بلاء )
14 ـ الناس دفاتر بعضهم .
15 ـ الناس على دِين ملوكها .
16 ـ الناس ما بتستغني عن بعضها .
17 ـ الناس ما كلّهم سوا ، طَلِّع ع أصابيعك .
18 ـ الناس مخبّاية بتيابها .
19 ـ الناس مقامات . ( درَجَات )
20 ـ نافِش حالو متل ديك المزبلة .
21 ـ ناقل الكُفْر ما كَافِر .
22 ـ نام بالبَرِيّة ولا تنام جنب طاقة مِهْوِيّة .
23 ـ نام بكّير وقوم بكّير وشوف الصحة كيف بتصير .
24 ـ نام دافي بتقوم متعافي .
25 ـ نام غنم البَرّ وقام البقر يِجْتَرّ .
26 ـ نام مظلوم ولا تنام ظالم .
27 ـ نامي يا غنمي والحارس الله .
28 ـ النّاي بشكُمّي والرّيح بتُمّي .
29 ـ الناس ناسين ، ناس ناسبهم ، وناس سيبهم .
30 ـ نام بالميّ وخايف من الشّتا .
31 ـ نبْح الكلاب ما بِضُرّ بالسّحاب .
32 ـ نَبَق متل حُمّصة الكَيّ .
33 ـ النبي هاجر وما فاجَرْ .
34 ـ نجّار بلا باب دار .
35 ـ نجوم السّما أقرب لَك .
36 ـ النّحاس قَبَّار صاحبو .
37 ـ النّحْس راكبو .
38 ـ النحلة بتعرِف دقن الدبّاس .
39 ـ نحنا وراكم والزمن طويل .
40 ـ النِدْر للدير واللّوم على سمعان .
41 ـ النَدم على ما فات من أكبر الآفات و
42 ـ نديم إذا نادمتو نديم ، ونديم إذا نادمتو ندِمْتْ .
43 ـ نزلِت الفارة من السّقف قال اها القط اسم الله قالتو اتركني وأنا بألف خير من الله .
44 ـ النساء حبائل الشيطان .
45 ـ النسوان بلا وبلاهم بلا . ( بلاء )
46 ـ النسوان ما كلّهم سوا .
47 ـ النسوان متل الحمبلاس كل ما كِبرْ بيحلى .
48 ـ نِششف ريقُو وعِمِي عن طريقو .
49 ـ نص الألف خمسمِيّة .
50 ـ نص البطن بيغني عن مَلاتُو .
51 ـ نُص الحُسْن البياض .
52 ـ نُص الكلام مالو جواب .
53 ـ النّصيب بدّو مين ينَصّبو .
54 ـ النّصيب بيكْسِر الباب وبفوت .
55 ـ النّصيب عجيب .
56 ـ النّصيحة صارت فضيحة .
57 ـ النّصيحة كانت بجَمَل .
58 ـ النَّظِر مو متل السَّمَع .
59 ـ نظرين أحسن من نظر .
60 ـ التَّفْس أمّارة بالسّوء .
61 ـ النَّفْس بتطُلب والمعدة ما بتهضُم .
62 ـ النَّفْس خضرا .
63 ـ نَفَس طِلِع ما نِزِل .
64 ـ نَفِّق شْنَانَك ع باب دارَك .
65 ـ نَقَص الدِسْت بيتنجاني .
66 ـ نقطة دَم بتِفْرِج هَم .
67 ، ناس بِعِزّها وناس بِغِناها .
68 ـ نهار الأربعا الجاجي بأربعا ، نهار الخميس فصِّل قميص ، نهار الجمعة الملايكة مجتمعة .
69 ـ النّهر الهادي بِغَرِّق الوادي .
70 ـ نوم الضُحى بِطَوِّل اللّحى .
71 ـ نوم الظالم رحمة .
72 ـ النّوم بِجُرّ النوم والقَمْل بِجُرّ الصّيبان.
73 ـ النّوم سلطان .
74 ـ نومة أهل الكهف .
75 ـ نِيَّال اللي وَفَّق راسين ع مخدّة وحدة .
76 ـ نيّال المتهوم عند ربّو بري .
77 ـ نيّال من عاش بلاهن ، وخِلِص من بلاهن .
78 ـ نيَّلَك يا قثط ع الفرشة تنُطّ ، لا عسكرية ولا مصاري تْحُطّ .
79 ـ النِيِّة على من نواها .

الحــــــــــــرف هـ
1 ـ هات اليوم صوف وبُكْرا خود خاروف .
2 ـ هات إيدَك والحَقني . ( هات عصايتك ...... )
3 ـ هات عُمْرْ وخود رِزْق .
4 ـ هات قبول وشو ما بدّك قول .
5 ـ هادا إلَك وهادا إلنا .
6 ـ هادا بالِع الموس ع الحدّين .
7 ـ هادا بالِع راديو .
8 ـ هادا بِقاتِل دُبَّان وِجهو .
9 ـ هادا بياخدَك ع العاصي وبِرَجّعك عطشان .
10 ـ هادا جيل أبو ضِرْس بياكُل ما بيشبع ، بتْعَيّطلو ما بيسمع ، بروح ما بيرجَع .
11 ـ هادا صُرّوُ وَوِرُّو .
12 ـ هادا صرّ عليه .
13 ـ هادا عَبَّدْنا العِجْل .
14 ـ هادا لا بِهِش ولا بِنِش .
15 ـ هادا لُوني من يوم اللي جَلُوني .
16 ـ هادا ليلو نهار ونهارو ليل .
17 ـ هادا ما ع كلامو رباط متل شباط .
18 ـ هادا متل اللّي بصوم بعدد درجات المادنة .
19 ـ هادا متل اللي بيفطر قبل المدفع .
20 ـ هادا متل قِلّتُو .
21 ـ هادا مْسَوِّح مْرَوِّح .
22 ـ هادا وِش الضيف .
23 ـ هادا يوم عربي . ( يوم مشمِس بتْفَلِّي فيه البدوية القمل من شعر أولادها )
24 ـ هالبيت دُقِّلّو بيرقُص .
25 ـ هالتَلِّة لهالجورة .
26 ـ هالحُجِّة ما بتِقلي عُجِّة .
27 ـ هالخبز مانو من هالعجين .
28 ـ هالخَدّ مِتْعَوِّد ع اللّطم .
29 ـ هالبيت كُلُّو همّ وغَمّ .
30 ـ هالروحة عفرا وغبرا وقِلِّة واجب . ( هالزيارة )
31 ـ هالشبل من هالأسد .
32 ـ هالضرب ما ضرب صحاب .
33 ـ هداك الغيم جاب هالمطر .
34 ـ هالكفّ ما دِري بــ هالكفّ .
35 ـ هاي ألف ، وهاي ألف ، بس الأنفاس بتختِلِف .
36 ـ هاي أيام الزيت أصبحت أمسيت .
37 ـ هاي جديدة خْلَنْج .
38 ـ هاي سمعة جديدة .
39 ـ هاي عنزة ما تيس .
40 ـ هاي ماهي رُمّانة هاي قلوب مليانة .
41 ـ هادي متل العين المقلوعة .
42 ـ هَدّى الدبُّرر ع المْسَن وقالو سِنّ كَنَّك بِتْسِن . ( وَقَّفْ ....... )
43 ـ الهديّة بليّة .
44 ـ هديّة اليمن قرود .
45 ـ الهديّة قيمة هاديها .
46 ـ هَرَب من المطر قَعضد تحت المُزراب .
47 ـ هرَب من عظرايين لقاه قضبَّاض الأرواح .
48 ـ هربنا من الدبّ وقعنا بالجُبّ .
49 ـ الهريبة تُلتين المراجل .
50 ـ هثزّ عود الريحان بتطلع ريحتو . ( ....... بتفوح ..... )
51 ـ هِش هِش رَوِّح تــ نْحِش .
52 ـ هَلأّ زمّرْ بْنَيّك .
53 ـ هَمّ البنات للممات ولو أخدوا باشاوات ، كيف إذا أخدوا خَرَوات .
54 ـ همّ الجاهل بتيابو وهَمّ العاقل بكتابو .
55 ـ الهَمّ بيقتُل صاحبو .
56 ـ هَم مالو اشترالو هَم .
57 ـ هَمّنا على ضهر عمّنا .
58 ـ هَمّها توقَف ع المراي تُطْرُش وتُطْفُش .
59 ـ الهوا الشمالي غيّرلي حالي .
60 ـ الهوا الغربي افتحْلو صِدْرَك .
61 ـ الهوا شريك العمى .
62 ـ هون حطّ الجَمّال .
63 ـ هون حطّنا الجَمّال . ( الحَمّال )
64 ـ هون حفرنا وهون طمرنا .
65 ـ هون مربط الحصان . ( الفَرَس )
66 ـ هَوِّنْها بتهون صَعِّبها بتِصعَب .
67 ـ هُوِيّ اللي جاب الخنزير لدارو .
68 ـ هيّة ليلة يا مكاري .
69 ـ هَيِّر الفلوس بتحضَر العروس .
70 ـ هِينْ فِلْسَك ولا تهين نفْسك .
71 ـ هييّ أكْلِة والوداع .

الحـــــــــــــرف و
1 ـ واحد بيتقَلّي وواحد بيتسَلّى .
2 ـ واحد خضطَب والتاني تْجَوَّز .
3 ـ واحد شايل دقنو والتاني تعبان فيها .
4 ـ واحد وحدو كفى عبده .
5 ـ الواحد يطلَع صيتو ولا يطلَع صُرْمو .
6 ـ وافَقَ شِنٌّ طبقة . ( الشن : وعاء , الطبق : الغطاء )
7 ـ واقف على دقْرا .
8 ـ وجع الفِلْس ولا وَجع الضّرس ، ووجع العين غَطّى ع التنين .
9 ـ وجع راس ولا وقع الفاس .
10 ـ وجع ساعة ولا كلّ ساعة .
11 ـ وجهو متل وجه السحّارة .
12 ـ وجه لا بِصُدّ ولا بِرُدّ متل دفتر التمَتُّع . ( دفتر الضرائب )
13 ـ وجْه للبزاق وضهر للعصاي .
14 ـ وجْه لما بيتسَمّى ولا بينعار متل قفا الصرماي .
15 ـ وجه متل ورق البستوني . ( البستوني بورق اللعب )
16 ـ وجه مدهون وبطن جوعان .
17 ـ الوجه وجه وردة والقفا فردة .( فردة كندرة )
18 ـ وِجْها متل الصلاة ع النبي .
19 ـ وِجْها متل الوردة .
20 ـ وِجْهَك وِلاّ ضوّ القمر .
21 ـ وجهو بِكُبّ صحن اللّبن .
22 ـ وجهو بيقطَع الرّزق
23 ـ وجهو عم ينَقِّط سَمّ .
24 ـ وجهو ما بيضحك لرغيف السذخن .
25 ـ وجهو متل آخِر أبانا . ( الصلاة الربانية عند المسيحيين آخرها : نجّنا من الشرّير )
26 ـ وجهو متل المحشي المبَعّج .
27 ـ الورد بيسقط والشّوك بيبقى .
28 ـ الورد ما بصير منتور والجحش ما بصير غندور .
29 ـ وردة بتْخَلِّف شوكة وشوكة بتخَلِّف وردة .
30 ـ وِصْلِت اللّقْمة للتُمّ .
31 ـ الوعاء الكبير بيوسع الوعاء الصغير .
32 ـ وَعْد الحُرّ دين .
33 ـ وعد بلا وفا عداوة بلا سبب .
34 ـ الوَغَى كَرّ وفَرّ .
35 ـ وقت اللي بصيح الدّيك الجاجة بتسكُت .
36 ـ وقت اللي بيجي الصّبي منصلّي ع النبي .
37 ـ وقت اللي بيطلَع الهوا بفوت بكُلّ البْخاش .
38 ـ وقت اللي كنت أدّك كنت شامة على خَدّك . ( أدّك : قدّك )
39 ـ الوقت كالسيف إن لم تقطعه قطعك .
40 ـ وِقِعْ ، الله لا يقيمو .
41 ـ وقع الفاس بالرّاس .
42 ـ وقع ووقعتو سودي . ( سودي : سوداء )
43 ـ وْقِعْتي ولاّ الهوى رماكِ .
44 ـ وَكّلنا العصفور بالزرزور طِلْعوا التنين طيّارين .
45 ـ وَكَّلُو القُطّ بالجُبْنة .
46 ـ الولَ\ إذا طِلع لخالو يا زينة فعالو ، وان صد"لِع لعمّو اقتُلو واقتل أمّو .
47 ـ الولَد إضا طِلِع لعمّو يا كَبْر همّو .
48 ـ الولَد اللي بيطلَع لعمَو كبّو وكُبّ أمّو .
49 ـ الوَد اللي ما بيبكي ما بترَضّعو أمّو .
50 ـ الوَد اللي ما من ضهرك كل ما جَنّ افرَحلو .
51 ـ الولَد بتعرِف صحّتو من خريتو .
52 ـ الولَد بيبكي ، يا جوع يا موجوع .
53 ـ الوَلد بيّنلو طيزك ولا تبيّنلو اسنانك .
54 ـ الولد خيرو لغيرنا وخراه علينا .
55 ـ الولد سِرّ أبيه .
56 ـ ولد ع الرُكْبة ولا دهب بالرقبة .
57 ـ الوَلَد لو بار تلنينو للخال .
58 ـ الولد من عِرْق الرّيحان أوامْ بيدْبَل .
59 ـ الولد ولد ولو حكم البلد .
60 ـ وما نَفْع السّيوف بلا رجال ؟
61 ـ وين الدنيا و وين أهلها .
62 ـ وين ما راح الحزين بلاقي جنازة .
63 ـ وين ما وِصْلِت الحية بترْقص .

الحــــــــــــــرف ي
1 ـ يْحُلّها الحَلاّل .
2 ـ يا أبو نجيب حاجي تْوَدِّي وتْجيب .
3 ـ يا آخد الصغار يا غالب الكبار .
4 ـ يا آخد القرد على مالو ، بروح المال وبيبقى القرد قبالو . ( ........ على حالو )
5 ـ يا ارض اشتَدّي ما حدا أدّي . ( قدّي )
6 ـ يا أقرع اللّي قرعتك بِتْبُصّ ، بيعني من قرعتك قريشة ، شي بقرش ونصّ .
7 ـ يا آكل الشنكليش منين بدها تجيك الريحة الطيبة .
8 ـ يا أمّي حظ اعطيني والبحر ارميني .
9 ـ يا باني حيط من خيط .
10 ـ يا بايع الحليب الله عليك رقيب ز
11 ـ يا بْتِنْفِرِج يا بتنفِلِج .
12 ـ يا بْحُطّ يا بُنطّ .
13 ـ يابلا رُوح منّي لجارتي . ( يا بلاء ....... )
14 ـ يا بنت قولي لأمّك .
15 ـ يا جاري أنت بحاك وأنا بحالي . ( ....... بدارك وأنا بداري )
16 ـ يا جناها يا وراها .
17 ـ يا حلاّق شعر راسي أسوَد ولاّ ابيض ؟ قالّو : هلّق بينزِل عليك وبتشوفو .
18 ـ يا دوبنا نلحق السّوق والصندوق .
19 ـ يا سْرَاجين وشمعة يا ع العتمة جمعة !
20 ـ يا شيوخ ارجعوا شباب ، قالّو : يا دعوة اللي ما بتستجاب .
21 ـ يا صاحب العُمْر الطويل فَرِّق ع اللي ما تهنّى .
22 ـ يا صبر أيوب .
23 ـ يا صعلوك وين رايح بين الملوك .
24 ـ يا صهري يا مسنَد ضهري .
25 ـ يا طالب المعالي ، مهر المعالي عالي .
26 ـ يا طالِب الدُّهن من عصاعيص الكلاب .
27 ـ يا طالب الشرّ بلا أصل تعا للصايم بعد العصر .
28 ـ يا ظالِم إلَك يوم . ( ........... الله )
29 ـ يا عبد لاتْكَوِّش ، غير رِزْقَك ما بتحَوِّش .
30 ـ يا غريب كون أديب .
31 ـ يا فرحتي حثكِّيلي قرعتي .
32 ـ يا فَرحتي ليلة عُرسي .
33 ـ يا فرعون مين فرْعَنك ؟ قال : ما لقيت مين يْرُدّني .
34 ـ يا قاعد بِدارك ما بتعرف شو بيجرالَك .
35 ـ يا قاعد ع الخازوق خود شُمّ هالوردة .
36 ـ يا قْليط مالَكْ مْعَكَّر ؟ بْقَطِّع خرية بتجي خرية أكبر .
37 ـ يا كحلى من إيدك أحلى .
38 ـ يا كُلْنِي سبع ولا يا كُلْنِي كلب .
39 ـ يا كِنِّي بُكْرا بتصيري حماي ، قال لبُكْرا بيفرجها الله .
40 ـ ياليل ما أطْوَلَك ع اللي خري تحتو .
41 ـ يا ما بلحبس مجانين .
42 ـ يا ما تحت السّواهي دواهي .
43 ـ يا متلنا تعو لعنّا .
44 ـ يا مْزَوْقَة من برّا شوفي حالِك من جُوُّا .
45 ـ يا مستعجِل وقِّف تقُلّك .
46 ـ يا مشتِغِل بِهَمّ الناس هَمّك خلّيتو لمين ؟
47 ـ يا منطِخّو يا منكسِر مُخّو ؟
48 ـ يا مْنَوِّر ع الغير نَوِّر علينا .
49 ـ يا هديّتي روحي مطرح اللي بترجعي .
50 ـ يا واقف على قبري ومتْحَيِّر بأمري ، مبارح كُنت متلَك بُكرا بتصير متلي .
51 ـ يا أرض احفظي ما عليكي .
52 ـ يا بيتي يا بويتاتي يا مسَتّرلي عويباتي ، فيك خلقت وفيل ربيت وفيك بمُدّ جْرَيّاتي .
53 ـ يا بيضة يا شنينة لبن إذا باتِت كُبّوها ، يا سمرا يا جَرِّة عسل للضيف خبّوها .
54 ـ يا جارتي قاتليني ، خلّي للصُلح مطرح .
55 ـ يا جامِع إنت مْسَكِّر وأنا مستريح .
56 ـ يا حبل ما يهُزّك ريح .
57 ـ يا خبر اليوم اليوم بمصاري بُكرا بصي ببلاش .
58 ـ يا خَيّو : نواعير حماه كلّها عم تدور براسي .
59 ـ يا داخل بين البصلة والتومة شو بدّك من هالريحة المشؤومة .
60 ـ يا داخل بين البصلة وقشرِتها ما بنوبك منها غير ريحتها .
61 ـ يا دايم الدّوم كل واحد إلو يوم .
62 ـ يا دَلّي متل ما بْكِلَّك كِلِّي .
63 ـ يا دمّي يا خمسميّة
64 ـ يا دوبو سانِد طولو .
65 ـ يا رايِح بلا عزية يا قليل القيمة .
66 ـ يا رايِح ع الجبل جيب معك ولو حجر .
67 ـ يا رايح ع دوما كَبِّر اللّقمة .
68 ـ يا ريح ع مصر سَلِّملي ع الحسنين .
69 ـ يا رايح كَتِّر ملايح .
70 ـ يا رايح لسوق الدّواب عَلِّق برقبتك جَرَس .
71 ـ يا رايح مصر متلك ألوف .
72 ـ يا رب شردقني بريقي حتى أعرِق عدُّوي من صديقي .
73 ـ يا رجّال البيت : حُط كلب يحرس باب دارَك وقُطّة تاكل فارَك ولا تحُط مرتَك قُدّامك
وتفشي لها أسرارك .
74 ـ يا بِتْحُطّ يا بِتْنُطّ .
75 ـ يا روحي ما بعدِك روح .
76 ـ يا ريت كل يوم عيد .
77 ـ يا ساوي وافتِخِر يا قعود وانستِر .
78 ـ يا سِتّي قولي لسِتِّك . ( كناية لِكِبَر عمر الجدّة التي ترى أولاد أولادها )
79 ـ يا شاري الهضمّ من قلب صاحبو .
80 ـ يا شعبان وَدِّع رمضان . ( يعبّر فيه عن تتالي الأمور )
81 ـ يا شيخ لا تْمَكِّن العْقَاد الحْرمة ما هي قَعّادة . ( سرعة الطلاق )
82 ـ يا صابِت يا خَابِت .
83 ـ يا صايم لا تغْتَرّ بكعكات رمضان . ( عسيرة الهضم )
84 ـ يا صايم يا مْصَلّي شو بدّك تاكُل وشو بدّك تْخَلّي .
85 ـ يا طالب الدبس من طيز النمس غناك الله عن أبوب حمص .
86 ـ ياطيزي عينِك ع الدّار .
87 ـ يا عروس لا تفرَحي بليلة عُرْسِك ما بتعرفي شو مخبّالِك .
88 ـ يا عروس مين علاّكِ غير أهلشك وبيت احماكِ .
89 ـ يا عمّي يا قاضي كلامك متل البندق الفاضي .
90 ـ ياعين لا تشتهي إلاّ بما رأيتي .
91 ـ يا غافِل إلَك الله .
92 ـ يا قاتِل يا مقتول .
93 ـ يالبنية بلا كُبَب يا عداوة بلا سبب .
94 ـ يا لساني كيف ما دِرْتَك بتندار .
95 ـ ياكُل قضامة ويحكي باللاّهوت .
96 ـ ياما رَح نشوف من اللّيالي الطّوال .
97 ـ يا ماشي ع رجليك ما بتعرف شو مقَدّر عليك .
98 ـ يا مستَرخِص اللحم عند المرق تندم .
99 ـ يا مصفاي ما يعيبِك بُخْش .
100 ـ ياويل مين كانت علّتو مرتو .
101 ـ اليَبْرَق ما أصعَب لفُّو وأسهل سَفُّو .
102 ـ يحترق سواري ولا يحترق زندي .
103 ـ يِخْزي العين ، دُقُّوا ع الخشَب .
104 ـ يا جار الدّهر أخّرني شهر .
105 يخلق من الشّبَه اربعين .
106 ـ يدوب التلج ويبان المرج .
107 ـ يرحَم البطن اللي حَمَلَك .
108 ـ يسعِد البطن اللي شالَك .
109 ـ يشوف المُعلاق يقول سبحان الخَلاّق .
110 ـ يِصْطِفْلوا بِحالُن .
111 ـ يصوم يصوم ويفطِر ع بصلِة .
112 ـ يطعَمَك الحج والناس راجعة .
113 ـ يلَعب بالأربعة وراسو الخامس . ( متل الحيوان )
114 ـ يلعَن الخلّ والخردَل وميّة التوم .
115 ـ يلعن الدَبّاغة اللي احتاجِت لوَسَخ الكلاب .
116 ـ اليمين تقيل .
117 ـ يهود خيبر ولا أهل جوبَر .
118 ـ يهودي ضربوه بعلبة لبن قال : بديني مشتْهِيّا .
119 ـ اليوم احسن من بُكْرا .
120 يوم إلَك ويوم عليك .
121ـ يوم إلَك ويوم لرَبّك .
122 ـ يوم الجمعة الملايكة مجتمعة .
123 ـ يوم الغيم بيخرب بيت رعنة .
124 ـ يوم الفَرَح قصير .
125 ـ يوم الله بعين الله .
126 ـ يوم عسل ويوم بصل .

[b7bik fairouz]

رد: كتاب امثال حمص الشعبية

القسم الثاني


أمثال الفصول والشهور وتقسيمات الشتاء
1 - أمثال الفصول ومناسباتها ( العدد 46 )
2 - أمثال العوام في شهور العام ( العدد 136 )
3 - اربععينية وخمسينية الشتاء ( العدد 19 )

أمثال الفصــــول ومناسباتها
إجا الرّبيع وطاب أكل المعليق
إذا ضبضبت عشيّة دوِّرلك على مغارة دْفيّة
إذا القمر عليه طارة بتكون ليلة الغد مطَّرة
أيام حَسومٌ وأيام حُسومٍ ( يُضرَب للشؤم : حاسمة الخير على أهلها )
بالصيف حريق وبالشتا غريق
بالمستقرضات عند جارك لاتْبات
برْد الخريف تلافاه وبرْد الربيع تلقّاه
بَرْدْ الصيف أحدّ من السيف
بَرْدْ حمص بيدخل العضام
بَرْدْ حمص ماحدي بيتحمّلو
البرد والقلّة سبب كل علّة
بسعد الخبايا اطلعوا ياصبايا ( يبدأ في 9 آدار )
بسعد الخبايا بتتنقّل فيه الصبايا ( الصبايا : الحيّات والعقارب )
بسعد الخبايا بتطلع العقارب والحيايا
بسعد الدابح لاتنابح ( يبدأ في 31 ك2 )
بسعد الدابح يانهار مُد ويابرد شُد
بسعد السعود بتدبّ الماويّة بالعود وبيدفى كل مبرود ( يبدأ في 25 شباط )
بسعد بَلَع بتنزل النقطة وبتنبلع ( يبدأ في 12 شباط )
بسعد دبح إن دبح ربَح وان ما دبَح إندبح
بقول سعد بَلَعْ اذا ما عجبكم حالي ببعت لكم خالي ( سعد السعود )
التناية عناية ( الفلاحة التانية بتزيد المحصول )
حمرا باكر اجمل عصاتك وسافر
خير الأرض من خير السما
دخّان يعمي ولابَرْد يقتل ( يضني )
دشّرو عم ياكل مانك شايفو واقع بسعد بلع
رشح الصيف أحدّ من السيف
سعد السعود بعد العشا ما في قعود ( لأن الليل قصير )
سعد السعود سلاّخ الجلود
سَعْدَك يا سعد السّعود
شباط بيقول لآدار : تلاتة منّك وأربعة منّي حتى نخلّي العجوز تْولّي

شمس الربيع بتسرّ وشمس الصيف بتحرّ وشمس الخريف بتهرّ وشمس الشتا بتضرّ
الصيف بساطو وسيع
الصيف ضيف
الصيف لو كان إلو ام واب كانوا بكيو عليه
صيف وشتا على فرد أرض ما بيجتمعوا
غنمنا مابتدوم حتى تروح عجايز الروم
لاتقول خلصت الشتوية حتى تخْلُص المستقرضات المنكية
الله يجعل صيفنا صيف وشتانا شتا
الله يجعل صيفهن شتا وشتاهن صيف
ماإلَك طرش ( غنم ) يقوم ولامركب يعوم إلاّ بعد مستقرضات الرّوم
متل ليالي الشتا باردة وطويلة
المربعينية بتقول : اذا ما عجبكم حالي ببعتْ لكم خوالي ( أي السعود)
النار فاكهة الشتا
هالشتويّة ورَّتِتْ هالوَحْلِة
بين العقرب والنيساني ارفع غطاك الفوقاني
شمس الربيع بتَضُرّ الرضيع

أمثال العَوام في شهور العام
كــــانــون

أبردْ من برْد كوانين ما في
أبرد ْمن طين كانون
إذا إجا عيد البربارة رُدّ البذار للكْوارة
بالبربارة الشموع نوَّارة
بالبربارة بتنقطِع الزيارة
بعيد البربارة بتطلع المي من وِكرْ الفارة ( 4 كانون أول )
بكانون الدنّوح على خيَّك لاتروح
بكانون حضِّرْ الفحم والكانون
بكانون كتِّرْ النار بالتَّنور
بكانون كِنْ ببيتك وكتِّر حطبَك وزيتَك
بكانون كِنْ وعلى الفقير حِنْ
بكانون كِنْ يامجنون
بين الدايم والغطاس بيت خيَّك ما بينداس (من 25ك1 ـ 6ك2 ) (من شدة البرْد)
خبيّ كام بارة للبربارة
شُقْ بكانون وتنّي بشباط بتربط الريّ بالأرض رباط
غرسة كانون أحسن من عمْنوَّل
كانون الأجردْ خلىّ الشجَر أمْــرَدْ
كل الشجر بيتعرّى بكانون إلاّ العفص والزينون
لاتغُرَّك صحوة كانون ولاغيمة شباط
شبـــــاط
بشباط بيتدركَل البيض ع البْلاط
حلَف شباط وطلَّق ما يخلّي غسيل ع الحبْل معلَّق
راح شباط الغداَّر وإجا آدار الهدَّار
شباط بقول لآدار : ثلاتة منّك واربعة منّي لنخلّي العجوز تولّي
شباط بيضحك ع النسوان ( لأنهن ينشرن الثياب فإذا بالمطر يفاجئهن)
شباط عدوّ العجايز
شباط لو شبَّط ولبَّط ريحة الصيف فيه
شباط مافي على كلامو رْباط
شمس شباط بتسوّي الراس مثل المخباط
شمس شباط بتعلِّم ع البلآط
شمس شباط لكنَّاتي
الصيت لشباط والفعل لآدار
كل ساعة براي مثل شباط
اللّي ما بلمّ بشباط بلمّ عُراط ( ضراط)


آذار
إجا آدار وهدراتو علينا يا شباط عود
آدار أبو الزلازل والأمطار
آدار أبو القرصات الكبار
آدار الغدَّار
آدار حَبَلْ ونيسان سَبَلْ ( للقمح)
احتـجاب الشمس بآدار من نعايم الله الكِبار
بآدار استنّى سبع ثلجات كبار ما عدا الصغار
بآدار الدرْوة أحسَن من الفروة
بآدار بتتنقُل الشمس من برج الحوت وبتقول للبرْد موت
بآدار بْتِغلى المونه وبيكْتر النْقار
بآدار بشنهق الحمار
بآدار بمرّ الراعي ما بشوف باب الدار ( من شدّة المطر)
بآدار بيتساوى الليل والنهار
بآدار طالع بقراتك من الدار
بآدار طعمي الجَزَرْ للحمار ( يصبح قاسٍ)
خبيّ جمراتك ( فحماتك) الكبار لعمّك آدار
السّنة بآدارها إن اقبلت وراها آدار وإن أمحلِت وراها آدار
شمس آدار لكِنَّاتي
كل رعدة بآدار مطرة بنيسان
لبن آدار محرَّم ع الكفَّار ( يصادف وقت الصوم الكبير)
المطرة بآدار بتساوي مية دينار
مطر آدار يحيي الدّيار
المطر بآدار بينبت الزرع بين الحجار
ميِّة آدار بتحيي الزرع والأشجار
النصراني بموت وعينو بلبن آدار
هوا آدار بفتِّق الأشجار
بآدار العجوز ما بتفارق النار
آدار الهدّار فيه الصواعق والأمطار
آدار بخلّي الكلب يتنَقّل من حجر لحجر والراعي ما بِطُسّ باب الدار
آدار شمس وأمطار والراعي بِنَشِّف تيابو بلا نار
نيســـان
بنيسان الحكم للنسوان
بنيسان السبلة بتشرب من تمّها
بنيسان طَفّي نارك وافتح باب دارك
شمس نيسان الي ولبناتي
كذبة أوّل نيسان
مطر نيسان بطوِّل الأشعار
مطر نيسان بيحيي قلب الآنسان
ميّة نيسان تحيي السكّ والفدان
نيسان بلا مطر متل عروس بلا جلي
أيـــــار
أيار شهر الأزهـــار
بأيار اسحب منجلك وغارْ
بأيار بتغنّي البلابل ع الاشجار
بأيار بيكبَر الخيـــار
بأيار قعود بين الورد واتذكَّر ليالي البَرْدْ
بَرْدْ أيار خراب للـــدْيار
بعشرة أيار خوخة وسبلة وزِرْ خيار
شمس أيار بتعلّم ع الحجار
مطرأيار بِيمَوِّن الفلاح بقراتو , وبجوِّزلو أولادو وبناتو
المطرة بأيار لاتنفع ولاتضَّار
نيسان تحيي السكّة والفدَّان
نيسان بلا مطر متل عروس بلا جلي
حزيـــران
بحزيران بتدخل الشمس برج السرطان وبتقول للحَرّ أهلاً بأعزّ الخُلاّن
بحزيران بتنزل الشمس وبيكبر الرُمَّــــان
تَعَبَك ع صوص حزيــران ما بيروح ضيعان
حَرّ حزيران بيعمل الحليب عيران
حزيران الهاوي وتمّوز الشاوي وآب الكاوي
حزيران بقلبو نيران
حزيران شهر الكيف أوِّلْتو ربيع وآخِرْتو صيف
حزيران فيه نيران
حزيران طبَّاخ الشمش
تمُّـــــوز
بتمّوز أكل الحماوي ما بيجوز
بتمّوز بتدفــى العجــــوز
بتمّوز بتغلي الميّ بالكوز
بعيد مار الياس حُطّ العنب للجُلاَّس (للضيوف) ( العيد في 20 تمّوز)
آب
آب اللّهّاب مابيهاب
آب بمَيِّع المسمار بالباب
آب طبَّاخ العنب والتين
إذا إجا آب الجـــوّ عاب
بآب ادخل الكَرْم ولاتْهاب
بآب اقطف العنقود ولاتستهاب
بآب فَوِّتْ الكُرّ لجُواَّت الدار
بآب لاتْحرِّك تراب
بعشرين آب ادخل الكرْم ولا تْهـــاب
بعيد الرب اللي بيتمشَّط بينتلي راسو حَبْ
بعيد الرب نقيّ حَبْ
بكل الشهور بينزل المطر إلاّ بشهر آب
زريعة آب للدَواب
عيد التجلّي بيقول للصيف وَليّ ( 6 آب )
عيد مار يوحنا حراَّق الدواليب ( 29 آب )
ايلــــول
إيلول دنبو مبلول
بإيلول مَوِّن عيالك وشيل الهَمْ عن بالك
بشهر ايلول دَبِّرْ المكيول للعدس والجمُّص والفول ( لقُرب أيام المونة)
بعد الصليب الآخراني صيف تاني
بعيد الصليب الدنيــا بتعيب ( 14 إيلول )
بعيد الصليب كل أخضر بيسيب
شعنن وادخل وصَلِّبْ واعبر
صَلَّبِتْ خرَّبِتْ ( أي بعد الصليب كل شيء يترك مهملاً في الكروم )
عنصِر واطلع وصلِّ وانزل ( أي انزل من على السطح )
عيِّد واطلع صَلِّبْ وانزل
في واحد وعشرين ايلول صحوة بلا غيوم
قمر ايلول صحوة بلا غيوم
مالك صيفية إلاّ بعد الصليبية
طرف إيلول بالشتا مبلول
تشــريــن
أوَّل دخولو شمعة طولو ( يقال عند بدء شهر تشرين الثاني )
اذاخلص التين عليك بمية تشارين
بَرْدْ تشاريت أحدّ من السّكاكين
بَرْدْ تشارين تْوَقَّاه وبَرْدْ الربيع استلقاه
بَرْدْ تشرين بيهري المصارين
بين تشرين وتشرين صيف تاني
سبِّع بيتك قبل تشرين يامسكين ( طحين – سمن- زيت – دبس – برغل – خضار يابسة – شنكليش )
الصبيّة بتقول : بتشرين بكمِّل العشرين
عض على حيّة ولاتعضّ على خيارة تشرينبة
عيد مار ميخائيل مفتاح الشتا ( 8 تشرين الثاني )
اللي ما شبع عنب وتين بيشرب من ميّة تشارين

أربعيتية وخمسينية الشتاء
قسّم السوريّون الشتاء بأشهره الثلاثة إلى قسمين :
أ ـ أربعينية الشتاء: وسموّها المربعينية, مدتها أربعون يوماً من 21كانون الأول إلى 30 كانون الثاني .
ب ـ خمسينية الشتاء : ومدتها خمسون يوماً من 31كانون الثــــاني إلى 21آذار . وتقسم الخمسينية إلى أربعة سعود : سعد دبح ( دابح ) – سعد بلع – سعد السعود – سعد الخبايا . وإنّ كل سعد مدّته 12 يوماً ونصف , والمستقرضات 7 أيام، وتقع ضمن الخمسينية .
وكل مناسبة قيل فيها بعض الأمثال , فمن الأمثال التي تصف شدّة البرد في أيام السعود الأربعة:
- بتقول المربعينية إذا ما عجْبكم حالي ببعتْ لكم خْوالي ( السعود )
ونبيّن فيما يلى تفسيراً لهذه المناسبات والأمثال التي قيلت فيها :
1ـ سعد دبح : ويبدأ في 31 كانون الثاني :
وسمّته العامة سعد الدابح لشدة البرد فيه وتموت فيه الماشية . وتقول العرب : إذا طلع سعد الدابح حمى أهله ونفع أهله الرابح ويصيح السارح في الحي الأنافح . ومن الأمثال التي قيلت فيه :
- بسعد الدابح يانهار مُد ّويابَرْد شُــدّ
- بسعد الدابــح لاتنــــــابح
- بسعد دبح إن دبح ربح وإن ما دبح اندبح
2ـ ســعد بَلـْع : يبدأ في 12 شبــاط :
وهو نجمان مستويان أحّدهما خفيْ والآخر ُمضيـــــىء يسمّى بالعاً كأنه بلع الآخر , وقيل إنه سمّي بلع لأنه في وقته تفيض الأنهار وتزيد الآبار كأنّ الأرض ابتلعت ماءها . وتقول العرب : إذا طلع السعد بلع ,اقتحم الرُبَع (مواليد المواشي المبكرة ) ولحق أهله الهُبَع ( المواليد المتأخرة ) وجمد الماء وامتنع , وصيد المُرَع ( طائر يشبه الدُّرَج ) وظهرت في الأرض لُمَع ( المرعى الجيّد ) . وقيل فيه:
- بسعد بلع بتنزل النقطــة وبتنبلــع
- دَشْرو عم ياكُـل مانك شايفو واقع بسعد بلع
3 ـ ســعد السـعود : يبدأ في 25 شبــاط :
هو أيضاً كوكبان بينهما أقل من قيد ذراع في مرأى العين وتقول العرب : إذا طلع سعد السعود ذاب كل جمود واخضرّ كل عود وانتشر كل مصرود ( البارد ) ودَفِىءكل مبرود , ويُروى إذا طلع سعد السعود نضر العود ولانت الجلود وكره الناس في الشمس القعود . وقيل فيه :
- سَعــدَك يا سعــد السعــود .
- سعــد السعود سلاّخ الجْلــود .
- بسعد السعود بتْدبّ الماوية بالعود ويدفى كل مبرود .
- بسعد السعود بعد العشا مافي قعود ( لأن الليل قصير ) .
4 ـ سعــد الخبـايــا : يبدأ في 9 آذار :
واختُلف فيه فقال بعضهم إنه كوكب حوله ثلاثة كواكب مثلّثة تشبه رجْل البطة والكوكب هو السعد والثلاثة هي الخبايا. ويُسمّى أيضاًً سعد الأخبية لخروج المخبآت فيه من الثمار والحشرات , وتقول العرب : إذا طلع سعد الأخبية دهنت الأسقية وتُركت الأجوية وتجاورت الأقنية . وقيل فيــه :
- بسعد الخبايا بتطلع العقارب والحيايا .
- بسعد الخبايا بتتفتّــل الصبايا ( يُقصد بالصبايا الحيّات والعقارب ) .
- بسعد الخبايا اطلعوا ياصبايا .
- بسعد الخبايا بتشلح الفروة وبتلبس العباية .
5– المستقـــرضات : وهي سبعة أيام :
وتُسمىّ ( أيام العجوز ) لأنها تقع في عجز الشتاء أي في آخره , وهي (أربعة من آخر شباط وثلاثة من أول آذار ) وسمّاها العرب الصِنّ ـ الصِنْبَر ـ وَبْرْ ـ آمر ـ معلل ـ مُطفي الجَمْر) ويشتد ّفيها البرد ويسمّيها العامّة برْد العجوز : أي الطاعنة في السن ) . وقيل فيها :
- لاتقول خلصت الشتوية حتى تخلص المستقرضات المنكيّة .
- بالمستقرضات عند جارك لاتْبـات
- غنمنا ما بتدوم حتى تروح عجايز الروم
- ما إلك طرش غنم يقوم إلاّ بعد مستقرضات الروم
- شباط يقول لآذار : ثلاثة منّك وأربعة منّي حتى نخلّي العجوز تولّي
6 ـ الحســـوم : وهي ستة أيام :
أول الحسوم 11 آذار ـ آخر الحسوم 16 آذار
7 ـ سقــوط الجمــرات : وهي ثلاثة أيام :
الأولى 20 شباط ـ الثانية 27 شباط ـ الثالثة 6 آذار
وكل شتويّة وأنتم بخيـــر

[b7bik fairouz]

رد: كتاب امثال حمص الشعبية

القسم الرابع
مقتطفات من أهزيج الأفراح والحروبي
مقتطفات من أهازيج الأفراح ( العدد 91 )
مقتطفات من الحروبي ( العدد 11 )

مقتطفات من أهازيج ألأفراح
أهلا بكم عيني أهلا بكم
يسِلم درب اللي جابكم
وإن كـــان أبو ... جلاّبكــم
يُضــرُب بحَدّ السيف قدّامكـم
========
أهلا بكـــُم عيني أهلا بكــُم
يِتنيني تنيني وياعينــي على تنيني
.....على السـّاقية و....على عيني
نـدراً عليّ إن جـوَّزت تنينــي
لجيب لــلدّار طبليني وزمرينـي
========
ياسيّد .... ياوردة على الفنجــان
ياعِرْقْ ريحان جبتَك من بلاد الشّام
لَزَيِّن تُؤْلَك دهب لزيِّن تُؤْلَك مـال
وبْطالْعَك ياقمر تَضّوّي على البلدان
=========
نحنا الفرَح عنّا يامين يهنّينـــا
نحنا الفرَح عنّا من هون لتنينــا
إجو الأحبّة لباب الدّار هنّونـــا
أما الأعادي بِعْدو عنّا وجافونــا
=========
ياأهل هالجمْع ما بعرِف أساميكــم
ياريحة العُطر فاحِت من عرائيـكم
لَجيـــب بَنَّا ويبنــي بعلاليكم
يبقى الفـرح عندكم ونروح نهنّيكم
=========
تَمّـــوا إلْعَبــوا واشعبـــوا
يابنــــات اللــه يهنّيكـــم
بُكرا بتروحو لَفَيّ الجوز يضنيكـم
يبقى الفرَح عندكم ونروح نهنّيكـم
==========
زرعنـــــــا خيــــار
وطلِــــع شْبــار شْبـــار
وقُلنــــــا ما منقَطّعـــو
إلاّ لتدخُل عروستنا من باب الـدّار
==========
أهلا وسـهلا فيكم ياضيوف عـزاز
انتم عزازي وجيتـوا من بلاد عزاز
أحلى من الشّهد أحلى من طيور الباز
أحلى من القِرْش لوكان صاحبو مـعتاز
==========
عريسنـا أسمــــر وعيَّـــــارِ
ما يلْبِــس الجُـــوخ إلاّ بِـــزارِ
ما يــدُّق الــباب إلاّ بخنصـــرو
ريــت عدوُّه بالــباب بسمــــارِ
==========
شو هالفرْحة اللي إلي خمس سنين بنْطُرْها
سـألت رب السّمـا العــالي ينطــرها
أتمَمْــــت يا كــريم يا إبن الكِــرام
وأتْمَمْـــت بشفاعـة ربنــا العالــي
==========
قــامت النّخلــــــة لتميـــل
تحـــت فـيِّـة اليـــاسميـــن
يا نخلــــــة ميـــن كَسَـــاكِ
أبو ...... وريـت عمـــره طويــل
==========
شو هالعروس اللي ما شافها مخلــوق
لافي كنيسة(جامع)ولاحمّام ولا بالسّـوق
ريت اللي شافها عالدّرب مشنــــوق
يبلى بكاس العمى وأكبر مصيبة يـدوق
==========
قوموا من الدّرب يا عـبدات ياسـودات
قوموا من الدّرب لتمـــرق السّتـات
قوموا من الـدّرب لتُمــرُق اميرتكـم
هاي بنت أبو..... جـاي تْشرِّفكـــم
==========
شو هالـدّار دار إبــــن الهــلالِ
عَمَّرِتْـــها العمـايم والـــرجـال
عَمَّـــرها أبـو...... لَسـَكَنْهـــا
يبقـــى العِـــزّ بــروس الجبالِ
=========
شو هالعريـس اللي حبُّوه بــيت حْماه
كبارهم وصــغارهم تْعلَّقوا بهـــواه
وأهـــل العريـس أنا حبّيتــهم أكتر
نزلـوا عـلى قلبـي أحلى من السـّكر
=========
يا سمكة البحر امشي ونقّلي رِجْلـــك
وامشي شْوَي شْوَي حتـى يبان حجمـك
وان سألوا الكُبر هِنَّي الكُـــبر أهلِــك
وانتِ أصيــلة وأهل الدّيري بتشْهدلِـك
==========
زَقْـــــــزق العصفـــــور
بيـــن الـــورد والمنتـــــور
ما أحلـــى فوتــت عــروستنـا
وجههــــــا مكلّل بالنُّـــــور
=========
قــــامت النّخلــــة تميـــل
وملبــــوس النّخلـــة حــرير
ويا نخـــلة ميــــن كَسَـــاك
أبــو ....... عُمْــره طــويــل
=========
يا عِـــــرْق ألمـــــــاس
مشــــــكوك بالــــــراس
عـــروستنــــا حلـــــوة
وُصَلُّـــــوا ع ........ يانــاس
=========
بَربَريســــــا بَربريســـــا
والـــدّهب مْعَبَّــــا بكيســـا
وكُـل البنــــــات انخطَبــوا
......... اللــه يبْعَتْــلا عريســا
==========
قــــامت ...... علــى حيــلا
والياسميــــن هَــرّ من ديــلا
ولا تقـــــــولوا..... حلــوة
فــــي مِيِّــة ........غيـــرا
==========
شو أكْلِت امّــك فيكي لجابْتك حـلوه ؟
أكْلِـت فيكِ الكبد والمَنّ والسّــــلوى
وشو اشتهى خطيبك يلبّسك بليلة الخبوه ؟
أســاوِر تليـق لأيـــديكِ الحلـوه
==========
جــــوز ولــــــوز وبلــح
وقلــــــب السَّعــد وانجــرح
ويَّلي ما فِــــرح بفرحتنــــــا
ان شـاء اللــه ما بيدخُـل ع بيتو فرَح
===========
الحمد للـه زال الهَـــم ما قصَّــر
وانْسَـدّ جــرح الهوى من بَعد ما نسَّر
والحمد للـه ع فرحــة مْدَلّلنــــا
وإلـي عامات ع هاليـوم بتْحَسَّـــر
==========
اللّــــــي طولَِـــك طـــول
والخِصْــــر إلَــك ناضــــور
وأُمـّك....... وأبـــوكِ ...........
يضَـوولــك الشّمع والبخّـــــور
=========
عقـبال ....... يانـاس كلـّكم قـولـو
شـو هالغـزال اللـي زيـّنو طـولـو
والّتُمّ ( الفم ) خاتم دهب والعين مكحولـو
والـتُمّ خاتم دهـب جُـوَّا الدّهـب لولو
==========
شعـرك سباسل دهـب سبسـلو قلــبنا
والخِصْـر من رِقّتــه زَقَّفِتـْلو غنّــى
حُطِّــي القَـدَم ع القَـدم ما اسمعتِلّو رنّا
ياريـت بطـن الحَـمَلِك مسـكنو الجـنّة
==========
نحـن البْنيــّات نحـن البنــيّا تــي
نحــن القصب مَصّ نحـن السـُّكرياتي
يا بايــع الـبُنّ بيعــنا بالوقيــاَّتـي
وغَلّـي علينـا التَّمَــن نحن المشتريّاتي
=========
الطـول طـول القنـا والعنق مايـل ميـل
والخِصــر من رِقّته هَـدّ القُوَى والحيـل
يا نايميـن الضـُّحى يا ساهـرين اللــيل
غُزلان ما في ببلدنــا وهالغزالي .......
==========
نحـن السُّـــمْر ياخوختين بعــــود
وشَبّ اللي بيوقع بهوانـا ما يجيـه قْعـود
وحيـاة مـن حنّـن الــوالد على المولود
السُّــمْر حلــوين لو كانوا عبيد وسـود
=========
يا سِتّ يا عروس ما أحــلى معانيـــكِ
إنت دهــب خالـص جنْس العيب ما فيكِ
إنت أصيـلة وكــل الـناس تشـهد لـك
يا جنّــة الخُــلْد نيّال اللي حِظِي فيــك
=========
ارقصـــــــي يا حبْقَـــــــة
وارمــــــي علينــــا ورقـــة
يلبَـــــقْ لِقامْتِــــك الحلــــوة
شَبِّـــــة وخــرزة زرقــــــا
=========
ارقُصــــــــي وراكِ سَنَـــــدْ
وراكِ رْجــــال بتْعَمِّــــرْ بَلَـــد
ارقُصـــــــي وراكِ .............
ما أســــما ديَّاتـــه بـعد الدّهــب
===========
قومـي براسِـــك ولا تِحنــي بقامْتِك
كل البْنيّـــات رِبْيُــو تحت طاعْتِــك
لمّا جَلــوكِ ورَخُــو سالِف التركــي
كنّــا تْمانــي وقعْنـــا في محبّتـك
==========
قومـي براسِـــك ولا تكـونـي ذليلي
بنـت السَيّــد ريتِـــك الأميـــري
ربَطْنَــــا خيلنــا بِــدار أبــوكِ
تْمِنتِيّـــام تُحــصُد بالشّعيـــــرِ
=========
ميـن قال عَنِّـك سْميرة يا قمـر بـدري
يا نجمــة الصّبْــح تضوي ليلة القَدري
لأعْمِــل زُنودي جســر وقَطّعِك نهري
ريتِك مباركــة يا كِنِّـــة الدَّهـــرِ
=========
ع الهـــادي ع الهــــــــادي
يـا حمــــــــام الــــوادي
سيـــــرو وسَيَّــــركُم اللـــه
علــى قلــــوب الأعـــــادي
=========
شبــاب شــاب ما بعْرف أساميكــم
ياريحــة العُطْــر فاحـِت من طواقيكُم
لَجيــب بَنَّـا حلب يبنــي علاليــكم
يا قاصْــدين الفــرَح ربّي يهنّيـــكم
=========
نِحْنــا نِحْنــا لـــو تْلَحــلَحْنــا
نحْنــــا النُّســور لو قَصُّوا جوانحنا
مـا نِعْدَمَك يا ..... يابو شارِب المْحَنّــا
ياريت عَـدوُّك غنَـم ودَبَّحْتو نحنــــا
=========
يا سَيِّد ( أبو العروس ) نحن اليوم خُطاَّرَك
ودْبَحْلنــا الحايـلة وِخـْليْلْنـــا دارَك
ياكَـريْم يا إبن الكَرم ياللي الكـَرَم جارَك
عادة قديمــة عـادة عمَّك وخالــــك
=========
طقْمَـــــــك زيتــــــــي
وِمْعلّــــــــق ببيتـــــــي
وِيْخَليِّـــــــــكِ يا أُمّـــــو
عـلى ما خلَّفْتـــــي ورَبِّيتــــي
========
أُرقُـــــــص وتْلابَــــــــق
يـا وَرْد الطّـــــــــــــابق
يـــا ســكِّيـــن جنبيــــــة
بقلــــــب اللـــي عابَــــك
=========
ريتـــو مبارَك ياعريس جــديـــد
ريتـــو مبارَك وريت عُمْرَك يزيـــد
ريتـــو مبارَك يا سنَــــد اُمَّـــك
يا مزيِّن العُرْسان كل حد ( جمعة ) وعيــد
=========
أُم العريــــس يـا فـريحـــــاني
يامْشَكَّلِـــــــة بريحـــــانـي
قــومـي ارقُصــي واضحَكـــــي
لا يْفَـــكّروك النــاس زعـــلانـه
==========
يـا سِت ياعروس ما بعتــــاز وصِّيكِ
لاتْخَلّــــي حدا من الدّار يشكيـــكِ
حتّى حمـــاتِك يا عروس عِزِّيّهــــا
واجعليهـا مَطْــرح أُمِّك تْرَبّيـــــكِ
=========
ارقُصـــــــي يـا راقوصــــي
أصــابيعِــك يا خيـار مكبـــــوسِ
يـاما سمعنــا عــلى جـــاهِـــك
اللــي جـاهِـــك بفُـــكّ المحبـوسِ
==========
يا سِت يـا عــروس يا بنت أكـبر الناس
ياللي رميتِ بقلــب العَــدو وســواس
كرامة لبَـيِّك ولخيّـــك ولِعِـــــزِّك
كرامة لأمِّــك لحُطِّـــك على راســي
==========
ياسيِّــد يا عريــس يابو بدْلـة الزرقـا
ياحُسْــن يوسِف المصـــرور بالورقة
واللي بيبغْضَــك يا عريس يبلاه بحرْقـة
تنزِل مع الغيـــم لا لمعــة ولا برقـة
==========
نحنــا بيت ..... وعادتنا ركوب الخيـل
نلْبِس حـريـر بحرير ونرخي أكمامنا للدّيل
مينو سجيع القلب دَق أبــوابنا بالليـــل
ننسِّيه صــريخه ونجعَل حالتـو بالويــل
=========
حمــرا وبيضا ولِبْسِت تــوب كُتَّانــي
والمِسْــك بجْيــابا معجون صُلْبـــاني
بَرَمْت البَلَــد ع البَلد مالقيتلِك تانــــي
يانجمــة الصّبـح عريسِك كوكـب العالي
===========
يا ست يا عروس قومــي تْنَقّلي وامشــي
والوجـه دورة قمــر خالــي من النّمْشِ
حلـْفِت عروستنـا ما بتـنْقل ولا نقْلـــة
إلاّ بطــوق الدّهــب ومْزيّـن الّرّقبــة
=========
شبابنــا حُورَبِت وبنــاتنــا غَنِّـــت
وراياتنــا الحُمْــر من راس الجبل طَلِّت
واللي شافِـــت شبابنــا ومـا ســمِّت
تِقـبِر صبــاها قبل الشّمــس ما طَـلِّت
==========
صدرِك صَدَرْنـي جبينِك عقد ليــــوانِ
يـا شمــس كانـون يا قمـرا بنيســان
والشّمــس لـو غَـرْبِت تضوي محاسنها
والْفَـيْ لو مال يسقـي أحواض ريحــان
=========
لا تطْلعــي ع العلا يا علاليّــــــة
لا تطلعــي ع العلا مَنْهــا حـراميـة
لا تطلعــي ع العلا بَيِّك عقيد القـــوم
تِسْـوي من المــال تُقْلِك يا خُزاعيّــة
=========
عريـس يا عريـس لاتندَم على المــال
حـواجِب عروسْـتك يا خط الكــــلام
حـواجِب عروسـتك ياسيوف محنيّـــة
تِسْوى صبايــا حارتَك متل ما هيِّـــة
=========
يا سيِّد ياعريس اشتهيتلّك بالسّما بُرْكـــة
لا يْصـالْها لاحاكِـــم ولا تُرْكــــي
اشتهيتلّك محرَمـة وعُطْـر ناهـــوردة
تِمْسَــح جبينــك يا حبيب قلبــــي
=========
عمــلْنــــــــا بــامــــي
وكَتَّــرْنــالا أدامٍٍٍــــــــــي
واللــي ما بياخُــد من بناتنــــــا
بيعَــضّ ايديـــــه نــدامــــي
==========
طبَخْنــــــــــا مِحْشـــــي
رُزّنَـــــــــــا بيمشـــــي
نحنــــــا بيت أبـو ...............
بيلْبَقلْنَــــــــا كـــل شــــي
===========
شــو هالنّهـــار الّلاّيِـــــــــق
فِرْحِــت فيـه كُــلّ الخلايـــــــق
طَقِّــت قلـــــــوب الأعــــادي
لَمَّــا حَقِّــــــت الحــقايـــــق
==========
لَبَّسْتِــك الأبيض قَطَّعتِــك الــــوادي
واصطادْها يا عريــس إن كنت صيّــادي
مين علَّمَــك يا عــريس صيد الغـــزَالِ
قـال علَّمــوني بنـات عمِّي وخيَّـــاتي
==========
ياسيِّد ....... يالولــو علـــى أيــــدي
يـا إبن الكِــرام يا إبن الأجـــــــاويدي
ندْراً عــيّ إن جــاك الحكـــم ياسيــدي
لصيــر عَشِّـي وقَدّمْلَـك عشــا بايـــدي
==========
ياسـيّد ...... يـالــولــو علــى راسـي
يا إبن الكِرام دَبُّوســك دهــب صــافـي
وإن عِطْشِت الخيـــــل لَوَرِّدْها ع العاصـي
مَلِّي قلــوب العِــدا بارود ورصاصــــي
==========
ياسيّد ........يـا فُلفُل بـــلاد الهنـــــد
يا ما سمعنــنا كــلام من تحـت راسك إنت
وحـــياة من ولــدت العدرا( عائشــــة)
فَتِّـش بالقلــوب ما في غيــرك إنــــت
============
ياسيّد أبـو ....... قُلَّــي مين حكى عنَّـــك
مَحْلــى كلامَـك ومحْلى النّطْـق من تُمَّـــك
وحيــاة من زَيَّـن الشارِب علـــى تُمَّــك
يــا إبن الكِبــار ما فــي بالبَلَــد مِنَّــك
==========
هـا لَزّقي العجينة ها بايدك اليمينــي
ها وان شاء الله ع السنة بكون ع ايدك بنينـي
=========
هــا ياصحن مجدّرة ها ومزَيّن بالكُزْبرة
هــا وعروستنا الحلوة ما بدها غنْـــدرة
==========
هـا ياصحـن ألمــاس هـا ومعبّا بالنّجاص
هــا واللي بياخُــد من بيت أبو .........
بيبقـــــى مرفــوع الـــــــرّاس
============
نحنــن البنـات نحنــا الخـوخ بعْنـاقو
ياريقْنــا السّكَّـري يا سَعْد من داقــــو
روحــوا لجــوز البِشْعة بَرْدوا خْلاقــو
بات العســل بالّجـراري ماحدا داقــــو

رمــــــــاني حامضة ولفّاني وببيتنا
حلفْنـا ما ندوقـــها ليرجع ..... بالسلامة
===========
ديــارنـا كبيــرة دَرَجْ الحَمَــام فـيها
وأم العريس فرحانــة إن شاء الله ربي يهنيها
==========
"فــلان " ياواحـــد " فــلانة " يا اتنين
واللّي مابيصلّي ع ..... يِعــدَم ها العينتـين
=========
يا جماعة كُلّكن كُلّكن وما نسينـا فضلكن
اليوم إنتو عنّـــا وبُكرة نحني عندكن
=========
طبخنــا مجـدّرة مزيّنــة بالكزبرة
عروستنـا حلـوة وما بــدْها غندرة
========
ويا صحــن تيـن ومزيـّن بالياسمين
وعروستنا صغيـرة وما طبقت العشرين
========
يا ما قعـــدوا جنبي ويا ما حـرقوا قلبي
وقالوا "فلان" ما بتجوّز تجوّز ونصرني ربي
========
يا صحن رز بحليب وكل ما بَرَدْ بطيب
ونحنـا أهليّـــة وما في حدا غريب
========
العريــس يا واحد وعروسته يا اتنين
ويا خرزة زرقــا ترُدّ عنهن العـين
========
يا عــريس لا تِعْبِس افريد ها البقجــة والبس
شواربك عروق ريحان وسوالفك عروق النرجس
========
يارايحة ع الحمّام خديني معاكِ
لأحملّك البقجـة وامشي وراكِ
وان كان أبوكِ ما عطاني ايّاكِ
لعمل عمايل ما عملها عنتــر

يـا إبْـــري يـا كُشْتْبــــــــان
يا كنايــن آخــر زمــــــــان
يا قليـــليـن المــــــــــرُّوة
يا طــويلين اللســـــــــــان
========
يا بيت قشر البــصل شو جابــكم لينــا
إنتـوا تْعَلّيتــوا ونحنـا تــوَطيّنــــا
لولا رجالكم ما تْبــوس أيــديـــــا
كُنّــا رْجالْكُــم بالحَبـٍْس حطّينـــــا
=========
ملاحظة: إحدى العرائس طُلِّقَت ليلة زفافها لأن أهلها قالوا الزغرودة الأخيرة .

الحــروبي في مدينــة حمــص
فَصَّـلْتِلَـكْ تـوب لا فَضَّـلْ ولا عَـــوَّزْ
ومْبَــارَك العُرس يا رايِـح تتجَــــوَّزْ
ـــــــــ
قلعـــة بعلبَــك بعـون الله خدينــاها
بالحـوج والمـوج والدزّات ل رْمَــاحي
ـــــــــ
نِحْــنا ونِحْنــا وما في بالحيّ غير نحنا
نِحْنَــا الصّقورة ولو قَصّــوا جوانحنـا
ـــــــــ
شي ما شا اللــه زيدوا الصّلاه ياهـــي
صَلّوا على ...... زين زين مكحول العيـن
واللّــيّ يعـادينا اللــــه عليــــه
ـــــــــ
بــأرض السّويــدا إجتنــا الخيـــــل
وياعمّـي خيراً كثيراً لاتهكــل لِهَمّــــي
حيفــاً عليكم أيــا شُبّــان لاتنـــهزموا
لا خيل إجِتْكُــــم ولا الدَزّات ل رمــاحي
ـــــــــ
جُوزْ المليحـة نصَب خيمة وعَلاهــــــا
جُوزْ الشنيــعة راح ع الشام وخَلآّهـــــا
ـــــــــ
حمــرا من الخيـل لو قصّوا معانيهــــا
مجدولة الديــــل لحَـــد العراقـــيبي
ـــــــــ
كام راس قطعنـــا كام جتّـة رمينـاهـــا
بالحـوج والمــوج والدَزّات ل رْمَـــاحي
ـــــــــ
نحـن بني قيــس مين يقدر يخاصمنـــا
شَكّاكيــن الـرمح والأحـدب بين عينينـا
ـــــــــ
وعيونك السّود شبه اللّـــوز إذا لَـــوَّزْ
وخدودَك الحُمر شبه الـــوَرْد إذا كَـــوَّزْ
ـــــــــ
يـارب سَــلِّم ع المطــران والخـوري
يا دمعـــة العين فوق الخَــد مهـدوري

[b7bik fairouz]

رد: كتاب امثال حمص الشعبية

الملحق
1 ـ أمثال مضافة ( جديدة ) العدد ( 451 )
أمثـــــــال جـــــديـــــــدة
ـ إبن آدم بالتفكير والرب بالتدبير .
ـ إبن الداية ما عليه مخبّاية .
ـ أترك الطبيب والدوا وإلحق الشمس والهوا .
ـ إجا الخاروف يعلِّم أبوه الرعي .
ـ آخر الحياة الموت .
ـ آخر الزمر طيط .
ـ آخر الطحن قرقعة .
ـ إذا احتجت الكلب قوللّو يا سيدي .
ـ إذا الله طَعَمَكْ كول وطَعْمي وشَبِّعْ غيرك .
ـ إذا امتدِّت الإيدين تساوت الرؤوس .
ـ إذا جار عليك الزمان جور على زندك .
ـ إذا راح الجَمل لا تتحَسّر ع الرسَن .
ـ إذا رخصت اللحمة بترخص الكروش .
ـ ارميه بالبحر بيطلع بتمّو سمكة .
ـ أُصبعتي مِنّي ولو انقطعِت وعيني مِنّي ولو انقلعِت .
ـ أقعد جوعان ولا تطّالب مَنَّان .
ـ أكل البيضة والتقشيرة .
ـ أكّل الهديّة وكسر الزبدية . ( خري ع الزبدية )
ـ أكل الولد تجارة ولُبْسه خسارة .
ـ أكل فولو ورجع لأصولو .
ـ أكلة وانحسبت عليك .
ـ الأبرة اللي فيها خيطين ما بتخَيِّط .
ـ الأيام الزفت دواها النوم .
ـ الإيد البطّالة نجسة .
ـ الإيد التعبانة شبعانة .
ـ البحر ما بتعَكْرو ساقية .
ـ البخت بيلحق صاحبو .
ـ البرغل ( المجدّرة ) بسامير الرُّكَب .
ـ البرَكة باللّمة .
ـ البطن ما بتجيب عدوّ .
ـ البطيخة ما بتكبر إلاّ ببيتها .
ـ البعرة بتدُلّ ع البعير .
ـ البنات على قفا مين يشيل .
ـ البنت المنيحة أحسن من الصبي الفضيحة .
ـ البنت بتدّلّل لوقت ما بتكلّل .
ـ البنت لأمّـها .
ـ البيت بلا حرمة بيصير خربة .
ـ البير اللي بتشرب منّو لا ترمي فيه حجر .
ـ البيضة ما بتكسِر حجر .
ـ الجاهلة فصْلِت والعيّاقة خيْطِت .
ـ الجمل إذا بار بيحمل قنطار .
ـ الجوز ( الزوج ) رحمة لو ما بجيب فحمة .
ـ الحُب أوّله دلع وآخره وجَع .
ـ الحبلى اشتهتو والمرضعة أكلتو .
ـ الحكي صابون القلوب .
ـ الحْلابة ولا مَسْك العجول .
ـ الحمار بمت بخَلِّف جْلالو .
ـ الحمّصَـة ما بتنتقع بتمّو . ( لا يحفظ سر )
ـ الخبز والماء أكل العلماء .
ـ الخسارة بتعلِّم الشطارة .
ـ الدهر قلاّب .
ـ الرّايح بإيدو والجاي بإيد الناس .
ـ الرب واحد والعمر واحد .
ـ الزبدة ما بتطلع إلاّ بالخضْ .
ـ الزرع أخضر والناس أخبر .
ـ الزرع إن ما غنى سَتَرْ .
ـ الزيت ما بيطلع إلاّ بالمعصرة
ـ السبع سبع ولو كان بالقفص .
ـ السعد وعد .
ـ السنة السودة 15 شهر
ـ الشبع بعد جوعة بربّي بالقلب لوعة .
ـ الشر إذا بات فات .
ـ الشمس طالعة والناس قاشعة .
ـ الشيطان ما بخَرِّب وِكْرو .
ـ الصرماية ولو تْزَيّنِت بألماس ما بتنحطّ ع الراس .
ـ الصوت عالي والفراش غالي .
ـ الضباب ما بعَيِّش كلاب .
ـ الضيف المنظوم بيشرب القهوة وبيقوم .
ـ الطريق مستور .
ـ العار أطول من العمر .
ـ العاقل بيفهم من غمزة والجاهل بيفهم من رفسة .
ـ العَدِس بترابو وكل شيء بحسابو .
ـ العرب الرحّالة بتعرف طريق المي .
ـ العِرْقْ ( الشرش ) بِمُدّ لسَبِع جِدْ .
ـ العروس للعريس والجري للمتاعيس .
ـ العصا عَلَّمِت الدُّب الرقص .
ـ العَقْربة أخت الحية .
ـ العيد يا بأولّتو يا بآخرتو .
ـ العين عليها حارس .
ـ الغُـراب ما بخلِّف صقر .
ـ الغرض مرض .
ـ الغريب أعمى ولو كان بَصير .
ـ الفَرَس الأصيل ما بعيبو جلالو .
ـ الفِص التقيل خلّيلو مطرح .
ـ القرعة لمّن بتهوش أحلى من عَدّ القروش .
ـ القصة مو قصة رُمّانة .. قصة قلوب مليانة .
ـ إلَكْ يوم ياظالم .
ـ الكتاب انكتب والمهر ع الله .
ـ الكعكة بإيد اليتيم عُجْبة .
ـ الكلب إذا بدّو يعَضّ ما بيعوِّي .
ـ الكلب في بيتو سبع .
ـ الكلب ما بصير شاطر إلاّ بباب دارو .
ـ اللسان الحلو بيطالع الحية من وكرها .
ـ اللقمة الكبيرة بتوقّف بالحلق .
ـ الله بطعمي الحلاوة للّي مالو أضراس .
ـ الله يْلَحِّق الحَبْل بالدلو .
ـ الله يهنّي سعيد بسعيدة .
ـ اللي إلو طبـّاخ ما يزَفِّرْ إيديه .
ـ اللي باعك بالفول بيعو بالقشور .
ـ اللي بالقلب بالقلب يا كنيسة .
ـ اللي بتحبل بالفرن بتولد بالجرن .
ـ اللي بتحبل بالليل بتولد بالنهار .
ـ اللي بتحُط رجْلَك مطرح رِجْلو لا تخاف منّو .
ـ اللي بتستهتر فيه بيغلبك .
ـ اللي بتولد بمكة بتجيب أخبارها الحجّاج .
ـ اللي بخاف من العفريت بيطلعلو .
ـ اللي بخلّفو أبوك إلك ولأخوك .
ـ اللي بدقّ ع صدْرو بدّو يدفع اللي عليه .
ـ اللي بدّو يرَبّي جَمَل بدّو يعَلّي باب دارو .
ـ اللي براجع الدنيا بيبكي عليها .
ـ اللي بروح ما بيرجع .
ـ اللي بعيد عن القلب بعيد عن العين .
ـ اللي بكشِّر ع أنيابو كل الناس بتهابو .
ـ اللي بياكل ببلاش ما بيشبع .
ـ اللي بيحترق تمّو بالحليب بينفخ ع اللبن .
ـ اللي بيزرع الريح بيحصد غبارو .
ـ اللي بيسرق بيضة بيسرق جمل .
ـ اللي بيشرب البحر ما بيتشردق بالساقية
ـ اللي بيطبخ السم بيدوقو .
ـ اللي بيطلع من دارو بقلّ مقدارو .
ـ اللي بيعتمد ع صبّاط جارو بيبقى حفيان
ـ اللي بيعجن الصبر بدوقه .
ـ اللي عندو جاجة ما بتضعلو قمحة .
ـ اللي عندو حنّة يحني دنب حمارو .
ـ اللّي عندو طبَّاخ لا يزَفِّرْ إيديه .
ـ اللي فينا فينا ولو حجّينا وجينا .
ـ اللي ما بتحرقو النار بيعميه دُخّانها ورمادها .
ـ اللي ما بموت اليوم بموت بُكْرا .
ـ اللي ما بينفع للجنّة بينفع للنار .
ـ اللي مالو كبير مالو تدبير .
ـ الّلين ما بينكسر .
ـ المال اللي بتجيبو الريح بتاخدو الزوابع .
ـ المال بِفَرِّق بياض العين عن سوادها .
ـ المال متل العصافير بيروح وبيجي .
ـ المحبة بتقلّل شروط الأدب .
ـ المرا يا ضْبَعا يا كول خبزاتا .
ـ المستعجل ما بسوق جمال .
ـ الممارس غلب الفارس .
ـ الموت مع الناس رحمة .
ـ الموت مع الناس رحمة .
ـ المي بالبير بتحب التدبير .
ـ الميّ فراق .
ـ المي والنار ولا حماتي بالدار .
ـ النار بتخلِّف رماد .
ـ النعجة المدبوحة ما بتتوجّع من السلخ .
ـ النقطة الدايمة علاّمة .
ـ النهار إلو عينين .
ـ الهدية مفتاح الباب .
ـ الوحدة ولا رفيق السوء .
ـ الولد إبن أمّه ويا حيف ع اللي بلمّو .
ـ اليبرق بالدهن بيغرق . ( إكثار الدهن بالطبخة )
ـ اليبرق بدّو نهار ما بدو نار . ( أي يطبخ على نار هادئة )
ـ اليهود والنصارى ولا أولاد الحارة .
ـ أم البنت مسنودة بخيط وأم الولد مسنودة بحيط .
ـ أم علي بتزرع وأبو علي بيقلَع .
ـ امسك الحبل بدلّك ع الوتد .
ـ إن ركضت ركض الوحوش غير نصيبك ما بتحوش .
ـ إن ضاقت عليك المخازن مخزنك عُبَّـك .
ـ إن غاب عنَّك أصْلو ، دلايلو فِعْلو .
ـ إن فاتك الضاني عليك بالحمصاني .
ـ إن كانت المي بتروب بتكون الفاجرة بتّوب .
ـ انقعها واشرب ميّتهـا .
ـ أهل الميت ناموا والمعزيين قاموا .
ـ أهلي : اللي بوقّفوا حَـدّي .
ـ أوّل ما شطَح نطَـح .
ـ بالع الموس ع الحدّين .
ـ بتجي على أهوَن سبب .
ـ بتقرا مزاميرك على مين يا داود ؟
ـ بحيلتك يا بنتي باكل أنا وكنّتي .
ـ بِدَّك شنق ولاّ خنق ، قال إي كلّو بالرقبة .
ـ بَـدِّلْ بْدارَك ولو من عند جارك . ( أي تبديل بذار الزراعة لزيادة المحصول ) .
ـ برّا وردة وجُوّا قردة .
ـ بصلّي الفرض وبيخزق الأرض .
ـ بعد العيد ما في كعك .
ـ بعد القمل والصيبان ، صار أحمر وأخضر وملطّخ ع الحيطان .
ـ بعد ما كان سيدها صار يطبِّل بعرسها .
ـ بعيد عن العين بعيد عن القلب .
ـ بفصّل للبرغوت قميص . ( للخّياط الشاطر )
ـ بفلوسك بنت السلطان عروسك .
ـ بُكْرا بتموت يا أبو جُبّة وأعمالك فوق القبر قُبّة .
ـ بُكْرا بيجي رجب وبتشوف العجب .
ـ بموت مية موتة ليفوت هالفوتة .
ـ بنات اليوم ما خرجها غير النوم .
ـ بنت الأكابر غالية ولو بتكون جارية .
ـ بنت الدار عورة .
ـ بنت الفارة حفّارة .
ـ بنت منيحة ولا صبي فضيحة .
ـ بياكل الهدية وبيكسر الزبدية .
ـ بياكل خيرو وبيعبد غيرو .
ـ بيت الظالم خراب .
ـ بيت المُحسن عمار .
ـ بيتك بيعو ولا ترهنو .
ـ بيرمي كل عشرة ببير وبيقول يارب التدبير .
ـ بيسُفّ التراب ومابيوقف ع الباب .
ـ بيع الزيت بقيسارية الزيت
ـ بيفتي ع الأبرة وبيبلع الجمل .
ـ بيمشي بالجنازة وبفكّر بالجوازة .
ـ بين النّوَر ما في تكليف .
ـ تباهت القرعة بشعر بنت حماتها .
ـ تقاتلت الفيران على كشك الجيران .
ـ جبنا سيرتو طلعت ريحتو .
ـ جعجعة بلا طحن .
ـ جْنَابْها متل طْنَابها .
ـ جوابو من راس مناخيرو .
ـ جوَّزناه لينستر صقلله عى إيام الفضيحة .
ـ جوعة على جوعة بتخلّي الصبيّة زوعا .
ـ حاجة الست بالصندوق وحاجة الجارية بالسوق .
ـ حُبْ حبيبك حُبْ ولو كان تور ودبّ .
ـ حصيرة الصيف واسعة .
ـ حضّرنا الحطب والعريس لِسّـا ما خطب .
ـ حضّرنا الحطب والعريس لِسَّــا ما خطَب .
ـ حُط شي بتلاقي شي .
ـ حُكْمْ التراضي أحسن من حُكْم القاضي .
ـ حمار شغل .
ـ حمارك الأعرج ولا جمل إبن عمّك .
ـ حِمص مرصودة .
ـ حولينا ولا علينا .
ـ حيلة العاجز دموعه .
ـ خالص كازو : مافيه عقل ( يعني أن بابور الكاز إذا خلص منه الكاز لا يكمن أن يشتعل )
ـ خدوا من فقرهم وحطّوا على غناكم .
ـ خدي بختك من حضن أختك .
ـ خَلَصْ السلام بقي التفتيش بالأكمام .
ـ خود الرفيق قبل الطريق .
ـ خود الكتاب من عنوانو .
ـ خود المنيح واستريح .
ـ خود صدّ واعطي ردّ .
ـ خير الشباب ورا الباب .
ـ دوس ع دنبو شوف عجبو .
ـ راح يخطبها لإبنو ، تجوّزها .
ـ راحت الناس وبقي النسناس .
ـ راحت الناس وبقي النسوان .
ـ ربّك رب العطا بجيب البرد على قد الغطا .
ـ ربّك وصاحبك لا تكذب عليهم .
ـ رحت لبيت أبي إستريح سبقني الهوا والريح .
ـ رطل نحاس بيغني الناس .
ـ رمضان إذا عَشَّرْ بَشَّرْ .
ـ روح ، أحمض ما عندك طبوخ .
ـ زبادي إبليس ما بتخيس .
ـ زعَلو ع طرف مناخيرو .
ـ ساعة الحظ ما بتتعوّض .
ـ سبع صنايع والبخت ضايع .
ـ سلاح البوشت مراي ومُشط .
ـ سَمِّن كلبك بياكلك .
ـ سيد القوم خادمهم .
ـ سيف السلطان طويل .
ـ شبعة على شبعة بتخلّي الصبيّة ضبعة .
ـ شَرّ الصّباح ولاخير المساء .
ـ شرارة بتحرق حارة .
ـ شريكك هو خصمك .
ـ شمعة الكذّاب ما بتضَوّي للعِشا .
ـ شو الإنسان عقلو دفتر ؟
ـ شو إنت بالحارة يا منخل بلا طارة .
ـ شو بدّو يصير ليصير ؟
ـ شو نايبك من القيراط ياضراط .
ـ شي بوطّي الراس للمَداس .
ـ شي ومِنّو .
ـ صاحب الحق عينو قويّة .
ـ صارت نمرة رجلها أكبر من عمرها .
ـ صباح ابليس ولا صباح القسيس .
ـ صباح الشيطان ولا صباح الرهبان .
ـ صباح القرفة ولا صباح السلفة .
ـ صبري على حالي ولا صبر الناس عليّ .
ـ صدر البيت إلك والعتبة إلنا .
ـ ضايع عقلو بطولو .
ـ ضربو وصابو وقال هادا نصيبو .
ـ ضروب هالطينة بالحيط إن ما لزقت بتعَلّم .
ـ ضعيف وبياكل مية رغيف .
ـ طالع يا كَبّة يا دعسة .
ـ طبختو ع النار وعينو ع طنجرة الجار .
ـ طعمي مطعوم ولا تطعمي محروم .
ـ طلبتو المشتهية أكلتو المستحية .
ـ طلع القمر واتدَوَّر ونسي زمانو الأول .
ـ طول عمرِك يا تينة مجعلكة .
ـ ظلم القريب ولا عدل الغريب .
ـ ظن السّوء بوَدّي لجهنّم .
ـ عادي أمير ولا تعادي غفير .
ـ عامل أمير بجلد خنزير .
ـ عِرْقْ آسْ ولا شماتة الناس .
ـ عقلك ما معك ، تنين بديرو .
ـ عمر الطمع ما جَمَعْ .
ـ عمرها القردة ما طلعلها ليّة .
ـ عمشة وعاملة مكحّلة .
ـ عند الرضاعة العِجل بيعرِف أمّه .
ـ عود الصغير بشَعِّل العود الكبير .
ـ عيش نهار بتسمع أخبار .
ـ عيش يوم بتسمع دوم .
ـ عين ع الجنة وعين ع النار .
ـ عينو بالطبَق وادنو لمين زقع .
ـ عيونو بالطبق وإدنو على مين زَعَق .
ـ غاب حوْلين ورجع بخُفّيْ حنين .
ـ غاب عنّـا فرحنا ، إجا أتقل منّو .
ـ غلي السوق ولا رخيص البيت .
ـ فتحوها الفيران وقعوا فيها التيران .
ـ قالّو اليوم مرّقني وبُكرا غرّقني .
ـ قالّو ليش يا شعبان ما بتجي برمضان قلّو كل شي بوقتو حلو .
ـ قالوا لاتْسُدّها جيب الفاس وهُدّها .
ـ قالوا لجحا إيمَت بتقوم القيامة ؟ قال : لمّا بموت أنا .
ـ قالوا لجحا وين بَلَدَك ؟ قال : اللي مرتي فيها .
ـ قالوا للأعمى كيف بتعرف المنيح من العاطل قال : من سِعْرو .
ـ قالوا للجمل تعا لنجوّزَك ، ضحك وانشقّت شفّتو .
ـ قالوا مرحبا أقرع ، قالو هادا أول باب للمناقرة .
ـ قدَم بقدَم ولو كنتِ سِت وَوَراكي خَدَم .
ـ قعّدناك ببيتنا وبتبزق بزيتنا ؟
ـ قلب المؤمن دليلو .
ـ قلتِلاّ قومي اطبخي قالت مريضة قلتِلاّ قومي كُلي قالت وين معلقتي العريضة (كلام الحماي للكنة)
ـ قليل الذوق بعبّي الطاسة لفوق .
ـ قوّي نارك تسبق جارك .
ـ كبرِت البازنجانة ودندلِت أجراسها ونسْيِتْ الطين اللي كان فوق راسها .
ـ كتر الدلع بكرّه العاشق .
ـ كتر السلام بقلّل المعرفة .
ـ كتر الضحك بقلّل القيمة ( المقام ) .
ـ كتر الضرب بعلّم البلادة .
ـ كتر العتَب بقرِّق الأحباب .
ـ كتر الكلام خيبة .
ـ كل إنسان إلو لسان .
ـ كل بير جنْبو بلّوعة .
ـ كل شئ بالدنيا شطارة إلاّ البحر نْطارة ( لصيّادي السمك )
ـ كل عين فوقها حاجب .
ـ كل غلطة بكفرة .
ـ كل لقمة بتنادي أكّالها .
ـ كل ما طال دنبو قلأذ أدبو .
ـ كل معروض منهان .
ـ كل واحد بيعرف شمس دارو بتطلع منين .
ـ كلام القاضي متل الفستق الفاضي .
ـ كلب يعَوِّي معك أحسن من كلب يعَوِّي عليك .
ـ كلبين ما بيتّفقو على عضمة .
ـ كلمة بَت ولا عشرة لََت .
ـ كلمة بتحَنِّن وكلمة بتجَنّن .
ـ كلمة بُكرا زرعوها ما طِلْعِتْ .
ـ كلمة خود بتسوى ألف هات .
ـ كومة فيران ولا هالجيران .
ـ لا الفارة طاهرة ولا دعاويها مستجابة .
ـ لا إنسان ولا حلاوة لسان .
ـ لا بصلْتَك ولا عيني تِدْمَعْ .
ـ لا تاخد هاللبانة إلاّ من هالحنَك الأعوج .
ـ لا تجازيه إلَك رب يجازيه .
ـ لا تحكي القصّة وتقطعها من نصّها !
ـ لا تحكي يا لسان ورا كل حيط إنسان .
ـ لا تدل شحّاد ع باب دارك .
ـ لا ترخي الجبل لإبنك بشنق فيه حالو.
ـ لا ترْخي الحَبْل لإبنك بيشنق حالو .
ـ لا تشارك القريب ولا تناسبه .
ـ لا تشوفوا طولو تعوا ع البيت وشوفو فصولو.
ـ لا تلوم ولا تشكر إلاّ بعد سنة وست أشهر .
ـ لا طال توت الشام ولا عنب اليمن .
ـ لا طيّار ولا نافخ نار .
ـ لا في السُنّة ولا في الفَرْضْ .
ـ لا منحبّكم ولا منطيق فراقكم .
ـ لا وجه حلو ولا طيز ناعمة .
ـ لابط البدوي ولا تجاريه .
ـ لباس مالو دكّتو بأربعين .
ـ لو صَحِّت لجدّي ما مات .
ـ لو لَحَّستو عسل عضِّللي أصبعي .
ـ لو ما كان شعير ما قرّبت عليه الحمير .
ـ لو منخاف من الضفادع ماغصنا بالسّواقي !
ـ لون الزهر بيقهر قهر .
ـ ما بتفوتها فايتة ولا أكلة بايتة .
ـ ما بقي بالوادي غير حجارو .
ـ ما بيسلَم الكرْم من الناطور .
ـ ما بيفضح البيت الكبير غير الكِنَّة والإجير .
ـ ما بيفوتو فايت ولا طبيخ بايت .
ـ ما بيملّي عين ابن آدم غير التراب .
ـ ما بيوقع إلاّ الشاطر .
ـ ما تبكي ع اللي راح مالو إبكي ع اللي وَقَّفْ حالو .
ـ ما حافظ من العشق إلاّ كلمة وحشتيني .
ـ ما خلّى للورّات إلاّ ورق الكُرّات .
ـ ما صرنا هون إلاّ وقلنا يا رب العون .
ـ ما كلّ مين ماشاف الدّهَب عَـيَّرْ .
ـ ما لقوا بالورد عيب قالوا يا أحمر الخدين .
ـ ماتت الحمارة وانقطعت الزيارة .
ـ مال الدنيا بضل بالدنيا .
ـ مال الوقف بهُدّ السقف .
ـ مالها إلاّ النبي ( ص ) .
ـ مالها إلاّ رجالها .
ـ مالو رايح وعرضو فايح .
ـ مامعو شي يتعشّى بيشتري فجل وبيتدشّى .
ـ متقنة وملبَّقة وقتَّالة النملة بدنب المعلقة .
ـ متل الزبدية الصيني من وين ما دقّيتها بترنّ .
ـ متل الصبّار وجهو متل قفاه
ـ متل اللحمة الحمرا لا بتطش ولا بتمش .
ـ متل اللي تعلّم الحجامة برؤوس اليتامى .
ـ متل اللي عم يدوِّر على أبرة بكومة قش .
ـ متل اللي عم يرُشّ ع الموت سُكَّرْ
ـ متل المتشردق بيريقه .
ـ متل المَرَة الحردانة راحت قملة رِجْعِت صيبانة .
ـ متل المقشّة الشباطية كل قشّة ببلوعة .
ـ متل الوَزّ حنيّة بلا بز .
ـ متل بشكير الحمّام من إيد لإيد .
ـ متل رمح الرديني . ( نسبة لإمرأة في الجاهلية تدعى رُدينة كانت تصنع الرِّماح )
ـ متل زيارة المستحية من الصبح لعشيّة .
ـ متل صْبَيّ الحمّام إيد من ورا وإيد من قُدّام .
ـ متل عُميان سيدي خالد ( أربعة عميان يعيشون على الحَسَنات قرب جامع خالد بن الوليد ).
ـ مثل يللي طالع ع السلّم بقبقاب .
ـ مركب الضراير سار ومركب السلايف احتار .
ـ مصاري المجانين بتروح ع مجاري الحمامين .
ـ مطرح ما بتطلع الكلمة بتطلع الروح .
ـ مطرح ما بتمسّي باتْ .
ـ مطرح ما بيمشي الثور بتلحقو سكة الفلاحة .
ـ مطرح ما ضَيّــع القرد ابنه .
ـ معَك معك عليك عليك .
ـ مكتوب على هالساق بروح عاشق بيجي ألف مشتاق .
ـ ملحهم على ركابهم .
ـ مَنْ تأنّى نالَ ما تمنّى .
ـ من جاور الحداد بيحترق بنارو .
ـ من حبّ احبابو نسي اصحابو .
ـ من رضي بقليلو عاش .
ـ من عدا دفّ عم يرقص .
ـ من عطس ما فطس .
ـ من فك العجايز كل شي جايز .
ـ مَنْ كبَّر الحجر ما صاب .
ـ مَنْ نصَح جاهل عاداه .
ـ منقعْدو بالصدر منلاقيه بالعتبة .
ـ منقعّدو بالصدر منلاقيه بالعتبة .
ـ منّي خيط ومِنَّك خيط منعَمِّر بيت .
ـ مئة كبير ولا ولَد .
ـ مين حاسس فيكِي إن رحتِي ولاَّ جيتِي
ـ ناس بأوّلهم وناس بآخرهم .
ـ ناموسة وعاملة جاموسة .
ـ نجوم السما أقرب لك .
ـ نحن اتنين ، التالت إجانا من وين .
ـ نُص العمى ولا العمى كلّه .
ـ نَكَش عليه عُشّ الزلاقط .
ـ نوم الظالم عبادة .
ـ هاي السما وهاي الأرض .
ـ هاي عليقتك يا حمار إن أكلتا بالليل أو بالنهار .
ـ هُز فلوسك ولا تهز دقنك .
ـ هَمْ بضحِّك وهَمْ ببكّي .
ـ هوا الخريف بخلّي القوي ضعيف
ـ وجه النحس ما منّو غير الخسارة .
ـ وقع في حيص بيص : أي وقع في ارتباك لا مخرج منه ، وهما اسمان مركّبان مبنيان مثل: بين بين
ـ وين رايح يا صعلوك بين الملوك .
ـ يا إدن طِنّـي كل ساعة خبر .
ـ يا بدر شمسك نص ليل .
ـ يا جار الدهر احزن لي شهر .
ـ يا حامل هم الناس ، خليّيت همّـك لمين ؟ .
ـ يا خاين يا طرخون بيزرعوك بدوما بتطلع بحلبون .
ـ يا كنيسة الرب اللي بالقلب بالقلب .
ـ يوم التين ما في عجين .
ـ يوم الحُزْن طويل .

[b7bik fairouz]

رد: كتاب امثال حمص الشعبية

الملحق
1 ـ أمثال مضافة ( جديدة ) العدد ( 451 )
أمثـــــــال جـــــديـــــــدة
ـ إبن آدم بالتفكير والرب بالتدبير .
ـ إبن الداية ما عليه مخبّاية .
ـ أترك الطبيب والدوا وإلحق الشمس والهوا .
ـ إجا الخاروف يعلِّم أبوه الرعي .
ـ آخر الحياة الموت .
ـ آخر الزمر طيط .
ـ آخر الطحن قرقعة .
ـ إذا احتجت الكلب قوللّو يا سيدي .
ـ إذا الله طَعَمَكْ كول وطَعْمي وشَبِّعْ غيرك .
ـ إذا امتدِّت الإيدين تساوت الرؤوس .
ـ إذا جار عليك الزمان جور على زندك .
ـ إذا راح الجَمل لا تتحَسّر ع الرسَن .
ـ إذا رخصت اللحمة بترخص الكروش .
ـ ارميه بالبحر بيطلع بتمّو سمكة .
ـ أُصبعتي مِنّي ولو انقطعِت وعيني مِنّي ولو انقلعِت .
ـ أقعد جوعان ولا تطّالب مَنَّان .
ـ أكل البيضة والتقشيرة .
ـ أكّل الهديّة وكسر الزبدية . ( خري ع الزبدية )
ـ أكل الولد تجارة ولُبْسه خسارة .
ـ أكل فولو ورجع لأصولو .
ـ أكلة وانحسبت عليك .
ـ الأبرة اللي فيها خيطين ما بتخَيِّط .
ـ الأيام الزفت دواها النوم .
ـ الإيد البطّالة نجسة .
ـ الإيد التعبانة شبعانة .
ـ البحر ما بتعَكْرو ساقية .
ـ البخت بيلحق صاحبو .
ـ البرغل ( المجدّرة ) بسامير الرُّكَب .
ـ البرَكة باللّمة .
ـ البطن ما بتجيب عدوّ .
ـ البطيخة ما بتكبر إلاّ ببيتها .
ـ البعرة بتدُلّ ع البعير .
ـ البنات على قفا مين يشيل .
ـ البنت المنيحة أحسن من الصبي الفضيحة .
ـ البنت بتدّلّل لوقت ما بتكلّل .
ـ البنت لأمّـها .
ـ البيت بلا حرمة بيصير خربة .
ـ البير اللي بتشرب منّو لا ترمي فيه حجر .
ـ البيضة ما بتكسِر حجر .
ـ الجاهلة فصْلِت والعيّاقة خيْطِت .
ـ الجمل إذا بار بيحمل قنطار .
ـ الجوز ( الزوج ) رحمة لو ما بجيب فحمة .
ـ الحُب أوّله دلع وآخره وجَع .
ـ الحبلى اشتهتو والمرضعة أكلتو .
ـ الحكي صابون القلوب .
ـ الحْلابة ولا مَسْك العجول .
ـ الحمار بمت بخَلِّف جْلالو .
ـ الحمّصَـة ما بتنتقع بتمّو . ( لا يحفظ سر )
ـ الخبز والماء أكل العلماء .
ـ الخسارة بتعلِّم الشطارة .
ـ الدهر قلاّب .
ـ الرّايح بإيدو والجاي بإيد الناس .
ـ الرب واحد والعمر واحد .
ـ الزبدة ما بتطلع إلاّ بالخضْ .
ـ الزرع أخضر والناس أخبر .
ـ الزرع إن ما غنى سَتَرْ .
ـ الزيت ما بيطلع إلاّ بالمعصرة
ـ السبع سبع ولو كان بالقفص .
ـ السعد وعد .
ـ السنة السودة 15 شهر
ـ الشبع بعد جوعة بربّي بالقلب لوعة .
ـ الشر إذا بات فات .
ـ الشمس طالعة والناس قاشعة .
ـ الشيطان ما بخَرِّب وِكْرو .
ـ الصرماية ولو تْزَيّنِت بألماس ما بتنحطّ ع الراس .
ـ الصوت عالي والفراش غالي .
ـ الضباب ما بعَيِّش كلاب .
ـ الضيف المنظوم بيشرب القهوة وبيقوم .
ـ الطريق مستور .
ـ العار أطول من العمر .
ـ العاقل بيفهم من غمزة والجاهل بيفهم من رفسة .
ـ العَدِس بترابو وكل شيء بحسابو .
ـ العرب الرحّالة بتعرف طريق المي .
ـ العِرْقْ ( الشرش ) بِمُدّ لسَبِع جِدْ .
ـ العروس للعريس والجري للمتاعيس .
ـ العصا عَلَّمِت الدُّب الرقص .
ـ العَقْربة أخت الحية .
ـ العيد يا بأولّتو يا بآخرتو .
ـ العين عليها حارس .
ـ الغُـراب ما بخلِّف صقر .
ـ الغرض مرض .
ـ الغريب أعمى ولو كان بَصير .
ـ الفَرَس الأصيل ما بعيبو جلالو .
ـ الفِص التقيل خلّيلو مطرح .
ـ القرعة لمّن بتهوش أحلى من عَدّ القروش .
ـ القصة مو قصة رُمّانة .. قصة قلوب مليانة .
ـ إلَكْ يوم ياظالم .
ـ الكتاب انكتب والمهر ع الله .
ـ الكعكة بإيد اليتيم عُجْبة .
ـ الكلب إذا بدّو يعَضّ ما بيعوِّي .
ـ الكلب في بيتو سبع .
ـ الكلب ما بصير شاطر إلاّ بباب دارو .
ـ اللسان الحلو بيطالع الحية من وكرها .
ـ اللقمة الكبيرة بتوقّف بالحلق .
ـ الله بطعمي الحلاوة للّي مالو أضراس .
ـ الله يْلَحِّق الحَبْل بالدلو .
ـ الله يهنّي سعيد بسعيدة .
ـ اللي إلو طبـّاخ ما يزَفِّرْ إيديه .
ـ اللي باعك بالفول بيعو بالقشور .
ـ اللي بالقلب بالقلب يا كنيسة .
ـ اللي بتحبل بالفرن بتولد بالجرن .
ـ اللي بتحبل بالليل بتولد بالنهار .
ـ اللي بتحُط رجْلَك مطرح رِجْلو لا تخاف منّو .
ـ اللي بتستهتر فيه بيغلبك .
ـ اللي بتولد بمكة بتجيب أخبارها الحجّاج .
ـ اللي بخاف من العفريت بيطلعلو .
ـ اللي بخلّفو أبوك إلك ولأخوك .
ـ اللي بدقّ ع صدْرو بدّو يدفع اللي عليه .
ـ اللي بدّو يرَبّي جَمَل بدّو يعَلّي باب دارو .
ـ اللي براجع الدنيا بيبكي عليها .
ـ اللي بروح ما بيرجع .
ـ اللي بعيد عن القلب بعيد عن العين .
ـ اللي بكشِّر ع أنيابو كل الناس بتهابو .
ـ اللي بياكل ببلاش ما بيشبع .
ـ اللي بيحترق تمّو بالحليب بينفخ ع اللبن .
ـ اللي بيزرع الريح بيحصد غبارو .
ـ اللي بيسرق بيضة بيسرق جمل .
ـ اللي بيشرب البحر ما بيتشردق بالساقية
ـ اللي بيطبخ السم بيدوقو .
ـ اللي بيطلع من دارو بقلّ مقدارو .
ـ اللي بيعتمد ع صبّاط جارو بيبقى حفيان
ـ اللي بيعجن الصبر بدوقه .
ـ اللي عندو جاجة ما بتضعلو قمحة .
ـ اللي عندو حنّة يحني دنب حمارو .
ـ اللّي عندو طبَّاخ لا يزَفِّرْ إيديه .
ـ اللي فينا فينا ولو حجّينا وجينا .
ـ اللي ما بتحرقو النار بيعميه دُخّانها ورمادها .
ـ اللي ما بموت اليوم بموت بُكْرا .
ـ اللي ما بينفع للجنّة بينفع للنار .
ـ اللي مالو كبير مالو تدبير .
ـ الّلين ما بينكسر .
ـ المال اللي بتجيبو الريح بتاخدو الزوابع .
ـ المال بِفَرِّق بياض العين عن سوادها .
ـ المال متل العصافير بيروح وبيجي .
ـ المحبة بتقلّل شروط الأدب .
ـ المرا يا ضْبَعا يا كول خبزاتا .
ـ المستعجل ما بسوق جمال .
ـ الممارس غلب الفارس .
ـ الموت مع الناس رحمة .
ـ الموت مع الناس رحمة .
ـ المي بالبير بتحب التدبير .
ـ الميّ فراق .
ـ المي والنار ولا حماتي بالدار .
ـ النار بتخلِّف رماد .
ـ النعجة المدبوحة ما بتتوجّع من السلخ .
ـ النقطة الدايمة علاّمة .
ـ النهار إلو عينين .
ـ الهدية مفتاح الباب .
ـ الوحدة ولا رفيق السوء .
ـ الولد إبن أمّه ويا حيف ع اللي بلمّو .
ـ اليبرق بالدهن بيغرق . ( إكثار الدهن بالطبخة )
ـ اليبرق بدّو نهار ما بدو نار . ( أي يطبخ على نار هادئة )
ـ اليهود والنصارى ولا أولاد الحارة .
ـ أم البنت مسنودة بخيط وأم الولد مسنودة بحيط .
ـ أم علي بتزرع وأبو علي بيقلَع .
ـ امسك الحبل بدلّك ع الوتد .
ـ إن ركضت ركض الوحوش غير نصيبك ما بتحوش .
ـ إن ضاقت عليك المخازن مخزنك عُبَّـك .
ـ إن غاب عنَّك أصْلو ، دلايلو فِعْلو .
ـ إن فاتك الضاني عليك بالحمصاني .
ـ إن كانت المي بتروب بتكون الفاجرة بتّوب .
ـ انقعها واشرب ميّتهـا .
ـ أهل الميت ناموا والمعزيين قاموا .
ـ أهلي : اللي بوقّفوا حَـدّي .
ـ أوّل ما شطَح نطَـح .
ـ بالع الموس ع الحدّين .
ـ بتجي على أهوَن سبب .
ـ بتقرا مزاميرك على مين يا داود ؟
ـ بحيلتك يا بنتي باكل أنا وكنّتي .
ـ بِدَّك شنق ولاّ خنق ، قال إي كلّو بالرقبة .
ـ بَـدِّلْ بْدارَك ولو من عند جارك . ( أي تبديل بذار الزراعة لزيادة المحصول ) .
ـ برّا وردة وجُوّا قردة .
ـ بصلّي الفرض وبيخزق الأرض .
ـ بعد العيد ما في كعك .
ـ بعد القمل والصيبان ، صار أحمر وأخضر وملطّخ ع الحيطان .
ـ بعد ما كان سيدها صار يطبِّل بعرسها .
ـ بعيد عن العين بعيد عن القلب .
ـ بفصّل للبرغوت قميص . ( للخّياط الشاطر )
ـ بفلوسك بنت السلطان عروسك .
ـ بُكْرا بتموت يا أبو جُبّة وأعمالك فوق القبر قُبّة .
ـ بُكْرا بيجي رجب وبتشوف العجب .
ـ بموت مية موتة ليفوت هالفوتة .
ـ بنات اليوم ما خرجها غير النوم .
ـ بنت الأكابر غالية ولو بتكون جارية .
ـ بنت الدار عورة .
ـ بنت الفارة حفّارة .
ـ بنت منيحة ولا صبي فضيحة .
ـ بياكل الهدية وبيكسر الزبدية .
ـ بياكل خيرو وبيعبد غيرو .
ـ بيت الظالم خراب .
ـ بيت المُحسن عمار .
ـ بيتك بيعو ولا ترهنو .
ـ بيرمي كل عشرة ببير وبيقول يارب التدبير .
ـ بيسُفّ التراب ومابيوقف ع الباب .
ـ بيع الزيت بقيسارية الزيت
ـ بيفتي ع الأبرة وبيبلع الجمل .
ـ بيمشي بالجنازة وبفكّر بالجوازة .
ـ بين النّوَر ما في تكليف .
ـ تباهت القرعة بشعر بنت حماتها .
ـ تقاتلت الفيران على كشك الجيران .
ـ جبنا سيرتو طلعت ريحتو .
ـ جعجعة بلا طحن .
ـ جْنَابْها متل طْنَابها .
ـ جوابو من راس مناخيرو .
ـ جوَّزناه لينستر صقلله عى إيام الفضيحة .
ـ جوعة على جوعة بتخلّي الصبيّة زوعا .
ـ حاجة الست بالصندوق وحاجة الجارية بالسوق .
ـ حُبْ حبيبك حُبْ ولو كان تور ودبّ .
ـ حصيرة الصيف واسعة .
ـ حضّرنا الحطب والعريس لِسّـا ما خطب .
ـ حضّرنا الحطب والعريس لِسَّــا ما خطَب .
ـ حُط شي بتلاقي شي .
ـ حُكْمْ التراضي أحسن من حُكْم القاضي .
ـ حمار شغل .
ـ حمارك الأعرج ولا جمل إبن عمّك .
ـ حِمص مرصودة .
ـ حولينا ولا علينا .
ـ حيلة العاجز دموعه .
ـ خالص كازو : مافيه عقل ( يعني أن بابور الكاز إذا خلص منه الكاز لا يكمن أن يشتعل )
ـ خدوا من فقرهم وحطّوا على غناكم .
ـ خدي بختك من حضن أختك .
ـ خَلَصْ السلام بقي التفتيش بالأكمام .
ـ خود الرفيق قبل الطريق .
ـ خود الكتاب من عنوانو .
ـ خود المنيح واستريح .
ـ خود صدّ واعطي ردّ .
ـ خير الشباب ورا الباب .
ـ دوس ع دنبو شوف عجبو .
ـ راح يخطبها لإبنو ، تجوّزها .
ـ راحت الناس وبقي النسناس .
ـ راحت الناس وبقي النسوان .
ـ ربّك رب العطا بجيب البرد على قد الغطا .
ـ ربّك وصاحبك لا تكذب عليهم .
ـ رحت لبيت أبي إستريح سبقني الهوا والريح .
ـ رطل نحاس بيغني الناس .
ـ رمضان إذا عَشَّرْ بَشَّرْ .
ـ روح ، أحمض ما عندك طبوخ .
ـ زبادي إبليس ما بتخيس .
ـ زعَلو ع طرف مناخيرو .
ـ ساعة الحظ ما بتتعوّض .
ـ سبع صنايع والبخت ضايع .
ـ سلاح البوشت مراي ومُشط .
ـ سَمِّن كلبك بياكلك .
ـ سيد القوم خادمهم .
ـ سيف السلطان طويل .
ـ شبعة على شبعة بتخلّي الصبيّة ضبعة .
ـ شَرّ الصّباح ولاخير المساء .
ـ شرارة بتحرق حارة .
ـ شريكك هو خصمك .
ـ شمعة الكذّاب ما بتضَوّي للعِشا .
ـ شو الإنسان عقلو دفتر ؟
ـ شو إنت بالحارة يا منخل بلا طارة .
ـ شو بدّو يصير ليصير ؟
ـ شو نايبك من القيراط ياضراط .
ـ شي بوطّي الراس للمَداس .
ـ شي ومِنّو .
ـ صاحب الحق عينو قويّة .
ـ صارت نمرة رجلها أكبر من عمرها .
ـ صباح ابليس ولا صباح القسيس .
ـ صباح الشيطان ولا صباح الرهبان .
ـ صباح القرفة ولا صباح السلفة .
ـ صبري على حالي ولا صبر الناس عليّ .
ـ صدر البيت إلك والعتبة إلنا .
ـ ضايع عقلو بطولو .
ـ ضربو وصابو وقال هادا نصيبو .
ـ ضروب هالطينة بالحيط إن ما لزقت بتعَلّم .
ـ ضعيف وبياكل مية رغيف .
ـ طالع يا كَبّة يا دعسة .
ـ طبختو ع النار وعينو ع طنجرة الجار .
ـ طعمي مطعوم ولا تطعمي محروم .
ـ طلبتو المشتهية أكلتو المستحية .
ـ طلع القمر واتدَوَّر ونسي زمانو الأول .
ـ طول عمرِك يا تينة مجعلكة .
ـ ظلم القريب ولا عدل الغريب .
ـ ظن السّوء بوَدّي لجهنّم .
ـ عادي أمير ولا تعادي غفير .
ـ عامل أمير بجلد خنزير .
ـ عِرْقْ آسْ ولا شماتة الناس .
ـ عقلك ما معك ، تنين بديرو .
ـ عمر الطمع ما جَمَعْ .
ـ عمرها القردة ما طلعلها ليّة .
ـ عمشة وعاملة مكحّلة .
ـ عند الرضاعة العِجل بيعرِف أمّه .
ـ عود الصغير بشَعِّل العود الكبير .
ـ عيش نهار بتسمع أخبار .
ـ عيش يوم بتسمع دوم .
ـ عين ع الجنة وعين ع النار .
ـ عينو بالطبَق وادنو لمين زقع .
ـ عيونو بالطبق وإدنو على مين زَعَق .
ـ غاب حوْلين ورجع بخُفّيْ حنين .
ـ غاب عنّـا فرحنا ، إجا أتقل منّو .
ـ غلي السوق ولا رخيص البيت .
ـ فتحوها الفيران وقعوا فيها التيران .
ـ قالّو اليوم مرّقني وبُكرا غرّقني .
ـ قالّو ليش يا شعبان ما بتجي برمضان قلّو كل شي بوقتو حلو .
ـ قالوا لاتْسُدّها جيب الفاس وهُدّها .
ـ قالوا لجحا إيمَت بتقوم القيامة ؟ قال : لمّا بموت أنا .
ـ قالوا لجحا وين بَلَدَك ؟ قال : اللي مرتي فيها .
ـ قالوا للأعمى كيف بتعرف المنيح من العاطل قال : من سِعْرو .
ـ قالوا للجمل تعا لنجوّزَك ، ضحك وانشقّت شفّتو .
ـ قالوا مرحبا أقرع ، قالو هادا أول باب للمناقرة .
ـ قدَم بقدَم ولو كنتِ سِت وَوَراكي خَدَم .
ـ قعّدناك ببيتنا وبتبزق بزيتنا ؟
ـ قلب المؤمن دليلو .
ـ قلتِلاّ قومي اطبخي قالت مريضة قلتِلاّ قومي كُلي قالت وين معلقتي العريضة (كلام الحماي للكنة)
ـ قليل الذوق بعبّي الطاسة لفوق .
ـ قوّي نارك تسبق جارك .
ـ كبرِت البازنجانة ودندلِت أجراسها ونسْيِتْ الطين اللي كان فوق راسها .
ـ كتر الدلع بكرّه العاشق .
ـ كتر السلام بقلّل المعرفة .
ـ كتر الضحك بقلّل القيمة ( المقام ) .
ـ كتر الضرب بعلّم البلادة .
ـ كتر العتَب بقرِّق الأحباب .
ـ كتر الكلام خيبة .
ـ كل إنسان إلو لسان .
ـ كل بير جنْبو بلّوعة .
ـ كل شئ بالدنيا شطارة إلاّ البحر نْطارة ( لصيّادي السمك )
ـ كل عين فوقها حاجب .
ـ كل غلطة بكفرة .
ـ كل لقمة بتنادي أكّالها .
ـ كل ما طال دنبو قلأذ أدبو .
ـ كل معروض منهان .
ـ كل واحد بيعرف شمس دارو بتطلع منين .
ـ كلام القاضي متل الفستق الفاضي .
ـ كلب يعَوِّي معك أحسن من كلب يعَوِّي عليك .
ـ كلبين ما بيتّفقو على عضمة .
ـ كلمة بَت ولا عشرة لََت .
ـ كلمة بتحَنِّن وكلمة بتجَنّن .
ـ كلمة بُكرا زرعوها ما طِلْعِتْ .
ـ كلمة خود بتسوى ألف هات .
ـ كومة فيران ولا هالجيران .
ـ لا الفارة طاهرة ولا دعاويها مستجابة .
ـ لا إنسان ولا حلاوة لسان .
ـ لا بصلْتَك ولا عيني تِدْمَعْ .
ـ لا تاخد هاللبانة إلاّ من هالحنَك الأعوج .
ـ لا تجازيه إلَك رب يجازيه .
ـ لا تحكي القصّة وتقطعها من نصّها !
ـ لا تحكي يا لسان ورا كل حيط إنسان .
ـ لا تدل شحّاد ع باب دارك .
ـ لا ترخي الجبل لإبنك بشنق فيه حالو.
ـ لا ترْخي الحَبْل لإبنك بيشنق حالو .
ـ لا تشارك القريب ولا تناسبه .
ـ لا تشوفوا طولو تعوا ع البيت وشوفو فصولو.
ـ لا تلوم ولا تشكر إلاّ بعد سنة وست أشهر .
ـ لا طال توت الشام ولا عنب اليمن .
ـ لا طيّار ولا نافخ نار .
ـ لا في السُنّة ولا في الفَرْضْ .
ـ لا منحبّكم ولا منطيق فراقكم .
ـ لا وجه حلو ولا طيز ناعمة .
ـ لابط البدوي ولا تجاريه .
ـ لباس مالو دكّتو بأربعين .
ـ لو صَحِّت لجدّي ما مات .
ـ لو لَحَّستو عسل عضِّللي أصبعي .
ـ لو ما كان شعير ما قرّبت عليه الحمير .
ـ لو منخاف من الضفادع ماغصنا بالسّواقي !
ـ لون الزهر بيقهر قهر .
ـ ما بتفوتها فايتة ولا أكلة بايتة .
ـ ما بقي بالوادي غير حجارو .
ـ ما بيسلَم الكرْم من الناطور .
ـ ما بيفضح البيت الكبير غير الكِنَّة والإجير .
ـ ما بيفوتو فايت ولا طبيخ بايت .
ـ ما بيملّي عين ابن آدم غير التراب .
ـ ما بيوقع إلاّ الشاطر .
ـ ما تبكي ع اللي راح مالو إبكي ع اللي وَقَّفْ حالو .
ـ ما حافظ من العشق إلاّ كلمة وحشتيني .
ـ ما خلّى للورّات إلاّ ورق الكُرّات .
ـ ما صرنا هون إلاّ وقلنا يا رب العون .
ـ ما كلّ مين ماشاف الدّهَب عَـيَّرْ .
ـ ما لقوا بالورد عيب قالوا يا أحمر الخدين .
ـ ماتت الحمارة وانقطعت الزيارة .
ـ مال الدنيا بضل بالدنيا .
ـ مال الوقف بهُدّ السقف .
ـ مالها إلاّ النبي ( ص ) .
ـ مالها إلاّ رجالها .
ـ مالو رايح وعرضو فايح .
ـ مامعو شي يتعشّى بيشتري فجل وبيتدشّى .
ـ متقنة وملبَّقة وقتَّالة النملة بدنب المعلقة .
ـ متل الزبدية الصيني من وين ما دقّيتها بترنّ .
ـ متل الصبّار وجهو متل قفاه
ـ متل اللحمة الحمرا لا بتطش ولا بتمش .
ـ متل اللي تعلّم الحجامة برؤوس اليتامى .
ـ متل اللي عم يدوِّر على أبرة بكومة قش .
ـ متل اللي عم يرُشّ ع الموت سُكَّرْ
ـ متل المتشردق بيريقه .
ـ متل المَرَة الحردانة راحت قملة رِجْعِت صيبانة .
ـ متل المقشّة الشباطية كل قشّة ببلوعة .
ـ متل الوَزّ حنيّة بلا بز .
ـ متل بشكير الحمّام من إيد لإيد .
ـ متل رمح الرديني . ( نسبة لإمرأة في الجاهلية تدعى رُدينة كانت تصنع الرِّماح )
ـ متل زيارة المستحية من الصبح لعشيّة .
ـ متل صْبَيّ الحمّام إيد من ورا وإيد من قُدّام .
ـ متل عُميان سيدي خالد ( أربعة عميان يعيشون على الحَسَنات قرب جامع خالد بن الوليد ).
ـ مثل يللي طالع ع السلّم بقبقاب .
ـ مركب الضراير سار ومركب السلايف احتار .
ـ مصاري المجانين بتروح ع مجاري الحمامين .
ـ مطرح ما بتطلع الكلمة بتطلع الروح .
ـ مطرح ما بتمسّي باتْ .
ـ مطرح ما بيمشي الثور بتلحقو سكة الفلاحة .
ـ مطرح ما ضَيّــع القرد ابنه .
ـ معَك معك عليك عليك .
ـ مكتوب على هالساق بروح عاشق بيجي ألف مشتاق .
ـ ملحهم على ركابهم .
ـ مَنْ تأنّى نالَ ما تمنّى .
ـ من جاور الحداد بيحترق بنارو .
ـ من حبّ احبابو نسي اصحابو .
ـ من رضي بقليلو عاش .
ـ من عدا دفّ عم يرقص .
ـ من عطس ما فطس .
ـ من فك العجايز كل شي جايز .
ـ مَنْ كبَّر الحجر ما صاب .
ـ مَنْ نصَح جاهل عاداه .
ـ منقعْدو بالصدر منلاقيه بالعتبة .
ـ منقعّدو بالصدر منلاقيه بالعتبة .
ـ منّي خيط ومِنَّك خيط منعَمِّر بيت .
ـ مئة كبير ولا ولَد .
ـ مين حاسس فيكِي إن رحتِي ولاَّ جيتِي
ـ ناس بأوّلهم وناس بآخرهم .
ـ ناموسة وعاملة جاموسة .
ـ نجوم السما أقرب لك .
ـ نحن اتنين ، التالت إجانا من وين .
ـ نُص العمى ولا العمى كلّه .
ـ نَكَش عليه عُشّ الزلاقط .
ـ نوم الظالم عبادة .
ـ هاي السما وهاي الأرض .
ـ هاي عليقتك يا حمار إن أكلتا بالليل أو بالنهار .
ـ هُز فلوسك ولا تهز دقنك .
ـ هَمْ بضحِّك وهَمْ ببكّي .
ـ هوا الخريف بخلّي القوي ضعيف
ـ وجه النحس ما منّو غير الخسارة .
ـ وقع في حيص بيص : أي وقع في ارتباك لا مخرج منه ، وهما اسمان مركّبان مبنيان مثل: بين بين
ـ وين رايح يا صعلوك بين الملوك .
ـ يا إدن طِنّـي كل ساعة خبر .
ـ يا بدر شمسك نص ليل .
ـ يا جار الدهر احزن لي شهر .
ـ يا حامل هم الناس ، خليّيت همّـك لمين ؟ .
ـ يا خاين يا طرخون بيزرعوك بدوما بتطلع بحلبون .
ـ يا كنيسة الرب اللي بالقلب بالقلب .
ـ يوم التين ما في عجين .
ـ يوم الحُزْن طويل .

[b7bik fairouz]

رد: كتاب امثال حمص الشعبية

2 ـ من أمثال العرب (العدد 84 )
3 ـ من امثال الشؤم ( العدد9 )

مختارات من
الأمثال والأقوال السائدة عند العرب
الحـــرف أ
ـ أخذه بِرُمَّتِه : أي بجملته . والرُمَّة القطعة من الحبل بالية . وأصل المثل أن رجلاً
دفع إلى رجُلً بعيراً بحبْلً في عنقه . فقيل لكلّ من دفع أو أخذ شيئاً
بجملته ( دفعه إليه برُمَّته ) و( أخذه منه برمَّته )
ـ أبصَر من زرقاء اليمامة : اليمامة موقع وسط الجزيرة العربية ( اليوم واحة تدعى
العارض ) سكنها بنو جديس في الجاهلية .
حَذَام : علم لأمرأة في الجاهلية من العرب اليمانية ، يُضْرَب
بها المثَل في حدّة البصر وصدق الخبر وكانت تُبصِر الشيْ
من مسيرة ثلاثة أيام . فقيل فيها المثَل .
ـ أبْلَـغ من قُـسّ : هو قُسّ بن ساعدة يُضرَب به المثَل في الفصاحة والخطابة .
كان من حكماء العرب وأوَّل من قال ( أمّـا بعد ) وأوَّل من
قال ( البيّنة على من ادّعى واليمين على من أنكَر ) .
الحـــرف ب
ـ بـلغَ السّيل الزُبَى : الزُبى جمع زُبية وهي الرابية لايعلوها الماء ، فإذا بلغهــا
السيل كان جارفاً مجحفاُ . يُضرَب لما جاوز الحدّ وعند إشتداد
الأمـر .
ـ بِعْتُ جاري ولم أبِع داري : أي كنتُ راغباً في الدّار إلاّ أنّ جاري أساء جَواري ،
فبِعْتُ الدّلر لأبتعدَ عنه . يُضرَب مثلاً للرجُل يترُك داره
لسوء معاملة جاره .
ـ بيتي يبْخَلُ لا أنـا : قالته امرأة سُئلَت شيئاً لم يوجد عندها . فقيل لها بخلْتِ . فقالت
المثَل تعني : ليس البخل من أخلاقي ولكن ليس في بيتي شيىءٌ
أجود به .
الحــــرف ت
ـ تركتهم في حيص بيص : أو حيص بيْص : الحَيْص : الفرار والبوص : الهرب
والتستّر حُوِّلَتْ واوه ياءً للإزدواج . يُضرَب لمن وقع في
أمرٍ لا مخلصَ منه ولا فرار .
ـ تـمام الربيع الصيف : أي تظهر آثار الربيع في الصيف ، وهو كقولهم ( الأعمال
بخواتيمها ) يُضرَب في استنجاح تمام الحاجة .
ـ تركَ ظبيٌ ظلَّه : يُضرَب للرجل يخرج من مقام خفضٍ ورخاء إلى مقام بؤسٍ وشقاء
الحــــرف ث
ـ ثَمرةُ الجُبـنِ لارِِبحٌ ولا خُسْر : الخُسر ( الخسران ) وهذا المثل كما يقول العامــة
( التاجر الجَبَان لا يربح ولا يخسر ) .
ـ ثارَ حابِلُهم على نابِِلهم : الحابِل : صاحب الحِبالة والنابل صاحب النَبْل ، أي اختلطَ
أمـرهم .
ـ ثَكَلَتْكَ أُمُّـكَ أيَّ جَرْدٍ تَرْقَعُ : الجَرْد : الثوب الخلق . يُضرَب لمن يطلب ما لا نفع فيه
الحـــرف ج
ـ جَـزاه جزاءَ سِنِمّار : سِنِمَّار رجُلٌ من الروم بنى للملك النعمان بن امرىْ القيــس
قصرَه المعروف بالخَوَرْنَق في الكوفة . فلمَّا فرغ منه ألقاه من
أعلاه لئلاّ يبني مثله لغيره فسقط ميِّتاٌ . يُضرَب للمُحْسِن يُكافأ
بالإساءة .
ـ جَنَتْ على أهلها بَراقِش : أصل المثل أنّ قوماً كانوا هاربين من وجه أعداء لهم وكان
لهم كلبة يُقال لها براقش . فبينما هم يسيرون ليلاّ نَبَحَـت
براقش وكان الأعداء بالقرب منهم يُفَتِّشون عليهم فاهتـدوا
اليهم بنباح الكلبةوأوقعوا بهم . يُضرَب لمن يعمل عمـلاً
يرجع ضرره إليه وألى أهله .
ـ جاء بقَرْنيْ حمـار : أي جاء بالكذب والباطل وذلك أنَّ الحمار لا قرن له ، فكأنَّه
جاء بما لا يُمكِن أن يكون .
الحـــرف ح
ـ حيَّـاك من خـلا فُوهُ : أي نحن في شغل عنك . وأصله أن رجُلاً كان يأكل ، فَمَرَّ
بهِ آخر وحيَّاه . فلم يقدر على الإجابة فقال ذلك . يُضرَب في
قلَّة عناية الرّجُل بشأن صاحبه .
ـ حديـثُ خُرافَـة : خرفة هو رجل زعموا أن الجنّ استهوتهُ مدَّةً . ثمّ لمّا رجع إلى
قومه أخبرهم بما رأى فكذَّبوه حتّى صاروا يقولون لما لايمكن
وقوعه ( حديث خرافة )
ـ الحَسَنَـة بينَ السَيّئتين : يُضرَب للأمرِ المتوسِّط وهو بمعنى( خيرُ الأمورِ أوساطها)
الحـــرف خ
ـ خَفَّـت نعامتتُهم : ويُقال أيضاً ( شالَت نَعامَتُهُم ) . وذلك إذا ارتحلوا عن منهــلهم
وتقرَّقوا . والنعامة موصوفة بالخِّفة وسرعة الذهاب والهرب .
وقيل : النعامة جماعة القوْم .
ـ خير سلاح المرء ما وَقَاهُ : أي خير ولد الرجُل وأهله ما كفاه ما يحتاج اليه .
ـ خلاؤك أقنَى لحياتِك : أي ألزم . يعني إذا خلوْتَ في منزلك سلمْتَ من الناس فـلا
تُنَازع ولا تُنَازَع فيبقى حياؤك . يُضْرَب في ذمّ مخالطة الناس .
الحـــرف د
ـ دأماء لا يُقْطَع بالأرماثْ : الدأماء البحر . والأرماث جمع رمث وهي خشبات يُضَّم
بعضها إلى بعض ثمّ تُرْكَب في البحر للصيد وغيره .
يُضْرَب في الأمر العظيم الذي لا يركبه إلأّ من له أعوانٌ
وعُدَدٌ تليق به .
ـ دمعةٌ من عَوْراءَ غنيمةٌ باردة : أي من عين عوراء . يُضْرَب للبخيل يصل إليك منه
القليل .
ـ دَمِّثْ لجنبك قبل النوم مضْطَجَعاً : التدميثْ التليين . والمعنى : استعدّ للنوائب قبــل
حلولها .
الحـــرف ذ
ـ ذهبَت هيْفٌ لأديانها : الهيف ريحٌ حارَّة تُيبّس النباتَ وتُعطِّش الحيوان . ولأِديانها أي
لِعاداتها . يُضْرَبُ عند تَفَرُّق كل إنسان لشإنه أو لمن لـزم
عادته .
ـ ذَهَبَ دمُهُ دَرَجَ الرِّياح : أو أدراج الرياح : أدراجُ جمع دَرَج ودَرَجُ الرياح طريقها
يُقال في الدم إذا كان هدراً لا طالب له .
ـ ذهبوا تحتَ كلّ كوْكب : يُقال لمن تختلف في السفر طرقهم وتتباين سُبُلُهُم .
الحـــرف ر
ـ رَجَعَ بخُفَّي حُنين : مثل يَضْرَب في الرجوع بالخيبة . وأصله أنَّ إسكافيّاً كان يُقال له
حُنَين أتاه اعرابيٌّ فساومه في خفٍّ واختلفا حتى غضب حُنَين .
فأراد كيد الاعرابي . فأخذ الخُفَّ وطرح شقاً منه في طريــق
الاعرابي ثم ألقى الآخر على مسافة منه في الطريق . وكمــنَ
بينهما بحيث لا يراه . فلمّا مرّ الاعرابي بأحدهما قال : ما أشبه
هذا بخُفِّ حُنَين ولو كان معه الآخر لأخذته . ومضى . فلمَّـا
انتهى الى الآخر ندِم على تركه الأول . فعقل ناقته وأخذه ورجع
في طلب الآخر . فخرج حُنَين من الكمين وأخذ الناقة وما عليها
ومضى . فلمّا عاد الاعرابي الى قومه سُئِلَ : بماذا أتيتَ مـن
سفرك ؟ فقال بخُفَّي حُنَين .
ـ رِزْقُ اللهِ لا كدُّك : يعني لا ينفعك كدُّك إذا لم يُعطكَ الله . وأيضاً الخير من الله لا
من الناس . ويُقال أيضاً للرجُل يُنال بمعاونته خيرٌ فيمتنّ به .
فيقال له : إنما كان ذلك بالله ولم يكن بك .
ـ رَمَتْني بدائِها وانْسَلَّتْ : يُضْرَب لمن يُعيِّر صاحبه بعيب هو فيه . والإنسلال
الخروج من الجماعة . ورماه بالدّاء عيَّره به .
الحـــرف ز
ـ زَقَّهُ زَقَّ الحمامة ِ فرخَها : يُضْرَب لمن يربيّ قريبه غيرَ مقصِّر في الشفقة عليه .
ـ زُر غِبَّـاً تَزْدَدْ حُبَّـاً : الغِبّ أن تزور يوماً وتدع يوماً .
ـ زلَّـةُ الرأي تُنسي زَلَّةَ القَـدََمِ : يُضْرَب في السقطة تحصل من العاقل الحازم .
الحـــرف س
ـ سَبَقَ السَيْفُ العَذَل : قاله ضَبَّةُ بن أدّ لمّا لامه الناس على قتله قاتلَ ابنه في الحرم .
ـ سَيِّـدُ القَـوْمِ أشقاهُم : لأَنه يُمارس الشدائد دون عشيرته فيقاتل عن العاجز ويتكلّم
عن العيّ ويتبرَّع بما لايلزمه .
ـ سِـرْ وقمَــرٌ لكَ : أي اغتنم العمل مادام القمر لك طالعاً . يُضْرَب في اغتنام
الفُـرَص .
الحـــرف ش
ـ شُخْبٌ في الإناء وشُخْبٌ في الأرض : الشُخْبْ هو ما يخرج من الضرع من الحليب
يُضْرَب مثلاً للرجل يُصيب في فعله أو منطقه
مَرَّةً ويُخْطِىء مرَّةً . وأصل المثل في الشخص
الذي يقوم بالحلابة ( أغنام أو نوق ) الذي تارة
يُخْطِىْ فيحلب في الأرض وتارّة يُصيب فيحلب
في الإناء .
ـ شَرعُكَ ما بلَّغَكَ المَحَلَّ : أي حسْبك من الزاد ما بلَّغك مقصدَك . يُضْرَب في الإكتفاء
باليسير .
ـ شَقَّ فُلانٌ عصا قومه : يُقال ذلك إذا فرَّق جماعتهم . والأصل في العصا الإجتماع
والإئتلاف ولاتدعى عصًا حتى تكون جميعاً . فإن انشقَّت
لم تُدعَ عصَا .

الحـــرف ص
ـ صفقةٌ لم يشهدْها حاطِب : هو حاطِب بن أبي بلْتَعَة . كان حازماً لبيباً إذا باع بعضُ
قومه أو اشترى جعل ذلك على يده لئلاّ يُغْلَب . فبــاع
بعضهم بيعةً ولم تكن على يده فغُبِنَ فيها . فقيل ( صفقة
لم يشهدها حاطِب ) أي لم يحضرها . فصار ذلك مثلاً
لكلّ أمرٍ يُبْرَم دون أربابه .
ـ صَمْصَامَة عمرو بن معدي كَرِب : صَمْصَمة عمرو بن معدي كَرب ، أي سيفه من
أشهر سيوف العرب وبه يُضْرَب المثل في كرم
الجوهر وحسن المنظر والمضاء .
ـ صُبابتي تَرْوِي وليستْ غَيْلاً : الصُبابة بقية الماء في الإناء وغيره . والغَيْل المــاء
يجري على الأرض . يُضْرَب لمن يُنْتَفَع بما يبذُل وإن
لم يدخُل في حدّ الكثرة .
الحـــرف ض
ـ ضَرَبَ أخماساً لأَسداس : الأخماس حمع خِمْس والأسداد جمع سِدْس وهما من أظْماء
الإبل . وأصله أن الرجُل إذا أراد سفراً بعيداً عَوَّد إبْلَهُ أن
تشرب خِمْساً ، أي كلّ خمسة أيام مرَّةً ثم سِدْساً حتى إذا
أخذت في السير صبرت على الماء . والمعنى رقَّى ابله
من الخِمْس الى السِدْس . يُضْرَب لمن يسعى في المكر .
ـ ضِغْثٌ على إبَّالة : الإبَّالة الحزمة من الحشيش والحطب . والضِغْث قبضــة من
حشيش مختلطة باليابس . ومعنى المثل بليَّةٌ على أُخــرى .
ويُضْرَب أيضاً مثلاً للرجُل يُحمِّل صاحبَهُ المكروهَ ثم يزيده منه .
ـ ضَجورُ تحلُبُ العُلْبَة : الضَجُور الناقة التي لاتطيب نفْساً على الحَلْبْ . يقول انها مع
الضجر والتمنُّع تحلب العُلبةَ أي ملءَ العلبة . يُضْرَب مثلاً
للرجُل المَنوع إذا نيل منهُ الشيءُ .
الحـــرف ط
ـ طَرْفُ الفتى يُخبر عن جنانه : ويروي عن ضميره . والجنان القلب . وقال أحدهم :
لاشاهدَ على غائبٍ أعدلُ من طَرْفٍ على قَلْبْ .
ـ طَوَيْتُهُ على بُلالَتِهِ أو بُلالِهِ : معناه احتملْتُ أذاه وأغضيت على مكروهه . وأصله أن
أصحاب المواشي إذا استغنوا عن الأوطاب عند ذهاب
الألبان طووها وهي مبتلّة وتركوها إلى وقت الحاجة
اليها . فتُضْرَب مثلاً لاحتمالك أذيّة الرجُل لبقيّة وُدًّ لك
عنده أو لما تنتظر من مراجعته إلى حسن الحال بينك
وبينه . ( أوطاب جمع وَطْبْ : الثدي العظيم ) .
ـ طَأطِىءْ لها تُخْطِئْكَ : الهاء للحادثة . يُقال اخفض رأسك لها تجاوزك . وهو كقولهم :
( دَع الشرّ يَعْبُرْ ) يُضْرَب في ترْك التعرّض للشرّ .
الحـــرف ظ
ـ ظِئْرٌ رَؤوم خيرٌ من أمًّ سَؤُوم : الظِئْر الحاضنة . والرؤوم العطوف والسؤوم الملول
ـ ظِلالُ صيْفٍ ما لها قِطَارُ : الظِلال ما أظلّك من سحاب وغيره . يُضْرَب لمـم لـهُ
ثروة ولا يُجدي على أحد .
ـ ظَاهر العِتاب خيْرٌ من باطن الحقد : هذا قريب من قولهم: ويبقى الودُّ ما بقي العتاب

الحـــرف ع
ـ عَرِّضْ للكريمِ ولا تُباحِت : البحت الصِرف والخالص من الشيْ . أي لاتُبيِّن حاجتك
للكريم ولاتُصرّح فإن التعريض يكفيه .
ـ عِشْ رَجَباً تَرَ عجباً : كان للحرث بن عباد الثعلبيّ امرأة سليطة فطلّقها ، وأرادت
أن تتزوَّج برجُل . وانّ هذا الرجُل لقي الحرث يوماً فأعلم
الحرث بمنزلته عند المرأة . فقال له الحرث : عِش رجَباً ترَ
عجباً . شبَّه مدّة تربصها في بيتها بشهر رجَب الذي لايكون
فيه حرب فإذا انقضى حدثت الأهوال . يريد انهُ إذا عاشرها
رأى من سوء عشرتها عجباً .
ـ عَيْنٌ عَرَفَتْ فَذَرَفَتْ : يُضْرَب لمن رأى الأمر فعرِف حقيقته .
الحـــرف غ
ـ غَيْضٌ من فَيْضْ : الغيض النقص . والفيض الزيادة . أي قليل من كثير كقولهم
( بَرْضٌ من عِدّ )
ـ غَضَبَ الخيل على اللُّجُمْ : يُضْرَب لمن يغضب غضباً لاينتفع به . ونصــب
غضب على المصدر .
ـ غثُّكَ خيْرٌ مِن سمينِ غَيْرِك : أي اقنع بالغثّ الذي في يدك ولا تمدنَّ عينيك إلى
ما في أيدي الناس وإن كان سميناً . ( الغِــث :
الجرح ماكان فيه قيح ومادة فاسدة )
الحـــرف ف
ـ فَضْلُ الفِعْلِ على القول مكرمة : أي مَنْ فَعَلَ أكثر ممّا يقول كان له ذلك مكرمة
في أعيُن الناس .
ـ فَضْلُ القوْلِ على الفِعْلِ دناءة : أي مَن وصفَ نفسه فوق مافيه فهو دنيء .
ـ فَتَلَ في الذُروة والغارِب : الذُروة أعلى السنام وأعلى كلّ شيء . والغارِب مقدّم
السنام . وأصل المثل هو أن يجيء الرجل بالخِطام
إلى البعير الصعب وقد ستره منه لئلاّ يمتنع عليه
فيأخذ في فتل أعالي سنامه حتى يأنس به فإذا تمكّن
منه وضع لهُ الخِطام . والخِطام ما يوضع في أنف
البعير ليُقاد به . يُقال للرجُل لايزال يخدع صاحبه
حتى يظفر به .

الحـــرف ق
ـ قَلَبَ لهُ ظهرَ المِجَنّ : يُضرَب لمن كان لصاحبه على مودَّة ورعاية ثم حال
على العهد وخذله . والمِجَنّ : الترس .
ـ قَتَلَتْ أرضٌ جاهلَها : يُضْرَب لِمن يُباشر أمراً لاعلمَ له به .
ـ قَرينُكَ سَهْمُكَ يُخْطِىء ويُصيب : يُضْرَب في الإغضاء على مايكون من الأخِلاّء
الحـــرف ك
ـ كَلَّفَتْني مُخَّ البَعوض : يُضْرَب لمن يكلّفك الأُمور الشاقَّة أو غير الممكنة .
ـ كَلامٌ كالعسل وفِعْلٌ كالأَسَل : يُضْرَب في إختلاف القول والفعل .
ـ كَلَّفْتُ إليكَ عَرَقَ القِرْبَة : تقديره كلَّفتُ نفسي في الوصول إليك عرق القربة
أي عَرَقَاٌ كالذي يحصل من حمل القِرْبَة .

الحـــرف ل
ـ لِسانٌ من رُطَبْ ويَدٌ من خشب : يُضْرَب لمن يكون حسن القول ولكن لا
منفعة عنده .
ـ لَحْظٌ أصدَقُ من لَفْظ : أي انّ أثر الحُبّ والبغض يظهر في العين فلا يُعَوَّل
على كلام اللّسان .
ـ لَبِسَ لهُ جِلْدَ النَمِر : يُضْرَب في إظهار العداوة وكشفها .
الحـــرف م
ـ ماءٌ ولا كَصَدَّاء : صَدَّاء أفضل ماء عند العرب . يُضْرَب في التسليم بفضل
الواحد وتفضيل الآخر عليه .
ـ مِثْلُ ابنةِ الجَبَل مَهْما يُقَل تَقُل : يُضْرَب للأمّعة يتبع كل إنسان على ما يكون .
ـ مَنْعُ الجميع أرضى الجميع : يُراد أنك إذا أعطيت إنساناً دون إنسان شكاك من
لم تُعطه . وإذا منعتَ الجميع كان ذلك عذراً لك .
الحـــرف ن
ـ نَعِمَ كَلْبٌ من بُؤس أهله : أصله ان قوماً من العرب كانت لهم ماشية من إبل
وغنم . فوقع فيها الموت وأخذت كلابهم تأكل من
لحومها فسَمِنَتْ .
ـ نَفَخَتْ في غير ضَرَمٍ : يُضْرَب لمن يضع الشيْ في غير موضعه . والضَرَم
النار أو الحطب السريع الإلتهاب . ونفخ في غير ضرم
أي في مكان لانار فيه .
ـ نفْسُ عِصَامٍ سوَّدت عِصَاما : عِصام كان حاجباً عند الملك النعمان . ثم صار
ملكاً . فصار مثلاً يُضْرَب لمن نال شرفاً بنفسه
غير موروث عن آبائه .
الحـــرف هـ
ـ هَوِّن عليكَ ولا تُولَعْ بإِشفاق : أي لا تكثر الحزن على ما فاتك من الدنيا
فإِنَّك تاركه .
ـ هَرِّق على جمرِكَ : هَرَّقَ الماء صَبَّه . يُضْرَب للغضبان . أي صَبَّ ماءً
على غضبك وسكّنه .
ـ هل ينهضُ البازي بلا جَنَاح : يُضْرَب في الحث على التعاون . ولمن يَدَّعي
علماً ليس معه آلته .
الحـــرف و
ـ وراءَك أوسعُ لكَ : أي تأخَّر تجد مكاناً أوسَع لك .
ـ واسِطَة القِلادة : يُضْرَب بها المثل في تفضيل بعض الشيْ على كلِّه .
ـ وَيْلٌ للشَجيّ من الخَليّ : يُضْرَب مثلاً لسوء مشاركة الرجُل صاحبه يقول
ان الخليّ لايُساعد الشجيّ على ما به ويلومه .
والخليّ من كان خالياً من الهَمّ . والشجيّ الحزين
المشغول البال .
الحـــرف ي
ـ يَدُكَ منكَ وإن كانت شَلاَّء : هذا مثل قولهم ( أنْفُكَ منك وإن كان أجدع ) .
ـ يَخْبِطُ خَبْطَ عَشْوَاء : العشواء هي الناقة الضعيفة البصر أو التي لاتُبْصِر
في الليل فهي تطأُ كلَّ شيء . يُضْرَب للمتهافت في
الشيء وللذي يركب رأسهُ ولا يهتمّ لعاقبته .
ـ يُعَدُّ لِكَلْبِ السُّوءِ كَلْبٌ يُعادله : يُقال عند الإستعانة بالسَّفيه ليُدفع شرٌ مِثْلِهِ .

أمثال وأقوال الشؤم عند العَرَب
الشؤم : هو ضد اليُمن والفأل والبركة ، والأشائم جمع أشأم والتي تبدأ بما دُوِّنَ لها من أمثال وأقوال عند العرب منها :
1 ـ أشأم من براقِش : براقش اسم كلبة نبَحَت جيشاً كانوا قصدوا قومها وخفيَ عليهم مكانه ، فلما نبحتهم عرفوه فعطفوا عليه واجتاحوه . فقالت العرب ( أشأم من براقش ) و ( جنَت على أهلها براقش ) .
2 ـ أشأم من البَسوس : البسوس هي بنت منقذ التميمية خالة جسّاس بن مُرَّة البكري . وكان لها جارٌ رَعتْ ناقته في حِمى كُليب بن وائل التغلبي فرماها كُليب بسهم . فاستصرختْ البسوس جسّاساً فَهَمَّ بكُليب فقتله . فقام المهلهل أخو كليب كأنه رئيس تغلب وطلبَ بثأر كليب . فاتّقدت الحرب بين بكر وتغلب أربعين سنة . فضرب المثل بالبسوس بالشؤم .
3 ـ أشأم من حفَّار : أي حفَّـار القبور .
4 ـ أشأم من داحِس : كان داحس فرَساً لقيس بن زهير . جرى به المثل في الشؤم لأن الحرب من أجله دامت بين ذبيان وعبس أربعين سنة .
5 ـ أشأم من رغيف الحَوْلاء : الحولاء هي امرأة من العرب خطفَ رجُلٌ رغيفاً عن رأسها فقالت : ( والله ما أردتَ بهذا إلاّ إهانة فلان ) لرجُلٍ كان بجواره . فثارَ القوم فقُتِلَ منهم ألف إنسان .
6 ـ أشأم من طُوَيْس : كان طويس يقول : وُلِدْتُ يوم مات الرسول (ص) . وفطمتني أمّي يوم مات أبو بكر الصدّيق . وبلغتُ الحلم يوم قُتِلَ عمر بن الخطّاب . وتزوَّجتُ يوم قُتِلَ عُثمان بن عفان . ووُلِدَ لي يوم قُتِلَ علي بن أبي طالب (رض).
7 ـ أشأم من عطر مَنْشِم : ممّا قيل في أصل هذا المثَل أن مَنْشِم اسم امرأة كانت عطّارة بمكة تُجيد صنع العطور وبيعها. فإذا قصدوا الحرب غمسوا أيديهم في طيبها وتحالفوا عليه أن يستميتوا حتى يُقْتَلوا . فإذا دخلوا في الحرب قيل : ( دقوا بينهم عِطْرَ مًنْشِم ) . ولما كثر منهم هذا القول سارَ مثلاً .
8 ـ أشأم من غُراب البَيْن : إنّما لزمه هذا الإسم لأن الغراب إذا بان أهلُ الدارِ للنُجْعة وقع في موضع بيوتهم يتلمَّس ، فتشاءموا بهِ وتطيروا منها إذ كان لايعتري منازلهم إلاّ إذا بانوا . فسمّوه ( غراب البين ) .
9 ـ أشأم من صحيفة المتلمّس : المتلمّس شاعر جاهي هو جرير بن عبد المسيح من بني ضبيعة والصحيفة هي كتاب حمله من الملك عمرو بن هند إلى المكعبر عامله في البحرين وفيه الأمر بقتله ففضّه وقُرِئ له ما فيه فرماه في نهر الحيرة ونجا وفرّ إلى الشام . فسار مثلاً .
فحماكم الله من كل سوء

[b7bik fairouz]

رد: كتاب امثال حمص الشعبية

4 ـ من أمثال المرأة ( العدد 46 )
5 ـ امثال باللغة الإنكليزية ( العدد 22 )
6 ـ من أمثال سليمان الحكيم ( العدد 25 )

أمثال عالمية قيلت في المرأة
فرنسيــة
ـ الحُبّ مملكة المرأة
ـ الدنيا كتاب المرأة
ـ سلاح المرأة لسانها فكيف تدعه يصدأ بعدم الإستعمال
ـ حذار من المرأة التي تتحدّث عن فضيلتها ، والرجل الذي يتحدّث عن استقامته .
ـ الرجل هو النار والمرأة هي الحطب وإبليس هو الهواء .
ألمــانيــة
ـ المرأة التي لا يصحبها أحد يصحبها الجميع
ـ امرأتان طيّبتان في الدنيا : إحداهما ماتت والأُخرى مفقودة
ـ تستطيع المرأة أن تفعل مالا يستطيعه الشيطان
ـ ما لا يقدر عليه الشيطان تقدر عليه المرأة .
صينيـــة
ـ أُرجُم المرأة بحجر كريم
ـ يستطيع الرجل أن يحمي المرأة من كل رجل إلاّ نفسه
يــابــانية
ـ المرآة روح المرأة كما الّسَيف روح المحارب .
ـ الشيطان أستاذ الرجل وتلميذ المرأة .
ـ ثق بامرأتك مادامت أمّك تراقبها .
إسبــانية
ـ النساء والزجاج دائماً في خطر
ـ المرأة كظلك اتبعها تهرب واهرب منها تتبعك .
يــونانية
ـ يوجد ثلاثة طغاة : القانون ، العادة ، الحاجة .
ـ عندما تفكِّر المرأة بعقلها فإنّها تفكِّر بالأذى
ـ لا تثق بالمرأة حتى وإن ماتت .
ـ دعوا المرأة تكتب على صفحات الماء .
بــريطانية
ـ الدبلوماسي هو من يتذكًر مولد المرأة وينسى عمرها .
ـ لا سلاح للمرأة إلاّ لسانها .
ـ المرأة القبيحة مرض للمعدة والمرأة الجميلة وجع للرأس .
ـ إعط حبّك لإمرأتك ، وسرّك لوالدتك .
ـ المرأة تتعلّم البكاء لتكذب .
ـ المرأة إما أن تحكم أو تخدم .
ـ المرأة شعر طويل وعقل قصير .
إيـرلنـــدية
ـ ثلاثة أنواع من الرجال لا يفهمون المرأة : الشباب والشيوخ والكهول .
ـ المرأة يكفيها ساعة واحدة لتخدع عشرة شياطين ، والشيطان يكفيه عشر ساعات
ليخدع رجل .
مصـــرية
ـ اللي بقول لمرتو يا عورا , كل الناس بتلعَب فيه الكورا
ـ اللي بقول لمرتو يا هانِم كل الناس بتْرَحِّب فيها ع السّلالم
ـ إن كان الرجل بحر تكون المرأة جســر .
ـ المرأة في الشارع عروسة وفي البيت جاموسة .
ـ المرأة زي القط تأكل وتنكر .
روســــية
ـ لا تحبّ المرأة لصغرها ولا تطردها لكبرها .
ـ للمرأة سبعاً وسبعون رأياً في آن واحد .
بولنــدية
ـ ابتلع الشيطان المرأة فلم يستطع هضْمها .
بــرتغـالية
ـ المرأة التي تحب اثنين تخدع كــلاهما .
تشــيكية
ـ المرأة الجميلة تحتاج لثلاثة أزواج ، واحد ليدفع عنها ديونها وواحد لتحبّــه
وواحــد ليضربــها .
أرميـــنية
ـ المرأة تشبه القمر : تارة تبدو فضيّة وتارة تبدو ذهبية .
رومـانيــة
ـ المرأة التي يحب اثنين تخدع كلاهما .
فنـلنـديـة
ـ اشتر من بيت الغني جواداً ومن بيت الفقير امرأة .
إيطــاليــة
ـ جمال السماء في نجومها وجمال المرأة في شعرها .
بلغــاريــة
ـ لا تثق بشمس الشتاء ولا بقلب المرأة .
ســويــدية
ـ قلب المرأة يرى أكثر من عيون عشرة رجال .
هنــــدية
ـ لا تكفّ المرأة عن الكلام إلاّ لتبكي .

أمثال إنكليــزيـــة
ENGLISH PROVERBS
A tree is known by its fruit . -
By their fruits ye shall know them . -
Christmas comes but once a year . -
- Diamonds cut diamonds .
- Easy come , easy go .
- Four eyes see more ( or better ) than two .
- God defend ( or deliver , or preserve ) me from my friends .
- He who makes no mistakes makes nothing .
- If you want peace , be prepared for war .
- Judge not , that ye be not judged .
- Knowledge is power .
- Love is blind .
- Manners make the man .
- Never put off till tomorrow what can be done today .
- Out of sight , out of mind .
- Poverty is no sin .
- Quickly come , quickly go .
- Rome was not built in a day .
- Speech is silver , but silence is gold .
- There is nothing new under the sun .
- Union is strength .
- What can't be cured must be endured .

مختارات من أمثال سُلَيْمان الحَكِيم
1 ـ لقمة يابسة ومعها سلامة خيرٌ من بيت ملآن ذبائح مع خصام . (أم 17 : 1 )
2 ـ الفقير السالك بكماله خيرٌ من ملتوي الشفتين وهو جاهل . ( أم 19 : 1 )
3 ـ الصيت أفضل من الغنى العظيم والنعمة الصالحة أفضل من الفضة والذهب . (أم22 : 1)
4 ـ حكمة المرأة تبني بيتها والحماقة تهدمه بيدها. (أم 14 : 1 )
5 ـ امرأة فاضلة من يجدها لأن ثمنها يفوق اللآلئ . بها يثق قلب زوجها فلا يحتاج إلى غنيمة
تصنع له خيراً لا شَرّاً كل أيام حياتها . ( أم 31 : 10 ـ 12 )
6 ـ مَنْ يسُدُّ أذنيه عن صراخ المسكين فهو أيضاَ يصرخ ولا يُسْتَجَاب . ( أم 21 : 13 )
7 ـ كنوز المال الحرامِ لا تُجدي ، ولكن الحقُّ يُنَجّي من الموْت . ( أم 10 : 2 )
8 ـ مَن يوَبِّخ مُستهزئاً يكسب لنفسه هواناً ومن يُنذِر شرّيرا يكسب عيباً لا تُوَبّخ مستهزئاً لِئلاّ
يُبغضك . وَبِّخ حكيماً فيحبّك . اعط حكيماً فيكون أوفر حكمة .علّم صديقاً فيزداد علماً .
( أم 9 : 7 ـ 9 )
9 ـ إذا دخَلَت الحكمة قلبك ولَذَّت المعرفة لنفسك . فالعقل يحفظك والفهم ينصرك (أم2 :10ـ11)
10 ـ وجّه قلبك إلى الأدب وأذنيك إلى كلمات المعرفة . لا تمنع التأديب عن الولد لأنك إن
ضربته بعصا لا يموت . تضربه أنت بعصاً فتُنقذ نفسه من الهاوية . ( أم 12:23 ـ 14 )
11 ـ قلب الفهيم يقتني معرفةً وأذن الحكماء تطلب علماً . (أم 18 : 15 )
12 ـ اسمع لأبيك الذي ولدك ولا تحتقر أمّك إذا شاخت . ( أم 23 ـ 22 )
13 ـ اسمع يا ابني تأديب أبيك ولا ترفض شريعة أمّك . لأنّهما إكليل نعمة لرأسك وقلائد لعنقِك .
( أم 1 : 8 ـ 9)
14 ـ مَنْ يطلب الخير يلتمس الرضا ومَن يطلب الشرّ فالشرُّ يأتيه . (أم 11 : 27 )
15 ـ الكلام الحسن شهدُ عسلٍ حلوٌ للنفْسِ وشفاءٌ للعظام . (أم 16 : 24 )
16 ـ أربعة هي الأصغر في الأرض ولكنها حكيمة جداً . النمل طائفة غير قويّة ولكنّه يُعدُّ طعامهُ في الصيف . الوبار(1) طائفة ضعيفة ولكنّها تضع بيوضها في الصخر . الجراد ليس له ملك ولكنه يخرج كلّه فِرقاً فِرقاً . العنكبوت تمسك بيديها وهي في قصور الملوك . (أم24:30ـ 28 )
(1) ـ الوِبار : حيوان بحجم القط يعيش في الغور ويأكل فقط النباتات .
17 ـ خُبْزُ الكَذِب لذيذٌ للإنسان ، ومن بعدُ يمتَلئ فَمُهُ حصَى . ( أم 21 : 17 )
18 ـ الفَرَس مُعَدٍّ ليوم الحرب ، أما النُصرَةُ فمنَ الربّ . ( أم 21 : 31)
19 ـ كالثلجَ في الصيف وكالمطرِ في الحصاد ، هكذا الكرامةُ غيرُ لائقةٍ بالجاهل . ( أم 26 : 1)
20 ـ اضرِب المُسْتَهزِئ فيَتَذكَّى الأحمق ، ووبِّخ فهيماً فيَفهَمَ معرِفَةً . ( أم 19 : 25 )
21 ـ أكلُ كثيرٍ من العسل ليسَ بحسنٍ وطلب الناس مجد أنفسهم ثقيلٌ . ( أم 25 : 26 )
22 ـ أدِّب ابنك فيريحك ويُعطي نفسك لَذَّاتٍ . ( أم 29 : 17 )
23 ـ أمِل أذنك واسمع كلام الحكماء ووجّه قلبك إلى معرفتي . لأنه حسن إن حفظتها في جوفك .
أن تتثبّت جميعاً على شفتيك . ( أم 22 : 17 ـ 18 )
24 ـ لا تمنع الخير عن أهله حين يكون في طاقة يدك أن تفعلهُ . لا تقل لصاحبك اذهب وعُد
فأعطيكَ غداً وموجودٌ عندك . ( أم 3 : 27 ـ 28 )
25 ـ الجواب اللّيّن يصرف الغضب والكلام الموجع يهيج السخط . ( أم 15 : 1 )

[b7bik fairouz]

رد: كتاب امثال حمص الشعبية

الفهرس
فهرس الكتــــــــــــــاب
المـــــــــــــــــــــــــــــــوضوع الصفحــــــة العــــــــــدد
الإهـــــــــــــــــــــــــداء 4
المقـــــــــــــــــــــــــــدمة 5
التقــــــــــــــــــــــــــــديم 6
القسم الأول أمثال حمص الشعبية 8
الحــــــــــــــــــــــــرف أ 9 455
الحــــــــــــــــــــــرف ب 33 247
الحـــــــــــــــــــــرف ت 46 46
الحـــــــــــــــــــــرف ث 49 10
الحـــــــــــــــــــــرف ج 50 89
الحــــــــــــــــــــرف ح 55 147
الحـــــــــــــــــــرف خ 63 84
الحـــــــــــــــــــرف د 68 92
الحــــــــــــــــــرف ذ 73 15
الحـــــــــــــــــرف ر 74 101
الحـــــــــــــــــرف ز 80 40
الحـــــــــــــــــرف س 83 56
الحـــــــــــــــــرف ش 86 115
الحــــــــــــــــرف ص 92 65
الحــــــــــــــــرف ض 96 43
الحـــــــــــــــــرف ط 99 60
الحــــــــــــــــرف ظ 103 8
الحـــــــــــــــــرف ع 104 230
الحــــــــــــــرف غ 115 42
الحــــــــــــــرف ف 119 72
الحـــــــــــــرف ق 123 127
الحـــــــــــــرف ك 130 238
الحـــــــــــــرف ل 142 439
الحــــــــــــرف م 165 475
الحــــــــــــرف ن 189 79
الحــــــــــــرف هـ 194 71
الحــــــــــــــرف و 198 63
الحـــــــــــــرف ي 202 126
القسم الثاني أمثال الفصول والشهور وتقسيمات الشتاء 209
أمثال الفصول ومناسباتها 210 46
أمثال العَوام في شهور العام 212 136
أربعينية وخمسينية الشتاء 219 19
القسم الثالث شذرات من أمثال عالمية 221
شذرات من أمثال عالمية 222 299
القسم الرابع مقتطفات من أهازيج الأفراح 238
مقتطفات من أهازيج الأفراح 239 91
الحــــــروبي في حمص 249 11
المُلْــــــــحق 251
أمثال جديدة 252 415
من أمثال العرب 271 84
من أمثال الشؤم 282 9
من أمثال في المرأة 284 46
من أمثال إنكليزية 287 22
من أمثال سليمان الحكيم 288 25
المصادر والمراجع 319
فهرس الصــــــور 320 60
فهرس الكتـــــــاب 322
صـــورة الكتــــاب 325
صورة الغلاف الخلفية 326

مجموع الأمثـــال : 4736
مجموع الأهازيج : 102

بالنسبة لأرقام الصفحات ستختلف طبعا حسب طريقة حفظ الكتاب وحجم الخط وجحم الصفحة . أما بالنسبة للصور التي رافقت نشر اكتاب يمكن وضع فهرس خاص بها وترتيبها إما في آخر الكتاب أو توزيعها ضمن الكتاب بين الأفسام والأحرف . أتمنى للجميع التوفيق .

[b7bik fairouz]

رد: كتاب امثال حمص الشعبية

المصادر والمراجع
المصــادر والـــمراجـع
1ـ ألف وخمس ميّة من الحِكَم والأمثال الشّعبية سيمون ابراهيم حمصي 1986
2ـ الأمثال الشعبيّة اللبنانية د. إميل بديع يعقوب 1984
3ـ بعض ألأمثال الشاميّة في منطوقها الحمصي محمد فيصل شيخاني 1991
4ـ الأمثال العاميّــــــــة أحمد تيمور باشا 1986
5ـ الأمثال العاميّة الشّاميّة يسار عبيد
6ـ الأمثال الشعبية الحلبية ـ الجزء الأول الأب يوسف قوشاقجي 1984
7ـ الأمثال الشعبية الحلبية ـ الجزء الثاني الأب يوسف قوشاقجي 1994
8ـ تاريخ حمـــــص ـ الجزء الأول الخوري عيسى أسعد 1939
9ـ تاريخ حمـــــص ـ الجزء الثاني منير الخوري عيسى أسعد 1984
10ـ ربوع محافظة حمص بين الماضي والحاضر والمستقبل د .عماد الدين الموصلي 1981
11ـ حمص دراسة وثائقية ـ الجزء الأول سباعي ـ زهراوي 1992
12ـ الجذر السّكاني الحمصي ـ الجزء الخامس نعيم الزهـــراوي 2003
13ـ معجم الألفاظ العاميّة أنيس فريحة 1983
14ـ قصاصات أمثال من خلال جولات ميدانية م . جورج فارس رباحية
لمدن وقرى وبادية محافظة حمص خلال أعوام من 1992 إلى 2004
15ـ المنجد في اللغة والأعلام : بيروت 1974 .
16ـ قاموس المورد : عربي ـ إنكليزي ، محمد البعلبكي بيروت 1995
17ـ مواقع على الإنترنت

[b7bik fairouz]

رد: كتاب امثال حمص الشعبية