كتاب امثال حمص الشعبية

[b7bik fairouz]

أمثال حمص الشعبية

هاد الكتاب كتييييييير بحبو بس للأسف ضل بالبيت وانشاء الله ارجع ولاقيه واليوم نزل على الفيس بوك بقى حبيت شاركه معكم كل يوم رح نزل قسم من الكتاب تزامناً مع العم جورج رباحية

أصدقائي الأعزاء سأبدأ بنشر كتابي ( أمثال حمص الشعبية ) لمن لم يتسنى له الحصول على نسخة منه وذلك بفقرات متتالية
سأبدأ بالمقدمة والتقديم :
جورج فارس رباحية

أمْثَال حِمْص الشَعْبِيّة

قَــــدَّمَ لــــه
محمّد فيصل شيخاني

حقوق الطبع محفوظة للمؤلِّف
******
التنضيد والإخراج وتصميم الغلاف
المهندس بشّار منصور
******
المراجعة اللّغوية
الآنسة هنادي أبو هنّود
==
موافقة وزارة الإعلام
رقم 90323
تاريخ
17/10/2005
****
الطبعة الأولى 2006
الطبعة الثانية

الإهـــــــــــــــــداء

إلى الذي جعلَ من نفْسه جسْراً ليوصلني إلى شاطىء العِلم والمعْرفة
إلى من أقف أمام عظمتها فأجد نفْسي عاجزاً عن وصف حنانهــا
إلى اللذين أمضيت معهما أجمـــــل أيـــام حيــــاتي
إلى روحهمــــــــا الطَّاهـــــــــــــــرة
أبي وأمي

المقــــدّمـــــــة
تتميَّز محافظة حمص بموقعها في وسط القطر العربي السوري وتُجاوِر محافظات طرطوس , حماه , دير الزُّور , الرقّة وريف دمشق والقطر العراقي واللبناني . وتحتضن مجتمعات المدن والقرى وقبائل البادية وبلاد الشام. كان لهذا , الأثر الكبير في تبادل واتنقال التراث الحضاري والثقافي والاجتماعي لاسيما في الأدب الشعبي وفي اللهجات المحلية ومنها الأمثال الشعبية
فالأمثال هي روح الشعوب على مدى الأجيال وكالمرآة تكشف عن آرائهم في عدة أُمور، علاقتهم بالله عزّوجلّ وببعضهم أيضاً وبالرجل والمرأة بالقريب والبعيـــدوبالجار والغريب .... وتُعطي الحِكَم للصغار والكبار وتُظْهِر أهمية العمل والنشــاطوتوصِف وتُشجِّع على العادات الجيّدة من صدق وإستقامة وشرَف وأخلاق حميدة والكرم والشجَاعة والأمانة والفرح والذوق في المأكل والملبس . وتنبذ الكسل والبطالة والكذبوالخُبْث والأخلاق الذ ميمة والخيانة ....
والأمثال مأخوذة من صميم الحياة وأكثرها تشبيهات واستعارات للدلالـــة على المعاني المقصودة . إن مصدرها الآنسان البسيط الذي يأتي بها دون تكلّف يستمدّهـا من حياته وتجربته مع البيئة والمجتمع والعمل وحياته مع الآخرين .
إن الكتاب الذي بين أيديكم هو حصيلة سنوات عشر من الجهد المتواصل وقد جُمِعَ قي أربعة أقسام :
ـ القسم الأول تضَمَّن أمثال حمص الشعبية التي رُتِّبَت حسب الأحرف الأبجدية والترتيب الهجائي لكلّ حرف أيضاً .
ـ القسم الثاني تضَمَّنَ أمثال الأشهر والفصول ومناسباتها .
ـ القسم الثالث تضمّن شذرات من الأمثال العالمية .
ـ القسم الرابع تضمّن مختارات من أهازيج الأفراح .
ـ المُلْحق : أمثال إضافية جديدة ـ من امثال العرب ـ من امثال الشؤم ـ من أمثال في المرأة ـ من أمثال باللغة
الإنكليزية ـ صور تراثية لحمص .
وأخيراً يُسعدني أن أتوجّه بمزيد الشكر والإمتنان لكلّ من ساهم في إنجاز هذا الكتاب لاسيما الأستاذ محمد فيصل شيخاني الذي قام بتقديم الكتاب . والله وليّ التوفيق .
حمص 2005 جورج فارس رباحية
تعريف بالكاتب : تخرَّج مهندساً زراعيّا من كلية الزراعة ـ جامعة حلب عام 1967 عمِلَ في وزارة الزراعة مدة 35
عاماً متنقِّلاً بين محافظات حلب ، درعا وحمص وخبيراً محلَّفاً لدى المحاكم السورية . له عدة كتب في
مجال عمله ( قيد الطباعة ) منها : الإبل سفينة الصحراء وعروق الأغنام في الدول العربية وإسمٌ على
مُسَمَّى ( أسماء الذكور والإناث ) . له إهتمامات في توثيق حمص القديمة بمقالات وصور فوتوغرافية
تُنشَر في جريدة حمص وعلى مواقع في الإنترنت .

التقـــديم
محمد فيصل شيخاني *
ليست الأمثال الكلام الحلو البسيط المعبِّر عن حالة من الحالات الإجتماعية فحسب ، بل هي علوم متشعِّبةقائمة بذاتها
فهي تاريخ وعلم اجتماعي وسيسي وأدب وحكمة وتربية وفلسفة وعلم اقتصاد وفلك وقانون وعلم أجواء وعلاقات إنسانية حميمة ، وخلال ربع قرن مضى وإى الآن كلما نعمّقتُ في دراسة الأمثال ازداد حُبّي واهتمامي بها .
ويسرّني أن أُلَبّي طلب الأديب والمهندس جورج فارس رباحية بتقديم كتابه الموسوم ( أمثال حمص الشعبية ) وعندما أطلعت على ترجمة أعماله زاد اهتمامي بهذا التقديم فوجدت فيه ما وجدتُ بنفْسي من الإهتمام بالنشاطات الفكرية عامّة فهو متمكِّن في ميادين اختصاصه الزراعي وله عدة دراسات في مجال البادية السورية ومقارنتها مع بادية استراليا كماشارك في وضع دراسة كاملة لمشروع التنمية المتكاملة للبادية السورية ووضع كُتُب أُخرى مثل حياة الإبل وعروق الأغنام في الدول العربية ومجالات تاريخية عن حمص القديمة من مقالات وصُوَر نُشِرَت وتُنْشَر تباعاً في جريدة حمص الغرّاء . ولعلّ مشاركته لي بحب حمص يدفعني أن أكتب عنه فيما أنتج وفيما بَحَث ، فخاض صديقي غمار الأمثال العميقة الجذور والصعبة وحقّق رغبته بأن يدخل أعماقها ويخوض فيها ويجمع نثرها ويلمّ أطرافها من كل حدب وصوْب ، وكما قال لي انه خلال تنقّله في ميدان عمله المتّسع الأرجاء كان لايستمع إلى الأمثال ليجمعها فحسب بل يستفسر في كل منطقة عن أمثالها وأقوالها فيجمعها رغبة المحب والمعجب بها ، وقد جمعها حسب أوّل حروفها وفق الترتيب الذي سار عليه واعتمد كثيرأً على أوّل مفردة بأمثال عـديدة رابطاً بينها وبين أجــــــزاء المثَل مثْل مفردة ( بيت ) أو ( أم ) أو ( إذا ) أو ( فلان ) وكرّرها مرّات قليلة لكن هناك مفردات كرّرها كثيراً ليربط بينها وبين تتمّة المثَل مثْل (كل ) حيث تكرّرت حوالي 110 مرّات وضعف ذلك لمفردة ( اللي) التي تكرّرت حوالي 230 مرّة .
وسوف يُعْجَب القارىء بهذا الغنى في المعاني والأفكار التي طفحت بهذا الكتاب ليدلّ على الجهد الكبير والزمن الطويل الذي صرفه في إعداد هذه المجموعة الكبيرة من الأمثال . فهذه أمثال تُضحكك وتلك تُبكيك وأُخرى تدغدغ فكرك أو تهمس في أذنك أو ترنو إلى ناظريك بصورتها الحلوة ، وتنقلك أحيانا مابين مدن القطر العربي السوري وقراه وبعض الدول العربية والأجنبية أيضاً . ولا أكتمكم السرّ فإن نفْسي تنشرح لدى مشاهدتي الأمثال التي استمدّها من كتابي ( الأمثال الشامية في منطوقها الحمصي ) وأعتقد انها مصاهرة لطيفة بجانب الأمثال التي استمدّها من آخرين أو من كتبهم . على عكس كاتب ( أمثال من دمشق ) نقَلَ معظم أمثال كتابي مُدَّعياً أنه سمعها من والده المغربي ! ولا أدري متى غادرتْ تلك الأمثال الحمصية بلدها الى المغرب؟
كان يمكن لصديقي جورج أن يكتفي بالأمثال المتعلِّقة ضمن اختصاصه المتمكِّن منه ، لكن حماسة العاشق للأمثال أبتْ أن يكتفي بها بل زاوج بينها وبين العلوم الأُخرى مثلما نجد طبيبا شاعراوقاصّا أو محامياً يميل إلى الميدان الأدبي المتّسـع
الأرجاء ويُبْدِع فيه .
لقد نفَّذَ ما نذرَ نفْسه إليه ومن حبّه للأمثال قرأكتبها وسمعها من الأماكن التي زارها من أفواه أصحابها فحريّ به أن
يجمع أمثاله في هذا الكتاب وضمّنه أمثال الفصول والشهور وتفسير مناسباتها ثم أمثال بعض الشعوب وأضاف من التراث
بعض أهازيج الأفراح .
لقد بدأ كتابه نموذج المتقصّي والمتجمِّل بالصبر والسماحة والمتّسم بأخلاق المحبّين والمتمسّكين بدورهم الأدبي على الرغم من انشغالهم بعملهم الإختصاصي .
لذلك أقول له أهلاً به في دنيا التراث والأمثال وبساحة الدفاع عنها وتثبيت وجودها .
محمد فيصل شيخاني

• محمد فيصل شيخاني : حصل على إجازة في التاريخ من جامعة دمشق عام 1968 . عمل في مجال التعليم
بحمص والسعودية ، له أكثر من خمسة عشر كتاباً بمواضيع تاريخية وأثرية وسياحية
واجتماعية آخرها كتاب ( حمص وخالدها ) . له أكثر من خمسمائة بحث ومقال خلال
خمسة وعشرون عاما . يعتبر باحثا بالتاريخ والآثار والسياحة والنقد الأدبي . رئيس
جمعية حمص للسياحة والثقافة .

[b7bik fairouz]

رد: كتاب امثال حمص الشعبية

الامثال الشعبية

اليوم منبلش بحرف ( أ )

المهندس جورج فارس رباحية

الحرف أ ( العدد 455 )
1 ـ أبّ رَبّى وَلَد وألف ولد ما ربّوا أبّ .
2 ـ أبخل من كَلْب .
3 ـ أبشع حمض حمض السُّمّاق وأبشع لحم لحم القاق وأبشع سكنة سكنة الصهر وبيت الأحمى بفرد زقاق .
4 ـ إبريق ما بطفّي حريق .
5 ـ ابن الابن ابن الحبيب وابن البنت ابن الغريب .
6 ـ ابن الأربعة ربّعوه وان ما قعد اضربوه والعنوا أمه وأبوه ، وبنت الستة ستّتوها وان ما قعدت لا تغصبوها .
7 ـ ابن البِكْر بيحيي الذكْر .
8 ـ ابن الحرام لا تأمنلو ولو طعميتو حلاوة
9 ـ ابن الحرام يساويها ، وابن الحلال بيوقع فيها .
10 ـ ابن الحلال لا تفاتشو .
11 ـ ابن الخوري وسمك البوري وعصفور الدوري ما في ألعن منّن .
12 ـ ابن الهوى بيفهم ع الهوا .
13 ـ ابن آدم أسود راس .
14 ـ ابن آدم بضلّ بيتأمّل ليتحمّل .
15 ـ ابن آدم لازم يطلّع لقفاه .
16 ابن آدم ما بياكل غير عمره .
17 ـ ابن آدم ما بيشبع غير من حبّة التراب .
18 ـ ابن آدم بعيش ع الأمل .
19 ـ ابن آدم شيطانو تحت باطو .
20 ـ ابن آدم طير بلا جناح .
21 ـ ابن آدم قلبو دليلو .
22 ـ ابن آدم متل الساقية بروق وبيتعَكّر .
23 ـ ابن يومين ما بعيش تلاتة .
24 ـ ابن صرماية مخبّى بعباية .
25 ـ ابن ليلة بيفهم بالشيلة .
26 ـ ابنك لتعلّمو ، الهر بعلّمو .
27 ـ ابنِكْ على ما ربّيتيه وجوزِك على ما عودتّيه .
28 ـ ابن الحلال عند ذكْرو بِبان .
29 ـ الأخ أخ مراتو وأنا بحلِف بحياتو .
30 ـ الآخرة يا فاخرة .
31 ـ الأرض الواطية بتشرب ميّتها وميّة غيرها .
32 ـ الأسامي أساميهم لكن المعاني ما معانيهم .
33 ـ الأسى ما بينتسى .
34 ـ الأعمار بيد الله .
35 ـ إلحق الكذَّاب ورا باب الدار .
36 ـ ابني بحضني وأنا بدوِّر عليه .
37 ـ أبو البنات مرزوق .
38 ـ أبو العباية ما مناخدو وأبو الجوخة مابيجينا .
39 ـ إبعد عن الشرّ وغنّيلو .
40 ـ أبو المعاش ما عاش .
41 ـ أبو خليل ما بغيب إلاّ قليل .
42 ـ أبوك بصل وأمّك توم من وين بِدّا تجيك الريحة الطيّبة .
43 ـ أبو راضي وأنا راضي وشو دخلو القاضي .
44 ـ اترك الطبيب والدوا والحق الشمس والهوا .
45 ـ اترك العجل يسرح وقت رضاعتو بيعرف أمّو .
46 ـ أ تعَب المعاش تربية الجحاش .
47 ـ اتعِب نفْسك ولا تتعِب لسانك .
48 ـ أتقل ما عندك احمِلو .
49 ـ أتقل من دم البدوي .
50 ـ اتنين بيعملو صُحبْة وتلاتة بيعملو زحمة .
51 ـ إجا الفَزَعْ طيّر الوَجَع .
52 ـ إجِت العَزْبة تشكي لقِت المتجوّزِة تبكي .
53 ـ إجا الأصيل وبَطَلْ الوكيل .
54 ـ إجا الشتا ولُبْسْ الشراطيط وشرق المخاطيط ( الشوربا ) وأكل اقرنبيط ( للفقير ) .
55 ـ إجا الشتا ولُبْسْ الفَروات وحكي الحكايات وأكل الكنافات ( للغني )
56 ـ إجا الطبْل وغطّى ع النايات .
57 ـ إجا العصفور يتعلّم مشية الزرزور صار يمشي نطْوَطَة .
58 ـ إجا المنتوف لعند المهتري قالّو عندك دوا للعافية ؟ ,
59 ـ إجا طَئِّتْ الضهر . ( وقت الظُهر )
60 ـ إجا غمْ طَمْ .
61 ـ إجا للعميان صبي قلّعو عيناي بالتلميس .
62 ـ ‘جا من الطُشِّيّة وأخدا أوليّة .
63 ـ إجا يكحِّلا عماها .
64 ـ إجاك السَمَرْمَر ياجراد .
65 ـ إجاك الموت يا تارك الصلاة .
66 ـ إجاك الواوي إجاك الديب .
67 ـ إجاك من الطبْل ما نسَّاك الزَمْر .
68 ـ إجا والله جابو .
69 ـ إجت والله جابها .
70 ـ إجت نسمة هوا خلِّت الكُلّ سوا .
71 ـ إجِت حفر وتنزيل .
72 ـ إجتنا أيام نسّتنا الحليب اللي رضعناه .
73 ـ إجو بيت السلطان يِحْدُوا خيلهم إجت الخنفسة رفعِت رجلها .
74 ـ اجعل صِدْرَك مدفَن سِرَّك .
75 ـ أجرة الخيّاط تحت إيدو .
76 ـ أجرة السُلّم حملانو .
77 ـ احتاج اليهودي ، بيقولّك اليوم عيدي .
78 ـ احترم أبوك ولو كان صعلوك .
79 ـ احترنا من وين بدنا نكمشِك يا قرعة .
80 ـ احذر من القريب قبل الغريب .
81 ـ أحَرّ من الجَمْر .
82 ـ أحسن ما تاكل حلاوة المنفوش رَقِّع جرابك المبخوش .
83 ـ احفظ قرشك الأبيض ليومك الأسوَد .
84 ـ أحلى ليالي العمر عند العزابية : الصبايا والخمر والماظا عقّابية .
85 ـ أحلى مِنّي الله خلقو ، أشطر منّي دم انفلقوا .
86 ـ أحلى من العسل .
87 ـ أحمض ما عندك اطبخ .
88 ـ احفر بير واطمر بير ولا تعَطِّل إجير .
89 ـ احفظ عتيقك جديدك ما بينفعك .
90 ـ أختو بالخمّارة وعامل إمارة .
91 ـ اختلط الحابل بالنابل .
92 ـ أخَدو على حين غرَّة .
93 ـ آخر الزمن ، طيط .
94 ـ آخر دوا الكَيّ .
95 ـ آخر طَبِّة كيل .
96 ـ آخرة المعروف الضرب بالكفوف .
97 ـ إخْرا تِبْرا .
98 ـ أخْوَتْ شَلَف شَلْفة احتار فيها ألف عاقل .
99 ـ أُختين وإلُنْ بَخْتين .
100 ـ أخْدِتْ المرا حَقَّها وما خَلص نَقَّها .
101 ـ أخدنا من هالحُزمة عود والباقي تاخدو القرود .
102 ـ أخدناها بالقميص اللي عليها .
103 ـ أخدناها من جنْب جُرْن الحمّام .
104 ـ اخدوني من الدار للنار .
105 ـ أخْرَس وعامل قاضي .
106 ـ أخطأ من أصاب من صاحب القصّاب .
107 ـ أخي وصاحبي بَسْ صُوب الكيس لا تْقَرِّب .
108 ـ اخطب لبنتَك قبل ما تُخطُب لإبنك .
109 ـ ادن من طين وادن من عجين .
110 ـ إذا اكتمل العقل نَقَص الكلام .
111 ـ إذا الحيط شَقّ بالطول عَمِّرْ فوقه قصور ، وإذا انشَقّ بالعرض هَبّطو للأرض . (العمار بالحجر)
112 ـ إذا الكار مو كارَك بيخرِب ديارَك .
113 ـ إذا اللبَن بات بِوَدُّه للخرابات ، وإذا العسل بات بيعمْلو منّو شرابات .
114 ـ إذا انت العِدْلْ أنا رْبَاطو .
115 ـ إذا أحسنْت سيرتك لا تخاف غيرك .
116 ـ إذا أطعمْتْ اشبيع وإذا ضرَبْت اوجيع .
117 ـ إذا بتوعدو بكَفَنْ بِصَبِّح مَيِّتْ
118 ـ إذا بِدَّك تحمّو لا تْرُدْ بتمّو .
119 ـ إذا بدَّك تشوف العَجَب جيب البحر لحلب .
120 ـ إذا بدَّك تعيش بأمان لا تسمع للنسوان .
121 ـ إذا بدَّك مرتك تموت وَقِّدْها حطب التوت .
122 ـ إذا بدّي إصرف من كيسي ما بساويك عريسي .
123 ـ إذا بَلَعْت لسانك أحسن ما تطعّميه للقطّة .
124 ـ إذا بُليتُم بالمعاصي فاستتِروا .
125 ـ إذا بموسَك بدنا نحلق دقنّا خلّيها توصل لركْبتنا .
126 ـ إذا تاجَرْت بالطرابيش بتخلق الناس بلا روس .
127 ـ إذا تخاصموا اللّصّان بيّن المسروق .
128 ـ إذا تمّت الحالة هيك بدنا ناكل هوا بالكريك .
129 ـ إذا رَفِّت عين اليمين بكاء وعنين ، وان رَفِّت عين الشمال فرح تمام .
130 ـ إذا زاد مالي كلّ الناس خُلاّني .
131 ـ إذا زرعَك ما مغطِّيه كَدَرو أكْلْ الهوا للّي بَدَرو .
132 ـ إذا زرعك مغطّيه دودو ، التَعَن أبو حاصودو .
133 ـ إذا سَبَقوكِ بيت احماكِ بالغسيل سبقيهم بالعصير .
134 ـ إذا شافها الحمار بالنهار بضَيِّع جلالو ( المرأة القبيحة ) .
135 ـ إذا شفت العريان لا تسألو وين تيابك .
136 ـ إذا دايقتك الحكومة عليك بأهلك وان دايقوك أهلك عليك بأهل حارتك وان دايقوك أهل حارتك
عليك بالرحيل .
137 ـ إذا ضَرَبتْ اضرب أمير وإذا سرَقتْ اسرق حرير وإذا عاشرت عاشر وزير فإذا عيَّروك
بتستاهل التعيير .
138 ـ إذا ضَربتْ وجّع وإذا طعميت شبّع .
139 ـ إذا عرفْتْ أصْلو عرِفتْ فصلو . ( فعلو )
140 ـ إذا عِشْتْ ألف وميّة آخرتَك ع البريّة ( المقبرة ) .
141 ـ إذا عَلاّك الزمان تْعَلّى ولو كان على خازوق .
142 ـ إذا عمَلْتْ خير كَمّلُو .
143 ـ إذا كان الكذب حجّة ، الصدق أنجا .
144 ـ إذا كان كل واحد منكم كبير مين بدّو يسوق الحمير .
145 ـ إذا كانت الماظة فجل ، الكيف بكون ...........
146 ـ إذا كِتْرِتْ الرهبان خِرْبِت الكنيسة .
147 ـ إذا كنت بالبحر جبلي معك ولو صَدْفة .
148 ـ إذا لم يكن ما تريد فأرِد ما يكن .
149 ـ إذا ما عاجبو يُنْتُفْ حَاجْبو .
150 ـ إذا ما كَشّفْتْ عن نابك ما حدا بيهابك .
151 ـ إذا وِجْعَكْ بطنَك احرِمو . ( اقطع الطعام )
152 ـ إذا وَرَّقْ التين اتْفَقَّد زرْعَك يا مسكين .
153 ـ إذا شُفْتْ الجحش جحّشو .
154 ـ إذا كان الحظ جاي ، الأعمى بيعمل ساعاتي .
155 ـ إذا انتلِت الخواصر ، ارتخِتْ المفاصل . ( الزيادة بالأكل )
156 ـ إذا انشغلِت الجَرَّة ع البارد بيطلع الولَد متل الوالد .
157 ـ إذا أردتَ أن تُطاع فاسأل المُستَطاع .
158 ـ إذا إجا القدَر عميَ البصر .
159 ـ إذا بدّك تبسِط حالك تذَكَّر ليلة عرسَك .
160 ـ إذا بدّك تشوف الدنيا من بعدَك شوفها من بعْد غيرَك .
161 ـ إذا بَغَضْت إنسان ادعِ عليه بطول العمر .
162 ـ إذا تفَرَّقتْ الغنم بتقودها العنزة الجَربا .
163 ـ إذا جنِّتْ الناس عقلك ما بينفعك .
164 ـ إذا جنّ رَبْعك عقلَك ما بينفَعك .
165 ـ إذا حكو الملايكة بيسكتو الشياطين .
166 ـ إذا حَلَق جارك بُلّ دَقنَك .
167 ـ إذا سْلِمْتْ من الضبع لا تطمع بصيدو .
168 ـ إذا شاورت العاقل صار عقلو إلكْ .
169 ـ إذا صارت ورقة التين قدّ إجْر البطّة ، نام ولا تتغطّى .
170 ـ إذا فاتَك الضاني عليك بالحمصاني .
171 ـ إذا قَعْدِت ما بتْزَيّن وإذا قامت ما بتبيِّن .
172 ـ إذا كان الرِجَّال فحمي بالبيت رحمة .
173 ـ إذا كان الكلام من فضة فالسكوت من دهب .
174 ـ إذا كان راسك من شمع لا تمشي بالشمس .
175 ـ إذا طبّاخنا جعيص شبعنا مرقة .
176 ـ إذا كِبِر ابنك خاويه .
177 ـ إذا كِرْهَك جارَك حوّل باب دارك .
178 ـ إذا كنتوا إخوة تقاسموا بالحق .
179 ـ إذا ما بيّن مع البالق ( السمك ) ببيّن مع الخالق .
180 ـ إذا ما لقيت المرا قْتول محلّها .
181 ـ إذا ما بدّك تجوِّز بنتك غَلّي نقْدا .
182 ـ إذا ما كان وِفاق الأحْسن فراق .
183 ـ إذا ما وِسْعتْكم الدُّور بتساعكن الصدور .
184 ـ إذا بدّك تستريح شو ما شفت قول منيح .
185 ـ اذكر القط بيجيك يْنُطّ .
186 ـ اذكر الديب وهَيِّر القضيب .
187 ـ اربط الحمار محل ما بيقولّك صاحبو .
188 ـ أربعة لا تشبع من أربعة : أرض من مطر ، وعين من نظر ، وانثى من دكر ، وعالم من علم
189 ـ أرخص من الفجل .
190 ـ أرمل أخد أرملة وضيّفوا بعرسهم بصلة .
191 ـ أربط الحمار جنب رفيقو إذا ما تعلّم من شهيقو بيتعلّم من نهيقو .
192 ـ أربط كُرّ عند كُرّ يايعلّمو عياطو يا بعلّمو ......
193 ـ ارفعوا ساقها ببيّن مُعْلاقها . ( للضعيفة ) .
194 ـ ارقص للقرد بدوْلْتو .
195 ـ اركدوا يا ناس وزغرتوا خَلْفي ، مات الحمار واستراح كتفي .
196 ـ اسأل مجرِّب ولا تسأل حكيم .
197 ـ استر الرقعة قبل البقعة .
198 ـ استروا ما شفتوا منّا .
199 ـ استكبرا ولو كانت مُرّا .
200 ـ أسرع من البرق .
201 ـ أسرَق من الفار .
202 ـ اسقِ العود بجود .
203 ـ اسم الله عليه وتْفُو عليه .
204 ـ اسمع ......... ولا تسمع عياطو .
205 ـ اسمع وسَطِّرْ . ( اسمع وسَطَّح )
206 ـ اسمع وطَنِّشْ .
207 ـ اسمع ولا تصدّقني .
208 ـ أسهَر من النجم .
209 ـ اسعَ يا عبدي وأنا بسْعى معك .
210 ـ اشتدّي قزمة تنفِرْجي .
211 ـ اشتري وبيع واسمك لا يضيع .
212 ـ اشتغل بنشاط ولا تنسى الراحة .
213 ـ اشتغل عيد وأحد ولا تحتاج أحد .
214 ـ اشتغل لتاكل ولاتحتاج وتنْذَلّ .
215 ـ اشتهينا جاجي أكلناها بريشها
216 ـ اشرب واسكر رزقك بيكتَر .
217 ـ أشْهَر من نار على علَم .
218 ـ اصرف ما في الجيب يأتيك ما في الغيب .
219 ـ اصنع المعروف يأتيك الشَرّ مِنُّو .
220 ـ أصْلو من الكلاب بدّو يْعَوّي بعد حين وحين .
221 ـ أصابيعك ما كُلُّن سَوا .
222 ـ أصبحنا على ما أمسينا .
223 ـ أصبحنا وأصبح المُلْك لله .
224 ـ أصلها عوجا من اسطنبول .
225 ـ أصلو متل شرش خَسّة .
226 ـ أصلو من النَوَرْ بِعِنّ عبالو دَقّ الطبل .
227 ـ اضرب الأعمى واكسر عصاه مانك أحكم من ربّو اللّي عماه .
228 ـ اضرب الحديد وهو حامي .
229 ـ اضرب المربوط بخاف الفلتان .
230 ـ اضرب وجيب وقول نصيب .
231 ـ اضرب العجينة بالحيط إذا ما عَلَّقِت بتعِلِّم .
232 ـ ألعن القرايبين العُدَلا .
233 ـ أضيع من قمر الشتا .
234 ـ اضحك لبعيق الجدي ولا تضحك لسواد العنب .
235 ـ اطلب الكتير بتحصل ع القليل .
236 ـ أطرَش بجنبو مغَنّي .
237 ـ أطْيَش من فراشة . ( حيث تُلقي بنفسها بالنار )
238 ـ أطيَب من العسل الخلّ ببلاش .
239 ـ اظهَر وبان عليك الأمان .
240 ـ اعطيني ضهر لفرجيك النجوم بعِزّ الضُّهر .
241 ـ اعتبر السّفَر بأوّلو .
242 ـ اعطِ الفارة كُرْباج بتمشي وبتتبَخْتر فيه .
243 ـ اعط للمكرسح شي وشي حتى يمشي .
244 ـ اعطيه أُجرتو قبل ما ينشف عَرَقُو .
245 ـ إعقل وتَوَكّل .
246 ـ اعمل اللي عليك والباقي على الله .
247 ـ أعْذَر مَمْ أنْذَر .
248 ـ أعزب دهر ولا أرمل شهر .
249 ـ اعطُس يرحمكم الله .
250 ـ اعطِ خبزك للخبّاز ولو أكل نُصّو .
251 ـ أعمى قال لأطرَش خلّينا نشوفك .
252 ـ أعمى وبإِيدو شمعة .
253 ـ أعمى وعامل منَجِّم .
254 ـ اعمل خير شر تلقى .
255 ـ امل خير وزُتّ بالبحر . ( اعمل منيح وزت بالبحر )
256 ـ أعوذ بالله من الأقرع إذا حَكَّها .
257 ـ أعوذ بالله من جوعان إذا شِبِع .
258 ـ اعوَر على كيفو .
259 ـ افتح بابك وافتخر يا سُدُّو وانستِر .
260 ـ افطر راس حيّة ولا تفطر فولة نيّة .
261 ـ اقع راس القط من أوّل ليلة .
262 ـ اقعد أعوَج واحكِ جالس .
263 ـ اقعد بالشمس بيجيك الفَيّ .
264 ـ اقعد بَرّا ولا تقعد جنب الجرّة .
265 ـ اقعد بعيد واحكي شو ما بتريد .
266 ـ اقفِل باب دارَك وأمّن جارَك .
267 ـ اقلع شوكَكْ بإيدك .
268 ـ أقْدَم من جامع أبو لُبّادة . ( يقع في شارع إبراهيم هنانو ـ حي باب هود )
269 ـ أقرع سَحَبْ سَحْبِة طِلعْلو مُشْط .
270 ـ أقرع ودقنو طويلة قال شي بغَطّي على شي .
271 ـ أقرع وراخي دقنو مُنيّة الحلاق على رِجْلو .
272 ـ اقطع عادة ولا تمَشّي عادة .
273 ـ اقلع الضرس ووجَعو .
274 ـ أقوالن مثل رعود الصيف .
275 ـ اكبري يا بنتي بيكبر حظِّك .
276 ـ آكل شارب من الهمّ هارب .
277 ـ أكَلْ فول مدَمَّس وتَيَّس .
278 ـ أكَلْتُوا تَمْري وعصيتوا أمري .
279 ـ أكَلْ حتّى لَوَى وقال الطبيخ ما استوى .
280 ـ أكَلْ وتْمَلّى وقال الطبيخ ما هو مقَلّى .
281 ـ أكَلوا الهدية وكَسَروا الزبديّة .
282 ـ أكْلَك يحلالي يا خالي ، من قلّة بختي يا ابن أختي .
283 ـ أكْلُو من السلطان وبنَفِّس ع الحيطان .
284 ـ أكبر منّك بيوم أعرَف منّل دوم . ( بسنة )
285 ـ أكتر من الهَمّ ع القلب .
286 ـ أكسَب من النحل .
287 ـ أكْلْ الرجال على قد فعالها .
288 ـ أكْلْ المالِح ما هو صالح .
289 ـ أكْلْ النفاس أساس .
290 ـ أكْلْ ومَرعى وقلّة صنعة .
291 ـ أكلة وانحسبِت عليك كول وبحلِق عينيك .
292 ـ أكَلْتو راح ، طعميتو تفّاح .
293 ـ أكَلنا حلاوة وشربنا مي كأنّنا لا أكلنا ولا شربنا .
294 ـ أكْلها أكْلْ الفارة وصوتها بهُدّ الحارة .
295 ـ أكوَس منّي من ألله ، أشطَر منّي ليش ؟ .
296 ـ إكرام الضيف واجب .
297 ـ إكرام الميّت دفنو .
298 ـ الإنسان عقلو ما دفتر .
299 ـ الإنسان لولا الظنّة كان دخل الجنّة .
300 ـ الإنسان ما بكِشّو غير الموت .
301 ـ الإنسان ما بيتعلَلّم إلاّمن كيسو .
302 ـ الإيد التعبانة شبعانة .
303 ـ الإيد ما هي ميزان .
304 ـ الإيناس قبل الابساس ( أي يؤنس الناقة فبل حلْبها )
305 ـ الإنتظار أحَرّ من النار .
306 ـ الأب رب .
307 ـ الإبرة اللي فيها خيطين ما بتخَيِّط ,
308 ـ الأخ فخ .
309 ـ الأخَدْ حلاوي والوَفْي عداوة .
310 ـ الأخد حلو والعطا مُرّ .
311 ـ الأذى طبع .
312 ـ الأرض اللي بتُصلّْها كول بصَلها .
313 ـ الأرض انشَقِّت وبلعتني .
314 ـ الأرض بتفْرِق بالشِبْر .
315 ـ الأرض قفْرة والمزار بعيد .
316 ـ الأصل الآخرة يا فاخرة .
317 ـ الأعْرَج بين المكرسَح مَلِكْ .
318 ـ الأعمار بيد الله .
319 ـ الأعمال بالنِيَّات .
320 ـ الأعوَر بمملكة العميان مَلِكْ.
321 ـ الأعور بين العميان باش كاتب .
322 ـ الأقارب عقارب .
323 ـ الأقرع وين ما ضرَبْتو بينزِل دَمّو .
324 ـ الأكل حشْو مصران .
325 ـ الأكل على قدّ المحبّة .
326 ـ الأكل ما إلَكْ ، بطنَكْ ما إلَك !
327 ـ الأكل والخرى ما هي مفخرة .
328 ـ الأمَلْ بالله .
329 ـ الأمانة صعبة .
330 الأهل لبعضها والغريب بَرّا .
331 ـ الأوان ما بيستحي من أوانو .
332 ـ الأولاد فلزة الأكباد .
333 ـ الأولاد كِبروا والأهلْ طِفْروا .
334 ـ الحاق البوم بدلّك ع الخراب .
335 ـ ألف أمّ تبكي ولا أمّي .
336 ـ ألف حُجِّة ما بتقلي عُجِّة .
337 ـ ألف دعْوة من إبليس ما بخشِت قميص .
338 ـ ألف عيبة بالراس ولا عيبة الأساس .
339 ـ ألف عيشة بِكَدَر ولا نومة تحت الحجر .
340 ألف نومة ع الكَدَر ولا نومة تحت الحجر .
341 ـ ألف غلبة ولا قلبة .
342 ـ ألف قلبة ولا غلبة .
343 ـ ألف مبَخَّر ما بِلَحّق على فَسّى .
344 ـ الحق الكذَّاب لوَرا باب الدار .
345 ـ إلَكْ صاحِب إلَكْ ألف عدوّ .
346 ـ إلو تُم ياكُل ما لو تُم يحكي .
347 ـ إلو تُلتين الخاطر .
348 ـ إلو طَنّي ورَنِّة .
349 ـ إلو من الجمَل إدنو .
350 ـ أم الصبي صبيّة .
351 ـ أمَلْ إبليس بالجنّة .
352 ـ أمّني للمي بالغربال ولا تأمّني لجنس الرجال .
353 ـ أمّن للحيّة ولا تأمّن للمْرَيّة .
354 ـ أم الأخرس تعرِف بلغات الخُرسان .
355 ـ أم الدّروب ما بتّوب .
356 ـ أم العقود ع الدار بتعود .
357 ـ أم القتيل بتنام وأم المحبوس ما بتنام .
358 ـ أم الولد بخير وأم وأم البنت بويل .
359 ـ أم كِرْش بقَصْها وحاطّة إيدها بِخِصْرها .
360 ـ أم لسان غلبِت كل النسوان .
361 ـ أم نصر بتخَيِّط الصُبْح وبتِفْتِق العصر .
362 ـ أم واحد الله حَيَّرها وأم عشرا ألله دَبَّرا .
363 ـ أمثال العوام ملح الطعام .
364 ـ أمر عجيب ، ثعلب راكب ديب !
365 ـ أمّي تبكي ولا أنا .
366 ـ أمّي ما بتقدِر غير على أبي .
367 ـ أمين وخاين ما بصير .
368 ـ امسك الحبل بوَصّلَك للوِدّ ( الوَتَد ) .
369 ـ امشي بجنازة ولا تمشي بجازة .
370 ـ امشِ شهر ولا تخوض نهر .
371 ـ آمِنْ بالحَجَر تِبْرا .
372 ـ أنا ، أعوذ الله من كلمة أنا .
373 ـ أنا بنت بيتنجاني ، العقل من وين إجاني ؟ .
374 ـ أنا غنية وبحُبّ الهدية .
375 ـ أنا ما عندي عواصي ولا سيارين .
376 ـ أنا وأخي على ابن عمّي ، وأنا وابن عمّي ع الغريب .
377 ـ أنا وين وهُوِّي وين !
378 ـ إن داقت مخازنك مخزنك عُبَّكْ .
379 ـ إن دِبلِت الوردة بتبقى ريحتها فيها .
380 ـ إن رِدْت ترَبّي إبنك نَجِّرلُو قضيب .
381 ـ إن رِدْت تعيش دَفِّش تِدفيش .
382 ـ إن شاء الله بتشوفو على وشّا الخير .
383 ـ إن شُفْت غريب آويه وان كان مريض داويه .
384 ـ إن طار قد ما طار بِضَل منّو قنطار .
385 ـ إن طِلِع سِنّو خَبّو الخُبْز عنّو .
386 ـ إن قُلْتِلّك تقبرني مو تُحْفُر وتُطمُرْني !
387 ـ إن كان جارك بخير افرَحلو .
388 ـ إن كنت غشيم ادفع نصّ التَمَن .
389 ـ أنا أوَّل من طاع وآخر من عصى .
390 ـ أنا بموت منشانو وهّي خبَر يوق .
391 ـ إنتِ أختي بعهد الله لكن غير هيك لا والله .
392 ـ إنتِ السّكين ونحن اللحم .
393 ـ إنت أمّها وأبوها .
394 ـ إنتِ بفرحو وهو بعزاك .
395 ـ إنتِ ست وأنا ست مين بدّو يكُبّ الطَشْت .
396 ـ انفُشو وشوف ما أجحشو .
397 ـ انفع صديقك بشيء مايْضُرَّك .
398 ـ انقعها واشرب ميّتها .
399 ـ إن كنت ع البير لا تصرف مي كتير .
400 ـ إن أزْهَر فُلَك سافر وخَلّيه و‘ن أزْهَر خيارَك انصبْ خيامَك .
401 ـ إن أقبَلِت باض الحمام على الوتَد وإن أمحَلِت بال الحمار على الولد .
402 ـ إن جار عليك الزمان نَمْلُو وإن قام وقّفْلو .
403 ـ إن جاعِت البطن بإيش ما كان قَوَّتها وساعة البسط عمرك ما تفَوِّتها .
404 ـ إن حِضِر الماء بطل التيَمّم .
405 ـ إن خَلاّك أبوك فقير اشترِ بقرة وازرع شعير .
406 ـ إن دخَلْت بيت العوران اعوِر عينك .
407 ـ إن دري جوزِك بغيبتِك كَمّلي يومِك وليلتِك .
408 ـ أن ردت تبَهْدِل رجّال سَلِّط عليه مرا .
409 ـ إن ردت تبهدل رجّال سلّط عليه ولد .
410 ـ إن ردت تربّي ابنك نَجِّرلو قضبان .
411 ـ إن ردت سِرَّك ينفضح سلّمو لمرا .
412 ـ إن ركضت ركض وحوش غير رزقك ما بتحوش .
413 ـ إن ضاعت الأمانات اعمل مخزنك عُبَّك .
414 ـ إن عرِفتْ نفْع الجرجير لزرعتو تحت السرير .
415 ـ إن عمَلْت معروف استرو ، وإن نِلْت معروف انشرو .
416 ـ إن غاب عليك أصْلو دَلَّك عليه فِعْلُو .
417 ـ إن فاتِت باتت . ( ماتت)
418 ـ إن كان بالدين حُطّ رطلين .
419 ـ إن كان بدَّك تضحك ع الأسمر لَبّسو أحمر .
420 ـ إن كان حبيبك بصل لا تاكلو غير رصّ .
421 ـ إن كان حبيبك عسل لا تلحسو كُلّو .
422 ـ إن كانت المرجلة بالشوارب ، الجردون إلو أكبر شارب .
423 ـ إن كنت بالشام لا تْفَوِّت ليلة الحمّام .
424 ـ إن كنت بسَفَر جيب معك هدية ولو حجر .
425 ـ إن مَطّرِت القاع بَشَّرِت أختها . ( القاع : الأرض )
426 ـ إن مَطَّرِت عدس بتكون طنجرتنا مقلوبة . ( لقلّة الحظ )
427 ـ أهل إدلب ماؤهم جَمْعْ وكذبهم نَبْع .
428 ـ أهل الأمتال ما خلُّو شي ما قالوه .
429 ـ أهل الضهور بلا فطور .
430 ـ أهل العريس طنّة ورَنّة وأهل العروس ما عندهم خبر .
431 ـ أهل الغنطو بياخدو ما بينطو .( الغنطو قرية شما غرب حمص )
432 ـ أهل المكسب ضيَّعوا الراسمال .
433 ـ أهلْ أوَّل ما خلّو شي ما قالوه .
434 ـ أهل مكّة أدرى بشعابها .
435 ـ أهلك لا تقْرَبُن بيقرْصَك عَقْرَبُن .
436 ـ أهوَن التجارة الشراء ، وأصعَبها البيع .
437 ـ أوَّل الرقص حَنجَلة .
438 ـ أوَّل ما لِبِس نَطَح .
439 ـ أوّل الطريق خُطْوة .
440 ـ أوّل الغيث قَطْرة .
441 ـ أولاد الحرام ما خَلّوا لأولاد الحلال شي .
442 ـ أوْهَى من بيت العنكبوت .
443 ـ أوَّل الحُب نظرة .
444 ـ إيد بتغسِل إيد ، إيدتين بيغسلو وجه .
445 ـ إيدو مْلَوَّتة بِغِري وين ما حطّها بتلزَق .
446 ـ إيدو ميزان .
447 ـ إيّاك أن يقطع لسانك رقبتك
448 ـ إيد الحُرّ ميزان .
449 ـ إيد بكُمَّك وإيد بتُمَّك .
450 ـ إيد فوق إيد من هون للسما .
451 ـ إيد وحدة ما بتصَفِّق .
452 ـ إيدك وما تْطُل . ( إيدك وما تعطيك )
453 ـ إيدو بالكَرَم دَبُّوس .
454 ـ إيدي بزنَّارَك .
455 ـ إيمَت كُنّا والبَرْد يرأعنا .

[thuraya]

رد: كتاب امثال حمص الشعبية

كتييييييييير حلوين وفي منن مهضومين ........ مكفيه معك

يعطيكي العافية

[b7bik fairouz]

رد: كتاب امثال حمص الشعبية

هلا ثريا الشكر الاكبر للعم جورج رباحية على هالكتاب الرائع بالاذن منك عم جورج نشرت الكتاب بس من كتر ما بحبه
ثريا شكرا لدعمك

[كارلا]

رد: كتاب امثال حمص الشعبية

يعطيكي العافية حلويين

[مسيحية متخفية]

رد: كتاب امثال حمص الشعبية

حلوووين فيهم كتير فهمتهم وفيه اللي مفهمتوووش
مشكورررة ميري دائما متالقة

[b7bik fairouz]

رد: كتاب امثال حمص الشعبية

ميرسي ميرو يلي ما فهمتيه انا جاهزي بشرحلك ياه.....

[b7bik fairouz]

رد: كتاب امثال حمص الشعبية

لحرف ب (العدد 347)
الحــــــــــرف ب
1 ـ بأيام الخَسّ اللي بنام ما بِحِسّ .
2 ـ بأيّام ضيقَك ن بتعرف عدُّوك من صديقك .
3 ـ باب اللّي بيجيك منّو الريح سُدّو واستريح. .
4 ـ باب النجَّار مخلوع .
5 ـ باب شقاع وباب رقاع .
6 ـ باب يْفَوِّت حمَل .
7 ـ باتِت جوعانة وجوزها خبّاز .
8 ـ باع اللّي فوقو وتحتو . ( باع اللّحاف والفرشة )
9 ـ باع بيتو تْفَضّى سنة ، اشترى بيت تدايق سنة .
10 ـ باع جِلد الدُبّ قبل ما يصيدو .
11 ـ باكُل من لحم ....... وما بعتاز القصّاب .
12 ـ باكلو وبُنْتّفو ولا بطعميه لخالتي مرت أبي .
13 ـ بالإعادة إفادة .
14 ـ بالدّور ما بالزور .
15 ـ بالسُخْرَة متل المُهْرَة .
16 ـ بالسّوق شحرور والبيت دَبُّور .
17 ـ بالصابون ما اشتغلت وبالبيض ما تاجرت وحموي ما عاشرت مِنْ إيش انكسرت ؟ .
18 ـ بالصبر وطولة البال ابن آدم بزيح الجبال .
19 ـ بالع الموس ع الحدّين ، إن بلَعو دبَحو وإن طالعو جرَحو .
20 ـ باللّيل امشِ ع العَويص ولا تمشي ع البصيص . ( العويص : الصوت )
21 ـ بالمال ولا بالأبدان .
22 ـ بالنهار بتّطوف وبالليل بتغسل صوف .
23 ـ بالوجه مراي وبالقفا صرماي .
24 ـ بيخلط شعبان برمضان .
25 ـ بَانة المُرّة بتدوقها القحبة والحُرّة . ( البَان : من أنواع البَخُّور )
26 ـ بايعها وقابض حقّها سَلَف .
27 ـ بتقول للشَرّ اجتَرّ ..
28 ـ بِبَلّعو إبرة بخرّيه مسَلِّة .
29 ـ بِتْبيِّن دَنَبها وبتخَبِّي راسها .
30 ـ بتجي على أهوَن سبب .
31 ـ بتحْبَل بَرّا وبتولد عندي .
32 ـ بتحكّيه بالشرق بجاوبك بالغرب .
33 ـ بتِزْهِر ما بتِعقد يا زيزفون .
34 ـ بتشوفني بعين بشوفك بتنتين .
35 ـ بتضلّ النَفْس هيّ هيّ ولو حطِّت المصرية . ( نقصِت المصاري )
36 ـ بتقوللو تو بقول لك احلِبو .
37 ـ بتْلين يا آغا بتْلين .
38 ـ بنتي بطبريّا وهمّها واصل ليَّ .
39 ـ بحاكيكي ياجارة اسمعي يا كِنّي .
40 ـ بِحُبّ يِعْلى ولو على خازوق .
41 ـ بحبّك يا سواري لأنّه زندي فيكي .
42 ـ بحر ما بيتْعَكّر من نهر .
43 ـ بحصة بتسند جَرّة .
44 ـ بحياتو طه ما ساواها .
45 ـ البُخل كاشف العيوب وقاطع المحبّة من القلوب .
46 ـ البخيل بِخاف ........ منشان ما يجوع .
47 ـ البخيل متل العضمة المجرومة ما فيها خير .
48 ـ بْداريه متل العين الرمْدانة .
49 ـ بدال ما تمشي وتهزّي كِتْفِك ، رقّعي فروة خُفِّك .
50 ـ بِدَّك تْطّوِّل بالَك .
51 ـ بِدَّك تعرف عمره افتح تُمُّه .
52 ـ بِدَّك تعِزّ الحماية اشتريلا صرماية .
53 ـ بِدِّك تعملي إدن سَطْح وإدن مُزْراب .
54 ـ بِدَّك توصل مع العَيَّار لباب الدار .
55 ـ بِدَّك طنجرة تبَقْبِق ولاّ صبّاط يزقزق .
56 ـ بِدَّك عنب ولاّ الناطور .
57 ـ بدَل ما تقولها كِشّي اكسرْ رِجلها .
58 ـ بدَل ما قول للعبد يا سيدي ، بِقْضي حاجتي بإيدي .
59 ـ بَدَّلو غُزْلانُن بقرود ز
60 ـ بِدْنا سَلِّتنا بلا عنب .
61 ـ بِدنا عريس يُدْفُش الباب بإجرو ما بإيدو .
62 ـ بشدْنا نصَلّي ع الحاضِر .
63 ـ بِدُّو خرزة زرقا وشِبِّة ونَعْل دَبِّة وخرية كلبة .
64 ـ بِدُّو فَتّ خُبْز .
65 ـ بِدُّ قُطّ من خشب بصطاد ما ياكُل .
66 ـ بِدُّو يْعَزِّي وما بيعرف مين مات .
67 ـ بدوب التلج وببان المَرْج .
68 ـ بَس نِزِل الخيار طعمي الخَسّ للحمار .
69 ـ بِدَوِّر ع المِسْكي بالفتيلي .
70 ـ البدوي ما بِنام وبِّيتو حلاوة .
71 ـ بَرَّا شحرور وجُوَّا دَبَّور .
72 ـ بَرَّا وردة وجُوَّا قردة
73 ـ براسو موّال بِدّو يغنّيه .
74 ـ برطيل بِحُلّ دِكِّة القاضي .
75 ـ البرغل بسامير الُّرُّكَب .
76 ـ برغوت الليل جَمَلْ .
77 ـ برغوت قال للبَقَّة يِضْرَب الشحْرور إذا تْرَقَّى .
78 ـ بَرَموا حمص وحماه حتى لقوا كِنِّي للحما .
79 ـ بروح عاشق بيجي ألف مشتاق .
80 ـ بَس تشيل إيدَك من تُمُّو بِبَطِّل يَعرْفَك .
81 ـ بَسْ تُضْرُب إيدها على رُكْبتها بتطالع كذبتها .
82 ـ بَسْ وقعِت الدّبِّة بتكتَر سكاكينا .
83 ـ بَسْ حطّ إيدو عليه نسي والديه .
84 ـ بَسْ شم تحت باطو صار يُرْفُس .
85 ـ بَسْ عِبْيِت الخواصِر بترتخي المفاصِل . ( من كتر الأكل )
86 ـ بسبع حسنات البنات .
87 ـ بساط أحمدي .
88 ـ بَشِّر الزانية بالفقر .
89 ـ بَشِّر القاتل بالقتل ولو بعد حين .
90 ـ بِشُوف القُبِّة بحسّبها مَزَار .
91 ـ بِشيل الهَم عن القلب .
92 ـ بصل وتوم أعداء السّموم .
93 ـ بصلْتو محروقة .
94 ـ بصوم درجات المادنة . ( المأذنة )
95 ـ بصيص ضو ما في .
96 ـ بِطالبك زعيط ومعيط ونَطَّاط الحيط .
97 ـ بطالع النير من البير .
98 ـ بطالع الشَعرة من العجين .
99 ـ بطالع من راس الأقرع شعر .
100 ـ البَطَرْ بيعْمي البَصَر .
101 ـ البطران آخرتو زفت وقطران .
102 ـ بطن النسوان متل البستان .
103 ـ البطن بستان فيه أشكال وألوان .
104 ـ بَطن ملان كيف تمام .
105 ـ بَعد الأم احفر وطُم .
106 ـ بعد العرس ما في قُرص .
107 ـ بعد الكَبْرا جُبِّة حَمرا .
108 ـ بعد اللتيَّا والتي . ( أي لقصدي ووجهتي )
109 ـ بعد حالي ما عاش مالي .
110 ـ بعد حبيبك لا تهوى حبيب وبعد كَرْمَك لا تاكل زبيب .
111 ـ بعد سنة وشهرين جابت صبي بلا عينين .
112 ـ البُعْد عن الناس غنيمة .
113 ـ بعد ما حِبْلِت سَكّرِت الباب .
114 ـ بعد ما شاب وَدُّوو الكُتَّاب .
115 ـ بعد ما كنت سيدها صرت طبل بعُرْسا .
116 ـ بعد ما حِبْلِت وطَمبّرِت قامت تْحِمّرِت وتبودرِت .
117 ـ بعد ما صمبّرِت نِزلِت ع السوق وتـغَنْدرِت .
118 ـ بعمِل حاجتي بإيدي وما بقول للكلب ياسيدي .
119 ـ بعيد عن السامعين .
120 ـ بعين تراني يا جميل براك .
121 ـ البغض بالأهل والحسد بالجيران ز
122 ـ بفلوسَك حَلّي ضْروسَك .
123 ـ بفوت عنتر بيطلع زير .
124 ـ البَقّ ولا النقّ .
125 ـ بِقَلِّد الأكابِر بِشحط الصرامي .
126 ـ بقول للسياق ليشب تفور ؟ قال : بُدْفُش خرية بيجي غيرها . ( السياق : المجرور )
127 ـ بُكْرا بتقاقي ما بتلاقي .
128 ـ بِكُلّ عرس إلو قُرص .
129 ـ بكون بالطبّ بصير بالبيطرة .
130 ـ بَكّي ابنك أحسن ما تبكي عليه .
131 ـ البكي سلاح النسوان .
132 ـ البِكي فوق راس الميِّت .
133 ـ بلاء الإنسان من اللّسان .
134 ـ بلاء الناس من الناس .
135 ـ بُلبُل الحيّ ما بيطرِب . ( الحي : الحارة )
136 ـ بلبل بلا منقار .
137 ـ البلد اللي ما هي بلدك لا تُسْكنها ولا تعيش فيها .
138 ـ البلد اللي ما هي بلدك ، احفظ فيه شرَفَك .
139 ـ بلدنا صغيرة ومنعرف بعضنا . ( وقيل : حارتنا ........ )
140 ـ بَلِّط البحر .
141 ـ بلغ السيل الزبى .
142 ـ بْليّة أحسن من بْليتين .
143 ـ بنات الموضة ( شباب الموضة ) كل عشرة ببيضة .
144 ـ بنات اليوم ما خرْجها غير النوم .
145 ـ بنت أربعين أبرد من الأربعين . ( أربعينية الشتاء )
146 ـ بنت إن سِلْمت من العار بتجيب العدوّ للدار .
147 ـ بنت الأكابر غالية ولو كانت جارية .
148 ـ بنت الحارة عورة .
149 ـ بنت الحارة فيها فارة .
150 ـ البنت الحلوة بتقول للقمر غيب لأقعد مطرحك قاضي ومفتي ورقيب .
151 ـ البنت بالتبديل والصبي بالتغسيل .
152 ـ البنت بتِدّلّل لوَقت ما بتتكَلّل . ( تتزوّج )
153 ـ البنت بتمشي ورا أمّها ، إذا وقعِت بتلُمّها .
154 ـ بنت عشرة لوزة مقشّرة .
155 ـ بنت عشرين فُرْجة للناظرين .
156 ـ بنت تلاتين أم البنات والبنين .
157 ـ بنت خمسين عجوز في الغابرين .
158 ـ بنت ستين حضّروا لها السكّين .
159 ـ بنت سبعين الله يلعنها والملايكة والناس أجمعين .
160 ـ بنت منيحة ولا صبي فضيحة .
161 ـ بنتَك بشعة الله بَعَتْها ، كِنّتَك بشعة ضَرَبَك العمى عنها .
162 ـ البنت سرّ أمّها .
163 ـ البنت فلتانة والأم عميانة .
164 ـ البنت من سقّطة باب الزقاق مين من كان بدُقّ بابها .
165 ـ البهدلة متل الزكاة ما بياكلها غير اللي بيستحقّها .
166 ـ بوس إيد حماتَك ولا تبوس إيد مراتَك .
167 ـ بوس الأيادي ضحك ع اللّحى .
168 ـ بياخدك ع البحر وبرَجّعك عطشان .
169 ـ بياكل البيضة وقشرتها وبقول ما شُفت شي .
170 ـ بياكل الجَمَل وحْداجتو .
171 ـ بياكل راس الحيّة .
172 ـ بياكل وبيشرب ووقت الحاجة بيهرب .
173 ـ بيت أبونا بيتنا والغُرْب بقاتلونا .
174 ـ بيت الداشر بعلِّم الناس ع الحرام .
175 ـ بيت الدَيِّق بساع ألف صْدَيِّق .
176 ـ بيت السبع ما بيخْى من العضام .
177 ـ بيت العنكبوت كتير ع اللي بموت .
178 ـ بيت القِبْلي مَسْكن ويُسْكَن والشمالي مَسْكَن والغربي نص مسكن والشرقي لا مسكن ولا يُسْكَن .
179 ـ بيت الكبير بعَلِّم المشيْ .
180 ـ بيت اللي بيدخلو شمس ما بيدخلو طبيب .
181 ـ بيت اللي ربّاها ما هرب وخلاّها .
182 ـ بيت اللي رَبُّه مرا ، كُلْ مالو لوَرا .
183 ـ بيت اللي فيه رجال بجيب المال .
184 ـ بيت الهامِل بيخرَب قبل بيت الظالم .
185 ـ البيت بلا حُرْمة بصير خُرْبة .
186 ـ البيت بيتك والزيت زيتك .
187 ـ بيت دُقّلّو بيرقص .
188 ـ بيت سيّاح نيّاح .
189 ـ بيت قرفص خري . ( من بيت ...... )
190 ـ بيت من رْجَال ولا بيت من مال .
191 ـ بيترْكوا نَخْوِتْهُم وبيلحقوا شهوِتْهم .
192 ـ بيتعَلَّم البيطرة بحمير الكراد .
193 ـ بيتنجاني كِبْرشت ونِزلِت جراسها ، نِسْيِت قُفِّة الزبل فوق راسها .
194 ـ بيتو بالكِري وخبزو بالشري . ( الكِري : الإيجار )
195 ـ بيتي لأسْتَرْ لعورتي .
196 ـ بيجت التّوت بقول للخس موت .
197 ـ بيحسد الميّت ع كَفَنو .
198 ـ بيحكي خرى بطنو .
199 ـ بيحلِب النملة . ( كناية ع البُخل )
200 ـ بيخاف من خيالو .
201 ـ بيخُف الكُبَّاي من راس الماعون .
202 ـ بيخْلِط عبّاس على دبّاس .
203 ـ بير اللي بتشرب منّوا بعيد الأذى عنّو .
204 ـ بير ما إلو قرار .
205 ـ بيسأل عن البيضة مين باضها والجاجي ميم جابها .
206 ـ بيساوي للدُبّ أدنين .
207 ـ بيسرق الكُحْل من العين .
208 ـ بيسْكَر من زبيبة .
209 ـ بيسمَع ضراط النمل .
210 ـ بيسوى تُقلو دهب .
211 ـ بيشتغل من الفجر للننجر .
212 ـ بيشرب من النهر ن الكلب والمَهر .
213 ـ بيض ما بينقلى بضراط بدّو سمن عربي وعُرّاط . ( فحم )
214 ـ بيضة اليوم ولا جاجة بُكْرا .
215 ـ بيضة ما بتكسِر حجر .
216 ـ بيضرط ع القرش بيعملو طبَق نحاس .
217 ـ بيضرط من طيز وسيعة .
218 ـ بيع الحمار أحسن ما تضلّ تشوفو .
219 ـ بيع بالمثقال وبخْشِش بالقنطار .
220 ـ بيعرِف البير وغطاه .
221 ـ بيعرِف كِذبو من طول قُصّتُو .
222 ـ بيعرِف وبيحْرِف .
223 ـ بيعمل السبعة وذمّتها .
224 ـ بيعمشل العَمْلة وبيتغَطّى بالشَمْلة .
225 ـ بيعمِل ع الحبّبة قُبّة و ع الزبيبة معصرة .
226 ـ بيعمل من الحَطب رُطَب .
227 ـ بيغُبّ غَبّ جْمال .
228 ـ بيفهمها وهيِّ طايرة . ( ....... ع الطّاير )
229 ـ بيقتُل القتيل وبيمشي بجنازتو .
230 ـ بيكون عم يحلشق بصير يقْلَع اضراس ز
231 ـ بيلْحَس الدبس عن الطّحينة .
232 ـ بيلعب ع الحبلين .
233 ـ بيلهي الحمار عن عليقو .
234 ـ بيشمي بالمقلوب متل السلطعون .
235 ـ بيموت المعَلِّم وما بيتعَلّم .
236 ـ بين القارب ما في كلفة .
237 ـ بين الهل ما في كلفة .
238 ـ بين البقر والجواميس راحت الضفادع معيس .
239 ـ بين الدهب والقصدير فرق كتير .
340 ـ بين الطَلْقَة والطَلْقَة بتتغَيَّر الخِلْقَة .
341 ـ بين النَوَر ما في تكليف .
342 ـ بين حانا ومانا ضيّعنا لحانا .
343 ـ بَيِّنْ حَقَّكْ واتْرُكو .
344 ـ بين قارة والنبك الأميرات بتبكي . ( من شدة البرد بالشتاء في منطقة القلمون )
345 ـ بيِنْشِرِب مع المي العِكْرِة .
346 ـ بينفخ النفخة بشَعِّل بيدر حنطة .
347 ـ بياكل وبنام متل التنابل .

[b7bik fairouz]

رد: كتاب امثال حمص الشعبية

لحرف ب (العدد 347)
الحــــــــــرف ب
1 ـ بأيام الخَسّ اللي بنام ما بِحِسّ .
2 ـ بأيّام ضيقَك ن بتعرف عدُّوك من صديقك .
3 ـ باب اللّي بيجيك منّو الريح سُدّو واستريح. .
4 ـ باب النجَّار مخلوع .
5 ـ باب شقاع وباب رقاع .
6 ـ باب يْفَوِّت حمَل .
7 ـ باتِت جوعانة وجوزها خبّاز .
8 ـ باع اللّي فوقو وتحتو . ( باع اللّحاف والفرشة )
9 ـ باع بيتو تْفَضّى سنة ، اشترى بيت تدايق سنة .
10 ـ باع جِلد الدُبّ قبل ما يصيدو .
11 ـ باكُل من لحم ....... وما بعتاز القصّاب .
12 ـ باكلو وبُنْتّفو ولا بطعميه لخالتي مرت أبي .
13 ـ بالإعادة إفادة .
14 ـ بالدّور ما بالزور .
15 ـ بالسُخْرَة متل المُهْرَة .
16 ـ بالسّوق شحرور والبيت دَبُّور .
17 ـ بالصابون ما اشتغلت وبالبيض ما تاجرت وحموي ما عاشرت مِنْ إيش انكسرت ؟ .
18 ـ بالصبر وطولة البال ابن آدم بزيح الجبال .
19 ـ بالع الموس ع الحدّين ، إن بلَعو دبَحو وإن طالعو جرَحو .
20 ـ باللّيل امشِ ع العَويص ولا تمشي ع البصيص . ( العويص : الصوت )
21 ـ بالمال ولا بالأبدان .
22 ـ بالنهار بتّطوف وبالليل بتغسل صوف .
23 ـ بالوجه مراي وبالقفا صرماي .
24 ـ بيخلط شعبان برمضان .
25 ـ بَانة المُرّة بتدوقها القحبة والحُرّة . ( البَان : من أنواع البَخُّور )
26 ـ بايعها وقابض حقّها سَلَف .
27 ـ بتقول للشَرّ اجتَرّ ..
28 ـ بِبَلّعو إبرة بخرّيه مسَلِّة .
29 ـ بِتْبيِّن دَنَبها وبتخَبِّي راسها .
30 ـ بتجي على أهوَن سبب .
31 ـ بتحْبَل بَرّا وبتولد عندي .
32 ـ بتحكّيه بالشرق بجاوبك بالغرب .
33 ـ بتِزْهِر ما بتِعقد يا زيزفون .
34 ـ بتشوفني بعين بشوفك بتنتين .
35 ـ بتضلّ النَفْس هيّ هيّ ولو حطِّت المصرية . ( نقصِت المصاري )
36 ـ بتقوللو تو بقول لك احلِبو .
37 ـ بتْلين يا آغا بتْلين .
38 ـ بنتي بطبريّا وهمّها واصل ليَّ .
39 ـ بحاكيكي ياجارة اسمعي يا كِنّي .
40 ـ بِحُبّ يِعْلى ولو على خازوق .
41 ـ بحبّك يا سواري لأنّه زندي فيكي .
42 ـ بحر ما بيتْعَكّر من نهر .
43 ـ بحصة بتسند جَرّة .
44 ـ بحياتو طه ما ساواها .
45 ـ البُخل كاشف العيوب وقاطع المحبّة من القلوب .
46 ـ البخيل بِخاف ........ منشان ما يجوع .
47 ـ البخيل متل العضمة المجرومة ما فيها خير .
48 ـ بْداريه متل العين الرمْدانة .
49 ـ بدال ما تمشي وتهزّي كِتْفِك ، رقّعي فروة خُفِّك .
50 ـ بِدَّك تْطّوِّل بالَك .
51 ـ بِدَّك تعرف عمره افتح تُمُّه .
52 ـ بِدَّك تعِزّ الحماية اشتريلا صرماية .
53 ـ بِدِّك تعملي إدن سَطْح وإدن مُزْراب .
54 ـ بِدَّك توصل مع العَيَّار لباب الدار .
55 ـ بِدَّك طنجرة تبَقْبِق ولاّ صبّاط يزقزق .
56 ـ بِدَّك عنب ولاّ الناطور .
57 ـ بدَل ما تقولها كِشّي اكسرْ رِجلها .
58 ـ بدَل ما قول للعبد يا سيدي ، بِقْضي حاجتي بإيدي .
59 ـ بَدَّلو غُزْلانُن بقرود ز
60 ـ بِدْنا سَلِّتنا بلا عنب .
61 ـ بِدنا عريس يُدْفُش الباب بإجرو ما بإيدو .
62 ـ بشدْنا نصَلّي ع الحاضِر .
63 ـ بِدُّو خرزة زرقا وشِبِّة ونَعْل دَبِّة وخرية كلبة .
64 ـ بِدُّو فَتّ خُبْز .
65 ـ بِدُّ قُطّ من خشب بصطاد ما ياكُل .
66 ـ بِدُّو يْعَزِّي وما بيعرف مين مات .
67 ـ بدوب التلج وببان المَرْج .
68 ـ بَس نِزِل الخيار طعمي الخَسّ للحمار .
69 ـ بِدَوِّر ع المِسْكي بالفتيلي .
70 ـ البدوي ما بِنام وبِّيتو حلاوة .
71 ـ بَرَّا شحرور وجُوَّا دَبَّور .
72 ـ بَرَّا وردة وجُوَّا قردة
73 ـ براسو موّال بِدّو يغنّيه .
74 ـ برطيل بِحُلّ دِكِّة القاضي .
75 ـ البرغل بسامير الُّرُّكَب .
76 ـ برغوت الليل جَمَلْ .
77 ـ برغوت قال للبَقَّة يِضْرَب الشحْرور إذا تْرَقَّى .
78 ـ بَرَموا حمص وحماه حتى لقوا كِنِّي للحما .
79 ـ بروح عاشق بيجي ألف مشتاق .
80 ـ بَس تشيل إيدَك من تُمُّو بِبَطِّل يَعرْفَك .
81 ـ بَسْ تُضْرُب إيدها على رُكْبتها بتطالع كذبتها .
82 ـ بَسْ وقعِت الدّبِّة بتكتَر سكاكينا .
83 ـ بَسْ حطّ إيدو عليه نسي والديه .
84 ـ بَسْ شم تحت باطو صار يُرْفُس .
85 ـ بَسْ عِبْيِت الخواصِر بترتخي المفاصِل . ( من كتر الأكل )
86 ـ بسبع حسنات البنات .
87 ـ بساط أحمدي .
88 ـ بَشِّر الزانية بالفقر .
89 ـ بَشِّر القاتل بالقتل ولو بعد حين .
90 ـ بِشُوف القُبِّة بحسّبها مَزَار .
91 ـ بِشيل الهَم عن القلب .
92 ـ بصل وتوم أعداء السّموم .
93 ـ بصلْتو محروقة .
94 ـ بصوم درجات المادنة . ( المأذنة )
95 ـ بصيص ضو ما في .
96 ـ بِطالبك زعيط ومعيط ونَطَّاط الحيط .
97 ـ بطالع النير من البير .
98 ـ بطالع الشَعرة من العجين .
99 ـ بطالع من راس الأقرع شعر .
100 ـ البَطَرْ بيعْمي البَصَر .
101 ـ البطران آخرتو زفت وقطران .
102 ـ بطن النسوان متل البستان .
103 ـ البطن بستان فيه أشكال وألوان .
104 ـ بَطن ملان كيف تمام .
105 ـ بَعد الأم احفر وطُم .
106 ـ بعد العرس ما في قُرص .
107 ـ بعد الكَبْرا جُبِّة حَمرا .
108 ـ بعد اللتيَّا والتي . ( أي لقصدي ووجهتي )
109 ـ بعد حالي ما عاش مالي .
110 ـ بعد حبيبك لا تهوى حبيب وبعد كَرْمَك لا تاكل زبيب .
111 ـ بعد سنة وشهرين جابت صبي بلا عينين .
112 ـ البُعْد عن الناس غنيمة .
113 ـ بعد ما حِبْلِت سَكّرِت الباب .
114 ـ بعد ما شاب وَدُّوو الكُتَّاب .
115 ـ بعد ما كنت سيدها صرت طبل بعُرْسا .
116 ـ بعد ما حِبْلِت وطَمبّرِت قامت تْحِمّرِت وتبودرِت .
117 ـ بعد ما صمبّرِت نِزلِت ع السوق وتـغَنْدرِت .
118 ـ بعمِل حاجتي بإيدي وما بقول للكلب ياسيدي .
119 ـ بعيد عن السامعين .
120 ـ بعين تراني يا جميل براك .
121 ـ البغض بالأهل والحسد بالجيران ز
122 ـ بفلوسَك حَلّي ضْروسَك .
123 ـ بفوت عنتر بيطلع زير .
124 ـ البَقّ ولا النقّ .
125 ـ بِقَلِّد الأكابِر بِشحط الصرامي .
126 ـ بقول للسياق ليشب تفور ؟ قال : بُدْفُش خرية بيجي غيرها . ( السياق : المجرور )
127 ـ بُكْرا بتقاقي ما بتلاقي .
128 ـ بِكُلّ عرس إلو قُرص .
129 ـ بكون بالطبّ بصير بالبيطرة .
130 ـ بَكّي ابنك أحسن ما تبكي عليه .
131 ـ البكي سلاح النسوان .
132 ـ البِكي فوق راس الميِّت .
133 ـ بلاء الإنسان من اللّسان .
134 ـ بلاء الناس من الناس .
135 ـ بُلبُل الحيّ ما بيطرِب . ( الحي : الحارة )
136 ـ بلبل بلا منقار .
137 ـ البلد اللي ما هي بلدك لا تُسْكنها ولا تعيش فيها .
138 ـ البلد اللي ما هي بلدك ، احفظ فيه شرَفَك .
139 ـ بلدنا صغيرة ومنعرف بعضنا . ( وقيل : حارتنا ........ )
140 ـ بَلِّط البحر .
141 ـ بلغ السيل الزبى .
142 ـ بْليّة أحسن من بْليتين .
143 ـ بنات الموضة ( شباب الموضة ) كل عشرة ببيضة .
144 ـ بنات اليوم ما خرْجها غير النوم .
145 ـ بنت أربعين أبرد من الأربعين . ( أربعينية الشتاء )
146 ـ بنت إن سِلْمت من العار بتجيب العدوّ للدار .
147 ـ بنت الأكابر غالية ولو كانت جارية .
148 ـ بنت الحارة عورة .
149 ـ بنت الحارة فيها فارة .
150 ـ البنت الحلوة بتقول للقمر غيب لأقعد مطرحك قاضي ومفتي ورقيب .
151 ـ البنت بالتبديل والصبي بالتغسيل .
152 ـ البنت بتِدّلّل لوَقت ما بتتكَلّل . ( تتزوّج )
153 ـ البنت بتمشي ورا أمّها ، إذا وقعِت بتلُمّها .
154 ـ بنت عشرة لوزة مقشّرة .
155 ـ بنت عشرين فُرْجة للناظرين .
156 ـ بنت تلاتين أم البنات والبنين .
157 ـ بنت خمسين عجوز في الغابرين .
158 ـ بنت ستين حضّروا لها السكّين .
159 ـ بنت سبعين الله يلعنها والملايكة والناس أجمعين .
160 ـ بنت منيحة ولا صبي فضيحة .
161 ـ بنتَك بشعة الله بَعَتْها ، كِنّتَك بشعة ضَرَبَك العمى عنها .
162 ـ البنت سرّ أمّها .
163 ـ البنت فلتانة والأم عميانة .
164 ـ البنت من سقّطة باب الزقاق مين من كان بدُقّ بابها .
165 ـ البهدلة متل الزكاة ما بياكلها غير اللي بيستحقّها .
166 ـ بوس إيد حماتَك ولا تبوس إيد مراتَك .
167 ـ بوس الأيادي ضحك ع اللّحى .
168 ـ بياخدك ع البحر وبرَجّعك عطشان .
169 ـ بياكل البيضة وقشرتها وبقول ما شُفت شي .
170 ـ بياكل الجَمَل وحْداجتو .
171 ـ بياكل راس الحيّة .
172 ـ بياكل وبيشرب ووقت الحاجة بيهرب .
173 ـ بيت أبونا بيتنا والغُرْب بقاتلونا .
174 ـ بيت الداشر بعلِّم الناس ع الحرام .
175 ـ بيت الدَيِّق بساع ألف صْدَيِّق .
176 ـ بيت السبع ما بيخْى من العضام .
177 ـ بيت العنكبوت كتير ع اللي بموت .
178 ـ بيت القِبْلي مَسْكن ويُسْكَن والشمالي مَسْكَن والغربي نص مسكن والشرقي لا مسكن ولا يُسْكَن .
179 ـ بيت الكبير بعَلِّم المشيْ .
180 ـ بيت اللي بيدخلو شمس ما بيدخلو طبيب .
181 ـ بيت اللي ربّاها ما هرب وخلاّها .
182 ـ بيت اللي رَبُّه مرا ، كُلْ مالو لوَرا .
183 ـ بيت اللي فيه رجال بجيب المال .
184 ـ بيت الهامِل بيخرَب قبل بيت الظالم .
185 ـ البيت بلا حُرْمة بصير خُرْبة .
186 ـ البيت بيتك والزيت زيتك .
187 ـ بيت دُقّلّو بيرقص .
188 ـ بيت سيّاح نيّاح .
189 ـ بيت قرفص خري . ( من بيت ...... )
190 ـ بيت من رْجَال ولا بيت من مال .
191 ـ بيترْكوا نَخْوِتْهُم وبيلحقوا شهوِتْهم .
192 ـ بيتعَلَّم البيطرة بحمير الكراد .
193 ـ بيتنجاني كِبْرشت ونِزلِت جراسها ، نِسْيِت قُفِّة الزبل فوق راسها .
194 ـ بيتو بالكِري وخبزو بالشري . ( الكِري : الإيجار )
195 ـ بيتي لأسْتَرْ لعورتي .
196 ـ بيجت التّوت بقول للخس موت .
197 ـ بيحسد الميّت ع كَفَنو .
198 ـ بيحكي خرى بطنو .
199 ـ بيحلِب النملة . ( كناية ع البُخل )
200 ـ بيخاف من خيالو .
201 ـ بيخُف الكُبَّاي من راس الماعون .
202 ـ بيخْلِط عبّاس على دبّاس .
203 ـ بير اللي بتشرب منّوا بعيد الأذى عنّو .
204 ـ بير ما إلو قرار .
205 ـ بيسأل عن البيضة مين باضها والجاجي ميم جابها .
206 ـ بيساوي للدُبّ أدنين .
207 ـ بيسرق الكُحْل من العين .
208 ـ بيسْكَر من زبيبة .
209 ـ بيسمَع ضراط النمل .
210 ـ بيسوى تُقلو دهب .
211 ـ بيشتغل من الفجر للننجر .
212 ـ بيشرب من النهر ن الكلب والمَهر .
213 ـ بيض ما بينقلى بضراط بدّو سمن عربي وعُرّاط . ( فحم )
214 ـ بيضة اليوم ولا جاجة بُكْرا .
215 ـ بيضة ما بتكسِر حجر .
216 ـ بيضرط ع القرش بيعملو طبَق نحاس .
217 ـ بيضرط من طيز وسيعة .
218 ـ بيع الحمار أحسن ما تضلّ تشوفو .
219 ـ بيع بالمثقال وبخْشِش بالقنطار .
220 ـ بيعرِف البير وغطاه .
221 ـ بيعرِف كِذبو من طول قُصّتُو .
222 ـ بيعرِف وبيحْرِف .
223 ـ بيعمل السبعة وذمّتها .
224 ـ بيعمشل العَمْلة وبيتغَطّى بالشَمْلة .
225 ـ بيعمِل ع الحبّبة قُبّة و ع الزبيبة معصرة .
226 ـ بيعمل من الحَطب رُطَب .
227 ـ بيغُبّ غَبّ جْمال .
228 ـ بيفهمها وهيِّ طايرة . ( ....... ع الطّاير )
229 ـ بيقتُل القتيل وبيمشي بجنازتو .
230 ـ بيكون عم يحلشق بصير يقْلَع اضراس ز
231 ـ بيلْحَس الدبس عن الطّحينة .
232 ـ بيلعب ع الحبلين .
233 ـ بيلهي الحمار عن عليقو .
234 ـ بيشمي بالمقلوب متل السلطعون .
235 ـ بيموت المعَلِّم وما بيتعَلّم .
236 ـ بين القارب ما في كلفة .
237 ـ بين الهل ما في كلفة .
238 ـ بين البقر والجواميس راحت الضفادع معيس .
239 ـ بين الدهب والقصدير فرق كتير .
340 ـ بين الطَلْقَة والطَلْقَة بتتغَيَّر الخِلْقَة .
341 ـ بين النَوَر ما في تكليف .
342 ـ بين حانا ومانا ضيّعنا لحانا .
343 ـ بَيِّنْ حَقَّكْ واتْرُكو .
344 ـ بين قارة والنبك الأميرات بتبكي . ( من شدة البرد بالشتاء في منطقة القلمون )
345 ـ بيِنْشِرِب مع المي العِكْرِة .
346 ـ بينفخ النفخة بشَعِّل بيدر حنطة .
347 ـ بياكل وبنام متل التنابل .

[b7bik fairouz]

رد: كتاب امثال حمص الشعبية

يعطيكي العافية حلويين

انت الاحلى يا كحلى

[b7bik fairouz]

رد: كتاب امثال حمص الشعبية

الحرف ت (العدد 46 )
الحرف ث ( العدد 10 )
الحرف ج ( العدد 89 )

الحـــــــــــــرف ت
1 ـ تاجِر الأرواح ما بكون نوَّاح .
2 ـ التاجِر المفَلِّس بدَوِّر ع الدفاتر العتيقة .
3 ـ التاجر على تجْرة والزَرِع على بَدْرة .
4 ـ تاجِر ومْنَجِّم ما بصير .
5 ـ تاجرنا بالكفان ما مات ميِّت ، تاجرنا بالحِنّة كِتْرِت الأحزان ، تاجرتا باكُتّان ماتت النسوان .
6 ـ تارشك الجَمَل بِرَسَنو .
7 ـ التاريخ بعيد نفْسه .
8 ـ التالتة ثَبَّاتة .
9 ـ تباعدوا تحاببوا ، تقاربوا تباغضوا .
10 ـ تبن ما إلّك تبَّان ما إلَك .
11 ـ تباهت القرعة بشَعر جارتها .
12 ـ تبديل الهوا أحسن دوا .
13 ـ التبن إذا عِتِق ما بصير تبر .
14 ـ تتمسكَن لِحَد ما تتمَكَّن .
15 ـ التجارة إمارة ولو كانت بحجارة .
16 ـ تجَوَّز بنت تكزن أمّها صالحة .
17 ـ تحت السواهي دواهي .
18 ـ تحرَم علِيِّ متل ما حِرْمِت مكّة ع الكُفّار .
19 ـ تخانقت الجواميس راحِت الصيصان معيس .
20 ـ تدبل الوردة وريحتها فيها .
21 ـ التدبير حتى في ميّة البير .
22 ـ التدبير نص المعيشة .
23 ـ التدبير من التفكير .
24 ـ تدَيَّن وازرع ولا تدّيَن وتبلَع .
25 ـ ترَك الجَمَل بما حَمَل .
26 ـ تَرَك الشّقا على من بقا .
27 ـ تسابقوا الحمير من حظ الراكبين .
28 ـ تْسَلَّ شْوَيّ بها المقصقص حتى يجي الطيار .
29 ـ تضرع إلى الطبيب قبل ما تمْرَض . ( يُضْرب فيمن يعد ولا يفي )
30 ـ تعبنا وشقينا وشي ما لقينا .
31 ـ تعريص القاضي بقفاه .
32 ـ تْغَدَّ وتمَدَّد ، تعَشّى وتمَشّى .
33 ـ تْغَرّبنا لنشبع مرقة ، اشتهينا العَضّة من الرغيف .
34 ـ تقطع العِرْق وتْسَرِّح دمّه .
35 ـ تقعدي على تينتك وتحكي على هينتك .
36 ـ تْقول : عم ياكل من لحم بطنو .
37 ـ تْقول فص ملح وداب .
38 ـ التكرار بعَلَّم الحمار .
39 ـ تْكَنِّت القَرْعة بشَعر خالتها .
40 ـ التلَّة لـ هالجوزة .
41 ـ تلحَسَك اللاّحوسة وتقرصك الناموسة .
42 ـ تمِّيت صلّي حتى حصِلّي ولما حِصِلّي بطّلت صلّي .
43 ـ توتي توتي خلصت الحتّوتي .
44 ـ تي تي تي تيم تل ما رحتي متل ما جيتي .
45 ـ التين عينو وقحة . ( أي : وين ما زرعتو بعيش )
46 ـ تينة جنب تينة بتستوي .
الحــــــــــــرف ث
1 ـ ثقيل متل لَكَن ( لجن ) الوقف . ( أملاك الطوائف )
2 ـ ثلاثة ما بيتخَبُّوا : الحُبّ والحَبَلْ والرُكْب ع الجَمَل .
3 ـ ثلاثة أجْوَدها العتيق : الخمر ـ الدنيا ـ الصديق .
4 ـ ثلاثة ليس لهم أمان : البحر ـ السلطان ـ الزمان .
5 ـ ثلاثة ليس لهم وَفَا : الفَرَس ـ السيف ـ النِّسا .
6 ـ الثلجة الأولى سمّ والثلجة التانية دَم والثلجة الثالثة كول ولا تهتَمّ .
7ـ الثّوم قَتَّال السّموم .
8 ـ ثوب العيرة ما بدَفّي وإن دَفّى ما بدوم .
9 ـ ثوب على جسمو وثوب على وَتَدْ وبقول أنا أحسن أهل البلد.
10 ـ ثور أعمى وتبن ناعم .

الحـــــــــــــرف ج
1 ـ الجاجة بتشرب وبتطّلّع لرَبّها .
2 ـ الجاجة بتقول : افلِتيني ولا تطعميني .
3 ـ الجاجة قطعوا لها مُنقارا ما بطّلِت كارا .
4 ـ الجار أولى بالشفعة .
5 ـ الجار قبل الدار .
6 ـ الجار ولو جار ولَوْ على بُعْد أربعين دار .
7 ـ جارك القريب أحسن من أخوك البعيد .
8 ـ جارَك قُدَمك ووراك إن ما شاف وجهك بشوف قفاك .
9 ـ جازِة جَوَّزْتِك حظ من وين بدّي جِبْلِك .
10 ـ الجازة قسمة ونصيب .
11 ـ الجامِع مْسَكَّر وأنا مستريح .
12 ، الجاهل بيتعلّق بكيسو والعاقل بكيس غيرو .
13 ـ الجاهل بيتعلّق بكيسو والعاقل بيتعَلّم من غيرو .
14 ـ الجاهل عدوّ نفْسُو ولا بِصير صديق لغيرو .
15 ـ الجاي لا تلاقيلو والرايح وَدّعو . ( يُقال عن الخضار والفاكهة )
16 ـ جاي يا قاتل يا مقتول .
17 ـ الجْبَال لو تحمِل هم! انهدْمِت
18 ـ جبّانة ما بترُدّ ميّت .
19 ـ جبْتَك يا عبد المعين لتعين لقينك يا عبد المعين تنعان .
20 ـ الجَبَس بأوّلو خود الأخَفّ وبآخرو خود الأوْزَن .
21 ـ جبل مع جبل ما بيلتقي ، ابن آدم مع ابن آدم بيلتقي .
22 ـ جبناك يا أقرع لتْوَنِّسنا كَشّفْت عن قرعتك وفزّعتْنا .
23 ـ جحي أكبر من أبوه .
24 ـ جحي أوّل ما صار قاضي شنق أهل حارتو .
25 ـ جحي أوْلى بلحم تورو .
26 ـ جحي جاب وجحي أكَلْ .
27 ـ جحي لو يعَمِّر كان عَمَّر ديار أهلو .
28 ـ جحي وأهل بيتو عُرْس .
29 ـ جِدْيْ ضِحِك على تيس . ( جِدْيْ لِعِب بعقل تيس )
30 ـ الجِدْيْ ما بِتَمْ جِدْيْ .
31 ـ الجديد إلو رهجة .
32 ـ الجديد حُبُّو والقديم لا تْفَرِّط فيه .
33 ـ جَرْبان وبِسَلِّم بالأحضان .
34 ـ جَرَّة وانْكَسْرِت .
35 ـ جِرْح الأسى ما بينْتسى .
36 ـ جرْح البَدَن بطيب مع الزمن وجرح الرّوح ما بيروح للكَفَن .
37 ـ جَرّيِ دم ولا تجري عادة .
38 ـ جوابو تحت لسانو . ( باطو )
39 ـ جكارة بالطهارة عملها بتيابو .
40 ـ جلدة قفاه على وجهو .
41 ـ جِلدو مْتِمْسِح .
42 ـ جَلِّس الضفدعة على كرسي من دهب بِتْنُطّ وبتُغْطُس بالوَحْل .
43 ـ الجَلْطة أوّل مرّة بتعدّي ، تاني مرّة بتوَدي .
44 ـ الجَمْرَة ما بتِحْرِق غير مطرحها . ( محَلّها )
45 ـ الجَمَل الجِرَب لازم ينْقَصّ دنبو قبل ما يِنْقَصّ وَبَرو .
46 ـ الجَمَل بمصرية ومصريّة مافي . (مصرية : مصاري )
47 ـ الجَمَل من جوفو بيجْتَرّ . ( يُضرَن لمن ياكل من كسبه )
48 ـ الجَمَل لو شاف حُرْدَبّتو لوِقِع وانكسرت رقبتو .
49 ـ الجَمَل ما إجا بَعَت فردة خُفُّو .
50 ـ الجَمل ماشي والكلب ينبح ,
51 ـ جَمل مطرح جمَل بيبرُك .
52 ـ الجَمَال مو بالتياب .
53 ـ جنازة الغني وموت الفقير جُرْصَة .
54 ـ الجنازة مجتفلة والميّت كلب .
55 ـ الجّنَان سبعين باب .
56 ـ جَنْب العقرَب لا تقرَب وجَنب الحية فروش ونام .
57 ـ الجنّة بلا ناس ما بتنداس .
58 ـ الجنون فنون .
59 ـ جَهْل الشايب سُكَّر دايب وجهْل الشَبّ يروح يِنْكَبّ .
60 ـ جَهْل الكَبَر بيعمي البَصَر .
61 ـ الجَهْل هُوِّة والعِلْم قُوِّة .
62 ـ جهنّم جوزي ولا جنّة أهلي .
63 ـ جهَنَّم ما فيها مراوِح .
64 ـ جهَنّم وبالعتبة .
65 ـ الجواب اللّيّن بيصرِف الغَضَب .
66 ـ جواب المصري بتُمُّو ، وجواب الشامي بكُمُّو ، وجواب اللبناني عند أمّو .
67 ـ الجسم لَبّيسْ .
68 ـ الجواب على السّفيه السّكون عنه .
69 ـ الجواز قبل الحِجاز .
70 ـ جواز قبرصي .
71 ـ الجوازة عن قهر بتدوم دهر .
72 ـ جوازة نصرانية . ( لا طلاق فيها )
73 ـ جوخ العريض بِفَصِّل .
74 ـ جود من الموجود .
75 ـ جوز التنتين عريس كل ليلة .
76 ـ جَوِّز الشب للصبيّة وزُتّهُم بالبريّة .
77 ـ جوز الضراير حاير .
78 ـ جوز القرعة رضي بقي بدنا القرعة ترضى .
79 ـ جوز القصيرة بحَسّبها صغيرة .
80 ـ جوِّز بنتَك قبل ابنك .
81 ـ جوز ضِرِب يا عنب . ( جوز : يقصد بها اثنان )
82 ـ جوَّزْنا بنتنا لنرتاح من بلاها رِجْعِت وسبعة ثماني وراها .
83 ـ جوزي حَبّني وأنا صبية ، وجارتي حبّتني وأنا سخيّة ، وأرايبيني حبّوني وأنا غنيّة .
84 ـ الجوع كافِر .
85 ـ جَوِّع كلبك بيلحقك .
86 ـ جيبو السّمك ع البيت لأمّ الهموم لتقَشّرو .
87 ـ الجيران نيران .
88 ـ جيل الأفْجَع : بياكُل ما بيشبع ، بتحكّيه ما بيسمَع ، بتبْعَتو على غرَض ما بيرجَع .
89 ـ جيل عاطل وأيام سود .

[SKY ANGEL]

رد: كتاب امثال حمص الشعبية

حلوين حلوين حلوين
ومهضومين كمان هههههههههههههههههههه

[b7bik fairouz]

رد: كتاب امثال حمص الشعبية

حلوين حلوين حلوين
ومهضومين كمان هههههههههههههههههههه

اهلا وسهلا نورت الكتاب خي هههههههه

[b7bik fairouz]

رد: كتاب امثال حمص الشعبية

الحرف ح ( العدد 147 )
الحرف خ ( العدد 84 )
الحرف د ( العدد 92 )
الحرف ذ ( العدد 15 )

الحـــــــــــرف ح
1 ـ حامِل السُلّم بالعَرْض .
2 ـ الحُب أعمى .
3 ـ الحاجة أم الاختراع .
4 ـ الحاجة اللي ما بتهشمّك وصّي عليها جوز أمّك .
5 ـ الحاة بتْدُّق أعناق الرجال .
6 ـ حاجي تْطِّق حَنَك .
7 ـ حاجي عاد : هاي طبخة عضام ز
8 ـ الحارة من غيرك متل الراعي بلا كلب .
9 ـ حارتنا ضيّقة ومنعرِف بعضنا .
10 ـ الحاصود الشاطر بيحصُد بقرن غزال ز
11 ـ حاطّة جُرْن ع راسها . ( كناية عن الكُبْرَة )
12 ـ حاكينا وخود أواعينا .
13 ـ حُب الغرور بيكسر الضّهور .
14 ـ حُب الموت بيكرهو أخوك .
15 ـ حَبّة فوق حبّة بتعمل قُبّة .
16 ـ الحُبّ مالو مشورة .
17 ـ الحَبِّةالمسَوْسةإلها كيّال أعوَر .
18 ـ حبر على ورَق .
19 ـ الحبس للرجال .
20 ـ حبسناه مع إبليس طِلِع إبليس يستغيث .
21 ـ حبل الكذب قصير .
22 ـ الحَبْل ع الجَرّار .
23 ـ الحَبْل مع التكرار بيقطع حبلة البير .
24 ـ حِبْلِة ومُرْضعَة و ع كتفها أربعة ـ طِلْعِت ع الجَبَل لتجيب دوا للحَبَل .
25 ـ حُبّني وخود جحش قالّو المحبّة ما بتصير دحش .
26 ـ حُبّني وخُدءلَك جمَل قالّو إذا معدتي ما بتُهُضْمَك شو بعمل .
27 ـ حبيبك حُبّو ولو كان عبد أسوَد .
28 ـ حتّى تستريح كُل شي قول منيح .
29 ـ حتّى يجي الصبي منصلّي ع النبي . ( ليجي ........ )
30 ـ الحجّ ما بيجي بالتْوَصّي .
31 ـ حجتين بحاجة .
32 ـ الحجر اللي بيستردي فيها البنّا بتصير براس الزاوية .
33 ـ الحجر اللي ما بتعجْبَك بتْفِجَّك .
34 ـ الحَجَر المدفون بيكسر الرِجْل .
35 ـ الحجر بمطرحو قنطار .
36 ـ حجر من وادي ومقلاع من جلد .
37 ـ الحجرة بمكانها تقيلة .
38 ـ الحَدَّد إذا ما صابك نارو بصيبك شرارو .
39 ـ حديث النسوان ورا الأبواب .
40 ـ الحديدة حامية .
41 ـ الحَذَر ما بيمنع القَدَر .
42 ـ الحُرّ قلبو دليلو .
43 ـ الحرامي إيدو بتاكلو .
44 ـ الحُرَّة عاديها و ......... راضيها .
45 ـ الحِرْص الزايد من قلّة اليقين ، والطمع الزايد من قلّة الدّين .
46 ـ حَرِّك الأرطال ولا تُقعد بطّال .
47 ـ الحَرَكِة بَرَكِة والتواتي هلكة .
48 ـ الحُرْمة جِنْحها مكسور .
49 ـ الحُرْمة ضِلْع قاصِر .
50 ـ الحُزن بعلِّم البكي والفَرَح بعلّم الزغاريد ز
51 ـ حساب السّوق ما بيطبق ع حساب الصندوق .
52 ـ حساب قرايا ما بيطبق ع حسلب السرايا .
53 ـ حسب مأكولو الفاصوليا بِتْوَصِّلَّو فُصَّة .
54 ـ حسب نواياكُم تُرْزَقون .
55 ـ الحَسَد بجيب المرض .
56 ـ حَسَدوا الأعمى على كُبْرْ عيونو .
57 ـ الحَسَن أخو الحسين .
58 ـ حُسْن الجِوار عمارة الدّار .
59 ـ حُسْنْ السُّمعة ثروة .
60 الحسود بياكل حالو متل ما الصدا بياكل الحديد ز
61 ـ الحسود لا يسود .
62 ـ الحَش بدُّو رَش .
63 ـ حشيشة ما بتبقى تحت حجر .
64 ـ حصيرة البيت بتِحْرَم ع الجامع .
65 ـ حُط أصبعتَك بعينَك متل ما بتوجَعِك بتوجع غيرَك .
66 ـ حُط البطَّال وحُطٍلُّو بيت مال .
67 ـ حَط الحُزْن بالجُرن وقَعَد .
68 ـ حُط القردة بالجرَّة بيطلَع قَفاها لبَرَّا .
69 ـ حُط القِدْر وانفخ تحتو ما أضرب من الخال غير ابن أختو .
70 ـ حُط المصريت ع المصرية بصيرو ميّة .
71 ـ حُط بالخُرْجْ .
72 ـ حُط حطامو .
73 ـ حُط راسك بين الروس وقول يا قَطَّاع الروس .
74 ـ حَط ع الجِرْح مِلح وسَكَت .
75 ـ حَطُّ بخانة اليَكّ .
76 ـ حُطُّ الجَمَل جَنْب القُبِّة وقال لو ما إلَك حُرْدَبِّة .
77 ـ حظ بيفلِق الصخر .
78 ـ الحظ أحسن من المال المجموع .
79 ـ حَظ اعطونا وبالبحر ارمونا .
80 ـ حظ الحلوة من ورا البشعة .
81 ـ حظ السمرة بالورقة وحظ البيضة بالتنُّور .
82 ـ الحظ بيندهْلو والدّهر بيضحَكلو .
83 ـ حظَّك يا أبو الحظوظ .
84 ـ حظّي بكل شي أسوَد بس بالبطّيخ أبيض .
85 ـ الحَق ما حدا بيزعَل مِنُّو .
86 ـ الحكاية فيها إنَّ .
87 ـ حُكِّلِّي لحُكِّلك .
88 ـ حُكْم التراضي خير من حُكْم القاضي .
89 ـ حَكَم فينا حُكْم فرعون .
90 ـ الحُكْم ملح الأرض .
91 ـ الحَكْي أخْدْ وعطا . ( الحكي أخْدْ وُرَدّ )
92 ـ حكى بدري وانشرَح صدري .
93 ـ حكيم ومِشْتِهي الوَصفة .
94 ـ حلاّق فَتَح بأقرَع استَفتَح .
95 ـ حَلاّق وشَعرو منفوش .
96 ـ الحَلاقة بالفاس ولا حاجة الناس .
97 ـ الحَلال دايم والحَرام ذاهب .
98 ـ حَلال ع الشاطِر .
99 ـ حَلاوة الزيارة غارة .
100 ـ حلاوة العطيّة صبيين وابنَيّة .
101 ـ حَلاوة العوم للزلعوم ، والمَيّ تُحْشُك حالها ، والنَفَس يطلَع ولاّ بكيفو . ( التخمة بالأكل )
102 ـ حَلِّة نيل بتصبغ المعلِّم والإجير .
103 ـ حِلِس مِلِس متل صوفة الكلب .
104 ـ حلم القط فارة .
105 ـ الحلو لو يتبَغدَد ما بِهِمّو حَدّ والبِشِع لو يتبغدد ضربة تهدُّو هدّ .
106 ـ الحلوة حلوة دوم ولو قامت من النوم .
107 ـ حلويم مُرِّين . ( للأولاد )
108 ـ الحلا يدفع البلا .
109 ـ حمار ، وصار تاجِر عمار .
110 ـ حمار العين عطشان . ( العين : النبع )
111 ـ الحمار راكب صاحبو .
112 . حمار شُغْل .
113 ـ الحمار شّمّموه وردة قام أكلها .
114 ـ حمار ضرط نار قالّو ما احترق دنَبو ، قالو اسمع وسَطِّرْ .
115 ـ حمار معبأ ببنطلون .
116 ـ الحماي ما بتحُب الكِنِّة ولو كانت من صدر الجنّة ، والكنة ما تحُب الحماي ولو كانت نازلة من السما .
117 ـ الحَماية ، يا بتكون حِماية أو بتكون حَمَّاية .
118 ـ حِمْص أم الفقير .
119 ـ الحُمُّصْ أوّلو منافِع وآخرو مدافِع .
120 ـ حِمْص ما بيدخلها عقرب . ( ترابها فيه زئبَق )
121 ـ الحمصي لا تراضيه بيرضى لحالو .
122 ـ حمصي وحكى يوم الأربعا .
123 ـ حَمَل الدّار بطَوِّل الأعمار .
124 ـ حِمْلْ سَمّ ولا دِرهِم هم .
125 ـ حِمْلها على قرونها .
126 ـ الحموي بلا نقاصة متل الجحش بلا حياصة .
127 ـ الحمويّة خود منّن ولا تعطِيُّن . ( للزواج )
128 ـ حُنْطة ما إلَك لا توَقِّف عند كيسها ، بِتْغَبِّرْ دقْنَك وبتِتْعَب بشيلها .
129 ـ الحي أبقى من الميّت .
130 ـ الحيّ أحسن من الميّت .
131 ـ الحي لابُد ما يلاقي حي .
132 ـ حَي ما بينطُر حي . ( ينطره ليموت )
133 ـ حياء القملة براس الأقرع .
134 ـ الحَاء بالرجال بِوَرِّتْلُن الفقر .
135 ـ الحياء بالعين .
136 ـ الحياة لقمة مغَمَّسة بدم .
137 ـ الحيّة إذا جاعِت بتعَضّ بطنها .
138 ـ الحيّة ما بتنحَطّ بالعُبّ .
139 ـ الحية ما بيرُد خُلقا حتى تُنْفُض سَمّا .
140 ـ حيّة ودنبها طويل . ( يُقال للمصيبة بأوّلها )
141 ـ حيّتين بِوِكْر واحد ما بعيشو .
142 . الحيط الواطي بتركبوا كل الناس .
143 ـ الحيط الواطي بنُطّ عليه الكلب .
144 ـ حيطان الحارة أدنيها كبار .
145 ـ الحيطان دفاتر المجانين .
146 ـ الحيطان لها أدان .
147 ـ حيف ع اللحمة يافول .

الحــــــــــــــرف خ
1 ـ خارج البيت يبدأ عند العتبة .
2 ـ خاف من الجوعان إذا شِبِع .
3 ـ الخَالة نَخَّالة . ( الخالة : امرأة الأب )
4 ـ الخالة مرت الأب لا بتحُب ولا بتحَبّ .
5 ـ خالِف تُعْرَف .
6 ـ الخان ضيّق والحمار رَفَّاس .
7 ـ خايف من الفقر وعايش فيه .
8 ـ الخبايا لقايا والجازات حظوظ .
9 ـ الخبَر السيّئ بيوصل بسرعة .
10 ـ الخبر اللي فيه فانية ما بيوصل للبيت .
11 ـ الخبر ما متل المخَبِّر .
12 ـ خبز الحاف بعَرِّض الكْتَاف .
13 ـ خبز الرجال ع الرجال دين .
14 ـ خبز وبصل وحريّة ولا جاج وعسل وجبرية .
15 ـ خبز وزيت وكل مين على بيت .
16 ـ خبزة وبصلة بنياحا ولا جاجة عليها صياحها .
17 ـ خُبْزنا دُرَة وخُبْزكم دُرَة ليشه الكركرة .
18 ـ خبّي قرشك الأبيض ليومك الأسوَد .
19 ـ خَبِّتِك يا دمعْتي ليوم شدِّتي .
20 ـ خَجَل المَرَا بوَصِّلها للتعريص وخجل الرِجّال بوَصّلو للفقر .
21 ـ خُدّام المطارنة ونسوان الخوارنة وبنات الموارنة . ( يُضْرَب لكتر أكلهم )
22 ـ خَدُّو متعَلِّم ع اللطم .
23 ـ خُدوا البنات من صدور العمّات .
24 ـ خُدوا الحكمة من أفواه المجانين .
25 ـ خدي الشايب بِدَلّعِك ولا تاخدي الشبّ بِلَوّعِك .
26 ـ خدي اللي كان ما اللي صار .
27 ـ خُدي بَخْتِك من ابن أختِك .
28 ـ خَدي شَغَّال ولا تاخدي بيت مال .
29 ـ خْدُوم الصَنْعَة بتخْدمَك .
30 ـ خبّي العُكّازة ليوم العازِة .
31 ـ خسا الدّيب . ( جواب : إلَك ولاّ للديب )
32 ـ خُم نوم . ( كناية عن الكسَل )
33 ـ خَلّيّ الطابِق مستور .
34 ـ خَبَّاص ما بخلِّي حدي من شَرُّو .
35 ـ الخسارة بتعَلَِم المكسَب .
36 ـ خَط الأعوضج من التور الكبير .
37 ـ الخطا والعار من القُمّار والأشرار .
38 ـ خَلَص العناق واشتغَل الخْناق .
39 ـ خَلَط الحابل بالنابِل .
40 ـ خَلَط عبّاس على دَبَّاس .
41 ـ خِلْقة تامّة وقومة بالسلامة .
42 ـ خِلْقة تامة نِعمة زايدة .
43 ـ خالو خري وخبّالو .
44 ـ خَلّي العَسل بجرارو لتجي أسعارو .
45 ـ خلّي للصُلْح مطرَح . ( إذا بغضت خلي .......... )
46 ـ خليّها بالصدر تجرَح ولا تطْلع لبَرّا وتفضَح .
47 ـ خمسة ستة بخدمتها وهي بتلحَس مخطِتها . ( بتشرُق مخطتها )
48 ـ خمسين مبَخِّر ما بغَطّو على فَسّى .
49 ـ خْناق التور من دنَبو .
50 ـ الخنفسة شافت بنتها ع الحيط قالتلها حَصّنتِك بالله كأنّك لولية بخيط ، قالت أختها نحن طايفة الحُسْن .
51 ـ الخُنفسة عند أمّها عروس ز
52 ـ خود الأصيلة ولو كانت ع الحصيرة .
53 ـ خود أسرارهم من صغارهم .
54 ـ خود الأرملة واضحك عليها وشيل من جيبها واصرف عليها .
55 ـ خود المجنون وسُبّ أهلو بتعرِف جنونو من عقلو .
56 ـ خود دُعا أبوك بالمنيح طول عمرك بتستريح .
57 ـ خود دُعا أمّك المصايب ما بتهِمَّك .
58 ـ خود شامية وعيش عيشة هنية .
59 ـ خود من التلّ بيخْتَلّ .
60 ـ خود من الفجل الوَرَق ومن اللّحم المَرَق ومن الحمّام العَرَق .
61 ـ خود من عبد الله واتِّكِل على الله .
62 ـ خود من هالحُزمة عود والباقي تحملو القرود .
63 ـ خود واعطِ .
64 ـ خوري البيت ما كل ساعة بتنباس إيدو .
65 ـ الخوف بيقطع الجوف .
66 ـ الخَوِّيف بشوف عدُّوه بمنامه .
67 ـ الخيارة قشِّرها ولو كانت بقرش والتُفَّحة كُلها كُلّها ولو كانت بفلس .
68 ـ خير الأصحاب من دَلّك ع الصَواب .
69 ـ خير الأمور الوسط . ( ........... أوسطها )
70 ـ خير البِرّ عاجله ز
71 ـ خير الجليس في الأنامِ كتابُ .
72 ـ خير اكلام ما قلّ ودلّ .
73 ـ الخير اللي ما بتاكل منّه الله ما ببارك فيه .
74 ـ الخير بالأسفَل .
75 ـ الخير بخَيِّر والفقر بغَيِّر . ( ........ والشرّ بغَيّر )
76 ـ الخير بِعِمّ .
77 ـ خير تعمل شر تلقى .
78 ـ الخير عَجِّل فيه .
79 ـ الخير لَقُدَّام .
80 ـ الخَيِّر مرزوق .
81 ـ خيرا بغيرا .
82 ـ الخير عجِّل فيه واشرّ بَعِّد فيه .
83 ـ خَيِّط بغير هالمسَلِّة .
84 ـ الخيل أعرَف بفُرْسانها .

الحــــــــــــــــــرف د
1 ـ داء الفالج لا تعالج .
2 ـ داء الموت ما بيِعْدي .
3 ـ دابِحْنا البَرْد ومِنْضَرِّط لُحْفْ .
4 ـ داخِل عليك .
5 ـ الدّار أوّل ما يُشتَرى وآخِر ما يُباع .
6 ـ الدّار دار أبونا والناس بيقَلّعونا .
7 ـ الدّار دارنا والقمر جارنا وان خَلَص ليلنا بنوصلو بنهارنا .
8 ـ دارِت الدورة عليكِ يا عورة .
9 ـ داوي العِلِّة قبل ما تتمَكَّن .
10 ـ دُبّ حِرِد عن كَرْم وَفَّرْ قنطار عنب .
11 ـ دُب طلطميس ما بيعرِف الجمعة من الخميس .
12 ـ الدُبَّان بيعرِف وجه اللبّان .
13 ـ الدُبَّان بيلحق الدبَّاس . ( بائع الدبس )
14 ـ دَبَة أرطِت خيارة وكَسْرشت ضرسها ما ضَرِّت غير نفْسها .
15 ـ دَبِّة عِضِّت إتّاية وما عشرِف شو الحكاية .
16 ـ دَبِّرْ غداك بتسوكر عشاك . ( بتسوكر : بتأمِّن )
17 ، دَبُّور هِدَّا على مْسَنّ وقالّو سِنكَنَّك بتسنْ .
18 ـ دِبْساتو مْراق .
19 ـ الدبُّر ما بيعطي عسل .
20 ـ دُخَّان يعمي ولا بَرْد يُقتُل .
21 ـ دَخْلِتْ تترَحّم طِلْعِت تتوَحَّم .
22 ـ دُخانك عمانا وأكلَك ما جانا .
23 ـ دخول الحمّام ما متل طلوعو .
24 ـ الدراهم كالمراهم حُطّها ع الجِرح بطيب .
25 ـ دَرب السد مارَدّ .
26 ـ درب الكلب ع القصّاب .
27 ـ درهم بالجيب ولا عشرة بالغيب .
28 ـ درهم ناموس ولا قنطار فلوس .
29 ـ درهم وقاية خير من قنطار علاج .
30 ـ الدَرْوِي أحسن من الفَرْوِي .
31 ـ الدَرْوَشة ما بِتْحُب القَرْوَشة .
32 ـ دِست الشراكة ما بيغلي .
33 ـ الدِست قال للمغرفة يا سودة يا معجرْفة قالت : كُلّنا أولاد مطبخ .
34 ـ دعاء الأب مُستَجاب من الرب .
35 ـ دعسة البستاني ما بتئذي . ( دعسة : دوسة )
36 ـ دعوة الحمار للعُرس لحَمل الحطب أو لنقل المي .
37 ـ دعوى الزّور بتفتح كيس القاضي .
38 ـ الذَفا عفا ولو بعزّ الصيف والبرد حفا .
39 ـ دُقّ الحديد وهو حامي .
40 ـ دَقّ القرفة ولا صباح السِلفة .
41 ـ دُقّ الميّ وهي ميّ .
42 ـ الدُّقرْ راجع .
43 ـ دقن الطمّيع بطيز المفَلِّس .
44 ـ دُقُّو على نُقُرْتو بتْهُر صُرّتو .
45 ـ الكاكين قبور الطيبين والجبّانة قبور الميتين .
46 ـ الدُّكّان بدها إجر مكسورة .
47 ـ دُكّان جنب دُكّان والرزق على الله .
48 ـ دُكّانتو فيها من البابوج للطربوش ز
49 ـ دَلّلوني مالكن غيري بيعوا الحمار واشترولي عِلْك .
50 ـ الدَمّ ما بصير ميّ .
51 ـ دم ما بيغسل دم .
52 ـ دَمّو على كَفّو .
53 ـ دموع الفجرات حاضرات .
54 ـ دَمّي ما أحمر من دمّك .
55 ـ دِن دِن يا دِنّو كل مين ياخد من دِنّو .
56 ـ الدَناوة طبع .
57 ـ دنَب الكلب أعوَج ولو حطِّيتو بالقالِب أربعين سنة .
58 ـ الدنيا إذا خِلْيِت خِرْبِت .
59 ـ الدنيا أوجَاه وأعتَاب .
60 ـ الدنيا بلا شراب خراب .
61 ـ الدنيا دولاب داير .
62 ـ الدنيا دين ووفَا .
63 ـ الدنيا عُسْر ويُسْر .
64 ـ الدنيا قسمة ونصيب .
65 ـ الدنيا ما فيها راحة .
66 ـ الدنيا متل الرقّاصة بترقُص لكل واحد شْوَيّ .
67 ـ الدنيا متل الرُمّان فيها حامض وفيها حلو وفيها لَفّان ,
68 ـ دنْياك متل قرون معزاي . ( أي كل معزة قرونها تختلِف عن الأخرى )
69 ـ الذهب بحاجة للنخالة .
70 ـ الدهب ما بتعرفو إلاّ بعد ما بتحُكُو .
71 ـ الدهر خوَّان لا تأمّن لو .
72 ـ الدهر دولاب والزمن قلاّب .
73 ـ الدهر دولاب يوم إلَك ويوم عليك .
74 ـ الدهر متل الجزرة يوم بتُمّك ويوم بصُرْمَك .
75 ـ دوا العقرب الصرماي .
76 ـ دوا الدّهر الصبر عليه ز
77 ـ الدَّوا الطيِّب ما بطَيِّب .
78 ـ دوام الحال من المُحال .
79 ـ دُوبُنْ زيتاتي بِكَفُّو لمبّاتي .
80 ـ دُود الخلّ مِنّو وفيه .
81 ـ دَوِّر ع الأصيل وخود بنتو ولو كانت ع الجنبين بتميل .
82 ـ دوس ع دَنَبو وشوف عَجَبو .
83 ـ دير الخربان لــ هالخوري الخرفان .
84 ـ الدّير القريب ما بيشفي .
85 ـ الديك الفصيح من البيضة بصيح .
86 ـ الدّيك ما ببيض .
87 ـ الدِين لله والوَطن للجميع .
88 ـ الدين ممنوع والعتب مرفوع والرزق على الله .
89 ـ الدَّين من غضب الوالدين .
90 ـ الدَّين هم بالليل وذُل بالنهار .
91 ـ دَيَّنْتُو فَرْفَش تَركْتو طَنَّش طالَبْتو خرمَش .
92 ـ ديونو عم تزرب منُّو زرب .

الحــــــــــــــرف ذ
1 ـ ذراع من الأرض بكَفّي أهل الأرض .
2 ـ الذكا من الله .
3 ـ ذكاه فارط . ( مفرط )
4 ـ َّذَكَر الدّيب وهَيَّر القضيب . ( اذكر الدّيب ........ )
5 ـ ذَكَر بَلَدُو ونسي وَلَدُو .
6 ـ ذَكَرْنا القُطّ إجا ينُطّ .
7 ـ ذُل فلوسَك ولا ولا تْذُل نفوسَك .
8 ـ ذِل مالَك ذُل مالَك .
9 ـ ذَنَب السعادة أملَس .
10 ـ ذَنْبَك على جَنْبَك .
11 ـ الذهب ذهب .
12 ـ الذهب مهما انطَمَر بس يِنْفِرِك بجوهِر .
13 ـ الذُّق عطاوي من الله .
14 ـ الذَوق فضّلوه عن الدين . ( ........ عن العِلْم )
15 ـ الذهب والنحاس وبنات الناس خدّامين ببلاش .

[b7bik fairouz]

رد: كتاب امثال حمص الشعبية

الحرف ر ( العدد 101 )
الحرف ز ( العدد 40 )
الحرف س ( العدد 56 )

الحـــــــــــــــرف ر
1 ـ رابط بتُمُّو خيط .
2 ـ راح ...... واشترى .
3 ـ راح العصير وبقي قِشْرو .
4 ـ راح العود ع المجرود .
5 ـ راح الغلي لا أسفي ع الرّخيص .
6 ـ راح المبقوط لعند المهتري قال لو عندك دوا للعافية .
7 ـ راح بحال سبيله .
8 ـ راح تعبو متل تعَب فضّول .
9 ـ راح تعْلَقي بإيدي ياثروة متل ما بيعلَق الزرّ بالعروة . ( الثروة : المال )
10 ـ راح زاير وإجا مشتاق .
11 ـ راح نص عمره .
12 ـ راح وهادا وجه الضيف .
13 ـ راح يحِجّ ، جَاوَرْ .
14 ـ راحِت الخميرة والفطيرة .
15 ـ راحِت السَّكرِة وإجت الفِكْرَة .
16 ـ راحِت تاخد بتار أبوها رِجْعِت حبلي .
17 ـ راحِت يا كَبَّا يا تَعْسا .
18 ـ راحوا يشنقوه قال بدّي حبْل منَقَّش .
19 ـ الراس اللي ما فيه نخوة قطعه حلال .
20 ـ راعي الجمَال ما بيعرِف رَبُّه غير وقت الزَّلق . ( الزَّنق )
21 ـ رافشق الجاويد بتكسَب منّن وبتزيد ، رافِق الأنزال بتطلع لا مكسَب ولا مال .
22 ـ رافِق الجَربان بتِجرَب متلو ورافق المبتلي بيعديك .
23 ـ راكِب جَمَل وحامِل علَم وقايل يارب السُترة .
24 ـ رايحين جايين مفاتيح القاعة ضايعين . ( القاعة : الغرفة الكبيرة بالبيت العربي )
25 ـ ربطوا جحش جنب جحش يا بعلّمو بعضها الّلبط يا الشنهقة .
26 ـ ربَّك رب العطا بيطي البَرْدْ على قدّ الغَطا .
27 ـ رِبَّك وحاكمك .
28 ـ رِبَّ وصاحبَك لا نكذب عليهم .
29 ـ ربّنا ما ساوانا إلاّ بالموت .
30 ـ ربّنا اللي بيستُرْ .
31 ـ رَبُّوا واتعَبوا .
32 ـ رَبّي ابنك وهو صغير بتفرَح فيه وهو كبير .
33 ـ ربّي كلب بيحميلَك بيتَك ، ربّي قُط بياكُلك فار بيتك ، ربّي بني آدم بيخرِبْلَك بيتك .
34 ـ رَبّي كما خَلقْتني .
35 ـ رَبِّيتو كُل شِبْر بنِدْر .
36 ـ ربِّيتو جَرْوْ لمّا صار كلب عضّني .
37 ـ الرِجَّل اللّي بتهابو الرْجال بتحُبّو النسوان .
38 ـ الرِجّال بأدَبو مو بدَهَبو
39 ـ الرِجّال بالنهار عّتّال وبالليل زبّال .
40 ـ الِرجّال بشهوة والمَرا بسبع شهوات .
41 ـ رجال بلا عقول نسوان بلا حيا .
42 ـ الرِجّال بيعشق من عينو والمرا بتعشضق من إدنها .
43 ـ الرِجّال جنا والمرا بَنّا .
44 ـ الرِجّال حمار والمرا لعيبة قمار .
45 ـ رِجَال خيطان بجاكر فيه النسوان .
46 ـ الرِجّال رحمة ولو كان فحمة .
47 ـ الرّجال غايبة والنِسا سايبة .
48 ـ الرِجّال لما بيكبَر بيكتَر منساه وبتكْرَه نساه والمرا لما بتكبَر بيكتَر برّا وبيكبَر شرّا .
49 ـ الرّجال عند أغراضها نسوان .
50 ـ رِجِع إيد من ورا وإيد من قُدّام .
51 ـ الرّجَال ما كُلّهم سوا .
52 ـ رِجْعِت المَيّ لمجاريها .
53 ـ رْجعِت حليمة لعادتها القديمة .
54 ـ الرَجعة فجعَة .
55 ـ رجْلي على رِجْلَكْ .
56 ـ الرِجْل بتدُبّ مطرَح ما بتحُب .
57 ـ الرِّجْل اللي دارِت ما خابِت ، يا عابِت يا خبر جابت .
58 ـ رِجْلي ورِجْلَك بالفَلَق .
59 ـ الرّجوع عن الخطأ فضيلة والتمادي فيه رذيلة .
60 ـ الرَحمة بتجوز ع الميّت والطَيِّب .
61 ـ رُحنا ع القبور لِحقنا ألف داقور .
62 ـ الرخيص غالي .
63 ـ رْخَيِّص وكْوَيِّس وابن ناس .
64 ـ الرُّز إذا تْهَدّا للملوك بيتوَدّا .
65 ـ الرُّز بحليب كل ما بَرَدْ بطيب .
66 ـ الرزَّاق حي .
67 ـ الرِزْق الداشِر بعَلِّم الناس ع الحَرام .
68 ـ رِزْق الناس ع الناس ورزق الكلاب ع المجانين .
69 ـ رِزْق الهُبلان ع المجانين ورِزْق المجانين ع الله .
70 ـ الرزْقَة بدها نَطَّة . ( ....... إلها نطّة )
71 ـ الرزقة مقسومة .
72 ـ الرزقة على الله .
73 ـ الرِشْحة أوّلها فْروش ونام وآخرها روح ع الحَمّام .
74 ـ رضا الأب من رضا الرب وغضب الأب من غضب الرب .
75 ـ رَضْيانين بالقلِّة والنياحة .
76 ـ رءضينا بالبين والبين ما رضي فينا .
77 ـ الرَّطل بدُّو رطل ووقيَّة .
78 ـ الرَّطل بدُّو رطلين .
79 ـ رطل نحاس بيغني الناس .
80 ـ رِفْع العصا بدون سَلْخ ما بترَبّي .
81 ـ رفيقك ع الطاحون زحمة .
82 ـ الرّفيق قبل الطريق .
83 ـ رقبتو على كِتْفو .
84 ـ الرقَّصة الغشيمة بتحجّج بقشّة الحصير .
85 ـ رقيق وإجاك الحريق .
86 ـ رِكَّبْناه ورانا حَط إيدو بالخُرْج .
87 ـ رِكْبو وراح يسقيه .
88 ـ ركضنا وراه وقعْنا بخراه .
89 ـ رُمّانتين بفرد إيد ما بينحملو .
90 ـ الرِمْح ما بيتخَبّى بِعِدْل .
91 ـ الَّرَّمَد أشوى من العَمى .
92 ـ الرَّمْل ما بينعِجن والشّوك ما بينداس والسرِّ ما بيكتموه إلاّ خيار الناس .
93 ـ رميناه بالبحر طِلِع بتمّو سمكة .
94 ـ روح اشتكي السّرايا إلها أربع أبواب .
95 ـ روح بَلِّط البحر .
96 ـ الرُّوح حلوة .
97 ـ روح خرِّيها .
98 ـ روحا بلا رجعة .
99 ـ الروحة بإيدو والرجعة ما بإيدو .
100 ـ الرَّيب ما بيرجَع حليب .
101 ـ ريد الخير لجارك بتلاقيه بدارك .

الحـــــــــــــرف ز
1 ـ زاد الطّين بَلِّة .
2 ـ زاد بالطَنْبور نغَماً .
3 ـ زاد عليكِ يا معلولة على راس منخارِك تالولة .
4 ـ زاد واحد بكَفّي اتنين . ( الزاد : الطعام )
5 ـ الزَّايد أخو الناقِص .
6 ـ زَبّال وبإيدو وردة .
7 ـ زبل الصيف دوا للشتا . ( سماد للأرض )
8 ـ زبون الخرى خسار وخَسّرو .
9 ـ الزحمة رحمة .
10 ـ الزرع إن ما غَنى سَتَر .
11 ـ زَرَعنا اللّو طِلْعِت ياريت .
12 ـ زَرْعنا ريحان وعشانا عند الجيران .
13 ـ زَرَعنا لو حصدنا لا شيء .
14 ـ زريبة فاضية ولا زريبة مليانة دياب .
15 ـ زَعَلوا لراس مناخيرو .
16 ـ الزّقاق ضيّق والحمار رِفّاس .
17 ـ زلّة القدَم ولا زلّة القلم .
18 ـ الزّلحفة بملحفة وابن آدم بلا غطا .
19 ـ ومان أوّل تْحَوَّل .
20 ـ الزمان متل الجزرة يوم بإيدك ويوم بصرمَك .
21 ـ الزمان متل الميزان بيرتفع عند الناقص .
22 ـ الزّمَن تْحَوَّل .
23 ـ زندها بصير لها مراية .
24 ـ الزَّنكلة بتعَلِّم اللّياقة ، والفقر بعَلِّم العجاقة .
25 ـ زنى وغنى ما بصير .
26 ـ الزواج قلعة اللّي فيها بيتمنّى يطلع منها ن واللّي بشرَّا بيتمَنّى يُدخلها .
27 ـ الزّواج مُرّ كالصبر ، لكن ثمرْته حلوة .
28 ـ الزوج آخر من يعلم .
29 ـ زوج العنيدة مات ع الحديدة . ( الحديدة : الفقر )
30 ـ زوِّج الفقير للفقيرة بيكترو الشِحّادين .
31 ـ زيادة الخير خير .
32 ـ زيارة العشي يا للبياتة يا للعشا .
33 ـ زيارة المجانين بكوانين .
34 ـ زيت الخِرْوِع إلو رَدِّة . ( إعادة )
35 ـ الزّيت بالعجين ما بطيع . ( يُضرَب بالإحسان للأقارب )
36 ـ الزيتون بآدار بيقفرو الخَبَّار ، وبنيسان بقفرو كل إنسان .
37 ـ الزيجة نصيب .
38 ـ زينة الدار قبلي وشمال .
39 ـ زينة الكلام أخد وعطا
40 ـ زيوان بلَدَك ولا قمح الغريب .

الحـــــــــــــــرف س
1 ـ السّؤال ما حِرِمْ .
2 ـ سأله : شو صارِت ماليتَك ؟ قال له : الحمد لله ما عم يوجعني شيء ، قالو ما عندك شي هَم بالبيت قالو ما عندي لا صبيان ولا بنات .
3 ـ ساعة نَحْسْ .
4 ـ السّاحِب ضَارِب . ( سحب السلاح بغضب )
5 ـ سارحة الميّ من تحتو ومانو حاسِس .
6 ـ ساعة البَسْط لا تْفَوِّتها .
7 ـ ساعة الغَضَب العين بتعْمى .
8 ـ ساعة لقلبك وساعة لربّك .
9 ـ ساقية جارية ولا نهر مقطوع .
10 ـ سبت المَرْفَع الشغل ما بينفع . ( يوم يسبق الصوم الكبير عند المسيحيين )
11 ـ سبحان اللي بشغَيِّر وما بيتغَيَر .
12 ـ سبحان مغَيِّر الأحوال .
13 ـ سَبِّع بيتك قبل تشرين يا مسكين . ( المونة : طحين ، سمن ، زيت ، برغل ، شنكليش ، دبس ، خضار يابسة )
14 ـ سبع صايع والبخت ضايع ز
15 ـ ست وجارتين على قلي بيضتين .
16 ـ سُتْرِة البنت جازِتها .
17 ـ ستّي من غير وحَام مصفّرة .
18 ـ السّر بالسكان ما بالمكان .
19 ـ سِرّ للمرا ممنوح بصير بالبلد مفضوح .
20 ـ السرّ ما بالسرعة السرّ بتركيب القطعة .
21 ـ سِرّي مِرّي شيء بخَرّي .
22 ـ سرّي وسرَّك بقدح فُخّار ، بينكسِر وبتفوح الأخبار .
23 ـ السّريان عبّوا الشيطان بالقنّينة .
24 ـ السّفيه داريه واعمل كعك وطعميه .
25 ـ سقوط الجوهرة ع الأرض ما بقَلِّل من قيمتها .
26 ـ السّقي قبل الغرس والتربية قبل الدرس .
27 ـ السّكافي حافي والحايك عريان .
28 ـ سُكْبِة الجار ما بتشَبِّع .
29 ـ سِكِّة عُطْل . ( لا يعمَل )
30 ـ سَكتْنالو دخل بحمارو .
31 ـ سَكِّر بابَك وأمِّن جارَك .
32 ـ سَكَِر بابَك ولا تتِّهِم جارَك .
33 ـ الساكن عدوّ ماكن .
34 ـ السّكوت أحسن جواب .
35 ـ السّكوت علامة الرضا .
36 ـ السّكوت عن الحق شيطان أخرَس .
37 ـ سِكِّين ما بتقطَع اللّبَن .
38 ـ سكّينة الأهل مْتَلّمِة .
39 ـ السّلاح بإيد الخريجرح .
40 ـ السّلاح قَتَّال صاحبو .
41 ـ سلامة الإنسان بحلاوة اللّسان .
42 ـ السلطان مع هيبْتو بينْسَبّ بغيبتو .
43 ـ السِلْق أخضر والناس اخبَر .
44 ـ سليمان مات أخضر يابس هات .
45 ـ سمعان مانو هون .
46 ـ سمك بالميّ ما بينشرى .
47 ـ سَمُّوك مْسَحِّر خَلَص رمضان .
48 ـ سِمُّوه حج أحمد ، صَدَّق .
49 ـ السّنة ورا الباب .
50 ـ سوس القمح منّو وفيه .
51 ـ السيارة والمرا ما بينعارو .
52 ـ سيف الغدْر بتّار .
53 ـ السّيف لا يعمل بصاحبو .
54 ـ السيكارة أوّلها دلَع وآخرها وَلَع .
55 ـ سيكارة فلاّح من كيس بدوي .
56 ـ سرير الدهب ما بيبعدَك عن المنامات الموحشة .

[b7bik fairouz]

رد: كتاب امثال حمص الشعبية

الحرف ش ( العدد 115 )
الحرف ص ( العدد 65 )
الحرف ض ( 43 )

الحــــــــــــــرف ش
1 ـ شاب وما تاب . ( شابِت وما تابِت )
2 ـ شابت لحانا ولِسّا العقل ما جانا .
3 ـ الشاطرة بتقضي حاجتها والخايبة بتنادي جارتها .
4 ـ شاف الجُرْن عشِق الحمّام .
5 ـ الشام ببناتها وحمص بميّاتها وحلب بأكلاتها .
6 ـ الشام شام زينة بس المْخَرّا فيها غالي .
7 ـ شاوِر أكبر منّك وأصغَر منّك وارجَع لشورَك .
8 ـ الشايب إذا تدلّع متل الباب إذا تخَلّع .
9 ـ شايب وعايب .
10 ـ الشب البطّال بينفع الجيران .
11 ـ الشب بلا سيكارة متل البنت بلا إسوارة .
12 ـ شب اللّي بالسوق ولا مال الصندوق .
13 ـ شب مشَبْشَب .
14 ـ شب واشتهى .
15 ـ شباب آخر زمان ن شباب نايلون .
16 ـ شجرة الدّار بتطَوِّل الأعمار .
17 ـ شجرة بداري بتْحِلّ إلي ما بتْحِلّ لجاري .
18 ـ الشحّاد إلو نص الدنيا .
19 ـ شَحّاد ومْشَارِط .
20 ـ الشّحَادة أحسَن كار اللّي ما بيعطيني بيدعيلي .
21 ـ شَخّاخ وبنام بالنُصّ .
22 ـ شُدّ الخيط ومُطُّو واللّي بيطلَع عليك حُطُّو .
23 ـ شُدّ حَبْلَك ودُق طبْلَك .
24 ـ شِدِّة وبتزول .
25 ـ شِدِّلّي هِمّتَك لتدَفّي جيبتك .
26 ـ شدّها بتشُد وارخيها بترخي .
27 ـ شرارة بتحرشق حارة .
28 ـ الشّراكة شرك .
29 ـ الشرايا لقايا والجازات حضوض . ( حظوظ )
30 ـ شِرْش الأم بِلُمّ .
31 ـ شِرْش خَسّة والطايفة نجسة .
32 ـ شَرْشَرْ الدّهن من راس اليهودي .
33 ـ شرشو على بلاطة .
34 ـ شرط الإلْفة ترْك الكلفة .
35 ـ شرط المرافقة الموافقة .
36 ـ الشرط بالحقل ولا قتال ع البيدر .
37 ـ الشَرَف لا بينباع ولا بينشَرى .
38 ـ شروال مالو ، دِكْتو بأربطعْش .( 14 )
39 ـ شريب الدخّان ما بينسِرِق بيتو ولا بعَضّو الكلب .
40 ـ شريك الخرا اخسار وخَسّرو .
41 ـ الشطارة ما بْجيْبْ الوَلَد ، الشطارة بتربايتو .
42 ـ شعرة من طيز الخنزير مكسب . ( شعرة من جلد ....... )
43 ـ شَعْرُو أجعَد وحَظُّو مِسْعَد .
44 ـ الشعير يؤكَل ويُذَم .
45 ـ الشغل بجيب العافية .
46 ـ الشغل سَتّار العيوب ز
47 ـ الشغل صابونة القلب .
48 ـ شُغْل معلّم بإيدو .
49 ـ شُغْل هات إيدَك والحقني .
50 ـ شغلة اللّي ببلاش ، لاش .
51 ـ شغلْتو خفيفة نضيفة .
52 ـ شُوف عينَّا حظ غيرنا .
53 ـ شُفناك فوق وشُفناك تحت .
54 ـ شُقَف لا تاكُل ، وصحيح لا تُقْسُم ن وكول لتشبع .
55 ـ شقوف الخرا ما بتتكَسّر .
56 ـ شَكَرْنا القُطّ شَخ بالمنقَل .
57 ـ شَم الهوا أنفع من شُرْب الدّوا .
58 ـ شُم ولا تدوق وتِبِّت لا تقع . ( في البخل )
59 ـ شَمَّام هوا خَطَّاف وَرْدْ .
60 ـ الشمس ما بتتغَطّى بغربال .
61 ـ شَمَّع الخيط . ( هرب )
62 ـ الشمعة بتنطفي بس الحقّ ما بيختِفي .
63 ـ شُمّني ولا تدعَكْني . ( للوَرْد )
64 ـ شهاب الدين أضرط من أخيه .
65 ـ الشهر اللذي ما بيجيك منّو خير لا تعدّو ولا تْعُدّ غيرو .
66 ـ الشهر اللّي ما إلَك شي فيه لا تْعُدّ أيامه ولياليه .
67 ـ الشهر ناقص والأسبوع كامل .
68 ـ شهوة العجوز بتَمّوز .
69 ـ شو أحلى من العسل ؟ الخل ببلاش .
70 ـ شو آكلين لتشرَبوا ؟ .
71 ـ شو إنتِ بالحارة يا مُنْخُل بلا طارة ؟ .
72 ـ شو بدّو الأعمى غير جوز عيون .
73 ـ شو جاب الخرا للخبيصة .
74 ـ شو جاب الشامي ع المغربي .
75 ـ شو جاب الطزّ للمرحَبا .
76 ـ شو جاب لَجّاب .
77 ـ شو صارلِكْ ؟ طلْعتي ديك رجعتي جاجي .
78 ـ شو عامل ؟ عامل عمايل .
79 ـ شو علَّمَك الزوق ؟ قال الملزوق فوق .
80 ـ شو فايدة الكُحلة يا مرت الأعمى .
81 ـ شو فَهَّم الحمير بأكل الزنجبيل .
82 ـ شو في بينهم دم كليب ؟ . ( كُليب التغلبي توفي 492 م أخو المهلهل سيد بني ربيعة في الجاهلية أضرم حرب البسوس بين بكر وتغلب وقُتِلَ فيها )
83 ـ شو ما أكلِت العنْزة بيطلَع بحليبها .
84 ـ شو ما طبخِتْ العمْشا بيجي جوزها بيتعَشّى .
85 ـ شو مسْلِم شو نصراني ؟ كلّهم خلقة الله .
86 ـ شو هَمْ العبد من سواد الوجه .
87 ـ شوارب شبرين ، بيخراها رطلين ، بياكُل حلِّة ، بيخراها تلِّة .
88 ـ شو حاجَك للمُرّ ؟ قالو الأمَرّ .
89 ـ شوف العنزة وخود من حليبها .
90 ـ شوك القُرِّص ما بيحمِل كَرَز .
91 ـ شوكة بتخَلِّف وردة ووردة بتخَلِّف شوكة .
92 ـ شي أحسن من شي .
93 ـ شي أحسن من لاشي .
94 ـ شي أُقْرُق عَجَم . ( شي ممتاز )
95 ـ شي باين متل عين الشمس .
96 ـ شي بحُطّ العقل بالكفّ .
97 ـ شي بْرِنْجي . ( ممتاز )
98 ـ شي بروس وشي بلا روس .
99 ـ شي بشَهّي .
100 ـ شي بغَطّي على شي .
101 ـ شي بِقَرِّف .
102 ـ شي بكُبّ وبيعمي .
103 ـ شي بهَوِّي . ( شي بخَرِّي )
104 ـ شي مَضى وراح .
105 ـ الشّي بدّو حَقُّو .
106 ـ الشّي اللّي ما بهِمَّك وصّي عليه جوز أمّك .
107 ـ الشي لا بالمال ولا بالجَمال الشي بالخِصال .
108 ـ الشيب تدلّى والعُمْر ولّى .
109 ـ الشيب عنوان الكَبَر .
110 ـ الشيب كَبَر .
111 ـ الشيب ماهو عيب .
112 ـ الشيب هيب . ( الشيبة هيبة )
113 ـ الشيطان أستاذ الرجّال وتلميذ المرا .
114 ـ الشيطان ما مات .
115 ـ شَيِّلْني لشَيّلّك .

الحـــــــــــــرف ص
1 ـ صابون البدو لحاهم .
2 ـ صابون ما تاجَرْت حموي ما عاشَرْت كيف انكَسَرْت ؟ .
3 ـ صاحِب البُوم بِدُلّك ع الخَراب .
4 ـ صاحب الحاجة أرعَن .
5 ـ صاحب الحق سلطان .
6 ـ صاحب العيال دوم مشغول البال .
7 ـ الصاحب اللّي ما بِغُشّ صاحبو هو العَدّو المُبين .
8 ـ صاحب المال تعبان .
9 ـ صاحب صنْعة أهمّ من معالي القلعة .
10 ـ الصاحب للصاحب متل الرُّقعة بالتّوب إذا ما كانت متلو بتعيبو .
11 ـ صاحيلَك قالوّ لاطيلَك .
12 ـ صار اللّي صار .
13 ـ صاحِب الأخيار تأمن الأشرار .
14 ـ صار فِصّ ملح وداب .
15 ـ صار فوق الرِّيح .
16 ـ صار للخرا مرا وصار يحلِف بالطلاق .
17 ـ صار للدُّبانة دُكّانة وصارِت تْسَكِّر ع بكِّير .
18 ـ صار لو راس وبُرْناس .
19 ـ صار متل القملة المفروكة ز
20 ـ صار معك وصِرْت تبيض يا ابن أبو زبلة . ( صار غني )
21 ـ صار وتْصَيَّر . ( ....... وتْصَوَّر )
22 ـ صار يسيد ويميد .
23 ـ صافي يا لَبَن ؟ .
24 ـ صام صام وفَطَر على بصلة .
25 ـ صامد حالو متل صرماية العيد .
26 ـ صايرلَك تخت وبخت شو على بالَك .
27 ـ صباح الأمّهات خرا الصبيان والبنات .
28 ـ الصباح أغنى عن المصباح . ( أغنى : استغنى )
29 ـ صَبِّحْ القوم ولا تماسيهم .
30 ـ الصباح رباح .
31 ـ الصبر مفتاح الفَرَج .
32 ـ صبري على نفْسي ولا صبر الناس عليّ .
33 ـ الصّبي لخالو والبنت لعمّتها .
34 ـ صبية البيت بتْهُدّ الحيط .
35 ـ صحّة الجَسد من قِلّة الحَسَد .
36 ـ الصحّة بتروح بالقنطار وبترجع بالقيراط .
37 ـ صَحِّتْلك هريسة لا تقول ناشفة .
38 ـ صحوة الموت .
39 ـ صْحيح ما بقسم ومقسوم ما باكُل وكول لتشبع ز
40 ـ صداقة الجاهِل تَعَب .
41 ـ صِدْرَك أوْسع لسِرّك .
42 ـ الصدفة خير من ميعاد .
43 ـ صدور الأحرار قبور الأسرار .
44 ـ الصدورة للبدورة والعتاب للأحباب .
45 ـ الصّديق قبل الطريق .
46 ـ الصّديق وقت الضيق .
47 ـ صديقك إذا ردت تخلّيه لا تاخد منّه ولا تعطيه .
48 ـ صديقك هوّ الدرهِم اللّي بجيبَك .
49 ـ صِرْت بين إيدين حجرة مقلاع .
50 ـ صِرت حافظك وعاجنك وخابزك .
51 ـ صغير وفعله كبير .
52 ـ صلاة السكران إن صلّى وإن ما صلّى حَرام .
53 ـ الصلاة والصوم أخيَر من النّوم .
54 ـ الصُّلْح سيّد الأحكام .
55 ـ صَمَتَ دهْراً ونطَقَ كُفراً .
56 ـ الصّنْعة إن ما غَنِت بتسْتُر .
57 ـ صنعة بالجلد بتغني لولَدْ الوِلْد .
58 ـ صنعة باليد أمان من الفقر .
59 ـ صوت الشعب من صوت الرب .
60 ـ صوت حيّة ولا صوت بْنَيّة . ( أثناء الولادة )
61 ـ صوفتو حمرا .
62 ـ صُوم وصَلّي رزقَك بوَلّي .
63 ـ صِت غِنى ولا صيت فقر .
64 ـ الصّيد من بعيد حلو .
65 ـ صيف وشتا على سطح واحد ما بيجتمعو .

الحـــــــــــــرف ض
1 ـ ضارِب حالو بحجر كبير .
2 ـ الضبع ما بياكُل مرتو .
3 ـ الضِحْك من غير سبب قِلّة أدب
4 ـ ضَحِّك ابنك بالصّغَر بِهينَك بالكَبَر .
5 ـ ضِحكة عنزة ع باب المسلخ يوم الجمعة . ( المسلخ لا يعمَل يوم الجمعة )
6 ـ ضِحكتو بأسنانو وسْمومو بلسانو .
7ـ ضِحكْتو رطل .
8 ـ ضاعت ولقيناها .
9 ـ الضرب بعَلّم الدُبّ الرقص .
10 ـ ضراع من الأرض بيكفي أهل الأرض
11 ـ ضَرَب أخماس بأسداس .
12 ـ ضرب الحبيب زبيب .
13 ـ ضرب العص بجوهِر المرا .
14 ـ الضرْب بالميّت حرام . ( الكلام عنه )
15 ـ ضرْبة الغشيم بتعْوِرْ .
16 ـ ضربة القريب بتوجِع .
17 ـ الضربة اللّي ما بتكسِر الضهر بتقَوّيه .
18 ـ ضربة المعلِّم بألف ولو شلفها شلف .
19 ـ الضربة ع الآخرة .
20 ـ ضربة ع الراس وضربة ع الحافِر .
21 ـ ضربتين ع الراس بيوجعو .
22 ـ ضربني وبكى سبقني واشتكى .
23 ـ ضَرَبها أبو الحصين وعَشّرِتْ .
24 ـ ضربوا بيّاع التوم ضرط بياع البصل .
25 ـ ضربوا الأعور على عينو قال : إيه هيّي رايحة .
26 ـ ضربوه على قفاه طارِت عينو قال : إيه هيّي العروق متّصلة .
27 ـ ضربوه بالعَمى حتى يقبل الرّمَد .
28 ـ ضربوه على بطنو صاح آخ يا ضهري .
29 ـ الضُرَّة مُرَّة .
30 ـ ضربها خضير وفَضِّت على خير .
31 ـ الضَرْف المبعوج ما بينتلى .
32 ـ ضروب بالفاس ولا تحتاج الناس .
33 ـ الضراط ما بعَلِّم ع البلاط .
34 ـ الضرورة إلها أحكام .
35 ـ ضعيف وبياكُل مية رغيف .
36 ـ الضيف : أوّل يوم قمر ، وتاني يوم رغيف مقَمّر ، وتالت يوم قرد مصَوّر .
37 ـ الضيف الشرشوح بياكل وبروح .
38 ـ ضيف المسا يا بياتة ياعشا .
39 ـ ضيف المسا ما لو عشا .
40 ـ الضيف المنظوم بيشرب قهوة وبقوم .
41 ـ الضيف بوَصِّل أمير وبيقعد أسير .
42 ـ الضيف ضيف ولو قعد شتا وصيف .
43 ـ الضيوف بدارها والمفتاح بزنّارها .

[b7bik fairouz]

رد: كتاب امثال حمص الشعبية

الحرف غ ( العدد 42 )
الحرف ف ( العدد 72 )
الحرف ق ( العدد 127 )

الحــــــــــــرف غ
1 ـ غاب القُطّ إلعَب يا فار .
2 ـ غاسِل وجهو بخراه .
3 ـ الغالي تمنو رخيص .
4 ـ الغالي هُوِّ الرخيص .
5 ـ غالي وطَلَب رخيص .
6 ـ الغالية للغالي .
7 ـ الغايب حُجّته معه .
8 ـ الغايب ما إلو نايب . ( نائب )
9 ـ غُبْ غَبْ جْمال وقوم قبل الرّجال .
10 ـ غَبَّرْ الغَنَم ع الدّيب : قالولو روح من الغبرة قال لهم : هادا كُحك عيني .
11 ـ الغُراب ما بخَلِّف صقر .
12 ـ الغُرْبة بتعَلِّم .
13 ـ الغُرْنة كُرْبة .
14 ـ الغريب أعمى .
15 ـ الغريب اللّي بتشوفو لا تعيفو .
16 ـ الغريب ديب .
17 ـ الغريب لازم يكون أديب .
18 ـ الغريق بيتعَلّق بحبال العُرْمُط .
19 ـ الغَزالة بتغْزِل برجْل حمار .
20 ـ الغضضب عم ينَقِّط من وجهو .
21 ـ غَطِّي خَدَّك وامشي على قَدَّك .
22 ـ الغلبان بياكُل مع صاحب مرتو .
23 ـ الغَلَط مردود .
24 ـ غلطة الشّاطر بألف .
25 ـ الغَنم اللّي إلو لِيِّة أسعارو خيالية .
26 ـ الغَنَم ما بتنساق بِفَرْدْ عصاي .
27 ـ الغنمة إذا وقعِت بتكتَر سكاكينها .
28 ـ الغنمة المدبوحة ما بهمّها السّلخ .
29 ـ الغنمة ركضت قالت لها العنزة انكَشَفْتي عليِّ ، قالت لها إنتِ طول عمرك مكشوفة .
30 الغني البخيل أفقر من الفقير السّخي .
31 ـ غِنَى النَفْس أفضل من غِنى المال .
32 ـ الغني بغنّولو والفقير بطقطقولو .
33 ـ الغني طلب كرش إجاه قرش والفقير طلب قرش إجاه كرش .
34 ـ الغني عيونه سود والفقير عيونه سود .
35 ـ الغني كنلو والفقير مْنَلّو .
36 ـ الغني ما بدّو عقل ، والحُب ما بدّو جمال ، والموت ما بدّو مرض .
37 ـ غَنِّيّة والنَفْسْ دنيّة .
38 ـ غَيِّب شموس وخود فلوس . ( ......... وعُدّ فلوس )
39 ـ غيبة المستحية من ع بُكْرا لعشيّة .
40 ـ الغيرة بتقتل صاحبها .
41 ـ غيض من فيض .
42 ـ الغيم بسببق الخَيَّال . ( عن سرعة الرّيح بآذار )

الحــــــــــــرف ف
1 ـ الفاجِر بياكُل مال التاجِر .
2 ـ الفاجِر غلب التاجر .
3 ـ الفار من نصيب القطّة .
4 ـ الفارة ما عجبها دنبها جَرِّت وراها مكنسة .
5 ـ الفاضي بيعمل قاضي .
6 ـ فاضي مشغول متل أم العروس .
7 ـ فاكهة موِلاّية ما بقي بالكَرْم غير الحطب . ( دلالة على الكِبَر في العُمْر )
8 ـ فضتَّحْ عينو على معلقة دهب .
9 ـ فتيلْتو طويلة . ( فتيلة الفانوس )
10 ـ فُخّار يكَسِّر بعضه .
11 ـ فَرَجَك قريب يارب يا قريب الفَرَجْ يا عالي بلا دَرَجْ .
12 ـ فَرَجَك يارب قريب وقاصدك ما بخيب .
13 ـ الفَرَح الدّايم بعَلِّم الرَقص .
14 ـ فرحتو ما وِصْلِت لِقَرعْتو .
15 ـ فِرِخ البط عوّام .
16 ـ فردة ما إلها أُخْت .
17 ـ الفَرَس إذا بِطْرِت بترمي صاحبها .
18 ـ الفَرَس الأصيلة ما بعيبها جلالها .
19 ـ الفَرَس بتعْرشف فارسها .
20 ـ الفضرَس من الفارس .
21 ـ الفرفور ذنْبو مغفور .
22 ـ فرْق من الأرض للسما .
23 ـ فروة الدُبّ بيتقاسموها الصيّادي بَسْ .
24 ـ الفَزَع بطَيِّر الوَجَع .
25 ـ فَتِّح عين وغَمِّض عين بيفرجها ربّك .
26 ـ فَش غليلو . ( ....... خُلْقو )
27 ـ الفِصّ ع المرتكي هَيِّن .
28 ـ فِصّ ملح وداب . ( اختفى )
29 ـ فَضِّت براس عليوي .
30 ـ فَضِّت على خير .
31 ـ الفضلة للفضيل .
32 ـ الفضيحة مبَيّنة متل البنت الحبلي .
33 ـ فْطير حتى التُخْمة وتغَدّا ناقص لثقمة وتْعَشّا متل النسمة .
34 ـ فطير فطور ملوك وتْغَدّا غدا وزير وتعِشّا عشا فقير .
35 ـ الفقر بوَلِّد النَّقار .
36 ـ الفقر بيعمي القلب .
37 ـ الفقر ما هو عيب .
38 ـ الفقير بيُستر حاله والغني بتَقِّل خُلخاله .
39 ـ الفقير لو رِكِب ع الجَمَل بعَضّو الكلب .
40 ـ متل العضمة المجرومة .
41 ـ فقير........ كبير .
42 ـ فقير تجَوَّز فقيرة جابو شحّادة صغيرة .
43 ـ فَكّ العُعَد إلو أوقات .
44 ـ فِكْرو فاضي ورَبَو راضي .
45 ـ الفلاّح إذا تمَدّن متل التور إذا تكّدَّن .
46 ـ الفلاّح فلاّح ولو تغدّا العصر .
47 ـ فلاحة الَحْل مَحْلْ .
48 ـ فلان أغنى من قارون .
49 ـ فلان ألله عاطيه .
50 ـ فلاد بياكل المنايا .
51 ـ فلان بيشتري الشَرّ بطاقيتو مُشْتَرى . ( ......... بطربوشو ... )
52 ـ فلان بينشِرِب مع الميّ العِكرة .
53 ـ فلان خَيِّر من كيس غيرو .
54 ـ فلان راكبو النحس .
55 ـ فلان لا بِهِشّ ولا بِنِشّ .
56 ـ فلان ما فيه غير لسانو .
57 ـ فلان ما معروف قرعة أبوه منين .
58 ـ فلان متل الناعورة ما بتعرِفْلو راس من أساس .
59 ـ فلان متل صندوق الناعورة ما بتعرفو فوق ما بتعرفو تحت .
60 ـ فلان متل صندوق الناعورة ما بتعرفو فوق ما بتعرفو تحت .
61 ـ فلان مسَبِّع الكارات . ( ....... الصنعات )
62 ـ فلان نفْسوحامضة .
63 ـ فلتانة معو البراغي .
64 فلوس وناموس ما بصير .
65 ـ فوت ع بيت عَدُّوَكْ مكتسي جوعان .
66 ـ فَوِّت كلمة تفوتك ألف .
67 ـ فوتة الجار ع الجار أوّلها ذلّة وآخرها معيار ، يا بشاركك ع مالك يا بشاركك ع رْجَالك.
68 ـ فوق حقّه دُقُّه . فوف حِمْلو حطُّولو تقّالة .
69 ـ فوف حِمْلو حطُّولو تقّالة .
70 ـ فوق المعروف لَطّ كفُوف . ( ......... ضرْب ..... )
71 ـ الفولة ما بْتِنْبَلّ بتمّو .
72 ـ في الزوايا خبايا .

الحــــــــــــــرف ق
1 ـ قاتِلْني وخَلّي للصُلح مطرَح .
2 ـ قاضي إن مَدّ إيدو بتِكْتَر الشّهود .
3 ـ قاضي الأولاد شنَق حالو .
4 ـ قاعد بحُضنّا وبيُنْتُف بدقنّا .
5 ـ قاعد متل الحدّاد بلا فحم .
6 ـ قاعد متل قفّة الهَمّ .
7 ـ قال القادوس للجُبّ : جيتَك ، قالّو مِتْلَك شُفْت كتير .
8 ـ قال : إيمتى بتقوم القيامة ؟ قال : كل شي إلو علامة .
9 ـ قال لأمّو : يامو فيّقيني لبوس مرتي ، قالتلو : اللّي ببالو بال ما بنام .
10 ـ قال كلب الحدّاد بلع منجل ن قال عند نصريفو بتسم صريخو .
11 ـ قال يا مرا اطبخي طَيِّب ، قالت يارِجّال كتّر القْدام .
12 ـ قالّو حُبّني وخود جحش ، قالّو المحبة ما بتصير دحش .
13 ـ قالّو صباح الخير يا أقرع ، قالّو هادا أوّل باب من النّقار .
14 ـ قالّو كيف بتعرشف الكذبة ، قالّو من كُبْرها .
15 ـ قالّو ما مُتّ ! ما شُفْتْ مين مات ؟ .
16 ـ قالّو يا لَبَن بخيرو ، قالّو من على وجهو مبيّن .
17 ـ قالّو ياربّي اعطيني وجَرّبني ، قالّو أنا خالقك وبعرْفَك .
18 ـ قال يا مرا مين علاّكِ ؟ قال : جوزِك وبيت احماكِ .
19 ـ القالِب غالب .
20 ـ قالت الجبسة للتومة شو ها الريحة البشعة ، قالت لها التومة روحي شــوفي حالِك مين ما طبّشلِك بتروحي معو .
21 ـ قامِت قيامتو .
22 ـ قالت الحمامة يا سوادي قال لها الغُراب شو بدي قول أنا .
23 ـ قالوا للكلاب اركضوا وعَوّوا ، قالوا ما منقدر التنين سوا يا منركض يا منعَوّي .
24 ـ قالّو وين تعلّمت الأدب ؟ قال من قليلي الأدب .
25 ـ قالوا : الأخ أم الصاحب ؟ قالوا : الأنفَع .
26 ـ قالّو بتحُبّ حلب ؟ قال : بحب حلب أم المحاشي والكُبَب وأم المعالي والرُّتَب .
27 ـ قالّو : دِري ولاّ ما دِري ؟ قالّو دري بسّ طَنَّشْ .
28 ـ قالوا لعنتر بْتُضْرُب ألف ؟ قال بضْرُب ألف إذا كان بضهري ألف .
29 ـ قالوا للبغل من أبوك ؟ قال لهم الحصان خالي .
30 ـ قالوا للبغل مين أبوك ؟ قال لهم الفرس أميّ .
31 ـ قالوا للبقر موتوا حتى نكَفِّنكم ، قالوا ما بدنا كفَن خَلّوا جِلْدنا علينا .
32 ـ قالوا للثعلب شو أحسن إيامك ؟ قال يوم يوم اللّي بشوف وما بنشاف .
33 ـ قَعَدْ يْنُطّ ما يْحُطّ .
34 ـ قالوا للجمَل ليش بتاكُل شوك ؟ قال بِفْتِكْرو وقت كان أخضر .
35 ـ قالوا للحرامي : احليفْ ، قال إجاني الفَرَجْ .
36 ـ قالوا للحرامي : العَمى صَعب ، قال نُصّ الخَبَر عندي .
37 ـ قالوا للجَمَل صَفِّرْ ، لا شُفّتي مزمومة ولا أصبيعي ملمومة .
38 ـ قالوا للحماي ما كُنتي كِنِّة ؟ قالت كُنْت وانسيت .
39 ـ قالوا للديك صيح ، قال كُل شي بوَقتو منيح .
40 ـ قالوا للرزيل صير آدمي ، قال لهم بصيرإلى إسمين .
41 ـ قالوا للصرصور ليشب تْصِرّ ، قال لهم خايف من شمس الغد .
42 ـ قالوا للغراب ليش بتسرُق الصابونة ، قال لهم الأذى صعب .
43 ـ قالوا للقطط وسَخْكم فيه منفعة ، صاروا يوَسّخوا ويُطموا .
44 ـ غالوا للمشنوق غَطِّ رجليك ، قال إن رءجِعْت عاتبوني .
45 ـ قالوا يا أميّ شَرّفيني ، قالت لموت بيعرفوني . ( شرّفوني : من الشَرَف )
46 ـ قالوا يافرعون مين فرْعَنَك ؟ قال ما حدا ردّني .
47 ـ قالوا يا حواجبو يا عيونو ، قالوا ع المُغْتَسَل ببان . ( بانَ : ظهرَ )
48 ـ قام الدثبّ ليرقُص قتَل سبعس تْمِنْ تُنْفُس .
49 ـ قالوا لا تْسُدّها جيب الفاس وهُدّها .
50 ـ قامت القيامة يالله السلامة .
51 ـ القانون ع ناس وناس .
52 ـ القايم قايم والقاعد عم يِزْحَف .
53 ـ القُبْح حارس المرا .
54 ـ قبل ما تِحْبَل حَضّرِت الكَمّون وقبل ما تولَد سَمِّتو مأمون .
55 ـ قبل ما تْحَوِّر سقفَك اشتري لأرضك حصير .
56 ـ قبْل ما تطّلِع الكلمة غَرْبِلها .
57 ـ قبل ما تْفَصِّل قيس .
58 ـ قبل ما تمشي عُدّ خُطواتَك .
59 ـ قبل ما يوصَل للبحر شَمَّر .
60 ـ فتلني وبكى سبقني واشتكى .
61 ـ قَدّ ما يروح من الشياطين بِخِفّ عن الملايكة .
62 ـ قْعود بعيد واحكي شو ما بتريد .
63 ـ قدّها قدّ الفارة وصوتها مَلاّ الحارة . ( ......... صرَعْ الحارة )
64 ـ قَدّها وقدود .
65 ـ القرباطي بضَل قرباطي . ( نَوَري )
66 ـ القْرِد بعين أمّه غزال .
67 ـ قرد وحارس وبيّاع مكانِس .
68 ـ قرش الأهل سهل .
69 ـ القِرْش بِفَرِّق الأخ عن أخوه .
70 ـ قرش فوق قرش بصيرو اتنين .
71 ـ القرش ما بغطّي الشِرْش .
72 ـ قرشَك بجيبَك ساتِر عيبَك .
73 ـ قرشَك بِعُبَّك الناس بتحُبّك .
74 ـ قُرص العجين ما بينكِسِر .
75 ـ قَرْصة الحيّة ولا مَدّ إيد المريِّة القوية .
76 ـ قَرَصْتها بِرُكْبِتْها جوَّزتها بِجُمْعِتها .
77 ـ القَرْع لمّا استوى قال للخيار يا لوبي . ( لوبياء )
78 ـ القرعَة بتتباها بشعر بنت اختها . ( ..... بنت خالتها )
79 ـ القَرْعة بمشطين والجقمة بعِلكين .
80 ـ قرقع الدِست طار الغطا .
81 ـ قريبك لا تقربو بِلُطَّك عقربو .
82 ـ قيبك لا تقربو بيقرصك عقربو .
83 ـ قريشي على ها العيشي .
84 ـ قسّيس ما بيفتَح أبواب الجنّة .
85 ـ قسيس البت مالو بَرَكِة .
86 ـ قَصّ ضِفْرَك ولا تجور عليه ، الإنسان ما بيعرِف شو مقدّر عليه .
87 ـ قُصّ طيرَك بضَلّ حولَك ، إن طال ريشو بروح لغيرَك .
88 ـ القصّاب مالو صاحِب .
89 ـ القصيرة بتحَسِّب حالها صغيرة .
90 ـ القصير ما بياكُل تين .
91 ـ القُطّ ما بحُبّ غير خَنّاقو .
92 ـ قُطّ ما بيهرُب من عُرس .
93 ـ قْطاع راس القُطّ من أوَّل ليلة .
94 ـ القُطّة من عجلتها بتجيب اولادها عُميان .
95 ـ قُطبِة كيف ما كان ولا شِقّ يبان .
96 ـ قطرميز وانشَعَر . ( ....... وانكسَر )
97 ـ قَطْع الأعناق ولا قطْع الأرزاق .
98 ـ القطن أحمر والمْكَفِن أعوَر .
99 ـ قعود بَرَّا ولا تقعد جنب الجَرّة .
100 ـ القَفا قَفا كِنّة والوجه كُرْسَنّة .
101 ـ قُفِّة هَمّ .
102 ـ القلب اللذي بحب ما بيبغض .
103 ـ القلب بِحِنّ .
104 ـ قلبي على ولدي وقلب ولدي ع الحَجَر .
105 ـ قلبي من الحامض لاوي .
106 ـ قلبي من العَجّور منجور .
107 ـ قِلِّة الخَبَر خَبَر .
108 ـ القَلَم ما بضَيِّع شي .
109 ـ قُلْنا لو هنيئاً ن شِرِب الخابِة .
110 ـ قُلنالَك عمّدو ، ما قُلنالك اخنُقوا . ( الكلام للخوري عند العمادة )
111 ـ القِلِّة بتْحَمِّل الآغا سَلِّة .
112 ـ القلوب شواهد .
113 ـ القلوب عند بعضها .
114 ـ القلوب ما متل بعضها .
115 ـ قليل المرُوِّة بصير فَلَكي .
116 ـ القمار توب من نار .
117 ـ القمار خَرّاب الدّيار .
118 ـ القمَر بالسّما ما اكتَمَل .
119 ـ القناعة كنز لا يُفنى .
120 ـ القضنءص صعب .
121 ـ القهوة المُرّة بْهَارْها نارْها . ( بكثرة غليها )
122 ـ قهوِتْكُنْ مشِروبي .
123 ـ قول بْوِشّو ولا تْغُشّو .
124 ـ قول للحُبّ بُهْ بِقولّك بُهِّين .
125 ـ قُولُو متل بُولوُ .
126 ـ قُولّيّ لقولّك .
127 ـ القوي بيلكُل الضعيف .

[b7bik fairouz]

رد: كتاب امثال حمص الشعبية

الحرف ك ( العدد 238 )

الحــــــــــــــــرف ك
1 ـ كار الحُبّ ما دَخَل بالطِبّ .
2 ـ كار القوت ما بموت .
3 ـ الكار ماهو عار غن ما غَنَى بيسْتُر .
4 ـ كان بالقُفِّة صار ع الأدنين .
5 ـ كانت الطنجرة ناقصة بيتنجاني .
6 ـ كانت بالجَرَّة وطِلعِت لبَرَّا .
7 ـ كانت عريانة وحفيانة ن صاروا يصيحولها : سِت فلانة .
8 ـ كاوي السّعيد يسْعَد وكاوي الحدّاد يحرق بنارو .
9 ـ كَبّ القهوة خير .
10 ـ كُبّ على قفاه ميّ باردة وزُتُّو .
11 ـ الكَبَر عَبَر والصبا جنون .
12 ـ كَبَر كبِرْنا وقل ما كْمِلْنا .
13 ـ الكُبْرا بتعمي .
14 ـ الكُبْرا هَدِّت ابن سعود .
15 ـ كْبِرْتْ ياإنفي وصِرْت تمَخِّط .
16 ـ كْبِرْتي يا نانا ولبِسْتي الكُتّانا ، ونسيتي التدريجي من خانا لخانا .
17 ـ الكَبَر والصُغر من الشيطان .
18 ـ كَبِّرها بتكبَر وصغّرها بتصغر .
19 ـ كَبَرْها ولو كانت مُرَّة . ( استكبرها و ...... )
20 ـ كَبَس ع الجِرْح ملح وسَكَت .
21 ـ الكبير إذا انجَلَق متل ............ إذا اندَلَق .
22 ـ الكبير إذا اندلع متل بان الشُشْمي أضا انخلَع .
23 ـ كبير القوم خادمهم .
24 ـ الكبير بالبيت بركة .
25 ـ الكبير مراية للصغير .
26 ـ الكتاب انكَتَب والمَهر على الله .
27 ـ الكتاب مبيّن من عنوانه .
28 ـ كُتْر الأيادي بتحرق الطبخة .
29 ـ كُتْر الحُزن بعلّم البكي .
30 ـ كُتْر الدَقّ بِفُكّ اللّحام .
31 ـ كَتِّر الروحة والجيّة على بيت أبوك بيكرهوك .
32 ـ كُتْر الزَّيار بيرخي . ( الزّيار : الشَدّ )
33 ـ كُتْر السمن ع البدوي صار ياكل ويْمَرِّخ إيديه .
34 ـ كُتْ الموت بهَوِّن ا لعزا .
35 ـ كُتْر المرعى بيعمي قلب الدَبِّة .
36 ـ كُتْر الوقعات بتعَلِّم المشي .
37 ـ كُتْرة البحّارة بتطالع السفينة لأعى الجَبَل .
38 ـ كترة الترحيب بتجيب ضيف الثقيل .
39 ـ كترة الضِحك بتقَلِّل الهيبة .
40 ـ كُتْرِتهم شماتة ولو كانوا تلاتة . ( يُقال للبنات )
41 ـ كترتهم متل قلّتهم .
42 ـ كترتهم من قلّتهم .
43 ـ كتير الحركة قليل البركة .
44 ـ كتير الغلبة بدّو قطع رقبة .
45 ـ كتير الكارات قليل البارات .
46 ـ كُحْتِة وبحُبّ الشُّحْدِة .
47 ـ الكُحل أحلى من العمى .
48 ـ الكذب المْسَطّر أحسن من الصدق المتْعَثّر .
49 ـ الكذب حبله قصير .
50 ـ الكذب ع الميّت مو ع الطيّب .
51 ـ الكرارا مالا شارا .
52 ـ الكرّارة سبقت السحّارة .
53 ـ كرامة الميت دفْنُه . ( إكرام ......... )
54 ـ كربوجة بلا ناطف . ( يُقال للبنت الجميلة )
55 ـ الكَرْمْ أكْرَم من صاحبو .
56 ـ كرمال عين تكرَك مرج عيون .
57 ـ كُرُّوّ ما بيحمل قزاز . ( الكُرَ : حمار صغير )
58 ـ كسَرْنا الدَفّ وبَطّلنا الغني .
59 ـ كسَّاب وَهّاب .
60 ـ الكسبة عند الفقرا حلاوة . ( الكسبة : التفل أو مخلّفات العصير )
61 ـ كَسَر إيدو ودار يشحَد عليها .
62 ـ كَسِّر حجار ولا تلعَب بالنار .
63 ـ الكَسَل ما بطعمي عسل .
64 ـ كِشّ بضرّا وبْعيد .
65 ـ كَشِّر عن نابَك كل الناس بتهابَك .
66 ـ الكعبة بتعْرى وبْتِكْتَسى .
67 ـ الكَفّ اللّي بعَلِّم ما بِضُرّ .
68 ـ كَفَّى ووفّى .
69 ـ كُلّ أتْرَة شِكل . ( أتْرة : لحظة )
70 ـ كُل أعوَر جِكِر .
71 ـ كل إناء ينضَح بما فيه .
72 ـ كل إنسان همّه على قَدُّه .
73 ـ كل الجْمَال بتعارِك إلاّ جَمَلْنا بارِك .
74 ـ كل الفار نِجِس .
75 ـ كل الكلاب أحسن من حمّور .
76 ـ كل الناس رقصِت ونحنا حطّينا النّقوط .
77 ـ كل بقرة بتعرِف اللّي بيحْلِبها مو صاحبها .
78 ـ كل تأخير خير .
79 ـ كل جديد إلو رهجة وكل عتيق إلو دفشة .
80 ـ كل جهازِك يا أمّون معالشق وصحون .
81 ـ كل جيل مع جيلو بيلعَب .
82 ـ كل حُجْرَة وإلها أُجْرَة .
83 ـ كل حمار بحَسّب حالو متل خيل الملك .
84 ـ كل حيّ وإلو قضاه .
85 ـ كل خارج نافع .
86 ـ كل دار وإلها بلّوعة .
87 ـ كل دِست وإلو مغرفة .
88 ـ كل دقن وإلها مُشْط .
89 ـ كل ديك على مزبلتو صيّاح .
90 ـ كل دَيْن إذا ما دُوِّن ضاع .
91 ـ كل ذي عاهة جبّار .
92 ـ كل ساعة وإلها ملايكتها .
93 ـ كل سدِّة برَدّة .
94 ـ كل سِرّ جاوز اتنين شاع .
95 ـ كل شارِب إلو مقَصّ .
96 ـ كل شجرة إلاّ وهزّها الرّيح .
97 ـ كل شعرة تحتها شيطان .
98 ـ كل شي أحسن من ابن آدم .
99 ـ كل شي إلو تمَن . ( كل شي بتمنو )
100 ـ كل شي إلو شي .
101 ـ كل شي إن زاد عن حَدُّو انقلب ضِدُّو .
102 ـ كل شي إذا زاد قتَل .
103 ـ كل شي إذا زاد بيرخص إلاّ العقل .
104 ـ كل شي بأوانو حلو . ( ........ بوقتو حلو )
105 ـ كل شي بأوّلو صعب .
106 ـ كل شي بالأمل إلاّ الرشزق بالعمل .
107 ـ كل شي بالبلاش لاش . ( لا شيء )
108 ـ كل شي بالتخمين إلاّ الألماش بالتتمين .
109 ـ كل شي بالدنيا إلو وجه وقفا .
110 ـ كل شي بيوجعو إلاّ مبلَعو . ( كناية عن كترة أكله )
111 ـ كل شي دواه الصبر إلاذ الصبر مال ودوا .
112 ـ كل شي عادة حتى العبادة .
113 ـ كل شي قُرْضة ودين حتّى دموع العين .
114 ـ كل شي قسمة ونصيب .
115 ـ كل شي ما بليق ، بهُرّ المعاليق .
116 ـ كل شي بيبدأ صغير وبيكبر ، إلاّ المصيبة تبدإ كبيرة وبتصغَر .
117 ـ كادل شيخ وإلو طريقة .
118 ـ كل طبخة وإلها غَلوة .
119 ـ كل طلعة وراها نزلة .
120 ـ كل طلْقة براحة .
121 ـ كل طويل دقن قليل عقل .
122 ـ كل طويل لا يخلو من الخَبَل وكل قصير لا يخلو من الفِتَن .
123 ـ كل طير لازِم يطير مع سِرْبو .
124 ـ كل عُرس إلو قُرص .
125 ـ كل عقدة وإلها حلاّل .
126 ـ كل من على شكلو شكشكلو .
127 ـ كل عنزة معلّقة بكرعوبها .
128 ـ كل عود فيه دُخّاخ .
129 ـ كل عيش إلو كريش . ( العيش : الطعام . الكريش : الكرش )
130 ـ كل غريب لبلادو راجع .
131 ـ كل فولة مسوّسة إلها كيَال أعوَر . ( كل قمحة ....... )
132 ـ كل فولة وإلها كيّال .
133 ـ كل لسان بإنسان .
134 ـ كل ما استنّينا قَمْرَة بتجينا ظلمة .
135 ـ كل ما جُعْت بتاكل طيّب .
136 ـ كل ما دَقّ الكوز بالجَرّة .
137 ـ كل ما شابت طابِت .
138 ـ كل ما طالِت القصّة بيطلضعْلها إيدين ورِجلين .
139 ـ كل ما طِوِل مِرْسالَك بَشّر بالخير .
140 ـ كل ما غِرِق مركَبَك زيدو رَفْسة .
141 ـ كل ما فتح جزدانو بترجِف سيقانو . ( كناية عن البخل )
142 ـ كل ما فشخْنا فشخة لقُدذام منرجع تلاتو لوَرا .
143 ـ كل ما نَطِّت فارة بكون عيد عند النصارى .
144 ـ كل ما نفَخْتو مَلَكْتو .
145 ـ كل مداس إلو لباس .
146 ـ كل ممنوع مرغوب .
147 ـ كل موتة وإلها سبب .
148 ـ كل مين بقَلّع شوكو بإيدو .
149 ـ كل مين بيبكي على ميّته .
150 ـ كل مين بيرقص بدورو .
151 ـ كل مين بيزرع حقله بعقله .
152 ـ كل مين ع ليلو بغَنّي . (........ بغنّي ع ليلو )
153 ـ كل مين عِرِف إنّي أرملة شَمَّر وإجا هَرْوَلة .
154 ـ كل مين عقله براسه بيعرِف خلاصه .
155 ـ كل مين عقلو عاجبو .
156 ـ كل مين هَمّه على قَدُّه .
157 ـ كل ها الدعكة على ها الكعكة !
158 ـ كل هبوب اعطيه شراعو .
159 ـ كل هَمّ إلى فَرَج .
160 ـ كل واحد بِجُرّ اللحاف لصوبو .
161 ـ كل واحد بغنّي على ليلو . ( ....... كيفو )
162 ـ كل واحد بنام ع الجَنَب اللّي بريّحو .
163 ـ كل واحد بيشكي من جِرْحو .
164 ـ كل واحد بيعمل بأصلو .
165 ـ كل واحد بينذِكِر بأعماله .
166 ـ كل واحد رضيان بعقله .
167 ـ كل واحد ذنْبه على جنْبه .
168 ـ كل واحد مَخْتطه على تُمُّه حلوة .
169 ـ كل واحد ريقه بتمّه حلو .
170 ـ كل واحد بعاشر مرتو بمعرشفءتو .
171 ـ كل وقت إلو أذان . ( ......... صلاتو )
172 ـ كل وقت إلو حُكْمو .
173 ـ كل يو إلو شمسو .
174 ـ الكلام أخد وعطا .
175 ـ اللام إلِك يا جارة اسمعي يا كِنّي .
176 ـ كلام السى ما بينتسى .
177 ـ كلام الشُفَف ما بعبّي قُفَف .
178 ـ الكلام الليّن ما بيكسر العضام ز
179 ـ كلام الليل يمحيه النهار .
180 ـ كلام كتير فعل قليل .
181 ـ كلامك ما بيطلَع من تحت رِجلك .
182 ـ كلامو فات من ها الإدن طِلِع من ها الإدن .
183 ـ كلامو من قفا الدِسْت .
184 ـ كلب الحاكم حاكم .
185 ـ الكلب اللّي بدّك تجُرّو ع الصّيد بلاه وبلا صيدو .
186 ـ كلب تُدْمُر راح لبلاد الروم وعاد . ( لايعيش أهل تدمر إلاّ فيها )
187 ـ كلب خلّف جروْ طِلِع أرزَل من أبيه .
188 ـ كلب فلتان أحسن من سبع مربوط .
189 ـ الكلب ما بشعَضّ أخوه .
190 ـ كلب معجون بمرقة كلاب .
191 ـ كلبَك ما بعَضّك .
192 ـ كلمة الحقّ مُرّة .
193 ـ الكلمة اللّي بمحلّها يا محلاها .
194 ـ الكلمة اللّي ما بتنسِمع يا خسارة اللَي قايلها .
195 ـ كلمة بتاخدو وكلمة بتجيبو .
196 ـ كلمة تفَضّل في مقابيلها : عِشْتْ .
197 ـ كلمة وُرَدّ غطاها .
198 ـ كلمة وقُلْناها شو صار ؟ .
199 ـ كلمة ياريت ما عَمّرِت بيت .
200 ـ كلمتو ما بتصير تنتين .
201 ـ كلمتو ما بتنزل ع الأرض ز
202 ـ كلمتين أحسن من عشرة .
203 ـ كلمتين وُرَدّ غطاهم .
204 ـ كُلّنا باطاحون بلابِل .
205 ـ كُلّنَا بالهوى سوا ز
206 ـ كُلُّه عند العرب صابون .
207 ـ كما تراني ياجميا براك .
208 ـ كِمِلْ النُقْل بالزعرور .
209 ـ كُنْ مع الله ولا تُبالي .
210 ـ الكِنِّة إن كَنَّنتيها بتكِن وغن جنَّنتيها بتجِن .
211 ـ الكنّة قالت لبيت احماها : طِقُّوا أنا حِبلي ، قالوا : السّهر لعينيكِ والوَخَم لإيديكِ .
212 ـ كِنّتي شاطرة الغَوا وشَمّ الهوا .
213 ـ الكندرة بالعتبة والشرشف على قصبة .
214 ـ الكِتْرِة بتغْلِب الشجاعة .
215 ـ كَنِّس بيتك ما بتعرِف مبن بدوسو وغَسِّل وجهك ما بتعرف مين ببوسو .
216 ـ الكنيسة القريبة ما بتشفي .
217 ـ الكنيسة بتَعرف أهلها .
218 ـ الكنيسة عتمي والخوري أعمى .
219 ـ كول أكل الجمال وقوم قبل الرّجال .
220 ـ كولا لتوم بقشورو بيغنيك عن الطبيب وحضورو .
221 ـ كول بكّير ونام بكّير وشوف الصحة كيف بتصير .
222 ـ كول خُبْزَك مع الجُيّاع .
223 ـ كول خسّ واندَسّ .
224 ـ كول دبس وزيت وناطح الحيط .
225 ـ كول زيت وادهَن بزيت والله مبارشك بالزذيت .
226 ـ كول زيت وطَلِّع ع زنودَك وكول سمن وطَلِّع ع خدودَك .
227 ـ كول ما تشتهي نفْسَك والبِس ما يشتهي الناس .
228 ـ كول لِفْت ولو تْلِفْتْ .
229 ـ كول واشرب مع الأهل وبيع واشتري مع الغريب .
230 ـ كوم فيران ولا ها الجيران .
231 ـ كومة حجار ولا ها الجار .
232 ـ كونو أُختين إلْكُن بَختين .
233 ـ كوَّيِّس ورْخَيِّص وإبن ناس .
234 ـ كيد الرْجال قدّ الجبال وكيد النسا قد الرجال .
235 ـ كيد النسا غلَب كيد الرجال .
236 ـ كيف ما تراني ياجميل براك .
237 ـ كل خارج نافع .
238 ـ كشرءشو كبير وعينو ضيّقة .

[b7bik fairouz]

رد: كتاب امثال حمص الشعبية

الحرف ل ( العدد 439 )

الحـــــــــــــرف ل
1 ـ لَياكُل توم بيعرِف طعمو .
2 ـ لأجل الورد يسقي العُلِّيق .
3 ـ لأنّك ما قدِرْت ع حماتك بدّك تتفشفش بمراتك .
4 ـ لا اكل إلاّ أكل اللّحم ولا نار إلاّ نار الفحم .
5 ـ لا السّما بترفعك ولا الأرض بتبلعك .
6 ـ لا بِشُمّ ولا بدوق .
7 ـ لا بِصُدّ ولا بِرُدّ .
8 ـ لا بقاتِل ولا بْلُمّ حجار .
9 ـ لا بيرحمو ولا بخلّي رحمة الله تنزل عليه .
10 ـ لا بيعَضّ ولا بيخَرْمش .
11 ـ لا تاكل قطايف إلاّ والسمن عليه طايف .
12 ـ لا تتخبّا ورا أصبعك .
13 ـ لا تخاف من الآغا خاف من كلبو .
14 ـ لابس بدلة أفرنجية وبجيبتو ما في مصرية .
15 ـ لا تستعيري يا جارا ، السمّان براس الحارة .
16 ـ لا تِشْرَب وانت عرقان .
17 ـ لا تشوفها عروس مجليّة شوفها حِبلي بِكْرِيّة .
18 ـ لا تصيد الدّيب بالفخّ نفْسو مرّتين .
19 ـ لا تطعِم العبد الكِراع بيطمع بالذراع .
20 ـ لا تعمِل معروف إلاّ مع أهلو .
21 ـ لا تقطع دنب جحشك بين اتنين ، واحد بقول طويل وواحد بقول قصير .
22 ـ لا تلحق الدّلف الدّلف بيلحقك .
23 ـ لا معَلّقا ولا مطلّقا .
24 ـ لا معنى ولا مبنى .
25 ـ لا من تُمّو ولا من كُمّو .
26 ـ لا يْضُرّ السّحَاب نبح الكلاب .
27 ـ لا إحسان ولا حلاوة لسان .
28 ـ لا أصل شريف ولا وجه لطيف .
29 ـ لا بتنحِلِب ولا بتِنْجِلِب .
30 ـ لبس الأبيض بالليل أسود .
31 ـ لا تأمّن للمراإذا صَلِّت ، ولا للخيل إذا طَلِّت ، ولا للشمس إذا وَلِّت .
32 ـ لا تأمّن للملوك ولو ولُّوك ولا تأمّن للنسا ولو عِبْدوك .
33 ـ لا تأمّن للّي عيونو زُرءق وسنانو فُرْق .
34 ـ لا تاخد ارملة وخَدّها مشموم ، شو ما عملت معها بتقولّك مو متل المرحوم .
35 ـ لا تاخد الرفسة الماكنة إلاّ من الحمار الضعيف .
36 ـ لا تاخد القرعة ولا بنت جارتها .
37 ـ لا تاخد حمارا وامّها بالحارة .
38 ـ لا تاخد حنّانة ولا منّاتة ولا أنّانة .
39 ـ لا تاخد صاحِب إلاّ من بعد قتْلِة .
40 ـ لا تاخد من الأقرع لا رأي ولا نصيحة ، إن كان ربّو بحبّو كان خلّى راسو صحيحة .
41 ـ لا تبيع الميّ بحارة السقايين .
42 ـ لا تبيع رخيص ولا تْوَصّي حريص .
43 ـ لا تتدَيَّن لا من جار ولا من صاحب حمار .
44 ـ لا تْجُرّ حَبْل قُدّام بيت مشنوق .
45 ـ لا تجْعَل الدنيا أكبَر همّك مالَك فيها غير لُقمة تُمَّك .
46 ـ لا تحرّكو بتطلَع ريحتو . ( عن البراز )
47 ـ لاتحُطّ بالرُزّ بَصل .
48 ـ لا تخلّينا نفتَح جرابنا ؟ .
49 ـ لا تدخل بين البصلة وقشرتها ما بنوبك منها غير ريحتها .
50 ـ لا تِدْعي بالسّعادة لصاحبَك بتخسَرو .
51 ـ لا تُدْفُش الدّايخ بيوقع لحالو .
52 ـ لا تْذُم ولا تُشْكُر إلاّ بعد ست أشهر .
53 ـ لا تركَب حمارا وصاحبها بالحارا
54 ـ لا تسأل العريان وين تيابَك .
55 ـ لا تسقط الثمرة بعيدة عن الشجرة .
56 ـ لا تشكيلي ببكيلك .
57 ـ لا تشْلُف العصا قُدّام الراعي . ( لأنه بارِع في رمي العصا )
58 ـ لا تشيلوا ولا خيط صوف عنكم لَتُخْلُص الشتوية .
59 ـ لا تعادي الحماية المرا بتعمل نكاية .
60 ـ لا تعاشِر صاحب زعامة ولا كبير عمامة .
61 ـ لا تْعَلِّم اليتيم البكي .
62 ـ لا تعمِل لقفّة الزبالة أدنين .
63 ـ لا تْعَنْفِص يا حماري سبقوك كل الحمير .
64 ـ لا تغسلي التَنين لأنذو يوم الحَسَن والحسين . ( التنين : يوم الإثنين )
65 ـ لا تفرحي بتياب عُرْسِك يا ما وراهم من شقا .
66 ـ لا تِفْشَخ أكتر ما فيك .
67 ـ لا بشس جوخ ورامي جوخ والفارا ببيتو بتدوخ .
68 ـ لا تقول عنب حتى يصير بالسَلّة .
69 ـ لا تقول فول حتى يصير بالمكيول .
70 ـ لا تقول كاني وماني ولا فوقاني ولا تحتاني .
71 ـ لا تقول للأعوَر أعوَر بعينك .
72 ـ لا تقول للمُغَنّي غنّي ولا للرَقّاص ارقص .
73 ـ لا تقول مِسْلِم نُصراني كلّنا اولاد الفوقاني .
74 ـ لا تِكْبَر الله أكبَر .
75 ـ لا تْكَتِّر كلامك بِقِلّ مقامك .
76 ـ لا تكُن قاسياً فتُكْسَر ولا ليّناً فَتُعْصَر .
77 ـ لا تْمُدّ إيدك الغرقان بتِغْرَق معو .
78 ـ لا تهرِف بما لا تعرف .
79 ـ لاجدايل تسعة ولا بالمَرّة ع القرعة .
80 ـ لاحقو ع الدعسة .
81 ـ لازم تكَشِّر عن أنيابك حتى الناس تهابَك .
82 ـ لاطول سَنَدْ حيط ولا حُسْن عَمّر بيت .
83 ـ لا طيراً يطير ولا وحْشاً يسير .
84 ـ لا عتاب بعد الموت .
85 ـ لا عين تشوف ولا قلب يحزن .
86 ـ لا غَنَمْنا مع الغنّام ولا حسابنا مع الرّاعي .
87 ـ لاقيلي ولا تطعميني .
88 ـ لا كان رِجِع ولا جاب الغَلا معو .
89 ـ لا منمشي بين القبور ولا منشوف منامات وحشي . ( لا منّام ......... )
90 ـ لا مين عَمّر سَكَن ، ولا مين موَّن أكل .
91 ـ لا ناقة لي فيها ولا جَمَل .
92 ـ لا هابوب ولا رابوب .
93 ـ لا يؤكل لحم الكلب ولو كان سمين .
94 ـ لا يستقيم الظِلّ والعود أعوَج .
95 ـ لا يْغُرَّك الكُرّ أوّل طلوعو .
96 ـ لا يموت الديب ولا يفنى الغنم .
97 ـ لْبَاس مالو دِكَّتو بأربطعْش . (14)
98 ـ لَبِّس الأسمر أحمر واضحاك عليه ، ولَبِّس الأبيض أحمر وتْفَرَّج عليه .
99 ـ لَبِّس الخشبة بتصير عجبة .
100 ـ لَبِّس الماشّي بتصير فُرْجِة . ( المأشي : المكنسة )
101 ـ لسانو بِلُفّ ع القلعة .
102 ـ لَبُكْرا فَرَجْ .
103 ـ اللُّبْس بعَلِّم المَشيْ والمال بعَلِّم الحَكيْ .
104 ـ لَبِّس العُود بجود .
105 ـ لتوصَل ليها بتْسَلِّم عليها .
106 ـ لحاف العيري ما بدَفّي وان دَفّى ما بدوم .
107 ـ لحالي مالي قُدْرَة ، ولغيري متل المُهْرُة .
108 ـ اللّحاّام : الكلب جليسه والدُبّان أنيسه وإبليس كيسه .
109 ـ اللّحم الرّخيص بِكَسِّر القدور .
110 ـ لزقة أميركانية .
111 ـ لزقة ، متل لزقة ميدَع . ( عائلة من قرية زيدل مشهورة بتجبير الكُسور )
112 ـ لسان الجرارة بيقلِب السحّارة . ( الجرارة : كثيرة الكلام )
113 ـ لسانك حصانك إن صُنْتو صانك وإن خُنْتو خانك .
114 ـ لسلنو بطالع الحيّة من وِكْرها .
115 لسانو متل المبْرَد .
116 ـ لسانو أكَلُو القُطّ .
117 ـ لِسَّى الخير لقُدَّام .
118 ـ لِسَّى فرحتنا ما وِصْلت لقرعتنا .
119 ـ لِسَّى ما اختفى دنبو بيّن راس ابنو .
120 ـ لِسَّى ما فقست البيضة من تحتو .
121 ـ لِعِب الفار بعُبّو .
122 ـ اللّفّة مصقولة والجيب ما في فولة .
123 ـ اللّقمة الزايدة ما لها فايدة .
124 ـ لُقمة السُّكبة طيّبة .
125 ـ لُقمة اللّي بتمّو ما إلو .
126 ـ لُقمة تحت حيطا ولا خاروف بعيطة .
127 ـ لقيِّة الأرض حلال .
128 ـ لُبْسْ العيّار أبيض .
129 ـ لولا الموتى تموت ما صار للأحياء بيوت .
130 ـ لكل دهر رجال .
131 ـ لميّناهم بالحَبِّة إجا الجَمَل غَبّهُم بفَرْد غَبِّة .
132 ـ الله إذا أعطى أدهَش وإذا أخد فَتّش .
133 ـ الله بالعين ما انشاف بالعقل انعَرَف .
134 ـ الله ببارِك اللّي بيجمع راسين ع فراش واحد .
135 ـ الله بجَرِّب خايفينو .
136 ـ الله بَخَشو ودَفَشو .
137 ـ الله بساعد القايم والمرتكي والنايم .
138 ـ الله بيبعت الجوز للّي مالو ضراس .
139 ـ الله ببعت الحَلَق للّي مالو أدنين .
140 ـ الله بيُستُر ع اللّي بيُستُر .
141 ـ الله بيعطي فلوسو لتيوسو .
142 ـ الله بيعطي قروشو لجحوشو .
143 ـ الله بيعطي الغني كياس وللفقير .......
144 ـ الله جَمَع ووفَّق .
145 ـ الله حبالو طوال . ( طويلة )
146 ـ الله حَطّ سِرُّه بأضعَف خَلْقُه .
147 ـ الله خلَق أخّين وما خَلَق عقلين .
148 ـ الله خلَق الخبز لبني آدم والتبن للدَبِّة .
149 ـ الله خَلق العالم بست أيام .
150 ـ الله خَلَقو ونسي لو دَنَبو .
151 ـ الله ساوانا بالإسم والجسم والموت .
152 ـ الله عاجْنَك وخابزَك .
153 ـ الله عرفَك وشَايفك .
154 ـ الله لا يْذُلّ عزيز . ( دعاء )
155 ـ الله لا يشيل الشدّة عن قلبز . ( دعاء )
156 ـ الله لا يعيز حدي لحدي . ( دعاء )
157 ـ الله ما بيبلي إلاّ بعين . ( ........ حتى بعين )
158 ـ الله ما عندو حجار يضرب فيها .
159 ـ الله ما تَقّل فيه أرض ولا كَرَّه فيه عبد .
160 ـ الله مع الهوايش .
161 ـ الله بسابع جار .
162 ـ الله يتْحَنّن . ( دعاء )
163 ـ الله يجيرنا من النسوان إنْ فَجْرِت ومن الرجال إنْ هَجْمِت .
164 ـ الله لا يحيج حدا لا لحاكِم ولا لحكيم .
165 ـ الله يحيينا ويفرجينا .
166 ـ الله يديم البقلة ع البقّال وشليف الوسخ ع الزبّال .
167 ـ الله يديمَك يا لساني يللّي بتُمّي ، وين ما دِرْتَك بتندار .
168 ـ الله يِرحَم ديك الحَبضش طلِعْلّو غُدِّة قدّ ما انتفَش .
169 ـ الله يساعد جوزي صار متقاعد .
170 ـ الله يعطينا خير ها الضحك .
171 ـ الله يعين الرجّال كل يوم بحال .
172 ـ الله يعين اللذي بروح وبِوَكْلكء بأولادو .
173 ـ الله يْلَحِّق الحَبْل بالدّلو .
174 ـ الله ينجّينا من جوعان وشِبِع ، ومن عريان واكتَسى ، ومن حفيان وتْقَبْقَب . ( لبس قبقاب )
175 ـ الله يوّفِّق لَنْصَفَق .
176 ـ لَهِّي الكلب بعضمة .
177 ـ لو الاسم بينباع بفلوس كانوا سمّوا القمر فانوس .
178 ـ لو خوَّفونا الضفادع ما خفنا من السّواقي .
179 ـ لو دَقّو لحمي ولحمو بالجثرءن ما بتطايَر . ( خلاف المرأة مع زوجها )
180 ـ لو رُحنا ع القبور بيطلعلنا داقور .
181 ـ لو قُلْت تمرة لقال جمرة .
182 ـ لو كان الاسم بينشرى كان الفقير سمّى ابنو خرا .
183 ـ لو كان للمرا عقل كان طِلِعلها دقن .
184 ـ لو كانت المحبّة بتدوم كانت القيامة بتقوم .
185 ـ لو كنت بدّي آكل من كيسي ما سمّيتك عريسي .
186 ـ لو كنت طبيب لطَبَّبت أنا حالي .
187 ـ لو ما بعرفِك ياطيزي ، لسمّيكي عطر العطّار .
188 ـ لو ماشالوني من تحتو كنت دبَحتو .
189 ـ لو ما شالوني من تحتو كنت فَطَّسْتو .
190 ـ لو منّه خير ما رماه الطّير .
191 ـ لوكان بالبومة خير ما كان تلركها الصيّاد وصاد الطّير .
192 ـ لولا أهل قطينة والدّوير كانت الناس بألف خير .
193 ـ لولا اختلاف الزّوق لبقي كل شي بالسّوق .
194 ـ لولا الأمل بطل العمل .
195 ـ لولا الجرادة ما وقع العصفور .
196 ـ لولا السُمْسارة ما نَفْقشت بنت الحارة .
197 ـ لولا العصا ما إجا البوش طايع .
198 ـ لولا الغيرة والحسد كانت عجوز بتكَفّي بلد .
199 ـ لولا الغيرة ما حِبْلشت الأميرة .
200 ـ لولا القُرَّة والجرجير كانوا ماتوا ناس كتير .
201 ـ لولا الكاسورة ما عِمْرت المعمورة .
202 ـ لولا سلامك ما بيسبُق كلامك لكُنْت أكلتك وفصفصت عضامك .
203 ـ لولا علبة مكّي كانت الحالة بتبكّي . ( مكي : أدوات التجميل )
204 ـ لولا كُمّي ما أكل تُمَي .
205 ـ لولا وْلادي شو جاب وْلاد الناس لبلادي ؟ .
206 ـ لولاكِ يا جارتي طَقِّت مرارتي .
207 ـ اللّي أكل الدّبس علَّق بشاربو .
208 ـ اللّي إلو أوّل إلو آخر .
209 ـ اللّي إلو بلعوم بيوقع وبقوم .
210 ـ اللّي إلو بيت وحدو إلو ربّ وحدو .
211 ـ اللّي إلو ضهر ما بينضِرب على بطنو .
212 ـ اللي إلو عُمْر ما بتقتله شدّة .
213 ـ اللي إلو من الجَمَل إدنو بِبَرّكو ع الأرض .
214 ـ اللّي أمّو خبّازة ما بجوع .
215 ـ اللّي أوّله شرط آخرو سلامة .
216 ـ اللّي إيدو بالميّ ما متل اللّي إيدو بالنار .
217 ـ اللّي بدّو يكذِب يشبْعِد شهودو .
218 ـ اللي باعو طويل لسانو طويل .
219 اللّي ببلاش ما بينحاش .
220 ـ اللذي ببيت أهله على مهله .
221 ـ اللّي ببيعَل بالفول بيعو بالقشور .
222 ـ اللّي بتاجشر بالسمّ بيلْحَس مِنُّو .
223 ـ اللّي بتاكلو بِرُوح واللّي بتطعْمو بفوح .
224 ـ اللّي بتبيعو بتخسرو اللّي بتشتريه بتربحو .
225 ـ اللّي بتجيبو السذمرا ما بكفِّها بودرة وحُمرة .
226 ـ اللّي بتحُطّو بالدِست بيطلَع بالمغرفة .
227 ـ اللي بتزرعو بتحصدو .
228 ـ اللّي بتزيّنو عروقو ما بتزيّنو خروقو .
229 ـ اللّي بتسأل جوزها بأيام البيتنجان شو بدنا نطبخ ، بتتطلّق .
230 ـ اللّي بتطبخ منّو بتاكل منّو .
231 اللّي بتعرِف حقّ دمّو اقتلو .
232 ـ اللي بتعرِف دِيّتو اقتلو .
233 ـ اللي بتعضّو الحية بخاف من الحبْل .
234 ـ اللّي بتعضو الحية بخاف يمُدّ إيدو على وِكْها .
235 ـ اللّي بتكءرَه وجهو بُكْرا بيلزَمك قفاه .
236 ـ اللي بتلاقيه بالبحر ما بتلاقيه بالنهر .
237 ـ اللّي بتمّو لسان ما بضيع .
238 ـ اللّي بتولد بمكّة بتجيب أخبارها الحُجّاج .
239 ـ اللّي معو مصريّة بقول ما بريدها ، واللّي معو ميّة بقول يارب زيدها .
240 ـ اللّ بطيزو مسَلذة بتنخزو .
241 ـ اللّي بِجُور ع شبابو بتجور عليه شيخوختو .
242 ـ اللّي بحثبّ النبي يخلي .
243 ـ اللّي بحب نفْسه بتكرهو الناس .
244 ـ اللّي بحُطّ إيدو تحت راسو بلاقيها .
245 ـ اللّي بخاف من الدبّ بيطلَع بوجهو .
246 ـ اللي بخاف من العفريت بيطلعلو بالمنام .
247 ـ اللّي بخاف من القرد بيركبو .
248 ـ اللّي بخاف من الله لا تخاف منّو ولا تخاف عليه .
249 ـ اللي بخَفِّف راسو بيوجعوو رجليه .
250 ـ اللّي كسبناه بالدبس خسرناه بالطحينة .
251 ـ اللّي بدُّو يِسْكَر ما بدّو يْعُدّ قداح .
252 ـ اللّي بدثقّ الباب بدّو يسمع الجواب ز
253 ـ اللي بدَّك تحَيْرو خيّرو . ( إذا بدَّك ....... )
254 ـ اللّي بدذك ترهنو بيعو .
255 ـ اللّي بدكم تخدموه طيعوه .
256 ـ اللّي بِدُل ع الخير متل اللّي بيعملو .
257 ـ اللّي بدّو ياكل عسل بدّو يصبر ع قَرْص النّحل .
258 ـ اللّي بدّو يعيش بهالحياة بدّو ياخدها على علّتها .
259 ـ اللّي بدذو يُغْنى بسنة بيفْقَر بشهر .
260 اللي بدّو يكري قفاه ما بدّو يْلَمِّس عليها .
261 ـ اللّي بدّو يكشف حالو للدبابير ما بدّو يقول شو التدبير .
262 ـ اللّي بدّو يلاعِب القط بدّو يلقى خراميشو .
263 ـ اللي بدّو يلاقيلي بمنخار طويل أنا بلاقيلو بمنخار طويل .
264 ـ اللي بدَوِّر ع ربّو بلاقيه .
265 ـ اللّي بدوق بيعرف .
266 ـ اللّي براسو موّال بدّو يغنيه .
267 ـ اللّي بروح ما بيرجع .
268 ـ اللّي بروح وحدو لعند القاضي بيرجع راضي .
269 ـ اللّي بزيد عن الحرامية بياخدوه المنجّمين .
270 ـ اللّي بسَلّمك مدبحو لا تدبحو .
271 ـ اللّي بشُخ وبنام مالو منام .
272 ـ اللّي بشوف مصيبة غيرو بتهون عليه مصيبتو .
273 ـ اللّي بِصِحِلُّو لبن الضَرف بيغرِف غَرْف .
274 ـ اللّي بطَلِّع عليك بعين طَلِّع عليه بعينتين .
275 ـ اللّي بطضلِّع لفوق بتنقِرِف رقبتو .
276 ـ اللّي بعاشِر الحكيم بموت سقيم .
277 ـ اللّي بعاشر الفقير بيقسى قلبو .
278 ـ اللّي ما كَتَبْ وما دَرَس شُدُّوه بين الحمار والفَرَس .
279 ـ اللّي بعاشر النسوان بشقِلّ عقلو .
280 ـ اللّي بِعَضّك وما تْعَضّو بِحَسّبَك بلا اسنان .
281 ـ اللّي بعضلِّق عينو بالنجوم لازِم يخَلّي رجليه ع الأرض .
282 ـ اللّي بِعيش بيحدي بالمعرّة .
283 ـ اللّي بغَيِّر عادْته بِتْقِلّ سعادته .
284 ـ اللّي بِكَبِّر لُقمتو بِغِص .
285 ـ اللّي بِمُدّ إيدو ع الدّراخيش بتعَضّو الحيّات .
286 ـ اللّي بنام مع الكلاب بفيق مع البراغيت .
287 ـ اللّي بياخد أموال الناس بدّو يوفيها واللّي بدو ياخد بنات الناس بدّو يكفيها .
288 ـ اللّي بياخد أمّي بسمِّيه عمّي .
289 ـ اللّي يباخُد مَالَك خود روحو .
290 ـ اللّي بياخد من غير مِلّتو بموت بعِلّتو .
291 ـ اللي بياخد من مال المرا بصير مسخرا .
292 ـ اللي بياكل الحلوة بيصبثر ع المُرّة .
293 ـ اللّي بياكل العُصْيّ ما متل اللّي بعُدّها .
294 ـ اللّي بياكل حاوتها بدّو ياكل مُرّتها .
295 ـ اللّي بياكل على درسو بينفَع نفْسو . ( درسو : ضرسه )
296 ـ اللّي بياكل لحمة نيّة بيوجعو بطنو .
297 ـ اللّي بياكل من خبز السلطان بيضْرُب بسيفو .
298 ـ اللي بيتجَوّز بالدّين بيجو أولاده بالفايظ . ( الفايظ : الفائدة )
299 ـ اللي بيتعَلّم بالمزبلة بصَبِّح ناسي .
300 ـ اللي بيتو من أزاز ما يُضْرُب الناس بالحجار . ( أزاز : بللور )
301 ـ اللي بيجمعو السعدان ما بيطلع طعام للحيوان .
302 ـ اللي بيجي بلا عزيمة قليل القيمة .
303 ـ اللي بيجي بلا عزيمة بيقعد على غير بساط .
304 ـ اللي بيجي من الله يا محلاه .
305 ـ اللي بيحتاج الناس بصير مْدَاس .
306 ـ اللي بيحمِل ع راسو جَرّة مكسورة بدّو يتحَمّل الميّ اللي بتشُرّ عليه .
307 ـ اللي بيجيه تُوم محروم سنة من النّوم . ( توم : توْام )
308 ـ اللي بيدخل بين الحرير والشّال ما بنوبو غير تعب البال .
309 ـ اللي بيدفع فلوسو بنت السلطان عروسو .
310 ـ اللي بيربُط حبل ع رقبتو ألف مين يسْحبو .
311 ـ اللي بيرقص منيح وين ما كان بيرقص منيح .
312 ـ اللي بيزرع البصل ما بِشُمّ ريحتو .
313 ـ اللي بيزرع الحسك بيحصد الشّوك .
314 ـ اللي بيزعل بيرضى من كيسو .
315 ـ اللي بيسبُق بياكل فستثق . ( ....... بُندُق )
316 ـ اللي بيستحي من مرتو ما بيجيه أولاد .
317 ـ اللي بيستنّى ، خير من اللي بيتمَنّى .
318 ـ اللي بيستنّى سُكبة جارتو بنام جوعان .
319 ـ اللي بيشرب العاصي عند الساقية ما بِغِصّ .
320 ـ اللي بيطلع بإيدو يعملو .
321 ـ اللي بيطلع من توتو بيبرُد .
322 ـ اللي بيطلع من جذْرو ما بيرجَع .
323 ـ اللي بيطلع من دارو بخشفّ مقدارو .
324 ـ اللي بيعتاز النار بيكمشْها بإيدو .
325 ـ اللي بيعرِف أبوه وجِدّو يمشي وحدو وعلى قدّو .
326 ـ اللي بيعرف الحقّ وبيسكُت عنّو ، شيطان أخرس .
327 ـ اللي بيعرف بيعرِف واللي ما بيعرِف بيقول كَفّ عدَس .
328 ـ اللي بيعطيك مجرفة يَعْطيك نْصَابها .
329 ـ اللي بيعمِل أعراس بعَزِّز الناس .
330 ـ اللي بيكْتَرو خُطَّابها بتبور .
331 ـ اللي ما بيموت اليو بيموت بُكْرا .
332 ـ اللي بيلزَق بالدِست بيتشَحْوَر .
333 ـ اللي بيلزَم للبيت بيحرَم ع الجامع .
334 ـ اللي بيمحي آثار الثعالِب بيتحَمّل كل المصايب .
335 ـ اللي بيمشي على قَدُّو بيرحَم أبوه وجشدّو .
336 ـ اللي بيمشي مع المسعد بيسعَد .
337 ـ اللي بينشَرى ما بينشَهى .
338 ـ اللي بيُنْكُر أصلو بكون بلا أصل .
339 ـ اللي بيوقع من السّما بتسلقّاه الأرض . ( ....... السّقف ..... )
340 ـ اللي بيولَد بالحارة ما بضيع .
341 ـ اللي تحت الرض أكتر من اللي فوقها .
342 ـ اللي حسَبك بسعرو ما ظلمَك .
343 ـ اللي حسبْناه لقيناه .
344 ـ اللي حلّل المرا حرّمها . ( الزواج والطلاق )
345 ـ اللي خَرَطوا لخَرَّط وِقع ومات .
346 ـ اللي خِفْنا منّو وقعْنا فيه .
347 ـ اللي خَلَّف ما مات .
348 ـ اللي خلّفو أبوك إلك ولأخوك .
349 ـ اللي خِلِق عِلِق واللي ابتلا يصبر .
350 ـ اللي داس العتبة داس الرقبة .
351 ـ اللي رِجْلو بالنّار ما متل اللي بيتفرّج عليها .
352 ـ اللي سَبَق شَمّ الحَبَق .
353 ـ اللي شَرّفنا اليوم لا بد يعود ويرجَع مرّة تانية .
354 ـ اللي ضرب ضرَب واللي هرَب هرب .
355 ـ اللي طَلَع الحمار ع السّطح بِنَزَلو .
356 ـ اللي ع بالو لا يحرِم حالو .
357 ـ اللي عجبو عجبو واللي ما عجبو يُرْقُص وِيْلولِح بدنَبو .
358 ـ اللي عم يءقُصّ من جلد غيرو يْوَسِّع .
359 ـ اللي عمَل غرَض وما كَمَّل متل اللي عملها تحتو وما شَمَر .
360 ـ اللي عند أهلو على مهلو .
361 ـ اللي عند أمَو لا تهكِك همّو .
362 ـ اللي عندو عشّي ما بِزَفِّر إيديه . ( العشّي : الطبّاخ )
363 ـ اللي عندو مال بِحَيّرو يشتري حَمَام ويطَيّرو .
364 ـ اللي عندو مال كل الناس بتبوسو ، واللي ما عندو مال كل الناس بتدوسو .
365 ـ اللي عيونها زُرْق وِجْها بيقْطَع الرّزق .
366 ـ اللي غاظك اللي بلّغَك .
367 ـ اللي فاتو اللّحم عليه بالمرقة .
368 ـ اللي فينا فينا ولو حجّينا وجينا .
369 ـ اللي فيه شوكة بتنخزو . ( ...... مسَلّة ..... )
370 ـ اللي فيه طبيعة ما ببيهعا .
371 ـ اللي فيه عادة ما بِغَيّرها .
372 ـ اللي في مِنّو لا تهكشل همّو .
373 ـ اللي كَبّر الحجر ما ضَرَب .
374 ـ اللي كسِبتو من هيلانة راح بطيز مرجانة .
375 ـ اللي ما إلو أب ما إلو ربّ ؟
376 ـ اللي ما بتتعب عليه الأيادي ما بتحزَن عليه القلوب .
377 ـ اللي ما بتقدر تشتريه لا تشتهيه .
378 ـ اللي ما بيطَلع إلنا بكون ابن زنى .
379 ـ اللي ما بخاف من الله خاف منّو .
380 ـ اللي ما براعي ذوق الأهالي بتْرَبّيه اليام والليالي .
381 ـ اللي ما بشوف من الغربال بيبقى أعمى .
382 ـ اللي ما بشوف من المنخل بكون أعمى .
383 ـ اللي ما بشيل هم الناس ما نو من الناس .
384 ـ اللي ما بكَشِّر عن أنيابو ما حدا بهابو .
385 ـ اللي ما بيجي بعصا موسى بيجي بعصا فرعون .
386 ـ اللي ما بيجي معك تعا معو .
387 ـ اللي ما بيحترِم الناس الناس ما بتحترْمو .
388 ـ اللي ما بيحسُب ما بيسْلَم .
389 ـ اللي ما بيدبح الكبش بإيدو ما بيشبَع من لحمو .
390 ـ اللي ما بيقُرص بِهُزّ أكمامو .
391 ـ اللي ما بيستحي بيعمِل ما يشتهي .
392 ـ اللي ما بيشبَع بالأكل ما بيشبَع باللّحْس .
393 ـ اللي ما بيشرب بكفّو ما بيرتوي .
394 ـ اللي ما بيعرِف الرّقص بقول الأرض مايلة .
395 ـ اللي ما بيعرِف رأيو من تدبيرو ، حُنْطِتو بتاكُل شْعيرو .
396 ـ اللي ما بيعرِف الصقر ، بيشْويه .
397 ـ اللي ما بيعفَك بيجْهلَك .
398 ـ اللي ما بيْعطس ما بيُخْلُص .
399 ـ اللي ما بِغار بكون حما ر .
400 ـ اللي ما بيفهَم بالوَمَى الحَكْي معو خسارة .
401 ـ اللي ما بيكل البعرة والشعرة ما بكون راعي .
402 ـ اللي ما بيمسِك الطّاسة بإيدو ما بيرتِوي .
403 ـ اللي ما بينبُع بيُخْلُص .
404 ـ اللي ما عندو حما حظّو من السّما .
405 ـ اللي مالو ضهر بموت من القهر .
406 ـ اللي ما معو شي ما بيلزَمو شي .
407 ـ اللي ماهو مْطَبّع شو بينفع معو التطبيع ت توب القديم عَجَّز الخيّاط بالترقيع .
408 ـ اللي ما بيوصل لعنقود العنب بقول عنّو حامض .
409 ـ اللي ما داق المغراية ما بيعرِف شو الحكاية .
410 ـ اللي ما فِرح والشمس قامة ، مقرود ليوم القيامة .
411 ـ اللي ما إلو أضراس شو إلو بأكل اللحمة .
412 ـ اللي مالو دار كل يوم إلو جار .
413 ـ اللي مالو ذوق بيوقع عليه شي من فوق .
414 ـ اللي مالو طبلة مالو عيد .
415 ـ اللي مالو عتيق مالو جديد .
416 ـ اللي مالو قلب مالو ربّ .
417 ـ اللي مالو كار بِعَيِّر القنطار .
418 ـ اللي مالو كبير يشتريلو كبير
419 ـ اللي ما مات عيبو ما فات .
420 ـ اللي ما منّو خسارة كَتِّر منّو .
421 ـ اللي متضمّم سعادتها بيطلع جوزها بجنازتها .
422 ـ اللي مضى مضى .
423 ـ اللي معو ما بتفِق معو .
424 ـ اللي مقسوم لك محضرَّم ع غيرَك .
425 ـ اللي من إيدو الله يزيدو .
426 ـ اللي مونتَك بالكياس شو بدّك تاكل وشو بدّك تطعمي الناس .
427 ـ اللي نفْسه شريفة أطباعه لطيفة .
428 ـ اللي فيه آهة ما بينساها ، معو ع القبر وَدّاها .
429 ـ اللي بيُتْرُك كارو بيضّيّع حمارو . ( الكار : الصنعة )
430 ـ اللي يحتاج النار بِلَقِّط الجَمْر بأصابيعو .
431 ـ اللي يخفي مَرَضو يقتلو .
432 ـ اللي يزورنا يحِلّ البركة ، واللي ما يزورنا يْخَفِّف لبَكِة .
433 ـ الليل ستّار الويل . ( ...... العيوب )
434 ـ الليل مانو قصير إلاّ ع اللي بنامو .
435 ـ ليجي الصّبي منصلّي ع النبي .
436 ـ ليش أنت خلقك الله وأنا دَقذني السنكري ؟
437 ـ ليش تارك اللُّبّ ولاحِق القشرة .
438 ـ ليش ما عاجبتنا الكُحلة حتى نعمشلّها دَنَب ؟ .
439 ـ ليشه الشدِة ياجدّي .

[b7bik fairouz]

رد: كتاب امثال حمص الشعبية

الحرف م ( العدد 475 )

الحـــــــــــــرف م
1 ـ ما أكتر رفقاتي لمّا كان ضرفي دِبس .
2ـ ماإلُنْ أمان : البحر والسلطان والزمان .
3 ـ ما إلو فِكْر يشغْلُو ، قَطَع فِكرو وقَعَد يوصلو .
4 ـ ما أوَن الحرب ع النضّارة . ( المتفرّجون )
5 ـ ما المُهِمّ لون القطّ المهمّ مقْدِرته على أكل الفار .
6 ـ ما باس تُمّها غير أمّها . ( ما شَمّ ........ )
7 ـ ما بتْبات وتُمّها فولة .
8 ـ ما بتجي المصايب إلاّ من الحبايب .
9 ـ ما بِتْحِلّ أم رزّوق حتى يْفِلّ السّوق .
10 ـ ما بتروح غير ع اللي بروح .
11 ـ ما بتعرِف خيرو لتجَرِّب غيرو .
12 ـ ما بتفْلَح الأرض غبر عجولها .
13 ـ ما بتكبَر غير الزّبالة وما بيعْلا غير الدُخّان .
14 ـ ما بْتُنْفُق السّلَع إلاّ على عميان القلوب .
15 ـ ما بِحِسّ إلاّ يللي بِغِص .
16 ـ ما بِحِسّ بالوَجَع غير صاحبه .
17 ـ ما بِحُكّ جسمَك غير ضفرَك . ( ....... جلدَك ...... )
18 ـ ما بِحِن ع العود غير إشْرو . ( قشره )
19 ـ ما بدنا ها الكَفّ يِدْرى من ها الكَف .
20 ـ ما بدوم غير وجهو الكريم .
21 ـ ما بُشُخّ على أصبع مجروح .
22 ـ ما بصِحّ إلاّ الصحيح .
23 ـ ما بصير الحمار عنيد إلاذ من كتر الضرب .
24 ـ ما بصير ع الخَلّ غير دودو .
25 ـ ما بضيع حق وراه مطالِب .
26 ـ ما بعد الشِّدة إلاّ الفَرَج .
27 ـ ما بعد الصبر إلاّ الفَرَج .
28 ـ ما بعد الصبر إلاّ المجرفة والقبر .
29 ـ ما بعد الضّيق إلاّ الفَرَج .
30 ـ ما بِعَمِّر البلد إلاّ أهلها .
31 ـ ما بِعَيِّب إلاّ المعيوب .
32 ـ ما بِعيب الرجّال غير جيبو . ( كناية عن البخل )
33 ـ ما بغيب ديلها حتى يبيّن راسها .
34 ـ ما بِغَيِّب راسو إلاّ يُتْرُك دنبو .
35 ـ ما بفوتو فايت ولا طبيخ بايت .
36 ـ ما بقَرقِع بالدِست غير أوشَم العضام .
37 ـ ما بقي بالكَرْم غير الحطب .
38 ـ ما بقي شي من العمر يِحْرِز التّوبة .
39 ـ ما بقي علينا إلاّ وسَخ إجرينا .
40 ـ ما بِليث إلاّ لَزُوم السليق .
41 ـ ما بِمَرّر السُمسْمة .
42 ـ ما بنوب اللّص غير تقطيع تيابو .
43 ـ ما بياكل خرا إلاّ بالشوكة .
44 ـ ما بيبكي ع الميّت غير كَفَنو .
45 ـ ما بيتْصَدَّق علاي . ( عليه )
46 ـ ما بيتطايبوا متل الشحم ع النار .
47 ـ ما بيجي من الناس غير وجع الراس .
48 ـ ما بيحمِل همَّك إلاّ يللي من دَمَّك .
49 ـ ما بيخسر غير اللي بموت .
50 ـ ما بيربى جسم حتى يِبْري جسم . ( يبري : يهري )
51 ـ ما بيرضى عنّك الحسود حتى يموت
52 ـ ما بيضحك لرغيف السّخن . ( وجهو ما ....... )
53 ـ ما بيطلع من الجبل إدنو .
54 ـ ما بيعجبو العجَب ولا الصّيام برَجَب .
55 ـ ما بيعرِف الألِفْ من العصاي .
56 ـ ما بيعْرِف تُلْت التلاتة قَدّيش .
57 ـ ما بيعْرِف شرقه من غربه .
58 ـ ما بيعرِف طه من أنطاكي .
59 ـ ما بيعرِف كوعو من بوعو . ( البوع : الباع . يُضرَب لتمام الجهل )
60 ـ ما بيعرِف الله وين حاطّو .
61 ـ ما بيعرِف وين نازلين العمور . ( عرب العمور لا يسكنون إلاّ في جبل أبو رُجْمين في بادية حمص)
62 ـ ما بيغلا عليك غالي .
63 ـ ما بيقطع الراس إلاّ يللي رَكَّبُو .
64 ـ ما بيِلْحِم القصدير إلاّ ع التَنَك .
65 ـ ما بيمْسَح دمعتك غير إيدك .
66 ـ ما بينفَع لا للخلّ ولا للخَرْدل .
67 ـ ما بيوقَع إلاّ العَيَّار .
68 ـ ما حَدا بِخُشّ الفْراش ببلاش .
69 ـ ما حدا بقول عن زيتو عِكِرْ .
70 ـ ما حدا بقول كيفو أبوك كلّهم بقولوا كيفا أمّك .
71 ـ ما حدا بيجي من الغرب وُبِسِرّ القلب . ( من غرب حمص )
72 ـ ما حدا بيعرف حالك غير رَبَّك وجارَك .
73 ـ ما حدا فوق راسو خيمة . ( ريشة )
74 ـ ما حدا مستريح ولا ابن الجريح .
75 ـ ما خَلا جَسَد من حَسَد .
76 ـ ما خلّى حيلتي حيلي .
77 ـ ما دْرِيتْ بقدّيش قَبَّنوه .
78 ـ ما صارلو بالقصر غير من البارح العصر .
79 ـ ما ضَلّ عِلْك يهُزّ اللّحية .
80 ـ ما عاد تعرِف الماشطة من أم الشّعر .
81 ـ ما عاد في عمر يستاهل التوبة .
82 ـ ما عاش مالي بعد حالي .
83 ـ ما عندو كبير غير الجَمَل .
84 ـ ما فاضي البال غير البْغال .
85 ـ ما فَرْقْ ، عمّك خالَك .
86 ـ ما أغلا من الأرض والعرض .
87 ـ ما في الدّومري . ( تعني بالتركية : الماشي أو المراقب )
88 ـ ما في بالميدان غير حميدان . ( حديدان )
89 ـ مافي بيناتنا حارس وبوّاب .
90 ـ ما في حداإلاّ بنوبو قَطّة من حِرْف الكعكِة .
91 ـ ما حلاوة إلاّ ببعلبَك ؟ .
92 ـ ما دفشة لَوَرا إلاّ من المَرا .
93 ـ ما في راحة بهالدنيا .
94 ـ ما شجرة وِصْلِت لرَبّها .
95 ـ ما في عُود إلاّ مَيَّلُو الهَوا .
96 ـ ما في قاعدة إلاّ وإلها شواذ .
97 ـ ما في وَرْد بلا شوك .
98 ـ ما في يا أمّي ارحميني .
99 ـ ما قِدِر ع الحمار عَضّ بَرْدِعتو .
100 ـ ما قَوَّمَك عن غداك غير ألَدّ أعداءك .
101 ـ ما كُتِب استقضرّ وما حُفِظ فَرّ .
102 ـ ما كُل أبيض شحمة ولا كُل أسوَد فحمة .
103 ـ ما كُل الطّيور بيتّاكل لحمها .
104 ـ ما كُل عمره كركوز بالسرايا ؟ .
105 ـ ما كل من طلب السّعادة نالها ، وما كل من قرأ الكتاب فهيم ، وماكل من لفَ العمامة يزنها .
106 ـ ما كل مرّة بتسلَم الجَرَّة .
107 ـ ما كُل مكَبْتَل جوز ولا كُل مطاوَل موز .
108 ـ ما كل من ربّى دقن صار شيخ . ( خوري )
109 ـ ما كل من شرِب المُدام صار نديم .
110 ـ ما كل من صَفّ الصواني قال أنا حلواني .
111 ـ ما كل من قرفَص خري .
112 ـ ما كل من لِبشس بُرءنيطة صار ع الموضة .
113 ـ ما كل من هَوّأ قال أنا شَوّا .
114 ـ ما لذّة العيش إلاّ للمجانين .
115 ـ ما بينعَطى بلا فايظ . ( الفايظ : فائدة المال )
116 ـ ما مُتّ ، ما شُفْت مين مات ؟ .
117 ـ ما مْوَقِّفْنا عن السّفر غير الحَفا .
118 ـ ما نو فهمان راسو من دَنَبو . ( ....... من أساسو )
119 ـ ما وراها لا أحمد ولا محمد .
120 ـ ما باليد حيلة .
121 ـ مات الفقير والباب مطبوق ن لولا الجنازة مادري مخلوق .
122 ـ ماتِت الحمارة وانقطعِت الزيارة .
123 ـ ما بيفْضَح المير غير الكِنِّة والإجير .
124 ـ ما دام القاضي راضي .
125 ـ ماشي على بيض .
126 ـ الماعون الكبير بيوسَع الماعون الكبير .
127 ـ ما كل من رمى حجر صاب .
128 ـ مال أبونا صار صَدَقة عليه .
129 ـ مال البخيل للوَرّاَتي .
130 ـ مال الحلال ما بضيع .
131 ـ مال الخسيس بروح معيس .
132 ـ مال الروم للبلعوم ، ومال السريان للخُرسْتان ، ومال الموارنة للخوارنة .
133 ـ المال الكتير من الشّغل بكّير .
134 ـ المال اللي ماهو بإيدك ، لا بينفَعضك وبينفَع وَلَدَك .
135 ـ مال الوَقْف بِهُدّ السّقف .
136 ـ المال ستّار العيوب .
137 ـ المال فِدا الأبدان والأبدان فِدا الإيمان .
138 ـ المال مال أبونا والناس بحاربونا .
139 ـ المال من بَرّا واضرب يا خَرّا .
140 ـ المال ميّال .
141 ـ ما لبسْنا الجوخ ، تْزَنَّرْنا بكنارتو .
142 ـ ما هي عورة بس عينها بْتِدْمَع .
143 ـ المبلول ما بخاف من رشق الشتا .
144 ـ مبَيِّن من وجهو .
145 ـ مبيّنة الحيّة ومبيّن سَمّها .
146 ـ متجَوِّز وبعد أربعين سنة حَطِّت فيه الأيام ، طَلَّعِت مرتو بوجهو شافتو بعين وحدة ،
قالتلو بلاقيك بعين وحدة ؟ قال لها : بعد أربعين سنة حتى شُفتيني بعين وحدي ؟ قالتلو
كنت عم اطَلَّع ع جيبتَك ما على وجهك .
147 ـ متل القنديل بيحرِق حالو ليضَوذي على غيرو .
148 ـ متل فار السّقف بحُبّ الرقص .
149 ـ المُتحَيِّز ما بِمَيِّز .
150 ـ متل أبو طَبَر بروح بخبر وبيجي بخبر .
151 ـ متل إجر كرسي .
152 ـ متل أرض البصل كلّهم روس .
153 ـ متل أم البخت كل ساعة شكل .
154 ـ متل أم العروس فاضية مشغولة .
155 ـ متل أمَل ابليس بالجنّة .
156 ـ متل الأربعا بنصّ الجمعة .
157 ـ متل الأطرش بالزَفّة .
158 ـ متل البَرْدْ سبب كل علّة .
159 ـ متل البرغوت الطامِس باللّبَن .
160 ـ متل المي بالطّلوع ,
161 ـ متل البَقّة ع طيز الجَمَل لا قامت ولا قعْدت .
162 ـ متل البنّا ع الحيط هات حجر هات طين .
163 ـ متل البوم ما ببَشِّر إلاّ بالخراب .
164 ـ متل البيتنجان شو بتريدو بصير .
165 ـ متل التَنُّور برّاتو تراب وجُوّاتو نار .
166 ـ متل الجَرس على طيز بغل .
167 ـ متل الحضلاّق بيضحك ع الأقرع بطقطقة المقصّ .
168 ـ متل الحَمّام المقطوعة ميّتو .
169 ـ متل الحُمّص أوّلو منافِع وآخرتو مدافع .
170 ـ ممتل الحيّة تحت التبن .
171 ـ متل الخنزير المقَوَّص .
172 ـ متل محبة العين لريحة البصل .
173 ـ متل الدُبّ .
174 ـ متل الدهب كل ما عِتٌق بجوهِر .
175 ـ متل الزيتون ما بيحلى إلاّ بالرصّ .
176 ـ متل السّمك الكبير بياكل الصغير .
177 ـ متل السّمن ع العسل . ( متل السمن والعسل )
178 ـ متل السّيف وين ما إجا بيقطع .
179 ـ متل الشُّقُرْقَة وقت بتطلَع الشمس بتسكُت .
180 ـ متل الشمعة بتضَوّي ع الناس وبتحرِق حالها .
181 ـ متل الشوكة بالعين .
182 ـ متل الصّوف دوسو ولا تبوسو .
183 ـ متل الضراط ع البلاط .
184 ـ متل الضرطة بسوق النَحّاسين .
185 ـ متل الضفدعة قُوّتها بِحْناكها .
186 ـ متل الطّبل منفوخ ع الفاضي .
187 ـ متل العبيد بتفرَح بموت ستّها .
188 ـ متل العَجْو المُرّ ، لا بينفَع ولا بِضُرّ .
189 ـ متل العدس مالو لا وجه ولا قفا .
190 ـ متل العُرْمُط لا بحُل ولا بيربُط .
191 ـ متل العقرب ما بيجي إلاّ ع اللّطّ . ( القرص )
192 ـ متل الفلاّح كل حشيشية عندو إلها اسم .
193 ـ متل القَرْع بِمُدّ لبَرّا .
194 ـ متل القُطذ بسبع ارواح .
195 ـ متل القطّة المبلولة .
196 ـ متل القُطّط بتاكل وبتنكُر .
197 ـ متل القمر بيحضَر وبغيب .
198 ـ متل القملة المفروكة .
199 ـ متل اللي بيتشركل ببيضاتو .
200 ـ متل اللي بيشتري سمك بميّ .
201 متل اللي بيضرب الرّيح بالعصا .
202 ـ متل اللي مضَيّع جحشة خالتو ، إن لقاها مغنّي وإن ما لقاها مغنّي .
203 ـ متل المتوَكِّل ع الأباريق . ( الشخص المسؤول عن توزيع أباريق الوضوء للمصلين
بالجامع حسب ما يُريد )
204 ـ متل المعرجلاني رايح جاي .
205 ـ متل المنشار طالِع آكِل نازِل آكِل .
206 ـ متل النسوان ما بتَعْرِف عُمْرُنْ .
207 ـ متل الكديش بيُشْكُل دهب وبيكُال حشيش .
208 ـ متل الوَزّ حِنِّيّة بلا بِزّ .
209 ـ متل اليتيم ع مائدة اللّئيم .
210 ـ متل بسّة العشارنة . ( اشعلوا دنب القطة وهربت ع الأراضي المزروعة وحرقتها )
211 ـ متل بغل الشّموسي ما بينْمَشَى لا قُدّامو ولا ولا وراه .
212 ـ متل بغل الطّاحون ضهرو تعبان وبيضاتو مغَبّرة .
213 متل بلّوعة الفَيّ ما بتنشَف .
214 ـ متل بيت الخوري نعمة كل واحد بنغمة .
215 ـ متل بيت السّكيفاتي فيه من كل جلد رُقعة .
216 ـ متل بيت الطُرشان .
217 ـ متل بيضات المغربِل .
218 ـ متل بيع المِسْك إن ما رِبشح من قيمتو بيربَح من رِيحتو .
219 ـ متل تجارة حجا بالبيض . ( متل مربَح ........ )
220 ـ متل توبة سكران .
221 ـ متل جحش الزَبّال حامل زبل ويمشي غندَرَة .
222 ـ متل جربوع القرعة .
223 ـ متل جُرْن الحَمّام فاضي مليان .
224 ـ متل جِلْد الفار ناعم نِجِس .
225 ـ متل حفّار القبور حياتو بموت غيرو .
226 ـ متل حكاية ابريق الزّيت المبخوش إلها أوّل مالها آخر . ( بمعنى عندما لا يكون للعمل
المقصود القيام به أيّة فائدة )
227 ـ متلك ما جابوا ولو شابوا . ( للأطفال )
228 ـ متل حكاية المقصّ ، كلمة وبَسّ .
229 ـ متل حمّام النسوان .
230 ـ متل حمير الطَرّابي ما بتموت إلاّ تحت الحِمل . ( الطرابي : بائعو التراب )
231 ـ متل حمير النّوَر بِشَنهقُوا وهنّي نايمين .
232 ـ متل حياة القملة براس الأقرع .
233 ـ متل حيّة الرّمل بتُضْرُب وبتخبّي راسها .
234 ـ متل خادم الكنيسة لا أجر ولا أُجْرَة .
235 ـ متل خبز الشعير مأكول مذموم .
236 ـ متل خطيب القريتين لا من هين ولا من هين ز
237 متل الحَسود بِكَرِّه بالدنيا حتى يبلعها وحدو .
238 ـ متل دُبّانة السّوق كل شي بتدوق .
239 ـ متل دَكِر النّحل .
240 ـ متل دنب الجحش بيقصَر ما بيطْوَل .
241 ـ متل دير مار مرقص ماحدا بغنّي وما حدا بيرقُص .
242 ـ متل روحة برغَش على مَرْعَش . ( برغش : اسم شخص . مرعش : بلدة بتركيا )
243 ـ متل زيزون وزيزوني . ( يُقال للمتحابّين ـ زيزون نوع من الشمبانزي )
244 ـ متل سَفَر الكلاب كلّو ركض .
245 ـ متل سلاح بيت رسلان عند الشدّة بروكِب .
246 ـ متل سوق المعَرّة ألف بيّاع ولا شَرّا .
247 ـ متل زيارة الكلاب غبرة وقلِّة واجب .
248 ـ متل شُرّابة الخُرْج لا بْتعدلو ولا بتمَيّلو .
249 ـ متل شُرْب الدُخّان لا أوّلو بسم الله ولا آخرو الحمد لله .
250 ـ متل شُغْل العُميان قبيّض بقبّيض .
251 ـ متل شقّ اللّفت . ( كناية عن شدّة البياض )
252 ـ متل صُلْح الدّيب مع الغَنَم .
253 ـ متل ضحكة العنزة بالمسلخ يوم الجمعة . ( المسلخ مُقْفَل )
254 ـ متل عَجْو المُرّ كل من داقو بزقو .
255 ـ متل عروس وعريس .
256 ـ متل عصاية العميان من وسخة لوَسخة .
257 ـ متل عيشة عيسى بين اليهود .
258 ـ متل فار السقف بحُبّ الرقص .
259 ـ متل فقرا اليهود عند الحسنة بناموا .
260 ـ متل فوطة الحمّام من ضهر لضهر .
261 ـ متل قادوس الجُبّ طالِع نازِل .
262 ـ متل قبقاب الزحّافي كل مالو لَوَرا .
263 ـ متل قطّفين العُصْفُر تُليتين وتُلْت .
264 ـ متل قطرميز مصر لا رقبة ولا خصر .
265 ـ متل قطط التكِيّة اللي ما محروق دنبو محروق راسو .
266 ـ متل قُطْنِة بطيز ميّت .
267 ـ متل قُفّة الهَمّ .
268 ـ متل قلع الضرس .
269 ـ متل قوس النَدَّافين طز مز ما في شي .
270 ـ متل كرسي القهواتي من طيز لطيز .
271 ـ متل كلاب الطريق بِعَضّوا ع الماشي .
272 ـ متل مؤدّن حمص بنَبِّه ع الصلاة وبروح لشغلو .
273 ـ متل ما بِتْفَصِّل منِلْبِس .
274 ـ متل النمل ما بطالعو إلاّ الدُخّان .
275 ـ متل مجاديب حمص .
276 ـ متل مرزوق بحُبّ العالي ولوعلى خازوق .
277 ـ متل مزح الحمير كلّو عضّ ورِفْس .
278 ـ متل مسحة الخِضْر .
279 ـ متل مسحة الرسول .
280 ـ متل نوّاحات العرب .
281 ـ متل نومة الصاصير : بِوَطُّوا راسُنْ وبِخَبّوا طيزُنْ .
282 ـ متل يهود خيبر .
283 ـ متلَك متل غيرَك .
284 ـ مِتْلُو متايِل .
285 ـ مَتَى ما تَلْجِت فِرْجِتْ .
286 ـ مجالس السّرور بِتجْلِب الشّرور .
287 ـ مجالسة الجاهل مرض للعاقل .
288 ـ المجَدّرِة بسامير الرُّكَب .
289 ـ المجَرِّب مجَرّب ولو كان عقلو مخَرَّب .
290 ـ مجنون حكى وعاقل فِهِم .
291 ـ مجنون رمى حجر مية عاقل ما شالو .
292 ـ محبّة العُرْس لو بتدوم ما كانت القيامة بتقوم .
293 ـ المحبّة مطرقة بتِكسِر أقسى القلوب ز
294 ـ المَحَلّ ضيّق والحمار لبّاط . ( رفّاس )
295 ـ محلّ ما صار طار .
296 ـ الخمادِع بالتجارة يعود ربحه إلى خسارة .
297 ـ المْخَلّص بياكثل تلتين القتلة . ( ....... نص .... )
298 ـ مِخْوِلْ . ( طالِع لخالو )
299 ـ مَدّ إيدو وساوى عبيدو ز
300 ـ مدام طَبّاخنا جْعيْص شْبِعْنا مرقة .
301 ـ مُدُّوا إيديكُم على عُبّكُم الله بِحُبّكُم .
302 ـ المدون مذلول . ( مملوك )
303 ـ مُرّ ع الخضرجي الصّبح وع اللحّام عشية .
304 ـ المَرا اللي جوزعا معها بتحَرِّك القمر بأصبعها .
305 ـ المرا المدَبّرَة كِنْز لأولادها وجوزها ز
306 ـ المرا المُطيعة ، والدار الوسيعة ، والرِزْقة السّريعة ، حياة تانية .
307 ـ المرا بدها جيبة تْهُرّ و ....... يْشُرّ .
308 ـ المرا بدها حقوقها ما بدها مرا تسوقها .
309 ـ المرا بلا رِجّال متل الضرطة بالفنجان .
310 ـ المرا بنت ضُرِّتها .
311 ـ المرا بنُصّ عقل .
312 ـ مرا عَطِت عقلها للجاجة قامِت ضيّعِت القُنّ .
313 ـ مرا وعنتر ما بصير .
314 ـ المرا وقت اللي بتِعْجَز بتطالِع كذبتها من رُكْبِتْها .
315 ـ المرفقة موافقة .
316 ـ مراية الحثب عميا .
317 ـ المراية متل ما بتفرجيها بتفَرْجيك .
318 ـ مرَبّيتو كل شِبر بنِدر .
319 ـ مَرْتْ الأب ما بتنحَبّ ولو كانت حورية من عند الربّ .
320 ـ المرضعة بتاكل قدّ أربعة .
321 ـ المريض متى ما خري بِري ومَتَى ما صام قام .
322 ـ المزار القريب ما بيشفي . ( الدّير .......)
323 ـ مزاريبو لَبَرَّا .
324 ـ مزمار الحيّ ما بيطْرب .
325 ـ المسبحة بإيدو والشيطان بجيبو .
326 ـ مسَبِّع الكارت قليل البارات .
327 ـ مسَّح جوخ .
328 ـ المسَلِّم الله .
329 ـ المسيح إجا ع الدنيا ما رَضى كل الناس .
330 . المَشَاع لا بينشَرى ولا بينباع .
331 ـ مُشتراة العبد ولا تربايتو .
332 ـ مشتهيّة ومستْحيّة .
333 ـ المشغول لا يُشْغَل .
334 ـ المشورة من الرّوح القُدُسْ .
335 ـ مشي حتّى حِفي وبِكي حتى عِمي .
336 ـ مشينا لحفينا وبكينا لعمينا .
337 ـ مصفاية ما بعيقها بُخْش .
338 ـ المصيبة ع الجَمْع بتهون .
339 ـ المصيبة متل الصابون أوّلها كبيرة وآخرها صغيرة .
340 ـ مضروبين بحجر كبيرة .
341 ـ مطَبِّل بالأوّل مْزَمِّر بالآخِر .
342 ـ مطرَح ما بتْحُطّ راسَك حُطّ رجليك . ( إيديك )
343 ـ مطرح ما بتِرْزَق إلزَق .
344 ـ مطرح ما خري شنقوه .
345 ـ مطرح ما يسري يمري .
346 ـ مطرَح ما يهِبّ الهوا ، يدَرّي .
347 ـ مطرح ما كنت عم تقاقي ، بِيض .
348 ـ معاشرة البهيم الْعَن من داءٍ سقيم .
349 ـ معدوم ووقِع بسلِّة تين .
350 ـ المعروف مع غير أهلو ضايع .
351 ـ معَك فْرَنْك بتسوى فَرَنْك .
352 ـ معلاقه كبير وجسمه صغير .
353 ـ مْعَيِّرْ رِجْلو رَطل .
355 ـ مغَسِّل موتى .
356 ـ مفتاح البطن لُقمة ومفتاح الشرّ كلمة .
357 ـ مقتل الرجُل بين فَكِّيه .
358 ـ مْقَضّي لـ مْصَدّي .
359 ـ مقَطِّع السمكة وديلها . ( مقطِّع السبعة وذمّتها )
360 ـ مقَطَّع مْوَصَّل .
361 ـ مكَبِّر ......... بالشراطيط .
362 ـ مِكّة عن عاشقها ما هي بعيدة .
363 ـ المكتوب ع الجبين لازم تشوفو العين .
364 ـ مكتوب ع باب الجنّة عُمرْها الحماي ما حَبِّت كِنّي .
365 ـ مكتوب ع باب الحمّام : لا الأبيض بصير أسمر ولا الأسمر بصير أبيض .
366 ـ مكتوب ع ورق الخيار : اللي بيسهر بالليل بنام بالنهار .
367 ـ المكتوب ما منّوم هروب .
368 ـ المكَرسَح ما بيلعب بالنَطّة .
369 ـ مكسب القمار بالهوا طيّار .
370 ـ مكسور لا تاكل ، وصحيح لا تكسِر وكول لَتِشْبع .
371 ـ ملاّ عيني متل قفا الكيلي .
372 ـ مِنْ دَقْنُو فَتَلُوا حبل .
373 ـ الممارس غلَب الفارِس .
374 ـ من أسعد زمانا جابت بناتا قبل صبيانا .
375 ـ من أكل وما طعمى جارو كأنّو ما أكل .
376 ـ مَنْ أمَّنَك لا تخونو ولو كنت خوَّان .
377 ـ من أوّل الدرب ولا من آخره .
378 ـ من استفقدَك بعضمة كنت عندو عظيم .
379 ـ من الباب للطاقة .
380 ـ من الباب للمحراب .
381 ـ من البستان للميزان .
382 ـ من الرّفْش للعَرْش .
383 ـ من الشجر للحجر . ( يُقال للزيتون : قطف وعصر )
384 ـ من العُبّ للجيب .
385 ـ من الفَجر للنِجْر .
386 ـ من بُخْلو ما بيعطي سخونتو لحدا .
387 ـ من بَرّا رخام ومن جُوَّا سُخّام .
388 ـ من برّا هلاّ هلاّ ومن جُوّا يِعْلَم الله .
389 ـ من بعد الأم احفر وطُمّ ، وبعد الأب إلَك ربّ .
390 ـ من بعد ما أكل وارتكى ، قال لها يامرا أكلك مالو زكا .
391 ـ من بيت شقاع لبيت رقاع .
392 ـ من بيت قرفَص خري .
393 ـ من تحت الدلف لتحت المزراب .
394 ـ من تُم لتُم بتموت الأم .
395 ـ من تُمِّك أحلا يا كحلا .
396 ـ من تثمَّك لأبواب السما . ( دعاء )
397 ـ من حَبّ احبابو كل شي بحسابو .
398 ـ من حولنا ولا حولينا .
399 ـ من حيط لحيط يارب وصّلني للبيت .
400 ـ من خبّأ الحطب للمونة ما بيحتاج المعونة .
401 ـ من حضر السّوق باع واشترى .
402 ـ من خيرَك ما تْلَوّتِتْ إيدينا .
403 ـ من دَنب الجردون ما بيطلُع هبْر ز
404 ـ من دُهْنو سَقِّيلو .
405 ـ من ساواك بنَفْسو ما ظلَمك .
406 ـ من شاف بلْوِة غيرو هانِت عليه بَلْوْتو .
407 ـ من شاف حبابو نس اصحابو .
408 ـ من شَبّ على شي شاب عليه .
409 ـ مِنْ شِرِب العَرَق كِبْدو احتَرق .
410 ـ من شَمّ الليمون داق الطعمة .
411 ـ من صبر ظفر ومن لجَّ كَفَر .
412 ـ من صَبَر وتأنّى نال ما تمنّى .
413 ـ مَن صَرف وما حَسَب ، خَرّب وما دري .
414 ـ مِن طقطق للسلام عليكم .
415 ـ من طلب الزيادة وقع بالنّقص .
416 ـ من عتب ع الدّهر طالت معاتبتو .
417 ـ من عَجَبُو الكِري بَكّر .
418 ـ من عَذبّ لسانو كَتَّر إخوانو .
419 ـ من عرف حدّو وقّف عندو .
420 ـ من عِرِف راسمالو باع واشترى بمالو ز
421 ـ من عِرِف كتير فاتو كتير ز
422 ـ من غاب عن العين غاب عن القلب .
423 ـ من غربَل الناس نخلوه .
424 ـ من غير دَفّ عم يُرقُص .
425 ـ من غير وْحام مْصَفّرة . ( ستي من .... )
426 ـ مَن فطس تورو سِمشن كلبو .
427 ـ من قُرْبْتو بسَبّحو . ( القربة : الجرّة )
428 ـ من قِلِّة الهالي ناديت ع الكُرّ يا خالي .
429 ـ من قِلِّة الخيل شَدّوا ع الكلاب سروج .
430 ـ من قِلِّة الزُلم سَمّوا الديك أبو قاسم .
431 ـ من سِمِع الرعد بإدنو شاف البَرْق بعينو .
432 ـ من كُتْرْ بناتو صار الكلب صهرو .
433 ـ من كُتْر هَمَّها تجَوَّزِت عريس قد أمّها .
434 ـ من كُتْر هَمُّو تجَوَّز عروس قدّ أمّو .
435 ـ من كُتْر هَمُّو نِشِف دَمُّو .
436 ـ من كل وادي عصاي .
437 ـ من مالَك يهدالَك .
438 ـ من معرِفته بالصحابة ترَضّى على عنتر .
439 ـ من ها الشّكون عدول . ( من ها الأشكال شي كتير )
440 ـ من هون شَعرة ومن هون شَعرة بتْرَبّي دقن .
441 ـ من وَهْج القفص دَقّ ورَقَص .
442 ـ من وين ما عضّينا عَجْرَة .
443 ـ منام القُط كلّه فيران .
444 ـ منشان بطنو حلق دقنو .
445 ـ منعَيِّب ع غيرنا والعيب فينا ، ومِنّازِع والروح فينا ..
446 ـ منمشي الحيط الحيط زمنقول يارب السّترة .
447 ـ المنيحة ما بدّها مشاورة . ( مشورة )
448 ـ الموت درب مركوب .
449 ـ مُوتْ سَبعْ ولا تموت عكروت .
450 ـ الموت كاس داير ع كل الناس .
451 ـ الموت ما بيعرشف حدا .
452 ـ الموت مالو شماتة .
453 ـ موت يا حما ر على بين ما جِبْلَك الجهاز . ( جهاز العرس )
454 ـ الموتى ما بقوموا من محلُّن حتى مايروح مطرَحُن .
455 ـ موجة بتاخدو وموجة بتجيبو .
456 ـ المونة بدها ركونة ما بدها مرا مجنونة .
457 ـ المْوَنْوَنْ بيوقع على راسو شَك .
458 ـ الميّ بتكَذِّب الغطّاس .
459 ـ الميّ قطرة قطرة بتنخُر الصخرة .
460 ـ المي ما بتمُرّ على عطشان .
461 ـ الميّ ماشي من تحتو ومالو خَبَر . (...... سارحة ..... )
462 ـ مي مالحة ووجوه كالحة .
463 ـ ميّ وانْكَبِّتْ .
464 ـ مي ونار ما بيجتِمعو .
465 ـ ميّة النهر ما بترجَع لَوَرا .
466 ـ ميّت شايِل ميّت وميّت بِعَيّط .
467 ـ الميّت ما بجوز عليه غير الرحمة .
468 ـ ميّت ما بشيل ميّت .
469 ـ مَيّتُو ما بموت .
470 ـ مين اللي كَبّر فشخاتو أنا ولاّ أنت ؟ .
471 ـ مين بِصِرْلو دلال وما بيتدَلّل .
472 ـ مين بشعِير مُزرابو بليالي الشتا .
473 ـ مين بيجي مع الأقرع غير صاحبو .
474 ـ مين بيشهد مع العروس غير الماشطة وأمّها .
475 ـ مين شايف كُحْلتِك يا مَرْت الأعمى