مقارنات بين الشعر القديم والشعر الحر وقصيدة النثر

[anis]

مقارنات بين الشعر القديم والشعر الحر وقصيدة النثر
د. عدنان الظاهر

أولاً: خصائص الشعر القديم/ شعر الوزن والقافية (بحور الخليل بن أحمد الفراهيدي)
1 ــ تلتزم القصيدة بصرامة مستلزمات الوزن والقافية.
2 ــ وتزينها الديكورات الفخمة من بيان وبديع وجناس وطباق ومجاز واستعارة ولا تخلو من الحكمة والمواعظ وغيرها من أفكار فلسفية.
3 ــ قوافيها مضبوطة الحركات الا ما ندر. فتسكين القوافي أمر غير مستساغ في عمود الشعر العربي، بل وقد يعتبر دليلا علي ضعف الشاعر. الشعر ايقاع وحركة تعودتهما الاذن منذ عشرات القرون.
4 ــ عدا عن امكانية تجويز تسكين القوافي (وهو من الحلال البغيض، وهو سكون خارجي)، فلا تسكين علي الاطلاق في كلمات البيت الشعري الأخري. لا سكون في داخل البيت فالداخل يعج ويضج بشتي أنواع الحركات من رفع ونصب وجر.
5 ــ يكاد وضوح القصيدة في المعني والاشارة والاستعارة والمجاز أن يكون كاملا أو شبه كامل فالأبيات فرادي والقصيدة ككل مفضوحة المقاصد والاغراض لا تستر نفسها الا في القليل من الحالات (أقصد هنا الشعر الصوفي).
6 ــ يمكن اختزال القصيدة بحذف بعض أبياتها التي تكرر معاني قيلت في أبيات أخري من دون أن يؤثر الأمر علي مجمل سياق القصيدة معني وقصدا.
7 ــ الحقبة الزمنية/ عمر القصيدة ــ يدعي المؤرخون أن امرأ القيس كان أول من قال الشعر وأول من قيد القوافي وأبد الأوابد، أي أن هذا الشعر قد ولد قبل الاسلام بقرنين من الزمان...
ــ اذا صح أن الشاعر امرأ القيس عاش في تلكم الحقبة من الزمن ــ واستمر معمرا حتي نهاية الحرب العالمية الثانية (1945). عمر طويل ولكن التغيرات التي طرأت عليه قليلة وجد بطيئة.
مع نهاية هذه الحرب واجهت البشرية عصرا جديدا وعالما جديدا وثورة في العلوم النظرية والتطبيقية وقفزة جبارة غير مسبوقة في عالم الالكترونيات وأجهزة الاتصال وباقي منجزات التكنولوجيا الحديثة.
8 ــ القصيدة ملزمة بقيود ثقيلة شديدة وأحكام صارمة لا تقبل نقاشا أو مساومة. لا وجود هنا لحرية التصرف بالشكل. كانت دوما مرآة صادقة لمراحل تأريخية منوعة من بداوة ورعي وزراعة واقطاع ثم عهد الرأسمالية التي نعرف.
9 ــ غارقة بانجازات الفكر وسيطرة العقل الواعي وطغيان سطوة الرقيبين الداخلي (الشاعر نفسه) والخارجي (الحاكم والدين والمجتمع والتقاليد).
10 ــ واقعيتها صارخة ومدوية تخترق الجلد وتنفذ للعصب العميق، لا تخجل من سفورها الكامل.
11 ــ كان لها أمراؤها وشعراؤها الكبار المعروفون الذين ظلوا شامخين يطاولون ويتحدون الزمن.
12 ــ لها أطوارها ومراحلها المشهورة كمرحلة الشعر الجاهلي والاسلامي والأموي ثم العباسي
والأندلسي و. و. و...
13 ــ تصميم بنائها ثابت الشكل، لأن التفعيلات تتغير بوتائر ثابتة في البيت الواحد، والبيت الواحد هذا يكرر نفسه وينقل ايقاع موسيقي هذه التفعيلات الي عموم هيكل القصيدة. ايقاع ثابت اذن يتكرر دوريا ومحدد التغير (ستاتيك) يحمل مضامين مكررة شبه ثابتة تقادم علي أغلبها الزمن، علي أن كل طور من أطوارها يتميز ببعض المعاني والمضامين والأغراض الخاصة.
14 ــ نمو القصيدة الكمي عرضي ــ طولي لكنه ثابت بقوالب التفعيلات.
15 ــ ليست هناك فراغات مكانية سواء في البيت الواحد أو في عموم القصيدة كي يملؤها الشاعر بالنقاط. لا نقاط ولا تنقيط في القصيدة. هذا الأمر أتانا مع قصيدة الشعر الحر.
16 ــ تلحن وتغني بيسر. فهذا الأمر كثير الشيوع. شاع وانتشر منذ اقدم الأزمنة اذ رافق الغناء والطرب ومظاهر البطر والثراء. كما كان ــ وما زال ــ الوسيلة المثلي للتعبير عن الحزن والشجن. فما أكثر شعر المراثي والتعازي وطقوس البكاء.
17 ــ يتذكر المرء هذا النوع من الشعر، يحفظه ويردده مع نفسه حسب مزاج الحالة الراهنة، فرحا أو حزنا، حكمة أو سخرية من أحد أو من الزمن...

[anis]

رد: مقارنات بين الشعر القديم والشعر الحر وقصيدة النثر

ثانيا ــ خصائص قصيدة الشعر الحر/ شعر التفعيلة الواحدة

1ــ لها ايقاعها الموسيقي الخاص ــ تفعيلة واحدة سائدة مع بعض القوافي لتخفيف وطأة الايقاع الواحد ودفع السأم عن أذن سامعها أو قارئها.
2 ــ تتميز بالقليل من المحسنات البديعية ومظاهر الأبهة والفخامة وفذلكات الفكر والفلسفة ومواعظ الأئمة والدراويش.
3 ــ أواخر الجمل والسطور والمقاطع ساكنة بشكل يكاد أن يكون مطلقا. وتلكم إحدي سمات الشعر الغربي المفروضة عليه بقوانين وطبيعة اللغات الغربية.
4 ــ عدا ذلك فلا تسكين علي الاطلاق في الباقي من كلمات البيت والمقطع ومجمل القصيدة.
5 ــ مرامي قصيدة الشعر الحر غير تامة الوضوح. والقصيدة ليست منبسطة أمام قارئها كالكف أو السهل الممتد أمام ناظره. تترك القصيدة أبوابها مواربة بحيث يعتري البعض من جملها أو مقاطعها شيئا من الغموض حينا ونصف العتمة حينا آخر. فيها غمزات ولمزات واشارات قابلة للتأويل، وتلك مزايا محببة وتستلزمها مقتضيات وأصول الفن الراقي.
6 ــ لا يمكن اختزال القصيدة الا بصعوبة. فحذف بعض أبياتها قد يسيء الي مجمل معمار بنائها شكلا وفنا، بل وربما يهدم شموخ هذا البناء أو يشوه جمال توازنه الهندسي فيفقد القارئ القدرة علي التذوق الجمالي والانسجام مع سحر الابداع العصي بطبيعته علي الفهم والتفسير.
7 ــ الحقبة الزمنية/ عمر القصيدة (1945 ــ 1990) ــ دشنت البشرية بعد الحرب العالمية الثانية عهدا جديدا وعصرا جديدا اذ أنهي استخدام السلاح النووي لأول مرة في تاريخ البشر (في هيروشيما وناغازاكي اليابانيتين) حقبة زمنية كبري انهارت معها الامبراطوريات القديمة وحلت محلها الولايات المتحدة الأمريكية التي سيطرت علي مسرح الأحداث في العالم بفضل ما توفر لها من امكانيات أسطورية في مجالات العلوم والمال والتكنولوجيا والاعلام وصناعة السينما في هوليوود. ونتيجة لذلك انتشرت ثقافتها وساد الكثير من انماط حياتها في الكثير من بقاع العالم وخاصة في أوساط الشباب. مع نهاية الحرب العالمية الثانية اذن كانت قد ولدت قصيدة الشعر الحر (قصيدة التفعيلة الواحدة) عاكسة جو الحرية النسبي الذي ساد العالم بعد انهيار النازية في ألمانيا. هي اذن مرآة عصر الذرة وغزو الفضاء والقمر والصواريخ عابرة القارات، ثم هي لسوء الحظ الابن الشرعي لحقبة الحرب الباردة التي قيل انها انتهت حوالي عام 1990 بعد سقوط جدار برلين وانكماش المعسكر الاشتراكي وتحول الكثير من بلدانه الي معسكر الرأسمالية. انها اذن حقا لا مجاز قصيدة عصر الحرب الباردة شئنا ذلك أم لم نشأ!! هذه الظاهرة بحاجة الي دراسات مستفيضة. فقصيدة الشعر الحر كانت مسرحا حيويا لتوتر الصراع بين معسكري الاشتراكية والرأسمالية، وانقسم الشعراء العرب تبعا لذلك ما بين مناصر لهذا المعسكر أو لذاك. انفصام حضاري وثقافي وعقائدي (ايديولوجي) حاد ضرب العالم العربي من المحيط الي الخليج.
8 ــ خلافا للقصيدة القديمة، فان قصيدة الشعر الحر قد تمتعت بحظ وافر من حرية التصرف بالشكل كاستخدام تفعيلات قريبة صوتا من بعضها أحيانا بدل التقيد الصارم بتفعيلة واحدة بعينها. ثم الحرية في طول وقصر الأبيات والمقاطع، ثم ادخال الكثير من الرموز والأساطير ومصطلحات العصر والمفردات الأجنبية نظرا لسعة ثقافة شعرائها ومعرفة الكثير منهم لغات أجنبية سواء بالدراسة أو بالعيش في أوساط وبلدان غير عربية (أوروبا وأمريكا مثلا). كما نشطت حركة ترجمة الأشعار الأخري الي اللغة العربية فافاد منها الشعراء الشباب ليجدوا أنفسهم قريبين جدا من شعراء الأمم الأخري ولا سيما شعراء النصف الأول من القرن الماضي حيث ترك بعضهم بصمات قوية علي شعر هؤلاء الشباب. أخص بالذكر الشاعر الاسباني (لوركا) والشاعر الإنكليزي (توماس اليوت) والشاعر الشيلي (بابلو نيرودا) ثم الشاعر التركي (ناظم حكمت) فضلا عن شعراء فرنسا الرمزيين والسورياليين (رامبو) و(فاليري) و(اراغون) ثم (بودلير). عصر جديد ونوع جديد من الشعراء أفرزا نوعا جديدا من شعر نصف ثوري. أقول نصف ثوري لأن الدائرة ما كانت قد اكتملت بعد، ولم تنتصر الرأسمالية بشكلها الجديد وتفرض العولمة وظاهرة القطب الأوحد الا بعد عام 1990، اذ دخلت الكرة الأرضية عصرا جديدا هو عصر الانترنت.
9 ــ أتاح هذا الواقع الجديد والمناخ الجديد قدرا أكبر من الحرية لشعر وشعراء قصيدة التفعيلة الواحدة فتحررت جزئيا من سيطرة العقل الواعي ومن رقابة الفكر وضوابط المجتمع وأنظمة الحكم الصارمة. أجل، قد تحررت جزئيا لأن الشاعر نفسه ما كان قد نال تمام حرياته وما كان قد هضم تماما نتاجات عصره (1945 ــ 1990). والعالم باجمعه كان يتهيأ بتراكم أحداث بعضها واضح وملموس والآخر غير واضح وغير ملموس لدخول عصر جديد تسود فيه دولة واحدة ونظام واحد هو نظام العولمة والقطب الأوحد أي (الرأسمالية الكونية). كان الشاعر منقسما علي نفسه ويعاني من صراع حاد: قدم ما زالت ترتكز علي عالم شعر بحور الخليل بن أحمد الفراهيدي بينا القدم الأخري ظلت معلقة في الهواء غير واثقة من مكانها ومن وضع هذا المكان. وكانت هذه واحدة من أبرز سمات فترة ما بعد الحرب العالمية الثانية حتي سقوط جدار برلين. لا أحد كان يدري لمن ستكون الغلبة في نهاية المطاف وأي النظامين سيسود العالم: الاشتراكية أم الرأسمالية؟
10 ــ جاءت قصيدة الشعر الحر في أغلبها مزيجا مخففا ومقبولا من الواقعية والرمزية. كما رأينا دواوين شعر كاملة مخصصة للمرأة والجنس بل وحتي الجنس المكشوف كشعر الشاعر العراقي (حسين مردان) والشاعر السوري (نزار قباني) مثلا. كما لم تبتعد هذه القصيدة عن السياسة واجوائها الصاخبة أبدا بدعوي الدفاع عن قضايا انسانية أو أممية مرة أو عن قضايا وطنية وقومية مرة أخري. كما احتلت قضية فلسطين مركزا متميزا في شعر الغالبية العظمي من شعراء هذه الحقبة، وكان الشاعر الفلسطيني (محمود درويش) وما زال فارسها العظيم.
11 ــ لم تنجب قصيدة الشعر الحر شعراء كبارا من وزن أبي نؤاس وأبي تمام والبحتري والمتنبي والمعري وغيرهم ممن قد عرفنا ودرسنا في حياتنا. فأولئك عاشوا عصورا تختلف جوهريا عن ظروف عصر قصيدة الشعر الحر. كما كانت متطلبات تلكم العصور مختلفة تماما عن متطلبات وشروط هذه القصيدة. ومع ذلك فقد برزت قلة من شعراء الشعر الحر... قلة قليلة لكنها هيهات أن تبلغ ما بلغ شعراء بحور الخليل من مجد وشهرة وعلو شأن... هيهات هيهات! هذه الظاهرة صحيحة كذلك بالنسبة للغرب اذ لم ينجب في القرن العشرين شعراء عظاما كدانتي وملتون وشكسبير وغوته وسواهم.
12 ــ لم تتميز قصيدة الشعر الحر بمراحل كتلك التي مر بها شعر القصيدة القديمة (شعر بحور الخليلي). انها قصيدة مرحلة واحدة هي في الحقيقة جد قصيرة في عمر البشر: خمسة وأربعون عاما فقط (1945 ــ 1990).
13 ــ معمار القصيدة ذو شكل بسيط وثابت خال من الأركان والزوايا والشرفات والطوابق. فالتفعيلة الواحدة (وبعض أخواتها) غير قادرة بطبيعتها علي استيعاب مستلزمات التعقيد، بل ولا تحتملها أبدا. فلكل ظاهرة في الحياة قدرات محدودة علي الاستيعاب، يستوي في ذلك عالم المادة في الطبيعة والبشر والحيوان. هذه القدرات المحدودة، علي الرغم من ذلك، افسحت المجال لادخال مضامين جديدة أكثر تنوعا نابعة من صميم روح العصر الجديد وخاصة نتائج الثورة في مجال العلوم والتكنولوجيا.
14 ــ نمو القصيدة الكمي هو الآخر عرضي ــ طولي لكنه غير ثابت. الشاعر غير مقيد بعدد ثابت محدود من التفعيلات يعاد رصفه مع كل بيت من أبيات القصيدة. جو القصيدة وظروف الشاعر وأحواله النفسية هي التي تحدد طول أو قصر البيت الواحد. قد يشغل البيت سطرا كاملا من الصفحة العادية أو قد يتكون من كلمة واحدة فقط. هنا يمارس الشاعر شكلا آخر من أشكال الحرية ما كان ممكنا أن يمارسه شاعر القصيدة القديمة: حرية التصرف بالمكان أفقيا. وحرية التصرف بالمكان أفقيا تمنح الشاعر ضمنا حرية التصرف بالمكان عموديا.
15ــ حرية التمدد في فضاء القصيدة المكاني أفقيا وعموديا تضع تحت تصرف الشاعر اشكالا أخري من الحريات علي رأسها حرية التصرف بالفراغات. فالفراغ حالة أخري من حالات المادة يوظفه الشاعر المبدع لخلق شتي أنواع المؤثرات التي من شأنها اثراء الجو العام للقصيدة وتلوينها بالأوضاع المتباينة لحالات الشاعر النفسية.
16 ــ قصيدة التفعيلة الواحدة لم تعرف الشيوع الذي عرفته القصيدة القديمة في مجال التلحين والطرب. بلي، غنت المطربة المصرية (فايزة أحمد) وغني (عبد الحليم حافظ) بعض قصائد الشعر الحر للشاعر (نزار قباني). وربما غنت قلة أخري من المطربين بعض قصائد الشعر الحر لكن ظلت السيادة شبه المطلقة لقصيدة الوزن والقافية في عالم الأنس والطرب، والسيادة المطلقة في عالم المراثي والمناحات وأحياء طقوس الكوارث الاجتماعية والدينية. لم يتورط كبار الملحنين والمطربين بتلحين أو غناء قصيدة الشعر الحر، لكنهم لحنوا وغنوا قصائد الوزن والقافية. كما غني ألحان هذه القصائد سواهم من الفنانين. أذكر بهذا الصدد (محمد عبد الوهاب) و(أم كلثوم) و(فريد الأطرش) و(أسمهان). ومن العراق (محمد القبانجي) و(عفيفة اسكندر) ثم (يوسف عمر). لقد غنت هذه النخبة الممتازة من الملحنين والمغنين والمغنيات وليس فيهن من لحنت أو جربت التلحين الكثير من روائع شعر الوزن والقافية. لقد لحن وغني (محمد عبد الوهاب) مثلا الكثير من أشعار صديقه ومتبنيه (تقريبا) الشاعر المصري (أحمد شوقي)، شاعر بحور الخليل. كما غنت (أسمهان) مع (عبد الوهاب) أوبريت مجنون ليلي من شعر(أحمد شوقي).
17 ــ وربما نتيجة لما قد سلف من الأسباب، لا يحفظ المرء قصيدة الشعر الحر ولا يرددها مع نفسه الا في ما ندر من الحالات. الناس تحفظ الشعر المغني اذا ما أعجبها اللحن وأجاد فيه مغنيه. وعليه فمن الجائز أن تنتشر قصيدة الشعر الحر بين الناس حفظا بالتذكر والترديد اذا ما أبدع الملحنون وأجاد المغنون في أدائها. لقد حفظت عن ظهر قلب كلمات أغنيتي (رسالة من تحت الماء) و (قارئة الفنجان) بفضل جودة لحني هاتين الأغنيتين وابداع عبد الحليم حافظ في أدائهما.

[anis]

رد: مقارنات بين الشعر القديم والشعر الحر وقصيدة النثر

ثالثا ــ خصائص قصيدة النثر

1 ــ لا وزن فيها ولا قافية.
2 ــ لا ديكورات فيها ولا توظف أيا من المحسنات البديعية ولا يخضع نمط التفكير فيها لقوانين الفكر المعروفة واحكام المنطق السائد. الشاعر يرسم أجواء قصيدته وفق منظوماته الفكرية الخاصة وحسب متطلبات منطقه الخاص الذي يبدو للقارئ وكأنه لا منطق أو أنه ضد المنطق لكل شاعر عالمه الخاص الذي لا يضاهيه أحد فيه.
3 ــ آواخر الجمل والسطور والمقاطع جميعا ساكنة من غير استثناء.
4 ــ الكثير من مفردات القصيدة الداخلية قابلة للقراءة من غير حركات. سكون شبه كامل وقصيدة بلا حركات. وبهذا فانها من بعض الوجوه شبيهة بقصائد الشعر العامي، شعر اللغة المحكية والدارجة الذي يسمي في المملكة العربية السعودية الشعر النبطي . القصيدة تبدو كعالم هامد مسطح يفتقر الي جهاز تنفسي، لأن في التنفس يتحرك الصدر الي الجهات الأربع. حركات الاعراب في لغتنا هي حقا ومجازا عمليات تنفس تتحرك الكلمات معها وفيها فتمنحها نسمة روح الحياة ودفء دماء الجسد الحي الجارية.
5 ــ القصيدة غامضة المرامي ومعتمة بشكل مطلق، لذا فانها عصية علي الفهم والتفسير، حتي علي شاعرها نفسه...ربما. لم توضع القصيدة أصلا للتفسير والتأويل والأخذ والرد. علي المرء أن يقرأها وأن يتمتع بما فيها من سحر وقدرة علي بعث الدهشة في النفس البشرية وأن يتقبلها كما يتقبل لوحات (بيكاسو). قف أمامها متأملا صامتا خاشعا. قف أمامها ولا تكلف نفسك مشقة السؤال لماذا وكيف. قف أمامها كما في لحظة صلاة.
6 ــ لقد بينت في بعض دراساتي عن قصيدة النثر التي نشرت في صحيفة (الزمان) الصادرة في لندن في العددين 964 و 965 و بتأريخ العاشر والحادي عشر من تموز (يوليو) عام 2001 ثم ظهرت في كتابي الجديد الموسوم نقد وشعر وقص الذي صدر حديثا في القاهرة عن مركز الحضارة العربية ... بينت وبرهنت أن قصيدة النثر اسفنجية البناء والتركيب والقوام، لذا فانها قابلة للضغط والاختزال والشطب وتبديل مواضع الكلمات والجمل. انها ملساء هشة، كالأفعي، أخطر وأضعف ما فيها رأسها. ويستوي في ذلك السام وغير السام من الأفاعي كما يعرف الجميع

[نبيذومطر]

رد: مقارنات بين الشعر القديم والشعر الحر وقصيدة النثر

مشكور عالمعلومات يا أنيس .. و بدها قعدة اذا بدنا نفتح نقاش بهالموضوع

[anis]

رد: مقارنات بين الشعر القديم والشعر الحر وقصيدة النثر

مشكور عالمعلومات يا أنيس .. و بدها قعدة اذا بدنا نفتح نقاش بهالموضوع

ميرسي باشا
معك حق بدا قعدة نقاش مشان نشوف أراء الشباب والصبايا

[خريستوفوروس]

رد: مقارنات بين الشعر القديم والشعر الحر وقصيدة النثر

كأنو هالكاتب ما عاجبو ولا نوع من التلاتة ..
أنا مع الشعر العمودي طبعاً لأنو الأروع و فيه ببين الشاعر من المستشعر .. هالنوع بحسو ظلم نقارنو بغيرو .. و الي انتقدوه هنن الي استسهلوا التفعيلة ..

أنا مع التفعيلة بدرجة أقل بكتير .. فكرتو حلوة و عطا سهولة و ما كتير بعد عن العمودي ..

أنا ضد القصيدة النثرية مطلقاً .. لأنها ميدان المستشعرين و الي ما بيطلعلن مع الأوزان و القوافي .. و ما بحياتي قدرت كمل قراءة قصيدة بلا قافية حتى لنزار .. بقى كيف لشي مستشعر ؟؟

[نبيذومطر]

رد: مقارنات بين الشعر القديم والشعر الحر وقصيدة النثر

كريستيان حبيبي

في نقاش ببقعة ضوء صرلو كذا يوم .. وردت فيه أكثر من مرة جملة على لسان احدى الصبايا .. و انا ما برضالك ياها هون

و من باب الفضول :
بتعرف كم شخص اتهمت بمشاركتك هلق ؟

و الأهم :
زمان كانوا يحكوا لغات عامية و لا فصحى ؟
و أهم الأهم :
المتنبي قولتك لو كان عايش بعصرنا .. كان كتب فصحى ولا عامية ؟

[خريستوفوروس]

رد: مقارنات بين الشعر القديم والشعر الحر وقصيدة النثر

ما بهمني شو قالت الصبية .. أصلا ما عرفتا .. و تقول شو ما بدا ..
بالنسبة للي اتهمتن .. بشو اتهمتن ؟؟؟؟ أنا الي بقصدو انن كتاب و ليسوا شعراء و الشعر ما مين ما كان بيكتبو و هاد الواقع ..

بعدين شو دخل العالمية بأنواع الشعر الفصيح ؟؟؟؟ !!!!!!!!!!!!

[نبيذومطر]

رد: مقارنات بين الشعر القديم والشعر الحر وقصيدة النثر

كريستيان حبيبي

انا ما قلت ( العالمية ) أنا قلت ( العامية ) بتقدر تتأكد .. المشاركة فوق

_ بتعرف أكيد شو الفرق بين مثقف و مستثقف ما هيك ؟ معناها بتعرف شو يعني ( شاعر و مستشعر )

_
[QUOTE]لأنها ميدان المستشعرين و الي ما بيطلعلن مع الأوزان و القوافي[/QUOTE]

أنا الي بقصدو انن كتاب و ليسوا شعراء و الشعر ما مين ما كان بيكتبو و هاد الواقع ..

عرفلي الشاعر .. عطيني تعريفو

_ في فرق بين الرأي الشخصي .. و التعميم

[خريستوفوروس]

رد: مقارنات بين الشعر القديم والشعر الحر وقصيدة النثر

مستشعر هو الي بيتشبه بالشاعر و هو ليس شاعر .. بس ممكن يكون عندو موهبة الكتابة .
أنا قصدت العامية بس خطأ مطبعي .. و السؤال نفسو بوجهو .. و المتنبي لو كان هلأ كان كتب فصحى متلو متل نزار و كل العظماء من شعراء المهجر و أحمد شوقي و خليل مطران و غيرن كتااااااااار .
الشعر ما إلو تعريف .. حتى مر معنا بسنة بالمنهاج انو ما في تنين عرفوه تعريف مشترك . و كل شعب شعرو بيختلف عن التاني .. و طالما الموضوع عن أنواع الشعر العربي الفصيح شو رأيك نبقى بهالمجال ؟

[نبيذومطر]

رد: مقارنات بين الشعر القديم والشعر الحر وقصيدة النثر

1 _ و رح آخد كلامك حرفياً

مستشعر هو الي بيتشبه بالشاعر و هو ليس شاعر .. بس ممكن يكون عندو موهبة الكتابة .

و بنفس الوقت :

الشعر ما إلو تعريف .. حتى مر معنا بسنة بالمنهاج انو ما في تنين عرفوه تعريف مشترك

فـ على أي أساس عم نميز و نقول هاد شاعر و هاد مستشعر بتعميم ؟!

2 _

و المتنبي لو كان هلأ كان كتب فصحى

ليش المتنبي بوقتها كتب بلغتو المحكية ولا لأ ؟!
و يلي وزنوا و كتبوا زمان بشو كتبوا ؟ مو بلغتهن المحكية ؟! طيب هلق اذا شخص كتب باللهجة العامية .. اديش بيصير عليه هجوم ؟!
بتمنى تكون وصلتك فكرتي

3 _

شو رأيك نبقى بهالمجال ؟

كريستيان عنوان الموضوع هوه مقارنة بين 3 أشكال ما هيك ؟!
طيب لاحظ معي انك انت ذات نفسك قلت :

الموضوع عن أنواع الشعر العربي الفصيح

يعني شامل القصيدة النثرية معهن ما هيك ؟ على انها شعر عربي فصيح ( هدا كلامك )
بينما هون بتقول :

لأنها ميدان المستشعرين و الي ما بيطلعلن مع الأوزان و القوافي .. و ما بحياتي قدرت كمل قراءة قصيدة بلا قافية حتى لنزار .. بقى كيف لشي مستشعر ؟؟

فانو رجعت صنفتهن مستشعرين

و انا كنت بدي روح ابعد معك لكلنا نستفيد بمنطقة معينة .. لأنو كل كلامي هوه بصلب الموضوع مو خارجو أبداً

الشعر + الشاعر
هيه مصطلحات قد ما صار في محاولات لتجميدها بمفهوم معين .. مفهومها رح يتوسع ليشمل اي كلمة بتحمل احساس

و أشعر الشعراء بتعرف مين ؟ هنن الناس يلي كتبوا و قالوا شعر قبل ما يتم تجميع البحور و ضبطها .. لأنو هدول الناس ما درسوها و لا تعلموها .. و انما ابتدعوها .. تخيل اديش في عظمة بالفكرة
و نفس الشي بالنسبة لأي شكل ممكن يظهر .. ما بيلغي صفة الشاعر عن صاحبو ..

و بدك منكمل أكثر

[خريستوفوروس]

اي بدي .. المصيبة انو كل احساس صار اسمو شعر ..
و هالشي خرب الشعر ...

من كل الي أنا اعتبرتني اتهمتن قلي واحد بيقدر يشطر .. خلي يفرجيني عضلاتو ..

صحي الإحساس هو الأهم بس بلا كلمات تهز السامع هاد ما شعر .. هاد تخريب

أصلا أنا ما اعتبرت حالي شاعر غير لشفت دموع كتيرة من المستمعين ( هي إذا القصيدة حزينة ) بس انو المهم الشعر ما مجرد احساس

بعدين بالنسبة للقصيدة النثرية هيك سموها و حسبوها الكتاب عالشعر بس الشعراء رأين انها محسوبة عالخاطرة ..

و بكرر انها ميدان المستشعرييييييين ..
بس انا بحب اقرا منن الي بحسن بنغمة شرطي الأول يكون فيها قافية

[نبيذومطر]

رد: مقارنات بين الشعر القديم والشعر الحر وقصيدة النثر

كريستيان حبيبي

المقصود من الحديث ما يلي :

1 _ فائدة للكل .. بأنو اصطلاح كلمة شاعر أو شعر هوه حقيقة أوسع من أي شكل انوجد أو ممكن ينوجد

2 _ منع التعميم .. لحتى ما نستثير اي شب أو صبية بيكتبوا باي شكل من الاشكال عنا عالمنتدى

3 _ نمرق فكرة بيجوز تكون حلوة للكل و نحكي فيها

هلق منجي لردك

المصيبة انو كل احساس صار اسمو شعر ..
و هالشي خرب الشعر ...

هي مو مصيبة .. هي روعة .. شو بدك شي أحلى من أنو الكلمة تحمل الاحساس .. بأي شكل كان .. يعني خود الموضوع على مبدأ ( حبيبتك جاي لعندك ، بسيارة على بسكليت مشي .. إلخ المهم انو شو حلو أنو تجي لعندك )
بالعكس كريستيان احسبها مزبوط بتلاقيها مصداقية

من كل الي أنا اعتبرتني اتهمتن قلي واحد بيقدر يشطر .. خلي يفرجيني عضلاتو ..

اي شخص بيكتب .. قدران يتعلم كيف يشطر ( اذا ما كان بيعرف سلف ) .. صدقني و في عالم هيه ما بتقبل تتعلم تشطر لحتى تضل حاسة بحرية حركة مع موسيقا معينة .. الموضوع كثير بيحمل وجهات نظر

صحي الإحساس هو الأهم بس بلا كلمات تهز السامع هاد ما شعر .. هاد تخريب

مربط الفرس .. الاحساس هوه الأساس .. طالما في قدرة يوصل الاحساس و لو بكلمة وحدة بس .. فهوه أجمل من معلقة ..
كريستيان الكلمة مثل الموسيقا مثلاً .. هيه مفردة نقل للاحساس .. قيس الموضوع عالموسيقا بتلاقي الجواب بسيط : في ألحان مشغول عليها بشكل فظيع .. بتجنن .. و في ألحان ولا أبسط .. و بتجنن
ما حلو نوصفها بتخريب لطالما نحنا مو متفقين أساساً على تعريف للاصطلاح ذات نفسو

أصلا أنا ما اعتبرت حالي شاعر غير لشفت دموع كتيرة من المستمعين ( هي إذا القصيدة حزينة ) بس انو المهم الشعر ما مجرد احساس

في عالم بتبكي لما بتسمع شخص عم يقول لصبية اشتقتلك بصوت مبحوح .. بدي ازعل منك هدا مو اسلوب للتقييم

بعدين بالنسبة للقصيدة النثرية هيك سموها و حسبوها الكتاب عالشعر بس الشعراء رأين انها محسوبة عالخاطرة ..

رجعنا لنفس الفكرة .. حسبوها وين ما يحسبوها .. ما بيقدروا ينفوا صفة ( الشاعر ) عن كاتبها لطالما قدرانة تحمل الاحساس

و بكرر انها ميدان المستشعرييييييين ..

بس انا بحب اقرا منن الي بحسن بنغمة شرطي الأول يكون فيها قافية

نحنا أوعى من أنو نجمد بمطرح و نعمم

[خريستوفوروس]

رد: مقارنات بين الشعر القديم والشعر الحر وقصيدة النثر

انت عم تحكي حكي كتير حلو .. رائع .. بس مانو واقع .. فيه من روعة الخيال .. انو أي إحساس هو شعر .. الشعر شي واسع ..
الشعر يا نبيذو موهبة .. و كل الناس تقريبا يوما ما كتبوا .. و حسو .. كل الناس موهوبين و بيقدرو يكتبو شعر ؟؟؟؟؟؟؟؟؟؟؟

[نبيذومطر]

رد: مقارنات بين الشعر القديم والشعر الحر وقصيدة النثر

انت عم تحكي حكي كتير حلو .. رائع .. بس مانو واقع

كريستيان العكس هوه الصحيح .. لاحظ معي كل الناس عم تروح باتجاه الأسلس و الأبسط بالوقت الحالي ما هيك ؟ شو السبب ؟ السبب أنو عم يلمسن من جوا

انو أي إحساس هو شعر .. الشعر شي واسع ..

هدا الحكي مزبوط .. السبب واضح و بسيط .. الاحساس هوه الأصل .. أما طريقة نقلو سواء كانت بالكلمة ولا بالموسيقا ولا بالرسم .. هيه مجرد طرق
و بالكتابة شو ما كان شكل نقل الاحساس .. المهم بالنتيجة أنو يوصل .. مو المهم الشكل
و بالموسيقا شلون ما كان اللحن على مقام الراست ( شرقي ) أو على مقام دو الكبير ( غربي ) .. و شلون ما كان شكلو من التعقيد للبساطة .. المهم بالنتيجة يوصل الاحساس
و بالرسم .. تجريدي تشكيلي .. إلخ .. مو مهم طالما بيوصل الاحساس

في جمالية و ابداع بكل شكل .. بس مو اذا شخص بيرسم تجريدي بيبطل اسمو رسام

الشعر يا نبيذو موهبة .. و كل الناس تقريبا يوما ما كتبوا .. و حسو .. كل الناس موهوبين و بيقدرو يكتبو شعر ؟؟؟؟؟؟؟؟؟؟؟

الموهبة هون مو الوزن و لا القوافي .. ما ليش عم نقول أنو الشكل مو مهم المهم القدرة على نقل الاحساس ؟!
لأنو ببساطة الموهبة هيه القدرة عالتعبير بالكلمة .. ببفرق تأثيرها من شخص لشخص .. بيفرق أسلوب كتابتها من شخص لشخص .. بتفرق كميتها و غزارتها من شخص لشخص

و كرمال سؤالك .. اي كل شخص بينقل احساسو بكلمتو .. حتى لو كانت بحبك .. هوه شاعر .. باللحظة يلي بيكتب فيها هالكلمة

بينما بيجوز غيرو يكون في عندو غزارة بالنقل و باي شي بيحب ينقلو و بالشكل يلي بيريدو

مثال صغير :
القدرة على التعبير بالكلمة .. هيه مجال مفتوح .. و الشخص يلي عندو هالموهبة بينمي قدرتو بالمجال يلي بيرتحلو .. بس مو بيبطل شاعر
و مثال اوضح :
في اشخاص بيكتبوا على بحور الشعر بس كتابتهن مجرد سرد .. بتحس بجمود و انت عم تقرا .. اي هدول مو شعراء

[خريستوفوروس]

رد: مقارنات بين الشعر القديم والشعر الحر وقصيدة النثر

بتشكرك انك نهيت الحوار .. شفت الإحساس مجالاتو : رسم و موسيقى و نحت و كتابة و شعر و تمثيل و مسرح و غيروووووووووووووووووووووووووو ..
و كل إنسان بوصل إحساس بكون عم يعمل شي حلو إذا بيقدر يوصلو حلو و قوي ..
بس ما شرط يكون عم يقول شعر ..
و بالتالي ليس كل إحساس شعر

[نبيذومطر]

رد: مقارنات بين الشعر القديم والشعر الحر وقصيدة النثر

بتشكرك انك نهيت الحوار .. شفت الإحساس مجالاتو : رسم و موسيقى و نحت و كتابة و شعر و تمثيل و مسرح و غيروووووووووووووووووووووووووو ..
و كل إنسان بوصل إحساس بكون عم يعمل شي حلو إذا بيقدر يوصلو حلو و قوي ..
بس ما شرط يكون عم يقول شعر ..
و بالتالي ليس كل إحساس شعر

الله يسامحك .. هيك بدي ازعل منك .. طيب بتقراني غلط و بتنهي من عندك

ليش عم تخلطن ؟

وسائل نقل الاحساس :

_ الكلمة
_ موسيقى
_ رسم
إلخ

_ الكلمة : ممكن بالشعر ممكن بالنثر ممكن بالقصة ممكن بالخاطرة الخ
_ موسيقى : ممكن بالشرقي ممكن بالغربي الخ
_ رسم : تجرييدي تشكيلي مدري شو .. إلخ

_ الكلمة : اذا بالشعر : ممكن عمودي ممكن تفعيلة ممكن قصيدة نثرية ممكن اي شكل جدييد ممكن اي شخص يخترعو ..
_ موسيقى : شرقي ( راست ) : ممكن مقامة .. ممكن غير شي .. ممكن شكل جديد .. الخ
_ رسم : تجريدي : في مدراس .. مدرسة فلان .. الخ


الأهم من كل هاد .. انو انا وياك متفقين فوق : ما في تعريف محدد لمصطلح شاعر و شعر
ولو .. كريستيان لا تزعلني منك

و برجع بكررلك المثال : في عالم بتتعب و بتتعلم توزن و تشطر و تقفي و يلي بدك ياه .. بالأخير بتقراها بتلاقيها كلام لغوي فيه صنعة .. بس جامد ما فيو احساس .. سرد .. هدول بيكتبو عمودي .. بس مانن شعراء ما هيك ؟

[خريستوفوروس]

رد: مقارنات بين الشعر القديم والشعر الحر وقصيدة النثر

اي أنا قلتلك .. إذا ما في كلمة تهزك هاد مانو شعر .. شو فائدة التقطيع و الأوزان ؟؟؟
على قولة أحمد شوقي :
والشعر ما لم يكن ذكرى و عاطفة ... أو حكمة فهو تقطيعٌ و أوزانُ .
(يعني بلا طعمة ) ..

بالنسبة للفنون الي عديتن .. بأكد انو كلن فيهن إحساس .. يعني مستحيل نسمي كل إحساس شعر و إلا منكون عم نتعدى عليهن ...
أهم منتدى للشعر العربي هو تابع لكووورة .. اسمو منتدى الشعر الفصيح .. إذا بتنزل قصيدة فيه بينقلوها على منتدى تاني اسمو منتدى الخاطرة و الشعر الحر .
أنا متل ما وضحتلك رأيي بالبداية انن ميدان واحد .. مستحيل تفرق بين الخاطرة و الشعر الحر .. و بحس انن اسمين لفن واحد .
بعدين كل الشعراء الكبار .. عدلي واحد منن بس بيكتب قصيدة نثرية .. (أصلا اسمها نثرية يعني ما شعرية ) .

[خريستوفوروس]

رد: مقارنات بين الشعر القديم والشعر الحر وقصيدة النثر

و بأكد انو كتابة الخاطرة و القصيدة النثرية هي موهبة مميزة لحالها بظن انو ما عندي ياها .

[نبيذومطر]

رد: مقارنات بين الشعر القديم والشعر الحر وقصيدة النثر

كريستيان يا عيوني .. خلافنا على شو كان ؟! مو على تعميم كلمة ( مستشعرين ) على كتاب القصيدة النثرية ؟!

و كل الحكي من فوق لتحت على شو كان ؟ مو على مبدأ أنو كاتب القصيدة النثرية هوه شاعر و ليس مستشعر ؟!

و كمالة الحكي كانت عن تفنيد مصطلح ( شعر و شاعر ) يلي ما الهن تعريف محدد
و على تفنيد حقيقة كلمة ( موهبة )

شبنا

نحنا عم نحكي عن كلمتك بالأساس ( مستشعرين ) و عم نقول التعميم غير مقبول .. على مبدأ أنو الشعر لا يساوي نهائياً وزن و قافية + .

بعدين كل الشعراء الكبار .. عدلي واحد منن بس بيكتب قصيدة نثرية ..

كريستيان لكن لشو حكينا عن فكرة ( رسام تجريدي و رسام تشكيلي ) مو لنقول أنو تنيناتن اسمن ( رسام )
و لشو حكينا عن فكرة نقل الاحساس

شو ارجع عيد المشاركات من أولها

كريستيان عيوني انت رح ارجع كرر

المقصود من الحديث ما يلي :

1 _ فائدة للكل .. بأنو اصطلاح كلمة شاعر أو شعر هوه حقيقة أوسع من أي شكل انوجد أو ممكن ينوجد

2 _ منع التعميم .. لحتى ما نستثير اي شب أو صبية بيكتبوا باي شكل من الاشكال عنا عالمنتدى

3 _ نمرق فكرة بيجوز تكون حلوة للكل و نحكي فيها



و بتبقى كلمة ( مستشعرين ) غير قادرة عالمرور عنا على صفحات المنتدى