جسر المحبة

[raindrop]

صباح الخير

صرلي زمان منقطعة وزمان ما نزلت قصة
لذلك هي القصة حلوة وتعويض كمان ...
يا رب تستفيدوا منا



*****هذه قصة أخوين عاشا مدة طويلة بالاتفاق والمحبة ، كانا يعيشان في مزرعتهما في الريف، يعملان معاً ويسود حياتهما التفاهم والانسجام الكلّي. وفجأة وفي يوم من الأيام

... نشبت مشاجرة بينهما وكانت هذه المشكلة الأولى التي نشأت بينهما بعد أربعين عاما عَمِلا فيها معًا في فلاحة الأرض، مشاطرَيْن الآلات والأجهزة، متقاسمَيْن المحاصيل والخيرات.نشأ الخلاف من سوء تفاهم بسيط وازداد... حتى نشب شجار تفوّها به بكلمات مرّة وإهانات، أعقبتْها أسابيع صمت مطبق. فأقاما في جهتين مختلفتين.

.. ذات صباح قرع قارع باب لويس وهو الأخ الأكبر.وإذا به أمام رجل غريب..."إني أبحث عن عمل لبضعة أيام" قال هذا الغريب. .. قد تحتاج إلى بعض الترميمات الطفيفة في المزرعة وقد أكون لك مفيدا في هذا العمل".فقال الأخ الأكبر " نعم ، لي عمل أطلبه منك... هناك حيث يعيش جاري، أعني أخي الأصغر. حتى الأسبوع الماضي كان هناك مرج رائع،لكنّه حوّل مجرى النهر ليفصل بيننا. قد قصد ذلك لإثارة غضبي، غير أني سأدبّر له ما يناسبه!"وأضاف شارحاً : " أترى تلك الحجارة المكدّسة هناك قُرب مخزن القمح؟ ...اسألكَ أن تبني جدارا علوه متران كي لا أعود أراه أبدا".أجاب الغريب: "يبدو لي أنني فهمتُ الوضع".

ساعد الأخ الأكبر العامل في جمع كل ما يلزم ومضى إلى المدينة لبضعة أيام لينهي أعماله.وعندما عاد إلى المزرعة، وجد أن العامل كان قد أتمّ عمله. ...فدهش كل الدهشة ممّا رآه ... فبدلأ من أن يبني حائطاً فاصلاً علُوّه متران، بنى جسراً رائعاً يربط بين البيتين.وفي تلك اللحظة ركص الأخ الأصغر من بيته نحو الأخ الأكبر مندهشاً وقائلاً: "إنّك حقّاً رائع، تبني جسراً بيننا بعد كلّ ما فعلته بك؟ إني لأفتخر بك جدّاً.وعانقه. وبينما هما يتصالحان، كان الغريب يجمع أغراضه ويهم بالرحيل.

"انتظر"..."انتظر"... قالا له. "ما زال عندنا عمل كثير لكَ".فأجاب:"كُنتُ أحبّ أن أبقى، لولا كثرة الجسور التي تنتظرني لأبنيها".

الحكمة لو سمحتوا ..

[marmora_56]

رد: جسر المحبة

انا بقول انو اكبر مشكلة بتنتهي بلمسة محبة

[SKY ANGEL]

رد: جسر المحبة

رحاب هالقصة او شبيهة هالقصة صارت بعايلتنا وهي كالتالي عندي جدي واخوه جدي كان الاصغر صار عمرون ستين سنة تقريباً ولا يوم زعلو بعض ولا بكلمة وبيوم من الايام صار خلاف بيناتون كرمال الارض والزراعة وهيك جدي بطل يحكي مع اخوه الي هني ساكنين بحوش وحدة اكلون واحد وشربون واحد من لما خلقو اخوه لجدي من قهرو صابو شلل بعد الخلاف باقل من عشر ايام وضل بالفرشة وجدي ماكان يروح يصالحو ب اقل من سنة توفا اخوه لجدي جدي من قهرو عليه بعد ما مات كمان صابو شلل وضل مشلول خنس ست سنين لبين مامات وكل يلي بيعرفون بيقولوا الاول نشل ومات من قهرو على اخوه والتاني نشل ومات من قهرو على اخوه كيف انو خلاف صغير بيخلي الواحد ينسا عشرة العمر والطفولة والذكريات الحلوة بالفعل كل واحد مننا لازمو جسر بهالحياة

[ابو جان]

رد: جسر المحبة

متل ما قالت مرمورة .. المحبة اساس كل شي بهل حياة

[raindrop]

رد: جسر المحبة

انا بقول انو اكبر مشكلة بتنتهي بلمسة محبة

هو هيك المفروض حتماً ومنطقياً
لكن في عالم بتضل حاملة بقلبا مشاعر سلبية .. وبتنسى إنو كل من عليها فان

[raindrop]

رد: جسر المحبة

رحاب هالقصة او شبيهة هالقصة صارت بعايلتنا وهي كالتالي عندي جدي واخوه جدي كان الاصغر صار عمرون ستين سنة تقريباً ولا يوم زعلو بعض ولا بكلمة وبيوم من الايام صار خلاف بيناتون كرمال الارض والزراعة وهيك جدي بطل يحكي مع اخوه الي هني ساكنين بحوش وحدة اكلون واحد وشربون واحد من لما خلقو اخوه لجدي من قهرو صابو شلل بعد الخلاف باقل من عشر ايام وضل بالفرشة وجدي ماكان يروح يصالحو ب اقل من سنة توفا اخوه لجدي جدي من قهرو عليه بعد ما مات كمان صابو شلل وضل مشلول خنس ست سنين لبين مامات وكل يلي بيعرفون بيقولوا الاول نشل ومات من قهرو على اخوه والتاني نشل ومات من قهرو على اخوه كيف انو خلاف صغير بيخلي الواحد ينسا عشرة العمر والطفولة والذكريات الحلوة بالفعل كل واحد مننا لازمو جسر بهالحياة

هي تالت رد إلك اليوم بزعلني سكاي شكلك متقصدني

لأن هالقصة زعلتني كتير بجد مساكين بعد هالعمر كلو يموتوا ع زعل
والله الدنيا ما مستاهلة .. وين الحب وين العشرة وين الذكريات وين ووين ووين
أنا بستغرب من الواحد كيف بيقدر ينام وهو مزاعل حدا بحبو .. يعني بصير زعل ليوم تنين وشهر ممكن بس ما لازم يطول
الواحد ما بيعرف إمتى بيرحل عن هالدنيا وكمان رح يضل عايش مقهور ومعيش الطرف التاني بقهر
ليش الواحد يضل حاقد بعرف في مواقف من ناس بتكون كارثية بس لما بكون في محبة بالأصل والله مهما الواحد كره بس يروق بيرجع متل أول ..

متل جدودك التنين ماتوا بقهر ..
عكل كل عيلة إلا وما تلاقي فيا قصص من هالنوع تقريباً وخصوصاً خلافات الأرض .. بس ما سمعت بحدا مات من قهرو هيك

وحياتنا مليانة هيك ناس بعد العشرة والمحبة والذكريات بموقف بيتزاعلوا ...
يا ريت كل واحد يتذكر إنو الحياة فانية ومهما زعل لازم ما يطول . حرام بلحظة كره يدمر المحبة كلا ..

جسر المحبة موجود دائماً طالما في أساس قوي وصادق بس بيحتاج للجرأة والخطوة الأولى ..
هيك رأيي ..

[raindrop]

رد: جسر المحبة

متل ما قالت مرمورة .. المحبة اساس كل شي بهل حياة

صحيح أبو جان المحبة أساس كل شي

لكن كمان منقدر نقول :

لنكن ممن يبني جسور المحبة بين الناس وليس هدامين لها .. لنزرع الوصل ونتوقف عن نثر بذور القطيعة

متل ما عمل العامل ..