البنت اوفى من الولد

[firas22]

من اوفى البنت ام الولد ؟؟

بعد حفلة عرس عامرة في أحد فنادق الخمسة نجوم، اصطحب العريس عروسه إلى شقة كان قد استأجرها قبل الزفاف في ذلك الفندق لقضاء شهر العسل.

في الثامنة من صباح اليوم التالي حضرت أمه وإخواته، لزيارته في الغرفة وليقلن له "صباحية مباركة يا عريس".

استيقظ العريس على صوت رنين الجرس متسائلا: من يمكن أن يكون في مثل هذه الساعة؟ نهضت العروس واقتربت من العين السحرية، وهي تقول: إنها أمك وأخواتك، لقد جئن مبكرا جدا. لا ترد عليهن ودعنا من زيارتهن.

أعاد العريس الغطاء على رأسه واستمرا في نومهما، بعد ساعة واحدة، قرع الجرس مرة أخرى، قامت وهي تتمتم.. لعلها أمك عادت مرة أخرى، وما أن اقتربت من العين السحرية حتى صاحت: إنها أمي مع أخواتي، قم بسرعة، فقد آن أوان الاستيقاظ والساعة تقترب الآن من العاشرة فكفانا نوما..

قفز من الفراش مسرعا، وغسل وجهه، وطلب منها فتح الباب لاستقبال والدتها.

انتهى شهر العسل، وكم كانت فرحته عظيمة عند سماعه خبر حملها، وزادت فرحته، ولم تسعه الدنيا عندما رزق بمولودة جميلة من حبيبة العمر، وطار بها من شدة الفرح، ولم يفارق زوجته لحظة، بل ولم يتركها تتحرك حركة واحدة، خوفا عليها، وأغدق عليها الهدايا تلو الهدايا، وأغرق ابنته بأجمل وأغلى الفساتين.

وزاد حبه وقربه لزوجته.. بعد مجيء صغيرته لهذه الدنيا.. وبعد ما يقارب الأعوام الثلاثة رزق بمولود، وفرح الجميع بهذا الخبر، وتوقع أهل العروس أن يزداد فرح الاب هذه المرة اضعاف المرة الأولى، فالقادم ذكر.

ولكن الجميع فوجئوا بأن الزوج استقبل الخبر ببرود شديد، بل واختفى عن الأنظار، وابتعد عن زوجته وأصبح يلبي حاجاتها بالهاتف خلال فترة النفاس.. بينما كان بالأمس لا يفارقها لحظة واحدة.

في يوم من الأيام سألته زوجته عن هذا التغير الغريب في سلوكه، وطلبت منه أن يخبرها سبب لا مبالاته، وحزنه للخبر، بينما كان يفترض العكس.

فقال لها: البنت ترحب بأهلها إذا جاؤوها ولا تفضل عليهم زوجها، والولد يضحي بأمه وأهله من أجل زوجته فالبنت أكثر وفاء من الولد.

فهمت زوجته ما أراد، وصمتت عن التعليق.

فما رأيكم ايها الاعضاء من اوفى ؟؟؟؟ ..

[anas.]

رد: البنت اوفى من الولد

حلوة القصة
اول شي مشكور فراس
بس انو يعني بهاي القصة طلعت البنت اوفى
بس مو هيك على طول بالواقع

[maisoo]

رد: البنت اوفى من الولد

انا مقتنعة تماما انو البنت اوفى بكتيرررررررر
ولا انت شو بتقول؟
شكرا كتير حلوة القصة

[hboob]

رد: البنت اوفى من الولد

لا مو بس بهاي القصة انس

البنت اوفى دائما

مشكور كثير القصة كثير حلوي

[mimi]

رد: البنت اوفى من الولد

برايي البنت اوفى بس اكيد مو كل اصابيعك متل بعضن

مشكور فراس

[نبيذومطر]

رد: البنت اوفى من الولد

ما في حقايق ثابتة بهالموضوع .. على طول طبيعة المجتمع بتلعب دور .. و على طول ما بيكون في حالة عامة

[بنت الوادي]

رد: البنت اوفى من الولد

طبعا طبعا اكيد الاهل ما الهن غير بنتن بالنهاية تلت ارباع الاولاد تشاتيش بينسوا اهلن كرمال مرتن
يا عيب الشوم
يسلمن الموضوع حلو فراس

[روري]

رد: البنت اوفى من الولد

هلء أنا برأيي و حسب ما بشوف أنو البنت بتضل مع أهلا أوفى من الشب
بس كمان متل ما قالوا مو كل أصابيعك متل بعضا يعني ممكن يكون في حالات بالعكس
و شكراً كتير عالموضوع

[firas22]

رد: البنت اوفى من الولد

وحياة العدرا يا جماعة انا بعرف من اخواتي البنات والله البنات احن على اهلون

[heba]

رد: البنت اوفى من الولد

وانا معكن انو البنت اوفى لأهلا من الشب
وبضل احن عليون
ثانكس فراس

[The D.I.S]

رد: البنت اوفى من الولد

ما شرط لأن هي بتوقف حسب الشب

ومشكور

[cloude]

رد: البنت اوفى من الولد

ما شرط لأن هي بتوقف حسب الشب

ومشكور

و انا معك ليش لحنا مننظر انو الشب مجرد من الاحاسيس بالعكس ممكن يكون احن بكتير

[anas.]

رد: البنت اوفى من الولد

لا مو بس بهاي القصة انس

البنت اوفى دائما

مشكور كثير القصة كثير حلوي

لا هبه
هاي قصة
وما بصير نعمم
طيب مثلا انو الأهل ما عندهن ولاد بنات وعندهن بس شباب
شو يعني ما حدا بيعينن او بيهتم فيهن بعدين.

و انا معك ليش لحنا مننظر انو الشب مجرد من الاحاسيس بالعكس ممكن يكون احن بكتير

مزبوط كلود
هاي الفكرة منتشرة كتيييير
انو الشب مجرد من الأحاسيس
بس الحقيقية هي انو الشب اوقات بيخفي مشاعيرو -ال ميشان رجولتو-
بس مو الكل
فأنا مثلا عندي امي بالدني
وبعمل المستحيل وما شوف دمعة من امي.
بس شو ما عملت هاي الفكرة مستحيل تقدر تزيلها من عقول البشر وخاص البنات.