فايس بوك وأخواتها... أو ماذا تقول عنا الشبكات الاجتماعية الإلكترونية

[The King]

أنا بصراحة يا جماعه
حبيت كتير هالموضوع ولفت نظري واثار عندي كتير تسائلات

بتمنى منكن تقروه وتعطونا رأيكن فيه لنتناقش فيها

عامل الموضة هو السبب الرئيس والأول الذي يجعل عشرات الملايين يشتركون في ما اصطلح على تسميته «الشبكات الاجتماعية الإلكترونية»، ورغم أن عالم الإنترنت يشكل منذ أكثر من عقد جزءاً مهماً من حياتنا اليومية، فإن الباحثين في ميادين متنوعة لا يملّون دراسة جوانب مختلفة من الظواهر والعلاقات والسلوكيات التي تنتج عن استخدامه.
مجلة «بسيكولوجي» الفرنسية خصصت ملفاً كاملاً لمفهوم «الصداقة» الجديد كما بات يُحدد من خلال مواقع الإنترنت، كما طرحت صحيفة «لوفيغارو» السؤال عن الحب عبر الشبكة الافتراضية ليجيب عنه أريك إيمانيول شميت وسيرج تيسون.
عام 2007 كان سنة «فايس بوك» كما سُجّل حضور متميز لماي سبايس و secon life، ومن الصفات التي باتت تطلق على المشتركين على هذه المواقع هي «أنهم أبناء العصر»(!).
وبعيداً عن قضية الموضة، يكشف الإبحار عبر الشبكات الاجتماعية حنيناً إلى الماضي. إذ يكثر بين المشتركين البحث عن الأصدقاء القدامى، فيما تبرز في المقابل رغبة بالبحث عن أصدقاء جدد، وكأن الأصدقاء الذين نعرفهم في الواقع ونلتقيهم في الحاضر لا أهمية كبيرة لهم إلا إذا «لاقونا» في أحد المواقع. لحظة الحاضر معلقة بين حنين إلى الماضي ورغبة في بناء صداقات للمستقبل.
«شبكة الإنترنت أوجدت حلاً لمرض العصر أي الشعور بالوحدة، وهو شعور يتنامى بين أبناء المدن وأبناء الريف». هذه الجملة ترددت تكراراً على ألسنة من استطلعتهم مجلة «بسيكولوجي» في بحثها عن أسباب التعلق بالشبكة الافتراضية، وأضاف بعض المستطلعين أنهم من خلال «فايس بوك» وأخواتها يقولون «أنا مشترك في شبكة اجتماعية افتراضية ... إذاً أنا موجود».
يسمح الإبحار في هذه الشبكة بالاستسلام للهو واللعب، وهذا ما يشكل أحد عوامل نجاحها، ومن خلالها نعيد خلق شخصياتها، نرسم لأنفسنا شخصيات ووجوهاً نحلم بها، نقدم أنفسنا كما يحلو لنا، فنحن لسنا في مواجهة واقعية مع آخر، تفصلنا شاشات ومسافات قد تطول أو تقصر، لكنها بالحسابات الافتراضية لا تزيد على بضعة سنتيمترات، فثمة شعور زائف لدى المبحر في الشبكة بأنه قريب جداً من محدثه رغم إدراكه لـ«قواعد اللعبة» التي تفرض ما يشبه «جداراً عازلاً» بين «الأصدقاء». إلا أن القدرة على «التخفي» أو إدراك بأن عيون الآخر لا تحاصرنا يزيد من حريتنا ومن قدرتنا على اللعب وربما تخيل أنفسنا. ومن المفاهيم التي تروّج لها الشركات شعار «تزداد قيمتك بزيادة عدد أصدقائك الافتراضيين»، وبأن الصداقة يمكن أن تتم بـ«غمضة عين»، وبكبسة زر يصير للمرء عشرات الأصدقاء، وهي مفاهيم تناقض كل ما يعرف عن الصداقة في العالم الواقعي. وأبرز وصف لهذه العلاقة ما جاء في كتب باسال دولوماس، مذكراً بأن علاقة الصداقة تتطلب وقتاً طويلاً حتى تمتد وتتعمق، وبأنها تتطلب تنازلات متبادلة من أطرافها، وبأن يقبل الصديق باختلافات صديقه عنه وأن يتبادلا الثقة.
الفخ الآخر الذي تنصبه الشبكات لمشتركيها يتعلق بوهم «المساواة» مع نجومهم أو رموزهم. فحين تعلن المغنية الأميركية مادونا أن لها مجموعة من 5400 صديق على «فايس بوك» فإنها بذلك تتحايل على «أصدقائها» هؤلاء لأنهم في حقيقة الأمر ليسوا سوى معجبين بها وبفنها ولا تربطها بهم أية علاقات. وقد لا تكون هي من يتواصل معهم، بل مندوب عنها أو أحد الموظفين لديها، لكنها بإعلانها هذا تفعل ما يفعله آلاف النجوم في الفن والسياسة.
أنا ما أريد أن أكونه، على صفحات الشبكة الإلكترونية بات الآلاف يحققون أو يرسمون «أحلام اليقظة» التي تراودهم، وفي غرف المحادثات بشكل خاص يلعبون أدواراً متنوعة، ينزعون عن أنفسهم أسماءهم ويتبنّون ألقاباً تُعرّف بهم ويتحررون من كل ضوابط الرقابة الذاتية وعمليات القمع التي تمارسها الأسرة أو المدرسة أو الجيران أو زملاء العمل. وكما تُبنى «الصداقات» في العالم الافتراضي سريعاً فإنها تنتهي بكبسة زر، يكفي أن يقرر المرء أن ينسحب، ويقفل جهاز الكمبيوتر ليدخل «عتمة النسيان»، سيسأل عنها أعضاء مجموعته لبعض الوقت ثم ينسون أنه «وُجد» بينهم وفق ما قال الباحث الفرنسي مايكل ستورا.
وماذا عن الحب؟ يجيب تيسون «اللقاءات الافتراضية المكثفة تسبق اللقاء الحقيقي، وفي معظم الأحيان تحل الخيبة مكان الإعجاب لأننا نعتقد أننا نعرف أموراً كثيرة عن الآخر فنكتشف أننا في حقيقة الأمر لا نعرفه جيداً.
أما التحوّل الكبير الذي يتوقف عنده تيسون فإنه قد تم على مستوى الرغبة بملامسة الآخر، قال «كانت عملية الإغراء ترمي في نهاية الأمر إلى إقامة علاقة جسدية مع الشخص الذي نُعجب به، «ونأمل بأن نصل إلى هدفنا سريعاً، ولكن الأمر تبدّل عبر الإنترنت فقد صار الهدف من عملية الغواية أن نتمكن من إطالة أمد التحادث عبر الإنترنت، واللقاء بهذا الآخر عبر الشبكة للتكلم معه فقط».

[cloude]

رد: فايس بوك وأخواتها... أو ماذا تقول عنا الشبكات الاجتماعية الإلكترونية

حاسو متل الماسنجر كلو كذب بكذب بس الفرق انو الشب او البنت بتكون حاطى او حاطط صورة اكبر شوي

بالمجتمعات الغربية الهدف الاساسي هو بالنهاية اقامة علاقة جنسية بشكل عام و هالشي ممكن نلاحظو من طبيعة الصور الليي عم تنحط

اما بالمجتمعات العربية فالهدف طق الحنك و مستخدم من قبل البنت اكتر لاصطياد شي عريس مدسم و بنفس الوقت الهدف المخفي اللي هو العلاقة الجنسية و هون بالتحديد عم احكي عالشب الخليجي اكتر من غيرو لانو يلا بلا منحكي

و لي عودة لكمل مناقشة اذا حدا اهتم اصلا

مشكور ياغالي اشتاتلك كتير

[abogabi]

رد: فايس بوك وأخواتها... أو ماذا تقول عنا الشبكات الاجتماعية الإلكترونية

أنا حاب أحكي عن فكرتين و التالتة التعارف بعتبرها متلو متل غيرو وممكن يتميز ببعض التفصيل فقط وسهولة البحث

- الربح المادي بالعمل على الانتشار لتحقيق الربح الأكبر وأكد facebook تواجدو وحضورو ضمن الشبكة صح فكرتو كانت بالبداية عبارة عن موقع بشكل وتنسيق غريب وجديد ليجمع طلاب جامعة هارفورد " والفكرة لـ الطالب Mark Zuckerberg " بس هلأ صار عدد مشتركيه بيتجاوز الـ 50 مليون وبشكل يومي يصل لـ 200 ألف مشترك.
وتم تقديم عرض لـ مايك للشراء بقيمة مليار $ لكن رفض وكان تقديرو صحيح لأن مايكروسوفت أخذت حصة " 5 % " بالاتفاق مع غوغل لبيع اللوحات الإعلانية والصفقة قدرت بين 300 لـ 500 مليون $ يعني بشكل تقريبي صار سعر الـ facebook من 6 - 10 مليارات $ وهلا تجاوزت أرباح مايك من ورا facebook الـ 4 مليارات دولار والكاشير عم يعد.

ام الاستفادة أيا كانت من ناحية أفراد أو شركات أنا بشوف فكرة الشبكات الاجتماعية الألكترونية بتساعد بشكل كبير من ناحة سهولة البحث واستقصاء المعلومات إن كانت الغاية المعرفة أو السياسة أو الترويج لمنتج ما

ومشكور مع العودة يا ملك بس زغللو عيوني ع الـ $

[brave heart]

رد: فايس بوك وأخواتها... أو ماذا تقول عنا الشبكات الاجتماعية الإلكترونية

حاسو متل الماسنجر كلو كذب بكذب بس الفرق انو الشب او البنت بتكون حاطى او حاطط صورة اكبر شوي

بالمجتمعات الغربية الهدف الاساسي هو بالنهاية اقامة علاقة جنسية بشكل عام و هالشي ممكن نلاحظو من طبيعة الصور الليي عم تنحط

اما بالمجتمعات العربية فالهدف طق الحنك و مستخدم من قبل البنت اكتر لاصطياد شي عريس مدسم و بنفس الوقت الهدف المخفي اللي هو العلاقة الجنسية و هون بالتحديد عم احكي عالشب الخليجي اكتر من غيرو لانو يلا بلا منحكي

و لي عودة لكمل مناقشة اذا حدا اهتم اصلا

مشكور ياغالي اشتاتلك كتير

انا بختلف معك باكتر من نقطة لانو التعميم يلي تفضلت فيه ظلمت المجتمع الغربي والعربي ...
لانو بعكسك انا لاحظت انو الفيس بوك مفيد جدا خصوصا بالمجموعات يلي فيه ..

بعدين لو انو كان لطق الحنك كيف بتفسر حجب الدولة السورية لالو بالعكس هوة مكان للتجمع ممتاز من خلال انتشارو ممكن تستفيد منو لنشر افكارك او تأييد افكار ما .. شوف المجموعات الموجودة ........

يعني انا بفهم انو بالفيس بوك لاقي غوربات متل محبي فيروز وزياد وغروبات للمتدينين او الملحدين بس ما فيني افهم كيف ممكن تتشكل رابطة لمحبين زياد الشخص اليساري العلماني الى حد الالحاد والتتطرف ليساريتو وشيوعيتو هون بنمتدى الشباب المسيحي يعني ديني بالاسم والمضمون بشكل كبير وواضح ...اما بالفيس بوك ممكن افهمها واقبلها اكتر ..

شكرا كتير ولالي عودة ...:smily (24):

[aboremon]

رد: فايس بوك وأخواتها... أو ماذا تقول عنا الشبكات الاجتماعية الإلكترونية

الفيس بوك أو غيرو مواقع مفيدة وفكرتو بجمع الناس حول العالم رائعة
ممكن أشخاص برأينا سيئين يكونو عم يستخدموا لاغراض شخصية
بس نحنا عايشين بعالم ماإلو جنسية وحدة ممكن هاد الشخص يكون عم يمشي جنبك ومايعجبك وهون هي حرية الاختيار
( كبسة زر )
بوابة الانترنت بشكل عام أنا برأي هي مادية وثقافية بنفس الوقت

[cloude]

رد: فايس بوك وأخواتها... أو ماذا تقول عنا الشبكات الاجتماعية الإلكترونية

انا بختلف معك باكتر من نقطة لانو التعميم يلي تفضلت فيه ظلمت المجتمع الغربي والعربي ...
لانو بعكسك انا لاحظت انو الفيس بوك مفيد جدا خصوصا بالمجموعات يلي فيه ..

انا ما عممت و لا اسات بحكيي لا للمجتمع الغربي و لا العربي انا حكيت عن شي عم يصير استغلال الموقع للوصول لغايات معينة و اللي سبق حكيتا
اما عن المجموعات اللي عم تحكي عنا فهن اكتريتون عم يكونو رفقاتك و بتعرفون او رفقات رفقاتك يعني ما طلعت برا كتير

بعدين لو انو كان لطق الحنك كيف بتفسر حجب الدولة السورية لالو بالعكس هوة مكان للتجمع ممتاز من خلال انتشارو ممكن تستفيد منو لنشر افكارك او تأييد افكار ما .. شوف المجموعات الموجودة ........

اي الدولة السورية حجبتو منشان طق الحنك بمواضيع تانية و عادي هو من جملة المواقع المحجوبة متل اليوتيوب كمان بس مافينك تنكر و لا لحظة انو متلو متل السكاي بي انا عجبتني هالبنت او هالشب بضيفو و بتسلا معو ما لافكارو او ثقافتو

يعني انا بفهم انو بالفيس بوك لاقي غوربات متل محبي فيروز وزياد وغروبات للمتدينين او الملحدين بس ما فيني افهم كيف ممكن تتشكل رابطة لمحبين زياد الشخص اليساري العلماني الى حد الالحاد والتتطرف ليساريتو وشيوعيتو هون بنمتدى الشباب المسيحي يعني ديني بالاسم والمضمون بشكل كبير وواضح ...اما بالفيس بوك ممكن افهمها واقبلها اكتر ..

برجع و بقول انو مين عم يكون بالمجموعات غير اصدقائك اللي بتعرفون و رفقاتون يعني انا بكون مجموعة و بسميا عشاق كلود و بعد يومين بتصير فيا انتا و ابوغابي و مجد و بعدين رفقاتون و هيك
بالنسبة للتجمعات الدينية اغلب اعضائها مشتركين باكتر من مجموعة و المناقشات مافي الا اذا كانو مجموعات متدينة برات سورية هون انا بايدك لانو مناقشاتون رائعة و هايدي النقطة انا بايدا بس بضل بين عرب مع بعض يعني صف حكي انا ما عم عمم انا عم احكي عن اغلبية المجموعات

و بالنسبة للمنتدى كلمة وحدة انا بعمل لالي ما للادارة يعني اذا انا مني متفق مع مجد بروح بضرب بوز و ما بشارك لانو ما بتخس علي بتخس عليي و من ناحية المضمون اللي غايب بانو المنتدى اسم فانا ما معك لانو الشي الموجود بقسم اللاهوت باتحدا اذا في منو بمنتدى تاني الا بمنتديات الاقباط المصريين اللي فعلا برفعلون التحية اما عالمستوى السوري ما بظن هالتنوع موجود متل هون بس النقص هو انو لساتو بطور النمو و انتظرلك فترة و شوف كيف رح يتغير كلشي بس لحنا اذا اتركنا و رحنا كيف بدو يتابع فهمني

شيل العلاقات السيئة مع الاعضاء انطلق من حالك انا ما عم نظر و لا احكي بس لو متل ماعم تحكي كنت انا قبلك تركت و بتفهم اصدي

شكرا بريف عمداخلتك الحلوة و ارجع متل ما بعرفك

[brave heart]

رد: فايس بوك وأخواتها... أو ماذا تقول عنا الشبكات الاجتماعية الإلكترونية

انا ما عممت و لا اسات بحكيي لا للمجتمع الغربي و لا العربي انا حكيت عن شي عم يصير استغلال الموقع للوصول لغايات معينة و اللي سبق حكيتا
اما عن المجموعات اللي عم تحكي عنا فهن اكتريتون عم يكونو رفقاتك و بتعرفون او رفقات رفقاتك يعني ما طلعت برا كتير

صديقي انت بردك الاول كنت معمم وهلق وضحت انو بعض الاشخاص ...على كل حال

ما فهت فكرة الاستغلال وين الغلط فيها بتقدر تستغل الانترنيت حسب فكرك يعني اذا بدك تسلية وطق حنك .. او غايات جنسية .. او دينية .. او ثقافية هاد الشي بيرجع للمستخدم يعني العطل من المستخدم وليس الموقع انت لحتى تطق حنك بدو يكون في اشخاص بيشاركوك الغاية .. بتمنى تكون وضحت الفكرة
على كل حال ابو غابي قال 50 مليون المستخدمين خلي 40 مليون فايتين تسلية وخليني اتقاطع اهتماماتي مع ال10 مليون الباقيين..

اي الدولة السورية حجبتو منشان طق الحنك بمواضيع تانية و عادي هو من جملة المواقع المحجوبة متل اليوتيوب كمان بس مافينك تنكر و لا لحظة انو متلو متل السكاي بي انا عجبتني هالبنت او هالشب بضيفو و بتسلا معو ما لافكارو او ثقافتو

كلود مجنون يحكي وعاقل يسمع الدولة السورية حجبت الفيس بوك مشان طق الحنك وتركت المواقع المختصة بطق الحنك والجنس مفتوحة انا هون بقلك اتطلع على مجموعة المواقع المحجوبة بشكل كامل بتعرف توجه الدولة السورية بالحجب شو الهدف والغاية منو ...

برجع و بقول انو مين عم يكون بالمجموعات غير اصدقائك اللي بتعرفون و رفقاتون يعني انا بكون مجموعة و بسميا عشاق كلود و بعد يومين بتصير فيا انتا و ابوغابي و مجد و بعدين رفقاتون و هيك
بالنسبة للتجمعات الدينية اغلب اعضائها مشتركين باكتر من مجموعة و المناقشات مافي الا اذا كانو مجموعات متدينة برات سورية هون انا بايدك لانو مناقشاتون رائعة و هايدي النقطة انا بايدا بس بضل بين عرب مع بعض يعني صف حكي انا ما عم عمم انا عم احكي عن اغلبية المجموعات

و بالنسبة للمنتدى كلمة وحدة انا بعمل لالي ما للادارة يعني اذا انا مني متفق مع مجد بروح بضرب بوز و ما بشارك لانو ما بتخس علي بتخس عليي و من ناحية المضمون اللي غايب بانو المنتدى اسم فانا ما معك لانو الشي الموجود بقسم اللاهوت باتحدا اذا في منو بمنتدى تاني الا بمنتديات الاقباط المصريين اللي فعلا برفعلون التحية اما عالمستوى السوري ما بظن هالتنوع موجود متل هون بس النقص هو انو لساتو بطور النمو و انتظرلك فترة و شوف كيف رح يتغير كلشي بس لحنا اذا اتركنا و رحنا كيف بدو يتابع فهمني

شيل العلاقات السيئة مع الاعضاء انطلق من حالك انا ما عم نظر و لا احكي بس لو متل ماعم تحكي كنت انا قبلك تركت و بتفهم اصدي

شكرا بريف عمداخلتك الحلوة و ارجع متل ما بعرفك

هون في عدة نقاط اول شي من ردك انو المجموعات عم يكونو بيعرفو بعض غلط كبير بقلك انو واضح انو مانك مشتغل منيح بالفيس بوك مشان هيك رديت هيك لانو المعلومة غلط

النقطة التانية انو العرب بصفو حكي معك انا بس سؤال هاد المنتدى وين من هالتصنيف انو صف حكي انا ما هاجمتك ولا هاجمت المنتدى انا عطيت وجهة نظر وضربت مثال انطلاقا من هاد المنتدى لانو كمان انا بتوقع انو عضو فيه والي مشاركات وبقدر اعتبر انو ضربت مثال بحالي ... دفاعك المستميت بين وكأني عم هاجم مجد او المنتدى .. اوك انا قلت رأيي بالاسم والفكرة هاد حقي وما فيها شي انا ما بحبذ الفكر اليميني والديني ... عادي

شيل العلاقات السيئة مع الاعضاء انطلق من حالك انا ما عم نظر و لا احكي بس لو متل ماعم تحكي كنت انا قبلك تركت و بتفهم اصدي

شكرا بريف عمداخلتك الحلوة و ارجع متل ما بعرف

بتمنى منك توضح هي الفكرة ما كتير فهمتها

مية وردة

[cloude]

رد: فايس بوك وأخواتها... أو ماذا تقول عنا الشبكات الاجتماعية الإلكترونية

دفاعك المستميت بين وكأني عم هاجم مجد او المنتدى .. اوك انا قلت رأيي بالاسم والفكرة هاد حقي وما فيها شي انا ما بحبذ الفكر اليميني والديني ... عادي

انا ما دافعت لا عن مجد و لا غيرو انا انطلقت من فكرة انتا قلتلي عليا انو لحنا المنتدى بحد ذاتو لهيك كان دفاعي بيجوز قاسي شوي اسف
اما عن التطرف صح انا عكسك تماما متطرف باتجاه الدين صح و هادا دايما واضح من طبيعة كتابتي

بيجوز انا مني متعمق في كتير للفيس بووك بس حكيت هالشي من طبيعة الانفيتيشنس اللي بتجيني بيجوز متل ماقلت اللي هي بعيدة عن اهتماماتي

مشكور بريف

[brave heart]

رد: فايس بوك وأخواتها... أو ماذا تقول عنا الشبكات الاجتماعية الإلكترونية

انا ما دافعت لا عن مجد و لا غيرو انا انطلقت من فكرة انتا قلتلي عليا انو لحنا المنتدى بحد ذاتو لهيك كان دفاعي بيجوز قاسي شوي اسف
اما عن التطرف صح انا عكسك تماما متطرف باتجاه الدين صح و هادا دايما واضح من طبيعة كتابتي

بيجوز انا مني متعمق في كتير للفيس بووك بس حكيت هالشي من طبيعة الانفيتيشنس اللي بتجيني بيجوز متل ماقلت اللي هي بعيدة عن اهتماماتي

مشكور بريف

صديقي انت فهمت ردي غلط وصرت تقول مشاكل مع اعضاء وتعطي آمال عن مستقبل المنتدى مع انو محور النقاش هوة الفيس بوك ......

مو وصرت تجيب امثلة ونقاشات دارت بينا ما الها علاقة بالموضوع وطلعت عن الموضوع الاساسي ورجاع متل مابعرقك ؟؟؟ انو مين خبرك اني ماغير واذا متغير
التغير للامام مو مستعد ارجع لورا

مية وردة كلود وشكرا على النقاش :smily (24):

[AboJado]

رد: فايس بوك وأخواتها... أو ماذا تقول عنا الشبكات الاجتماعية الإلكترونية

حاسو متل الماسنجر كلو كذب بكذب بس الفرق انو الشب او البنت بتكون حاطى او حاطط صورة اكبر شوي

بالمجتمعات الغربية الهدف الاساسي هو بالنهاية اقامة علاقة جنسية بشكل عام و هالشي ممكن نلاحظو من طبيعة الصور الليي عم تنحط

اما بالمجتمعات العربية فالهدف طق الحنك و مستخدم من قبل البنت اكتر لاصطياد شي عريس مدسم و بنفس الوقت الهدف المخفي اللي هو العلاقة الجنسية و هون بالتحديد عم احكي عالشب الخليجي اكتر من غيرو لانو يلا بلا منحكي

و لي عودة لكمل مناقشة اذا حدا اهتم اصلا

مشكور ياغالي اشتاتلك كتير

[إيكيو]

رد: فايس بوك وأخواتها... أو ماذا تقول عنا الشبكات الاجتماعية الإلكترونية

شو يعني انتو ضد فايس بوك واخواتها؟؟!!

هي منها فائدة التبادل الثقافي
وبرضوا الاستفاده من الطرف الاخر الاستفاده من علومه ومعلوماته انا عن نفسي استفدت كتير تعرفت على ناس كويسين وصرت استفيد منهم حتى احيانا يساعدوني بالابحاث ولو صعب علي شي في الدراسه الاكبر مني واللي يعرفوا بيساعدوني

وكمان تقدر تكون صداقات لكن ماتتنهتي بسرعه اللي بخليها تنتهي انت او الصديق ...
والذكي بيعرف يختار مين يصاحب وكمان بيكون في تنازلات حتى تستمر الصداقه ...

((تختلاف الرأي لا يفسد للود قضيه))

[brave heart]

رد: فايس بوك وأخواتها... أو ماذا تقول عنا الشبكات الاجتماعية الإلكترونية

((تختلاف الرأي لا يفسد للود قضيه))

[إيكيو]

رد: فايس بوك وأخواتها... أو ماذا تقول عنا الشبكات الاجتماعية الإلكترونية

حبيت عدل لـ((اختلاف...الخ))هلا بيصير تستاهل

[brave heart]

رد: فايس بوك وأخواتها... أو ماذا تقول عنا الشبكات الاجتماعية الإلكترونية

حبيت عدل لـ((اختلاف...الخ))هلا بيصير تستاهل

على راسي يا طيب .... دايما الاختلاف مطلوب لانو هوة يلي بيغني المعرفة

[abokaro]

رد: فايس بوك وأخواتها... أو ماذا تقول عنا الشبكات الاجتماعية الإلكترونية

فينا نقول الى عدة جوانب منا مليحا ومنا مو مليحة ايجابية وسلبية
وبراي يعني فينا نوجها حسب الثقافة وحسب الانسان يلي الو هدف من هل الشي
بس بحس انو بالنسبة للتسلية اكتر
ميرسي كتير على الموضوع

[SHEROO]

رد: فايس بوك وأخواتها... أو ماذا تقول عنا الشبكات الاجتماعية الإلكترونية


لي عوده
مشكووور
مع تحياتي.........