• If this is your first visit, be sure to check out the FAQ by clicking the link above. You may have to register before you can post: click the register link above to proceed. To start viewing messages, select the forum that you want to visit from the selection below.

Announcement

Collapse

قوانين المنتدى " التعديل الاخير 17/03/2018 "

فيكم تضلو على تواصل معنا عن طريق اللينك: www.ch-g.org

قواعد المنتدى:
التسجيل في هذا المنتدى مجاني , نحن نصر على إلتزامك بالقواعد والسياسات المفصلة أدناه.
إن مشرفي وإداريي منتدى الشباب المسيحي - سوريا بالرغم من محاولتهم منع جميع المشاركات المخالفة ، فإنه ليس
... See more
See more
See less

لدي سؤال ومتعطشه إلى جوابه

Collapse
X
 
  • Filter
  • Time
  • Show
Clear All
new posts

  • لدي سؤال ومتعطشه إلى جوابه

    أنا بصراحة دائما عندما أفكر بنفسي ألاحظ أنني أملك مزيج متنوع من التناقضات..
    فمثلا أنا قوية وضعيفة
    متسامحة وحقودة - بسيطة وذكية - أحب الغيرة وأكرهها
    أثق بنفسي ولا أثق
    ووووووو........
    صدقوني لن أستطيع كتابة ووصف كل شيء يدور بنفسي الأن ولكن بالمختصر أنا أحب الشيء وأحب عكسه بنفس الوقت حتى بت لا أفهم ماذا أريد وتحديدا بأمور لا مجال لذكرهاالآن بالاضافة الي أني أعتبر من الناس الغريبي الاطوار الذين يحبوا الغرائب ويكرهوا المألوف
    الرجاء ان كان من أحد مطلع ويفقه ولو اليسير بعلم النفس فقط ليخبرني أن كنت أعتبر طبيعية أو أحتاج لمراجعة طبيب نفسي
    ومع جزيل الشكر مقدما.....

    أعشق ترابك يا سوريا الأسد ..

    أحب صمتك لأنه يختصر كل لغات العالم ..


    ويمتعني أن أتحدى غموضك لأن عالمك يجتذبني...




    أنا مثلك أيها الليل ولن يأتي صباحي حتى ينتهي أجلي

  • #2
    رد: لدي سؤال ومتعطشه إلى جوابه

    اي صح نجمة البحر هل الحالة اول مرة بسمعها
    وياريت اقدر اساعدك بس فيي عنا جومانا تعرف بعلم النفس

    يمكن هي تقدر تساعدك ... وانشاءلله ماتجيك هل الحالة بعد
    سلامي

    Comment


    • #3
      رد: لدي سؤال ومتعطشه إلى جوابه

      بعتقد برأيي الشخصي الدنيا كلها تناقدات
      وكل شخض عندو تناقدات
      بس ما بعرف إذا لهالدرجة إلي عم تحكي عنها
      my body is full of bleakness
      my heart is black
      my feeling is dead
      this is me,,,,,lady of the dark
      لا تسألني عن ديني مديون وعايف ديني
      لا دينك رح يوفي الدين
      ولا ديني رح يغّنيني

      سوريا بخير

      Comment


      • #4
        رد: لدي سؤال ومتعطشه إلى جوابه

        انتي نفسيتك متناقضه بشكل اكبير بس هاد مش انفصام بالشخصيه بس بركي تخبط بنفسك من اشيا صارتلك بأيام الطفوله وانتي ازغيره بس انا الي بشوفه انك ضروري تأعدي مع حالك شي مره قعده تحليل لذاتك لنفسيتك المتقلبه وهي فيا نوع من انواع الانفصام بس متل ما التلك مش انفصام المرضي افهمتي اعليي
        اعدي مع حالك وشوفي انتي لشو بتميلي اكتر لأي شخصيه من الي ذكرتيهن لان طبيعي بأي انسان فيه بعض التناقض بينه وبين حاله بس مابيلاحظوه الناس هوي بس الي بيعرف انو هيك

        انا بشوفه هاد التناقض فيه نوع من كسر الروتين ازا حياتك روتينيه ومافيا اي تغيير حدث بركي هالتناقض من هالسبب

        بس عالمدى البعيد بسبب مرض الانفصام لهيك بألك ضروري تروحي لطبيب او استشاري نفسي بتحكيله وبيساعدك وانا هون موجوده لأي مساعده بدك ياها مني ..

        انا بركي ماقدرت اوصل للعلاج او الحل الي بدك ياها بس لانني ماحكيت معك والاسباب الي ذكرتيها مابتخليني اعرف شو فيكي بالظبط يعني افضل لو تأليلي كيف كنتي بطفولتك كيف كانت شخصيتك يعني افضل لو بتروحي لطبيب نفسي قبل مابتتطور هالشخصيات المتناقضه عندك..
        إنزفي يا [ سوريا ] بصمت
        لأن صراخ الشرفاء..لا يسمعه الساقطون

        Comment


        • #5
          رد: لدي سؤال ومتعطشه إلى جوابه

          كنت بدي احكي ما الك الا جومانا

          انا كمان بيصير معي تناقضات لدرجه انو اقرب الناس الي بيحكي عني معقده بالتعامل مع الناس يعني هيك عقلي شو اعمل ...شو يعني ؟؟؟؟
          أستطيع كل شيء في المسيح الذي يقويني (فيليبي 13:4)

          Comment


          • #6
            رد: لدي سؤال ومتعطشه إلى جوابه

            انا ماني لا طبيبة نفسية ولا شي بس يمكن انتي بمرحلة المراهقة و هادا العمر يلي بتكون فيه النسبة الاكبر للتناقضات لانو الانسان بكون عم ينضج شخصيتو و بكون لازم ياخد مواقف محدةة من عدة قضايا و هادا بخلي الحالة النفسسية للشخص كتير عاصفة و صعبة و طبعا الانسان قد ما كبر لتضل فيه نسبة من التناقضات لسة ما قدر ياخد موقف منن بس كلما كبرتي لتصيري تعرفي حالك اكتر و تاخدي مواقف بثقة اكبر و شي طبيعي كمان انو بعض الشغلات فيكي تتغير من وقت لوقت لانو حتى اوراق الاشجار الوانن بتتغير حسب الفصول و مع الايام بتعرفي ش هنن الشغلات الثابتة فيكي و شو هنن الشغلات المتغيرة و هيك بتصيري تعرفي حالك

            و سدقيني كلنا فينا تناقضات بدون حروب داخلية بحسي انو حياتك فاضية لهيك ما تزعلي
            هادا رأيي الشخصي من الموضوع من تجاربي الشخصية
            Lux aeterna luceat eis, Domine, cum sanctis tuis in aeternum, quia pius es. Requiem aeternum dona eis, Domine; et lux perpetua luceat eis
            ...
            goth-73 سابقا...بعرف ما اشتقتولي xD

            ونبحث عن ... الحب في قلوب جبانة

            Comment


            • #7
              رد: لدي سؤال ومتعطشه إلى جوابه

              راجعي طبيب نفسي يكون طبيب معروف انه فهمان
              يعني مو بس تحكيله ساعات وهو بس يهز براسه وبلأخر يعطيكي أدوية.
              ما بعرف وين ان
              تي عايشة بس ممكن تلاقي طبيب نفسي فهمان...

              ملاحظة: مو يعني اذا لازم تراجعي طبيب نفسي هاد بيعني انك مانك طبيعية. لا هاد بس مشان تتخلصي من هل عدم التوازن النفسي.

              وبتمنالك التوفيق
              DON'T BE AFRAID.
              I AM WITH YOU EVERYDAY...
              'TIL THE END OF TIME.

              MY LIFE IS REALLY RUN WITH MUSIC!
              RAM
              RC

              Comment


              • #8
                رد: لدي سؤال ومتعطشه إلى جوابه


                بس خليني وضح شغلة ...

                كلنا قويين وضعفاء .. وكلنا متسامحين وحقودين . وكلنا بسطاء واذكياء ..

                وكلنا منثق بنفسنا وما منثق ..

                والشغلة بسيطة .. ومانها معقدة متل ما متوقعة ..

                حتى مالها علاقة بعلم النفس .. لانو عندك سالب وموجب .. والانسان الطبيعي لازم يكون عندو سلبيات وايجابيات ..

                ...

                وانت قلتي بتحبي شي وكمان بتحبي عكسو ..

                انو كيف يعني ... هاي مافهمتها..

                بس بالاخر اذا انت شايفي هالشي مشكلة عندك .. فا بيكفي انو بتعرفي شو مشكلتك لحتى تحليها ..



                ارى في عينيها بحرا ... و شفاهها طوق نجاتي ..

                ...

                Comment


                • #9
                  رد: لدي سؤال ومتعطشه إلى جوابه

                  في قصيدة للشاعر ميخائيل نعيمة
                  بتقول

                  أيُّها الإنسان ، أنت الإنسانيّة بكاملها ، أنت ألِفها وياؤها ، منك تتفجَّر ينابيعها ، وإليك تجري وفيك تصبّ .
                  أنت حاكمها ومحكومها ، وظالمها ومظلومها ، وهادمها ومهدومها . أنت صالبُها ومصلوبها ، وضعيفها وقويّها ، وظاهرها وخفيُّها . أنت جلادها ومجلودها ، ورفيعها وخسيسها ، وملاكها وإبليسها .

                  (هاد مقطع من القصيدة)

                  JESUS MY LOVE

                  Comment


                  • #10
                    رد: لدي سؤال ومتعطشه إلى جوابه

                    اقول لك انك ببساطة ا ن س ا ن ة
                    انسانة
                    قد اختلف قليلا مع وطني لكنني لا اقبل ان يسيء اليه احد........ولا حتى انا
                    يصلبونك ...ويخيب ظنهم ان لم تقم في اليوم الثالث


                    وعرٌ هو المرقى الى الجلجلة والصخر يا سيزيف ما أثقله

                    Comment


                    • #11
                      رد: لدي سؤال ومتعطشه إلى جوابه

                      أنا من كل قلبي بشكر الجميع وبدون استثناء على رأيهم الشخصي بمشكلتي
                      وبشكر اهتمامكن فيني
                      بس صدقوني هذا الي عم يصير معي علما اني عمري 27 سنة مو مراهقة وصدقوني أكتر بس قول اني بحب الشيء وعكسه
                      وبمعنى تاني بحس اني عندي شي عشرين شخصية
                      مثلا سوزي الطيبة سوزي الخبيثة سوزي المؤمنة سوزي المتحررة سوزي الكريمة سوزي البخيلة
                      سوزي الي بتحي تسيطر على الرجل سوزي الي بتحب الرجل يسيطر عليها......
                      ما راح خلص كتابة ووصف
                      ما بعرف يمكن كون صريحة زيادة بالتعبير بس أنا ما بخجل من الحقيقة شو ما كانت
                      ولا بخجل اطلاقا اني روح عند دكتور نفسي وانا عايشة بالشام يعني اذا حدا بيعرف شي دكتور شاطر بيكون تمام

                      أعشق ترابك يا سوريا الأسد ..

                      أحب صمتك لأنه يختصر كل لغات العالم ..


                      ويمتعني أن أتحدى غموضك لأن عالمك يجتذبني...




                      أنا مثلك أيها الليل ولن يأتي صباحي حتى ينتهي أجلي

                      Comment


                      • #12
                        رد: لدي سؤال ومتعطشه إلى جوابه

                        اسمحي لي أن أناديكي صديقتي جومانا
                        لأن اهتمامك وكلماتك الجميلة دخلت قلبي بسرعة حتى أحسست أن لي صديقة وتعرفني من زمان وتقدم لي النصيحة المناسبة
                        أنا يا جومانا حابة أتواصل معك وأتعرف عليكي أكتر بلكي اقدر لاقي الحل أو على الأقل شي يشبه الحل وبيساعدني اني اتخطى هذا الموضوع
                        بس بنفس الوقت لا تفكري أني طول الوقت بحس بهذه التناقضات بس انا بعرف ان الانسان بيكون عنده رغبة أو راي أو مبدأ أو متل ما بدك تسميها تجاه موقف معين بس أنا بس انحط بهذا الموقف قبل ما أتخذ قراري بفكر بالأول بأي شخصية من شخصياتي لازم اتعامل مع هذا الموقف ولحسن الحظ ممكن اختار الشخصية الي بتعجبني حتى أتعامل من خلالها
                        معلش يا جومانا انا يمكن وجعت راسك بقصصي ويمكن ما كتير قدرت وصلك الفكرة بس اذا بتحبي ممكن راسلك بمسجات خاصة وأعطيكي أمثلة عن الحكي الي شرحتلك ياه
                        ومشكووووووووووووورة مقدما على تعاونك معي واهتمامك فيني

                        أعشق ترابك يا سوريا الأسد ..

                        أحب صمتك لأنه يختصر كل لغات العالم ..


                        ويمتعني أن أتحدى غموضك لأن عالمك يجتذبني...




                        أنا مثلك أيها الليل ولن يأتي صباحي حتى ينتهي أجلي

                        Comment


                        • #13
                          رد: لدي سؤال ومتعطشه إلى جوابه

                          Originally posted by نجمة البحر View Post
                          انا عايشة بالشام يعني اذا حدا بيعرف شي دكتور شاطر بيكون تمام


                          بالشام في عندك دكتور انا عرفت عنه انه شاطر كتير كتير
                          أسمه "حنا خوري" بس ما بعرف عنوانه...
                          DON'T BE AFRAID.
                          I AM WITH YOU EVERYDAY...
                          'TIL THE END OF TIME.

                          MY LIFE IS REALLY RUN WITH MUSIC!
                          RAM
                          RC

                          Comment


                          • #14
                            رد: لدي سؤال ومتعطشه إلى جوابه

                            Originally posted by Monster18 View Post
                            بالشام في عندك دكتور انا عرفت عنه انه شاطر كتير كتير
                            أسمه "حنا خوري" بس ما بعرف عنوانه...
                            انشالله بتسلملي شو مذوق بس أمانة اذا قدرت تحصلي على عنوانه بيكون تمااااااااااااااام هاي مني الك

                            أعشق ترابك يا سوريا الأسد ..

                            أحب صمتك لأنه يختصر كل لغات العالم ..


                            ويمتعني أن أتحدى غموضك لأن عالمك يجتذبني...




                            أنا مثلك أيها الليل ولن يأتي صباحي حتى ينتهي أجلي

                            Comment


                            • #15
                              رد: لدي سؤال ومتعطشه إلى جوابه

                              Originally posted by نجمة البحر View Post
                              انشالله بتسلملي شو مذوق بس أمانة اذا قدرت تحصلي على عنوانه بيكون تمااااااااااااااام هاي مني الك

                              ميرسي انتي يلي كلك ذوق.

                              حصلتلك عنوانه من النت من دليل الأطباء

                              الدكتور حنا خوري
                              العنوان: دمشق - شارع ميسلون
                              هاتف: 113316208

                              DON'T BE AFRAID.
                              I AM WITH YOU EVERYDAY...
                              'TIL THE END OF TIME.

                              MY LIFE IS REALLY RUN WITH MUSIC!
                              RAM
                              RC

                              Comment


                              • #16
                                رد: لدي سؤال ومتعطشه إلى جوابه

                                لك ربي يسلملي يااااااااااااااااااااااااااااااااااااااااااااااااا ااااااااااااااااااااااااااك
                                لا والحلاوة ان العنوان بجنب شغلي تماما
                                انت رووووووووووووووووووعة

                                أعشق ترابك يا سوريا الأسد ..

                                أحب صمتك لأنه يختصر كل لغات العالم ..


                                ويمتعني أن أتحدى غموضك لأن عالمك يجتذبني...




                                أنا مثلك أيها الليل ولن يأتي صباحي حتى ينتهي أجلي

                                Comment


                                • #17
                                  رد: لدي سؤال ومتعطشه إلى جوابه

                                  حلووووو انشاءالله معافية سوزي

                                  Comment


                                  • #18
                                    رد: لدي سؤال ومتعطشه إلى جوابه

                                    Originally posted by نجمة البحر View Post
                                    اسمحي لي أن أناديكي صديقتي جومانا
                                    لأن اهتمامك وكلماتك الجميلة دخلت قلبي بسرعة حتى أحسست أن لي صديقة وتعرفني من زمان وتقدم لي النصيحة المناسبة
                                    أنا يا جومانا حابة أتواصل معك وأتعرف عليكي أكتر بلكي اقدر لاقي الحل أو على الأقل شي يشبه الحل وبيساعدني اني اتخطى هذا الموضوع
                                    بس بنفس الوقت لا تفكري أني طول الوقت بحس بهذه التناقضات بس انا بعرف ان الانسان بيكون عنده رغبة أو راي أو مبدأ أو متل ما بدك تسميها تجاه موقف معين بس أنا بس انحط بهذا الموقف قبل ما أتخذ قراري بفكر بالأول بأي شخصية من شخصياتي لازم اتعامل مع هذا الموقف ولحسن الحظ ممكن اختار الشخصية الي بتعجبني حتى أتعامل من خلالها
                                    معلش يا جومانا انا يمكن وجعت راسك بقصصي ويمكن ما كتير قدرت وصلك الفكرة بس اذا بتحبي ممكن راسلك بمسجات خاصة وأعطيكي أمثلة عن الحكي الي شرحتلك ياه
                                    ومشكووووووووووووورة مقدما على تعاونك معي واهتمامك فيني
                                    اكيد بسمح صديقتي سوزي شوفي انا استشاريه نفسانيه وعندي مكتبي بس ببلودان يخساره يعني لو انتي ببلودان واجيتني عامكتبي واحكيتيني وجه لوجه اكيد بوصل لحل معك وحالتك اكيد الها حل متل اكتير حالات بتتعلق بنفسيه الانسان وانا من واجبي الانساني والمهني اني ساعدك وخليكي توصلي لشخصيتك الحقيقيه مش هاد التناقض وتعدد الشخصيات الي بيجيكي انا مابدي خوفك هاد شي عادي اله علاج متل اي ازمه بتمرئ عالانسان بالنهايه نحنا كلياتنا بشر

                                    وازا بدك تحكيلي اكتر انا راح ارسلك ايميلي عالخاص ازا بدك تحكيلي وانشالله بلاقي معك الحل ..
                                    إنزفي يا [ سوريا ] بصمت
                                    لأن صراخ الشرفاء..لا يسمعه الساقطون

                                    Comment


                                    • #19
                                      رد: لدي سؤال ومتعطشه إلى جوابه

                                      الله يخليلي ياكي يا جوجو
                                      الحقيقة غمرتيني بلطفك أنا الصراحة حسيت هلأ ان رب ضارة نافعة
                                      مرسي الك حبيبة قلبي

                                      أعشق ترابك يا سوريا الأسد ..

                                      أحب صمتك لأنه يختصر كل لغات العالم ..


                                      ويمتعني أن أتحدى غموضك لأن عالمك يجتذبني...




                                      أنا مثلك أيها الليل ولن يأتي صباحي حتى ينتهي أجلي

                                      Comment


                                      • #20
                                        رد: لدي سؤال ومتعطشه إلى جوابه

                                        التناقضات قد تكون بسبب منطقي علمي بحت لكن علينا التفكير به قلياً كي نعرف ما هو سر التناقض بالسلوك الروحي النفسي البشري
                                        فنحن كـ بشر بالفطرة لنا قدرة غير عادية على المشاعر ( الحيوان له مشاعر والشجر ايضاً ) لكن نحن كـ بشر أمورنا تختلم دعيني افسر لكِ بعض التناقضات التي في سلوكك الروحاني فـ بكلامك انكِ القوية والضعيفة فانها من اعضم القدرات الخاصة في النفس
                                        وهنا اقصد بالنفس ليس الروح بل الحسية والمشاعر
                                        فانكِ القوية التي لاتكل ولا تمل وتبقى ان تحاول بتحقيق هدفها وان لم تستطع فيكفيها شرف المحاولة
                                        اما في التسامح والحقد
                                        دعيني اشرح لك ِ التسامح
                                        مثلاً لو كنتي عند صديقة من صديقاتكِ وتشاحنتي معها في الكلان بسبب قضية ما ووصل بها الامر ان تطردك من منزلها
                                        وفي اليوم التلي تصدفيسنها وهي تبتسم وتعتذر فهنا يكمن التسامح ولا يعود هذا الامر بشكل كامل الى المشاعر او الحس لكن يعود الامر الى الاخلاق والتربية المنزلية بشكل اكبر


                                        وبقولك الضعيفة فانتي التي لا تقدر مثلاً على ايذاء قطة وهنا يكمن الضعف في رقة الحس ورقة القلب
                                        اما البساطة والذكاء فهما آمران لا بد ان يجتمعا لكي يحققا النجاح وانا اتكلم هنا من قناعة شخصبة لا اكثر

                                        Comment

                                        Working...
                                        X