الحب في سن المراهقة

[stephany]

لماذا لا نفضل الحب فى سن المراهقة؟

كثير ما يتعلق قلب الفتى المراهق بفتاة معينة،ولايقبل أن يُقال له:لاتحب الآن؛ولكن تعالوا سوياً نتناقش فى النقاط التالية
1-الحب فى سن المراهقة وما يستلزمه من مقابلات،ونزهات،وخطابات،وأحاديث عاطفية،.....يشغل تفكير المراهق ويعوقه عن العمل والنجاح فى الدراسة،ويبذل المراهق جهداً كبيراً للتغلب على حالة عدم التركيز ولكنه عادة لايستطيع فيتأخر عن زملائه ويفقد تفوقه وإمتيازه.وإن كان يرى ا لبعض أن الحب قد يحفز على التفوق والنجاح ليكون الشخص موضع تقدير وإعجاب الذى يحبه ،ولكن فى الواقع غالباً ما يحدث العكس
2-يوجد فجوة عمرية بين النضج الجنسى للمراهق والنضج الإقتصادى تقدربحوالى 12-17سنة.اذا كان سن البلوغ الجنسى13سنة تقريباً،فالنضج الإقتصادى فى الغالب25-30سنة.يكون الشاب قد أنهى التعليم والتحق بعمل مناسب،ويكون دبر المال اللازم لتأسيس سكن الزوجية
وخلال مدة هذه الفجوة،يتطلب من المراهق التوفيق بين دوافعه الجنسية ومتطلبات المجتمع،إذا أقدم على الحب فى هذه الفترة فهو يزيد المشكلة تعقيداً،فلا يستطيع اللقاء مع محبوبته لأن العرف والتقاليد وقيم المجتمع والمثل الدينية لاتقرهذا اللقاء ،لأنهما لايستطيعان الزواج لعدم إستقلالهما مادياًبعد،مما يدفعهم للتقابل خلسة ويأتيان بسلوك لايرضى عنه المجتمع،وينظر إليه الناس نظرةإحتقار،ونشير هنا الى أن طول مدة العلاقات يجعلها تتحول تدريجياً الى علاقات جسدية مما يعرضهما الى الإنحدار
3-عدم القدرة على تحقيق العهود بالزواج فى المستقبل،حيث يتعاهد المحبوبان على الزواج وتعيش الفتاة على هذا الأمل ولاتعبأ بكلام الناس عنها ولابمراجعة الأصدقاءالمخلصين لها،وتمرالأيام والشاب يتخرج من الجامعة ،وتنفتح عليه الدنيا بمنظار آخر،وإذ الفتاة التى أحبها فى حداثته لاتصلح أن تشاركه حياته الجديدة ،فيتنصل من وعده وقدلايستطيع أن يصارح فتاته فيراوغها إلى أن تفجأ بإرتباطه بأخرى،فتتحطم حياتهاويضيع مستقبلها،وطبيعى أن يُحجم الشباب عن الزواج من فتاة عاشت عمرها كله تحب شاب آخر
وما يحدث من الشاب قد يحدث من الفتاة،فهى فى الغالب غير قادرة على تحقيق العهد بالزواج ممن تحبه،إذ أنه كثيراً ما يحدث أن يتقدم لحطبتها شاب آخر متوفر لديه إمكانيات الزواج،وعلى خلق فتوافق الأسرة على الفور ،وعبثاً تحاول الفتاة أن تفهم والديهاأنها تحب شاباًآخر مازال فى مرحلة التعليم،فالوالدان لايجدان وجهاً للمقارنة إطلاقاً.........!!!!!!!!!!!!!!!
وهنا تضطر الفتاة تحت ضغط الأسرة للزواج تاركة صديقها
والآن أترك لكم الحكم ...

[Shaimaa MK]

رد: الحب في سن المراهقة

صحيح كل ما قلتيه يا أم السوس ..
لو جيتي للحق .. الحب شي عظيم .. بكفي انو بغير الحياة كلا للشي الحلو .. بس يكون نحو الايجابية
وبرأي ما الو عمر ..
بس احسن الاعمار للحب هي اللي بعد العشرين وما فوق .. لأنو بصير في خبرة شوي ونضج بالتعامل ..
ام السوس . رائعة انت بطرحك للمواضيع الهادفة ..

[Hera]

رد: الحب في سن المراهقة

ايييييييه
ايام

عيشوا

[riham]

رد: الحب في سن المراهقة

الحب
برأيي لمى نحب أد ما كان عمرنا بثواني منصير بحالة جنون ومنرجع منراهق

[farah_s]

رد: الحب في سن المراهقة

موضوع حلو كتير ستيفاني مشكوره
الحب شي حلو من كل النواحي والانسان مافيه يعيش بدون حب

[Mr.Majd]

رد: الحب في سن المراهقة

مشكورة بس لما انا حب وحدة خايفة عمستقبلي ما رح تخليني بعد عن درسي
اما اذا كنت علقان بوحدة مو فرقانة معها كل هالشغلة بضيع
وللاسف حب المراهقة ما بيدوم يعني عم نعللق حالنا باوهام
انو يعني هل علاقتنا ستصل الى الزواج؟؟
مستحيل/او نادرا
وانا ما رح فكر اني حب
لانو في شغلات اهم بكتير من الحب بهذا الوقت من العمر
الدرس والنجاح
الاوضاع الاقتصادية متل ما ذكرتي
يعني نحنا اذا ما نجحنا بالحياة ما رح ننجح بالحب
لانو ما حدا بيرمي بنتو مع واحد مو متعلم
والاهم من ذلك انو نحنا منحب بسرعة بهل عمر فحالتنا صعبة
والحب عنيد كتير ونحنا ما منحس عالغلط اللا لحتى يصيبنا
مشكورة

[gloria]

رد: الحب في سن المراهقة

الحب لما تحب حدا يضل معك طول عمرك واول مايتفرقو بينتهي الحب وانا برأيي يعني انو الحب بعمر المراهقه مو حب هو مجرد انو البنت او حتى الشبا بيحسو حالن كبرو وصار بدن يجربو الحب وبيعجبو بشي شخص بيفكرو حالن حبوه
لو كانو حبوه عنجد كانو لما يكبرو ماضحكو عحالن لانو الحب مو شي بيضحك
ماضحكت عحالي لهلأ .... لانو لسا ماكبرت ... بس كمان لانو لسا ماحبيت ومابتمنى حب بعمري هلأ وبعدين اضحك على تصرفاتي الي كنت رح اتصرفا او لانو بتمنى يلي حبو ماحب بعدو ابدا
انو بتمناه يكون اول واخر شخص وانا متأكده اني عرفت كل شخص رد عالموضوع اذا عشقان او لأ من خلال ردو بالنسبه لعمرو
ميرسي الك عالموضوع الحلو

[light rose]

رد: الحب في سن المراهقة

ستيفاني مشكورة عالموضوع بس الي رجعة عليه اوكي

[elias mousa]

رد: الحب في سن المراهقة

لماذا لا نفضل الحب فى سن المراهقة؟

كثير ما يتعلق قلب الفتى المراهق بفتاة معينة،ولايقبل أن يُقال له:لاتحب الآن

أما انا اقول للمراهق ... أحبب و عش علاقة معتدلة من الناحية العاطفية ... جرب و من دون ان نتعدى على الاخر
فلابد لكل انسان ان يعيش كل مرحلة بملئها ...
و انت قلت .. حب مراهقة ... اي بعلم و دراية الطرفين بعدم وجود نهاية مشتركة لهذه العلاقة

لذلك دعوا المراهق يعيش تقلبات و نيران هذه العلاقة و لكن كما اسلفت الذكر دون الاساءة للطرف الاخر


؛ولكن تعالوا سوياً نتناقش فى النقاط التالية
1-الحب فى سن المراهقة وما يستلزمه من مقابلات،ونزهات،وخطابات،وأحاديث عاطفية،.....يشغل تفكير المراهق ويعوقه عن العمل والنجاح فى الدراسة،ويبذل المراهق جهداً كبيراً للتغلب على حالة عدم التركيز ولكنه عادة لايستطيع فيتأخر عن زملائه ويفقد تفوقه وإمتيازه.وإن كان يرى ا لبعض أن الحب قد يحفز على التفوق والنجاح ليكون الشخص موضع تقدير وإعجاب الذى يحبه ،ولكن فى الواقع غالباً ما يحدث العكس

أنا هون معك مية بالمية

و احيانا منلاحظ العكس و لكن بحالات نادرة
ممكن يكون التفكير بالحبيب هو الحافز لان يجتهد و يثابر للامام
و لكن عند اول صدمة سيدفع الثمن الكبير

2-يوجد فجوة عمرية بين النضج الجنسى

اسمحيلي هون سميه نضج عاطفي
لانو مفهوم النضج الجنسي مختلف عن موضوع الحب في هذه المرحلة
لانو ما بدنا نسلط الضوء على انو العلاقات بهالفترة بس بيحكمها الجنس
هيك رح نظلم كتير صبايا و شباب عم يعيشوا علاقات و هني بهالفترة و بعيدة عن الجنس



للمراهق والنضج الإقتصادى تقدربحوالى 12-17سنة.اذا كان سن البلوغ الجنسى13سنة تقريباً،فالنضج الإقتصادى فى الغالب25-30سنة.

زيديهن شوي ستيفانيتوووو
يعني بهالظروف الاقتصادية و ما تطلبه البنت
رح ندق بسقف ال 40


يكون الشاب قد أنهى التعليم والتحق بعمل مناسب،ويكون دبر المال اللازم لتأسيس سكن الزوجية
وخلال مدة هذه الفجوة،يتطلب من المراهق التوفيق بين دوافعه الجنسية ومتطلبات المجتمع،إذا أقدم على الحب فى هذه الفترة فهو يزيد المشكلة تعقيداً،فلا يستطيع اللقاء مع محبوبته لأن العرف والتقاليد وقيم المجتمع والمثل الدينية لاتقرهذا اللقاء ،لأنهما لايستطيعان الزواج لعدم إستقلالهما مادياًبعد،مما يدفعهم للتقابل خلسة ويأتيان بسلوك لايرضى عنه المجتمع،وينظر إليه الناس نظرةإحتقار،ونشير هنا الى أن طول مدة العلاقات يجعلها تتحول تدريجياً الى علاقات جسدية مما يعرضهما الى الإنحدار

تحليل منطقي و خصوصا بزمننا اللي ما عاد نعرف لوين رح نوصل



3-عدم القدرة على تحقيق العهود بالزواج فى المستقبل،حيث يتعاهد المحبوبان على الزواج وتعيش الفتاة على هذا الأمل ولاتعبأ بكلام الناس عنها ولابمراجعة الأصدقاءالمخلصين لها،وتمرالأيام والشاب يتخرج من الجامعة ،وتنفتح عليه الدنيا بمنظار آخر،وإذ الفتاة التى أحبها فى حداثته لاتصلح أن تشاركه حياته الجديدة ،فيتنصل من وعده وقدلايستطيع أن يصارح فتاته فيراوغها إلى أن تفجأ بإرتباطه بأخرى،فتتحطم حياتهاويضيع مستقبلها،وطبيعى أن يُحجم الشباب عن الزواج من فتاة عاشت عمرها كله تحب شاب آخر
وما يحدث من الشاب قد يحدث من الفتاة،فهى فى الغالب غير قادرة على تحقيق العهد بالزواج ممن تحبه،إذ أنه كثيراً ما يحدث أن يتقدم لحطبتها شاب آخر متوفر لديه إمكانيات الزواج،وعلى خلق فتوافق الأسرة على الفور ،وعبثاً تحاول الفتاة أن تفهم والديهاأنها تحب شاباًآخر مازال فى مرحلة التعليم،فالوالدان لايجدان وجهاً للمقارنة إطلاقاً.........!!!!!!!!!!!!!!!
وهنا تضطر الفتاة تحت ضغط الأسرة للزواج تاركة صديقها

و هون منشوف الحالة التانية اكتر بكتير من الاولى
لانو ما بيلحق الشب يامن حالو و يرتبط ببنت غير حبيبتو الا و بيكون صار عندها ولاد و سمت الولد الكبير باسمو

يعني صدقيني بكل علاقات الحب اللي واكبتها بالجامعة
ولا علاقة استمروا و تزوجوا
صدقيني في علاقات روعة روعة
تخرجنا من هون و البنت طقيتها جازة من شب لا كان بالبال و الخاطر
و ياحرام شوفي الشب شو بيصير فيه
بيكون اجى وقت الجيش و بيضل عايش مع احلامو و ذكرياتو اللي عاشها مع البنت
بيتفاجئ باول اجازة انو حبيبتو عازمتو على عرسها
يا ويلي يا ستيفانيتووو ما اكترهم اللي كانو معنا بالجيش بهالحالة
بس بتعرفي الزمن كفيل انو يقسي القلوب
( مع كل اسفي هادا الواقع )


والآن أترك لكم الحكم ...

يعني بالنهاية

انا مع التوازن و الاعتدال في كل شي

و خلينا نعيش كل شي و ناخد الزبدة من كل مرحلة و يكون الشي اللي عم نعيشوا حافز لانو نتفوق بكل شي

( انا مثلا كنت معجب بحدا بالبكلوريا بس اعجاب الله وكيلك و بلشت ابداعاتي بالرياضيات و استغليت هالشي اني عملتلها مسائل بس تحليها يطلع اسمها )

ستيفانيتوووووو

اشتقنى لمواضيعك و نقاشاتك الرائعة

بتمنى لا تتاخري علينا

بتعرفي شو انت بالنسبة لكل شخص بهالمنتدى

[romario]

رد: الحب في سن المراهقة

مافي احلى من الحب بكل احوالو ومراحلو
يسلمون استيفني
الموضوع كتير حلو

[stephany]

رد: الحب في سن المراهقة

صحيح كل ما قلتيه يا أم السوس ..

لو جيتي للحق .. الحب شي عظيم .. بكفي انو بغير الحياة كلا للشي الحلو .. بس يكون نحو الايجابية


وبرأي ما الو عمر ..
هللق صحيح مالو عمر ..مشان هيك عم نحكي عن الحب بسن المراهقة ..
بس كمان عم نحكي على النتائج ..يعني مو كل واحد قال أنا حببيت معناها حب عنجد ..لا سدئيني الحب صار عملة نادرة بهالأيام ..للأسف
بس احسن الاعمار للحب هي اللي بعد العشرين وما فوق .. لأنو بصير في خبرة شوي ونضج بالتعامل ..
بشكل عام أنا معِك ..بس في حالات استثنائية اكيييييييد .. مثلاً..
ام السوس . رائعة انت بطرحك للمواضيع الهادفة ..

أنتي الرائعة شيوم ..وأكيد الهدف هوي التوعية ..وطرح مواضيع بحيث الكل يعرف التاني شو عم يفكر وإذا في مشكلة بيتناقشوا فييا مشان يحللوها بأسرع وقت .. وهيك بيكون صار عننا نسبة وعي تتغلب عن اللاوعي

ايييييييه

ايام

عيشوا

موو

موضوع حلو كتير ستيفاني مشكوره
على عيني وأنتي أحلى ..
الحب شي حلو من كل النواحي والانسان مافيه يعيش بدون حب

على عيني وراسي هالحكي ..بس شوو ..ما شفنا رأيِك ..
هل تفضلين الحب في سن المراهقة ؟؟ وإذا لا ليش؟؟
منورة

الحب

برأيي لمى نحب أد ما كان عمرنا بثواني منصير بحالة جنون
وأنا معِك بهالنقطة ...بس هل ياترا الجنون بيكون بنفس درجاتو بكل عمر وبكل مرحلة ؟؟ وبيكونلو نفس النتائج بكل مرة؟؟
ومنرجع منراهق

ما فهمت قصدِك يعني حتى لللي عمرو 20 سنة وما فوق ؟؟

[stephany]

رد: الحب في سن المراهقة

مشكورة بس لما انا حب وحدة خايفة عمستقبلي ما رح تخليني بعد عن درسي

اما اذا كنت علقان بوحدة مو فرقانة معها كل هالشغلة بضيع

وأنا برأيي بنقدر نفرق ونعطي لكل شي حققو من الوقت ولا غلطانة ؟؟..فليش رح تضيع
المفروض أننك إذا كنت واعي لدرجة محددة ..ما تخللي حبيبتك تجرفك معها ..بالعكس ..لازم أنت تطالعا من اللي هية فيه ..
وشفت هون ظهرت فجوة تانية للحب في سن المراهقة ..
وللاسف حب المراهقة ما بيدوم يعني عم نعللق حالنا باوهام
انو يعني هل علاقتنا ستصل الى الزواج؟؟
مستحيل/او نادرا

وانا ما رح فكر اني حب
لانو في شغلات اهم بكتير من الحب بهذا الوقت من العمر
الدرس والنجاح
مممم..هللا شوف أخي مجد ..كل واحد بيعرف شخصيتو وعلى حكمها المفروض يتصرف ...طبعاً هللق مين ما تسال رح يئللك بعرف طيش المراهقة وجنونا وهية مرحلة يمر فيا الشخص بحالات كتيييييرة من التقلب ..بكل النواحي ..
وهادا رأيك الشخصي ..بس شو معناتا أنك هللق ما رح تفكر تحب؟؟
ياريت الحب كان بهالبساطة ..وياريت لو فينا نتحكم بمشاعرنا ...
حتى ولو حببيت ...لا توصل لمرحلة ..تلاقي فيها أننك تغيرت وما ضل شي على حالو ...بالعكس ..الواحد لمما يمر بتجربة ..وبيطلع منها خسران ..بيتعللم منها كتير أشيا بتساعدو ليوصل لهدفو من الحياة ..
ومتل ما قلتللك الواحد فينا بيقدر يعطي لكل شغلة حقها من الوقت
بس إجمالاً الحب بهالسن مليان تناقضات وبرافو عليه اللي بيقدر ينفد منها ..
الاوضاع الاقتصادية متل ما ذكرتي
يعني نحنا اذا ما نجحنا بالحياة ما رح ننجح بالحب

لانو ما حدا بيرمي بنتو مع واحد مو متعلم
والاهم من ذلك انو نحنا منحب بسرعة بهل عمر فحالتنا صعبة
والحب عنيد كتير ونحنا ما منحس عالغلط اللا لحتى يصيبنا
كلامك سليم بالمية مية
مشكورة

نورت واستمتعت بردك وبالنقاش معك ..ولمست فيك شخص مختلف ..ومو حابب يقع بالغلط بدخولو بهيك دخلات ..وانت بتعرف مصلحتك طبعاً ..مشكور.

الحب لما تحب حدا يضل معك طول عمرك واول مايتفرقو بينتهي الحب وانا برأيي يعني انو الحب بعمر المراهقه مو حب هو مجرد انو البنت او حتى الشبا بيحسو حالن كبرو وصار بدن يجربو الحب وبيعجبو بشي شخص بيفكرو حالن حبوه

لو كانو حبوه عنجد كانو لما يكبرو ماضحكو عحالن لانو الحب مو شي بيضحك

صح
ماضحكت عحالي لهلأ .... لانو لسا ماكبرت ... بس كمان لانو لسا ماحبيت ومابتمنى حب بعمري هلأ وبعدين اضحك على تصرفاتي الي كنت رح اتصرفا او لانو بتمنى يلي حبو ماحب بعدو ابدا
عم تحكي عن طيش المراهقة ..وأنا معِك بكلامِك
انو بتمناه يكون اول واخر شخص وانا متأكده اني عرفت كل شخص رد عالموضوع اذا عشقان او لأ من خلال ردو بالنسبه لعمرو
وأنا
ميرسي الك عالموضوع الحلو

ميرسي ألك نورتي

ستيفاني مشكورة عالموضوع بس الي رجعة عليه اوكي

ناطرتِك روووز

[stephany]

رد: الحب في سن المراهقة

يعني بالنهاية

انا مع التوازن و الاعتدال في كل شي

و خلينا نعيش كل شي و ناخد الزبدة من كل مرحلة و يكون الشي اللي عم نعيشوا حافز لانو نتفوق بكل شي
..صحيح وكلامك جواهر ودرر ...وفدتنا كلنا بهالحكي كتيييير ..طبعاً وأنا كمان

( انا مثلا كنت معجب بحدا بالبكلوريا بس اعجاب الله وكيلك و بلشت ابداعاتي بالرياضيات و استغليت هالشي اني عملتلها مسائل بس تحليها يطلع اسمها )
هوهووووشو هالرومانس

ستيفانيتوووووو

اشتقنى لمواضيعك و نقاشاتك الرائعة

بتمنى لا تتاخري علينا
انشالله ما بتاخر بس ياريت فيني

بتعرفي شو انت بالنسبة لكل شخص بهالمنتدى

تسلم ...كبيـــــــــــر

أنا قريت كل ردودك ..وأنا معك بكلل شي حكيتو ...يعني الواحد حتى لو حب بهالمرحلة وخرج منها خسران ..رح يلمس التغيير بشخصو ..وبياخد كلل شي مر فيه كتجربة تساعدو للتفوق ديماً ممكن على كل الأصعدة ..

منووووووور دكتوووورنا

[stephany]

رد: الحب في سن المراهقة

مافي احلى من الحب بكل احوالو ومراحلو

يسلمون استيفني

الموضوع كتير حلو

وما في أصعب مننو كمان ...
بس عنجد مو حكي ولوو ...شو رايك؟؟
أنت بتفضل الحب بهالمرحلة ؟؟ وإذا لأ ليش؟؟
نورت..وناطرة رددك

[rany]

رد: الحب في سن المراهقة

انا بعتئد أنو المشكلة بلمجتمع حصرا لانو مجتمعنا بالي ومهترأ وقد ولا الدهر عليه وشرب

ومافي بمجتماعاتنا مرونه بأي موضوع كان فكيف بموضوع حساس متل هاد

وقت الاهل بكون عندن المرونه لحتا يتقبلو هيك شي

وبيستوعبو الولد بهاد السن كل مشاكل الولاد بتصير سهلة وقابله للحل وبصير الولد قادر

أنو يجمع بين الدرس والحب وأي شي تاني أساسا كل ولد بينحرم من هل السن ومن

المراهقه رح بيرجع وبعيشا بعدين هوه متجوز وعندو ولاد ورح يدمر عيلتو ومستقبل تعب

سنين ..

والاهل وقت بكون عندن المرونه ليتقلو هل المواضيع بلومن المجتمع فا على كل الاحوال

خربانه خربانه وما الها حل وكل نتائجها مدمرة للاسره او الفرد او الاطفال

الحل الوحيد توعية المجتمع والبدء من مرحلة الصفر

والعمل سنوات عن طريق الندوات والمدارس والمعلمين والبدء من الجيل الجديد

الاطفال اللي بعدن بي سن 6 ل 8 لانو بهاد السن بتبلش تترسخ المعتقدات براس الطفل

نحنا بحاجه لسنين طويله من التوعيه والتعب

وانا ماني شايف حدا فارقه معو والموضوع عم ينثار هون بمنتدى بلنهايه ومشكورة على

اثارة هل الموضوع لانو بمس مجتمعنا وتقاليدنا وكل معتقداتنا وحياتنا اليوميه

مشكورة

[farah_s]

رد: الحب في سن المراهقة

انا بفضل الحب بعد سن المراهقه نظرا لنظرة المجتمع يعني بصيرو يامنو في اني عنجد بحبو
ولا يقلولي نزوه وبتنسي مع الوقت والا اخره
وطبعا بكون صار عندي خبره وبكون عندي قدره عالتصرف والتفكير بعقلي مو بقلبي
مشكوره ستيفاني

[romario]

رد: الحب في سن المراهقة

لماذا لا نفضل الحب فى سن المراهقة؟

كثير ما يتعلق قلب الفتى المراهق بفتاة معينة،ولايقبل أن يُقال له:لاتحب الآن؛ولكن تعالوا سوياً نتناقش فى النقاط التالية
1-الحب فى سن المراهقة وما يستلزمه من مقابلات،ونزهات،وخطابات،وأحاديث عاطفية،.....يشغل تفكير المراهق ويعوقه عن العمل والنجاح فى الدراسة،ويبذل المراهق جهداً كبيراً للتغلب على حالة عدم التركيز ولكنه عادة لايستطيع فيتأخر عن زملائه ويفقد تفوقه وإمتيازه.وإن كان يرى ا لبعض أن الحب قد يحفز على التفوق والنجاح ليكون الشخص موضع تقدير وإعجاب الذى يحبه ،ولكن فى الواقع غالباً ما يحدث العكس
2-يوجد فجوة عمرية بين النضج الجنسى للمراهق والنضج الإقتصادى تقدربحوالى 12-17سنة.اذا كان سن البلوغ الجنسى13سنة تقريباً،فالنضج الإقتصادى فى الغالب25-30سنة.يكون الشاب قد أنهى التعليم والتحق بعمل مناسب،ويكون دبر المال اللازم لتأسيس سكن الزوجية
وخلال مدة هذه الفجوة،يتطلب من المراهق التوفيق بين دوافعه الجنسية ومتطلبات المجتمع،إذا أقدم على الحب فى هذه الفترة فهو يزيد المشكلة تعقيداً،فلا يستطيع اللقاء مع محبوبته لأن العرف والتقاليد وقيم المجتمع والمثل الدينية لاتقرهذا اللقاء ،لأنهما لايستطيعان الزواج لعدم إستقلالهما مادياًبعد،مما يدفعهم للتقابل خلسة ويأتيان بسلوك لايرضى عنه المجتمع،وينظر إليه الناس نظرةإحتقار،ونشير هنا الى أن طول مدة العلاقات يجعلها تتحول تدريجياً الى علاقات جسدية مما يعرضهما الى الإنحدار
3-عدم القدرة على تحقيق العهود بالزواج فى المستقبل،حيث يتعاهد المحبوبان على الزواج وتعيش الفتاة على هذا الأمل ولاتعبأ بكلام الناس عنها ولابمراجعة الأصدقاءالمخلصين لها،وتمرالأيام والشاب يتخرج من الجامعة ،وتنفتح عليه الدنيا بمنظار آخر،وإذ الفتاة التى أحبها فى حداثته لاتصلح أن تشاركه حياته الجديدة ،فيتنصل من وعده وقدلايستطيع أن يصارح فتاته فيراوغها إلى أن تفجأ بإرتباطه بأخرى،فتتحطم حياتهاويضيع مستقبلها،وطبيعى أن يُحجم الشباب عن الزواج من فتاة عاشت عمرها كله تحب شاب آخر
وما يحدث من الشاب قد يحدث من الفتاة،فهى فى الغالب غير قادرة على تحقيق العهد بالزواج ممن تحبه،إذ أنه كثيراً ما يحدث أن يتقدم لحطبتها شاب آخر متوفر لديه إمكانيات الزواج،وعلى خلق فتوافق الأسرة على الفور ،وعبثاً تحاول الفتاة أن تفهم والديهاأنها تحب شاباًآخر مازال فى مرحلة التعليم،فالوالدان لايجدان وجهاً للمقارنة إطلاقاً.........!!!!!!!!!!!!!!!
وهنا تضطر الفتاة تحت ضغط الأسرة للزواج تاركة صديقها
والآن أترك لكم الحكم ...

لموضووووووووع روعةةةةةةة
شكرننننننننننننننننن

[rammy]

رد: الحب في سن المراهقة

مابعف هلأكل اللي حكيتيهن مضبوطين


وفوق هيك كمان بشوف الحب بسن المراهقة اساسو الانجذاب الغريزي بس


مو بالضرورة يكون انجذاب جنسي بس


يمكن يكون انجذاب الذكر للانثى والعكس كمان .... وخصوصا بمرحلة فورة المشاعر بهالمرحلة من


العمر ومافي قدرة للسيطرة عليها


ومشان تكمل كمان .... مافي اي طريقة لنمنع هالحب





يسلمو ستيفاني

[harouth]

رد: الحب في سن المراهقة

اسئلة احب ان اطرحها و هي على شكل جواب للموضوع و ردود الاخوة.

1- هل من الممكن ان تكون ((الحب)) في سن المراهقة عبارة عن علاقة جدية بكل معنى الكلمة ؟؟
2-هل مكن الممكن ان تكون ((الحب)) في سن المراهقة كافياً للارتباط و تحمل مسؤوليات الحياة ؟؟
3-هل من الممكن ان تكون ((الحب)) في فترة المراهقة كافياً لأختيار شريك او شريكة حياه ؟؟

بكل الاحوال الموضوع في قمة الروعة و النقاش فيها ضروري و مفيد لأبعد الحدود

[stephany]

رد: الحب في سن المراهقة

انا بعتئد أنو المشكلة بلمجتمع حصرا لانو مجتمعنا بالي ومهترأ وقد ولا الدهر عليه وشرب

ومافي بمجتماعاتنا مرونه بأي موضوع كان فكيف بموضوع حساس متل هاد

وقت الاهل بكون عندن المرونه لحتا يتقبلو هيك شي

وبيستوعبو الولد بهاد السن كل مشاكل الولاد بتصير سهلة وقابله للحل وبصير الولد قادر

أنو يجمع بين الدرس والحب وأي شي تاني أساسا كل ولد بينحرم من هل السن ومن

المراهقه رح بيرجع وبعيشا بعدين هوه متجوز وعندو ولاد ورح يدمر عيلتو ومستقبل تعب

سنين ..

هللق اي أنا معك انو المجتمع بيشككل جزء لا يتجزأ من المشكلة بس كمان العتب بيكون أكتر شي عالمراهق ..او بالأحرى على غريزتو وطريقة تفكيرو المخلوقة


والاهل وقت بكون عندن المرونه ليتقلو هل المواضيع بلومن المجتمع فا على كل الاحوال

خربانه خربانه وما الها حل وكل نتائجها مدمرة للاسره او الفرد او الاطفال

الحل الوحيد توعية المجتمع والبدء من مرحلة الصفر

والعمل سنوات عن طريق الندوات والمدارس والمعلمين والبدء من الجيل الجديد

الاطفال اللي بعدن بي سن 6 ل 8 لانو بهاد السن بتبلش تترسخ المعتقدات براس الطفل

نحنا بحاجه لسنين طويله من التوعيه والتعب
وأنا معك مية بالمية ..لأن في كتير أمور غامضة كمان والمفروض الكل يعرفها ..والمفروض العمل على توعية كافة افراد هذا الجيل وهيك منكون نززلنا بأكبر قدر ممكن من نسبة اللاتوعية وطيش المراهقة ..
بس كمان شو بيساوي الواحد إذا هي السن هية المعروفة هيك والإنسان بطبيعتو هيك

وانا ماني شايف حدا فارقه معو والموضوع عم ينثار هون بمنتدى بلنهايه ومشكورة على

اثارة هل الموضوع لانو بمس مجتمعنا وتقاليدنا وكل معتقداتنا وحياتنا اليوميه

مشكورة

نورت مشكور عالمرور