موسوعة ابيات العتابا والزجل والشعر العامي

[كريستين ويسوع ربي]

رد: موسوعة ابيات العتابا والزجل والشعر العامي

انا لا خال بالدنيا ولا عم لي ولا عندي قصور تغنيني ولا عمله
انا شاعر مالي شغلي ولا عملي سوى رندح عتابا للحباب

[كريستين ويسوع ربي]

رد: موسوعة ابيات العتابا والزجل والشعر العامي

زيارة

مدري بي بيت الزجل مدري بالمديني زرتك فتحتي إلي وإلتي تفضل فوت
والورد جوري الحلا والتلج صنيني وبلش يموج الحلا ويتوهج الياقوت
وتاتسكتيني بإشيا ما بتعنيني ورحتي تردي الغطا عارخامك المنحوت
وإنتي عاوهج المباسم عم تحرقيني إلتي عاوهج الشمس عم تحترق بيروت
مشان الله عاحالي ما تخليني مازال عندك دوا يرد الضجيج سكوت
عن يد غيرك ما بدي علاج يشفيني أو أطبي هالجرح أو خليني موت
وهلأ وراك أنا عم شحشط سنيني شحشط ورايي الهوا أحلام عشتروت
وإضحك عا أهل الهو حتى خوتيني وضليت لوم الدني وأول لبحبو خوت

[SKY ANGEL]

رد: موسوعة ابيات العتابا والزجل والشعر العامي

لك العتابا وينها يا ناس بعدي
اذا انا من على المسرح بيطول بعدي
لك ان قتلتني كرستين بعدي
ال بيزور قبري بينطق عتاب

[كريستين ويسوع ربي]

رد: موسوعة ابيات العتابا والزجل والشعر العامي

أنا خوفي من عتم الليل و الليل و حرامي

يا حبيبي تعا قبل الليل و يا عيني لا تنامي

يا حبيبي لا تغيب كتير تتأخر ليليي

لا بدي هدايا خرير أسوارة عيديي

بدي من عشيي نقعد بالسهرية

و صوتك يضحك ملوا البيت و يضوي أيامي

وعدوني عيونك بالنوم رجعوا سهروني

و راح اليوم و ميت يوم ما عادوا سألوني

قلتلك نسيوني راحوا ما حاكوني

إذا عرفوا فينا الحلوين يا حلوى بتنلامي

[كريستين ويسوع ربي]

رد: موسوعة ابيات العتابا والزجل والشعر العامي

هيهات لوعندي حلم هيهات عاقد ماعندي أنانيّي
بحّولك إنت أنا بالذّات وبلبّسك روحي الطبيعيّي
لكن إذا فشلو التّمنيّات وعمري استسلم للعبوديّي
بترك إلك منّي تلات كلمات (محبّتي والآخ والنهدات )
من القلب هالبيحبّك هديّي

[SKY ANGEL]

رد: موسوعة ابيات العتابا والزجل والشعر العامي

هيهات لوعندي حلم هيهات عاقد ماعندي أنانيّي
بحّولك إنت أنا بالذّات وبلبّسك روحي الطبيعيّي
لكن إذا فشلو التّمنيّات وعمري استسلم للعبوديّي
بترك إلك منّي تلات كلمات (محبّتي والآخ والنهدات )
من القلب هالبيحبّك هديّي

وهي شو نثر مثلاً

[كريستين ويسوع ربي]

رد: موسوعة ابيات العتابا والزجل والشعر العامي

بحياة مين كوّن جمالك يا حلو يكفاك بقا قلبي العزيز تذَلّلو
ان كان ما بتشفي جريحك بالهوى عالقليله يا حلو ما تقتلو
ان كان ما بتشفي جريحك بالهوى عالقليله قول ما عندي دوا
ما عظني طير طاير بالهوا متلي مضعضع او مسافر بالبحور
والمواج تطيلعو وتنَزلو

مِتلي مضعضع او مسافر بالبحور ماشي محير بين ظلام وبين نور
قديش بِتتحمل وبتساع الصدور لا بعرفك صاحب ولا بِعدك عدو
مر المذاق وبالوقت نفسو حلو

لا بعرفك صاحب ولا بِعدك عدو ومصيبتي قلبي المالو عندك هَدُو
جرّبت حتى عن غرامك ابعدو كِل ما لو ازداد في حبك ولوع
وقللي انا ما خلقت غير تا كون الو

كل ما لُو ازداد في حبك ولوع ولو بالقلوب دموع كان زخ الدموع
ويا يسوع بحياة جروحك يا يسوع يما لموس الجرح تا يطيق القلم
يما لْهُوم القلب حتى يهملو

[كريستين ويسوع ربي]

رد: موسوعة ابيات العتابا والزجل والشعر العامي

ان بكيت

ان بكيت الكون من أجلك بكي وان ضحكت انهز عرش المملكي

وكل شي ربي خلق لطف وجمال أعطى البشر قيراط والبقوي لك
وكل شي ربي خلق لطف وجمال قيراط خاس وعوضو هيبي وكمال

والقوى وغنج المعاطف والدلال والشقاحة كلها خلقت بك

والشقاحة كلها خلق وخلق عا رسم كسمك خالقك ما عاد خلق

عيون زرق، شفاف رق من الورق وسنان لولو وشعر دبس بعلبكي

وسنان لولو وشعر ساجد علقدام يشفع بقلب المبتلي ويقول حرام

وما بينعرفش الثغر لولا الابتسام فستق مشقق ريحتو كالمستكي

فستق مشقق ريحتو ند وزبد وما بينطبق حرف الا بالزبد

ولسان أحمر مخملي عليه انعقد شهد اللمى حتى يصير حلو الحكي

شهد اللمى حتى يصير حلو الكلام والعنق الله يسلمو عنق الحمام

وكتفين جسام وزنود لولا من الكمام ذابوا كما يذوب الذهب بالمسبكي

ذابوا كما يذوب لولا الكمام ولولا الانامل بالكفوف متل القلام

والخصر لاطي تحت هاك الفيتين ناحل ملوى من التحافي بيشتكي
ناحل ملوى بيتقصفو لفحة هوا وكيف ما الردف التوى تشوفو التوى
ووصف البقيي صعب يا أهل الهوى ومعنى الكلام بيدركو العقلو ذكي
ومعنى الكلام يا مهجتي وفحوى الخبر انت وأنا بجو الغرام شمس وقمر
ما منلتقى يا لهفتي غير بالنظر ويا ريت الا عا طريق السالكي
ويا ريت الا عا طريق سالك صريح تعبان بحالي وما بقيت رح بستريح
وحق السما ووحياة جروحات المسيح ما بذكرك الا بيطلعلي البكي

[كريستين ويسوع ربي]

رد: موسوعة ابيات العتابا والزجل والشعر العامي

وهي شو نثر مثلاً

لك انت ماقريت عنوان الموضوع وفحواه حتى عم تحكي كل هذا شو انا بدي ضل علمك

اوف ياه

[كريستين ويسوع ربي]

رد: موسوعة ابيات العتابا والزجل والشعر العامي

هدية

ياريت عندي وأخ لوفيّي عاقد حبّي جبلك هديّي
كنت بهديكي شذا الوردات وأسرار أحلام الطفوليّي
وكنت بتعمشق على النجمات بسحّب شلل خيطان فضّيّي
وبكلّف ملايك وحوريّات تحيكلك بلوزة ألوهيّي

خليل روكز

[kamal jamal aldeen]

رد: موسوعة ابيات العتابا والزجل والشعر العامي

جريس البستاني
تركتك تركت محبتي وفليت وشو قيمة الطير البلا جنيّنة
تمنيت أحمل رسمك اللحبيّت أوفي صحابو جزء من ديّني
ولو كان عندي متل ما اتمنيّت رغم المسافة اللبينك وبيني
كنت كـل مابرسـمك تلاقيت بخدر ألـم نفسـي بنظـر عيني
وتـاريّـح عيـونـي من الآلام تخايـلـت طيـفك مـتل ماكنتي
وصورتك وبالرغم مش رسام طلعت الصورة متل ماإنتي
والريشة الـلـي بالـنورمغـمـورة كسـرتها بإيـديـن مأسـورة
وبوّست رسمك وشبعت تنهيد وسألت حالي بنفس مقهورة
كيفـك ياروحي ياغـرام جديـدوسـمعت كلمة عال مسرورة
مدري صداصوتك وصل لبعيد مدري يأيدي حكيت الصورة
وبتـعـرفي الـلي مفارق ليـالي بـيخطر عبالـو حبك اللغالي
ومن كتر ما خايف حلاكي يكون مصفرّعالهجران كرمالي
تتـنهد الصورة بقلب محزون وأحـكي كلمة وينشـغل بالي
تركتك لحالك وعملت مجنون أسـأل عليكي ورد عاحالي
ورجعت أبكي وراجع حسابي شو في ربح تخمين بغيابي
وشو كان لازمني تا أهجر طير قلبي بظل جوانحو رابي
وحيث الدنيي رحلة مافيها خير... وكل الغنا بعيون أحبابي
ماعاد بدي من حياتي غير... تكوني بقربي وحدّ مني تكون
ولا يـكـون مـال الـكـون بـجـيـابـي
؟.؟.؟.؟.؟.؟.؟.؟.؟.؟.؟

[SKY ANGEL]

رد: موسوعة ابيات العتابا والزجل والشعر العامي

ضيعا بقلبنا مغلغل هواها
وع درب العين عم يلعب هواها
ما زلنا يلي الدير هواها
بتدت بعمارها زنود الشباب

[SKY ANGEL]

رد: موسوعة ابيات العتابا والزجل والشعر العامي

لبنان عرس الدني معجوق بالاحان
رقص بنات السما مرجح على الايام
ارزو ربيع العز هالاخضر الالوان
تفاح خدو الحلو حوا مقضيها
والكرم الي من تاني يضوي بالذهب
ما في شي عالكرم ينفي طهرها
بالكرم الي من ما بكي غير التعب
منخمرة العنقود جيتي تشربي
دنيي اوعا تخليها بفكرك تلعب
والي بيفكر فيها بدو يتعب
جينا الصبايا عتز وسكاي انجل بعدو بعزو
وبعدو قلبي برفة عين وعقدة حاجب بتهزو
الورد ال مقابيلك شافك قرب ليكي وما خافك
شبعتو بجرحو ولونها وصار يبوسك من شفافك

[SKY ANGEL]

رد: موسوعة ابيات العتابا والزجل والشعر العامي

من بطن أمي خلقت عم غني عتاب
حتا العتابا بنتلها اعلى عتاب
عززتها وما الها علي عتب
ومن بعد موتي تيمت يا ميجنا
نشالله يكونو سامعين حبابنا

[كريستين ويسوع ربي]

رد: موسوعة ابيات العتابا والزجل والشعر العامي

انا شوكة مشتولة بحلق كل رجّال

جرّة قبقابي شعر , واللحن خلخال

ان كان التانيث لاسمي بعيبني

ما كانوا انثوا الشمس وذكّروا الهلال .......

[lonlygrave]

رد: موسوعة ابيات العتابا والزجل والشعر العامي

لبنــان.. ياريشِة وْحَرِف وازْميل
وكْتاب للأجيــــال آيــاتـو
يـارَيْت مِنُّو جِفِن “رافــائيـل”
يِشـْبَع نـَظـَر، وتْهِـلّ دَمْعاتـو
ويْشيـل صورَة لألِف جيل وْجيل
وتْزيـد قلب الكـَون خَفـْقـاتُـو
يْكَسِّـر اْقْـلام يْـزَغـِّرْ تْماثيـل
وْمِن بعد مِنهـا .. يْزِتّ لَوحاتـُو.

للشاعر اسعد سابا

[SKY ANGEL]

رد: موسوعة ابيات العتابا والزجل والشعر العامي

العتابا بعد موتي تصير خلفي
حزينة جرعوها الكاس خلفي
وأذا بغيابي عليها صار خلفي
ندهوني بقوم عليها من التراب
نبع العتابا تحت أرزا ربنا

[كريستين ويسوع ربي]

رد: موسوعة ابيات العتابا والزجل والشعر العامي

بيت الحوت الكلو بيوت

بيوت لعيونك بالحيطان

عين تقلي آني الموت

وعين تقول آني الدفان

ولمّا اسال وين اموت؟؟؟

العينتين ينفتحان

ويقولو هون التابوت

ولمّا احتار بين التنتين

يقولولي انشقي نصين

هيك الموت ببطن الحوت !!!!!!

تتردي دين الديان

[SKY ANGEL]

رد: موسوعة ابيات العتابا والزجل والشعر العامي

لك انا كالصحو بفاجئكون عقب راي
لين كالخيط بينزل ع أبراي

وبعد موتي روحوا ودقو ع قبري
لخلي حجارتو تصرخ عتاب
ونبع العتابا تحت عتبة بيتنا

[كريستين ويسوع ربي]

رد: موسوعة ابيات العتابا والزجل والشعر العامي

سـكاي.. يــا مستشار منتدانا المَـلَـكْ يامَنْ كتاب الشعر مِن وحيـو مَلَـك

لا تسـأل الشّعّـار عِنّـا مَـن هَـلـك ؟ هيدا لانّو ما ارتوى مِن مَنهلـك !!

مِن مَنهلـك نحنـا ارتوينـا شْموخْنـا و شْموخْنا وّ أشعارنا هْديّيّ إلكْ !