موسوعة ابيات العتابا والزجل والشعر العامي

[lonlygrave]

رد: موسوعة ابيات العتابا والزجل والشعر العامي

يا راعي القصبمبحوح جايي ع بالي شروقي
قلّو للقصب ما يبوح بالسرّ اللي بعروقي
وإن ضعنا سوىبهالليل خلّي صوتك مسموعي
يا رايح صوب مشرّق شرّق ما بو ربيعي
راحوا يرعوا غنمهن والعشب فوق ضلوعي
وإيّام الـ غابنولفي لعدّن ع صابيعي
وعتّم علينا يا ليل وضيعي يا حلوة ضيعي
قالولي إنّي عشقان وأني مش داري بحالي
بين الصاحيوالغفيان لمحت خيالك قبالي
كان الصبح شنّو بان وآدان الصبح عالي
ونازل من صوبنمرسال من عيني نزلوا دموعي


للشاعر طلال حيدر

[honey]

رد: موسوعة ابيات العتابا والزجل والشعر العامي

أسعد سابا .. ميـن دَلـَّكْ

ميــن دَلـَّك، بالهـوى، عَ بيتْنـا .. .. .. مُرِّ النَّوى بْكاس العذاب سْقَـيْـتْنا

وْمارْبِحْنـا بْعِـشْرِتَـك غير الألـم .. .. .. حبَّيْتْنـا!! وْيارَيْـت ما حبَّيْـتنـا

فْرِشْنا طَريقَك ورْد يِضْحَـك للدّلال .. .. .. وْقِلْنا جَمالَك ما انْشَغَل متْلُو جمال

وعْمِلْتـْنا زَهْـرِة غَرامَك والخَيـال .. .. .. ورْمَيْـتْنا من بعد ما شمّـيْـتـنا

الله! شـو حمّـلتـْنـا قهْر وْضَنـا .. .. .. إنْ كان الغِنى بالوهْم هالْقلب اغْتَنى

ما عاد مَـرَق عَ بـالْنا طيف الهَنـا .. .. .. من يَوم ما بْضَـوّ القمـر حاكَيْتْنا

عْلَيْنا إنْ كِنِتْ عتْبان لا تِخْفـي العَتَب .. .. .. مِن هالعَداوِة ما بْيِجي غير التّعَبْ

دلَّيْتنـا عَ درب حُبَّك .. شو السَّـبب .. .. .. ضيَّعتـْـنا من بعد ما دلَّيْـتنـا؟؟

لَـيش تِقهـر قلب بيـرَفْرِف مَعَك؟ .. .. .. شو وَلـَّعَك بِغَيرْنـا شو وَلـَّعَك؟

لَوَّعْـتنـا .. بُكرا الهوى بيلَـوّعَك .. .. .. بِتْعود تِنْدَمْ قـدّ مـا عادَيْـتـْنـا

[honey]

رد: موسوعة ابيات العتابا والزجل والشعر العامي

أسعد سابا .. قلعة

كلّ عمرِك صـامْدِة بْوِجّ الزّمـان

والمجْد قَلِّكْ عَ الرّياح تْمَرَّدي

والشّمس نَدْهِتْلِك يا إخت العنفُوان

وْيارْكيزْة القُوِّة، كْتافِكْ مَسْنَدي

إنتي كْتاب الدّهر، إنتي حْكايْتُو

وْعابر سبيل، العمر عا درْبِك

مجد الوطن، والفكر.. إنتي مْرايْتُو

وْلحن الأبد غنّيّْتُو، قلبِك..

[honey]

رد: موسوعة ابيات العتابا والزجل والشعر العامي

أسعد سابا .. مدرسة الضّيعَة

هَوني الِمْعَلِّم كان يِجْمَعْنا

وِيْصِفّنا .. واحد ورا التّاني

وْتحت فيِّةْ هاْكِ السِّنِدْيانِة

تاكُل وْتِشْرَب وَهِرْتُو معْنا

قَدَّيْش ربِّت تحت عَتْبِتْها شباب

وْقَدّيش بقْناديلْها مَسْحِت ضباب

ما كان لو منها بْضَيْعِتْنا حَدا

يَعرِف يْعَلِّق حرْف أو يِفتح كْتاب.

[lonlygrave]

رد: موسوعة ابيات العتابا والزجل والشعر العامي

زعلي طول أنا وياك و سنين بقيت
جرب فيهن أنا إنساك ما قدرت نسيت
لو جيت نهار عابيتي لقيت إنك حبيبي بغيابي جيت
بتشوف إن ما مرقوا إلا إيديك على هالبيت
كإنك حبيبي و أنت عينيك هلق فليت
يا ريتك هون حبيبي و ليل
و يكون نبيد و شمع الليل
و أكتبلك عا ورقة حتى ما قول ما بقدر قول
يا ريتك مش رايح يا ريت بتبقى عطول


للشاعر جوزيف حرب

[honey]

رد: موسوعة ابيات العتابا والزجل والشعر العامي

أسعد سابا .. مَسْبَحة سِتِّي

يِرْحم الإيد الزَّرَّدِتْ حَبَّاتْها

هالـْ بَعدْها تِذكارْ

وْتِنْزَل عَلَيها دْموع سِتِّي نارْ

قدَّيش لمّا شِفِتْها حِنَّيتْ

كانت رْفيقِة عمر إمّ البيت

وْبعْد فيها عِطِرْ مِن نَفْحاتْها.

[honey]

رد: موسوعة ابيات العتابا والزجل والشعر العامي

أسعد سابا .. محِدْلة

بَعْدِك، عَ ظنِّي، بْتِذِكْري هالاختيـار؟

وْعا طلّتـُو بْتِتْنَغـّصي ..

وْكيف فَوق السّطِح كنتـي تِرِقْصي

لِمِّن يْكـون الطّقِسْ مايـلْ عَ الغْبـارْ.

[honey]

رد: موسوعة ابيات العتابا والزجل والشعر العامي

أسعد سابا .. مغزال

تَحت التّـراب الـْ فيـك كانِت تِعْتِنـي

وْمـا تِتِرْكـَكْ مِن إيْدهـا طول السِّنـِة

وْتِغْشـى عِنِد ما تِنِقـْفـَكْ صابيـعْهـا

يـاحَسِرْتي .. إنت بْدِنـي وْهِيِّي بْدِنـي.

[honey]

رد: موسوعة ابيات العتابا والزجل والشعر العامي

أسعد سابا .. ديك

يا ديكْنا الأغبر، يا هالدّيك الفَصيح

فتّحْت عين الفجر عَ صْياحَكْ

تْكَبَّر وْإمْسح بالسّما عرْفَك وْصيح

وْنَفِّض عَلى هالْمَصطَبِة جْناحَكْ

وهالفَرْخِةِ اللّي قِنّها لْقِنَّكْ قريب

بِتْضَّل عينَكْ شايْحة فيها

خايِف عَلَيها يْزاحْمَك ديك الغريب

تَ وَهرْتَك بِتْضَّل عاطيها.

[honey]

رد: موسوعة ابيات العتابا والزجل والشعر العامي

أسعد سابا .. لبنان

لبنــان.. ياريشِة وْحَرِف وازْميل

وكْتاب للأجيــــال آيــاتـو

يـارَيْت مِنُّو جِفِن “رافــائيـل”

يِشـْبَع نـَظـَر، وتْهِـلّ دَمْعاتـو

ويْشيـل صورَة لألِف جيل وْجيل

وتْزيـد قلب الكـَون خَفـْقـاتُـو

يْكَسِّـر اْقْـلام يْـزَغـِّرْ تْماثيـل

وْمِن بعد مِنهـا .. يْزِتّ لَوحاتـُو.

[honey]

رد: موسوعة ابيات العتابا والزجل والشعر العامي

زين شعيب .. يا جنوب

يا جنوب يا أغلى من الغالي

يا أرض خضرا يا جبل عالي

يا مقاومة عالضيم ما بتنام

عكل تلة مدفعك صالي

يا شعب صابر على الآلام

يا جروح ما بتروح من بالي

صخورك بوجه المعتدي أعلام

والسنديانة رماح قتالة

بإنجيل عيسى ومصحف الإسلام

جنوبك سياج وأرزك شمالي

جاهدت حتى تعبت الأيام

لكن إنت ما تعبت يا غالي

حتى اليتامى الفيك مش أيتام

هودي بقايا جروح سيّالة

حدودك سما وحبك صلاة وصيام

إنت خلقت إلنا الحما والعرض

نحن إلك يا جنوبنا الغالي..

[honey]

رد: موسوعة ابيات العتابا والزجل والشعر العامي

زين شعيب .. غزليات

قالوا كبرت يا بو علي والعمر فات

ويمكن صرت عاجز تأدّي الواجبات

كان لك زمان تغازل زهور النبات

وتفيّق النسر اللي بقلب الوكر بات

قلتلهن وحياة كل الآنسات

وكل شي خلق الله حلو ومرطّبات

بعدني لولا كمشت شلف الحديد

وقت اللي بدي بعملو غزل البنات

[honey]

رد: موسوعة ابيات العتابا والزجل والشعر العامي

زين شعيب .. سمرا

سمرا يا مّ عيون وساع

والتنورا نيليي

مطرح ضيّق ما بيساع

بخبيكي بيعينيّي

[honey]

رد: موسوعة ابيات العتابا والزجل والشعر العامي

زين شعيب .. بفزع إذا فيكي البشر بيتطلعو

بفزع إذا فيكي البشر بيتطلعو

ومن غيرتي بيّي إن حكاكي بمنعو

فوتي من عيوني وعلى قلبي نزلي

(وإن ضايقك بصبوص عيني بقلعو )

[honey]

رد: موسوعة ابيات العتابا والزجل والشعر العامي

زين شعيب .. شحاد

يا مين ع شحاد يهديني

كرمال سر الكار يعطيني

لا مال بدي ولا برزق طمعان

ولا مقصدي ضيعه ولا مديني

بدي عصا من قرنة العميان

اتعكز عليها بتكفيني

أتدروش وأمرق على الجيران

ع كل عتية ينحني جبيني

إيه شحاد

بشحدلك عاطفة وحنان

للقلب لي إبتعد عني ونسيني

بشحدلك كحلت الغزلان

لعيونك لي فيهم قتلتيني

بشحدلك من الورد والريحان

حتى وين ما دعستي تأشعي زيني

وببكي

وببكي على مجنون ليلى مجروح

والكاويه كاويني

وبقصد على الأرزة مهد جبران

وبقلوا ع سلمى دخلك اهديني

تاشوف شو قلتلها قصدان

من روح أحلى روح غزيني

لو كان قلبك من صخر صوان

حله يلين الصخر وتليني

راضي لا والله مش زعلان

إعدام بقبل لو حكمتيني

ع شرط إنتي تفصلي الأكفان

وابقي ع قبري بالسنة مرة حسنة لوجه الله زوريني ..

[tireza]

رد: موسوعة ابيات العتابا والزجل والشعر العامي

علمتها تقلي "حبيبي" بلفظها

تعجبت لما ترددت في حفظها

قالت: "البائيـن" لفظة واحدة

بخاف يجرح نعومة شفافي لفظها

قالت: "البائين" لفظة واحدة

تلاقي شفافي كتير فيها مجاهدة

قلت: بِكْفَل، بس أنتِ تحايدي

وقطعي لفظة "حبيبي" عشـفاف

وتجنبي زحم الحروف وكظها

وقطعي لفظة "حبيبي" عشفاف

انخفتِ عليها شوي أنا أكثر بخاف

وليش باءات "الحبيب" تعمل جفاف

عالشفاف ، والباء، ألطف ما انعرف

بين الحروف وكثير عالي حظها

عالشفاف والباء ألطف ما انعرف

وما حدا عليها مع التاني اختلف

بيقدموعا عالجميع حتى الألف

بيـحذفوها لأجلـها دنيـا وديــــــن

تيميزوا لطف الحروف من فظها

بيحذفـــوها لأجلهـا دنيـا وديـــــن

با ضمة ، بـو، أول علوم المبتديـــن

و"بسم الصليب" شعب المسيح، والمسلمين

هيك، "بسم الله الرحمن الرحيم

وكل نفس تسرها وتحظها

هيك "بسم الله الرحمن الرحيم"

منها سواكِ ما اشتكى جديد وقديم

قالت: ويا ذلي أنا، حتى النسيم

إنمَــرّ عشفافي، وما كنت محـذرة

كمَّش ليونتها عليها وبظها

إنمر عشفافي، وما كنت محذرة

كـمَّـش ليونتها، وتركها مخـدرة

اشـحَوْك وحرفين "با" يا معتـرة

ولو على رايـك بلطـــف تقطعـوا

لفظتين، بيصير أتقل بهظها

ولو على رايك بلطف تقطعــــوا

بدل لدعــة مرتيـــن بيلدعــو

قلت: وشو بيعمل القلبو بيوجعـو

عاألف مرة شفافك توجعــك

ما بين جلجلة الشفاف ولمظهـا

عا ألف مرة ما شـــفافك توجعـك

من لفظة المنها شفافك تندعلك

جربيها شوي شوي بتمشي معك

ولو انضمت شي قليل ، تحملي،

ما جاوبتني ، بس جاوب لحظها

أمير المعنى - رشيد نخلة

[كريستين ويسوع ربي]

رد: موسوعة ابيات العتابا والزجل والشعر العامي

انا والحب وقفنا نواطير

ياطير مر من عنا ويانوى طير

واذا ع تعذيبك نوى طير

لاكسر جانحه برمش الهداب

[كريستين ويسوع ربي]

رد: موسوعة ابيات العتابا والزجل والشعر العامي

انا عجهنم ان جربت ودي
بوساتي ورود بيزرعوها
انا الغيم وجنون الريح ضدي
الرعدة بكل بوسة بتسمعوها
انا بالبحر موجة من المودة
بتضحك والصبايا بيعزموها
وتبوس الشط بجزري ومدي
بولزات الحرير يحكوها

[كريستين ويسوع ربي]

رد: موسوعة ابيات العتابا والزجل والشعر العامي

قالـِت بحبـَك
بس حُب جديد
ممنوع تلمسني
لـَمِس بالإيد
قـِلـْتِلها اللي
بيزرَعْ الكرمات
مجبور منها
يـُقطـُف عناقيد
قالـِت عـِند ما
بتقشع العنبات
غـِضّ النظرْ
وتفرَّج من بعيد
قـِلتلها بعنقودِك
الحـَبَّات
ما بـِترِكـُن غير
ما يصيرو نبيد
قالت أنا نحلِة
من النحلات
لا غِشْ في
عندي ولا تقليد
قـِلتـِلها الدبور
للعَسلات
مش رح يوفـِرهُن
لـِيوم العيد
قالت أنا بحبك
بلا غايات
قديش صَرلي
هالكلام بعيد
لا تـِغـّرْني
ولا تكبِّر الفـَشخات
ما فيك تـَعمِل
متل ما بـِتـْريد
قلتلها يا
مسَييجي الوردات
لو الميّ بدا
توقـَفْ عواميد
يما إسمَحيلي
فـَرفـِك الحَبقات
يما تركيني هيك
واعْفيني
من حُب لا بينفـَع
ولا بيفيد

[كريستين ويسوع ربي]

رد: موسوعة ابيات العتابا والزجل والشعر العامي

زجلنا الما لنا عيشي بدونو
رح تدبل زهوره على غصونو
بأيـّا شكل وبأيّا طريقه
من نياب الخطر لازم نصونو
اعذروني ان كنت عم بحكي الحقيقة
يا مسؤولين سهرانين كونو
بل ما نوقع ويوقع بضيقه
رجلنا لازم نمكّن حصونو
بيجي كل مطرب يغش الخليقه
وبيصير يجنّ ع المسرح جنونو
ويترقوص على صوت الموسيقى
متل شي قرد ع الشجرة يا نونو
وألف دولار يقبض بالدقيقه
ع نتف حواجبه وكحلة جفونو
ع شو؟ ع لحم غنيه عتيقه
أو تا يلعب بعقل الصبايا
بشعراتو وبتدبيلة عيونو